رواية جنون عاشق الحلقة السابعة | القلم الناجح
روايات ليبيه كاملة

رواية جنون عاشق الحلقة السابعة

جميع حقوق الطبع والنشر محفوظة

#جنون_عاشق

الحلقــــــــــ(7)ـــــــــة

هارون ::::::😏 مافيها تعب قلت لبنت المراة يلي تخدم عندنا تديرها وتجيبها
حسام ::::::: سكت وحس انه فيه حاجه مش مزبوطه كيف البنت بتجيبها
هارون :::::: شاف غالية جايه 😠 اهي البنية جت
حسام :::::: لا اردين تلفت 😳
غالية :::::::😳 ح حسام !!!!!
حسام :::::: وقف وشاف لهارون
هارون :::::: 😏 يشوفلهم كيف مصدومين ويشفوا لبعض ،، غالية وحسام فهموا حركة هارون
حسام :::::: خدي مفاتيحة من عالطاولة ومشي للباب
غالية ::::::😠 شفت بحقد لهارون وحطيت القهوة عالطاولة وطلعت وراء حسام ،، حسام حسااااام استنى
حسام ::::::: 💔☹️ غالية افضل مانتكلموش توا ومانتكلموش هنى وركب سيارته وطلع
غالية ::::::😤 خشيت وانى معصبة 👏🏻👏🏻 صفقت واو برافوا شن حصلت توا ؟؟؟😡 شن استفادة ؟؟
هارون ::::::😠 واجعك كيف فاتك ! من الاول عارفه كان عرف انتِ من بيفوتك هذا علاش استخدمتي اسم عيلتي ؟ 😠
غالية :::::::قمت يدي كأني بنضربه بوكس بعدين نزلتها 😡 تي انت شن يامخلوق من تحساب روحك ؟؟ من انتم باش نستخدم اسمكم اصلا ، كل يلي صار سوء تافهم بس بسسسسس مريض مغرور
هارون ::::::: 😏 كان مخدمك ويبيك بس لانه يحسابك اختى من غدوا يطردك شن تحسابي انتِ
غالية ::::::: مره مره في حياتي يصدمني حد ويطلع مش زي ماتوقعت ، 😤 من يوم شفتك وقلت عليك واحد وقح وماعنداش احترام للناس ويحساب الناس عبيد عنده مجرد انه عنده شويه فلوس
فارس ::::::: خاش من الباب 🤨
هارون :::::: بيتكلم بس شاف فارس سكت
غالية ::::::: تلفتت شفت فارس ، قربت شوية ورفعت صبعي السبابة في وجه هارون بتهديد ☝🏻انسى كل شيء في حياتك بس حركتك اليوم ماتنسهاش ومشيت وخليته
هارون ::::::: في باله انه غالية هي يلي كاذبه على حسام وقايلتله انها بنتهم لهذا ماكانش نادم على يلي داره
فارس :::::::: جي وقف جنبه شن صاير ياراجل !!

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية:::::: خشيت لحوشنا طول ناخد في شهيق وزفير بقوى مانبيش نبكي من وفاة بوي مابكيتش وعلاش بنبكي على موقف تافه داره شخص تافه ، حتى حسام ماكان يعنيلي شيء بارك الله فيه خدمني صح لكن كان مافهمنيش وطردني عادي 🤷🏻‍♀️ علاش تلومي في الناس تستاهلي ياغالية لو من الاول وضحتي سوء التفاهم يلي صار لحسام راهو مش كلب زي هارون استغل الموقف ودار فيك هكي شديت رأسي بيديه 💔 شن يبى المريض هذا خيره ماجاش كلمنى بروحي علاش الحركة هذه
العنود :::::: غالية خيرك ؟ شن فيه
غالية :::::: شيء عندي صداع المهم امى قالت تبي مسكن جبتهولها قعد في شنطي وشنطي قعدت في حوشهم اعطهولها وجيبيلي شنطي
العنود :::::: باهي توا نجيبلك بندول خوديه وارقدي وبعدين نمشي نجيبها

~~~~~~~~~~~~~~~~~~~~~~~~~~~~~~

هارون ::::::: حكي لفارس انه حسام نفسه وانه حسام كان يعامل فيه بطريقة خاصة لانها كاذبه عليه انها اخته وحكاله الموقف يلي داره ليهم
فارس ::::::: عيب ياراجل مفروض خديت البنت على جنب وقلتلها راهو نعرف واحكي للولد بدل مانحكيله انى علاش تصغر فيها قدامه
هارون :::::😠 لانه يبيها غر على عيلتها وفلوسها وهي عارفه لهذا استعملت اسم عيلتي تي ترضا تتشوه سمعت اختى يحسابوها هي
فارس ::::::: تي ياراجل علاش تتشوه حسيتنى انها اشبح شن دايره عادي تصير حباته ماتبيش تخسره تبي لين تتأكد منه بعدين تقوله
هارون :::::: 😠وقف تي شن حباته علاش بتحبه؟
فارس ::::::: هز رأسه بإستسلام تي مش انت يومها قلتلي تحب واحد هذا علاش تصرفت معاي هكي وقلتلي فوتها 😒
هارون :::::::: ماندريش ماتحباش 😡 ماتحب حد وشاف لصفرة القهوة عالطاولة خبطها بيده مشت كل حاجه في مكان وخش وخلاه

~~~~~~~~~~~~~~~~~~~~~~~~~~~~~

#ثاني_يوم

غالية::::: مش عارفه كيف رقدت ولا امته نضت الساعة 7 دوشت وجففت شعري صليت وجهزت الفطور غيرت ونوضت امي والعنود
العنود ::::::😍 تهبل طالعة عليك اللبسة الجديدة
غالية:::::: ههههه دلينا كل ماتشوفينى قولي اللبسة يلي شرتهالك كانت عبارة عن سروال جينز اسود مزبوط وبلوزه عسليه قماشها يهبل دخلتها من قدام في السروال ووشاح قهوي سبيدرو ابيض وسبته قهوية
فطرنا مع بعض وخذيت شنطي وطلعت ضربت عينى على مكان سيارة هارون لقيتها مش موجوده 😒 طلعت مشيت خطوتين درس جنبي
هارون ::::::: مركز في شكلها ولبستها ماشية بترضيه ؟
غالية ::::::😠 ماشية بننتحر شن تبي انت
هارون :::::: وقف السيارة ونزل نستنه فيك بنعطيك هذه ومد الكاميرا متعها اكيد بترديله حاجات
غالية :::::: ماعندكش مشاعر اوكي لانه ماعندكش قلب ، لكن معقولة ماعندكش حتى عقل تفكر بيه !! ومصدق انى استغليت اسمكم اسم عيلتك 😏 !!!! اكثر اسم كرهته في حياتي جبدت منه الكاميرا بقوى وكملت ، وانى الحق ماكانش هامني حسام يرضا والا لا بنشرح موقفي وهو حر توا بعد تسهويك هارون وانه بيطردني وووو بديت مصرة انه يرضى

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود ::::::: مشيت للعمل لبسة وحده من اللبسات الجدد حطيت ميك اب مع انى منحباش لكن يغير 🥺 كل شوية نشوف لروحي في كامرات التلفون 😍 وناخد سلفي
ادريس ::::::: هناء صالة الاجتماعات يلي تحت جاهزة ؟؟؟؟
هناء :::::: اي جهزتها انى والعنود
ادريس :::::: عيونه عالعنود 😍 تمام هاتي الملفات وهيا
هناء ::::::: قامت ملفاتها وجت بتطلع
العنود :::::: خديت الايباد يلي نسجلوا فيه في الملاحظات ووقفت بنلحقها…
ادريس :::::: اعطهولها هي وانتِ اقعدي هنى
العنود ::::::🤨 علاش مش حاضره الاجتماع انى ؟؟؟؟
ادريس ::::::: ايه اقعدي في المكتب
العنود :::::::😒 تعصبت خيره هذا كل يوم بشكل عنده 💔
هناء :::::: مستغربه خدت منها وطلعت
ادريس :::::: بعد طلعت هناء 😉 غمز للعنود وطلع
العنود ::::::::😳 خيره هذا في الدقيقة يقلب الف مره

~~~~~~~~~~~~~~~~~~~~~~~~~~~~~

غالية :::::: قلت صبح مانبيش نتكلم توا وفي الحقيقة فيه خوف في قلبي مع الساعة 10 خش حسام 💔
حسام :::::: صباح الخير
غالية::::::😳 صباح النور ، كنت بنجيك بس قلت توا صبح
حسام :::::: هز رأسه بمعنى اي
غالية :::::: حسام شوف اسفة بجد اسفة انى مافكرتش نكذب عليك بس الصراحة انت فهمت غلط وانى ماشرحتش انى بجد ماعنديش نية نحكي اسباب قعدتنا عندهم وووو الموضوع بدى مرهق عندي
حسام :::::: صح عندك الحق انى فهمت غلط الغلط منى انتِ سكتي بس ، وجت عينة عالكاميرا ، هذه شن غالية ؟؟؟؟
غالية ::::::: ا ا
حسام :::::: بتردها ليا ؟؟؟
غالية :::::: حسام شوف عندك الحق ماعادش توثق فيه وتطلب منى نطلع من العمل
حسام :::::: ضحك علاش خنبتى ؟؟ والا غلطي في وصفة لحد سببت مشكلة 🤷🏻‍♂️ شن دخل هذه في هذه
غالية :::::: ☹️
حسام :::::: انتِ ماكذبتيش حتى عليا مجرد انك سكتي وانى تصرفت من رأسي وحاولت نتعرف على هارون ودرت حاجات
غالية ::::::: شكرا حسام
حسام :::::: تلفت بيطلع بعدين رجع ،، هارون علاش دار هكي ؟؟؟؟ فيه وفيك انى متعرف عليه من أسبوعين ماشاف منى الا كل خير علاش الموقف يلي داره
غالية :::::: بجد حسام مانعرفش المريض هذا علاش دار هكي ماتكلمش معانه كل واحد بروحه
حسام ::::::: 🤔 علاش ساكنين في حوشهم وكان امك تخدم عندهم ؟
غالية ::::::: عندك وقت تسمع
حسام ::::::: تعالي لمكتبي

~~~~~~~~~~~~~~~~~~~~~~~~~~~~~

العنود :::::: قعدت متعصبة من حركة ادريس ساعتين لين تم الاجتماع وجوا للمكتب
ادريس :::::: العنود هاتي الاتفاقية يلي موقعينها معاهم وتعالي لمكتبي
العنود :::::::😒 خديتها ونضت او ماخشيت من الباب
ادريس ::::::: لف يده على خصرها وجبدها ليه
العنود :::::: انخلعت شهقت اهاا
ادريس ::::::🤫 اششش خيرك
العنود :::::::: نحاول نحول يديه 😒 اهي الاتفاقية يلي طلبتها
ادريس :::::: خدي منها الملف حدفه عالارض انى طلبتك انتِ وقرب بيحضنها
العنود ::::::: دفيته بيديه الزوز ، توا كنت متعصب منى شن صار رضيت عليا !!!
ادريس :::::: انى متعصب منك امته هذا ؟؟؟
العنود ::::::: لما رفضت نحضر الاجتماع 🤨
ادريس :::::::: يشوف لفمها مانبيش حد يشوفك غيري الاجتماعة كله رجالة وانتِ حلوه يلي يشوفك يعجب بيك 💔 وانى نبيك ليا بس مانبي حد يشوفك غيري ، بعذين انتِ طالعة اليوم اكسترا حلاوه وقرب وباسها فجاء بقوة
العنود :::::::😳 ادريس خيرك !!!
ادريس ::::::: قتلك الف مره نحبك معادش قادر
العنود :::::::: فتحت الباب وطلعت ، هي هكي طريق الغلط كل مره تسهل اكثر مصارش فيا زي المره الاوله صح فيه شعور في داخلي اخيه لكن مش زي اول مره مابكيتش مانهرتش 💔💔

~~~~~~~~~~~~~~~~~~~~~~~~~~~~~~

غالية ::::::: حكيت القصة لحسام كلها من 20 سنة وبين كل كلمة والثانية نقوله انه بوي برئ وطبعا اي حد في مكان حسام حاقد على هارون ح يصدقني ويدعم كلامي هو انى ماكدبتش عليه انى فعلا متأكده انه بوي برئ
حسام :::::::🥺 نبي نساعدك
غالية :::::::: حسام انى مانبيش حد يساعدني نقدر نحله الموضوع
حسام ::::::: يعنى تقعدي تخلصي هكي ومسكنينكم عندهم تقول رهائن
غالية::::::: في رأسي هلبا امور بأذن الله مش اكثر من 10 سنوات ح نتم تخليص المبلغ
حسام ::::::: شوية 10 سنوات ؟؟؟؟؟ هذا ادا افترضنا انه ممكن تحصلي نص مليون في 10 سنوات
غالية:::::: 🤷🏻‍♀️ بنحاول ماعنديش حل
حسام :::::: شوفي عندي جدي كبير بو امي من يوم توفة جداي وهو ماباش يتزوج ومايبيش يسكن مع حد ويطلع من حوشه قاعد داير موضوع للعيلة كلها ماكلته وشربه ووو هو صحته تعتبر كويسه بس عنده مشكلة في الذاكرة تمشي وتجي
غالية:::::: مافهمتكش ؟
حسام :::::: اصبري بس حوشه كبير تمام وامي وخلاتي قليل وين يفضوا ويمشوا يطيبوا ويضموا شغالة مقدرناش نحطوله وحده تقعد معاه بروحها شن رايك امك تهتم بالحوش وماكلته
غالية ::::::: حسام شوف ….
حسام :::::: وتنتقلوا معاه منها تفتكوا منهم منها عمل زيادة وتقعد امك تخدم عندهم عادي ومنها حنى نطمنوا على جدي
غالية::::: مش عارفه ومن قال جدك يبى حد معاه
حسام :::::: نوضي نوضي توا نمشوله نعرفك عليه ونشوفوا رايه
غالية ::::::: مش عارفة والخدمة ؟؟
حسام :::::: فوتي توا نكلم الولد يجي
غالية :::::: اوكي ناخد شنطي ونجي ، مش عارفه ليش وافقة وقلت باهي وقتها كل مافي رأسي انى مش ح نخسر دعم حسام باش السيد هارون نظريته تفشل طلعت ركبت مع حسام وبدت الافكار تجينى توا بيخطفني توا كان الحوش يطلع مافيه حد وكان يدير فيا حاجه وكان بينتقم صح انى لساني طويل بس جهد ماعنديش هههه بديت ناخد في وضعيات الدفاع عالنفس كان شدني هكي نظرب برجلي هذه وكان شدني من هنى ننقز من باب السيارة فتحت البطمة بالشوية عيوني يلفوا في السيارة ندور في شيء نضرب بيه 💪🏻 لين وصلنا حوش دورين في قلب البلاد كبيييير بس واضح انه قديم هلبا رن عالباب تكلم جده من جاي
حسام :::::: هذا انى ياجدي وفتح بمفتاحه
غالية :::::: ارتحت وخشيت
حسام ::::: السلام عليكم جدي كيف حالك
الحاج محمد ::::: باهي شن خطرلك جيت
حسام ::::::: معاي ضيفة خشي غالية
غالية ::::::: خشيت السلام عليكم
ح . محمد :::::: ماشاءالله ماشاءالله تزوجت ؟
غالية ::::::: ضحكت ههههه
حسام ::::::: لالا هذه جايبه ليك هههه وقعد يحكيله انها تجي مع امها يهتموا بيه ووو
ح . محمد ::::::: 🤨 خل نجربوها قبل شاف لغالية تنوضي ادريلنا الغدي يابنتى ؟؟؟
غالية ::::: محلاه 🥺😍 كلامه صوته تحسي انه حنين جدي مات وانى صغيره ماندكرش فيه ، قلتله حاضر شن خاطرك انت
ح . محمد :::::: رشدة رشدة برمة جارية وحاره
حسام ::::::: لا عاد ياحاج
غالية ::::::: خيرك ؟
حسام ::::::: تبي هلبا خدمة
غالية ::::::: لالا عادي ساهلة ورينى المطبخ بس
ح . محمد ::::: نوضي وري لمرتك
حسام ::::::: هههههه هربت الخريطة هونا
غالية ::::::: نضت قمت كمامي فوق وقلبنا الكوجينة كلها على امل نلقا قديد في الاخير لقيت زير صغير فيه دهان وطرفين بس خديته درت بيه وزدت لحم وخلاص طلعلي حسام الدقيق ومشي جنب جده وبعدين جاني على اساس بيعاون لانى ملقيتش مكينة رشده اطريت نديرها على يدي كان يهدرز ويضحك ويساعد فيه حسيت روحي مرتاحه وفرغت الطاقة السالبة يلي فيه

~~~~~~~~~~~~~~~~~~~~~~~~~~~~~

العنود :::::: يرن ياامي ☹️ وين هالبنت
رشيدة ::::::: قلبي مشغول علها قلقتني راهو اتصلي بالمصور والصيدلة الساعة قريب 7 مفروض من 4:30 او ل 5 هنى
العنود :::::: كلمت المصور قالوا اليوم ماعندهاش كتبت عالفيس طلعبت رقم الصيدلية عطهولي الناس اتصلت بيهم قالولي من الساعة 1 طلعت امي زادت تغلي طلعت قعمزت برا وجت استبرق حتى هي وسالمين
سالمين ::::::: اهو هارون ناض من النوم نقلوله بالك يعرف حد يدورها
رشيدة :::::: قولي قولي
سالمين ::::::: خشت هارون
هارون :::::: مانيش رافع حد لحد فكونا 😒
سالمين ::::: بنت خالتك رشيدة معادش لقوها
هارون ::::::😳 وقف غالية ؟؟؟؟
سالمين :::::: ايه
هارون :::::: كيف معادش لقوها وناض طلعت ليهم

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية ::::::: ههههههه قمت البخشة حاضر ياجدي
حسام :::::: شن انى ولدها تقوللها عطيه على رأسه
ح . محمد ::::: حتى المرا تربي ياولدي
غالية ::::::: خشيت بنغسل الماعين
ح .محمد :::::: قول لمرتك توا تدرلنا طاسة شاهي عالة بالرغوة
حسام ::::::: لا كثرة فيه ياجدي وناض خش للمطبخ
غالية::::: ياروحي شكله مكسد يبى حد معاه
حسام :::::: يعنى وافقتي ؟
غالية:::::: لا الموضوع في يدي امي
حسام :::::::😉 ان شاء الله تقنعها ورن الباب حسام شاف في جهاز الجرس لقاه ولد خاله
غالية :::::::: طلعت الشاهي وطلعت طبست نعطيه لجده
حسام :::::: ولد خالي عالباب نطلع نوزعه ونجي خبطها على كثفها وطلع يجري
ح . محمد :::::: خيره راجلك ضربك وطلع يجري ؟
غالية:::::: هههههههههه خشيت ضميت الكوجينة ورديت كل شي لمكانه وانى ناسية الوقت بكل 🤦🏻‍♀️

~~~~~~~~~~~~~~~~~~~~~~~~~~~~

هارون ::::::😳 كيف هكي شن تبخرت بالك عند وحده من صاحبتها والا حاجه
العنود :::::: غالية ماعندهاش صحبات قراب هلبا لين تمشيلهم والا تطلع معاهم كلهم معرفه وخلاث
هارون::::: خطر في باله حسام وموقف امس 😠 خدي تلفونه وتبعد عليهم شوية واتصل بيه
حسام :::::::😏 اهلا اهلا علاش متصل بيا
هارون ::::::: 😤 وين غالية ؟؟
حسام ::::::: بكل استفزاز عندي
هارون ::::::: يحاول يتمالك اعصابة ، اختها اتصلت بالصيدلية وقالوا مش موجوده بلا كذب غاااااالية وين ؟؟
حسام ::::::: انى ماقلتش في الصيدلية انى قلت عندي 😉
هارون :::::: ياولد ال 🤬🤬🤬 وبدى يسب فيه
حسام :::::: صكر الخط وخش طول ،، غالية اتصل هارون يدور فيك
غالية :::::::😳 علاش
حسام ::::::: ممكن اهلك قلقلين عليك او هكي لانه قال اختك اتصلت بالصيدلية
غالية :::::::: حيييي عملة مشيت نجري لشنطي يلي في المدخل نسيت بكل طلعت تلفوني وكلمت العنود
العنود :::::::😍 اهي تتصل وينك وينك
غالية :::::: جيت مع حسام لجده ونسيت بكل الوقت توا نروح نحكيلك انتِ وامي
العنود :::::: كيف !!!
غالية ::::::: موضوع خدمة خيرك
العنود ::::::: تمام امته مروحه
غالية :::::: توا بنطلع
العنود :::::: تمام ،، شفتلهم ومقدرتش نقول يلي قالتهولي قلتلهم مع صاحبتها واهى جاية
هارون :::::: تاكد انها معاه لانه الاتصالين مابينهمش 10 دقايق 💔 وفي نفس الوقت توقع غالية هي يلي كذبت على اختها وقالت مع صاحبتها

~~~~~~~~~~~~~~~~~~~~~~~~~~~

غالية :::::: سلمت على جده وجينا بنطلعوا
ح . محمد ::::: انت وين ماشي
حسام ::::: ههههه مرتي تبى اهلها بنوصلها
ح . محمد ::::::: خزيه تكذب عليا مش قلت بتخدم هنى هذه
غالية ::::::: ههههه رجعت الذكره
حسام :::::: ايه
غالية ::::::: طول الطريق خاطري نسأله على تفاصيل المكالمة بينه وبين هارون وشن قاله بالزبط بس ماقدرتش قتله حطني في بداية الشارع مانبيش حد يشوفني ونزلت اول ماخشيت الجنان طلع قدامي 😒
هارون :::::: الحمدلله على السلامة 😤
غالية :::::: مابيتش نرد وجيت بنكمل طريقي
هارون ::::::: شن اديري في حوشه 😠 كيف تمشي معاه ؟؟ هذا كله باش تطلعينى غالط ويطلع هو مازال يبيك
غالية ::::: خف علينا يامحور الكون انت ، علاش متخيل انك مهم للدرجة هذه
هارون :::::: مسح وجهه بيده ويحاول يتكلم بهدوء شن درتوا 7 ساعات ياغالية ؟
غالية ::::::😒 هارون بطل استفزاز وتلمحات وسخة نرد عليك بس بالاسلوب هذا لا
هارون :::::::يحاول يقعد هادى لين تقوله ، تمام بطلت تكلمي هي ؟
غالية ::::::: 😉 غمزت بعينى وعضيت جزء من شفايفي وتكلمت بالشوية كنا في حوشه ومشيت وخليته 😒
هارون :::::::😳😡😡😡 تلفت لقي بوه واقف قدام الباب
جمعة :::::::😒 هارون شن عندك معها
هارون ::::::: 😤 شيء وركب وهو يغلي

~~~~~~~~~~~~~~~~~~~~~~~~~~~~

غالية ::::: خشيت حكيت لامي ولا يخلوا الامر من شوية هزايب ، توا شن نحولوا
رشيدة :::::: انتِ مافيكش راس شن قاعده تهدري وين نمشي لناس مانعرفهمش
غالية :::::::: عادي شغل زي هنى
رشيدة :::::: هنى كان مانعرفهمش مانجيبش بناتي ونجي نقعد عندهم
غالية :::::: انى مخنوقه معادش نبي نقعد هنى بالله عليك ياامي فكري وخشيت بنرقد حاولت العنود تسأل وتعرف علاش نبي نحول بس قلتلها بنرقد

~~~~~~~~~~~~~~~~~~~~~~~~~~~

#ثاني_يوم

غالية :::::: عشية مشيت نعاون في امي لانه ماعندي شيء هارون من كلمتى هذيكة معادش حاول يكلمنى ولا فكر يتصل ، نسمع في صوت جنات في الصالة مع استبرق وسمعته هو نزل يسأل فيهم على الوقت يلي بيمشوا فيه للعرس طلعت مشيت درت روحي نرتب في البوفي يلي في الصالة
جنات :::::: مفيدة اخت العروس الكبيرة تهبل وكان تشوف ياهارون هي يلي منسقة كل شيء قالوا جايبه فريق تصوير من لبنان من بدية الاسبوع معاهم لحظه بلحظه صراحه راقيه وكل حاجاتها راقية
غالية :::::: تلفتلها من يلي يطلع في الاشعات والكدب مفيد متفقا مع مصورنا والبنات يمشوا لما عندهم حاجه وانى وحده من المصورات يلي بنمشي يوم العرس
جنات :::::: انتِ من وين تعرفها 😒؟
غالية:::::: تهبل مفيدة انسان راقية ومثقفة نعرفها من قبل
جنات ::::::: نوضي استبرق نجربوا القفطاين يلي. بنمشوا فيهم 😏 وانتِ غالية دريلنا نسكافي وجيبيه للدار
هارون ::::::: مقعمز فاتح تلفونه 😒 جنات بالك تنوضي اديري قهوتك بروحك خير !!!
غالية::::::😒 مديرش روحك توا ادافع عليا وكان مانبيش نديرها والله ماشاربتها وكان تبدا من ، لكن عادي زي ماخليتنى ندير قهوة لصاحبك ونطلعلها ندير لخطيبتك 😤 ومشيت للمطبخ
جنات ::::::: شن قهوة صاحبك هارون
هارون ::::::😤 بتكشيخ جنات اركبي قيسي والا ديري شن بديري
استبرق:::::: خدت جنات وركبت

~~~~~~~~~~~~~~~~~~~~~~~~

العنود :::::: مقعمزه نفكر شن بيدير ادريس غدوا عيد ميلادي شن بنلبس وين بيديره زعما ،،، بعتلي رسالة ( ماتنسيش غدوا ❤️) خايفة ومتردده بس عندي فضول

~~~~~~~~~~~~~~~~~~~~~~~~~~~~

هارون :::::: وقف في باب المطبخ وطبق يديه ، غالية شن تبى ؟؟ علاش ديما جاهزه تستفزينى واديري مشكلة معاي
غالية ::::::😠 حطيت يلي في يدي ووقفت قدامه علاش ماجيتش قلتلي عرفت كذبتك يلي قايلتها لحسام ! علاش اخترت طريقة تهينى بها
هارون :::::: نزل يديه غالية انتِ فاهمة غلط انى مقصديش نهينك كنت متعصب لانك كذبتي و..
غالية:::::: بتصدق صدق ماتبيش حر والله العظيم انى ماقلت انى من عيلتك ولا انك خوي ولا نعرف انه حسام تقرب منك على خاطري ، كل يلي صار قالي تسكنى هنى قلت ايه وماشرحتش القصة لانه ماعنديش طاقة نحكها بس
هارون ::::: صدقها لانها اول مره تحكي بهدوء هكي بلا تسهويك ،،، قاللها باهي انى وقتها كيف بنعرف يلي صار حطي روحك مكاني مش ح تفكري زينى ؟؟
غالية :::::: 😒 حركتك ملهاش معنى جيت تعصبت عليا وشرحتلك انى عادي بس لقطك خبيثه متع شخص مفكر وقاصد شن درتلك باش تكرهنى للدرجة هذه ؟
هارون :::::::☹️💔 نكرهك ؟؟؟؟
رشيدة ::::::: خشت كملت المربوعه وصالة الاستقبال
غالية :::::: طفيت الغاز وماصارش من القهوة ههه حتى انى تميت وطلعت روحت

~~~~~~~~~~~~~~~~~~~~~~~~~~

#ثاني_يوم

غالية :::::: لبست وطلعت كان اليوم تصوير هارون مشيت انى والبنت يلي معاي
عبير ::::: جت الاميرة النائمة
غالية :::::: 😒 انتم يلي متحترموش في موعيدكم
عبير :::::: مقوى عينك راقده ساعتين والمدير مخليك في مكتبة مايبيش ينوضك وطلعنا حنى الغالطين
غالية ::::::😳 من المدير هارون !!!!

~~~~~~~~~~~~~~~~~~~~~~~~~~

العنود :::::: ركبت تاكسي وصلني لمكان اتفقت نتلاقه فيه انى وادريس نزلت ركبت مع ادريس وصلنا قدام عمارة قالي هيا انزلي 😳
العنود :::::: ادريس وين جاين حنى

#يتبع

رواية جنون عاشق للكاتبة صفاء

 

اترك رد

زر الذهاب إلى الأعلى