رواية جنون عاشق الحلقة السادسة عشر .. الكاتبة صفاء | القلم الناجح
روايات ليبيه كاملة

رواية جنون عاشق الحلقة السادسة عشر .. الكاتبة صفاء

رواية جنون عاشق الحلقة السادسة عشر .. الكاتبة صفاء

#جنون_عاشق

الحلقــــــــــ (16)ـــــــــة

غالية :::::: مروحه من العمل شفته 😒
هارون :::::: نزل غالية كنت طالع بندورك بنتكلم معاك في يلي قلته امس
غالية :::::😣 غمضت عيوني وقلت بسرعة وفي نفس واحد. هارون لو عرضك قاعد انى موافقة
هارون :::::::😳😳كان عنده صداع شد بين عيونه بصوابعة وضغظ عرض شن !!!!!!
غالية ::::::: تمام تمام ماكنتش في وعيك مش قاصد وناسي شن قلت ومشيت
هارون ::::::😠 لحقها جبدها من يدها ، انى مذكر شن قلت انتِ مذكره ؟؟؟؟؟
غالية ::::::: امممم
هارون :::::::😡 يشوف لعيونها متذكره وموافقة ؟؟؟؟
غالية ::::: بلعت ريقي بخوف نظرت عيونه كأنهم بيطلعوا نار 🔥 خفت هزيت برأسي ايه
هارون :::::: طلق يدها ورمش عيونه بسرعه مش مصدق 💔
غالية :::::😣 بس بشرط
هارون ::::::: 😏 ضحك باستهزاء يلي هو ؟؟؟
غالية :::::: انى ماندير شيء حرام يعنى حتى لو يوم واحد زي ماطلبت يكون وحنى متزوجين
هارون :::::: نتزوجوا!!! و…..
غالية :::::: ماتخافش نوقع معاك العقد يلي تبيه يعنى انى مانطلبش مؤخر او ورث لو لاقدر الله…… ولا مقدم كل شيء تقدر تجهز عقد نوقعه
هارون :::::: غالية تتكلمي بجد 💔
غالية :::::: ايه 💔
هارون ::::::: وعلاش !!!!!
غالية :::::::: 🤷🏻‍♀️ بنتخلص من الهم يلي معاي من يوم وعيت عالدنيا بنقدر نعيش حياة طبيعية بيكون عندي احلام زي باقي الناس
هارون :::::: امممم يعنى الموضوع يستاهل
غالية ::::::: خديت نفس لو موافق على يلي قلته اتصل بيا ومشيت

هارون :::::: طفى سيارته وركب لداره 💔💔😡 مستحيل مستحيل غالية تبيع روحها حتى ليا مستحيل البنت يلي نحبها ادير هكي غالية يلي نعرفها مفروض لاقتنى تسب وحتى تضرب شاد رأسه من قوة الصداع 💔 اكيد تختبر فيا لوين بنوصل معها ، باهي شن قصة الزواج لو اختبار راهو وافقت على يلي قلته بدون قصة الزواج يلي طبتها اوووووف غالية اوف اوف

~~~~~~~~~~~~~~~~~~~~~~~~~

غالية::::: فتحت الحوش وخشيت
العنود ::::: جيتها نجري شفتك من الروشن واقفة معاه شن صار
غالية :::::🥺 حاسه روحي اخيييييييه شافلي نظره كأنه بيضربني كأنه مصدوم فيا ومش مصدق 💔
العنود :::::: على اساسا مش هو يلي عرض عليك
غالية :::::::💔 هو عرض وهو سكران
العنود ::::::: على فكرة هذا اكثر وضع يكون فيه الانسان صادق ويقول يلي في قلبه بدون مايفكر 😉
غالية ::::::: انى بناخد دوش ونرقد اساس تعاركت مع مدير المصور لانى مقدرتش نجهز الصور
خشيت للدوش وقعدت نفكر في يلي صار البارح

هارون ::::::: الدين انى ندفعه نعطيك نص مليون مليون بس وافقي يوم واحد بس وبعدها حتى نموت عادي
غالية ::::::: دفيت رأسه عالمخده موت هارون موت وسكرت الباب وطلعت
قعدت في الجنان وانى متعصبة من كلامه كيف يفكر فيه هكي بعدها خشيت للحوش
العنود :::::: 😳 فتحت عيوني نهاااارك هذا وين روحتى
غالية ::::::💔 صكرت الباب وقمزت جنبها هارون سمع امي تقول انى نحب واحد وبيخطبنى وسألها وقال ايه 💔 هذا علاش قرر يتزوج بسرعة
العنود :::::😳 تكذبي علاش امي بدير هكي
غالية :::::: مش عارفه 🤷🏻‍♀️
العنود :::::: وهو الحمار متسبل !!! خيره ماسألكش ؟
غالية ::::::: والله ماعاد فهمت اصلا جنات لو كان حق سيبها زي ماقال قبل وحتى انها فرحت. كيف وافقت عليه طول
العنود ::::: صح ، معنها ماسيبهاش من الاول كان بيتزوجها كل يلي صار انه لقي سبب يحدد بيه العرس ويطلعك غالطه
غالية :::::: وتوا مروح سكران ، تعرفي شن قالي 💔 قالي ليلة وحده معاك ونخلص الدين كله
العنود:::::😤 التافه الحيوان شن يحساب روحه اهو ، كيف يفكر فيك هكي
غالية :::::: ساكته ونفكر
العنود :::::: 😳 غالية!!!!
غالية :::::: اول مره نحس روحي نسوا في هالدنيا حتى لو العرض وسخ بس نص مليون مش شوية هههههههه هم يضحك وهم يبكي
العنود ::::::: والله حق هههههه
غالية :::::: خليك من هذا كله خل نتكلم بجديات في البداية عصبت بس توا نشوف فيه حل منطقي ليا
العنود::::: ردي بالك غالية 💔 تفكري حتى مجرد التفكير
غالية :::::: لو نشرط عليه انه يتزوجني ؟
العنود ::::: كيف !!!
غالية ::::::: نفس العرض والمده بس بعقد زوج صحيح في المحكمة قدام ربي وخلقه
العنود :::::: ولو !!! اهم شيء النية … حتى لو كل شيء صح
غالية ::::::🥺💔 وانى نيتى انى مانخسرش هارون نيتى انى نأثر فيه ويتراجع عالزواج من جنات
العنود :::::: وكان اصر وطلقك ثاني يوم
غالية ::::::: 🤷🏻‍♀️ نكون حاولت !!! مش ح نندم بعدين والاهم من هذا نسيبوا قصة الدين ورانا ونطلعوا من الحوش هذا نقدر نبعد عليه 💔 لو اختار انه يسيبنى نقدر نبعد عليه مش زي توا معاي في نفس الحوش نشوف فيه كل يوم تخلي نشوفه معها ، تحكي عليه قدامي 💔😢انى مش مخلوقة من حديد باش بنتحمل هذا كله في اسوء الاحوال نطلع معادش نشوفه بكل
العنود :::::: مش عارفه كلامك منطقي لكن بنسألك سؤال واحد لو نفس العرض من حد ثاني حسام ؟ فارس ؟ اي حد هل ح توافقي عليه ؟؟؟
غالية :::::: مستحيل ولا حتى مجرد تفكير
العنود ::::::💔 معنها ديري يلي تشوفيه صح
دوشت وطلعت رقدت 💔 وانى نفكر كيف ممكن يفكر فيه توا

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

هارون ::::::: مقدرش يحكي لحد على يلي صار معاه حتى فارس ولهذا مقدرش ياخد راي حد معصب طول الوقت ومش عارف شن يدير

~~~~~~~~~~~~~~~~~~~~~~~~~~~~

استبرق :::::: مش عارفه شن ادير تحب ناصر صح بس مش عاجبها مستواه المادي وعارفه امها بترفض
سالمين::::: في قمة الفرحة تجهز للعرس بكل جهدها وتستنى بس امته يصير وترتاح

~~~~~~~~~~~~~~~~~~~~~~~~~~~~

#بعد_يومين

العنود ::::: طلعت انى وادريس نفطرو في مطعم بديت نتشجع ونسيت الخوف
ادريس :::::: نطلب شيء ثاني ؟
العنود :::::: هو فيه حاجه مش موجوده !! يسلموا اساسا انى مدايره رجيم مش ح ناكل هلبا
ادريس ::::: عندك الحق حافظي على جسمك لانه هكي يهبل 😉
العنود::::::☺️
ادريس :::::: اشتقتلك
العنود :::::: انى معاك كل يوم امته خليتك تشتاقلي
ادريس :::::: اشتقت نكون معاك 🚫
العنود :::::😳 ااا…ادريس
ادريس::::: تمام عارف تبى تطلقي قبل بس نعبر على مشاعري والا حتى هذه ممنوعه
العنود :::::: هههه لا مش ممنوع

⭐️روايــــــــــــات صفــــــــــــــــــاء ⭐️

هارون :::::: اتصل بغالية
غالية ::::: شفت رقمه خفت 💔 الو
هارون :::::: 🤨 وين انتِ ؟
غالية :::::: في شارع ال && علاش !!!
هارون :::::: نقدر نشوفك لو فاضية نبي نهدرز معاك في شيء ضروري
غالية::::: اها تمام وين نتلاقوا ؟؟
هارون :::::: خليك وين ماانتِ مش بعيد انى
غالية ::::::: صكرت وانى خايفة ونسأل في روحي يلي درته صح او لا شويه وشفت سيارته قربت عالطريق شافنى وقف ،، فتحت الباب وركبت
هارون ::::: 🤨 شن اديري هنى
غالية :::::: عندي مقابلة شغل لانى سيبت المصور الاول
هارون ::::: لانك مدراتيش صور يومها ؟؟؟
غالية ::::: اممممم هذا الموضوع الاساسي بس كلمة منى وكلمة منه سيبت
هارون :::::: قعد ساكت لين وصل قدام مطعم انزلي

العنود ::::: نغسل يديه ونجي
ادريس::::: تمام
العنود ::::: شفت للباب 😳 غالية وهارون شن جابهم هنى غطيت وجهي بالشنطة وخشيت للحمام بسرعة قعدت نراقب من الباب لين خشوا طلعت نجري ركبت تاكسي واتصلت بي ادريس
ادريس :::::: ايوه
العنود ::::::: غالية اختى هنى في المطعم انى طلعت وخديت تاكسي
ادريس ::::::😠 من وين طلعت مش قلتي مدام غالي مش ح يجيه حد نعرفه
العنود::::: هذا يلي صار توا
ادريس :…::: باهي باهي توا نخلص ونطلع حتى انى ، صكر وهو معصب هي مره في هالعمر طلعنا

غالية :::::: قعمزت وحاسه روحي مش قادره نشوفله
هارون :::::: 😒 شن تشربي والا نطلب فطور
غالية ::::: شاهي شاهي بس
هارون ::::: تمام وطلب ليه وليها
غالية :::::: اووووف خيره ساكت تكلم هياااااا 😣
سكوته يزيد يوثر فيا
هارون :::::: تمام مذكره كلام يومها ؟؟
غالية ::::: هزيت برأسي ايه
هارون ::::: تكلمى 💔
غالية :::::: ايه
هارون ::::: باهي وانى موافق 🤨
غالية :::::::💔 باهي !!! موافق عالزواج صح ؟
هارون :::::: اممم 🤨 ، كيف يصير توا ؟؟؟
غالية :::::: يكون قبل عرسك انى مش ح نكون معاك وانت متزوج 💔 مش ح يعرف حد من اهلك بس انى ح نقول لامي مش ح ندير شيء من ورها
هارون ::::::🤨 بتوافق !!!
غالية:::::: مش ح نحكي كل شيء بس متخافش امي. عندي
هارون :::::: تمام مازال 9 ايام على عرسي رتبي وضعك بعدين يومين نمشوا للمحكمة
غالية :::::: اوكي 💔 خديت شنطي ووقفت
هارون::::: خلاص معادش تبي تقولي شيء
غالية ::::: لا وطلعت طول
هارون :::::: 😤 دف الطاسة متعها طاحت تكسرت والشاهي تبزع قولي لا غالية ماترخصيش في عينى قولي لا 💔💔

~~~~~~~~~~~~~~~~~~~~~~~~~~~~

#عشية

العنود :::::: نوضي هيا وراك وراك
غالية :.::::: طلعت قعمزت جنبي امي
رشيدة :::::: شن قالوا عالعمل
غالية :::::: يما اسمعينى
رشيدة::::: شن !!
غالية ::::::: هارون عرض عليا نتزوجوا
رشيدة:::::😳😳 هارون ! عرسه الاسبوع الجاي
غالية ::::: ايه بس نتزوجوا بالسر قصدي بالسر يعنى اهله بس مايعرفوش
رشيدة:::::: هذا معادش تحشم
غالية::::: انتٍ يلي بديتى باهي انت يلي قلتيله غالية بتتزوج 💔 مش عارفه علاش درتي هكي ومانبيش نعرف 😢 بس انى نحب هارون يما مانقدرش نشوفه معها نبيه نبي نكون معاه مش هامنى عيلته مادخلنيش فيه المهم هو معاي
رشيدة::::: هبلتي انتِ
العنود ::::::: زواج طبيعي قدام ربي وفي محكمة علاش لا بيجها واحد خير من هارون ربي محلله ياخد اثنين وثلاثه يرتب اموره ويقول لاهله بعدين
رشيدة::::: استنيه يرتب بعدها يجي ياخدك
غالية :::::: انى مش حاضره عرسه على غيري 😢 ولا عاد قاعده في الحوش هذا كان هذا رايك قتلك مانقدرش افهمي نحس في روحي بنموت وانتِ السبب من الاول وخشيت للدار
العنود :::::: زدت الجرعة توا تكتئب توا تنتحر وهذه فرصتنا وهم شن هالخير يلي شفناه منهم لين متحشمه منهم ووووو لين في الاخير مع تأنيب ضميرها انها كذبت عليه وافقت

~~~~~~~~~~~~~~~~~~~~~~~~~~~~

#في_المحكمة

غالية :::::: بعتله رسالة ثاني يوم انه امي وافقت قالي ديري التحليل وانى نكلم حد يطلعه طول بعت رسالة اليوم يلي بعده موعدنا في المحكة 💔 بدون اتصالا ولا اهتمام ولا كلام ولا اتفاق على تفصيل 💔💔 جيت انى وامي والعنود وامي طول الطريق وهي كيف حتى مايجيش ياخدنا ونجوا في تاكسي وهذا خيره وووووو واخر شيء مفروض معمر يحضر ويكون وكيلي والعنود تعارك وتقوللها انى رافعه قضية طلاق شن تقولي انتِ واخيرا. وصلنا نزلت كنت مهتمه بشكلي على غير العاده لبست سروال اسود وبلوزه دهبية كندره كعب عالي دهبية 🧡 ندور فيه بعيوني ونتبع في اللفتات المكتوبة

هارون :::::: يشوف للباب غالية ماتجيش غالية ارجوك 💔 خليك غالية يلي حبيتها
قام رأسه شافهم جايات 💔 وقف
رشيدة ::::::😠 قعمزت على كرسي
غالية :::::: قدمت ليه مااتفناش على شي ؟؟ مفروض تكون فيه ورقة اتفاقية وله ونوقع علها
هارون :::::: مش لازم
غالية :::::: شوية وخشينا خدوا الاوراق والتحليل تأكدوا منهم ووكلت القاضي يقرا هو الفاتحة انى كنت خايفة وفرحانه ناوية نطلع من هنى نقول لهارون انى نحبه ونبي نقعد معاه طول العمر وهذا سبب موافقتي ، بس هارون لا عيونه كان فيها غضب ونحس فيه يبي يضرب اي حد يكلمه 💔
القاضي ::::: المؤخر ؟؟؟
غالية :::::: سكتت
هارون :::::: شاف لغالية وابتسم بأنكسار نص مليون 💔
كملوا ووقعوا على العقد وطلب هارون نسخة عطهاله وطلعوا
رشيدة ::::::😘 مبروك
غالية ::::: عيوني على هارون 🥺 الله يبارك فيك
العنود :::::: حضنتها مبروك
هارون :::::: بعد عليهم شويه
رشيدة :::::: مشت لهارون ، شوف ياولدي انى والله والله العظيم داخلي ماهو راضي لكن لما وقفت قدامي وقعدت تبكي وتقول نحبه ونبيه وافقت الله يهديك ان شاءالله ويسعدكم
هارون ::::: هز برأسه وماردش ، حرفياً هارون كان كارهها لانها كذبت عليه 😒
غالية :::::: قدمت جيهتهم
رشيدة :::::: هيا العنود روحي بيا توا العيلة يفقدوني وانتم اكيد توا بتطلعوا تدهوروا والا شن بديروا وسلمت على بنتها ثاني وطلعت
غالية ::::::😢 طلعنا وراهم شفتهم ركبوا تاكسي ومشوا 💔 تلفتت لهارون
هارون :::::: 😒 وين تبى نوصلك ؟
غالية :::::::😳 توصلني ؟؟؟؟؟
هارون :::::: ايه عندي خدمة بنمشي مش فاضي ؟
غالية :::::: صدمني 😳علاش متزوجنى مدام بيفوتي !! حولت مانوضحش الخنقة يلي حاسه بيها في صوتي ،، توا نمشي في تاكسي ماتعطلش على خدمتك
هارون ::::: ايه احسن ووقف تاكسي
غالية :::::::💔 ركبت بسرعة وصكرت الباب
هارون :::::::😡😡 علاش هكي ياربي علاااااااااش علاش ياغالية تبيعي روحك لا وتديري في فلم على امك على اساس مش ح تعرف لما يخص الدين

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية :::::: من حين ركبت وانى نبكي بصوت مش قادره نوقف صاحب التاكسي يشوفلي ومستغرب
صاحب التاكسي::::: معليشي يااختى مرات الطلاق خير المهم مافيش صغار ؟
غالية::::: انى مااطلقتش انى تزوجت 💔
صاحب التاكسي:::::😳 اهااا
غالية :::::: حطني في الميدان صكرت تلفوني وقعدت فيه للمغرب بكيت بكيت حسيت انه ناوي يدلنى بس ، لا يحبنى ولا حتى يبينى 💔

هارون :::::: طلعت للقرية السياحية خديت شالية قعدت فيه بروحي 💔 مش مصدق يلي يصير معاي وعلاش اصلا انى مدام مش عاجبنى تصرفها وافقت وتزوجتها !! علاش شن نبي نتبت ولمن !!!

~~~~~~~~~~~~~~~~~~~~~~~~~~~~~

غالية::::: الساعة 8 روحت اتصلت بالعنود قالت قاعد ماجاش روحت وقلت لامي وصلني وماحبش نخشوا في نفس الوقت امي تحاول تسألني شن صار بس العنود قالتلها متحشمة منك وابصر شن خلتها تفوتنى فاتوا يومين عالوضع هذا لا اتصل ولا اهتم لا سأل ياربي مازال 6 ايام بس على عرسه حتى اقاربهم بدوا يجوا 💔
نضت غيرت وطلعت بندوره 😣 لازم نتكلم معاه
طلعت لقيت عمال جايبين اثاث 💔 دار نوم هذه ياغالية دار نووووووووم ليه هو وجنات وانتِ اقعدي احلمي ، 😡 وقفت نشوفلهم
هارون ::::::: طالع هو وفارس من الباب 😒 غالية !!!! جها
غالية :::::: 😠 شوف قلتها قبل وبنقولها توا ثاني تمام !! انى مش ح نكون معاك وانت متزوج وحده ثانيه يلي بيصير خل يصير وطلقني قبل عرسك
هارون :::::: مستعجلة !!!!😏
غالية :::::::😏 انى نفتكه منك ومشيت
هارون :::::: تمام تمام حتى انى يناسبنى خل نتموا الموضوع قبل العرس حتى خل يتم اليوم الساعة 6 نتلاقوا في القرية السياحية متعتي تمام ! ومشي
غالية ::::::💔 لفيت ورجعت للحوش 😢

~~~~~~~~~~~~~~~~~~~~~~~~~~~

العنود ::::::: هناء
هناء ::::::: نعم
العنود :::::: ادر …. استاذ ادريس ماجاش قالك حاجه !!!
هناء :::::: لالا
العنود ::::: قعدت نتصل ونبعت في رسايل وينه هذا 💔 شويه ورن تلفوني رديت بلهفا الو
معمر :::::: العنود !
العنود :::::: من معمر ؟
معمر :::::: ايه
العنود :::::: اها اهلين
معمر. :::::: انى في الطريق كملت اليوم وجاي نوصل عشية ان شاءالله ونهدرزو
العنود :::::: تمام ، صكرت اووووف ان شاء الله على الاقل تنحل القصة هذه

~,~~~~~~~~~~~~~~~~~~~~~~~~~~

غالية::::: قرارت ندير اخر محاولة وانى ح نتكلم معاه بشكل هادي انى متأكده انه يحبنى انى شفت دار النوم اليوم بس متت كيف لو نشوفه معها 💔 طلعت قفطان واخداته العنود ايام كانت عروس ابيض فوق الركبة بشوية من فوق رقبته سبعةV حطيت روج بس لانه مايحبش المكياج لفيت شعري بالفير ولبست عباية وطلعت قبل ماتروح امي وتشوفني خديت تاكسي وبعتت للعنود رسالة تقول لامي غالية مع هارون الساعة 7 كنت غادي
هارون ::::::: غالية ماتجيش غالية ماتجيش شوية ودق الباب 🤨 فتح شافلها من فوق للوطه خشي
غالية :::::: خشيت وانى مقراره نكون هادية ☺️ هذا نفس الشالي يلي خدتوه انتم الولاد يومها
هارون ::::: امممم ،مافكرتيش كيف بتطلقي بالسرعة هذه ؟؟ شن بتقول عليك الناس
غالية::::: بلعت ريقي وتكلمت بهدوء الناس يلي ماعمرها وقفت معاي كلامهم مش مهم عندي
هارون ::::: اهم شيء الفلوس وتنحل القصة وله
غالية ::::: هارون اسمعني ….
هارون :::::: فتح الباب انى بندخن توا نجي
غالية :::::: اوووف 💔💔💔 حولت عبايتى طلعت كندره كعب عالي من شنطي لبستها رتبت روحي وقعمزت عالصالون نستنى فيه 😣

~~~~~~~~~~~~~~~~~~~~~~~~~~

العنود :::::: دق الباب فتحت طلع معمر تفضل
معمر ::::: كيف حالك
العنود :::::: الحمدلله تفضل
معمر .:::: خل نخش في الموضوع طول بصراحة انى منبيش الطلاق ومش فاهم سبب طلبك ليه اصلا وضعي المادي توا معقول نقدروا نأجروا ونديرو حوش وصغار ونستقروا
العنود :::::: معمر انى …. رن تلفوني لحظه بس ايوه هناء
هناء :.::::: تعرفي توا اتصل خوه استاد ادريس في المستشفى من الصبح دخلوه للعمليات بحالة طوري
العنود ::::::😳😢 عمليات !!! عمليات شن وين اي مستشفى !!!!!
هناء ::::::: مافهمتش قال تعب البارح ودروله عملية
العنود ::::::😭😭صكرت 💔
معمر ::::::: خيرك من ؟؟؟
العنود :::::: ااا … وحده تخدم معاي صاحبتى
معمر ::::::: نوضي نرفعك لها لو تبي شكلها قريبه منك هلبا
العنود ::::…ايه ايه ونضت لبست بسرعة

~~~~~~~~~~~~~~~~~~~~~~~~~~~~~~

هارون ::::::::: خشت 😳 يشوف لغالية شن يلي دايرتيه انتِ ؟؟؟؟؟؟؟؟
غالية ::::: وقفت شن !
هارون :::::::😡😡 البسي الخر يلي جايه فيها البسي غالية ومترخصيش روحك اكثر من هكي ولوح الشنطة يلي في يده هضم الفلوس يلي بايعة روحك على خاطرهم
غالية:::: ههههه نلبس وله ؟؟ لانه انى يلي عرضت عليك ؟؟ لانه انى يلي قتلك ؟ انت اخلاق ومتربي انى الرخيصه وله 💔💔😢
هارون :::::: مش ح تفرق معاك وله انى والا غيري !!! المهم تحلي مشكلتك المادية
غالية :::::: متزيدش حتى حرف واحد وجهك معادش نبي نشوفه طول حياتي 😢💔 طلقني توا هارون توا وفلوسك احرقهم
هارون :::::::: يشوفلها وساكت
غالية:::::: خديت طاسه ضربتها عالطاولة نكسرت
وحاطيت جزء منها يلي قعد في يدي على شريان يدي الثانية 💔😠 ونتكلم بتعصيب طلقنى توا طلقني قتلك
هارون.:::::: هو واقف مصدوم يشوفلها فكينا من لعب الصغار وحطي يلي في يدك خل نتفاهموا 💔
غالية ::::::😢 تحسابني ماندرهاش !!! معقولة لليوم ماعرفتش غالية قاعد ! وهه جرحت روحي
هارون …..🤯😳 غااااااالية
غالية ::::: نشوف للدم يقطر عالارض طلقني وزدت بنضغط
هارون ::::::: يديه قدامه تمام تمااااااام وقفي انتِ طالق💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود :: سالت على حجرته وخشيت نجري ادريس 😢💔 شن صارلك خيرك
ادريس :::::😳 العنود اطلعي روحي اطلعي وردي بالك مازال تجي للشركة
العنود :::::😨 شن تقول انت شن فيه ؟؟؟؟
ادريس ::: هو يلي سمعتيه اطلعي توا ومعادش نبي نشوف وجهك 💔
العنود :::.🥺😢 قصدك زعلت لانه هو جابنى ؟؟؟ انى كنت خايفه عليك بنهبل معرفتش شن ندير
ادريس::::: اووووف 😡 باش تفهمى انتِ هذا مستشفى مانبيش نعلى صوتي أكثر اخر مره نشوفك فها اطلعي توا اطلعي
العنود .::::😭💔

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى