رواية جنون عاشق الحلقة السادسة .. الكاتبة صفاء | القلم الناجح
روايات ليبيه كاملة

رواية جنون عاشق الحلقة السادسة .. الكاتبة صفاء

جميع حقوق الطبع والنشر محفوظة

رواية جنون عاشق الحلقة السادسة .. الكاتبة صفاء

#جنون_عاشق

الحلقــــــــــ(6)ـــــــــة

معمر :::::: لمن هذا
العنود :::::: تلفوني ، عطتهولنا الشركة وجي في وقته تلفوني فسد
معمر ::::: قامه مليح نبيعوه وخوذي واحد رخيص وباقي المبلغ نديروا بيه حاجه
العنود ::::::😳 شن شن شن تقول انت نبيه التلفون
معمر ::::::😠 شن تبى في تلفون حقه 7 ألف
العنود :::::: شن دخلك انت
معمر :::::::😠 والله !! دسه في جيبه وجي بيطلع
العنود ……..

~~~~~~~~~~~~~~~~~~~~~~~~~~~~~~

هارون ::::::: يتفرج عالصور في ذكرة الكاميرا كملهم ولقي كدا صوره لغالية 😍 قعد يشوف فيهم بعدها جت صورة حسام قدامه 😳 من هذا ! اي اي قعد يدكر فيه زبط انه نفسه ، وجه الكاميرا لغالية 🤨 من هذا ؟؟؟
غالية :::::: شفت قلتله حسام وكملت نلعب في نور
هارون :::::😠 ومن يكون حسام !!! وليش صورته في الكاميرا متعك
غالية :::::: 🤔 كان يتكلم بصوت فيه حده شوية وهلبا جديه كأني مجبره نبررله !!!!! استغربت قلتله هذا الولد يلي جابلي خدمة الصيدلية وصورته في الكاميرا لانه هو يلي عطهالي 🤷🏻‍♀️
هارون ::::::: 😡 بتعصيب ومن هو لين يعطيك كاميرا ! ويخدمك ! من يكون
غالية ::::::: في الاول كذبت روحي بس توا وضحة هذا من جده يكشخ عليا!!!!! 😠 وقفت ونور في حضني من تكون انت باش تسألني وتستنى نجاوبك ! ان…. سمعت صوت عالي 🤦🏻‍♀️ العنود ومعمر
هارون ::::::😳 وقف شن هذا جاي من حوشكم الصوت ؟
غالية ::::::: في خاطري شكرا عالفضيحة ياالعنود كنت بنهزبه خربتي ام برستيجي ، مديتله نور وقتله توا نشوفهم ومشيت

العنود ::::::: مديت يدي بناخد التلفون تي هات جاي بلا داره كبد
معمر ::..::😡 بنبيعه ومافيش غيره بكل هي
العنود ::::::😠 هضاكه اديره لما تبدا جايبه ، معرق عليه انت بتبيعه ؟؟؟
معمر :::::: معرقه عليه انتٍ!!!!! حولي غادي
العنود :::::: مديت يدي بقوى ولانه كبير كان نصه برا جيبه جبدت منه
معمر :::::: والله ماعاد متحشمه ودفها وجي بيطلع
غالية :::::::: خشيت 😳
العنود ::::::: رجلي ابصر كيف لفت طحت جي حاجبي في زاوية الحيط الحاده عيطت اهاااا لين رأسي داخ من الضربه
غالية ::::::: معمر !!!! شن ادير انت
معمر :::::: شوفي اختك ولسانها وطلع ولا اهتم للي داره
العنود ::::::: شاده حاجبي وخلاص
غالية :::::::😳 نهااارك موليه حمراء وانتفخت طول خل نجيب ثلج ، نضت جبت ثلج درتهولها واضح انه اثرها بيقعد
العنود ::::::💔 غر هي ؟
غالية :::::::: خيركم شن جاكم
العنود :::::: الفقر اهو وقلت الفلوس مش ح يخلي حياتنا تمشي القدام
غالية ::::::: علاش مكبرين الموضوع هونوها تهون
العنود ::::::😢 دمعتي نزلت ياغالية افهمي ورأس اختى ربي ماخلقناش زي بعض انى مش زيك انى مخنوقه تعبانه نشوف ونسهف ويجي في خاطري حتى نحسد 💔 نبي نلبس ناكل نطلع نضحك 😢 نبي نضحك من قلبي
غالية :::::: حضنتها هذا الزواج المعفن يلي ميتين عليه هههههه حياة السنقل لايعلا علها
العنود :::::: هههههه مسحت عيوني اظفري الشيب بروحك
غالية::::: احسن من نموت بالغصايص وحرق الدم وشعري قاعد اسود ، نوضي اغسلي وجهك وتوا نحطلك لصقة امي على خشة
العنود :::::: ايه انى نضت وامي خشت
غالية :::::::: الحمدلله على السلامة
رشيدة :::::: الله يسلمك
العنود :::::: طلعت
رشيدة ::::::😳 شهقت ويدها على قلبها خيرك شن صار معاك
العنود ::::::: رأسي داخ وظلمت الدنيا في عيوني جيت عالحيط
رشيدة ::::::: وخيرك دختي ؟؟
العنود ::::::: مش عارفة
رشيدة ::::::: بالك حامل
العنود :::::::: تي شن حامل ياامي 😣
غالية ::::::: هههههه انى بنوض عندي صيدلية الليلة ماسكة ، اعتدريني ياامي لكن لزم نقولك انه بنتك ليها شهور معانه وامس بس جي راجلها هههههه حتى كان سحر مش حمل مايوضحش بالسرعة هذه
رشيدة ::::::: راك تتحشمي ، وين تندري عليه انتِ كل حمل ووضعه
العنود :::::::ههههههه انى بنوض ناخد بندول
غالية ::::::: غيرت وجيت طالعة
رشيدة ::::::: جيبيلها معاك تحليل حمل
غالية :::::::: ههههههههههههه حاضر توا نجيبلها اختبار حمل قبل مايصير الحمل هذا نوع جديد ههههههه وطلعت وانى نضحك علها امي واضح انه خاطرها يكون عندها حفيد ❤️ خطمت على حوشهم قالتلي اسيل لقيت هارون مرقد نور وين روحت قلتلها باهي كويس 🤔 خطرها وين الكاميرا خليتها عنده قبل بنسألها بعدين بطلت طلعت قبل ماتظلم الدنيا مشيت لخدمتى

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود ::::::: مع الساعة 10 بعتلي معمر رسالة ( انى كلمني الراجل يلي خدمتله الحوش جاره بيخدم حوشه مشتله ) في خاطري تي باهي اعتدر قول كيف حالك توا معقوله البرود هذا !!!! شوفني قريت الرسالة والا لا انشغل عليا لانه طلعلك Seen ومارديتش اساسا نعرف بعتها وفات شفت شفت ماشفتش عادي 💔🤷🏻‍♀️

~~~~~~~~~~~~~~~~~~~~~~~~~~~~~

غالية ::::::: نرتب في الصيدلية شوية من الكساد رن تلفوني رقم 🤔 من هذا ، رديت عليه الو
هارون :::::::: اصدمينى واطلعي ماترديش عالارقام 🤷🏻‍♂️ مستحيل
غالية ::::::: من دراه الكبد يلي بادي بيه المكالمة نقدر نقول انك هارون ؟
هارون :::::: ايه هارون
غالية ::::::: علاش مانيش نراد عالارقام !!
هارون ::::::: كان بنت ثانية نقوللها ماتخافيش حد يضايقك ؟ لكن انتِ تضايقي بلاد
غالية ::::::: هه قلتلها بروحك So💁🏻‍♀️
هارون ::::::: شن صاير عندكم امبكري ؟
غالية ::::::: ما حر فزعتك كان حد يحاول يقتلنا راهو قتلنا ودفنه هذا وين تدكرت
هارون :::::: ههههه انتِ مستحيل حد يرضيك وله ؟ قلت موضوع عائلي مانبيش ندخل واصلا انتِ خشيتى وراجل اختك طلع تقدري تقولي فهمت القصة
غالية ::::::: اي خلاص هو هذا مشاكل متزوجين عقبالك انت وجنات
هارون :::::::😏 نتزوجوا ؟
غالية :::::: لا اديروا مشاكل
هارون :::::: باهي باهي وين انتِ اطلعي نعطيك الكاميرا
غالية :::::: انى عمل الليلة خلها عندك غدوا ناخدها منك
هارون :::::: عمل في الصيدلية والا تصوير ؟؟؟
غالية ::::::: الصيدلية ، كان كملت تحقيق خل نوقع على اقوالي ونسكر
هارون :::::😒 تنهد با استسلام من اسلوبها صكري ياغالية صكري
غالية ::::::: صكرت وقعدت نضحك عليه ، 🙄 خيره ماسألتش من وين جاب رقمي 🤔 باهي خيره ماتعركتش معاه على تدخله فيا يلي امبكري 🌚 غالية ! ستوب 🤚🏻 جابه من وين جابه وقال يلي قاله من امته تهتمي انتِ
حسام ::::::: جبت قهوة ليا وشاهي ليك لحظت انك مش من جماعة القهوة
غالية ::::::😊 يسلموا ايديك وخديت منه

~~~~~~~~~~~~~~~~~~~~~~~~~~~~~

#ثاني_يوم

العنود :::::: نضت نقلب في حاجات غالية طلعت لصقه حاولت نخفي بيها الاثر للاسف جيهة حاجبي ولت زرقه حطيت علها خافي عيوب ولصقة ومشيت للعمل
غالية :::::: روحت يادوب دوشة وفطرت وطلعت للمصور 💔 رسميا مرقدتش من الليلة يلي قبلها خطمت خديت قهوة قووووووية معرفتش شن اسمها شويه بس في اسفل الطاسة ولما تشرب منها تحس دماغك بدي يفيق 👌🏻 طول خدمنا شوية ونضنا خدينا بضاعتنا انى وبنت معاي وطلعنا للعنوان يلي عطتهولنا المجلة

~~~~~~~~~~~~~~~~~~~~~~~~~~~~

العنود :::: كل حد يخش يسأل وان شاء الله لاباس وووو وانى مليت من الكدب والمجاملة 🥴
ادريس :::::: كان عنده اجتماعات برا خش السلام عليك
العنود :::::: رفعت رأسي وعليكم السلام
ادريس ::::::😳 قدم للطاولة خيرك ان شاء الله لاباس
هناء ::::::: ايه جتها قريبة قالت داخت جت على قرن الحيط
ادريس ::::::🥺 يشوفلها بحزن واهتمام ، جيبي ملف شحنة الدقيق وتعالي
العنود :::::: بلعت ريقي وعرفت انه يبى نتكلموا بروحنا ، خديت الملف ولحقته 💔
ادريس :::::::😠 علاش دختي خيرك مريضه ! مش واكله ! شن صاير معاك
العنود ::::::: جريت للباب صكرته نقص صوتك خيرك !!! عادي رأسي لف
ادريس :::::: ضربك ؟؟
العنود :::::::💔😔
ادريس :::::::😡 تي تكلمي وربي العزه نشرب من دمه
العنود ::::::😒 خف علينا يا دراكولا
ادريس :::::::😠 تتسهوكي !!!! هو هو دار فيك هكي ضربك ؟
العنود :::::::: تكلمت بخجل صار نقاش ودفني وانى فقدت توازني وجيت عالحيط مش قاصد يمد يده
ادريس :::::: توا المره الجايه يمدها بالقصد 😡 علاش تدافعي عليه
العنود ::::::: ان شاء الله يقتلني شن ليك علاقه انت
ادريس :::::::😳 كيف شن ليا علاقة
العنود :::::::: نقاش بينى وبين راجلي عادي تصير
ادريس :::::::: لا مش عادي تصير نناقش في مرتي وحتى نتعاركوا خمسه سنين ماعمري مديت يدي
العنود :::::: 💔😒 انتم راقين حنى همج هكي نتناقشوا
ادريس ::::::: 😡 تدافعي عليه وراضيه ايدير فيك هكي باش تعصبينى وخلاص !!
العنود ::::::: 💔
ادريس ::::::: والله مايجي راجل الكلب
العنود ::::::: تعصبت 😠 يعنى انت يلي تصرفاتك كلها رجوله !!!! اليوم تبوسني وغدوا تقول تقولي ولي لخدمتك زي قبل !!

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

غالية::::: المبنى حديث وكل شيء فيه راقي استقبلتنا وحده دخلتنا قعمزنا شوية وخشت تشوف في مديرها
هارون :::: رتب الجاكة متعه خليهم يخشوا ، وقف بعدين قعمز عالكرسي وحط رجليه على بعض بعدين حولهم ولبس نظرات وفتح اللاب تب على اساس مشغول
غالية :::::: خشيت انى والبنت يلي معاي السلام عليكم
هارون :::::: قام رأسه وهو يحاول يمثل انه متفأجا
غالية :::::::😳 هارون !!! شن ادير هنى
هارون :::::: وهو يحاول يسيطر على ابتسامته 🤨 انتِ شن اديري هنى هذا مكتبي
غالية :::::: تكذب !!!!
البنت يلي معها غالية اسكتي
هارون ::::::: والله
غالية :::::::علاش سمعتنى امس ومابيتش تقول !!؟
هارون ::::::: شن عرفني انها نفس المجلة
غالية :::::::🤨 امممم
البنت يلي معها ، نبدوا توا ؟؟
هارون ::::::: عندي اجتماع نص ساعة ، ساعة مابين جهزتوا المكان وطلع من المكتب
البنت ، يهبل محلاه من وين تعرفيه ؟؟؟
غالية:::::: مش كل شيء شكل 😒 ماتغركش المظاهر
البنت ::::: بدات تجهز في الاضاء عالمكتب

~~~~~~~~~~~~~~~~~~~~~~~~~~~

ادريس :::::: 😡 قلتلك هكي لانى عرفت انك متزوجة ، وبوستك قبل مانعرف انك متزوجه
العنود :::::: ضحكت باستهزاء 😏 ومكنتش تعرف انك متزوج ؟ ؟؟؟
ادريس :::::::: نعرف ، لكن مش زي بعض
العنود ::::::: والله انت تخون عادي وانى لا تي ماهو نفسها
ادريس ::::::: شن تقولي انتِ انى راجل
العنود ::::::: ههه انت راجل معنها حلال تخون وانى لا راهو انى يلي معرضه نغلط اكثر منك حتى النار النسوين فيها اكثر من الرجالة
ادريس :::::::🥺 هدت نبرة صوته وقرب شد كثافها انى نحبك العنود اقسم بالله حبيتك بجديات باهي وتوا نقاوم في روحي باش نبعد عليك ، مابستكش لانى نتسله والا نفوت في الوقت
العنود ::::::: قعدت نشوفله شوية 🥺 بعدين فكيت يديه بالشوية وقلتله حب مرتك وطلعت وخليته 💔

~~~~~~~~~~~~~~~~~~~~~~~~~~~

غالية:::::: وين مشي هذا 😠
البنت ::::: غالية انى خلاص لزم نطلع الساعة 3:30 تعرفي 4 لزم نكون في الحوش
غالية::::: خلاص امشي توا الاضاء جاهزه عالمكتب وكان بياخد لقطاط في مكان تاني توا نعدلها انى
البنت :::::: تمام باي
غالية ::::::: كنت تعبانه موت خديت المخاد يلي عالصالون حطيتهم على بعض ورقدت عالصالون قلت لما نسمع صوت الباب توا ننوض ماحسيتش بروحي الا وانى في سابع نومه

هارون ::::: كمل وجي قاعدين ؟؟
عبير ::::: ايه المصوره في المكتب ويلي معها طلعت
هارون ::::: تمام فتح الباب وهي خشت وراه شاف غالية راقده قرب و نادها بالشوية غالية !!
غالية ::::::😴😴😴
عبير ::::::: رقد…
هارون :::::: شافلها 🤫 اشرلها اسكتي واطلعي وطلع ورها
عبير ::::::🙄 رقدت !!!
هارون ::::: وهو مبتسم ايه
عبير :::::: وهذه خدمه ؟؟ نوضها وتوا نتصل بالمجلة ….
هارون :::::: لا تتصلي لاشيء شوفي شن وراك وفوتهاا 🤨 وخش للمكتب صكر الباب بالشوية قام التلفون خلاه مفتوح باش ميرنش ويدير صوت وقعمز في كرسيه يشوفلها

~~~~~~~~~~~~~~~~~~~~~~~~~~~~

العنود :::::::: الساعة 4 كملت وطلعت روحت ، مش عارفه علاش تعاركت مع ادريس اصلا ☹️ كنت نبيه يكمل بعد ماعرف انى متزوجة والا شن بالزبط انى مش فاهمة روحي ونبي من يفهمنى 🤷🏻‍♀️ فتحت تلفوني لقيته بعتلي رسالة ( نحبك وربي نحبك )
مابيتش نرد والغريبة انه اول ماطلعله Seen بعتلي ماتبيش تردي !!!! كان يستنى فيا والا كيف عرف علاش التصرفات يلي تستنى فيها من شخص يديرها شخص تاني 💔 صكرت تلفوني ومابيتش نرد

~~~~~~~~~~~~~~~~~~~~~~~~~~~~~

فارس :::::: عبير وين هارون ؟
عبير :::::: يتفرج ع الأميرة النائمة
فارس ::::::: هههههههه شن الاميرة النائمة هذه من
عبير ::::::: المصورة جت هنى ورقدت والغريبة انه هارون بدل من يعيط علها يوفقها على رؤس صوابعها طلع هو من المكتب على رؤس صوابعها باش متنوضش
فارس :::::: هارون !!!! جي في خاطري نشوفها خدي تلفون المكتب رن عليه طلع مشغول لانه قايم السماعة بعتله رسالة عالتلفون (شن القصة من يلي راقده في مكتبك )
هارون :::::: (حد وانتم مفلحكم في الدوه)
فارس :::::: (ههههه باهي نخش نشوف ؟)
هارون ::::::: (شوف شغلك وقول لعبير مخصوم منك يومين وزيدي هدرزي )
فارس ::::: ( ربي يعاون 😉 )هههههه

هارون :::::: ناض من مكانه وقف جنبها طبس شوية غطاء بوشاحها رقبتها
غالية:::::😳 فتحت عيوني هارون ؟؟؟
هارون ::::: 🤨 نحسبك متي شن جايه وراقده هنى ؟
غالية :::::: نضت قعمزت من جدك وتتكلم زيادة تي انت يلي اجتماعك معادش تم غر زعميته موعيدك مزبوطة ، وشديت يده لفيتها شفت الساعة 😱 5:30 هذا كله اجتماع
هارون :::::: ايه املاه شن يعنى جيت لقيتك رقده قعدت نتفرج عليك 🤨!!!!
غالية ::::: نضت خديت شنطي من عالطاولة ، هي تفضل المصور متصلين مرتين عاودت الاتصال وشفتله مذخلنيش فيك راهو بنقوللهم هو ماكملش اجتماعه
هارون ::::: قولي 🤷🏻‍♂️
غالية ::::::: اتصلت قلتلهم وقالوا توا نديروا موعد ثاني خديت الحاجات لميتهم شوية وخش هارون
هارون :::::: هيا كان واتية بنروح حتى انى روحي ارقدي في الحوش عالاقل
غالية :::: تي اما ارقدي ومديتله الحاجات
هارون :::::: 🤨 يفكر كيف بيطلع قدام الموظفين قايم معها بضاعتها 😂
غالية :::::: حتى الليلة ماسكة في الصيدلية يادوب نغير وناكل حاجه ونطلع
هارون ::::: 😣 والله هكي ماكويس ليك قلت النوم والتعب ح يجي يوم وتأتر عليك
غالية :::::: عادي تمشي الامور وركبت في السيارة لما قريب نوصلوا قالي
هارون :::::: خشي كولي وارقدي ، انى مع 8:30 بنطلع عندي مشوار توا نوصلك على طريقي مافيش داعي تطلع من توا من سيارة للثانية باش توصلي
غالية :::::: ياحليلي 😍 كان مش خاطب راهو قلت يلخبط فيه هههههه ، على كل حال شكرا ونزلت
هارون ::::::: قعد ساكت وهو يفكر 🤔 ماشاءالله مش عارف كيف ناجحه في قرايتها وهي بالدماغ هذا
غالية :::::::: نزلت طول قلتلهم ينوضوني الساعة 8 خشيت رقدت 😴 زي الميته
العنود ::::::: غدوا بناخد معاشي وبنمشي نشري بيه لبس ومكياج
رشيدة ::::::: وقته هذا توا؟؟
العنود ::::::: انتِ حلفتي ماتخديشي لانى متزوجه 😒 وهو والله ماهو رايهم باهي تي كان يخدم في نص خدمة غالية راهو فاتح حوش مش ملوحني عندكم 5 شهور توا بالله عليك انتٍ يلي نطيتي طول حلفتي على فلوسي عاجبك حال بنتك تمشي وهي راقده الارهاق مخلي منظرها بكل لامته هذا ؟؟؟ باش انى نفتح حوش لراجلي ؟؟ لا هو الراجل يدبر رأسه مادام انتِ ماتبهمش والله ماهو رايهم
رشيدة :::::: هذا كلام جديد !!
العنود ::::::: مشيت وخليتها

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

استبرق :::::: الخميس فيه عرس عيلة && ترفعنا 🥺
هارون ::::::: يحط في كريمة لشعره شوفوا موسى
استبرق ::::::: موسى مدام امل مش ماشية والله مارفعنا بعدين جنات بتجي تمشي معاي
هارون ::::::: كملت وخيره خالك ما يرفعكمش ؟
استبرق :::::: والله قالت خالك قال هونا خطيبك
هارون ::::::: شيء بيلصقها بيلصقها هز رأسه بملل ونزل
سالمين:::::: طالع ؟
هارون ::::::: عندي مشوار ربع ساعه ونجي. وتوا العشي وطلع للجنان طلع تلفونه واتصل
غالية ::::::: نضت لبست ورجعت رقدت في الصالة رن تلفوني رديت الو
هارون ::::::: كان واتية اطلعي انى في الجنان
غالية ::::::: كيف قلت شكله ماصارش من مشواره لحظه بس خديت شنطي وطلعت ركبت معاه شفتله طارح بالجني كله شوره مشوارك لحوش خالك
هارون :::::: ضحك وسكت وصلها
غالية::::::: شكرا نزلت
هارون :::::: استنها لين خشت ولف ورجع للحوش ! ماكانش عنده مشوار لاشيء بس مايقدرش يقوللها نطلع على خاطرك نوصلك

~~~~~~~~~~~~~~~~~~~~~~~~~~

#ثاني_يوم

غالية ::::: هذا اليوم خديته نوم من وقت روحت الصبح لتوا نضت على صوت العنود
العنود ::::::: نوضي نوضي
غالية :::::: شن هذا
العنود ::::::: نضت الصبح مشيت سحبت معاشي وطلب اجازه وطلعت للسوق 1700 روحت منهم ب 200 دينار بس
غالية :::::: قعمزت شن خديتي ؟
العنود :::::: هضم قفطنين لامي بوشاحاتهم وهضم لبستين ليك وهضم لبسات ليا
غالية::::::: ماخديتي لمعمر شىء ؟؟
العنود ::::::: والله من بياخد للثاني ؟؟
غالية ::::::: اهو عالاقل لما يسأل عالمرتب تلقي باش تسكتيه
العنود :::::: نوضي قيسي وفوتيه خديتهم S لبساتك
غالية::::::😒 تي علاش ناخد في M انى
العنود :::::: ويجيك هكي كبره اصلا وليتي بتموتي
غالية::::: الوسع باهي هههه
العنود:::::: نوضي وانتِ تقول حناي الله يرحمها
غالية:::::: نضت قست والحق تاريه الجديد يغير النفسية فرحت تعشينا وخشت امي والعنود رقدوا وانى تفرجت شوية وطلعت قعمزت في الجنان
هارون ::::: شافها من روشن داره دار روحه نازل صدفة نزل وقف ورها مقعمزه عالعشب لابسه توته لونها اسود ومش حاطه وشاح
هارون ::::: دار صوت 😍
غالية::::: تلفتت شفته لبسة البرنوص متع التوته وصكرت السريته لفوق ، خيرك مولي زي الهم وين نتلفت نلقاك
هارون :::::: ههههههه قعمز جنبها الملافظ سعد
غالية ::::::: هذا قاموس غالية بروحه
هارون :::::: خيرك نايضه
غالية :::::: شكلي خديت على قلة النوم
هارون :::::: قعد يشوفلها وساكت
غالية :::::: حسيت بنظرته غريبة 💔 وقفت قلتله انى بنخش نرقد تصبح على خير
هارون :::::: هزلها رأسه وقعد ساكت

~~~~~~~~~~~~~~~~~~~~~~~~~~~

#ثاني_يوم

العنود ::::: ووقع هذه
ادريس :::::: شد يدها مع الوراق 🥺 عيد ميلادك بعد اسبوع
العنود ::::::😳 كيف عرفت
ادريس :::::: العنود علاش ماتبيش تصدقي انى نحبك ونهتم بكل شيء يخصك
العنود :::::: سكتت
ادريس :::::: نبي نحتفل معاك 🥺 نبي تكوني معاي اليوم هذا
العنود ::::::💔 كيف !!!
ادريس ::::::: انتِ وافقي بس انى نرتب كل شيء
العنود::::: هزيت رأسي بالموافقة ومكنتش نعرف وقتها انه الهزه هذه بتكلفني غااااالي 💔💔💔

~~~~~~~~~~~~~~~~~~~~~~~~~~~~~~

هارون :::::: صكر منه حسام وهو يسأل عالحال ويعزم فيه على عشي هو وجماعته وهو مش فاهم الاهتمام هذا عارف انه نفسه مدير غالية بس مش قادر يربط الموضوع طلع لخدمة ومع الساعة 5 مروح يشوف في غالية تنزل من سيارة صاحب السيارة قعد واقف بعد ماخشت قرب ونزل حسام !!
حسام :::::: مرتبك اهلين هارون شن الاخبار
هارون :::::::😒 شن عندك في الجيهة هذه ؟؟
حسام :::::: فيه وليد نعرفه مريت عليه وانى بنطلع معرفتش لخبطة في الشارع نزلت نسأل كيف نطلع
هارون :::::: هذا حوشي خش اشرب قهوة
حسام :::::: فرح ان شاء الله خل ندرس السيارة كويس
هارون ::::::: خش وهو متعصب 😠 لقي غالية واقفة في المطبخ مع استبرق
غالية :::::: هيا نادها امي وينها
استبرق::::: اصبري في الحمام قالت توا تطلع
هارون :::::: غالية ديري زوز قهوة وهاتيهم
غالية ::::::: 🤨 تشوف فيا قاعدة كيف مروحه..
هارون ::::::😡 امك مهناش من بيديرها ؟؟
غالية ::::::💔 اوكي انى لساني طويل ونرد الف رد لكن لينا ايام مديرين هدنا سكتت وقلتله بأستفزاز حاضر
استبرق::::::😳 من معاك توا نديرها انى
هارون ::::::::😒 هي وتجيبها هي
غالية ::::::: في بالي هلبا كلام بنقوله بس قبلها كنت نبي نشوف لشن بيوصل درت القهوة واستبرق متحشمة تبرر هو لما يتعصب وخدمته واكيد هو وفارس مش ح يطلب تطلعها لحد براني ووو انى ماسمعتش نص الكلام درتها وطلعت
حسام :::::: بنتعبوكم
هارون ::::::😏 مافيها تعب قلت لبنت المراة يلي تخدم عندنا تديرها وتجيبها
حسام ::::::: سكت وحس انه فيه حاجه مش مزبوطه كيف البنت بتجيبها
هارون :::::: شاف غالية جايه 😠 اهي البنية جت
حسام :::::: لا اردين تلفت 😳
غالية :::::::😳

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى