رواية جنون عاشق الحلقة العاشرة | القلم الناجح
روايات ليبيه كاملة

رواية جنون عاشق الحلقة العاشرة

جميع حقوق الطبع والنشر محفوظة

#جنون_عاشق

الحلقــــــــــ (10)ـــــــــة

هارون ::::::: خش يجري دق دقتين ووين مارد حد وشاف منظر المية خبطه الباب خبطين الثالثه انفتح
هارون ::::::😳
رشيدة ::::::: عيطت اهاااااا
غالية :::::::💔😢 خشيت نجري كان منظر العنود راقده عيونها مغمضات كلها تحت الميه بحويجها يلي خشت بيهم 💔 جريت بنطلعها
رشيدة :::::: طاحت قدام الحمام تبكي 😭😭
هارون :::::: معرفش يخش والا لا مرات تكون مش لابسه
غالية :::::::: حاولت نقيمها مقدرتش عيطت هااااارون تعاله رزنت عليا
هارون :::::: خش يجري قامها
غالية ::::::: قمتها من رجلها الحمام كله اميه يزلق هي رزنت من الميه يلي علها انى فشلت من الموقف معادش عندي قوة 💔
هارون :::::: طلعها للصالة وقعمز خبط وجهها وشد يدها يشوف في النبض
غالية :::::::: جبت السماعات وجيت نجري
رشيدة ::::::: مصدومة مقعمزه في مكانها
العنود ::::::: بديت نفتح في عيوني بالشويه
غالية :::::::😢😍 نبكي ونضحك فاقت فاقت
رشيدة ::::::: جت تجري خيرك بنتى خيرك
هارون ::::::: وقف وخر شوية
غالية :::::: شن صارلك !!!
العنود :::::: نضت قعمزت مش عارفه عجبنى منظر الميه 💔
هارون ::::::: ناض من جنبهم
العنود :::::: خشيت في الميه كأني دخت والا اغمى عليا معادش حسيت بشيء
غالية :::::: قمنها غيرنا حوايجها وخشت لسريرها
رشيدة :::::: شكله هبطلها الضغظ خل نديرلها حاجه تاكلها
غاليه ::::: حتى انتِ حوايجك اميه غيري قبل ومشيت قعمزت جنبها 💔😢 العنود خيرك
العنود :::::::: شيء غاليه قتلك شكله تعب بس خلينى نرقد وقولي لامي مانبي نكل شيء نبي نرقد بس
هارون :::::: شاف رشيدة خاشة للمطبخ وهو واقف في الباب ، شن خالتي رشيدة كويسة والا نرفعوها للمستشفى ؟؟
رشيدة ::::: لالا فاقت كويسة
هارون ::::: حول الفرشة يلي في الممر كلها اميه حطها برا وخش للحمام فتح الحوض باش تمشي الميه وحاول يصلح الباب
رشيدة ::::::: خشت 😳 رقدت !!!! انى درتلها شاهي اعشاب وحطيت شربة عالنار
غالية :::::: خلها ترقد توا وطلعت طلعت من الحوش بكل قعمزت برا نحس في روحي مخنوقة 💔
هارون :::::: صكر الحمام وطلع لقي غالية مقعمزه برا حاضنه روحها وواضح انها صقاعنه حوايجها كلهم اميه ،، مشي فتح سيارته جاب منها توب ليه وجي حطه علها بالشوية بتمرضي هكي ، نوضي خشي
غالية ::::::: نفضت يديه طاح التوب من على كثافي ، 😠 مديرش روحك حنين توا كله منكم دمرتوا حياتنا العنود مادختش وانت عارف زي ماانى عارفه 💔😢 اختى اليوم حاولت تنهي حياتها كله منكم 😢😡 العنود مش زيني تتحمل بنيتها ضعيفة تعرف شن معنى انسان من يوم يوعا عالدنيا وهو يخلص في دين تم عمرنا ودينكم ماتمش خشيت وسيبته

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

#ثاني_يوم

غالية ::::::: لما خشيت وخليت هارون. لقيت امي حاضنه العنود وراقده مسحت الميه يلي في كل وطلعت الحاجات يلي انبلوا برا رتبت الحوش لقيته الضي طلع 💔 درت فطور معتبر لامي وللعنود حتى انى طلعت جبت ورد من الجنان حطيته والساعة 8 خشيت ننوض فيهم
رشيدة::::: صباح الخير
غالية:::::: هيا نوضوا جعانه انى
العنود ::::: فتحت عيونى 💔 امته نضتي انتِ
غالية :::::: هيا نوضي
العنود ::::::: شوية بس. ندوش ونجي
رشيدة :::::: مافيك شيء مش لازم
ابعنود :::::: ابتسمت متخافيش عالسريع خشيت والباب كان قفلة مكسر رديته واول ماوقفت تحت الميه دموعي بدوا ينزلوا اغتسلت وطلعت صليت صلاة طويلللللللة استغفرت فيها ربي وطلعت حاولت نخلي روحي عادية قدام امي وغالية لانه واضح انهم متأثرين هلبا بيلي صار معاي فطرنا
غالية :::::: خشيت غيرت انى عندي شغل اليوم لليل يما خليك مع العنود توا نكلمهم نقوللهم مش جايه اليوم
رشيدة :::::: باهي
العنود :::::: بنقول مافيش داعي بس مش ح تسمعوا منى
غالية :::::: بالزبط خديت شنطي وطلعت خشيت من باب المطبخ صباح الخير
سالمين :::::: صباح النور
غالية::::::: امي مش جايه تصرفوا 😒
سالمين:::::: اي قال هارون الصبح خالتي رشيدة بنتها مريضه شوية ماتقدرش اليوم تجي
غالية::::::: باهي كويس وطلعت شفت لقيته مقعمز في سيارته يتكلم بالتلفون
دقيت عليه من الروشن
هارون :::::: نزل المرش 😒 فيه اهانه نسيتي تقولها ؟؟؟؟؟
غالية:::::: اسفه كنت معصبة وجت فشة الغل فيك انت بدل مانشكرك
هارون ::::: وشن ثاني
غالية:::::: شيء شن تاني !!!
هارون :::::: 🙃عبري اعتدري اكثر اشرحي موقفك
غالية::::: تصدق بالله
هارون:::::: لا اله الا الله
غالية:::::: انى الغالطة يلي نتكلم معاك وجيت بنمشي
هارون ::::::: مد يده شد شنطتها تعالي وين ماشية انى طالع نوصلك
غالية:::::: لالا اليوم مشواري بعيد
هارون::::: وين
غالية:::: بنمشي لرجل العنود في الجبل
هارون ::::::🤨 مع من ؟ من بيرفعك
غالية::::: مالك ومالي وجبدت شنطي ومشيت
هارون :::::: فتح باب السيارة ونزل غااااالية نكلم فيك
غالية :::::: حد بناخد تاكسي
هارون ::::: والله !!!
غالية::::: والله 🤷🏻‍♀️
هارون :::::: بعقلك انتٍ😡 بتمشي لاخر الدنيا مع واحد ماتعرفيشي !!!!
غالية:::::: 😒 كلمت صاحبتي عمها يخدم على سيارته تجينى يرفعنا لكن قال اليوم مايقدرش وانى ضروري نمشي
هارون ::::::😒 باهي اركبي
غالية:::::: هارون ماعندكش خدمة لاصق فيا 24 ساعه
هارون:::::: اركبي بلا كثر دوه
غالية ::::: الكيد عليك ومشيت ركبت وطلعنا

~~~~~~~~~~~~~~~~~~~~~~~~~~

العنود ::::::: امي دخلت السفرا للكوجينة وانى طلعت تلفوني فتحته لقيت عدد ماهول من الرسائل 💔 كلهم ادريس ومكالمات فائته اكثر من 500 مابيتش نقرا شيء بس شد انتباهي جز من نص اخر رسالة ونعرف حوشك 😳 فتحت قريت الاخيرات كاتب ، من الصبح وانى قالب الدنيا على عنونك ساعات ونعرف حوشك 😱 هذا بيجي والا شن نهاااااارك ياالعنود
خشيت للدار وصكرت الباب واتصلت بيه وقبل مايرن رد العنود وينننننننننك
العنود :::::: شن تبى ادريس خلينى في حالي بالله عليك 💔😢 وبديت نبكي
ادريس :::::: علاش تبكي بس انى مانبيش نضرك بس خفت عليك
العنود ::::: ماتخافش عليا ماتنشغلش عليا ماتحبنيش 😢😢 انى امس حاولت نقتل روحي وماخلنويش
ادريس::::: 😳 يعيط بصوت عالي مهبوله انتِ مهبوله خيرك علاش بتقتلي روحك !!
العنود :::::: 😢 علاش !!! خيرك انت مش حاس بحجم الكارثه خيرك ؟؟ لانها مش اول مره تديرها وله؟؟؟ خيره ضميرك مش معدبك
ادريس::::: والله لو في وضع ثاني راهو سمعتي منى كلام مش ح يعجبك بس توا بنسكت 💔 كل يلي هامنى في الموضوع انتِ انتِ يلي خايف عليك بس ، نبي نشوفك
العنود :::::: ادريس لو سمحت ماتدريش حاجه تزيدني وسلام توا صكرت عليه ورديت صكرت التلفون 😢

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

غالية ::::::: ننعس ورأسي بيطح ونفيق
هارون :::::: تكي الكرسي وارقدي كويس واضح انك مرقدتيش البارح
غالية ::::::: ماعندكش خدمة اليوم
هارون::::: العمر يكمل والخدمة ماتكملش
غالية:::::: طلعت تلفوني واتصلت بحسام
حسام:::::: صباح الخير
غالية:::::: صباح النور ، حسام عندي ظروف اليوم ومانقدش نجي تقدر تشوف حد مكاني ؟؟؟
هارون ::::::😒
حسام :::::: ان شاء الله خير خيرك ؟
غالية:::::: بنمشي للجبل مكان خدمتة راجل اختى ضروري اختى تعبت البارح ولازم نعطيه علم ويدير حل
حسام :::::: ان شاء الله لا بأس نقدر نساعد بحاجه
هارون :::::: حط ايده عالراديو نفتحه ؟؟
غالية::::: شكرا عارفه ماتقصرش
حسام ::::: شكله امورك تمام. وفيه من معاك مانعطلكش وصكر
غالية:::::: وكان نفهم بس شن مشكلتك مع حسام
هارون :::::: أنتِ
غالية :::::😳 معرفتش شن نقول تكيت رأسي عالكرسي وغطيت وجهي بالوشاح واستسلمت للنوم

~~~~~~~~~~~~~~~~~~~~~~~~~~~

#بعد_ساعتين

غالية:::::: فتحت عيوني ملقيتش هارون قعدت نشوف من الروشن
هارون :::::: فتح الباب وركب مثقل نومك معقوله ماتنوضيش تقولي وينه
غالية:::::: وين نزلت
هارون ::::: سألت عالطريقة ونزلت مرتين قبلها مره خديت حاجات نكلوها ومره صليت في جامع وانتِ مافقتيش
غالية::::: مرقدتش ولا دقيقة البارح
هارون :::::: باهي نوقف ناكلوا ؟؟
غالية::::: عادي مازال هلبا ؟؟
هارون ::::: لالا قريب خديت لانه الطريق طويلة وفيها اماكن فاضية زي هذه لا مطاعم لا قهاوي
غالية::::: نفتح فيه الكيسة خساره مصقع
هارون :::::: ههههه هارون مايدير شيء يعجبك
غالية::::: عجبتنى ولا لا في شن هامك المهم عاجب جنات
هارون ::::: بجديات !!
غالية:::::: شن بجديات
هارون ::::::: فتح باب السيارة ونزل
غالية :::::: خديت المشروب وسندوتش ونزلت وراه
هارون .:::::: قعمز على رشاده مقابلها وهي متكيه عالسيارة ،، غالية موضوع الدين بنتكلم فيه مع بوي تمام نخليه بينى وبينك ونغير طريقة الدفع معادش ترهقوا روحكم بالموضوع
غالية ::::: شن بدير
هارون :::::: نغير الدفع سنوي بس ونخليه 5 الف في السنة مثلا !
غالية::::: توا ندفعوا في 15 الف في السنه ؟ عالحال يلي تحكي فيه انت بيخلصوه صغاري
هارون :::::: يخلصه من بيخلصه فوتيه موضوعة
غالية :::::: كملت السندوتش متعي وقربت منه قصيت شويه من السندوتش يلي فيه يده 😉 انت فوت الموضوع. توا نحله
هارون :::::: وقف مازال فيه نجيبلك ؟
غالية :::::: حلي في عيني يلي في يدك هههه وركبت
هارون :::::: ركب جنبها وشافلها
غالية :::::: شن ؟؟
هارون :::::: شيء بعدين لما بنروح بننهي موضوعي انى وجنات
غالية :::::: وانى شن …
هارون ::::::: اششش بعدها توا نهدرزو وفتح يده ومدهالها
غالية :::::: شفت ليده خبطها خبطه خفيفة فكنا من حركات فارس ولد عمك
هارون ::::::: 😂 باهي

~~~~~~~~~~~~~~~~~~~~~~~~~~~~~~

العنود ::::: مش قادره نقيم عيوني في امي قلتلها بنخش نرقد وقد ماحاولت نرقد مقدرتش 💔 وانى كل مانغمض عيوني يجي يلي صار قدامي وين كان عقلي كيف استسلمت هكي معقوله هذا كله حب وقتها كنت حاسه احساس اول مره نحسه في حياتي 💔 ماخلنيش نفكر في شيء وتوا مش حاسه غير الندم

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية:::::: بعد ماسألنا وصلونا ناس للحوش يلي يخدم فيه نزلنا
هارون :::::: خليك توا نناديه للسيارة
غالية::::: توا نخشله
هارون ::::: تي وين خ….
معمر :::::😳 غااااالية !!!
غالية:::::: اهو طلع معمر
معمر ::::: شن جابك هنى
غالية::::: بنتكلم معاك بس مافيه شيء
هارون :::::: تمام انى في السيارة
معمر ::::: شن فيه
غالية::::: يااهتم بالمرأة يلي وخدها ياسيبها العنود امس تعبت واغمى علها في حوض الدوش او هكي قالت ممكن هي كانت متقصده
معمر :::::: قصدك متقصده تلفت الانتباه ؟؟؟؟
غالية ::::::😡 شن تقول انت مراهقة هي باش تلفت الانتباه!!!
العنود وحيده انى وامي مشغولين وانت مش موجود هي تبي اهتمام تبي حد معها هذه طبيعتها اهتم بمرتك كون جنبها مش مستعده نخسر اختى انى
معمر::::: وانى على من نخدم مش علها وباش نديروا حوش
غالية :::::: الخدمة في كل مكان اقعد معانه غادي ومعاشكم الاثنين ساد والحوش اسكن معانه اهم شيء ماتضيعوش روحكم وانتم تدوروا في حياة احسن
معمر ::::: جايه باش تتفلسفي عليا
غالية :::::: عصبت وبدي صوتي يعلا مابعدها هي هذا بس وين فكرت تنتحر
هارون ::::: سمع الصوت نزل غالية بري للسيارة توا نهدرز معاه
غالية ::::.: تي يقولك ….
هارون ::::: غاااالية اعطينا معاك كلمة
غالية:::::: مشيت ركبت في السيارة
هارون :::::: ياراجل اركب معانه توا اطمن على اهلك بعدها يصير خير في خدمتك
معمر :::: الناس مستعجلة كان نسيب يجيبوا حد مكاني
هارون ::::: شوفهم توا وفلوس الخدمة كان ماصارش منها عندي ان شاءالله
معمر :::::::🤔 شوية بس
هارون :::::: مشي ركب في السيارة اركبي ف الخلف اهو بيجي معانه
غالية ::::: كيف اقنعته ؟؟؟
هارون :::::: مالك ومالي ، هيا اهو جي
غالية:::::: نزلت ركبت من الخلف وطلعنا طول الطريق كلنا ساكتين لين المغرب وصلنا

سالمين::::: 😒 وين كنتو
غالية :::::: سكتت
هارون :::::: جبنا نسيب خالتي رشيدة من الجبل
سالمين :::::😳 انت وغالية ؟؟؟
معمر :::::: نزل واتجه للحوش
غالية::::::: حسيتها مش عاجبها مشيت وخليتهم
هارون :::::: ماشي للحوش ،، ايه
سالمين ::::: هبلت والا شن شن رفعك معها لحد الدنيا وبروحكم
هارون :::::. ماكلتهاش وركب الدروج
سالمين ::::::: يلي خايفة منه صار هذه خدتله عقله
استبرق:::::: شن ماما
سالمين::::: شيء شيء توا نتصرف انى

~~~~~~~~~~~~~~~~~~~~~~~~~~~~~

غالية::::: خشيت للعنود شن حالك توا
العنود ::.:: الحمدلله
غالية:::::: معمر جي
العنود :::::: انصدمت 😳 ماعنديش عينه نشوفه 💔💔 شن جابه هو مشي من يوم بس
غالية :::::: انى قلت حتى يغير جوك
العنود ::::: بدت تعيط من سمحلك من سمحلك 😠 علاش تدخلي في حياتي هكي من قالك نبيه انى
غالية::::::😳 اسكتي يسمعك
العنود ::::::: علاش كل شيء بالسيف عليا مدخلكش مانبيش نشوفه
رشيدة::::: خشت خيرك !!! اطلعي للراجل
العنود :::::: مش طالعه افهموا مش طالعة معادش نبيه حتى بنطلق منه
غالية::::: انتم صاير بينكم مشكلة هذا علاش هكي درتي امس !!!!
معمر ::::: فتح الدار خيرها تلعلع هذه 😡 دير روحك مهبول يخافوا منك الناس
العنود :::::: اطلع منبيكش معادش نبيك طلقني تسمع فيا طلقني
معمر :::::::😒😠 طلع وخلها
رشيدة ::::: شدتها وقعدت تقرأ علها في قرآن
غالية :::::: طلعت وانى مش فاهمه شيء بنكحلها عميتها
العنود ::::::: قعدت نبكي نبكي مانقدرش نتحمل عذاب الضمير هذا

~~~~~~~~~~~~~~~~~~~~~~~~~~~~

#بعد_ثلاثة_اسابيع

غالية::::: من هضاكه اليوم ماتغير شيء في حياتنا انى رجعت لخدمتى زي قبل وحتى امي الا العنود قاعده مكتئبه وحنى مش عارفين خيرها 💔

العنود :::::::: مش عارفه شن ندير معمر من هضاكه اليوم رجع لعمله وانى مصره عالطلاق رغم ماحد معدل على قراري 💔 الخدمة معادش مشيت بس اليوم قرارت نمشي جهزت روحي وطلعت خشيت للشركة بعد السلام والترحيب والسؤال من البنات مشيت لمكتب ادريس دقيت الباب وخشيت
ادريس ::::::😳😍 العنود وجي يجري حضنها اشتقتلك اشتقتلك ❤️
العنود :::::: مسحت دموعي وشفت للصالون 💔
ادريس :::::: وينك هبلت جنيت قعمزت ساعات قدام الفيلة يلي تسكنوا فيها على امل تطلعي
العنود ::::::: انى تعبت نهرت جنيت 💔 مش قادره نرجع زي قبل
ادريس::::: حاس بيك حبيبتى
العنود :::::: طلبت الطلاق من معمر
ادريس:::::: شن قال ؟؟
العنود ::::: مااهتمش وما كلمنيش في الموضوع بس انى مصره مش ح نرجع معاه زي قبل مانقدرش
ادريس :::::: شد يدها شن تبي انى ندير قوليلي شن يريحك ؟
العنود ::::: في وقتها كان خاطري نقوله نطلق وتزوجنى بس هو علاش ما عرضش عليا علاش هكي يبينى انى نطلب 💔 قلتله يريحنى ننتقل من القسم هذا معادش نبي نخش المكتب هذا 💔
ادريس ::::::: استمر سكوته للدقائق وبعدين قال حاضر كيف ماتبى
العنود :::::: وقفت بنطلع
ادريس ::::::: كنت بنشريلك هدية بس خفت يلقها حد عندك زي الساعه وتصيرلك قصه لهذا حطيتلك في حسابك مبلغ تتصرفي فيه تعتبريه مكان الهدية
العنود ::::::😠 تلفتت انت …
ادريس :::::: ردي بالك تقوليلي مقابل يلي صار لانه المقابل يطلبوا فيه هو الاول لا مقابل ولا جائزة على يلي درتيه نبي ندير شيء على شانك بس نبي نساعدك بشيء يفرحك ووين سألت وعرفت قصة الدين يلي عليكم حبيت نريحك فترة
العنود :::::: سكتت وطلعت شيكت على حسابي كان فيه 10 ألاف تبوا الحق فرحت وتغيرت نفسيتى بنريح امي وغالية مره في هالحياة من هالحمل

~~~~~~~~~~~~~~~~~~~~~~~~~~~~

غالية:::::: اليوم مشيت لجد حسام ضميت الحوش ودرتله الغدي وجي حسام وامه تغدينا وخشيت نرتب في المطبخ
ام حسام ::::: خلي عليك
غالية ::::::: لالا عادي
ام حسام :::::: بوي حابك
غالية ::::::: ماشاءالله عليه حتى هو قداش طيب كانى نعرفه من سنين
ام حسام::::: حسام قال زميلتي تخدمي معاه
غالية :::::: ايه انى صيدلانية
حسام ::::::: خش كيف ماشية التحققات لتوا
غالية::::: ضحكت هههه
ام حسام::::: نهدرزو عادي خيرك
غالية::::: انى بنروح خلاص وقت
حسام ::::: توا نوصلك استنى
غالية::::: لالا مافيش داعي
ام حسام:::::: لالا عادي اهو حتى انى بنلبس عبايتي ونطلع معاكم
غالية::::: ياليل🤪 طلعنا وصلوني نزلت هيا تفضلوا
ام حسام::::: لالا مره ثانية ان شاء الله
حسام :::::: تمام نتلاقوا 😉
غالية ::::: قلتلهم باي وخشيت لقيت السيد هارون واقف عالباب وفارس مقعمز في الجنان قلت السلام عليكم وجيت بنخش
هارون ::::: تطورتوا بدت حتى امه في الموضوع !!!!
غالية ؛:::: تكلم فيا ؟؟
هارون :::::: لا في الحيط 😡 شن ركبك معاه مره تانيه
غالية:::::: نقص صوتك وانت تتكلم معاي باي حق تدخل فيا اصلا
هارون :::::: غالية ماتجننيش
غالية :::::😒 وجن شن هالشعب هذا نركب مع من نبي ونطلع مع من نبي وحتى نبات مع ….
هارون :::::::قرب وشد وجهها بقوة من جيهة فمها لين معادش قدرت تتكلم ، تقولها نقتلك احترمي نفسك خيرلك
غالية:::::: نحاول ندف يديه
فارس ::::: هاااااااااارون
هارون :::::: طلقها بقوى
غالية:::::: مريض اقسم بالله مريض وحطيت يدي على وجهي وخشيت
فارس :::::: شن ليك علاقة بيها؟؟
هارون :::::: ليا علاقة ماحد يتدخل 😤
فارس::::: منور ياولد عمي بدل الكذب واللف والدوران راهو جيت بصراحة قلت البنت عاجبتنى وتخصني راهو طلعت منه الموضوع وطلع روح
سالمين :::::: خيره صوت فارس عالي
هارون ::::::: فضها مع خوك وخش
سالمين::::::😳 شن شن قلت تعاله هنى هارون
هارون :::::::: انهى الموضوع معاه قوليله مافيش نصيب يخلي بنته تشوف حالها وركب
سالمين :::::: يلي خايفة من صار لكن تموت ولا نخادلك بنت المغربية

~~~~~~~~~~~~~~~~~~~~~~~~~~

العنود :::::: ياامي راهو اول ماروحت اليوم مشيت لجمعة عطيته 5 الف من الدين وقلتله معادش تكلمنا 3 شهور عالاقل
رشيدة ::::: من وين ليك
العنود ::::: سحبت سلفة
رشيدة :::::: باهي مفروض اديري بيها حوش انتِ وراجلك مش ..
العنود :::.. افهمواااا راجلي بنطلق منه خلاص انسوا الموضوع هذا والراجل خلاص عطيته الفلوس وخشيت للدار
غالية:::::: خشيت معصبة من هارون حتى امي نسمع فيها تعارك على يلي دراته العنود ماقلت شيء

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~

#ثاني_يوم

غالية:::::: جتنا نهى تهدرز علينا عشية وجت حتى استبرق
نهى :::::: الشارع بلاكم اععع
غالية:::::: والله حتى انى استحشت جونا قبل
نهى ::::: باهي تعالوا حتى يوم زيارة مع انه حد يسيب الجنة هذه 😍 طلعونا للحديقة شويه
غالية::::: بلا جو
استبرق::::: عادي شن فيها
غالية::::: باهي هيا طلعنا قعمزنا برا شوية
نهى :::::: انى عمي يرن اكيد برا
غالية:::::: ناصر خل ناخد وشاحي ونسلم عليه لبست وشاحي وفتحنا الباب
نهى ::::: ناصر تعاله سلم غالية
ناصر :::::: نزل وعيونه في الارض اهلين غالية كيف حالكم
غالية::::: الحمدلله اصبر نكلم امي بتسلم عليك
استبرق:::::: ابتسمتله
ناصر ::::: كيف حالك 😍
نهى :::::: هذه استبرق تعرفت علها اليوم لكن ولت صاحبتى باش نجها ونصور في حوشهم وننزل عالفيس 😍ههههه
استبرق::::: تشوف لناصر بخجل تتفضلي في اي وقت
غالية ::::::: جيت انى وامي وحسيت انه فيه جو صاير فجاء ناصر وله دمه خفيف ويبصر ويضحك
سلموا وطلعوا
لفيت بنخش نادتنى نهى
نهى ::::: هذا رقم عمي ناصر اعطيه لاستبرق
غالية:::::😳 مصحك
نهى ::::: تي عادي خيرك
غالية:::::: مسرع
نهى :::::: شدي بنطلع نروح
غالية::::: مانقدرش فكينى من هالدوه
نهى ::::: باهي اعطها رقمي وقوليلها تكلمنى ضروري
غالية::::: باهي ومشيت لقيتها في الكوجينة قلتلها فكرينى نعطيك رقم نهى تبيك
استبرق::::: هي والا عمها 😉😂
غالية::::: ماشاءالله طلعتي فاهمة هذه الورقة كتب فيها الرقم وانى مقدرتش نقول انكم تبوا واحد من نفس طبقة عيلتكم وهكي وزعيه انتِ بمعرفتك
استبرق::::: علاش بنوزعه شكله جوه حلو خدت الورقة هيا سلام انى توا
غالية::::: وقفت مصدومة مش عارفه اهلك مايعطوش للقبيلة الفلانية والا العيلة الفلانيه والا الوضع المادي الكد علاش تعشموا في بعض 🤷🏻‍♀️من الاول اختاري صح وانتِ عالبر علاش تتعمقي وبعدين تولي اصعب ، شفت هارون من روشن المطبخ 💔 وانتِ خيره ماتقوليش لروحك الكلام هذا غالية فيقي غالية سمعتينى 🙃

~~~~~~~~~~~~~~~~~~~~~~~~~~~~~

#ثاني_يوم

العنود :::::: 😳 شفت التاريخ وانى مصدومة مفروض جتني من 4 ايام 😱 خبطت خدود حييييي كان نطلع حامل طلعت نجري خديت اختبار حمل وخشيت لحمام المكتب …..

سالمين ::::: تعالي قعمزي يارشيدة
رشيدة::::: ان شاء الله خير
سالمين :::::: لا مش خيرك بكل 😒 بنتك غالية
رشيدة::::: خيرها
سالمين :::::: ……

غالية ::::::: مقعمزة في الصيدلية رفعت رأسي هارون 😳 شن جابك هنى
هارون :::::: غالية…..

#يتبع

رواية جنون عاشق للكاتبة صفاء

 

اترك رد

زر الذهاب إلى الأعلى