رواية جنون عاشق الحلقة العشرون .. الكاتبة صفاء | القلم الناجح
روايات ليبيه كاملة

رواية جنون عاشق الحلقة العشرون .. الكاتبة صفاء

رواية جنون عاشق الحلقة العشرون .. الكاتبة صفاء

 

#جنون_عاشق

الحلقــــــــــ (20)ـــــــــة

ادريس :::::: مشيت بعد اسبوعين تقريبا سألت عليك لقيت نفس الراجل متع ليلتها قال البنات سافروا للمغرب
العنود:::::: من ؟؟ كيف ؟؟؟😳 وقتها تأكدت انه جمعة شافنا هذيكة الليلة ودار هكي قصدنا 💔💔باش يبعد ادريس
ادريس ::::::: شن فيه خيرك
العنود ::::::: بديت نخاف من ادريس 💔 شن ممكن يدير مانعرفش مابيتش نحكيله ااا، هي غالية سافرت وانى طلعت من الحوش هو يحساب حنى الزوز سافرنا
ادريس:::::: اها ممكن
العنود ::::::: سمعت صوت الباب 😳 ادريس باي توا باي وصكرت وانى نفكر في جمعة !!

~~~~~~~~~~~~~~~~~~~~~~~~~~~~~

حسام :::::: حول يا 🚫
هارون :::::::: هذه مرتي مررررررتي
حسام :::::::😳
غالية :::::::: هارون خلاص بلا كذب موضوع وانتهى💔
هارون :::::: وهو مطبس بيضرب حسام كانك مش مصدقة بري طلعي ورقة بوضعك الاجتماعي
غالية:::::😳😳😳ها …. هارون شن قصدك 💔 انت طلقتني
حسام :::::: مصدوم وساكت
هارون :::::: طاح ضرب فيه بدون مايرد عليها
غالية ::::::: حاسه روحي بندوخ خلاص ، قعدت جامده ،،، شوية وسمعنا صوت سيارة شرطة ، 🙄 واحد من الجيران الواصلين اتصل بمعارفه لما سمع الدوشة هارون يقولي خشي وانى صكرت رأسي بنمشي معاهم عاد كيف لزم نتفلح ونوري عضلاتي 🤦🏻‍♀️ بنمشي باش نكذب هارون ع اساس

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود ::::::: انى بنرجع للخدمة في الشركة
معمر :::::: كيف صار !!!
العنود :::::: شيء كلمتنى وحده معاي قالتلي طالبين موظفين ثاني ، خدمة يومية مضمونة احسن من يوم فيه ويوم لا
معمر :::::: باهي 😕
العنود :::::: خلاص من غدوا بنمشي ان شاء الله تصبح على خير ، وخشيت للدار اووف قداش بترقدي بكري ليلة وتهربي منه لازم نفتح موضوع الطلاق مره ثانية 💔 ولازم نلقا سبب مقنع قبل

~~~~~~~~~~~~~~~~~~~~~~~~~~~~~

#في_المركز

حسام :::::: مقعمز وشاد خشمة يلي شكله انكسر انتفخ ولونه ازرق
هارون ::::::: مقعمز في النص وقااااارن حواجبه 😤
غالية ::::::: مقعمزه ونهز في رجلي بقوى ،،، شفت لحسام 🥺 شكله انكسر خشمك انتفخ
حسام ::::::: انتفخ هلبا ؟؟؟
غالية :::::::: ااااااي وله اكبر من عقولكم انتم الزوز 😒
الضابط ::::::: هههههههه
هارون :::::: 😒 يشوفلها بالك اطلعي حاجه تمسحي فيها وجهك خير
غالية :::::: في خاطري نسيت بكل مروحه من الحفلة وجههي مكياج 😒 عاجبنى هكي
الضابط::::: جيبوله ثلج ،، السيد حسام مصر يشتكي عليك انت تبى تشتكي ؟؟؟؟
هارون ::::::: ساكت
الشرطي :::::: جاب ثلج وقطن
غالية :::::::🙋🏻‍♀️ انى صيدلانية نقدر نساعده …
هارون :::::::😡 اي نشتكي حاول يبوس مرتي شن مفروض نديرله
غالية ::::::😳 يااااااربي صبر قاعد يقول مرتي انى مش مرته اطلقناااااااااا
الضابط :::::: لكن توا وين درنا بحث عليكم وضعك الاجتماعي متزوجة !!!!
غالية :::::::💔😳
الضابط ::::::: واضح انها كانت راضية تقدر ترفع قضية زنا لو تبى 🤷🏻‍♂️
غالية :::::::😱 بلعت ريقي وربي بعد يلي قاله هارون الليلة حسيته يديرها مريض يديرها 💔 قعدت نهمسله هارون هارون 🥺🥺
هارون :::::: ساكت 😒
حسام ::::::: غالية فهمينى زواج شن وطلاق شن ؟؟
غالية ::::::: غر استنى انت ،،، هارون
هارون ::::: شافلها
غالية :::::: شفتله هكي 🥺 هذه مافهاش لعب يحبسوني 💔
هارون :::::: نقدر نتكلم مع مرتي بروحنا ؟
الضابط :::::: شكلها ليلة طويلة وناده الشرطي رفعهم.
غالية :::::: طلعنا لقينا فارس برا
هارون ::::::: ماتكلمش بوي 😠 ودخلوهم لمكتب ثاني
غالية ::::::: شديت رأسي بيديه هارون احنى اطلقنا فهمنى توا شن قاعد يصير
هارون :::::: مااطلقناش
غالية ::::::: ضحكت بغضب هههه ماتهبلنيش هارون انى كلمة انتِ طالق قاعده ترن في رأسي لتوا انت عارف انه اطلقنا
هارون ::::::: شاف مناديل عالطاولة خداهم وقرب من غالية حطهم على فمها
غالية :::::::😳 حولتله يده شن ادير
هارون ::::::: امسحي وجهك ياسر يلي تفرجوا عليك لتوا 😠 وخلي نطلعوا من هنى بعدين ساهل
غالية ::::::: 🥺 باهي اسمع
هارون ::::::🤨 شن
غالية ::::::: فكنا من العار سادنا الليلة تنازل خل نطلعوا
هارون :::::: فتح الباب وطلع صكر علها المكتب
غالية :::::: نمسح في وجهي صدقت فيه جنات لما قالت مريض 🤦🏻‍♀️ شن هذا شوية وجي طلع حسام متنازل شكله لما الضابط قاله مدام مرته معنها القصة ضدك تنازل طلعنا مع فارس
هارون :::::: مقعمز من قدام من قالك انت
فارس ::::::: طلعت لما سمعت السيارة والدوشة سألت قالوا هارون
هارون ::::: والعيلة !!!
فارس :::::: راقدين وانى ماكلمت حد ،، شن قصة الزواج هذه
غالية ::::: قدمت مديت وجهي بين الكراسي ونشوف لفارس ، بالله عليك شوفلي يافارس هذا وجه وحده تكذب 🥺 والله والله طلقني
هارون :::::: وخرلها وجهها بيده بقوة ، 😒 قعمزي في مكانك وفكينا من شوف وجهي وشوف عيوني ، تعزمي فيه والا شن
فارس ::::::: 😂
هارون ::::::: 😤 اسكت انت وتلفتلها شوفي انتِ لوجهي هذا وجه واحد يكذب والله العظيم الا مرتي وتلفت القدام
غالية ::::: وصلنا نزلت قبله وهو قعد يكلم في فارس قعدت نستنى فيه
هارون ::::: خش 😒 بري ارقدي غالية
غالية :::::: 😠 قال ارقدي قال خليت فيها نوم انت !!! هارون شن ادير ، انت عارف زي ماانى عارفه انه اطلقنا من وين طلعت قصة مرتي هذه
هارون :::::: غالية امشي توا لانك الليلة نرفزتينى بما يكفي وخش
غالية::::: 😤 ياربي شن هذا نحس في روحي خلاص بنهبل شن الدوامة يلي انى فيها خشيت للدار حولت عبايتى لقيت امي راقده خديت بيجامتي وطلعت بنغير في الحمام سمعت صوت في الكوجينة خشيت
هارون :::::: يدير في قهوة
غالية ::::::: وقفت نشوفله
هارون ::::::💔😒 تلفت شاف للقفطان كنتى معاه هكي ، وين كنتى انتِ ويه !!!!!
غالية :::::: هارون شكك واتهماتك ماتمش !!! 😠 كنت في حفلة اخته ،، حسام شن يلي بنطلعله هكي ولفيت ومشيت زيد اشرب القهوة خل يجوك الاعصاب ناقصك انت
هارون :::::: ضحك وقاللها بصوت مسموع ماتخافيش عليا ❤️

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

#ثاني_يوم

العنود ::::::: جهزت روحي ومشيت للشركة المره هذه مش زي المره الاولى مش ماشية باش نرضا باي شيء خصوصا بعد شفت بلقيس مرته
ادريس :::::: اهلا وسهلا خشي
هناء ::::::😘😘 اهلين وينك تبخرتي في يوم وليلة
العنود ::::::: اهو جيت
ادريس ::::::: قعمزي هناء اطلبي لزميلتك قهوة
هناء ::::::: حاضر وطلعت
العنود ::::::: ☺️
ادريس ::::::: نورت الشركة مكتبك واتي
العنود :::::::: ادريس بصراحة انى نبي حجره بروحي مانبيش نكون مساعدة لهناء انى جيت للشركة باش نكون جنبك مش لشيء ثاني
ادريس ..::::: اها تمام حاضر احلا مكتب لعيونك واشتغلي شن تبى المهم قاعده معاي 😍وخدي التلفون اتصل طلب منهم يجهزوا المكتب

~~~~~~~~~~~~~~~~~~~~~~~~~~~

رشيدة :::::: تحط في الفطور والكل مقعمز
استبرق :::::::: وين غالية خالتي رشيدة
رشيدة ::::::: طلعت من الساعة 8 قالت عندي خدمة
هارون :::::::🤔

المحامية:::::: هو دخل عليك ؟؟
غالية :::::😳 لا
المحامية::::: معنها مايحقلاش يردك بدون علمك لانه ماعندكش عدة لو كان داخل بيك يقدر يردك خلال العدة حتى بدون علمك
غالية ::::::: يعنى توا شن !!
المحامية::::: يعنى صاحبنا يلعب بالقانون توا ، ماسجلش حالة الطلاق في المحكمة قدام القانون انتِ مرته وبما انه زي ماقلتي مافيش حد معاكم. وين وقع الطلاق يعنى كلامك مقابل كلامه ويلي يدعم كلامه هو انه طلاق وقع من سنة مااثبتش في المحكمة
غالية::::: يعنى مافيش حل والا شن
المحامية:::: نقدروا نرفعوا قضية بكلامك وكان عاد هو قاطع يده من ربي يقسم زور
غالية ::::: والله ماعاد نعرف نتوقع منه كل شيء توا
المحامية:::::: من وجهة نظري قعمزي معاه وخوديه بالسياسة اكيد هو مش ح يطلب يعيش معاك بالحرام يعنى تمام يلعب بالقانون لكن شن بيلعب بشرع ربي هو عارف زيك انه مطلقك
غالية ::::::😩 تمام شكرا وطلعت. بعتله رسالة بنجيك في المكتب بعد ساعة ،، ومشيت لحسام في العيادة

~~~~~~~~~~~~~~~~~~~~~~~~’~~~~

العنود ::::: قعمزت مكتب بروحي هكي كبره تقول مديره شفت الحسد في عيون هناء ويلي يخدموا من سنين ، تفاخرت عليهم وخشيت 🤷🏻‍♀️حنى يلي ربي قال علينا اخذتهم العزة بالاثم حاسه روحي ملكت الدنيا علاش لا وادريس كلمتى ماتوليش اثنين عنده

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

حسام ::::::: خليك من خشمي توا وفهمينى شن قصة الزواج هذه
غالية :::::: مع انه موضوع خاص بس ح نقولك
حسام :::::: خاص !!!!! غالية واضح انى حاطك في مكان وانتِ حاطينى في مكان ثاني بكل
غالية ::::::: 💔 تزوجت هارون قبل مانسافر بايام وتطلقت منه في نفس اليوم يلي سافرت فيه 🤷🏻‍♀️ That’s it
حسام :::::: هو هذا ؟؟؟؟؟؟ على اساس موضوع بسيط هذا وكيف هو يقول انك مرته
غالية ::::::: اوووف يلي فهمته انه ماثبتش الطلاق في المحكمة وماكانش فيه حد معانه وقت الطلاق يعنى كلامي مقابل كلامه المهم توا شفت محاميه وان شاء الله ندير حل
حسام :::::: وعلاش تتزوجيه قبل عرسه بايام غالية هذه مش شخصيتك
غالية :::::: 🤷🏻‍♀️ مقابل انه يخلص الدين
حسام :::::::😳 فاجأتيني ،، علاش العرض هذا ماكنش ليا
غالية :::::::😳😠 حسام مصح وجهك صراحة احترم نفسك شن قالولك عليا ، خديت شنطي وطلعت ولسان حال حسام يقول اهو درتها مع هارون !!! شن الفرق
غالية :::::: خديت تاكسي وطلعت وانى طول الطريق نهدي في روحي بكلام المحامية ولازم نساير هارون لين يوافق يطلق خشيت للشركة قلت للبنت يلي تخدم معاه تقوله شويه وقالتلي خشي
هارون :::::::: اهلا تفضلي
غالية :::::::: ☺️ هارون هيا تعاله نمشوا مع بعض ونسجلوا الطلاق في المحكمة
هارون :::::::🤨 والله
غالية :::::::😩 هارون حنى مطلقين ليش الجو هذا حتى بينى وبينك ماتبيش تقولها
هارون ::::::: علاش قلتي لامك انك ماشية لبيان صاحبتك امس علاش كذبتي
غالية :::::: وقفت وشديت رأسي يااااااصبر انى في شن والا في شن بعدين انى قلت لامي ماشية لاخت حسام مرات هي تحسابها صاحبتي
هارون ::::::🤔
غالية :::::: هارون ! انى حاولت نقتل روحي باش طلقتني نديرها ثاني راهو
هارون ::::::: المره هذه اقتلي 🤷🏻‍♂️
غالية :::::: 😏 تم حبك فيسع فيسع ؟
هارون ::::: مش تم لكن ماتعرفيش ماجد شن قال ،، والله لو حبيت غيري لاقتلك و أموت بعدك
دامي ميت ميت أصلا ، يا بعد عمري في بعدك ،، 😉 غمزلها حتى انى وخدها هكي
غالية ::::::😩 وبدي يسمع في ماجد ! هارون من لعب في اعدداتك
هارون :::::: وقف جنبها ههههه من غيرك غاليتي
غالية ::::: بلعت ريقي وقعدت نشوفله بحب يهبل هو وكلامه😍.، فجاء قلتله نقول لاهلك لو مااطلقنيش 🙃
هارون :::::: مستمر يشوفلها بتركيز قولي نمشي معاك توا كان تبى
غالية ::::::🙄 نقول لجنات ؟
هارون ::::::😉 قولي
غالية::::: هارون انت مريض بتكذب حتى على ربي والا كيف !!!! بجد والله انت واحد مريض
هارون :::::: انى نحب ❤️ انى عاشق ❤️ ونحاول نحافظ عالبنت يلي نحبها
غالية :::::: افرض ماروحتش من المغرب
هارون ::::: بيجي يوم واطلعي ورقة بوضعك الاجتماعي وتعرفي 🤷🏻‍♂️
غالية::::: ولامته ناوي تربطني هكي ان شاء الله!!!!
هارون :::::: لاخر يوم في عمرك غالية انتِ يا تكوني ليا يا مش ح تكوني لغيري 🤨 تمام تأقلمي عالوضع هذا
غالية :::::: 😠 تمام وانى طالعة بنرفع قضية شن بتحلف زور مثلا ؟؟
هارون :::::: من هنى لين نوصلوا جلسة نحلف فيها نحتاجوا سنين خلال الفترة هذه ربي يغير الف حال
غالية ::::::: جيت طالعة توا تشوف 😡
هارون :::::: 😠 ديرها غالية نرفع انى قضية اليوم ونطلبك في بيت الطاعة
غالية :::::::😳 هارون 💔
هارون :::::::: وقف قدامها قلتلك من قبل نقدر ندير هلبا حاجات لكن مانبيش نزعلك ماتجبرنيش
وطلع وسيبها
غالية ::::::: ياربي شن هذا 😟

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~

#عشية

العنود:::::: مصح وجهه😳 شن يلي يدير فيه هذا
غالية :::::: والله بنهبل انى كيف فاتت عليا حاجه زي هذه علاش ماقلتش نبي ورقتي وقتها
العنود::::: كان ح يدير نفس الشيء مش ح يعطهالك
غالية::::: توا شن الحل
العنود :::::: شاف مش معانه راجل دار مايبى
غالية :::::: بنقولك خلي معمر يتفاهم معاه بس عارفه طريقة تفكيره
العنود :::::: 🤔 هذا مايبيش معمر يبي حد كبير زيه ، من مستواه قوي وعنده كلمة يخاف منه
غالية ::::: وين بنلقاه هذا انى ، بعدين هارون مايخافش
العنود::::: انتٍ متاكده معادش تبيه
غالية :::::💔 متزوج يالعنود
العنود :::::: 💔 اذكرت ادريس وفي خاطري نقول خيره انى مش زي غالية
غالية :::::: المهم شن جوك انتِ
العنود :::::: بنطلق
غالية ::::::: ايووووو انتِ مايخطر عليك الطلاق الا لما تشوفي وجهي🤦🏻‍♀️ ، ليكم سنة رجعتوا اموركم تمام روحت وليتي تقولي بنطلق
العنود :::::: ههههه فوتك منى انى توا نحل مشاكلي
غالية :::::: حياتنا كلها مشاكل ياسبحانه الله المهم خل ننوض نروح انى وانتِ حتى كيكة مع الشاهي ماحطيتي
العنود :::::: ههههه مدايره رجيم هونا ياحنة حوش عزوزتك معبي روحي كولي
غالية :::::: هارون وعيلتة ومرته كوم وسالمين كوم بروحها هههههه وسلمت علها وطلعت روحت

~~~~~~~~~~~~~~~~~~~~~~~~~~~~~~

العنود :::::::: خديت تلفوني واتصلت بادريس
ادريس ::::::: حبيبي
العنود ::::::: ادريس بنطلب منك طلب
ادريس :::::: عيوني
العنود:::::: اختي عندها مشكلة ومافيش غيرك يحلها
ادريس ::::::: تمام احكي
العنود:::::: قبل سنة ……

~~~~~~~~~~~~~~~~~~~~~~~~~~~~~

غالية:::::: روحت لقيت استبرق وجنات في الصالة وين امي ؟؟؟
استبرق:::: مشت مع ماما لاسماء رفعهم بابا من الظهر غدوا لمتها مشوا يجهزوا
غالية:::::: اها
جنات :::::. قعمزي
غالية ::::::: ندوش ونجي خشيت دوشت ولبست بيجامة وطلعت لقيتهم في المطبخ ، راجلك وين
جنات ::::: علاش ؟
غالية::::: بنحول الوشح بس خيرك خفتي
جنات :::::: ههههه حولي ياحنة
استبرق :::::: شن نديروا العشي
جنات ::::::: غالية كنتي في المغرب كان اديريلنا الطاجين المغربي 😋
استبرق ::::: تتوحمي والا شن
غالية :::::: 😳💔 شفت لجنات !!!!؟!
جنات :::::: 😉 غمزت لغالية مرات ماتندريش
غالية :::::::: خديت طاسة اميه شربتها وقعدت ساكته
استبرق ::::::: توا ندير انى بيتزا هي كيف مروحه نخلوه يوم ثاني
جنات :::::: غالية ماعليك امر تحطي الحوايج هاضم في الدار فوق جابوهم من المغسلة توا تولي ريحتهم طبخ
غالية ::::::: 😒 مانخدمش عندك
جنات ::::: قتلك بالله عليك خيرك بعدين ظهري يوجع فيا خيرك مسمومه هكي
غالية ::::::: خديتهم وركبت وانى بنتفجر 😤 الحيوان التافه اهو ، وفتحت الباب لين خبط في الحيط
هارون ::::::: راقد في السرير يلعب بتلفونه وحاط يده الثانية وراء رأسه ناض قعمز غالية 😳
غالية ::::::: 😤 مش على اساس انك مش في الحوش ولوحت الحوايج عالسرير
هارون ::::: تبى حاجه ؟؟؟؟
غالية ::::::: قعدت مركزه في السرير 💔 كلام جنات يومها ماباش يطلع من رأسي
هارون :::::: شافلها وين تشوف وتوتر وقف وهو يساوي في شعره تعالي ننزلوا
غالية :::::: طلقني هارون طلقني 😠 واهتم بمرتك الحامل
هارون :::::: من الحامل 😳؟؟؟
غالية ::::::: اووو خربت عليك المفاجأة 🤨 وطلعت
هارون :::::: لحقها في الدروج ، ماحد حامل بلا هبال وشد خصله من شعرها 😍
غالية :::::: دفيته حول غادي ونزلت خشيت للدار طول نسمع فيه ينادي في جنات 💔💔 خديت وشاحي لبسته وطلعت للكوجينة
جنات :::::: جاية تضحك ، ماتخافيش مش حامل
غالية :::::: تكلمي فيه ؟؟
جنات :::::: لالا في استبرق 😉
استبرق :::::: فارس كلم هارون عليا هارون قال لماما
غالية ::::::😳 باهي وناصر ؟؟؟
استبرق :::::: مش عارفه ناصر مش مناسب لعيلتنا رغم انى والله العظيم نحبه لكن نشوف في نظرت العيلة لاختى اسماء كيف هازين وكيف …
غالية :::::: تتكلمي بجد انتِ 😳😠 اقسم بالله مصدومة من التفاهه والسطحية يلي انتِ فها حرام ناصر حب وحده زيك ، شفت حتى لجنات طبيعيات انتم ياريت حتى عشتوا في فقر نقول عندهم الحق لكن انتم
جنات ::::: انى خيرني ؟
غالية :::::: عاجبك زواجك ؟؟؟؟
جنات :::::: وخيره اك ميته عليه راجلي هههه
غالية ::::::: مصدقة روحك انتِ ويه ووقفت التقعميز معاكم حرام وشفت لاستبرق بجد انى زعلانه لانه شافك بسببي
جنات :::::: خودي فارس وح تندمي كل يوم على ناصر
غالية ::::::: خشيت للدار وخليتهم 😏 سبحان الله هذه اكبر مصايبهم وشوفي كيف يتعاملوا معها حطيت رأسي عالمخده الزفت اليوم كله من مكان لمكان مش واكله شيء جعت 😩

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

ادريس ::::: خلاص غدوا نتفاهم معاه
العنود :::::: لكن رد بالك ماتجيبش سيرتي
ادريس :::::: بدون ماتوصي
العنود ::::: تمام سلام توا
ادريس :::::: سلام حبي

~~~~~~~~~~~~~~~~~~~~~~~~~~~~~

#ثاني_يوم

غالية :::::: قعدت في الحوش بروحي بعد يلي قالته استبرق امس معادش نبي نخالطهم مابيتش نمشي للمة اسماء ،، طلعت شفت شن صاير في المحل يلي اجرته قاعدين يجهزوا فيه وروحت

هارون ::::: من هو ؟؟؟
عبير :::::: ادريس متع الاستيراد والتصدير
هارون :::::: دخليه
ادريس :::::::🤨 السلام عليكم استاذ هارون وله ؟
هارون :::::: ان شاء الله تفضل شن تشرب
ادريس :::::: جايك في موضوع ، خل نخش فيه طول مستعجل شوية
هارون :::::: تفضل
ادريس :::::: الموضوع غالية
هارون :::::: شن ؟؟ كيف ؟ خيرها غالية😤 ؟؟؟؟؟
ادريس::::: موضوع الطلاق يلي ماتبيش تسجله 😒 اسمع من الاخير البنت ماتبيكش لهدا ماتطولش القصة وقصها من قصيرها
هارون :::::: وقف من انت 😡 من انتتتتتت باش تتكلم على مرتي
ادريس :::::: مش مرتك وانت عارف ماتحسابش البنت بروحها وانت تعرف انى من
هارون :::::: طز في 🤬🤬🤬 باهي معادش تقول حتى اسمها على لسانك ماتخلنيش نقتلك
ادريس ::::::😡 البنت هذه هي وامها واختها يخصوني اي حاجه اديرها تدكر انه بتلاقاني في طريقك
هارون :::::: هارون ضربه بطاولة الشطرنج يلي قدامه على راسه طيحة ونزل فيه ضرب
عبير :::::: نادت الامن خشوا فكوه منه
ادريس :::::: شاد رأسه ورب العزه ورب العزه مايبدا اسمي ادريس كان ماندمتك علها وطلع
هارون :::::: طلع طول ركب سيارته 😤🤬 ويجري في الطريق من هو من هذا ياغالية 😡 من وين طلع

~~~~~~~~~~~~~~~~~~~~~~~~~~~~~

ادريس :::::: روح للشركة خش لمكتب العنود
العنود ::::::😳 شن صاير معاك
ادريس ::::: شيء يحرك في رأسه بصعوبه راجل اختك والله الا لما نوريه
العنود:::::: هارون هو يلي دار فيك هكي 😳🤭
ادريس :::::: شكله اختك زيك 😍 مهبلة الراجل
العنود ::::::: وقفت نشوف في رأسه الحمدلله مافيش نزيف
ادريس ::::::: شكله راجل اختك عاشق عاشق مجنون ههههه مع انه والله مامفوتها ليه لكن عجبنى😉 ، وقف شكله في جيناتكم تهبلوا الراجل يلي يحبكم وقرب منها
العنود :::::: بعدت عليه شوية
ادريس ::::::🤨 تعرفي طول السنة هذيكة وين نشتاقلك باش نصبر في روحي ؟؟
العنود ::::: شن !!!!
ادريس :::::: نتفرج عالفيديو متعنا يلي في المكتب 😉
العنود ::::::😳 اي فيديو ؟؟؟؟
ادريس :::::: اول يوم كنا فيه مع بعض في مكتبي
العنود ::::: المكتب فيه كاميرا 😨 وانت محتفظ بالفيديو !!!!!!
ادريس :::::::: 😈 ايه وكويس انى دسيته كان الحاجه الوحيدة يلي تصبر فيه عليك لما نشتاقلك
العنود :::::: 😳🤯 كنت بنمووووووت وصلني تهديد ادريس يلي جايبة بطريقة رومانسية💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية:::::: مقعمزة في الدار نتفرج عالتلفزيون سمعت صوت هارون يخوف 😳 غاااااااالية قبل مانوقف من السرير فتح الباب بقوة وخش 💔
غالية ::::::: هارون
هارون ::::::: دفها عالسرير وقعمز فوقها وخنقها بيديه الزوز بعتهولي يقولي تخصني 😡 من وين تخصيه شن علاقتك بيه
غالية :::::::😳 صوتي مش طالع مش قادره نتنفس
هارون :::::: انتِ ماتخصيش حد غيري من وين جاب الجرأة يقولي هكي اقسم بديني نقتلك غالية نقتلك
غالية :::::::: نحاول نبعد يدية او نحرك جسمي مش قادره لين ……

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

 

اترك رد

زر الذهاب إلى الأعلى