رواية جنون عاشق الحلقة 21 .. الكاتبة صفاء | القلم الناجح
روايات ليبيه كاملة

رواية جنون عاشق الحلقة 21 .. الكاتبة صفاء

رواية جنون عاشق الحلقة 21 .. الكاتبة صفاء

#جنون_عاشق

الحلقــــــــــ (21)ـــــــــة

ادريس :::::::: 😈 ايه وكويس انى دسيته كان الحاجه الوحيدة يلي تصبر فيه عليك لما نشتاقلك
العنود :::::: 😳🤯 كنت بنمووووووت وصلني تهديد ادريس يلي جايبة بطريقة رومانسية💔
ادريس ::::::: خيرك
العنود :::::::😨 كيف هكي وكان يشوفه حد الامن متع الشركة !!!!
ادريس :::::: من لما وصلتك رجعت خديت التسجيل
العنود :::::: حاولت مانوضحش خوفي وتوتري حبيبي ، اهو حنى توا مع بعض احدفه احسن من يطيح في يد حد
ادريس :::::: ليا سنة داسه ماتخافيش في امان عندي حاطة في مكان الجن الازرق مايعرف وينه ، 🤨 والا انتِ خايفة منى انى ندير بيه حاجه ؟؟
العنود ::::::: 💔🥺 لا طبعا انت تحبنى مستحيل تأدينى
ادريس ::::::: بالزبط وباس على جبينها وطلع
العنود ::::::: نرعش مع بعضي 💔💔😨 توا كيف بندير

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية :::::::😳 صوتي مش طالع مش قادره نتنفس
هارون :::::: انتِ ماتخصيش حد غيري من وين جاب الجرأة يقولي هكي اقسم بديني نقتلك غالية نقتلك
غالية :::::::: نحاول نبعد يدية او نحرك جسمي مش قادره لين سمعنا صوت فارس ينادي بصوت عالي هااااااااااااارون
هارون :::::: مستمر ولا كأنه يسمع في حاجه
غالية ::::::: بديت نحاول نسمع فارس صوتي 💔
فارس ::::::: فتح الباب 😨 ه ها هارون وجي يجري دفه يحول فيه من علها
هارون :::::: حول انت ماتدخلش حول خلها تتكلم
فارس :::::::: قدر يفكة يوقفة خيرك ياراجل مش هكي بتقتل البنت 😡
غالية :::::::: حاطة يديه على رقبتي ونكح بجد مش مصدقة يلي صار 💔
فارس ::::::: يدف فيه بقوة جهدة طلعه من الدار تي اطلع اطلع
هارون :::::: والله والله الا لما نقتله ونقتلك حتى انتِ😡
غالية ::::::: نزلت من السرير قعمزت عالارض تحته وانى نرعش
فارس :::::: تي امشييييييي😡 مهبول انت شن دخلك فيها
هارون :::::: شن شن دخلك متعك هذه 😤 مرتي مرتي افهموا
فارس :::::: وديني وما نعبد الا مطلقها انت البنت ولد عمي ونعرفك ويصب في طاسة امية ومشي باهي للدار
غالية :::::: شفت فارس جاي 💔 بصوت عالي نتكلم مجنون وحق ربي الا مجنون يبى مستشفى امراض عقلية
فارس ::::::: فكينا منه نقصي صوتك توا ومدلها المية
هارون ::::::: وقف في باب الدار 😤 شوفها تبي مستشفى ؟؟؟؟؟
غالية ::::::: ضحكت من الغضب والتعصيب ، هههههه يقتل القتيل ويمشي في جنازته 😡 من دار فيه هكي
فارس ::::::: طلع وصكر. الباب وراه
غالية ::::::: نضت وراه صكرت الباب بالمفتاح ووقفت نشوف للاثار يلي على رقبتي في المراية وانى نفكر حسام شن رفعة لهارون 😤 زاد عقد القصة

~~~~~~~~~~~~~~~~~~~~~~~~~~~~

فارس ::::: شن صاير ؟
هارون ::::::😠 شيء شن جابك انت ؟
فارس ::::: اتصلت بيا عبير قالت جاك واحد وضربته وقصة جهزت روحي وطلعت شفتك خاش. للحوش لحقتك لقيت الدنيا نايضة
هارون :::::: كويس كويس انك لحقت أحيانًا معادش نقدر نتحكم في اعصابي
فارس::::: ليه علاقة يلي جاك في المكتب ؟؟؟
هارون .:::: 🤨 متوقع منى نحكيلك على مرتي والا على البنت يلي نحبها حتى وكان
فارس :::::: ماتحكيش تمام بس راك تقتل البنت واضح انك خوفتها هلبا

غالية::::::😡 نمس في رقبتي وخديت تلفوني اتصلت بحسام
حسام :::::: غالية !
غالية ::::::: 😠 حسام علاش تتصرف من رأسك وتعقد في الأمور اكثر علاش تمشي وتقوله تخصني وتضارب معاه 💔 هكي بيصكر رأسه اكثر
حسام :::::: غالية شن تقولي انتِ
غالية :::::: نحكي على مشيتك لهارون 😒
حسام :::::: انى مامشيت لحد ولا ضربت حد شن صاير
غالية :::::::😳 من املاه !!!!
حسام :::::: حتى انى عندي فضول نعرف توا 🤨
غالية :::::: سلام حسام توا وصكرت 🤔 هارون جن وبدي يخترع في قصص والا شن صوت الحوش هادي خديت وشاحي وطلعت شفته مقعمز في الجنان يدخن

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

العنود ::::: قعدت نفكر ادريس يحبنى بس واضح توا لو نفكر نسيبه بيهددني بالفيديو او بالاصح هو هددني وفات 💔 توا شن ندير لزم ناخد الفيديو باهي وين ممكن يكون حاطه زعما في الحوش يلي مشيناله 😨 الحوووووووش وكان فيه كاميرا حتى في الحوش 🤦🏻‍♀️ كملت انى حياتي انتهت مش انى بس امي واختى 💔💔 يااااربي استرني ،،💔 ضحكت بهزوه وعندك وجه تطلبي من ربي يسترك وانتِ فضحتى روحك بروحك 💔😢

~~~~~~~~~~~~~~~~~~~~~~~~~~~~~

غالية ::::: طلعت وقفت قدامه 🤨 فاتت الحالة والا قاعده
هارون ::::::😠 غالية ماتورنيش وجهك احسن ليا وليك
غالية :::::: من هو يلي جاك هارون !!! كلمت حسام وقال مامشيت لحد ! تتبلى انت والا شن
هارون ::::::ههه😡 الهانم معادش تعرفهم من بعضم
غالية ::::::😠 هارون احترم نفسك وما فيش داعي تغلط مافيش غير حسام يلي يعرف القصة ويلي يمكن يدير هكي وهو قال مش انى
هارون :::::: 😡 قابض يده ويتكلم بغل غالية واحد يقول هده تخصني ويعرف تفاصيل قصتنا هذا يعرفك يعرررررررفك
غالية ::::::😡 تي باهي من هو ؟؟؟
هارون :::::: ادريس
غالية :::::::🙄 من ادريس
هارون ::::: بلا استعباط لانه والله مامتحمل ، ادريس متع شركة ال &&&&
غالية ::::::😳 هذه الشركة تخدم فيها العنود قصدك هو مديرها ؟؟؟؟
هارون :::::: تمام ميه ميه وعرفنا كيف تعرفتي عليه
غالية :::::: 😩 انت مش طبيعي انى عمري ماشفته هالانسان وطلعت تلفوني اتصلت بالعنود
العنود::::: غالية
غالية :::::: مدير الشركة متعك اسمه ادريس ؟؟؟
العنود ::::::😳 ايه خيره ،، هارون قالك
غالية :::::: فتحت سبيكر باش يسمع ،، ايه شن القصة
العنود ::::: شيء حكيتله القصة اليوم وطلبت منه يدخل لانه هارون يبى حد قوي زيه
هارون ::::: 😐
غالية ::::::: صكرت السبيكر وخشيت للدار علاش تتصرفي من رأسك !!
العنود ::::::: نبي نساعدك
غالية :::::: هكي !!! عقدتي الموضوع اكثر
العنود :::::: سمعت انه ضربه وماخله مادار بس حتى ادريس مش ح يسكت على يلي صار
غالية ::::: لا لو سمحتى قوليله يطلع من القصة ، بعدين تعالي هنى قوليلي كيف مديرك يدير هكي على خاطرك !!
العنود ::::::😧 ااا .. مم مش على خاطري نعرف مرته طلبت منها وهي قالتله كنت نحني فيها قبل
غالية ؛:::: اها
العنود:::::: معمر روح توا نكلمك بعدين
غالية :::::::: حولت الوشاح ورقدت عالسرير
هارون :::::: دق الباب وخش
غالية :::::: نضت قعمزت 🙄 شن مازال بدير
هارون :::::: قعمز جنبها عالسرير وحط صبعه على رقبتها هذه منى انى 💔
غالية :::::::😒 لالا انى نخنق في روحي مره مره نشوف في قدرتي عالتنفس
هارون ::::::: 🥺💔 شوفي غالية انى شخص متسرع نتصرف قبل مانفهم عصبي ، لما حد يوصل في حاجه تخصني نجن ، لما حد يقرب من شيء ملكي ممكن نقتله ، 💔 نأدي حتى شخص نحبه لما نحس انى ممكن نخسره لما نحب وحده نبها ليا بس كان نلقا نحبسك معادش تشوفي حد لكن نحبك الله غالب هذه طريقتي في الحب 🤷🏻‍♂️ قولي هذا مرض قولي هذا حب تملك قولي يلي بتقوليه لكن مانقدرش نتحمل فكرة واحد يخش عليا يقولي غالية تخصني ،،،، غالية انتِ تخصينى انى بس انتِ غاليتي انى بس انتِ بديتي تعرفي انى مش متع حب وبنات وعلاقات ، جنات البنت الوحيد يلي خشت حياتي قبلك وخشت عن طريق بوها وامي 💔 انتِ الانسان الوحيدة يلي خشت قلبي رغم عنادك وعصبيتك ولسانك الطويل ❤️ خشيتى قلبي بطريقة ملكتيه وملكتي كل شيء فيه
غالية ::::::🥺 هارون شوف لاول مره ح نفتحلك قلبي تمام ،، انى لما وافقت على عرضك وافقت لانى نحبك
هارون :::::::😍
غالية ::::::: وافقت لانى تمنيت ندير شيء ومانخليكش تتزوج تمنيت هذيكة الليلة نحكي معاك ونقولك الكلام هذا وتفوت موضوع زوجك وتخلينا مع بعض ، كل ماتعصب عليا نقول اصبري واحكيله لين انت جيت واهانتنى وماخليت ماقلت 💔
هارون ::::::: مد يده شد يدها ، انى في وقتها كنت معصب منك ماكنتش راضي فيك الشيء هذا حتى لو انه معاي ،، لما عرضت عليك وانى سكران كان حديث قلب 💔 الصبح ندمت انى اهنتك هكي وكنت طالع بنعتذر منك حتى كنت متوقع تضربي تهزبي ، لما وفقتي انكسر شيء فيه لانى حاطك في مكان 💔 مافكرتش انه ممكن تكوني درتي هكي لانك تحبينى ، قعدت طول الوقت نقول ان شاء الله ماتجيش ان شاء الله تتراجع ان شاءالله تطلع تعاقب فيا حتى لما خشيت للدار ولقيتك محوله العباية وعصبت عليك كان من حبي ليك
غالية :::::::: شديت يده بيدي الثانية 🥺 شن كنا نخسروا لو قعمزنا وتكلمنا زي توا
هارون :::::: سنة ولا عمر 🥺
غالية ::::::: بلعت ريقي وقلتله مافهمتش
هارون :::::: ضاعت منه سنة ماتخليش يضيع منه عمر 💔
غالية :::::: مدام سمعنا وفمنا بعض توا 🥺 خلي نمشوا غدوا ونسجلوا قصة الطلاق وننهوا الموضوع
هارون ::::::::😳 سحب يده 😠 غالية شن تقولي انتِ توا قبل شوية كنتى تحبينى
غالية:::::: وقفت قدامه 😡 شن بدير توا هارون !!! بديرلي يوم بيوم انى وجنات !!!!! والا بتسكن كل وحده بروحها !!!! اها لا ممكن اطلقها على شاني 🤷🏻‍♀️ هارون الموضوع انتهى بزواجك 💔 حتى لو ماكنتش نحب بأنانية زيك لكن انى لما بنتزوج بيكون ليا بس مش شريكة فيه
هارون :::::: شوفي يلي صار وقتها مازال 3 ايام بس عالعرس جنات مالهاش دنب انى لما تعصبت منك وبدون مانسألك هل حق بتنخطبي لحسام او لا مشيت لبوها بعد ماسيبتها وقتله نبي ندير عرس خالي وقتها ماخشش حتى سألها تم معاي وخلاص يعنى جنات ضحية سيبتها لما نبي ورجعتلها لما نبي مقدرتش نسيبها قبل العرس بثلاثه ايام وانتِ تعرفي الناس وكلامهم عالبنت بعدين لكن عمري ماحبيتها ولا حبتنى و….
غالية :::::: ليا بالنتيجة انى توا هي مرتك ورد بالك تفهم انى نطلب منك اطلقها كل يلي نبيه منك توا تسجل الطلاق صح ماخشيناش بالمعروف لكن عالاقل نطلعوا باحسان 🤷🏻‍♀️
هارون:::::: طلع بدون مايقول شيء

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

#ثاني_يوم

غالية ::::::: لبست وطلعت بكري مشيت للمحل يلي كملت تجهزاته 😍 محلاه
نهى :::::: ربي يعطيك خيره ان شاء الله
غالية ::::: ان شاءالله ، كيف حال عمك
نهى :::::: عادي راجل مش ح يكتئب ويصكر على روحه داره لكن واضح انه مكسور 💔 يوجع الحق
غالية :::::: بجد مانحسابش فيه بنات هكي كرهتها انى
نهى ::::: احرف منك ونادمة انى عطيتها الرقم
غالية ::::: يلا ربي يطيحة في يلي احسن منها ( مقدرتش نقول قصة انها بتوافق على فارس )

~~~~~~~~~~~~~~~~~~~~~~~~~~~~

العنود ::::::: طلعت مشيت للشركة يلي ماعنديش فيها عمل اصلا مانخدم في شيء ورأسي من التفكير بيتفجر بما انه ادريس اليوم عنده اجتماعات برا نزلت نشوف في مكان الكاميرات والدار يلي فها 💔 طلعت مصكره 💔
فيصل ::::: العنود !
العنود :::::: اهلين استاذ فيصل
فيصل :::::: كيف حالك رجعتي ؟
العنود :::::: ايه
فيصل :::::: باهي عالخير
العنود ::::: شن الملفات هذه كلها !!!
فيصل ::::::: بندير دراسه للارباح كل سنة وقيمة الشراء ، وبدل هالملفات نبي نديرها عالكمبيوتر
العنود::::: نساعدك ؟؟؟
فيصل ؛::::: مانقولش لا
العنود ::::: خديت منه شوية ملفات ومشيت معاه

~~~~~~~~~~~~~~~~~~~~~~~~~~~~

غالية ::::::: شفت كم صيدلية باش نشتغل فيهم بشكل جزئي مع المصور وروحت
رشيدة::::: وين يابنتى معادش شفتك
غالية ::::::: امته روحتوا البارح
رشيدة ::::::: قريب 2
غالية :::::: اها عطلتوا
رشيدة :::::: ايه زحما
غالية :::::: حولي باهي توا نكمل انى اكيد تعبانة
رشيدة ::::: ايه اليوم سالمين قالت مريض خل بنحط الغدي عالنار
غالية ::::::: توا ندير انى حولي
رشيدة :::::: بندير كسكسي
غالية :::::: باهي توا نديره
رشيدة :::::: باهي صحيتى ومشت
غالية ::::::: طلعت الحاجات وبديت نطيب
استبرق::::: غالية شن الجو
غالية :::::::😒
استبرق::::: واخد موقف !!!
غالية :::::: شوفي انى منحبش نافق يلي مايعجبنيش كلامه وتصرفاته مش مطره نجاملة ونتعامل معاه حتى لو كنا في نفس الحوش
استبرق ::::::😢 باهي انى جايه نبي ناخد رايك
غالية ::::::: في قفطان عرسك على فارس ؟؟؟؟؟
استبرق ::::: لا في كيف نقنع اهلي بناصر
غالية :::::::😳 تتكلمي بجد !
استبرق ::::: اي والله شفت البارح اختى اسيل لانها اخترات الشخص يلي تحبه كيف فرحانه ومرتاحه حتى انى هدرزت معها شوية رغم وضعها المادي الا انها فرحانه اكثر من جنات وأسماء
غالية :::::: امممم وتوا شن بديري
استبرق :::::: مش عارفه بمن نبدا 💔
غالية :::::: اول شيء رضي ناصر لانه مضايق هلبا وثاني شيء اقرب شخص للبنت امها وهي يلي توقف معها
استبرق :::::: ان شاءالله ، 🥺 عادي تعطينى تلفونك نكلمه منه ! لانه حاطني في الحظر
غالية :::::: تمام وعطيتها تلفوني طلعت وانى كملت نطيب
سالمين ::::::😡😡 كله من تحت رأسك
غالية :::::::😳 كيف !!!

~~~~~~~~~~~~~~~~~~~~~~~~~~~~~

ادريس ::::::: 😤
العنود :::::: فتحت المكتب وخشيت ادريس ؟
ادريس :::::: شن اديري معاه شن جابك ليه ؟؟؟
العنود ::::::: من هو ؟؟
ادريس ::::: فيصل الكلب ليا ساعة هنى نستنى فيك ووين سألت عليك قالوا في مكتب فيصل شن ايديروا ؟؟؟
العنود :::::😡 شن بنديروا يعنى !!!!! جيت فتحت الباب وشفتنا والا فتحت كاميراتك ؟؟؟؟؟ شن متوقع انت !!!
ادريس ::::::: العنود خيرك علقتي في قصة الكاميرات
العنود ::::: لانى مش مرتاحة والحركة ماعجبتنيش انى وثقت فيك بس انت 💔
ادريس :::::: وانى شن درات !!! ليها سنة عندي شن درت بيها
العنود ::::::: انت مش واثق فيا علاش تعارك توا على فيصل
ادريس ::::: لانى نعرفه متع بنات
العنود :::::: قمتله يدي اليسار انى متزوجة 😡 متزوجة ، يعنى ح يتعامل معاي باحترام
ادريس ::::::: 😡 شد يدها وضغط علها بقوة معادش تحطها في عينى هكي
العنود::::: 😳 بدون مبالغة صوابعي لصقوا في بعض من قوة الضغطة
ادريس :::::: سيب يدها ،، فيصل واحد مش محترم
العنود ::::::: شاده يدي بيدي الثانية انى ماعنديش شن ندير هنى كساد قلت نساعده
ادريس ::::::: باهي ديري شن تبي وطلع
العنود ::::::: بديت ناخف منه لين خلاص خفت يدير شيء لحقته 💔 حبيبي اسفة انى متوتره شوية اليوم
ادريس :::::: من شن ؟
العنود :::::: نقول موضوع غالية مرات يدير شي لهارون 🙄 ، نقول معمر مرات يديرله شيء 🙄 ، اا تعبانه شوية بس
ادريس :::::: قرب حضنها شن رايك نطلعوا نتغدوا مع بعض اليوم
العنود ::::: حولت 🙂 ياريت لكن معمر يروح بكري وماعندي وين نمشي توا يشك خلها مره ثانيه
ادريس :::::: باهي 😒

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~

سالمين :::::: متحاملاتك على خاطر امك 😤 من يوم روحتى لكن تحرضي في بنتى بتخربي علها ياحسوده يامكيوده تبها تاخد الفقير المبهدل يلي جايبتيه
غالية :::::: 😒 تفاهمي مع بنتك مانبيش ندخل انى وماجبت حد لحد
سالمين ::::::: تحسابي يلي في رأسك مش عارفاته ضحكتي على ولدي خلتيه يعيط زي المهبول لما سافرتي ووين ربي بعدك عليه وتزوج وارتاح رجعتي زي الشطان 😡. بتخربي عليه تحرضي في مرته لسانها طوال حتى هي وتوا بنتي ولدي وكان تبدي اخر مرأة في الدنيا ماناخذك ليه باهي
غالية :::::::😡 احترمي نفسك لو ساكته توا احترام لعمرك بس ، نقعيهم صغارك واشربي اميتهم
سالمين ::::::: درقي وجهك من حوشي معادش نبيك فيه 😤 بالك تحسابي بناخد لولدي بنت الخناب
غالية ::::::: 😡 انتِ شن تقولي مانبيش نمد يدي عليك راهو
سالمين :::::: ماكذبتش بنت وحده تخدم في حياش الناس والبو خناب من بيرضى بيك لين حاطه عينك على ولدي انى 😒
غالية:::::: قمت الكاشيك بنضربها بعدين نزلته يلي تخدم في الحياش هذه اشرف منك ومن عيلتك
جنات :::::: خشت شن فيه 😳
سالمين:::::: لفت وطلعت
غالية ::::::: ضربت الطنجرة تبزعت عالغاز وعالارض وطلعت
جنات :::::::😧🤭

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

هارون :::::: انى طالعه وبعدها بنروح
فارس :::::: وين ؟
هارون :::::: بنرد الزيارة لشخص 😏
فارس :::::: تي فوت المشاكل ياراجل
هارون ::::: خل نفهموا قصته وطلع

~~~~~~~~~~~~~~~~~~~~~~~~~~~~~~

استبرق ::::: بالله عليك افهم كان خوف لحظي لانه عمري ماقلت لا في وجه اهلي ، عمري ماوجهة حد بس خلاص بعد فكرة قرارت توا بس نبي نتأكد انك تحبنى قاعد وشارينى انى بنت مش زيك طبيعي نخاف 💔
ناصر :::::: نحبك طبعا بس جرحتينى لما تخليتي عليا
استبرق :::::😢 يعنى خلاص
ناصر :::::: لا طبعا لو بتوقفي معاي انى معاك لاخر لحظه
استبرق :::::😍 نحبك والله العظيم نحبك وح نخلي الكل يعرفوا انى نحبك
ناصر :::::: تمام اغسلي وجهك واهدي وكلمينى. باش نتفاهموا
استبرق::::: اوكي حول الحظر
ناصر :::::: تمام حبي
استبرق :::::😘 باي

~~~~~~~~~~~~~~~~~~~~~~~~~~

ادريس :::::: كملتي ؟
العنود ::::::: ايه
ادريس ::::::: نوصلك ونهدرزو في الطريق فيه موضوع
العنود :::::: يشفونا يلي في الشركة
ادريس .:::::: اطلعي توا مازال ساعة على نهاية الدوام ماحد يطلع استنينى في الشارع يلي مقابل ناخد السيارة ونجيك
العنود ::::: معادش مرتاحة معادش قادره نقوله لا زي قبل 💔 تمام وطلعت
نزلت وقفت وين قالي شوية وشفت سيارته تلفتت يمين ويسار مافيه حد نعرفه سيارته مظلمة فتحت وركبت معاه
هارون ::::::😳😳 شاف ادريس يركب في سيارة ويطلع لحقه شافه ركب العنود ،، شن صاير 😳 هذه تخون في راجلها والا شن جابها ليه طلع وراهم بالسيارة ، لالا مستحيل. ، ماهو هذا التفسير الوحيد يلي يخليه يوفق في وجهي امس شن اديري يامصيبة 😤 انتِ

~~~~~~~~~~~~~~~~~~~~~~~~~~~~

غالية:::::: قعمزت في الجنان بروحي وانى نغلي خاطري نضربها نقتلها 💔💔 لكن ساهل مش انى غالية يلي ينقالي كلام زي هذا ونفوته

~~~~~~~~~~~~~~~~~~~~~~~~~~~~~

ادريس :::::: شن رايك نلقا عمل لمعمر
العنود:::: كيف 😳
ادريس :::::: مش تقولي خدمة مش كويسة ومايحصلش شن رايك نحصله خدمة محترمة بمعاش محترم
العنود :::::::😧 قصدي علاش !! اكيد متحبش معمر علاش بتساعده
ادريس :::::: هههههه لا مانحبش معمر نحبك انتِ لهذا بنساعده باش معادش يشكيلك من الفلوس ومنها يعيشك مرتاحة
العنود :::::: مش عارفة
ادريس :::::: ماتخافيش ح نوصل فيه بطريقة طبيعة مش ح يشك في شيء
العنود::::: كانت في قلبي حاجه تقولي لا بس فكرة شن بيصير يعنى اكيد مش بيجيبه يخدمه في الشركة خل يخدم على حاله ، قتله تمام
ادريس ::::: خدي يدها باسها نحبك انى
العنود::::: حتى انى 💔 ونزلت
هارون :::::💔💔 استغفر الله العظيم استغفر الله مستحيل معقولة توصيلة عادية ؟؟؟ باهي خيره ه
غالية تجيب في حسام يوصل فيها بكل.ثقة 🤦🏻‍♂️لقدام الباب لانها مش خايفة من شيء بس هذه علاش تركب بعد الشركة بشارع وتنزل قبل حوشها بشارع اووووف لزم نقول لغالية وهي تفهم من اختها انى مانقدر ندير شيء 💔 وطلع روح

~~~~~~~~~~~~~~~~~~~~~~~~~~~~

جمعة :::::: هيا ياعيلة وين الغدي
جنات :/:::: تشوف لسالمين وساكت
هارون :::::: خش من الباب الخارجي
غالية ::::::: كنت نستنى فيه في الجنان 😤 هارون
هارون ::::::: غالية خيرك ؟
غالية ::::::: بطلقني والا لا !!!
هارون ::::::🙄🙂 شن جاك
غالية :::::: نتكلم بجد اعطينى كلمة اخيرة
هارون ::::::: غالية انى نبيك في موضوع اهم من هذا تعالي نتكلموا في مكان
غالية ::::::😡 هااااارون انطق اي والا لا
هارون ::::::😠 قلت الف مره لا
غالية :::::: ماتلومنيش على يلي بنديره معنها
هارون ::::: شن بديري 🤨
غالية :::::: توا تشوف وجيت بنخش
هارون::::: شد يدها تعالي قتلك موضوع مهم
غالية::::: فكني منك ومن مواضيعك وخشيت
استبرق :::::: غالية وين خالتي رشيدة !! بابا يسأل عالغدي
هارون :::::: خشت السلام عليكم
بوه وامه ::::: وعليكم السلام
غالية ::::::: امممم تبوا الغدي اوكي خشيت للصالة جيهة البوفي ، قلتلهم امي اليوم ماطيبتش لانها انسانه زيكم وتعبت امس من السبوع وتوا راقده بترتاح 😏 لكن توا جهزلكم حاجه عالسريع
هارون :::::: يشوفلها بقلق 🥺 حاس انه فيها حاجه مش طبيعية
غالية :::::: فتحت دولاب البوفي كان فيه طاقم ايطالي غالي على سالمين طلعت منه ستفه صحون قمتهم وشفتلها هكي 😏 وطلقتهم عالارض 🤭 اواو
سالمين :::::::🤯 شن درتي انتِ شن درتي تعرفي هذا كم حقه تخدمي عام كامل ماتخلصيشي
غالية:::::: 😏
هارون :::::: خيرك يما امعاين ونكسروا شن هالقصة تصير
سالمين :::::: 😡 تعرف قداش عمره هذا تعرف ، درتها بالقصد نعرفها انى
غالية ::::::🤷🏻‍♀️ وعلاش شن بينى وبين المعاين عداوه قديمة باش نكسرهم بالقصد شن درولي وطلعت وسيبتها
سالمين ::::: معادش نبها في حوشي تسمعوا فيه البنت هذه تدرق وجهها
جنات :::::: ناضت لحقت غالية
هارون :::::: يما خلاص انهى الموضوع توا نجيبلك غيره استبرق نوضي لميهم وفكونا وركب فوق
رشيدة ::::: ناضت عالدوشة وهي مش فاهمة شيء

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

جنات ::::: شن صاير
غالية :::::: تعرفي مابردش قلبي فيها قاعد ، جنات قاعده على عرضك ؟
جنات ::::: انك اديري شيء تخليني نسيب هارون ؟؟
غالية :::::: ايه
جنات ::::: قاعد شن صار وافقتي
غالية :::::: مانبي منك شيء تمام بس نبي تكوني متاكده من قرارتك !
جنات :::::: متاكده
غالية :::::: مرات يلي نديره يكون ثقيل عليك شوية
جنات ::::: مش اثقل من العيشة هذه اكيد
غالية ::::: فيه حد تحبيه تبي تطلقي على شانه ؟
جنات ::::: لالا درتيني بكل انتِ
غالية:::::باهي علاش ماحولتيش تخليه يحبك وتحبيه ؟
جنات ::::::: غالية انى مش ناقصني شيء باش نجري وراء شخص قلبه مع غيري يغلط في اسمها لما بيناديني يتخايل فيها مكان في كل لحظه حلوه يعيشها معاي ! الحمدلله انى جميلة متعلمة محترمة بنت عيلة من حقي يكون فيه شخص اول مايشوفني يعجب بيا ويحبنى زينى زيك زي استبرق وناصر
غالية :::::: اكيد ماشاءالله عليك مش ناقصك شيء بس فات فيك وتزوجتيه
جنات :::::: هارون ولد عمتي يعنى نعرفه من لما انولدات عمره ماكان بينا فيه اعجاب انخطبنا سنه ونص عمره ماصار بينا انجداب تزوجنا سنة ماحبناش بعض ، على قولة المثل يلي مايجيش مع العروس مايلحقش مع امها لو كان بيصير بينا شيء كان صار من الاول بس انى وهارون مش راكبين باي طريقة مانبيش نضيع عمري وانى نحاول نخلي شخص انى منحباش انه يحبنى لو انى نحبه ممكن كنت حاولت اكثر تصدقي حتى لما نخشوا لدارنا هو على اللاب توب وانى عالتلفون بعد 5 ساعات نقولوا لبعض كلمة حتى اصدقاء مقدرناش نكونوا الزوجة هذه مش في مصلحة الا بابا وعمتى والله اعلم السبب
غالية ::::: تمام معنها اتفقنا
جنات :::::: هزت رأسها وناضت خشت

~~~~~~~~~~~~~~~~~~~~~~~~~~~

العنود :::::: جهزت العشي وخشت معمر
معمر :::::: مش ح تصدقي
العنود :::::: شن
معمر ::::::: حصلت عمل مش عادي المعاش خيالي واحد بارك الله فيه شكله خادمة حوشة زمان قاللهم عليا
العنود ::::::😧 استغربت من السرعة يلي تحرك بيها ادريس وكأنه مجهز كل شيء قبل مايقولي 💔وزاد خوفي من الموضوع
معمر :::::: لكن فيه حاجه بسيطة مرات تزعجك
العنود :::::: في شن
معمر :::::: في الخدمة الجديدة
العنود ::::::💔 يلي هي ؟؟
معمر :::::::……..

~~~~~~~~~~~~~~~~~~~~~~~~~~~~

غالية::::: سمعت تهزيب من امي لانى مدرتش الغدي وجهزت هي العشي طلعت من داري مع الساعة 9 المغرب طبعا هارون من بكري يرن ويبعت في رسائل خيرك شن صاير معاك اليوم بس مارديتش عليه ،. لقيتهم كلهم ملتمين حتى موسى وامل هنى 😍 فرحت وخشيت نتسنتر بكل ثقة جبدت كرسي وقعمزت معاهم
سالمين ::::::😳😡
رشيدة ::::::: غالية تعالي معاي للمطبخ
غالية:::::: لا يما من بكري نفكر بروحي مالقيتش حل قلت بما انهم مجتمعين ناخد رايهم وخصوصا خالتي سالمين ، لالا شن خالتي اخيه عمتى احلا 😏
هارون :::::🤨
غالية :::::: عندها ذوق محسوبكم
سالمين ::::::😒 شن تقولي انتِ
غالية ::::::: اممم ناخدوا الدار يلي كانت دار هارون قبل مايتزوج والا ناخدوا الدار يلي جنب دارك لانها اكبر
سالمين::::: دار شن 😡 انى قلتلك امبكري ونقولك توا معادش نبيك في حوشي
رشيدة::::::😳
غالية :::::: اوووف نوضي جنات نوض هارون لزم ادورلنا حوش معنها
جمعة :::::: شن صاير
هارون :::::؛ يشوفلها وساكت بيشوف لشن بتوصل
سالمين :::::: هارون شن دخله فيك اتلفي
غالية :::::::😏 وين بنتلف من غير راجلي
هارون :::::😳
الكل :::::::😨😨
سالمين :::::: تموتي تموتي وماتخديه يافاجرة طلعتي على حقيقتك 😡😡
غالية ::::: وقفت ومن ياخد في رأيك انى خديته قداش ليا وحتى انى خديته قبل بنت خوك
جنات :::::::😧
غالية :::::: كان مش مصدقين قولوله يوريكم عقد الزوج
الكل ::::::😨😨 يشوفوا لهارون

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

 

اترك رد

زر الذهاب إلى الأعلى