رواية جنون عاشق الحلقة 24 .. الكاتبة صفاء | القلم الناجح
روايات ليبيه كاملة

رواية جنون عاشق الحلقة 24 .. الكاتبة صفاء

رواية جنون عاشق الحلقة 24 .. الكاتبة صفاء

 

#جنون_عاشق

الحلقــــــــــ(24)ـــــــــة وماقبل الأخير

جنات :::::: هذا الفلاش يلي فيه المكالمة
غالية :::::::: شكرا بجد شكر 😍😍
جنات ::::: بس لحظه السر هذا في نفس الوقت يلي بيعلن فيه براءة بوك بيدمر هارون
غالية ::::::😳 كيف !!
جنات :::::: يعنى سبب اتهام بوك هارون مش ح يتحمله لهذا فكري كويس انى عشت مع امك فترة في نفس الحوش ونعرف منها انك اكثر وحده مصدقة براءة بوك ولما عرفتها ماقدرتش ندس عليك ، ونعرف انك اكثر وحده تحب هارون 💔 لهذا حطيت الخيار في يدك وانتِ حره
غالية :::::::💔
جنات ::::::: ربي يعينك
غالية :::::::: نزلت وانى خلاص بنفقد الوعي شن فيه شن بيكون ، باهي انى توا نختار بوي يلي انظلم طول عمره ومات مظلوم والا نظلم حياة حبيبي وزوجي باقي عمره شن نختار 💔 كيف نتصرف

~~~~~~~~~~~~~~~~~~~~~~~~~~~~~~

العنود :::::: رن تلفوني رقم غريب 😤 اكيد ادريس الو
راجل ::::: السلام عليكم
العنود :::::: وعليكم السلام
راجل ::::::: اختى شن يكون ليك صاحب الرقم لقيناك اخر مكالمة في التلفون هذا
العنود :::::::💔😨 ع علاش شن فيه
راجل ::::::: الدنيا والدوام لله الباقية في حياتك
العنود ::::::😳ك 😳😭 شن تقول انت ؟؟
الراجل :::::: شن يكون ليك يااختى
العنود ::::::: 😭😭😭 زوجي زوجي
الراجل :::::: لاحول ولاقوة الا بالله 💔
العنود :::::: كيف وينه شن صارله
الراجل :::::: ماس كهربائي في الدار يلي يرقد فيها حرق الدنيا كلها 💔 ومافقوش بيه الا بعد ماكان متوفي
العنود ::::::😭😭😭😭

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية ::::::: شاده الفلاش في يدي ونمشي بلا وعي لين خشيت من باب الجنان
هارون :::::: حفيان في سروال توته شعره مبلول ويلبس في تشرته 😳 غالية !!!! وين كنتى وين طلعت ملقتكش خفت نزلت نجري وين طلعتي !!!
غالية :::::::😳💔💔 هارون
هارون :::::: شدها من دراعها ها حبيبي
غالية :::::::: ا اا رن تلفوني طلعته ودسيت الفلاش في جيبي ،، الو
العنود :::::: مات ياغالية 😭😭 مات شن اندير توا شن اندير انى 💔💔
غالية ::::: من ؟؟
العنود :::::: معمر معمر
غالية ::::::::😳 وقفت كويس انتِ وين توا 💔😢
العنود :::::: في الحوش مش عارفه شن اندير
غالية:::::: توا نجي انى وهارون وصكرت 😭 هارون معمر مات
هارون :::::: لاحول ولاقوة الا بالله كيف صار امته هذا
غالية ::::::😭😭 هارون ارفعني لاختي
هارون ::::: حاضر حاضر غر تعالي معاي ويحضن فيها
غالية ::::::: مش خاشة توا بنمشي
هارون :::::: استبررررررررررق
استبرق :::::: نعم 😳
هارون :::::: خليك معها لين نجيب امفاتيحي ونجي
استبرق :::::: باهي 😨 غالية خيرك
غالية:::::: 😭😭

~~~~~~~~~~~~~~~~~~~~~~~~~~~~

#بعد_ساعتين

غالية :::::: ركبنا ومشينى لمنطقة اهل معمر 💔 بيديروا العزي غادي ، انى من قدام مع هارون وامي والعنود من الخلف العنود منهاره 💔 وامي احرف منها تلفتت لهارون وقلتله بالشوية علاش ماخلوهاش تشوفه 💔🥺
هارون ::::: خوه قال متشوه هلبا شبه مافيش جثة مش عارف كيف الاندار مااشتغلش
العنود ::::: كنت بنموت مش لانى نحب معمر هلبا 💔 لا ضميري هو يلي كان بيقتلني احساس يخوف خلاص معمر مات معادش فيه احتمال انه يسامحنى مات وانكتب انه بياخد حقه منى في الاخره ياريت عرف وضربني والا حتى قتلني احسن من هكي
رشيدة ::::::: تبكي وجعتها بنتها يلي ترملة بكري 💔

~~~~~~~~~~~~~~~~~~~~~~~~~~~~~

#بعد_أسبوع

غالية :::::: طلعت من الدوش هارون ❤️ امته ركبت
هارون ::::: قرب حضنها نعيما❤️ لما شفتك راكبه هدرزت مع بوي شوية وركبت
غالية :::::: اشتقتلك 🥺
هارون ::::::: شن نقول انى املاه
غالية :::::: 😔 بنولي لامي والعنود مانبيش نخليهم بروحهم
هارون :::::: قعمزها عالكرسي قدام المراية حول الفوطة من على شعرها وقعد يمشط فيه ، اقعدي الليل هنى 💔 وغدوا الصبح امشي
غالية :::::: نضت وقفت كيف الراجل طلع بالسرعة هذه من الملحق
هارون::::: دبرتله مكان ثاني ، قلت توا لما تروح عدة وقصة بتقعد في شقة بروحها والا كيف
غالية :::::: ربي يخليك ليا ❤️
هارون ::::::: ويخليك ليا ❤️ تعالي نبي نرقدك في حضني بجد مشتاقلك مووووووت
غالية :::::: رقدت في حضنه ،،، وقلت العنود كانت تبي تطلق من معمر وفيه فترة بينهم مشاكل لين كرهاته
هارون :::::: قعد يذكر في ادريس
غالية:::::: توا لما شفت كيف صار فيها عليه 💔😢 وكيف تتألم ومش حاسه بالدنيا قداش خفت تصيرلك حاجه 🥺 بجد هارون لو لحظت كل شوية نتصل بيك الايام يلي فاتوا كان نلقا نكون معاك 24 ساعة وتكون قدام عيوني
هارون :::::: باس على خشمها وابتسم وانى يلي نقول شكلها مشتقتلي هههه
غالية ::::::: خشيت في حضنه انى تعبانه
هارون :::::: حضنها بقوة وانى هذا وين ارتحت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

العنود :::::::: روحت من الوفاء للملحق بجد انى مش حاسه بشيء ولا قادره نعطي رأيي في شيء امي وغالية يقرروا ويحركوا فيه وانى تقول جثة ألم مش في جسدي وقلبي بس الم في روحي حاسه روحي تتألم وكانها بتطلع ،، رقدت عالسرير نشوف للسقف زعما معمر توا عرف كل شيء 💔 والا ليوم القيامة باش يعرف ويحاسبنى ، باهي انى خايفة منه للدرجة هده علاش مخفتش من ربي هكي 😢
رشيدة :::::: العنود !
العنود :::::: تلفتلها
رشيدة :::::: تلفونك حطيته في الشحن الرسائل ماوقفوش شوفيه
العنود ::: نضت قعمزت وخديته
رشيدة :::::: خل تجي غالية ونخش ندوش
العنود :::::: خشي يما توا نكلمها نقلها ماتجيش الليلة ليها اسبوع معانه خلها مع رجالها
رشيدة ::::: باهي انى منعطلش
العنود :::::: باهي ، فتحت تلفوني طبعاااا كل الرسائل من ادريس 💔 واتصالات بالهبل اتصلت بيه
ادريس ::::: بلهفا الو
العنود :::::: 😭
ادريس ::::: البقية في حياتك يا عمري 💔 بالله عليك ماتبكي وتوجعي قلبي
العنود :::::: مش قادره ياادريس اخر لقاء بينا كلامه مش قادر يحول من بين عيوني صوته وقفته 💔😢 وهو يقولي سامحينى لانه شكيت فيك 💔 انى كيف مازلت بنعيش طبيعي مع الشيء هذا
ادريس ::::: تنهد ،انى معاك ننسوا كل شيء انسيك في كل شيء صار قبل ، هبلت هبلت عليك الاسبوع يلي فات معقولة مافكرتيش شن ممكن يصير فيه مخلتيني اسبوع من غير مااطمنيني عليك !!
العنود :::::: كان فيه عقل هو انى
ادريس ::::::🥺 نبي نشوفك
العنود ::::::: 💔 مانقدرش
ادريس :::::: ان شاء الله 5 دقائق بس
العنود ::::::: توا تعرف عده وهكي مش ح يخلوني نطلع بروحي
ادريس :::::: كان مانشوفكش بعينى ونطمن عليك نهبل انى تعرفي من يوم طلعتي وخليتينى في الحوش انى قاعد فيه 💔 حتى الحوش مش قادر نروحله الشركة مش طايق نمشيلها حياتي واقفة مش طايق روحي
العنود :::::: مش عارفه توا نشوف
ادريس ::::::: تمام
العنود ::::::: معادش تتصل توا نتصل بيك انى
ادريس ::::::: كيف ماتبي
العنود :::::::: تمام باي توا
ادريس :::::::: نحبك نحبك ومستعد نموت على خاطرك
العنود :::::::: تصبح على خير وصكرت ،، علاش ماقلتلاش نحبك مع انى نحبه وهلبا مش شوية 🤷🏻‍♀️ نعاقب في روحي والا فيه 💔 ممكن دايره حرمة لموتت معمر ههههه 🤷🏻‍♀️ شفتوا المهزلة وين لما كان حي ماخليت مادرت من وراه ولما مات قرارت نحترمه عندنا مثل يشبه حالتي توا بالزبط اهاااا ياالعنود اها ،، تذكروا اول يوم شفت فيه ادريس ولحقته وين طلع من مكتب سماح شن قلت (( لحقته نجري 💔 الخطوات يلي جريتها وراه توا هي متفوتش 5 خطوات بس هي الخطوات يلي قلبة حياتي ودنيتى 💔)) قعدت نفكر توا لو يومها ملحقتش ادريس كان حياتي كيف بتكون وين بنكون ، معمر هل ممكن انه يكون حي باعتبار انه مش ح يشتغل في شركة ادريس هل بنقابل ادريس في مكان ثاني والا كنت راضية بحياتي واموري تمام 💔 لو معرفتش هالحب لو ماعرفتش ادريس شن ممكن يصير

~~~~~~~~~~~~~~~~~~~~~~~~~~~~

#ثاني_يوم

غالية:::::: نضت غيرت ونزلت جهزت فطور ورفعته للدار حطيته جنب السرير ❤️ لهارون وبوسته وطلعت
سالمين ::::: 😏 ساكته غر لانه توا فيه حالة وفاء لكن كلامي قاعده عنده وحتى كان جنات ماتبيش تولي انتِ ماقاعده كنتي
غالية ::::: 🙄 غر في شن بالك انتِ وطلعت وخليتها
العنود :::::: كالعادة راقده وسرحانه
رشيدة ::::: غالية!
غالية :::::: صباح الخير
رشيدة ::::::: صباح النور
غالية ::::::: كيف حالها اليوم ؟
رشيدة :::::: زي قبل 💔 الله غالب خشي شوفها
غالية ::::::: خشيت صباح الورد ☺️
العنود :::::: زاهيا اليوم 😉 مفعول هارون
غالية ::::::: هههههه
العنود :::::: نبي نمشي للحوش نجيب حاجاتي من الحوش ونظموه لانى بنسلمه
غالية:::::: توا نمشي انى وامي
العنود :::::: لا بالله عليك بنمشي انى لحوشي
غالية ::::::💔 خايفة تزيدي تتعبي
العنود ::::::: لالا نبي نمشي
غالية :::::: تمام خل نفطروا
رشيدة :::::: غالية شن سالمين دارت معاك البارح
غالية :::::: ماتلقناش 😳 خطرها وين الفلاش
رشيدة :::::: فلاش شن ؟؟
غالية :::::: كان عندي فلاش حاطه فيه حاجات مهمة قبل مانسمع الخبر
رشيدة:::::: مش عارفة ماقابلني شيء
غالية ::::::😨 خل نمشي ندوره وتوا نقول لهارون يرفعنا وركبت نجري بديت ندور في شنطي حوايجي يلي كنت بيهم في الوفاء غادي
هارون :::::: فتح عيونه عالدوشة حبي ❤️
غالية ::::::: 😨 هارون ماشفتش فلاش لونه اسود
هارون :::::: صباح الورد ؟؟؟ خيرك شن صاير فلاش شن
غالية :::::: مسحت وجهي بيديه اسفه ياعمري قعمزت جنبه بوسته صباح الورد والفل والياسمين
هارون :::::: فطور في السرير وحركات
غالية ::::: ههه كنت طالعة نبيك تلقاه ماصارش
هارون ::::: انى نبي فطور ثاني 😉
غالية ::::::: هاااارون نوض عندنا حاجات بندروها
هارون ::::::: قرب وجهه من وجهها وهمس انى اشتقتلك اشتقت نكون معاك
غالية ::::::: ☺️زدت قربت منه حتى انى و🚫

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود :::::::: بعتت رسالة لادريس انى بنمشي لحوشي ونحاول نقعد بروحي باش يجي ،، بعتلي رسالة انه فرحان ومن توا بيمشي يستناني وانى في بالي انه معمر ح يقعد بينا طول العمر ، موته مش زي انى نطلق منه لهذا قرارت نتكلم معاه وننهي موضوعنا 💔

غالية :::::: 🤦🏻‍♀️ كيف تضحك عليا هكي ديما مش عارفة مروحه بندور الفلاش هههههه شوف انى وين
هارون :::::: هههههه وين؟ في حضن حبيبك وراجلك
غالية :::::: هيا نوض نوض بنمشي مع العنود لحوشها نبي توصلنا
هارون :::::: حااااضر من عيوني وناض خش للدوش
غالية :::::: 💔🥺 كيف كان كلام جنات صح انى بندير ، كيف بنأدي هارون

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود :::::: وصلنا للحوش غالية بالله عليك خلينى بروحي
غالية:::::: لالا مستحيل
العنود :::::: غالية بالله عليك افهمينى
غالية ::::::🥺 تمام بنمشي للمصور شوية اتصلي بيا لما تبينى باش نكلم هارون ونجيك
العنود :::::: تمام
غالية :::::: نزل خديت تاكسي ومشيت
العنود :::::: شفتها من فوق لين طلعت ،، وطلعت تلفوني اتصلت بادريس
ادريس :::::: بروحك نركب ❤️؟
العنود:::::: ايه 💔 ثواني وكان عالباب ،، فتحت
ادريس :::::: 🥺 حضنها بقوى ويبوس فيها
العنود :::::: 😭😭😭😭😭 نهرت بالبكاء كانى في اول يوم سمعت بموت معمر مش عارفه علاش ممكن لانه ادريس كنت قدامه شفافه يقدر يفهمنى ويحتوينى
ادريس ::::::: حبيبتى اهدي اهدي
العنود ::::::: جيت بنبعد عليه ماحسيتش بروحي الا وانى طايحة
ادريس ::::: العنود العنود 😳 قامها حطها عالصالون وجبلها اميه
العنود ::::: بديت نفيق بالشويه
ادريس::::: لانك ماتأكليش شفتي شن صار فيك ؟؟ العنود خيرك ماتقتلنيش بيلي اديري فيه في روحك ارجوك اهتمي بصحتك على شاني
العنود ::::::: سكتت لساني ثقل حتى انى نقوله يلي جايه على شانه قعدت بين يديه فترة بعدها طلبت منه يروح لانى بنكلم غالية وطلع بعد توصيات انى ناكل ونعاين ووووو

~~~~~~~~~~~~~~~~~~~~~~~~~~~~~~

#بعد_اسبوعين

غالية :::::: معادش فضيت بتدوير الفلاش العنود كل مره تتعب مره يغمى علها مره ماتكلش وكل يوم قصة 💔 اليوم بالصدفة ننفض في كيسة لقيت فيها الفلاش شكله حد لقاه ايام الوفاء حطا هنى خديته وطلعت نجري ركبت لداري
طلعت الكمبيوتر ويديه يرجفوا فتحته 💔
سالمين :::::شن نقدر ندير على عينك كل شيء
اب جنات :::: 😡 دبري رأسك يايرد بنتى يا يعرف انه امه كانت بتهرب مع واحد وهي يلي كذبت على بوي مرته وحبساته
غالية ::::::::::🤭 لالا مستحيل ام هارون خاينة 💔
بديت نغلي شن معنها كذبت على بوي وحبساته 💔

العنود :::::::: بديت نرجع لطبيعتي شوية رن تلفوني رقم رديت الو !
صوت راجل :::::: السلام عليكم
العنود :::::: وعليكم السلام
الراجل :::::: زوجة معمر الله يرحمة وله ؟؟؟
العنود :..:::: ايه شن فيه !!!
الراجل :::::. ماحصلت رقمك الا بعد وين قداش ليا ندور
العنود :::::: تفضل شن تبي
الراجل ::::: فيه حاجه تخص وفاة زوجك لكن مانقدرش نقولها عالتلفون ياريت نتلاقو يكون افضل
العنود :::::: نتلاقو ؟
الراجل :::::: ايه نتلاقو في كافي عام نقولك يلي عندي وخلاص
العنود :::::: باهي الموضوع بخصوص شن !!!
الراجل :::::: بخصوص موته
العنود ::::::😳 تمام انى شوية ونطلع من الحوش

⭐️روايــــــــــــات صفــــــــــــــــــاء ⭐️

غالية :::::: نزلت وانى نفكر شن بندير 💔 نقول لهارون امك خاينة يهبل ،، حاجه زي هذه تخليه يجن💔😢 باهي يعنى نخلها تعيش هكي بدون عقاب
العنود :::::: غالية !!! كيف كنت جياتك طلبوا عليا ورق في الشركة بنمشي نديره ونعطهالهم مانعطلش
غالية . :::::::::: امي وين
العنود :::::::: عندها تنظيف اليوم
غالية :::::: اها تمام 💔 طلعت العنود وانى قعدت نفكر باهي نسكت على شان هارون ، وامي 💔😢 تكمل عمرها هكي ؟؟ وهي تنظف للناس وتجري من حوش لحوش ونسددوا دين مش لينا 😒 عمرك ماكنتى ضعيفة ياغالية واجهي وحتى لو ادمر انى ح نوقف معاه ونسانده ونرجع لبوي وامي حقهم

~~~~~~~~~~~~~~~~~~~~~~~~~~~

العنود :::::: وصلت للكافي اتصلت بالرقم
الراجل :::::: ايوه
العنود ::::: وصلت وينك ؟؟
الراجل ::::: انتِ يلي واقفة في الباب ؟؟؟
العنود ::::: ايه
الراجل :::::: لحظه هي وجها
العنود :::::: اهلين
الراجل ::::: تفضلي سامحينى طلعتك وعارف انك في العدة بس الموضوع مهم
العنود :::::: خوفتنى 💔
الراجل :::::: شوفي مش ح نطمنك ونقولك مافيش حاجه تخوف بالعكس حقك تخافي بالمناسبة انى اسمي عدنان ال &&&& ومن &&& نخدم في الشركة هذه من 3 سنين ومن 5 ايام طلعوني لكن خل نحكيلك قبل
العنود :::::: ابدا
عدنان :::::: انى نقول انه موت معمر جريمة مش قضاء وقدر او 😔انتحار
العنود ::::::😳

~~~~~~~~~~~~~~~~~~~~~~~~~~~~~~

غالية::::: حبيبي طالع 🥺
هارون ::::: ايه خيرك عيونك دبلانات كان تبي نقعد معاك عادي
غالية :::::: لالا شوف شغلك
هارون ::::: قعمز وقعمزها على رجله انتِ شغلي مافيش اهم منك عندي احكي حبيبتى
غالية ::::::: حضنته تعرف انه هنى راحتي
هارون::::: ياعمري احكي شن فيه
غالية :::::: شيء شيء هيا نوض امشي لعملك ، 😌ندلع نبي راجلي يهتم بيا شوية بس
هارون :::::: ههههه وراجلك من عنده غيرك شوفي توا بنطلع ونحاول نكمل بسرعة نروح الساعة 5 نلقاك واتية نطلعوا تغيري جو ونتعشوا برا ونروحوا
غالية ::::::: تمام
هارون ::::: مش ماشية للمصور اليوم ؟؟؟
غالية ::::: لالا
هارون ::::: تمام باسها وطلع
غالية ::::::: خديت نفس ونزلت تلفوني يلي سجلت فيه المكالمة ونزلتلها 😡 استبرق في الجامعة جمعة طالع مافيش غيرنا في الحوش
سالمين ::::: تحول في حاجات الفطور من عالطاولة
غالية :::::: وتوا عرفت كل شيء
سالمين :::::😒
غالية :::::: ماتبيش تسألي لكن انى بنقولك شن عرفت عرفت انه بوي برئ وانك 😏
سالمين ::::::😳 شن تقولي انتِ كذابة معادش تتحشم
غالية :::::: فتحت جزء من التسجيل هذه مكالمتك مع خوك وجنات مستعدة تشهد بيلي صار بينكم
سالمين ::::::😨😢 ا استريني بالله عليك يلي تبيه باهي ردي بالك بعد هالعمر يسمعوا صغاري
غالية :::::: مش مصدقة بجد مش مصدقة 💔💔
سالمين:::: نبوس رجلك ماتقولي لواحد 😭
غالية ::::::: قبل احكيلي بالتفصيل 💔 كيف درتي هكي في بوي

~~~~~~~~~~~~~~~~~~~~~~~~~~>>

عدنان :::::: للأسف ولما شاركت شكوكي مع ادارة الشركة قالولي اسكت بلا شوشره وسمُعت الشركة وووو وانهم بيعوضوا اهل المتوفي ومجرد ايام وتم نقلي وهذا خلاني نتأكد اكثر من انه شكوكي صحيحه
العنود ::::::🤭😭
عدنان :::::: انى قرارت نحكيلك لانه اهله بس يقدروا يطلبوا فتح تحقيق وارقام خوته مالقتهمش
العنود :::::: احكي 💔
عدنان :::::: كنا في اجتماع لواحد من الادارين الاجتماع للكل ، جي تلفون لمعمر طلع من الاجتماع طول التلفون هذا لزم يكون فيه حاجه مهمة والا من مسؤال اقوى من يلي مداير الاجتماع باش تجيك الجراءه وتطلع
جهاز اندار الحريق يلي في الدار مارنش 💔 انى كنت معاه في نفس الدار الجهاز لما ندخنوا نغطوا فيه باش مايرنش من كثر ماهو حساس بس كيف فيه حريق ومايرنش
حاجه ثانية تلفونه كان معاه لما طلع التلفون لقوه ملوح برا الحاوية ومافيش في السجل الا مكالمة وحده وهي ليك في نفس الوقت متع الحريق 💔
العنود ::::::💔😭😭
عدنان ::::: حاجه ثانية الباب لما كسروه القفل طقاته طالعات يعنى الباب مصكر بالمفتاح ؟؟؟ علاش بيصكر على روحه بالمفتاح ووينه المفتاح اصلا ومعقولة اول مابدي الحريق مفتحش. الباب وحاول يهرب الا لو كان قاصد يموت 💔
العنود :::::: شن قصدك انت
عدنان ::::::: هي ياحد قتله يا هو انتحر مافيش احتمال ثالث
العنود ::::::::😳😳😳😳 ادريس 🤭

~~~~~~~~~~~~~~~~~~~~~~~~~~~~

سالمين ::::::😭 قعمزت على كرسي وهي ترعش 😭😭😭 كنت صغيره وطايشة وجمعة مش معدل عليا يجري ويلم في الفلوس حتى الحوش باليومين مايروحله 💔😭 وكان عنده شريك يخدم معاه جديد صاحبه وبدي يجيب فيه للحوش ويبعت فيه حتى بروحه مرات 😭💔 شفته وشافني وبعد مده بدينا نكلموا في بعض واتفقنا نهربوا لانه اهله مش ح ياخدوله وحده عندها 5 صغار حتى وكان اطلقت
غالية::::::🤭💔 بتسيبي صغارك
سالمين ::::::: كنت طايشة ومافكرت في شيء واخدني بكلامه الحلو ،، ويوم قرارنا نهربوا عرفنا مكان الفلوس وخدينا معانه شنطة وطلعنا 😭💔 شافنا بوك ووقفنا ضربه هو وردني للحوش بالسيف بست رجليه ترجيته مايحكيش لجمعة قالي باهي لكن تاني يوم ماقدرش قال ضميره مايخليشي نخون الراجل يلي يوكل فيه مشي لخوي حكاله لانه يبيه يجي معانه خايف يصير دم 😭😭
خوي تعصب وجاني عطاني طريحة لكن قال مش مروح بيك وبنسترك هاتي الفلوس خدي منهم شويه ورفع بقيهم لشريك جمعة عطاهم له وقاله تهرب بروحك من البلاد لكن مش توا وتنسى اختى وهو وافق
غالية ::::::😏😠 يعنى يلي بعتي صغارك واهلك على خاطره باعك بفلوس
سالمين:::::💔 خوي حط الفلوس في سيارة بوك وجزدانه وخلا جمعة يدور الفلوس ويلقاهم عند بوك ويحبسه ، بتقولي علاش خوى ماخداش الفلوس لروحه لانه خوي كان طامع باكثر 💔 عرضت عليه ياخدهم هو ويسكت لكن رفض لما بوك اتهم بالخنبة وسيب وشريك جمعة سافر بعد القضية بشهرين فضي الجو ليه تقرب من جمعة خش معاه في الشركات والمصانع 💔 ويطلب منى انى كان يشريلي جمعة في الذهب وهو ياخد منى وهذا استمر لين خش هارون الشغل وبدى يباعد في خاله على الادارة
صكر رأسه يبى يزوج بنته لهارون باش يدير هارون في جيبة زي جمعة وبنته تكمل يلي كنت انى نديرله فيه 😭😭😭💔
غالية :::::: اقسم بالله قرفانه منك ومن خوك 😨 دمرتوا حياتنا وانتم عادي ولا كأنه الله لاتسامحكم حسبى الله ونعم الوكيل فيكم
انى نبي نعرف حاجه وحده بس بوي كيف وافق واعترف بالسرقة
خو سالمين :::::::😈 هذه نحكهالك انى
غالية :::::: تلفتت 😳 ا انت شن ادير هنى
سالمين ::::: وقفت ونهضت تلفونها مفتوح على مكالمة مع خوها باهي يلي وصلت بسرعة
غالية :::::: خفت من وجودهم الزوز قربت منه ودرت روحي قوية 😠 انت انتهيت انتم انتهيتوا
خو سالمين :::::: شدها بقوى لين طيحها لوطة وبدي يخنق فيها تعرفي بوك علاش رضي بكل شيء لانه هددته بيكم نسفركم ومعادش يحلم يشوفكم ونحول امكم لبنت ليل غصبنا عنها وانتم بنات بس ندمر حياتكم وهو في الحبس ماعنده مايدير والا نطلعه ويعترف ويخلص وهو ساكت
غالية :::::: فشلت معادش قدرت نتحرك ، دموعي ينزلوا بس ونردد في الحمدلله كنت عارفه انك برىء الحمدلله 💔

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى