رواية جنون عاشق .. الكاتبة صفاء جميع الحلقات | القلم الناجح
روايات كاملة

رواية جنون عاشق .. الكاتبة صفاء جميع الحلقات

جميع حقوق الطبع والنشر محفوظة

رواية جنون عاشق .. الكاتبة صفاء جميع الحلقات

#جنون-عاشق

الحلقــــــــــ(1)ـــــــة

غالية::::: حاطه جزء الطاسة يلي كاسرتها على شريان يدي 💔😠 ونتكلم بتعصيب طلقنى توا طلقني قتلك
////.:::::: هو واقف مصدوم يشوفلها فكينا من لعب الصغار وحطي يلي في يدك خل نتفاهموا 💔
غالية ::::::😢 تحسابني ماندرهاش !!! معقولة لليوم ماعرفتش غالية قاعد ! وهه
///////…..🤯😳

~~~~~~~~~~~~~~~~~~~~~~~~~~~~

العنود :: 😨 شن تقول انت شن فيه ؟؟؟؟
///////::: هو يلي سمعتيه اطلعي توا ومعادش نبي نشوف وجهك 💔
العنود :::.🥺😢 قصدك زعلت لانه هو جابنى ؟؟؟ انى كنت خايفه عليك بنهبل معرفتش شن ندير
////////::::: اووووف 😡 باش تفهمى انتِ هذا مستشفى مانبيش نعلى صوتي أكثر اخر مره نشوفك فها اطلعي توا اطلعي
العنود .::::😭💔

⭐️روايــــــــــــات صفــــــــــــــــــاء ⭐️

#قبل_شهور

اليوم يلي تغيرت فيه هلبا حاجات في حياتنا وكانت الاسباب يلي وصلتنا للي فيه توا 👇🏻

العنود ::::::: فتحت عيوني بكسل 🥱 اووووف شن هذا كل يوم سهر وزحمة في الليل والصبح نوضان بكري للخدمة
غالية :::::: الله غالب شن بديري الناس واقفة معانه بارك الله فيهم
العنود :::: بالله فكينى يرحمونا هم بس عارفينه ماعندنا وقت نحكوا روسنا
غالية :::::: ماتقوليش هكي قدام امك 😒 هي يلهوا فيها
العنود ::::: 🙄 وتيتي الفطور !
غالية :::::::😒 يديك محنيات !!! فيه جبنة ودرت شاهي لكن خبزة مالقيتش ومافضيتش نطلع نجيب درت زميطة لامي برى كولي معها
العنود :::::: حاش النعمة صبح زميطة قالت 😒حطت شاهي وخديت الجبنة ناكل فيها هكي
غالية :::::: نشفت يديه انى بنطلع بوسة رأس امي وخدها مانبيش نعطل هيا بالسلامة
رشيدة :::::: فين غادية ( وين ماشية )
غالية :::::: بنمر عالمصور والساعة 2 عندي في الصيدلية
رشيدة :::: في الحفظ
غالية :::::: طلعت وانى قلبي مكسور زي امي او اكثر منها ، بوي متوفي من ثلاثة شهور 💔 مش قادرين نعيشوا حتى الالم عليه من الهم يلي فوق روسنا باهي شن الجديد هذا الهم مولود معانه 💔 لكن مش قادرين نتعودوا عليه
امي اصلها مغربي جت هي واهلها زيارة لليبيا شافها بوى وقرار يخطبها وافقوا اهلها وتزوجوا ، امى حبت بوى لدرجة قعدت بعيده على اهلها 💔 وهو حبها هلبا تعاونوا مع بعض هو كان يشتغل حارس وسواق عند واحد راجل اعمال او حاجه زي هكي ، الكلام هذا قبل 20 سنة او اكثر ، نولدت اختى العنود وبعدها بستنين نولدات انى قعدت امي تهتم بينا وتخدم في خدمة خفيفة في حياش تنظف او تطيب كانت حياتنا بسيطة وسعيدة 🤷🏻‍♀️ مع انى ماندكرش منها هلبا ، بس لما وصل عمرى 4 سنوات تغير كل شيء 💔 ونقلبت حياتنا
العنود ::::::: غالية غاااااالية اصبري استنينى
غالية ::::::: شن ؟
العنود ؛::: بنمشي حتى انى وقت عليا خل نمشي معاك
غالية ::::::😒 بالله غطي شعرك كويس الوشاح زي قلته
العنود ::::::😌 ألهي في روحك رايحة زي الذكر مادخلكش فيا
غالية :::::: ياحليلي من الأنوثة انى وسرعت خطوتي ركبنا افيكوا وكل وحده انطلقت لعملها

~~~~~~~~~~~~~~~~~~~~~~~~~~~

العنود :::: جيت فايته ماشية للمكتب متعنا نسمع في سماح تتعارك مع واحد 🙄 فتحت الباب واحد واقف وعطينى بالظهر 😍 ماشاءالله طول وعرض وبدلة رسمية 🤤
سماح :::::: قلنالك حجزك مش اليوم 😒 باش تفهم
ادريس :::::: وانى قلتلك لازم نسافر اليوم
سماح ::::::: الغلط منك طيارتك غدوا كونك متلخبط هذه مشكلتك مش مشكلتي
ادريس :::::::😠 كلميلي مديرك والا يلي هو مسؤل على شركة الخطوط هذه وتوا نشوفوا
العنود ::::: خشيت ، سماح شن فيه
ادريس :::::: تلفت وهو رافع حاجه 🤨
العنود :::::::😍 يهبل ياناس يهبل الشعر البنى واللحية ، العيون العسلية نظرة الجدية يلي فيهم ، الشخصية الوقفة حتى كثافة كيف مفرودات يجدبوا انتبهاك 👌🏻 سبحان الخالق قعدت ساكته
سماح ::::::: وين نندري عليه يطلع في هباله عليا حاجز في طيارة غدوا وجاي يبى يسافر اليوم
ادريس ::::::: تلفت شاف لسماح 😠 توا تشوفي الهبال على اصوله وطلع فات من جنب العنود
العنود :::::: نهااااارك احرف هذا اسلوب مع زبون
سماح :::::::🥺 انطردت صح ؟
العنود ::::::: لحقته نجري 💔 الخطوات يلي جريتها وراه توا هي متفوتش 5 خطوات بس هي الخطوات يلي قلبة حياتي ودنيتى 💔 ياأستاذ يااستاذ
ادريس :::::::😒 نعم !!!!
العنود :::::::: معليشي سامحنى انت يلي ملخبط في موعد طيارتك لهذا ياريت جية بهدوء بدل التعصيب وكل شيء يصير
ادريس ::::::: شن تبى توا ؟؟؟؟
العنود :::::::: متكبرش القصة نحلوها بسيطة ان شاء الله
ادريس :::::: بتركيز كيف !!!!
العنود ::::::: انى هنى ذبت تبخرت تحللت النظرة والصوت ❤️ بتقولوا خفيفة صح لكن الكلام ساهل فيه ناس من اول نظرة تشوفيهم تحسى كأنك لقيتي شيء او شخص تدوري فيه من سنين 🤷🏻‍♀️
ادريس :::::: سألتك ماتبيش تردي ؟؟
العنود ::::::: اها…. قصدي كان عندك وقت انى مانشتغلش معها في نفس الخطوط عندنا طيارة تطلع بعد 4 ساعات نفس الوجهه وعندنا كراسي فاضيات نحجزلك فيها وما اديرش مشكلة لسماح
ادريس :::::: 🙄 عشانك بس بنفوت الموضوع
العنود :::::: كبر شانك إن شاء الله ☺️ تفضل معاي مشيت قدامه وانى ملخبطة حاسة حتى خطواتي مش عارفه نبدلهم كويس

~~~~~~~~~~~~~~~~~~~~~~~~~~~~~

غالية ::::::: مشيت للمصور طبعا لا قارية تصوير ولا هم يحزنون بس هواية عندي وطورتها نخدم في مصور ومتخرجه من سنة من كلية الصيدلة 💔 محصلتش خدمة بشهادتي لكن ندرب في صيدلية جارنا لين نلقا صيدلية نخدم فيها كملة شغلي في المصور وطلعت للصيدلية

~~~~~~~~~~~~~~~~~~~~~~~~~~~~~

العنود :::::: حجزتله وكلمة سماح لغة تذكرته من عندهم وحولتلي الفلوس وقعمز قال ماعنده ليش مروح ومولي ثاني استأذن منى يقعمز في المكتب لين يجي موعد طيارته ❤️
قمت عيونه جت عينى في عينه تحسي نظرته مش يشوف فيك لا نظرته تخترق فيك كأنه يشوف في حاجات اعمق من ملابسي ومكياجي وشعري يلي طالع منه شوية كأنه يشوف في قلبي وروحي الحزينة وقلبي المكسور لدرجة فقدات ثقتي في نفسي 💔 الثقة يلي ما تربيتش انها تكون فيه اصلا قعدت مرتبكة ومش قادره نشتغل طبعا المكتب داخل المطار كان ،، وقفت عندنا دار صغيره في المكتب حاطين فيها غاز صفرة وحاجات قهوة وشاهي ، قلتله بندير قهوة نحسبك ؟
ادريس ::::: خليك مرتاحة توا نطلع نجيب
العنود ::::::🤚🏻 لا مانشربش الا في القهوة يلي نديرها بيدي ، انت كان بتاخد لروحك من برا براحتك
ادريس :::::: نحصل نشرب قهوة من يدك ونقول لا
العنود :::::🙄 ياسلام على اساس يعرفني من سنين شكله خفيف بكل ماتغركش المضاهر
ادريس ::::: ابتسم وليت في كلامك والا كيف !
العنود :::::: لا ماشية وخشيت وانى نفكر شن يكمل هالساعات ويمشي شن اديري انتِ يا العنود وكان يجي صاحب المكتب يلقاك تشربي في قهوة مع زبون يطردك ايووووه ناقصك غر تقعدي بلا عمل ، شفت للقهوة 🤦🏻‍♀️ المية نزحت خلاص اووف حطيت اميه ثاني ودرتها وطلعت
ادريس :::::: سكر اللاب توب متعه وقدم خدي فنجان من ريحتها قهوة ماشاءالله
العنود ::::::☺️ صحين ، مسافر شغل
ادريس ::::::: اي وقعد يشوفلها فترة وهو ساكت بعدين كمل عندي شركة متع مواد تنظيف نجيب فيها من برا ونوزع على محلات الجملة وهكي
العنود ::::: في خاطري فوق الجمال والشخصية فلوس 🤷🏻‍♀️ ماهو ناقصة انى
ادريس :::::: تخدمي كل يوم ؟؟
العنود ::::::: اي كل يوم من 9 لساعه 3 بعدين يجي صاحب المكتب يستلم منى
ادريس ::::: ربي يعاونك والمعاش كويس
العنود :::::: الحمدلله
ادريس :::::: شاف لساعة يده 😉 غمز للعنود خل ننوض انى قبل مايجي صاحب المكتب مانبيش نحطك في موقف
العنود ::::::: 😳 كيف عرف ! كيف حس ! كيف فهم ! مش هذا الشخص يلي تدور فيه كل مرأة يلي يفهمك من صوتك من نظرتك من حركاتك 🥺
ادريس ::::: حط اللاب توب في شنطة ووقف هيا في امان الله
العنود :::::: توصل بالسلامة 💔
ادريس :::::: وصل الباب ورجع ، تغيري خدمتك ؟؟؟؟
العنود :::::::😳 كيف
ادريس ::::::: انى سفراتي هلبا وديما زي توا السكرتيره تلخبط في الدنيا تخدمي في الشركة عندي ترتبي سفراتي الحجز الطيارة والفنادق وهكي ونعطيك دبل المعاش يلي تاخدي فيه توا
العنود :::::::🙄 تعرف قداش معاشي باش تقول نعطيك دبل ؟؟؟؟
ادريس ::::: كم ؟
العنود :::::: كان قتلك 5 ألف
ادريس :::::: ضحك هههه نعطيك 10
العنود :::::: قعدت ساكته
ادريس :::::: فكري وردي عليا وطلع كرت قلبه وكتب عليه رقم هذا رقمي الخاص ،، تلفت ورجع طبس شوية وهو متكئ يده عالطاولة يلي جنب الكرسي متع العنود ، في كل الاحوال اتصلي حتى لو رفضتي اتصلي قوليلي وطلع
العنود :::::: لا اله الا الله استغفر الله ياربي 💔 قعدت نمس في وجهي حسيته سخون خديت اميه شربتها وحطيت الكرت في شنطي وقعدت سرحانه مافوقنيش الا اتصال غالية
غالية ::::: كملتي ؟؟؟؟
العنود :::::: مازال شوية وانتِ
غالية ::::::: الصيدلية مش معطلة فيها الاربعة بنروح مدام مروحه قبلي ديري الغدي
العنود :::::: نمر عليك ونروحوا مع بعض ؟
غالية ::::::: خلاص حتى هذا راي

~~~~~~~~~~~~~~~~~~~~~~~~~~~~~

غالية ::::: فتحنا الباب وخشينا 🤤 ريحة الغدي واتي
العنود ::::::شكلها فصوليا 😋
رشيدة :::::: من داخل الحمدلله على سلامتكم
غالية :::::: وينك انتِ ؟؟
رشيدة :::::: في الكوزينا (المطبخ)
العنود :::::: نغير ونجي جعااااااانه
غالية ::::::: خشيت لامي علاش متعبة روحك
رشيدة :::::: خيرني بنتى انى مازلت بصحتى وندير كل شيء
غالية :::::: ربي يخليك لينا خل نصلي الظهر ونجي حطينا تغدينا وبعدها قالت امي
رشيدة :::::: قعمزو نبيكم
غالية ::::::: وشنو كاين ( شن فيه ) طبعا لانه امي مغربية مره مره نقول في كلمات متعلمينها منها
رشيدة :::::: جي عمك جمعة اليوم
غالية :::::::😒 عمة عينه من وين لوين يكون عمى !!!!!
رشيدة :::::: عيب ياغالية
العنود ::::::: يبى فلوسه ؟؟؟؟
رشيدة :::::: اسمعوا قبل هو جي يسأل وجاب حاجات وانى يلي فتحت موضوع الدين
غالية :::::: ياامي راك في العدة ياعن جد يجيك وعارفنا نخدموا الصبح
رشيدة :::::: جي هو ومرته وكلمته من الدار وهو في الصالة
العنود :::::: باهي غر شن يبى ، غالية انتِ اسكتي شويه 🌚
رشيدة ::::::: قال انتقلوا من حوشكم
غالية ::::::: هو شن دخل ام…
العنود ::::::: صكرتلها فمها بيدي مره مره في عمرك افهمي قبل ماتبدى تدوي زي يلي طالعة من الحجر معادش تسكت
رشيدة :::::: قال تعالوا اسكنوا في ملحق الفيلة عندي منها ماحد يطمع فيكم منها تفتكوا من الايجار وزي مااتفقت معاهم يوم جنازة بوكم نكملوا حنى تخليص الدين
غالية :::::: ورأس امه 😒 نسكنوا عنده عطتيه كلمتين عرفتيه حجمه بيهم ؟؟؟؟
رشيدة :::::: علاش يابنتى ماهو راي كويس نفتكوا من الايجار يلي كل يوم في الزايد ومرته قالت طلع عندها الغضروف والا شن معادش تقدر زي قبل تبي وحده تساعدها يوميًا مش قبل نمشي مرتين في الاسبوع ليها بس والفلوس يلي قبل نحطوا فيهم في الايجار نعطهملهم بالك نخلصوا هالدين
غالية ::::::😡 انى هالنصاب الحقير هذا مانسكن عنده وكان نموت عندك حياش تانيه تخدمي فيهم انتِ وفلوسه توا نخلصهمله
العنود :::::::😠 بلا تسكير رأس بلا معنى امك ماتكمل العدة لين نص الحياش يلي تمشيلهم يلقوا غيرها وحنى شن خسرين نفتكوا من الايجار وهو مادارش هكي لسواد عيونه هو يبي فلوسه
غالية ::::::: يمشي يأجر الملحق متعه مدام يبى فلوس علاش يعطي فينا فيه
رشيدة ::::::😠 علاش كارهتيه انتِ الراجل يطلب في حقه
غالية :::::: تعصبت ونتكلم بصوت عالي ، افهمووووا بوي مش خانب بوي ماخدي فلوس حد علاش هكي انتم !!!!
العنود :::::: كلنا نحبوا بوي الله يرحمة لكن لزم تصدقي انه بوك هو يلي اعترف انه واخد الفلوس علاش تصكير الرأس ؟؟؟؟؟
غالية :::::: انى قالي ماتبوش تصدقوا ماتصدقوش وهو يطلع في الروح قالي طول عمرك انتٍ الوحيد يلي تكذبي فيا ومصدقتين انى ماندير شيءٍ رغم انى نقول درتها 💔
رشيدة ::::::😭 الله يرحمة
العنود :::::: الف مره بنقولولك هذه اوهام في راسك بس ، لما بوي توفه انتِ راقده في سريرك نضتي على عياط امي
غالية :::::: شفتلهم بتعصيب وخشيت وخبطت باب الدار ،، باهي ياغالية كلامهم صح 💔🥺 فيه وحده تلقا بوها يطلع في الروح وتسمع منه الكلام هذا وتخش تكمل نومها 🤷🏻‍♀️ باهي انى متأكده انه هذا صار مش حلم متأكده ، ممكن يكون صح زي ماقال الدكتور من كثر مانقنع في روحى بفكره بوى برىء عقالي الباطن دار المشهد هذا 💔 ياربي بنهبل والا خيرني 😒 المهم مش طالعه من الحوش

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

#بعد_ايام

غالية :::::: ماتغير شيء قاعده مسكره رأسي ومانبيش نحول من الحوش 🤨
العنود :::::: في رأسي قصة الخدمة يلي عرضها على ادريس بعدين نقول لالا فكني منه 💔 قرارت ناخد راي غالية …… غالية
غالية :::::: شن
العنود :::::: فيه واحد
غالية ::::::: مشي 🚶🏼‍♂️ لواحد ملقشي روح
العنود ::::::::😒 بايخة اسمعي ، فيه واحد عرض عليا شغل في الشركة متعه وبضعف الراتب متعي
غالية ::::::: شن بتشتغلي في الشركة ؟؟؟
العنود ::::::: نفس خدمتي توا هو عنده شركة كبيرة وديما سفريات وهكي بنهتم بالحجز
غالية ::::::: علاش عرض عليك ؟
العنود ::::::: لانى حليتله مشكلة في حجزه
غالية :::::: شن بنقولك اكيد احسن شركة حتى تسيبها يعطوك شهادة خبرة من المكتب المعفن ومعاش خير لكن ماتسيبيش خدمتك لين تتأكدي منه مش تقعدي لا هكي لاهكي
العنود :::::: اي اكيد ، قتلك
غالية ::::::: اي
العنود ::::::: امي حكت لمعمر البارح وحتى هو قال مفروض توافقوا عالتحويلة لحوش عيلة الغزاوي
غالية ::::::: وشن دخلة هو 😒 ، بعدين انى ندير في حاجه خل نشوفها بالك تشد قبل
العنود :::::: شن ؟
غالية ::::::: قدمة لصندوق الزكاة على دين بوى الله يرحمة 💔
العنود ::::::: ههههه تبصرى انتِ صندوق الزكاة بيدفع اكثر من نص مليون ؟؟؟
غالية ::::::: يخلصوا في دينون هلبا ناس
العنود ::::::: يلي ماعنداش واسطة مستحيل مبلغ زي هذا
غالية ::::::: ادعي بس وخلها على ربي
العنود ::::::: ان شاءالله لكن من توا كان ماصارش منه الموضوع اكسرى عنادك واسمعي كلامي انى وامي نهار ابيض اصغر وحده بتحكم فينا
غالية :::::: يصير خير انى بنوض نمشي للصيدلية الليلة ماسكة
العنود :::::: تمام ،، وقعدت مقعمزة طلعت الكرت وحطيت رقم ادريس واتصلت مكالمة اثنين مردش 💔 قعدت شوية وقلت بندير اخر محاولة اتصلت في اخر رنه رد
ادريس :::::: الو مساء الخير
العنود ::::::: مساء النور ، استاذ ادريس ؟
ادريس ::::::: ايه تفضلي ؟
العنود ::::::: انى انى العنود
ادريس ::::::::🤔 العنود ….. من العن…. اها البنت متع مكتب الحجز
العنود :::::::: اممممم
ادريس ::::::: لحظه بس توا نعاودلك وصكر
العنود ::::::::😳 تفضلي هي توزيعة محترمة 💔 ماهو يا خفيفة اكيد عطي الرقم مجاملة وانتِ ماصدقتي هو حتى اسمك مايعرفه ، اول ماكملت كلامي رن التلفون في يدي …. رديت عليه الو
ادريس ::::::: كنت مع جماعة نضت من جنبهم ❤️ تصدقي من بعد ماطلعت يومها قعدت نقول ياريت سألت على اسمها ، خطر في بالي كل الاسماء لكن العنود مخطرش عليا اسمك حلو واكيد ليك نصيب منه ❤️
العنود :::::: ههههه تسلم ، من ناحية العند عندي منه وبزيادة
ادريس :::::: هو ليه هلبا معاني
العنود ::::::: اي بوى الله يرحمة لما سألته شن معناه قال السحابة يلي مطرها هلبا
ادريس ::::::: امممم ومعناه حتى الغزالة يلي تقود في قطيعها ❤️
العنود :::::::😍 اخخخ ياقلبي وخلاص مثقف جميل شخصية اسلوبة حلو 🤷🏻‍♀️💔 شن مازال ثاني
ادريس :::::: فكرتي في الشغل ؟
العنود ::::::: اي وموافقة
ادريس ::::::: حلو توا نبعتلك عنوان الشركة تعالي بداية الاسبوع
العنود :::::::: تمام
ادريس :::::::: ماعندكش شروط ؟
العنود ::::::: المعاش زي ماتفقنا ؟ انى توا ناخد في 700 في الشهر
ادريس :::::: تمام ماتكوني الا راضية ❤️
العنود :::::::: اوكي مانعطلكش تصبح على خير
ادريس ::::::: وانتِ بخير ياغزالة
العنود :::::::: صكرت وقعدت نذكر في المحادثة ونعاود نتفكر هدرزتنا من الاول ونعاودها وهكذة

~~~~~~~~~~~~~~~~~~~~~~~~~~

غالية :::::::::: فاتت اياااام رفضوا الطلب يلي قدمته السنة هذه لانه المبلغ كبير 💔 قالوا يدرسوه السنة الجاية ، بعد زن امي والعنود وافقت مطره عالتحويل لحوش جمعة الغزاوي 😒
واليوم كان يوم التحويل فضينا الحوش جبت سيارة كبيرة وعمال يطلعوا في البضاعة
العنود ::::::: مشيت قدمة لشركة ادريس وافق وبديت نخدم ليا اسبوع توا اساس مش عارفة نخذم والا لا عندي طاولة وكرسي لكن ماندير في شيء 🤷🏻‍♀️ ماشفتاش يسافر المهم اليوم ممشيتش لانه بنحولو من الحوش

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

هارون ::::::: مفهمتش انى نسافر شهر نلقا الدنيا خاشة بعضها 😠
جمعة :::::::: (اب هارون )ماشي خاش شي
سالمين :::::::( ام هارون ) غر وسع بالك
هارون ::::::: يابوى فهمني شن تدير علاش تجيب فيهم هنى
جمعة :::::: دينى باش يعطوني فلوسي
هارون :::::: الراجل مات الله يسامحة تم الموضوع اعتبرة صدقة من يلي نطلعوا فيها
جمعة :::::::😒 نعطها بكيفي مش اكثر من نص مليون ينخنبوا منى
هارون :::::::: قصدي زمان الراجل عادي لكن توا بناخدوا فلوس من كمشة نسوين 😒
سالمين ::::::: هي نادت بوك قبل الجنازة قالت سامحه ودينك عندي
هارون ::::::: لا حول ولاقوة الا بالله ، تي هي ماتبيش الراجل يتعذب قلتلها ربي يسامحك ويسامحة وتمت ، معقولة توا بتجيب بنات في عمرهم للحوش ؟؟؟
استبرق::::::(اخت هارون)هم بنتين ؟؟
جمعة ::::::: تي هي وحده الثانية …..
هارون ::::::: 😒 الثانية ذكر ماتنحسبش عالبنات
سالمين :::::: ههههههه هارون مش ناسي يوم ضرباته برشاده فتحت رأسه 6 بونتو
هارون :::::::😒 دبروا روسكم انى الموضوع هذا طالع منه مدام مش واخدين رايي بنركب ندوش ونطلع

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

غالية :::::: وصلنا قعدت نشوف للفيلا من برا 💔 قداش نكره المكان هذا ونكره الناس يلي فيه هم سبب كل شئ قبل 20 سنة او أكثر بوى كان اقرب شخص لجمعة هذا 😒 من ناحية عاطيه الثقة يخدم يسوق في سيارته ويحمي فيه حتى مره وانى عمرى سنة يحكولنا انه تلقا رصاصة مكانه من ناس تحاول تقتله في يوم عمك جمعة ينوض يعيط يقول ساحب مليون من المصرف انخنبوا منه وماحد يعرف مكانهم الا هو وبوى 💔 ويجيب الشرطة تحقق ولانه مبلغ كبير ارقامه التسلسلية موجوده في البنك طلعوا جزء من المبلغ من جزدان بوي 💔 وجزء من سيارته الجزء هذا مايفوتش 10 الف بوي انكر وندكر في امي كيف بكت وشن صار فيها وبعد اسبوع من التحقيقات بوى اعترف بس ماقالش المبلغ وين ولا طلع 💔 بعد حبس 6 شهور قرر السيد جمعة يدير اتفاق مع بوى يطلعا لكن يوقع شيكات ويخلص كل شهر مبلغ ومن يومها لليوم كل شهر ، 12 شهر في السنة لمدة 20 سنة وبوى يدفع لين مات 💔 وتوا هالدين انتقل لينا 💔 عيلة السى🌚جمعة متكونه من 3 بنات وزوز ولاد عنده بنتين متزوجات وولد متزوج وعنده ولد وبنت مازال طبعا هده معلومات نعرفها من امي انى من عمرى 5 سنوات معادش خشيت حوشهم ،،، مره امي ملقتش وين تخلينى جابتنى معها وهي خشت تنظف وخلتنى نلعب في الجنان وزي زي اي طفلة بريئة عجبتنى دراجة البنت 🤷🏻‍♀️ خليتها نزلت وجيت ركبت فوقها جت البنت تجري قالتلي انزلي قلتلها ناخد شوط بس 🥺
قالتلي ::::::😒 لا بتخنبها زي مابوك خنب فلوس بابا
تعصبت 😡 ودفيتها طاحت 🤨 ناضت تعيط مع انها كانت اطول منى واضخم ناضت تنادي هارون يا هاااارون تعاله ضربتنى جي واحد وقتها ممكن يقرا صف خامس او سادس وفي يده كتاب شكله كان يحفظ 💔 دفني من على الدرجة وقالي درجتها معادش تمسها وتلفت بيمشي
بجنبي رشدة 🤨 قمتها وحدفتها عليه جت في رأسه 💪🏻 طاح لوطه وهو شاد رأسه ويسب مبكاش 💔انى شفت الدم 😳 هربت لامي طول نذكر صارت دوشة ورفعوه للمستشفى ومن بعدها امي معادش ترفع فيا معها
العنود :::::: وين سرحانه هيا انزلي
غالية ::::::: نزلنا خلصنا التاكسي ، خشوا انتم انى بنستنى سيارة الاثاث
رشيدة :::::: باهي خشت هي والعنود
سالمين ::::: اهلين انستونا ❤️ تفضلوا
رشيدة :::::: الله يأنسك ومشوا معها تعطي فيهم في المفتاح
هارون :::::: جهز روحه وجي طالع فتح باب السور بالريموت وهو في سيارته
لقي غالية واقفة برا لابسة سروال جينز اسود وبلوزة سماوية طولها متوسط وسبيدرو ابيض
غالية ::::: 🙋🏻‍♀️ بالله افتحه كامل باش يدخلوا السيارة
هارون :::::::😠 عرفها هي نفس نظرة الشر يلي في عيونها لما صغيرة ، فتح الروشن وقاللها 😏 الباب ماينفتحش الا بامر اصحاب الحوش
غالية :::::::😒 زمزك عاد وانت سواق ماحد ديرلك حساب شحشح هكي وخلاص وشوف روحك بسيارة مش ليك لا وخانب نظرات ساحبها زيادة
هارون :::::::😡 فتح الباب ونزل وقبل مايرد تكلمت استبرق هارون هااااااارون نسيت تلفونك
هارون ::::::: توا نجيه
غالية :::::::😳 هذا هارون !! الولد المعقد يلي ضربته !!
هارون :::::: شن السيارة هذه ؟؟؟
غالية ::::::: 😒 اثاثنا
هارون :::::: الملحق مفرش واتي خوذي حوايكم وفوتي الباقي
غالية ::::::: والله !!!!
هارون :::::::😠 نقصي صوتك وتكلمي بأدب حوش محترم هذا
غالية :::::: جت بترد … ا…
رشيدة :::::: غالية الحوش طلع مفرش قوليلهم ينزلوا شناطي الحوايج بس هارون وليدي اعطي عنوان المزرعة للراجل امك قالت يحطوه الاثاث في الهنقر يلي غادي
هارون :::::: وعيونه في غالية 🤨 تمام ومشي يكلم في العامل
غالية ::::::😠 اثاثنا نبوه شن من توا متحكمين فينا
رشيدة ::::::: اسكتى مش وقته توا
العنود :::::: ورأس غالية مديريش العار من اول يوم لحقين عليه
هارون ::::::: خش وقف على رشيدة قلتلهم ….
غالية :::::::😒 قلبت عيونها وطلعت وخلتهم
العنود ::::::: واقفة مع امي مبتسمة هي ثواني علا صوت غالية 🤦🏻‍♀️ وسمعنها تعيط ……

#يتبع

جميع الحلقات

  1. رواية جنون عاشق الحلقة الاولي
  2. رواية جنون عاشق الحلقة التاني
  3. رواية جنون عاشق الحلقة الثالثة
  4. رواية جنون عاشق الحلقة الرابعة
  5. رواية جنون عاشق الحلقة الخامسة
  6. رواية جنون عاشق الحلقة السادسه
  7. رواية جنون عاشق الحلقة السابعة
  8. رواية جنون عاشق الحلقة الثامنه
  9. رواية جنون عاشق الحلقة التاسعة
  10. رواية جنون عاشق الحلقة العاشرة
  11. رواية جنون عاشق الحلقة الحادية عشر
  12. رواية جنون عاشق الحلقة الثانية عشر
  13. رواية جنون عاشق الحلقة الثالثة عشر
  14. رواية جنون عاشق الحلقة الرابعة عشر
  15. رواية جنون عاشق الحلقة الخامسة عشر
  16. جنون عاشق الحلقة السادسة عشر
  17. جنون عاشق الحلقة السابعة عشر
  18. جنون عاشق الحلقة الثامنة عشر
  19. جنون عاشق الحلقة التاسعة عشر
  20. جنون عاشق الحلقة العشرون
  21. جنون عاشق الحلقة الواحد والعشرون
  22. جنون عاشق الحلقة الثاني والعشرون
  23. جنون عاشق الحلقة الثالث والعشرون
  24. جنون عاشق الحلقة الرابع والعشرون
  25. جنون عاشق الحلقة الخامس والعشرون

لمشاهدة جميع اعمال الكاتبة : روايات صفاء

 

اترك رد

زر الذهاب إلى الأعلى