رواية حب وانتقام الحلقة الثالثة .. الكاتبة أسماء أشرف | القلم الناجح
روايات ليبيه كاملة

رواية حب وانتقام الحلقة الثالثة .. الكاتبة أسماء أشرف

رواية حب وانتقام الحلقة الثالثة .. الكاتبة أسماء أشرف

#حب_وانتقام 3

وسِام:بتوتر…اء اء انت عارف هي بنت من
مراد:باستغراب…اها بنت تجاره في سوق الحرير…ليش تسال
وسِام:😅ها لاشي
مراد:وسِام نزبطك نا قول ايش عندك عارفني ماعنديش خلوق
وسِام:تنهد…توه كانت عند رئيس قسم الشرطه وقالي ان
مراد:بعصبي…ايش قالك وسِام انطق
وسِام:باهي باه كنك تهزب بشوي اهد
مراد:قعد على الكرسي…اهو هديت تكلم
وسِام:غمض عيونه وفتحهم…مراتك تكون بنت اكبر تاجر مخدرات
مراد:😳
وسِام: القضيه الجديده يلي انت مسكتها كانت بخصوصه…ماحدش عارف من يلي يداخل في الحاجات الخامره هذي للبلد لان زي ما انت تعرف هو يشتغل باسم تاجر الحرير وباسم مش حقيقي يعني اسمه في تجارة الخشيش غير اسمه في تجارة الحرير…نا عارف انك عندك علم بالحاحات هذي كلها بس يلي متعرفش انت ان هو يكون عمك اب مراتك💔
مراد:صبا وبصدمه…مستحيل يكون هو…اكيد في غلط في المعلومات
وسِام:لالا معلومتنا كلها صحيحه…ويكون في علمك نحن قدرنا نعرفو ان مافيش حد من هله يعرف يعني حتى مراتك متعرفش بوها في ايش يشتغل غير في تجارة الحرير
مراد:لالالا مستحيل نكمل انا مستحيل نحط ايدي في ايد مجرم انا لازام ناخذه من ايديه ونحطه في الحبس لان هض مكانه
وسِام:لالا يا راجل ماتقولش هكي
مراد:بصوت عالي…انت معه ولا معي
وسِام:معك معك…بس قبل ماتاخذ اي خطوه لازام تقبل رئيس قسم مخدرات لان يبي يشوفك ضروري
مراد:كيف عرفتو المعلومات هذي وليش انا اخر من يعلم
وسِام:كله حتعرفه عند رئيس القسم…هي صبي
مراد:صبا وراكب سيارته هو و وسِام واتجهو لقسم شرطه

أسمــــاء أشـــــــرف🔥❤️
روايـــات أســـــــــــماء أشـــــــــــرف

سمر:شنو كملتي
نسمه:اووف نفخولي راسي بيش نحنيه حنه ثقيله والمشكله عرفيني مانحبهش واجد
سمر:ههه نا عكسك نموت فيها
نسمه:ههه نذكرها يوم فرحك حنيتي حنه سوادنيه وضربتيها لعند فوق😂
سمر:ههه خزي عليك مزالتي متذكره
نسمه:وهذي حاجه تنتسي
سمر:ههه…ربي يوفقك في حياتك ولله شكله راجل ولد حلال
نسمه:على روحه مش علي…ولله نخليه يكره اليوم يلي جا وخطبني فيه
سمر:ولله حتجيبي اخرتك بيدك🔥
نسمه:😏قصدك اخرته هو
______________________
عيسى:امتى موعد الفرح
احمد:يوم الخميس الجاي
عيسى:يدخان…وطبعا حتحكي معه في موضوعنا ويكون معنا في العمليه
احمد:اكيد وهو مش حيرافض لان حيكسب كويس من ورا الصفقه هذي
عيسى:تمام…مانبيش اي غلط في موضوع
احمد:ولا يهمك كله تمام
عيسى:هزا براس بمعنى تمام

أسمــــاء أشـــــــرف🔥❤️
روايـــات أســـــــــــماء أشـــــــــــرف

مراد:صبا وضرب بيده على المكتب وبصوت عالي…كيف تبيني نوافق على حاجه زي هكي…بدال ما انت قاعد وتحكي معي في الموضوع هض عطيني الاذن نمشي نقبض عليه
رئيس القسم:(لؤي)انت نسيت روحك مع من تحكي…مراد اهد وصحصح ومتهورش…نا اخترتك للعمليه هذي عشان عرفك شاطر في شغلك
مراد:قعد على الكراسي ويهزا بكراعه بقوه
لؤي:تنهد:هذي الطريقه الوحيده يلي نقدرو نمسكوه ومعنا الدليل الكافي ضدها
مراد:رافع راسه بسرعه…بس مش على حسابي
لؤي:لازام يصير هكي…لازام تكون قريب منه وتخليه يواثق فيك بيش نواصلو للي نبوه منه
مراد:تنهد:مافيش طريقه اخرى
لؤي:لا اله الا الله….لا مافيش وياريت تنفذ الامر يا حاضرة الضابط
مراد:صبا وضرب التحيه…حاضر سيدي
لؤي:تقدر اتفضل توه…وزي ماقتلك نحن نشتغلو بسري كامله
مراد:علم وينفذ سيدي
لؤي:تفضل
مراد:طلع من المكتب لقى قدامه وسِام
وسِام:يمشي ورا مراد في مَمر مليان زحم من ناس…مراد مراد تسمعي في ايش صار
مراد:يمشي بسرعه يبي يطلع من زحمه باي طريقه
وسِام:مسك مراد من دبشه…ويحكي وهو داهش…كنك يل راجل نحكي معك انا ايش في شن صار
مراد:يعني على اساس مش عارف
وسِام:لا عارف بس انت ايش صار معك وافقت
مراد:حط ايديه في جيوبه…مافيش حل غير اني نوافق بيش نمسكه ونخليه يعفن في الحبوس
وسِام:طبطب على كتافه
مراد:انا مروح امي من بدري وهي تران
وسِام:تمام نتلاقو
مراد:سلام
وسِام:هزا راسه
رواية حب وانتقام الحلقة الثالثة
الهام:ربي يصبرني عليه…فرحه يوم الخميس وهو مش مهتم
مروان:اخخخ لو انا مكان😕
الهام:ضم فمك وخليك في حالك
مروان:انا في حالي وناس معي في حالي🙃
الهام:مروان نوضى اقعد مع ناس برا مابين ماجا خوك
مروان:انخلع…لالا فكيني قصدك تبيني نقعد معهم وندير روحي عاقل قدمهم وان نا شاب صالح ونا العكس لايمكن نكذب على ناس عشان خاطر خوي ضابط😂🤦🏻‍♂️
الهام:يصبرني عليك ربي نلقها منك ولا من خوك😢
مروان:مني انا احلى
مراد:سلام عليكم
الهام:وين كانت معقول تسيب الناس وتمشي
مراد:باسى راس امه…حقك علي
مروان:عيني خفيفه عليكم😒
مراد:بضحكه خفيفه…ربي يكملك بعقلك
مروان:قالب وجه
الهام:سلم وليدي خلاص كم يوم وتكون زوج انسى الشغل شوي
مراد:تنهد…يصير خير…نا خاشى ندوش وبعده طالع لناس برا
الهام:تمام

أسمــــاء أشـــــــرف🔥❤️
رواية حب وانتقام الحلقة الثالثة

نسمه:هههه ووك عليك ضحكتيني
اريام:(بنت عمها)ولله جد الهبل بدال مايهرب من سور طلع من الباب وشفوه الجيران وضربوه طريحه سمحه
نسمه: ههه يلي عجبتني فيك انك ماتخفيش من حد
اريام:ههه الحق حتى نا معجبه بروحي واجد
سمر:جات ومعها الدربوكه…هي بنات تعالن تعالن يلا هض فرح نسومي يعني مش حاجه سهله
التمنا البنات كلهن ودارنا دائره وقلبنها شطيح وصفايق وجو من الاخيره💃🏻👏🏻😂

عزيزه:هههه ربي يحفظكن…نوضي نسمه يبيك بوك
نسمه:بوي
عزيزه:اها هي صبي نوضى
نسمه:صبات وخاشت للمكتب وصكرت الباب وراها
احمد:مصبي على المكتب ويختر في كتاب…فرحانه
نسمه:تنهدت…كانت حنكون فرحانه اكثر لو كانت حنعيش معكم هنا
احمد:التفت عليها بسرعه…غلط يلي قالتلي غلط…البنت مالهش الا حوش راجلها وبس اما حوش هلها ف مصيرها في يوم من الايام طالعه منه
نسمه:ساكته
احمد:قارب منها وحط يده على شعرها…يابنتي مراد راجل كويس وحيصونك نا متاكد…مانبيش نطلعك من الحوش زعلانه او مضايقه…وتاكدي انك حتكوني فرحانه معها❤️
نسمه:ابتسمت
احمد:باس راسه…ربي يرضى عليك ويوفقك
نسمه:ابتسمت وطلعت من دون ماتزيد كلمه🤫
رواية حب وانتقام الحلقة الثالثة
وعدن ثلاثه ايام الفرح وكان كيف اي فرح ليبي
يوم الثلاثاء كان راحه عند هل العروسه والعريس ❤️

اما يوم الاربعاء كان رامو يجو هل العريس ويرامو على العروسه وام العريس تحط للعروسه حنه في ايديها❤️

(الله محلاهم ايام الفرح يمكن احلى من يوم الفرح نفسه❤️😂💃🏻)

وجا يوم الخميس يوم صاله
نسمه وسمر في الكوافيره وبنات العايله في صاله على مسرح وقلبينها شطيح والصبايا الكبار يشرفو على كل شي

جات ساعه 7 وماشى ولد خالت نسمه للكوافيره وخذها هي وسمر

وصلت نسمه لصاله وخشت وقعدت في غرفة الانتظار
عزيزه:بسم الله عليكي…الف مبروك يا عمري
نسمه:بصوت مخنوق…الله يبارك فيكي
هاجر:قمر مشالله بنت خوي…ولله حتودري العربس اليوم😉❤️
نسمه:ابتسمت
سمر:شنو تخشي توه
نسمه:اها هي خليني نخش
عزيزه:سمي بسم الله بس
نسمه:رافعت الفيلو يلي كان بسيط وعليه رسمة فراشه بفصوص كرستل ومن فوق على شكل قلب من عند صدر مع باقة ورد بيضه ومكياج بسيط وسمح وطبعا عشان هي طويله شوي فقررات تلبس كويشه من كعب❤️

خشت نسمه وهي كلها ثقه على اغنيه طلي بالابيض وناس تشوفلها باعجاب والبنات في يلي فرحنتلها وفي يلي حسدتها🤷🏼‍♀️
وصلت لعند دروج المسرح وجاتها سمر سعدتها
وجات المصوره خذاتلها كم صوره بعدين قعدت وكل مره وحده اتجي تسلم عليها والبنات قدمها يشطحن على المسرح💃🏻👏🏻

اريام:نسمه قالو هل العريس جو
نسمه:باهي تمام
اريام:حظنت نسمه…حنرايفلك يا فرخه
نسمه:هههه ماتخفيش اكيد حنشوفك…وبعدين ماتحسسنيش اني ماشيه نموت مش نجوزه
اريام:هههه الف مبروك…خلاص هي واتي روحك اهم شكلهم خشو
نسمه:تنهدت…تمام
اول وحده خشت وكانت لبسه عربي عي ام مراد ومعها سله فيها بداله لنسمه وعمات مراد وخالاته وراها وشيلين باقي السلات
وصلو لعند المسرح وحطو الحاجه وصبات نسمه باست راس ام مراد وهجو مع بعضهم وصفقو وراقصو ويلي في خاطرها حاجه غنتها يلي على مرهون ويلي على القديم ويلي على جديد ويلي على خوان والذي منهُ😂🤦🏼‍♀️طبعا لازام في كل عرس ليبي تطلع وحده وتلقيها تعيط مع اي شتاوي تقول مجروح من ناس كلها😂👆🏻

الهام:قربت من نسمه:مراد يبي يخشى ياخذك
نسمه:تمام
نزالن البنات من على المسرح وقعدن غير الصبايا الكبار بس من هل نسمه ومراد
وخاشى مراد وهو طارح هذيك الطارحه❤️🤤
لبسه بداله سود ومخفف لحيته ورافع شعره فوق كان طالع جنتل❤️❤️
واصل للمسرح وسلم على امها وام نسمه وخالاته وعماته والصبايا الكبار كلهن و واصل لعند نسمه وهي صبات وهو رافع الطرحه وباسها وهمسلها في وذنها
مراد:الف مبروك
نسمه:يبارك فيك
مراد:هي نروحو
نسمه:كانت خلاص شبه انها ملت عشان هكي فرحت لما قاللها هي
مراد:مسك يد نسمه ونزال هو وياها ولحقتهم سمر عشان تعطي الكاب النسمه اما عزيزه مسكتها هاجر عشان ماتطلعش وراها وتقعد تبكي
سمر:تبكي…عينك من روحك ومن راجلك
نسمه:هزات راسها
مراد:هي…وخذها وطلع بيها وسط العاب الناريه وصوت السلاح
راكبها في سياره وراكب واتجهو للفندق

نزال مراد وسعدها تنزال وخشو للفندق وخلاصو الاجارات واول ما خشو للاصنصير طول نسمه حولت الكاب من على وجها ومراد بشوفلها وساكت
واقف الاصنصير ونزالت الكاب وهو مسكها من ايدها عشان هي متقدرش تشوف
واصلو لجناح وخشو
الجناح كان عباره عن غرفة نوم وحمام وصاله صغيره فيها تلفزيون
خشو لدار وطول نسمه حولت الكاب وطلعت شنطة المكياج وبدات تمسح في مكياج
مراد:نا برا خوذي راحتك
نسمه:يكون احسن
مراد:تنهد لان كان تعبان ومايبش يتنقش معها
طلع مراد من دار وقاعد في صاله يشرب في مشروب وحول الجاكه وفاك الكرفه
مر الوقت وتمه يبي يغير دبشه صبا مراد وطق على باب الدار مره اثنين ثلاث بس نسمه مفاتحتش فتح الباب وجات عينه على….يتبع

لمشاهدة جميع اعمال الكاتبة : روايات أسماء أشرف

اترك رد

زر الذهاب إلى الأعلى