رواية حب وانتقام الحلقة الثامنة .. الكاتبة أسماء أشرف | القلم الناجح
روايات ليبيه كاملة

رواية حب وانتقام الحلقة الثامنة .. الكاتبة أسماء أشرف

رواية حب وانتقام الحلقة الثامنة .. الكاتبة أسماء أشرف

#حب_وانتقام 8

نسمه: قلبها يدق بسرع…لالا مستحيل بابا يتاجر في الحاجه هذي اكيد مؤيد غلطان
مراد:واقف وراها…لا مؤيد مش غلطان بوك فعلا يتاجر في الخدرات
نسمه:التفت مخلوعه…كيف..في ايش تقوول انت💔
مراد:يبرم على نسمه وحط ايديه في جيوب السروال…ولله انا مكانتش نبي نقولك..بس مدام انتي عرفتي فالازام يكون عندك علم
نسمه:تحكي بصوت عالي…هي هي انت في ايش تخرط بضبط…وبعدين من قالك تلحقني
مراد:شافلها بنضره حاده…مش موضوعنا ليش نا لحقتك…خلينا توه في مصبية بوووك
نسمه:مصيبة شنو يلي تحكي عليها
مراد:تنهد…زي ما امك قالتلك اختك جات تبكي عشان راجلها اكتشاف ان بوها يتاجر في المخدرات ولا
نسمه:مصدمه وخايفه يطلع يلي في عقلها صح💔
مراد:يلي لازام تعرفيها ان فعلا بوك يشتغل في الحاجه هذي ومن زمان اخرى…قتل ناس ابرياء بسببه ولازام ان يتعقب🔥
نسمه:عيونها فيهم دموع…لالالا انت كاذب بابا مستحيل يشتغل في الشي هض…بابا تاجر قماش مستحيل يفكر يشتغب في الحرام
مراد:ضحك على جانب…ولله حتى نا كان خاطري يكون كلامك صح…لكن الحقيقه ان بوك اكبر تاجر مخدرات في منطقتكم
نسمه:قربت منه ورافعت صوبعها فيه🔥…مستحيل نخليك تشوه صورة بابا في عيوني…وطلعت وسيبته
مراد:اخخخخ عليك هم احرررف
___________
سمر: تبكي…يا ماما ماتعبيش روحك مش حيرد عليك
عزيزه:احكيلي باهي ايش صار بينكم بالضبط…ضربك هوو
سمر:تبكي وحط ايديها الاثنين على وجها…اهاا
عزيزه:😨
سمر:رافعت راسها…عطني اقوى كف ممكن ناخذه في حياتي يا ماما😭…لما رافضت اني نصدقه طلع تلفونه واتصل بصحبه يلي يشتغل في الشرط

شرطي:هو يشتغل في تجارة القماش…بس في الحقيقه هو شغله كله في المخدرات
مؤيد:يحكي مع الشرطي ويشوف السمر كيف هي مصدومه…باهي كذا قولي اسمه في تجارة القماش
الشرطي:احمد ال
مؤيد:اها تمام مشكور…سلام
الشرطي:خليني نشوفك
مؤيد:ههه انشالله لما تمسك يلي اسمه احمد توه نجيك ونحتفلو
الشرطي:هههه سلام وصكر
مؤيد:مسك سمر من شعرها ويحكي بغل…تو تو تلمي دبشك كله مانبيش شي هنا في شقتي وتمشي الحوش بوك وحده زيك ماتشرفنيش نكون راجلها…وحتى ولدك خوذي معك مانبيش يكون في شي يربطني بيك…وعزقها على سرير وطلع

سمر:ها ماما شفتي ايش صار معنا…مستحيل الشرطي يكذب اصلا ايش مصلحته يكذب
عزيزه:ساكته ومش عارفه ايش تقول💔

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:مع سلام
الهام:مع سلام بسومه سلميلي على امك
نسمه:بتوتر…انشالله..وطلعت راكبت في السياره
مراد:شافلها…حوش هلك
نسمه:🤨
مراد:قصدي مش امك تبيك اتجيها عشان اتهدي اختك
نسمه:اممم انت شكلك معي من اول المكالمه
مراد:ماردش عليها…وطلع لحوش هل نسمه
___________
احمد:خشى للحوش…سلام عليكم
عزيزه:شافتله…وعليكم السلام..حمدلله على سلامه
احمد:الله يسلمك…شنو سموره ماتبيش تسلمي علي
سمر:😞
فواد:بابا جيت
احمد:عيونه على سمر يلي ماحكتش ولا حرف…يا هلا براجل الحوش
فواد:جبتلي العبه يلي قتلك عليها
احمد:انشالله بس توه سيبني عشان نبي نحكي مع اختك كلمتين
فواد:باه
احمد:هي امشي لدارك
فواد:عدا
احمد:بصوت حاد…كنك انتي جايه حرجانه ولا شنو
عزيزه:اء
احمد:رافع يده في وجها عزيزه بمعنى اسكتي✋🏻…نبيها هي تحكي…هي نسمع فيك
سمر:ساكته ولا حرف
____________
مراد:هي انزلي
نسمه:نزلت من غير ماترد عليه
مراد:حرق العجله وطلع
نسمه:طق طق

عزيزه:اكيد هذي نسمه خليني نمشي نفتح…وصبات
احمد:شنو مزلتي مصكره راسك…شكلك تعلمتي من اختك تصكيرت الراس
سمر:بصوت واطي…مش حنحكي غير لما نسمه تجي
احمد:توه نحن مانشرفوكش تحكي معنا ولا كيف
نسمه:سلام
احمد: اهي جات اختك هي احكي
نسمه:تشوف البوها🥺…حمدلله على سلامه بابا
احمد:هزا راسها…هي انتي احكي كنك صبري كمل راه
سمر:خذات نفس…وبدات تحكي
سمر:هض كل يلي صار
نسمه:مصدومه وكانت كل شوي تشوف البوها كيف يضحك ولا على باله😳
احمد:ههههه…وانشالله انتي صدقتي
سمر:تبكي
نسمه:بتوتر…اء اء ب بابا ال الكلام هض صح
احمد: قعد على الكرسي وحط كراع فوق كراع…كان رده سريع وبصوت عالي…اها صحححح
نسمه:💔
عزيزه:تبكي ومنزل راسها😭
سمر:انهرت وخشت دارها تبكي
نسمه:مصبي في صاله ودموعها ينزلو بدون صوت
احمد:شاف العزيزه…الحقيني…ومشى لدراه
عزيزه:مشت وراه وهي حط يدها على فمها بيش صوتها مايطلعش
اما نسمه خشت على سمر

نسمه:سمر سمر
سمر:تبكي ومنهاره…يبي يطلقني يا نسمه…انا ايش ذنبي كان بابا طلع تاجر مخدرات
نسمه:تبكي معها…اششش حبيبتي خلاص…هو يلي خسار
سمر:تبكي…لالا بالعكس انا يلي خسرت…خسرت حوش وراجلي يلي نحبها وخسرت استقراري خسرت كل شي…واخر حاجه حيكون اسمي مطلقه😭💔💔💔💔💔
نسمه:حظنتها وهي تبكي معها وكان تفكيرها ان هي اكيد مصيرها كيف مصير اختها💔
___________
احمد:بعصبيه..كلمه هي
عزيزه:تمسح في دموعها…تمام
احمد:وتو فضيلي الحوش نبي نرتح انا جاي تعبان
عزيزه:ماستغربتش…حاضر
احمد:هي اطلعي خليني نراقد…ومانبيش نسمع صوت بكا…بكرى نكلم مؤيد يجيب ورقتها.
عزيزه:طلعت من دون ولا كلمه بس كان خاطرها مكسور يمكن اكثر من سمر نفسها💔

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:تصكر في باب الدار على اختها
عزيزه:بصوت واطي…شنو راقدت
نسمه:اها رقدت…بس بكت واجد
عزيزه:ايهم وين
نسمه:راقد معها…ماما نسالك
عزيزه:عارفه ايش تبي تقولي
نسمه:يعني كانت عارفه
عزيزه:يا بنتي ايش كان قدامي نديره
نسمه:كان قدامك واجد ماما…كان ممكن تطلبي الطلاق
عزيزه:خذت نفس…ماكنش ينفع
نسمه:ودموعها في عيونها…كيف راضيتي على روحك وعلينا ناكلو من مال حرام
عزيزه:نسمه انتي توه مرات راجل وتاكلي بالحلال
نسمه:بس قعدت 18 سنه ونا ناكل من مال حرام يا ماما…وبعدين انتي قعد تقولي مرات راجل ما مرات راجل ايش يلي يضمنلك ان راجلي مايطلقنيش💔
عزيزه:بيعد الشر مراد يحبك واكيد مش حيديره…المهم توه كلمي مراد يجي ياخذك
نسمه:هض طلب بابا صح😏
عزيزه:يلي هو
نسمه:بس نا منقدرش نسيب اختى وهي في الحاله هذي
عزيزه:ماعليك فيها اختك انا معها…روحي انتي
نسمه:خذت نفس..رغم اني مانبيش نسيب سمر لكن حنمشي💔
عزيزه:هزات راسها💔
___________
لؤي:بكرى موعد التسليم
مراد:يلعب باقلم…عارف…شاف الؤي…متخافش كله مترتب
لؤي:قعد ويحكي بهدوء…عارف لو العمليه هذي نجحت والقضيه هذي اصكرت انت ويلي معك حتردو حق كم انسان
مراد:عارف
لؤي:وسِام وينه ماشفتش اليوم
مراد:يمكن مشغول في شي
لؤي:هزا راسه وهو مش عجبه الوضع
مراد:ران تلفونه…عن اذنك
لؤي:اذنك معك
مراد:طلع برا…الو
نسمه:تحكي بسرعه:تعالى روحي بي
مراد:تنهد…تمام
نسمه:صكرت

أسمــــاء أشـــــــرف🔥❤️
روايـــات أســـــــــــماء أشـــــــــــرف

سمر:حط ولده في حظنها وتران على مؤيد
مؤيد:بصوت عالي…ها نعم كنك ايش تبي
سمر:تبكي…هانت عليك يا مؤيد بعد الحب الكبير يلي بينا😭
مؤيد:اها هانتي لما تكوني بنت تاجر مخدرات لازام اتهوني😠
سمر:تبكي وحالتها حاله😭:باهي انا ايش ذنبي مش انا يلي اخترته ان يكون بوي
مؤيد:بصوت عالي…لا ذنبك ذنبك انك بنتها
سمر:بصوت مخنوق…باهي ولدك ماتبيش تشوفه
مؤيد:لا مانبيش مايشرفنيش يكون عندي ولد جده تاجر حشيش…وصكر في وجها
سمر:زادت حظنت ولده بقوه وتبكي ومش مصدقه ان حب حياتها ضاع في يوم💔💔

أسمــــاء أشـــــــرف🔥❤️
روايـــات أســـــــــــماء أشـــــــــــرف

مراد:اطلعي انا برا
نسمه:تمام
عزيزه:شنو ماشيه
نسمه:اها..سلام
عزيزه:سلام

نسمه:راكبت لسياره…سلام عليكم
مراد:وعليكم السلام…شنو ايش دايره سمر توه
نسمه:هزات راسها…تمام
مراد:يعني كلامي طلع صح
نسمه:خذات نفس…اها صح
مراد:هزا راسه
نسمه:في عقلها…اكيد هو مش حيخليني على ذمته لازام نطلب الطلاق قبل ماهو يطلقني
نسمه:تنهدت…لو تبي طلقني معنديش مشكله…اكيد مانشرفكش نكون مراتك
مراد:شافلها وزاد سرعة السياره
مراد:يشوفلها…انزلي وصلن
نسمه:نزلت من سياره بس مستغربه ردت فعل مراد

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:خشت لشقه…نقدر نفهم ليش مارديش علي
مراد:يمشي شور الكوجينه
نسمه:تمشي وراه…نحكي معك نا رد علي
مراد:يشرب في ميه ويشوفلها…
نسمه:وبعت ايديها تراجى فيه يكمل
مراد:طلع من الكوجينه
نسمه:تمشي وراه…هي انت نا مش حنقعد نجري وراك في كل مكان في شقه😠
مراد:التفت عليها بسرعه…ها كنك ايش تبي تعرفي
نسمه:نبي نعرف مصيري معك
مراد:على اساس يهمك
نسمه:يهمني مايهمنيش انت مدخلكش…نا نبي نعرف حاجه وحده
مراد:🤨…يلي هي
نسمه:تبي طلقني
مراد:قعد على الصالون…ولله هذي حاجه ترجعلي
نسمه:لا يا بابا نقدار من بكرى نمشي نرفع عليك قضية خلع
مراد:ضحك…هض كان اقبلوها منك اساساً
نسمه:وليش انشالله مايقبلوهش
مراد:مجرد ماتقولي اسمك واسم بوك اكيد حيرافضو القضيه…واصلا انتي كيف تجرئ تمشي ترفعي علي قضيه…مستحيل يقبلو فالذلك مافيش داعي اتعبي روحك
نسمه:مصدمه فيه وكيف هو يحكي بالثقه هذي😳
مراد:وتوه سلم بنتي..خشي ارقدي اكيد تعبانه
نسمه:انت مستحيل تكون انسان..وخشت لدار
مراد:حط راسه على الصالون ويفكر في عملية بكرى..

أسمــــاء أشـــــــرف🔥❤️
روايـــات أســـــــــــماء أشـــــــــــرف

عدليه:ليش مامشيتش للمركز اليوم
وسِام:مع ان المفروض نكون معهم اليوم بس امس حسيتك تعبانه
عدليه:ابتسمت…لا الله يرضى عليك..معش اديرها اهم شي شغلك
وسِام:لا متقوليش هكي انا لي من بعدك ربي يخليك لي انشالله
عدليه:ابتسمت وهي خايفه ربي ياخذ امانته قبل ماتفرح بيه❤️
________________
احمد:بصوت عالي…شنو تقول انت كيف مايصير شي اليوم
عيسى:اهد عشان نقدر نفهمك
احمد:هو هديت هي احكي
عيسى:وحد من يلي يشتغلو في الشرطه صحبي كلمني وقالي ان لو استلمنا الحويه اليوم حيتم القبض علينا
احمد:كيففف
عيسى:زي ماسمعت
احمد:عليك قصه..باهي توه ايش حيصير
عيسى:ماتخفش كله رتبته نا وكلمت جماعة الحويه وتفقنا على موعد
احمد:امتى باهي
عيسى:بعد سبوعين
احمد:تمام باه…سلام
عيسى:سلام
______________
ثاني يوم الصباح
مراد:راقد في صاله على صالون نفس دبشه يلي عليه امس…شوي وران تلفونه
مراد:يتكسل وفتح عين وحد…شاف لتلفون لقه لؤي
مراد:قعد كويس بيش يصحصح…الو سيدي
لؤي:
مراد:بصوت عالي…كيف…وامتي..يتبع

لمشاهدة جميع اعمال الكاتبة : روايات أسماء أشرف

لمتابعه اخر واهم الاخبار: القلم نيوز

اترك رد

زر الذهاب إلى الأعلى