رواية حب وانتقام الحلقة الرابعة عشر .. الكاتبة أسماء أشرف | القلم الناجح
روايات ليبيه كاملة

رواية حب وانتقام الحلقة الرابعة عشر .. الكاتبة أسماء أشرف

رواية حب وانتقام الحلقة الرابعة عشر .. الكاتبة أسماء أشرف

#حب_وانتقام 14

وسِام:حس في حركه مش تمام مثلا كان في شاب يبي يهرب او يبي يرمي رصاص وفجأه
المكان انقلب بي صوت الرصاص بسبب ان في حد من جماعة الحويه حول يهرب وفي حد من العساكر ضربه وطاح
وفي طلقه من الطلقات جات في 
وسِام:حط يده ع راسه…لا لالالالا
نسمه:تشوفله وتشوف الدم كيف ينزل منه
احمد:كان طايح ع الارض والدم ينزل منه واجد💔
نسمه:مشتله تجري…بابا بابا نوضى بابا هي نوضى عشان خاطري😭
مراد:واقف مصدوم من يلي صار
وسِام:بصوت عالي…اسعاف بسرعه اتصالو بيهم
مراد:مشى شور نسمه ومسكها من كتوافها…نسمه نوضي هي توه يكون كويس صبي بس
نسمه:بعصبيه…بعددددد عني كله منك وربي يا مراد يصير شي في بابا وربي نوريك🔥
مراد:يحاول يهديها…انشالله مش حيصير الا كل خير تعالي معي بس توه
نسمه:بعددد ….وزقته…ومشت البوها وتضرب فيه ع خده بشوي…بابا هي بابا ماما تراجى فينا نوضي😭
وسِام:مراد الاسعاف حطول خلينا ناخذوها في سياره
مراد:يشوف النسمه…تمام
مراد:بصوت عالي…كله على البوكس وانت لملي الصناديق وحطهم لي في سياره بروحهم
العساكر:حاضر سيدي
وسِام:انت ماعليك مراد خليك مع نسمه واحمد
مراد:تمام
نسمه:واخذ بوها في حظنها كان مغمى عليه ومش حس بشي💔
مراد:جا وشال مراد
وسِام:مشى المراد يساعد فيه على احمد
نسمه:ماشيه وراهم…وين وخذينا
مراد:ساكت
وسِام:شاف المراد…اطمني ماشيين المستشفى
مراد:نزل احمد في السياره وصكر الباب
نسمه:راكبت من الجهه الاخر وصكرت الباب
وسِام:عدي انت للمستشفى وانا حنمشي بيهم للمركز
مراد:تنهد…تمام نتلاقو
وسِام:سلام…وماشى
مراد:راكب السياره وطلع بيها كان يسوق ويشوف النسمه من الرايه كيف تبكي💔
كان يبي يسكتها ماكنش يبي يشوف دموعها كانت كل دمعه تنزل من نسمه كانها جمر ع قلب مراد🔥
وسِام:عط امر للعساكر انهم لازام يمشو للمركز كان من بين المجرمين عيسى طبعا تحركو كلهم شور لمركز وكان يلي ماسكهم وسِام❤️
__________________
وصلو كلهم للمركز وكل عساكري نزل من البوكس وماسك مجرم من المجرمين لحد مانزل عيسى
كانو الناس واقفه تشوفلهم كلهم كانو فرحنين ان شرطه القو القبض ع مجرمين كيف هضومي
كانو عرفين ان اليوم في مداهمه لان المركز منقلب

وسِام:واقف قدم لؤي وضرب التحيه وفي وجه ابتسامه تجنن ابتسامة نصر….تمام سيدي
لؤي:ضرب التحيه وتكلم…ربي يرفع رواسكم فوق زي مارفعتو راسي اليوم🔥
وسِام:ابتسام….واجبنا
لؤي:يشوف للمكان
وسِام:في شي
لؤي:مراد وينه
وسِام:اختفت الابتسامه من وجه…مراد
لؤي:بدون صابر…مراد اها وينه اصحى تقولي صارت فيه شي
وسِام:لالا بعيد الشر هو بخير بس
لؤي:بس شنو تكلم وسِام
وسِام:خلينا نخشو المكتب نحكو
لؤي:هزا راسه
وسِام:تنهد…حنحكيك من الاول
لؤي:وانا نسمع فيك
وسِام:اول ماوصلنا…وتمه يحكيله ع كل يلي صار في مكان تسليم

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:قاعده ع الكرسي في الممر تراجى في اي حد من غرفة العمليات يطلع ويطمنها ع بوها
مراد:كان واقف بعيد منها بشوي لان نسمه كانت ماتبيش تشوفه💔
مراد:كان واقف ومربع ايديه ويشوفلها كيف تبكي وتدعي الربها ان بوها يكون كويس…كانت هذي اول مره مراد يشوف نسمه وهي بالحاله هذي طول الفتره يلي هم عايشين فيها مع بعضهم عمره ماشفها ضعيفه هكي🔥

نسمه:تبكي وحط راسها بين ايديها وتدعي💔
طلع الدكتور من عرفة العمليات
نسمه:شافتله صبات تجري شوره…ها دكتور طمني
دكتور:هو ت
مراد:جاهم…ها دكتور ايش صار
دكتور:تنهد…تخطينا مرحلة الخطر بس توه لازام يكون في الملاحظه 24 ساعه لانهن مهمات واحتمال يصير فيهن اي حاجه لاقدر الله
نسمه:حطت يدها على فمها…لا مستحيل بابا يموت دكتور صح
دكتور:كل شي بيد ربي ادعوله عن اذنكم
مراد:اذنك معك
نسمه:تبكي…مستحيل نخلي بابا يموت اها مستحيل صح هو شخص مش كويس بس هو بابا في النهايه وانا نحبه💔
مراد:يسمع في كلامها…خلاص ادعيله وانشالله حيكون كويس
نسمه:رافعت وجها فيه
مراد:اول ماجات عيني في عينها شافت فيهم كره ولوم كبير علي
نسمه:رافعت صوبعها في مراد بتهديد…انت بذات تسكتت اصلا انت ليش قاعد هنا عدي كمل شغلك واحتفال مع صحابك يا سيدة الضابط المحترم💔😏
مراد:مانبيش ندير شي نندم عليه بعدين فكيني من الكلام هذا
نسمه:بهزوه…يهمك واجد امرنا
مراد:خذا نفس…نسمه انتي مش فاهمه شي
نسمه:ومانبيش نفهم خلاص فديت منك اطلع من حياتي
مراد:لو انا مش عارف الوضع يلي انتي فيه كان حيكون عندي تصرف ثاني🔥
نسمه:حتضربني مثلا
مراد:مش وقته الكلام هض…هلك لازام يكون عندهم العلم
نسمه:دير يلي اديره…ومشت قاعدت ع الكرسي
مراد:اتصل بي مروان وقاله جيب امي وخطم على هل نسمه جايبهم للمستشفى اما مروان ماسكتش تمه يسال في مراد نين مراد قاله ع كل يلي صار
______________
لؤي:تنهد براحه…ريحتني كانت نحسب مراد صارت عليه حاجه
وسِام:لا الحمدلله الامور مشت كويسه
لؤي:يعني توه هم في المستشفى
وسِام:بضبط
لؤي:بس مراته يلي اسمها نسمه كيف عرفت مكان التسليم وكيف جات المكان بعيد بكل
وسِام:مش عارف الحق نحن كنا انديرو في استعدادتنا الاخيره فجأه لقيتها قدامي انصدمت الحق وحتى مراد انصدم
لؤي:اهم شي توم انكم مسكتوهم وبالنسبه لاحمد انشالله يطلع منها سليم لان هو الوحيد يلي عنده المعلومات كلهن
وسِام:انشالله❤️
_________________
في سياره
الهام:تكلم يا ولدي قولي وين بنمشو
مروان:ضحك بخبث…سر
عزيزه:ياولدي قولي وين بنمشو نحن اليوم عندنا طياره التركيا نا واحمد وسمر وانت توه جاي تقولي مراد واحمد قاعدين في مكان واحد ويراجو فيكم
مروان:شوفي عمتي هو قالي جيبهم للمستشفى
الهام:بشقه…هييييي ولدي مراد ايش صار فيه
مروان:يا امي يعني لوصارت فيه حاجه كان حيكلمني ويقولي جيب امك وتعالى
الهام:تنهدت…اها صح معك حق
عزيزه:اول ماسمعت اسم المستشفى عرفت ان احمد فيه شي بس ساكتت ولسانها ارتبط💔
كانت تدعي ان احمد يكون كويس ومايكونش صارت فيه شي كانت تحبه بطريقه كان لما يغلط ماكنتش تشيل منه ابدا كانت متاكده ان حيجي يوم وربي يهديه❤️

أسمــــاء أشـــــــرف🔥❤️
روايـــات أســـــــــــماء أشـــــــــــرف

وسِام:طلع برا المركز لقى قدامه صحافيين
صحفي:هل فعلا الحويه يلي وصلت والبضاعه يلي فيها كان حيتم التوزيعهافي ليبيا وتونس مع اتفاق احد التاجر التونسين
الصحفي الثاني:بالنسبه للمجرمين نحن كلنا عرفين انكم مسكتوهم بس وين احمد؟
الصحفي الثالث:الضابط مراد وينه مع ان هو يلي مسك القضيه هذي بس مش قاعد؟
وسِام:اهدو اهدو كله حتعرفوه في وقته انشالله وبالنسبه الضابط مراد حيكون متوجد هنا في اقرب وقت وطبعا انتو عرفين ان مراد يلي مسك القضيه وهو اكثر وحد تعب فينا فالكلنا لازام نشكروه لان قدر يمسك مجرمين كيف احمد وعيسى….ومشى
الصحافيين:سيد وسِام سوال واحد بس،سيد وسِام صح الضابط مراد اصوب،هل فعلا احمد مات اثناء المداهمه،سيد وسِام
وسِام:طلع من بينتهم بي صعوبه وفي عناصر من الشرطه ساعدوه يركب سيارته ويتوجه شور المستشفى
_________________
نسمه:كانت قاعده ع كرسي بس اول ماسمعت اسم بوها شافت لتلفزيون لقت وسِام يحكي عن بوها وان هو مجرم ولقته يشكر في مراد ان هو قدر يمسك مجرمين كيف احمد وعيسى
وسِام:من التلفزيون….وطبعا انتو عرفين ان مراد يلي مسك القضيه وهو اكثر وحد تعب فينا فالكلنا لازام نشكروه لان قدر يمسك مجرمين كيف احمد وعيسى
نسمه:تشوف التلفزيون وتبكي
مراد:كان واقف قريب من الباب لان في اي لحظه توصل امه وهل نسمه
نسمه:مسكت مراد من دبشه بعصبيه وبصوت عالي…ارتحت توه ها قول تريحت صح اخبارك كلها في التلفزيون يحكو عن الضابط الشاطر يلي قادر يمسك مجرمين امالا كان عرفو ان المجرم يلي مسكته اليوم يكون عمك يعني اب مراتك ايش حيقولو ولا ايش حيديرو اكيد الاصواء حتكون كلها عليك صح ماهذا انت يلي تبيه🔥
مراد:يحكي بغل…انتي في ايش تخرطي م
مروان:يا هلا
مراد:شاف النسمه…اهلا وين امي
مروان:جايه وراي هي وعمتي عزيزه…نسمه شخبارك صار تبي اديري مفاجاه المراد😉
نسمه:تمسح في دموعها…لل
مروان:مافيش داعي اتبراري شي يلي درتيها شي طبيعي
مراد:يشوفلهم وفاهم ان مروان هو يلي جاب نسمه لمكان تسليم بس حب يسكت لان الهام وعزيزه جو
الهام:ايش في ولدي كنك ونسمه انتي ليش تبكي هكي
عزيزه:مشت النسمه تبكي…بوك بوك صارت فيه حاجه
نسمه:حظنت امها وتبكي
عزيزه:تبكي معها
الهام:تشوفلهم…مراد فهمني ايش في
مراد:خذاها على جانب وحكلها كل شي
____________
عزيزه:تبكي وتشوف لتلفون يلي كان يران من امبدري
نسمه:من
عزيزه:سمر
نسمه:ردي ماما اكيد مشغوله
عزيزه:تمسح في دموعها…ها سمر
سمر:وينك يا ماما ليش طولتي
عزيزه:بتوتر…ماهو اء مراد كان يب اء
سمر:كنك تحكي هكي وايش الدوشه يلي جانبك هذي ماما انتي صار معك شي
عزيزه:تنهدت …بوك في المستشفى متصوب
سمر:انخلعت…بابا كيف صار هكي
عزيزه:مش عارفه
سمر:لالا نا مستحيل نقعد في الحوش هكي لازام نجيكم
عزيزه:يا بنت
سمر:لا ماما لازام نكون معكم توه نبي نطمن على بابا
عزيزه:توه نشوف يجي ياخذك
سمر:تمام نراجى فيه سلام…وصكرت بس اول ماصكرت انهارت بي البكا كانت ماتبيش تبكي وهي تحكي مع امها كانت تبي اتبين انها قويه بس هي بكت وفشت غالها كله في البكا
______________
مراد:ها وسِام ايش صار عندك
وسِام:اطمن كله تمام انا في طريقي للمستشفى توه
مراد:باه كويس اسمع كان تقدر اتخطم ع سمر اخت نسمه وتجيبها
وسِام:اول ماسمع اسمها قلبه دق بسرع ونفسه عال مره وحد تمه كان ياخذ في النفس بي صعوب وجسمه ساخن❤️
مراد:الو وسِام تسمع في
وسِام:انتبه…ها اها معك باه تمان توه نمشيلها
مراد:تمام سلام…وصكر
تلفت لقه نسمه راقده ع كتاف امها وساكته❤️

أسمــــاء أشـــــــرف🔥❤️
روايـــات أســـــــــــماء أشـــــــــــرف

طق طق طق
سمر:اكيد مراد…ومشت فتحت الباب لقته وسِام
وسِام:اهلين سمر
سمر:باستغرب…اهلا وسِام صح اسمك
وسِام:اها وسِام…شنو واتيه
سمر:انت تبي تاخذني للمستشفى
وسِام:اها نا
سمر:تمام واتيه نجيب ايهم بس من جو
وسِام:تمام
خشت سمر خذت ايهم وطلعت صكرت الباب وراكبت في سياره من لورا
وسِام:التفتلها…تعالي اركبي حذاي
سمر:بتوتر…ها لا حتى هنا تمام
وسِام:فاهم انها متوتره…باهي تعالي ع الاقل بيش نسلم ع صحبي
سمر:انحرجت منه ونزلت من سياره ركبت حذه
وسِام:مد يده الايهم…شخبارك يا صحبي
ايهم:سلم عليه…تمام
وسِام:ابتسمله وشاف لسمر لقها مش معهم بكل
ولع سيارته ومشى
___________
#تسريع_في_الاحداث

احمد مزل قاعد تحت الملاحظه لان مزل ما واعى وحالته صح مستقره بس ليش مزل ما واعى كان عايش على التغذيه وخلاص كان في علم بروحه صح كان يحس بيهم ويسمع فيهم احيانا بس ليش مزل راقد!

عزيزه كانت خايفه ع احمد كانت كل يوم تخشله تمسكله ايده وتدعيله كانت تبكي كل يوم عشان بس تشوف عيونه كانت عارفه ان ربي يعقب فيه عن اي حاجه مش تمام دار معها او مع بناتها او حتى مع الناس بس كانت متاكد ان حيجي يوم واحمد ينوضى ويتوب عن كل كبيره وصغيره دارها في حياته مش تمام❤️

نسمه كانت كل يوم اتجي للمستشفى عشان خاطر بوها كانت ماتبيش اتشوف مراد كانت كارهته بكل معنى الكلمه🔥كانت تشوفله ان هو سبب حزنها وحزن امها واختها ع بوها كانت تدعي ان بوها ينوضى بخير عشان تطلب الطلاق من مراد لان في الوقت الحالي الوقت مش مناسب..

مراد كان يحاول يسكتها او حتى يحظنها لما تبكي بس نسمه كانت منعته كان مايبيش يشوف العيونها بيش مايشوفش نضرات الكره والحقد كان عارف ان يلي داره صح مع احمد وكم مره حاول يفهم نسمه بس هي شي رافضه حتى تحكي معه💔🔥

اما سمر و وسِام كان في بينتهم نضرات حب واعجاب كان كل حد فيهم شايل الطرف الثاني كلام يبي يقوله له بس توه الوقت مش مناسب وخصوصا سمر كانت خايفه ان احساسها يطلع غلط اتجاه وسِام بذات ان هي مراه مطلقه لا وبوها تاجر مخذرات عكس وسِام يلي كان يراجى بساعه ودقيقه امتى يتوضى احمد بيش يطلب سمر منه❤️
______________
نسمه:تلبس عشان تبي تمشي للمستشفى
مراد:لامتى بنقعدو هكي
نسمه:شافتله وردات شافت للمرايه
مراد:هي انتي نحكي معك نا
نسمه:التفتتله…ليش في بين كلام
مراد:انتي شكلك ماتبيش اتجيبيها للبرا….ماشى مراد صكر باب الشقه بالمفتاح وجا النسمه
نسمه:هي انت عطيني المفتاح نبي نمشي نشوف بابا
مراد:لا مفيش نين نحكو
نسمه:بعيط…قتلك مفيش بينا كلام انت ماتفهمش…طلقني نا خلاص معش نبيك مستحيل نراجى بابا بيش ينوضى ونطلقو
مراد:مسكها من شعرها وقربها ليه ويحكي بصوت هادي….تبي تطلقي صح…لكن وربي تحصلي الموت ولا تحصلي الطلاق…يتبع

لمشاهدة جميع اعمال الكاتبة : روايات أسماء أشرف

لمتابعه اخر واهم الاخبار: القلم نيوز

اترك رد

زر الذهاب إلى الأعلى