رواية حب وانتقام الحلقة العاشرة .. الكاتبة أسماء أشرف | القلم الناجح
روايات ليبيه كاملة

رواية حب وانتقام الحلقة العاشرة .. الكاتبة أسماء أشرف

رواية حب وانتقام الحلقة العاشرة .. الكاتبة أسماء أشرف

#حب_وانتقام 10

مراد:قرب منها ويمسح على شعرها ويده الاخر يمسح بيها على وجه نسمه❤️
مراد:قرب من فم نسمه ويحكي…زي ماسمعتي مفيش ماشي
نسمه:تشوف العيون مراد…وانشالله مصدق اني حنسمع كلامك
مراد:زاد قرب منها لدرجة خلاص تمه ملصق فيها ويحكي بصوت هادي🤤…راح تسمعي كلامي وزايد عليها برضاك اخرى
نسمه:متوتره من نفس مراد عليها…عشم ابليس في جنه
مراد:بعد من عليها ويضحك…ههههه سمحه عجبتني الكلمه…خلاص معنتها حنكلم امي ونقوللها ماتجيش على الغداء لان كنتك ماتبيكش
نسمه:مصدومه…كيف…ليش اعميمه جايه اليوم
مراد:اها نا كلمتها وعزمتها
نسمه:وكنك ماتكلمت من امبدري
مراد:اهو عدا 🙂
نسمه:كلمها خليها اتجي هي و مروان…نا حنخشى نبدا في الغداء..وطلعت من دار
مراد:ابتسم على جانب…هبله😏
_____________
مؤيد:اطلعي انا برا
سمر:بصوت مخنوق…باه
ناضت سمر فتحت الباب لمؤيد
سمر:تفضل
مؤيد:بنرافزه…لا مستعجل مغير لقيت شوية دبش لك والايهم جابتهم لك…ومدلها الشنطه
سمر:خذت منه شنطه…شكرا
مؤيد:على فكره بكرى ورقتك حتوصلك…كلمني بوك اليوم وستعجلني فيها وبصراحه احسن مادار
سمر:شافتله وعيونها ملينات دموع…قدرت تبعد عني وعن ولدك يلي مالش غيرك💔
مؤيد:ونبي فكيني منه الكلام هض اي حد مكاني كان حيدير هكي واكثر
سمر:مسحت دموعها وهزات راسها
مؤيد:خذا بعضه وطلع
سمر:خشت جو وهي تبكي
احمد:شافها….اههههي علينا لعند امتى وهي باحاله هذي
عزيزه:مش سهله عليها بعد الحب يلي بينهم يطلقو
احمد:لا سهله مغير بنتك حساسه زيد عن الازوم
عزيزه:اخخخ حرقتلي قلبي عليها💔🔥
احمد:حيفوت الوقت وحتنسى
عزيزه:بصوت واطي…كيف قادر ضميرك يكون مرتح وانت السبب🔥
احمد:شنو قالتي يا مراه
عزيزه:انخلعت..ها لا شي نبي نمشي نشوفها
احمد:هزا راسه

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:جهزت كل شي والغداء كان عباره عن رز بالخلطه فوق منه كبد ومكسرات ولحم وسلاطه طحينه وشربه ليبيه وعصبان❤️🤤

(منو زيي يحب العصبان والاكله هذي❤️😭)

مراد:الله الله الله مراتي طلعت تعرف اتطيب ونا مش عارف😏
نسمه:تحط في الميه…لو على كانت مانبيكش تعرف😝
مراد:ردي بالك تكوني حطيتيلي سم في الاوكال
نسمه:الحق كانت نتمنى لكن مره اخرى عدا لما نكونو بروحنا
مراد:ضحك على جانب…وقاعد ياكل
نسمه:شافتله…هي انت مراد صبي ليش قعدت اصبر نين تجي عميمه ومروان
مراد:ياكل
نسمه:نحكي معك نا
مراد:مسح فمه…ومن قالك انهم جايين
نسمه:😨

أسمــــاء أشـــــــرف🔥❤️
روايـــات أســـــــــــماء أشـــــــــــرف

مروان:خلاص يا امي من بكرى حننزل ندور على شغل
الهام:انشالله ولله
مروان:بس بشرط
الهام:حتى نا قالتها قالت انك انت مش حتشتغل بالسهل ها شنو هو الشرط
مروان:نبي نجوز
الهام:اشتغل وخلي عندك شقه ولا حوش وتوه نخطبلك
مروان:وووك علي تبيني نراجى نين نشتغل ونكون روحي اخرى
الهام:ولله هض يلي عندي
مروان:نهون عليك نراجى الوقت هذا كله
الهام:ولله الشي هذا في يدك حط في راسك الشغل واتعب تلقى روحك عندك احسن حوش
مروان:تنهد…مع انها في البدايه صعبه بس كله على خاطر الزواج🥺
الهام:ربي يرضى عليك❤️

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:كيف ايش قصدك
مراد:يعني يا الهبله انتي صدقتيني بكل سهوله
انتي عارفه ان امي يوم الجمعه ماتحبش تطلع من الحوش
نسمه:بغل…يعني ضحكت علي
مراد:ياكل…حاجه زي هك
نسمه:اه يا واطي انا تضحك علي وربي نوريك عليها
مراد:ياكل ومش معدل عليها
نسمه:جات تبي تخش لدارها لكن واقفها صوت مراد
مراد:انشالله تكوني دراتي حلو بس
نسمه:لا مدرتش سم انشالله
مراد:على قلبك
نسمه:ضابط حقير
مراد:صبا خشى الحمام يغسل…اصبري اصبري
نسمه:التفتت عليه وبصوت عالي…هااااا كنكككك
مراد:طلع من الحمام ينشف في يده
نسمه:عنك ماحكيت نا الغلطانه يلي نراجى فيك تحكي …جات تبي تمشي مسكها مراد
مراد:بحركه سريعه مسكها من خصرها وقربها ليه بقوه🔥
مراد:يشوفلها…لسانك هذا متعبني🔥
نسمه:حط يدها على صدره…مراد بعد مش قادره تنفس
مراد:زاد قربها ليه…توه فعلا مش حتقدري تنفسي
نسمه:بععددد
مراد:ضحك على جانب وشافلها…محلاكي❤️
نسمه:كانت تبعد فيه لكن بعد ماسمعت الكلمه هذي واقفت
مراد:استغل انها هاديه مسكها من شعرها بقوه وباسها بوسه عنيف🔥❤️
نسمه:في الاول انصدمت من حركته ومعرفتش شنو ادير غير ان استجبت للبوسه وبس🤤
مراد:مستمر يبوس فيها💋لعند فم نسمه نزل منه دم
نسمه:مش حس بشي غير اني بديت ندوخ شوي بشوي
مراد:حس ان نسمه بدت دوخ…تمه يبعد شوي بشوي من عليها
مراد:منزل راسه ويحكي…وهذا كان الحلو يلي انتي مادرتيش…وماشى وسيبها
نسمه:حطت يدها على فمها…كيف صار هكي..المفروض منعته انا…ليش اجوبت معه💔
مراد:من صاله…بتقعدي تحكي مع روحك هكي واجد تعالي ضمي السفره
نسمه:خذت نفس بيش تهدا خشت الحمام غسلت وجها طلعت وماقلتش ولا كلمه❤️

أسمــــاء أشـــــــرف🔥❤️
روايـــات أســـــــــــماء أشـــــــــــرف
ثاني_يوم_صباح🌤

طق طق طق طق
عزيزه:تشرب في قهوه..منو يلي جاي من على بكرة الصباح
احمد:شافلها وراد يقرا في الجريده كأن كان عارف منو على الباب🤷🏻‍♂️
فواد:توه نفتح نا…وصبى
سمر:كانت عارفه ان اليوم بتوصلها ورقة طلقها بس مش بالسرع هذي💔
فواد:جاهم…في شاب مصبي برا يبي سمر
سمر:ناضت…توه نشوفها
احمد:هزا راسه
عزيزه:توه نمشي معك
سمر:لا يا ماما خليك توه نمشي نا ونجي على سريع
عزيزه:خوذي معك فواد
سمر:باه…هي فواد
وماشو لعند الباب
سمر:سلام عليكم
الشاب:عليكم سلام…حضرتك المدام سمر احمد
سمر:عيونها دموع…اها انا
الشاب:هذي ورقة طلقك من سيد مؤيد حسن…ياريت توقعي بالاستلام هنا
سمر:خذات القلم من شاب و وقعت وخذت ورقة طلقها💔
شاب:مع سلام
سمر:هزات راسها وصكرت الباب وخشت جو
عزيزه:منو
سمر:عطتها الورقه
عزيزه:تقرا…حسبي الله عليه
سمر:تبكي..ماتقوليش هكي يا ماما عنده حق
عزيزه:حق شنو هذا لا كان يحبك لا شي اول فرصه جاتها سيبك على طول
سمر:خلاص يا ماما خلاص💔وخشت دارها
عزيزه:تبكي…قطعلي قلبي عليها حسبي الله ونعم الوكيل فيه
احمد:يشرب في قهوته…توه تنسى
عريزه:شافتله بحقد وصبات من سفره الفطور متعصبه
______________
سمر:ماسكه ايهم وحظنته بقوه وهو مسكين مش فاهم شي💔وهي تبكي وحالتها حاله
سمر:ليش يا مؤيد ليش بس ولله نحبك كانت مستعده ندير اي شي بس عشان نرضيك وانت من اول فرصه جاتك سيبتني😭
ايهم:ماما نبي بابا
سمر:زدات حظنته اخرى…خلاص يا حبيبي مفيش بابا بابا سيبنا انا وانت بسبب جدو
ايهم: جدو🥺
سمر:هزات راسها ودموعها ينزلو شلال💔💔

فعلا يا بنات موعرها تكوني تحبي انسان و وخذاته عن حب ومن اول فرصه تجيله يتخلى عنك بسهوله🔥ماهو هو لو كان يحبك مستحيل يسيبك مهم كان السبب بس يبدو ان اختيار سمر ماكنش في محله💔
__________
لؤي:واقف جانب منير…ها منير مافيش جديد
منير:لاسف لا شكلهم عرفين ان نحن نراقبو فيهم
لؤي:القضيه هذي امتى تكمل ونتريحو بس😤
منير:انشالله قريب ونحن يلي علينا ان نمسكوهم بالجرم المشهود
لؤي:وهذا يلي حيصير🔥مافيش اخبار على مراد
منير:لا مفيش اخبار
لؤي:اهااا والثاني وسِام
منير:ولا وسِام
لؤي:درات يلي قالك عليه وسِام
منير:اها طبعا وفعلا هذي الطريقه الوحيده عشان نعرفو من المدسوس هنا معنا
لؤي:هزا راسه🔥

أسمــــاء أشـــــــرف🔥❤️
روايـــات أســـــــــــماء أشـــــــــــرف

_تسريع_في_الاحداث🔥

مراد كل يوم مشكله وعركه جديده مع نسمه تمه يحب يستفزها اكثر واكثر شي لما يضحك كان يداير هكي لان عارف ان الحاجات هذيني مستفزات بنسبه لها يقعد في شقه ومايطلعش الا لضرور او لما يخطم على المركز بس في نفس الوقت تعلق بنسمه وحركتها الطفوليه وصوتها العالي ولما تعالي صوتها كان يسكت فيها بي بوساته💋❤️🥺

نسمه تراجى في اليوم يلي تطلق فيه لان متاكد ان حيجي اليوم هض كانت متاكده ان مصيرها زي اختها💔كانت عايشه مع مراد ڪ واضع مؤقت كانت تحب اتضايق واديرله حاجات مش تمام زي مثلا تاخذ الرصاص بتعه وتعزقهم من الروشان لأ وقدامه اخرى او لما يجبرها ادير عشاء تكثر الملح في طعام😂🤦🏻‍♂️اما مراد كان ينتقم منها بي بوساته لان كان عارف ان لما يبوسها هي تخشى في حالة صدمه وتكون هاديه تماما❤️بس نسمه لعند توه لا تعلقت بي مراد ولا حتى حبته🤦🏻‍♂️

سمر كل يوم تراقد وهي دمعتها على خدها💔لا تاكل لا تشرب وحالتها حاله الشي الوحيد يلي ادير فيه طول اليوم انها تصلي تقربت من ربي واجد❤️تهتم بي ولده ايهم بس بي نفسها لا💔جاتها نسمه غيرتلها جوها عشان تنسى بس الحقيقه ان حب مؤيد مزل في قلب سمر💔

وسِام مركز في شغله وبس وان لازام يأدي وجبه على اكمال وجه بس كان تفكيره عند سمر بذات لما عارف من مراد ان هي اطلقت تمه يفكر فيها باستمرار ويراجى لما تكمل عدتها عشان يمشي يطلبها بذات ان امها عدليه كل يوم تقوله اجوز🤦🏻‍♂️❤️

احمد حايس في روحه ويراجى في اليوم يلي حيتم فيه التسليم وطبعا معيش عزيزه في رعب لان الفتره لاخيره تمه عصبي واجد لدرجة قاللها ان اول عريس بيجي السمر حيجوزها لان مايبش دوشة عويل صغار💔💔

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:لا يا بابا صبي دايرها بروحك قهوه هي مش حاجه واعره
مراد:صكري فمك وامشي ديري قهوه الراجل في طريق
نسمه:لا
طق طق طق
مراد:صبا يفتح…نوضي سلم بنتي ديري الراجلك وصحبه قهوه..وماشى يفتح
وسِام:ساعه وانت تفتح
مراد:خشى خشى
وسِام:خشى للمربوعه
مراد:مشى لنسمه…هي ديري قهوه
نسمه:تشوف لتلفزيون…بشرط
مراد:استغفرالله…ها قولي
نسمه:تاخذني للملاهي
مراد:انصدم…متاكده
نسمه:ولله لو تبي قهوه لازام توافق
مراد:تمام تمام باه موافق هي صبي ديري
نسمه:صبات للكوجينه
مراد:وربي طفله❤️
مراد:خشى على وسِام…وانت كنك عدا لا تجي لا تبرم لا شي
وسِام:يا راجل كان نمشي للمركز يردني لؤي وكان قعدت في الحوش امي تقعد تقولي اجوز تميت نطلع لصاله ندرب ونروح في لليل
مراد:نفسك بضبط
نسمه:ماشيه شور المربوعه ومعها سفرة القهوه بس واقف تسمع لما سمعت اسم بوها وهنا كانت صدمتها😨💔
مراد:حنقبض عليه ونخليه يعفن في الحبوس
نسمه:مصدومه…يتبع

 

لمشاهدة جميع اعمال الكاتبة : روايات أسماء أشرف

لمتابعه اخر واهم الاخبار: القلم نيوز

 

اترك رد

زر الذهاب إلى الأعلى