رواية حب وانتقام .. الكاتبة أسماء أشرف كاملة | القلم الناجح
روايات كاملة

رواية حب وانتقام .. الكاتبة أسماء أشرف كاملة

رواية حب وانتقام للكاتبة أسماء أشرف,روايات ليبيه,احدث الروايات الليبيه

#حب_وانتقام 1
(او تقدرو تقولو المقدمه)
نسمه:بصوت عالي…مانبيش مانبيش مش بالغصب
عزيزه:(امها)يا نسمه انتي عارفه كلام بوك ماينزلش الارض
نسمه:تمشي وتجي في دار…لالالا نا مش متخيل بابا يدير في هكي😭
عزيزه:تمسح على شعرها…خلاص اهدي بوك مايبش الا مصلحتك…هي سلم بنيتي خشي خوذي دوش ساخن تريحي اعصابك يا عروسه
نسمه:ابتسمت بستهزاء
طلعت عزيزه من دار وسيبت نسمه غارقه في افكارها
نسمه:ولو كان اخرى يوم في عمري مستحيل نجوز المتخلف يلي دايرلي روحه ضابط🔥

أسمــــاء أشـــــــرف🔥❤️
روايـــات أســـــــــــماء أشـــــــــــرف

احمد:(اب نمسه)شنو مزالت مصكره راسها
عزيزه:بنتك وعارفها ماترضش بسهل
احمد:يدخان…مصيرها تراضى
عزيزه:حسيتها خايفه منه
احمد:ومن مايخفش منه عشان هكي لازام نكسبه الصافي وباسرع وقت…اسمعي بكرى تاخذي بنتك وتبدي تشري الدابش ومالذي منهُ
عزيزه:بس…
احمد:لا بس لاشي اسمعي الكلام
عزيزه:تنهدت…حاضر

___________________
ساعه 2 في لليل ونسمه مزالت واعيه ومش قادره تراقد تفكر في مستقبلها وكيف كان خطرها تكمل قرايتها وتخشى جامعه بعد الثانويه لكن يلي واقف في وجها هو زواج لكن كان عندها اصرار انها حتكمل ولو صار ايش❤️

نسمه بنت عمرها 19سنه من كم شهر بس تخرجت من ثانويه وجابت درجه عاليه بس طبعا في المنطقه يلي هي عايشه فيها البنت يلي اتخرج من ثانويه لازام تجوز والا يمشي عليها قطر الزراج💔🔥
ملامحها 🔥شعرها اسود طويل غزير عيونها خضر بيضه وفمها وردي متوسطة الطول
كل يلي يشوفها يغرق في بحر عيونها وجمالها الملفت❤️🤤شخصيتها ماتحبش حد يتحكم فيها حركتها طفوليه ماتعرفش تسكت لما اي حد يهزبها مستفزه لابعد الحدود بأختصار جمالها مش ماشي مع شخصيتها نهائيا🙅🏻‍♀️

أسمــــاء أشـــــــرف🔥❤️
روايـــات أســـــــــــماء أشـــــــــــرف

الهام:هذي وصية بووك ولازام اتنفذها
مراد:يسمعلها ويهزا في كراعه
الهام:على العموم خلاص نا اتفقت مع ام البنت على كل حاجه وفي ظرف اسبوعين تكون عندك
مراد:طلع برا وخبط الباب وراه
الهام:ربي يصبرني عليك
مروان:ياكل في سمسميه…باهي ياامي العزيزه انتي وصية بوي هذي ماتمشيش علي ولا كيف🙃
الهام:لما تعقل وتبطل تصرف كيف الصغار
مروان:توجع شويه لكن ميه ميه يالغاليه🙂
الهام:ربي يصبرني على الهم يلي نا فيها🤦🏼‍♀️
مروان:ونا ياربي🙄
الهام:تنهدت وخشت تقرا في قرأن

رواية حب وانتقام
فوأد:واخيرا بتجوزي وناخذ دراك وتقعد ليا
نسمه:ضربته على كتافه…اسكت را خيرلك
فوأد:طلع لسان برا…ايش تبي اديري يعني
نسمه:وربي نوريك
وقعدت تجري وراه وتخش من دار وتطلع من دار وفجأه تخبط في…
احمد:شنو انتي ماتبيش تكبري
نسمه:ليش…
احمد:الحقيني
نسمه:😳
فواد:تستاهليها
نسمه:مش وقتك…وماشت خشت مكتب بوها وقعمزت
احمد:يحكي وهو يقرا في كتاب…انشالله تكوني راضيه
نسمه:على شنو
احمد:شنو على شنو…على العريس طبعا
نسمه:رابعت ايديها
احمد:ماتبيش تجوبي
نسمه:ساكته
احمد:نبيك تعرفي ان كل المصلحتك ومصلحة العايله وعريس زي مراد مايتعوضش
نسمه:ساكته بس من جو تغلي
احمد:ماكنتش عارف انك عنيده لدرجة ماتبيش تردي عليا…المهم امشي البسي توه عشان حتمشي انتي وامك تشروا دبش…وتوه ياريت تطلعي عندي مكالمه مهمه
نسمه:صابت من دون ولا كلمه بس كانت كل يلي تفكر فيها ان لو صار منها الجوازه هذي حتوري يلي اسمه مراد النجوم في عز الظهر🔥
رواية حب وانتقام
وسِام:وكل ربك يا راجل كنك
مراد:لا اله الا الله…ولله كرهت نروح للحوش كل مانخش تجي وتحكي معي وتقولي ها مشيت شفتها ها حكيت معها وكل مانحول نقنعها تذكرني بوصية بوي
وسِام:عندها حق تبي تطمن عليك وبعدين ماتنسش بوك قبل مايموت كان يبي يفرح بيك
مراد:مسح على وجه وطلع دخانه وتمه يدخان بغل
وسِام:صبي هي
مراد:وين
وسِام:هي نطلعو نشربو حاجه تروق الاعصاب
مراد:مانبيش
وسِام:هي بس
مراد:صبا بالغصب…وطلعو هم الاثنين واتجهو للكافي

شخصية مراد جديه لابعد الحدود مايحبش يحكي مع حد في خصوصيته الا صاحبه وسِام،يحب شغله بطريقه مش طبيعيه طبعا يشتغل ظابط في مكافحة المخدارت وشاطر في شغله مواصفته اسمر شعره اسود ملامحه جديه زي شخصيته❤️🔥

أسمــــاء أشـــــــرف🔥❤️
روايـــات أســـــــــــماء أشـــــــــــرف

نسمه:اوووف شين الوان هض مانحبش
عزيزه:نسمه لنا ساعات نبرمو وانتي مافيش حاجه عجبتك
نسمه:خلاص خلينا نروحو
عزيزه:باهي تعالي نمشو للمحل يلي في شارع لاخر
نسمه:اوووف يا ماما مانبيش
عزيزه:لالا هي راه بوك يزاعل
نسمه:باه هي
طلعن نسمه وعزيزه وماشن للمحل لاخر

صاحب المحل:ايش رايك في هذي تجي عليك سمحه خاشي شوفيها عليك😉
نسمه:قلبت عيونها
صاحب المحل:اخخخ من الفمه الوردي🤤
نسمه:ا
وفجأه يخش….
رواية حب وانتقام
1:حبيبي حبيبي
2:ها نعم حبيبي
1:لي ساعه نكلم فيك
2:اتسمت…كانت نراقد فيها
1:ربي يخليكنا لي
2:ويخليك لنا يارب❤️
تنهدت وخاشت دارها تراقد بس كان عقلها مش معها…يتبع

نكمل ولا نفوت بنات🤷🏼‍♀️

جميع الحلقات :

  1. رواية حب وانتقام الحلقة الاولى
  2. رواية حب وانتقام الحلقة الثانية
  3. رواية حب الحلقة وانتقام  الثالثة
  4. رواية حب وانتقام الحلقة الرابعة
  5. رواية حب وانتقام الحلقة الخامسة
  6. رواية حب وانتقام الحلقة السادسة
  7.  رواية حب وانتقام الحلقة السابعة
  8. رواية حب وانتقام الحلقة الثامنة
  9. رواية حب وانتقام الحلقة التاسعة
  10.  حب وانتقام الحلقة العاشرة
  11.  حب وانتقام الحلقة الحادية عشر
  12.  حب وانتقام الحلقة الثانية عشر
  13.  حب وانتقام الحلقة الثالثة عشر
  14.  حب وانتقام الحلقة الرابعة عشر
  15. حب وانتقام الحلقة الخامسة عشر
  16.  حب وانتقام الحلقة السادسة عشر
  17.  حب وانتقام الحلقة السابعه عشر والاخيره

 

لمشاهدة جميع اعمال الكاتبة : روايات أسماء أشرف

لمتابعه اخر واهم الاخبار: القلم نيوز

اترك رد

زر الذهاب إلى الأعلى