رواية حياتي الجديدة الحلقة الثانية 2 | القلم الناجح
روايات ليبيه كاملة

رواية حياتي الجديدة الحلقة الثانية 2

جميع حقوق الطبع والنشر محفوظة

#حياتي الجديدة
#الحلقة 2

🔥ســــجــــو مــــحــــمــــد🔥🔥
🔥ســــجــــو مــــحــــمــــد🔥🔥

رياض كان يخنق فيها بكل قوته وعبير عيونها بيطلعو وتشوف لي لجين وتبيها تطلع ….

لجين : حسيت في حد فتحت عيوني وتلفتت
كان راجل في سن الخمسينات شعره مخلط بين الابيض والاسود باين عليه شخصية معروفة ماكانش مهتم لحد
لجين : رديت جيهه الروشن اخر مرة رح نشوف ليبيا مستحيل نرجع بعد الي صارلي ولا رياض رح يسيبني 🔥واكتفيت بسكوت
____________

في مكان تاني بعييد … تركيا 🇹🇷

هارون : فتح عيونه شاف البنت الي في جبنه شبه عريانة شبحلها بقرف وحدف ربطة الفلوس جنبها وخدي مفاتحيه وتلفونه ولبس سوريته وطلع من الفندق

زيكو : فتح باب السيارة ونزل بعد ما شاف هارون
هارون : لبس نضاراته
زيكو : صباح الخير
هارون : صباح النور
زيكو : اليوم بيج… قاطعه
هارون : ايي متذكر
زيكو : تم تلقاني ف الحوش سابقك
هارون : ركب في سيارته السودة العالية وطلع …

زيكو : يشوفله من بعيد …. شخصية ولا 🙃
حمدي : (السواق) …. ايي ربي يحفظه
زيكو : شبحله وركب السيارة وتوجهو للحوش …

_____________

لجين : ملت وشافت جنبها لقت الراجل يقرا في جريدة
لجين : مدت يدها …. اهلا اني لجين ☺️
حاتم : شافلها وما حبش يردها … مد يده وردلها الابتسامة
لجين : حبت تفتح موضوع … ماشي لتركيا حتى انت
حاتم : هزلها براسه بمعنى ايي
لجين : متتكلمش انت ؟
حاتم : لا نتكلم بس منحبش كترث الدوا !
لجين : هاا 😅 بصراحة اني كسدت حبيت نتعرف عليك بالك يمشو الساعات بسرعة
حاتم : اني عندي شركة في تركيا نمشي كل فترة وفترة نشوف فيها وانتي علاش ماشية لتركيا
لجين : سكرت عيونها وولت فتحتهم … ماعمري سافرت لتركيا وبعد توفو بابا وماما وقعدت بروحي قلت نزورها 💔
حاتم : الله يرحمهم
لجين : تعيش وتترحم …
انسجمت هلباا لجين في الهدرزا معا حاتم وكدالك حاتم انسجم معاها ❤️

بعد ساعتين تقريبا 🔥

لجين : مدت ايدها … فرصة سعيدة
حاتم : سلم عليها … ديري بالك من روحك كويس وايي شي تحتاجيه رني عليا طول يكون عندك
لجين : مقصرتش ❤️
نور : لوووجي 😍 ونطت عليها
لجين : نور يعمري استاحشتك ❤️
نور : حتى اني !…. مني العم هادا ؟
لجين : تلفتت لحاتم … عمي حاتم هدرزت عليه في الطيارة 😅
نور : ابتسمتله وهوا ردلها الابتسامة
لجين : نستأدنك عمو توا
حاتم : دارلها بايده باي وطلع بشناطيه …

نور : امبكري نستنى فيك
لجين : ايي الطيارة عطلت شوية
نور : اربكي هادي سيارتي
لجين : ودرتي سيارة يكلبة 😂
نور : ايي 🙃

هارون : خدي الشناطي من بوه
حاتم : وين زكريا
هارون : صبقنا ع الحوش
حاتم : شن اومور الشغل ماشية
هارون : يركب في الشناطي في السيارة .. كيف متبي واحسن
حاتم : ركب السيارة ….

___________

لجين : قعمزت ع الصالون … حاسه روحي تعبانه
نور : جهزتلك غرفة ع اليمين كان تبي تستريحي
لجين : صحيتي حبيبتي تعبتك معاي
نور : تاخد في شنطتها … معاش تقولي هكي احني خوات
لجين : تشوفلها باستغراب …. ع وين
نور : خديت اذن من الشغل وتوا راجعة
لجين : تمام حبيبتي بري واني بنرتاح شوية
نور : تفتح في الباب … لو جعتي تلقي كل شي في التلاجة مش برانية انتي
لجين : ابتسمتلها … وبعتتلها بوسات من بعيد
وطلعت نور ❤️

طبعا نور تكون صديقة لجين هلبا من لما صغار
نور كانت عايشة معا حناها من لما كانت صغييرة
امها وبوها مطلقين وكل واحد فيهم تجوز وقعدت نور خدتها حناها ام بوها … لما نور خشت الجامعة توفت حناها وطبعا بوها معاش عليه اخبار بس امها كانت اتابع في اخبارها ومن لما توفت حناها قعدت نور في الحوش بروحها كانت امها كل يوم تجيها وتطلب منها تمشي معاها لحوشها بس نور كانت رافضة الفكرة هيا 🔥 قعدت نور 2سنتين بروحها ومعاش قدرت تكمل عرضت الحوش للبيع من دون علم امها بعد اسبوعين باعاته وحصلت فيه فلوس وسافرت لتركيا من دون علم امها ولا علم لجين
لجين : قعدت ندور عليها في كل مكان سالت عليها بس مافيش ايي حد يعرف وين مشت 💔
بعد فتررة من سفرها رنت ع لجين وخبرتها كل يلي صار معاها وقبل لاتصكر حلفتها انها متخبرش امها … لانا لو عرفت رح تلحقها وتروح بيها 🔥
طبعا نور عندها اخ واحد اسمه عمر عمره 18 سنة يحب نور هلباا وديما يتراسل هوا ونور ويعرف انه نور في تركيا بس مش مخبر امه ❤️

🔥🔥ســـجـــو مـــحـــمـــد 🔥🔥
🔥🔥ســـجـــو مـــحـــمـــد 🔥🔥

هارون : فتحوله الباب من برا ….
حاتم : فتحوله باب السيارة ونزل هوا وهارون ولده زيكو : متكي ع السيارة متعه من بعيد … اهلا بلعم
حاتم : تلفتله وابتسم … زيكو شنخبارك
زيكو : عدل وقفته … تسال فيا ع حالي وانت ليك يومين بس مروح 😂
حاتم : شبحله وخش
هارون : ابراا 🔥
زيكو : اهانه لياا 🙃 ولحقهم داخل

لجين : قعمزت في غرفتها الي جهزتلها نور كانت لونها مووف مطفي وهادية ومريحة ❤️ خشيت للحمام خديت دوش دافي وطلعت دهنت كريم مرطب وخلصت شعري ورقدت ع السرير

لجين : كنت نحاول منغمضش عيوني منبيش نتفكر الماضي الي فات علياا كان ماضي مرعب بنسبة ليا فقدت جدي وبعده حناي وبعده ماما وبابا و ….
فتحت عيوني ع السريع ونضت من السرير ومشيت للمطبخ
حطيت بكرج ع النار ودرت قهوة … خديت كوب وصبيت فيه القهوة وقعمزت ع الطاولة نشرب في القهوة
قعدت نتفرج ع المطر كانت تصب بقووة والرعد يضرب 🔥
بعد كملت كوب القهوة حاولت اني نقاوم النوم بس رقدت ع الطاولة ومعاش علمت بروحي 😴

🔥🔥ســــجــــو مــــحــــمــــد🔥🔥
🔥🔥ســـجـــو مـــحـــمـــد🔥🔥

نور : قصصدي استنى شوية ي استاذ المدير مش فااضي
زيكو : تي نحي من قدامي
نور : بصوت عالي …. لوووو سمحت احترم القوانين شوووية
زيكو : شبحلها بنظرة مستفزة … انتي تعرفي اني من نكون ؟
نور : ميهمنيشش مني تكون
زيكو : رحح تنترضي من الششغل لو مخليتينيش نددخل !
نور : جت بتتكلم بس المدير طللع
المدير : اء الاستاذ زكريا

( طبعا يتكلمو بتركي بس اني نكتب با العامية 🙆‍♀️)

زيكو : مفروض الناس الي زيي هيا تطردوها
المدير : حقك عليا استاذ زكريا انشاء الله معاش ينعاد
زيكو : ولا يهمك جايك في كلمتين
المدير : تفضل لمكتبي وانتي بري كملي شغلك 😒
زيكو : بنشرب كوب قهوة ولاحقك ادخل انت
المدير : اوكي ودخل لمكتبه
نور : استغلت زيكو وبدت تتكلم عادي …. تصصدق انك واحد نددل ومستفز وحقير فوقها 😡
زيكو : تكلم عادي …. ليبية انتيي 😐
نور : تندب وتتكلم في داخلها… حيي علياا بيطردوني اليوم ينهااري
نور : ااء اي ليبية
زيكو : الله يسامحك ع الكلام الي قلتيه
نور : اووف وجت بتمشي
زيكو : لحظظة جيبيلي قهوة
نور : يارب صبرني ومشت

______________

لجين : تتلمس في رقبته … رقبتي اووف
ناضت حطت كوب القهوة الي كان في جنبها وغسلاته وطلعت من المطبخ
خشت لغرفتها طلعت سروال واسع موف مطفي معا بلوزة موف داكنن وشنطة كحلة وسبيدرو اكحل ولمسات بسيطة مكياج ❤️ وطلعت وسكرت الباب وراها

نور : جاية من بعيد … تفضل كوب القهوة
زيكو : رشف رشفة وردها …. يعع من دون سسسكر
نور : نفخت … ياربي صبرني .. عطيني الكوب نغيرها
زيكو : مدله لنور … متنفعيش تكوني قهودجية
نور : قهودجية ؟🙄
زيكو : شاف لساعته … بسررعة مستعجل وماعنديش وقت
نور : رفعت الكوب ومشت تغير فيه

لجين : سكرت الباب وفتحت المظلة الي طلعتها معاها
كان الجو حلو المطر تصب شوي شوي والناس كلها امدايرة مظلات ويتمشو
لجين : تمشت ربع ساعة ولقت كافي خشتله

هارون : يدخن … تفضضل
الخادمة : استاد في واحد برا يبيك
هارون : حط السيجارة في الطفاية … تمام بري لشغلك انتي
( طبعا الخادمات الي عندهم ليبيات وجايبينهم معاهم )
حاتم : يقرا في الجريدة … ع وين ؟
هارون : نازل من الدروج … في واحد يبيني برا
حاتم : متعطلش عندي موضوع معاك
هارون : تم وطلع …

لجين : خشت وقعمزت ع الطاولة الفاضية
لجين : لو سمحت ☝️ ؟
القرسون : جاي لعندها … نعم
لجين : نبي المدير ممكن تكلمه ؟
القرسون : تعرضتي لاي مضايقات !
لجين : ابتسمت … لا بس نبيه في موضوع ☺️ ؟
القرسون : لحظة ونرجعلك
لجين : خود راحتك !

نور : تفضضل هادي القهوة
زيكو : صحيتي وخداها منها
نور : جت بتمشي
زيكو : لحظظة خوديها خلاص معاش نبيها 🙂
نور : تشوفله وترمش بسررعة .. بعد التعب هادا كله معاش تبيها !
زيكو : وقف وقرب منها شوية : سامحينا وغمزلها ومشي للمدير
نور : تخبط في رجلها في الارض … حقققير 😤

هارون : اركب معاي للسيارة
الحارس : ركب معاه ..
هارون : شن صار مسكتوهم
الحارس : علقنا ع واحد منهم بس الباقي هربو
هارون : ضرب الدومان …. علااش هربو منكم
الحارس : اهداا استاد انشاء الله نقدرو نمسكو الباقي
هارون : اسمعني كويس عندك يومين نبيهم يكونو قداامي فهمت
الحارس : منزل راسه … تمام استاد
هارون : حطيتوه في المكان الي قلت عليه
الحارس : ايي استاد
هارون : انززل
الحارس : نزل وهارون طلع بسيارة 🔥

زيكو : قعمز ع الكرسي وحط رجليه ع الكرسي الي مقابله … بعد يومين عندنا اجتماع ونبو نحجزو المطعم
المدير : اكيد انتو من قبل اديرو هني
زيكو : وقف … تمام متفقين بعدين يكملك ولد العم وينضم الجو معاك
المدير : وقف ومد يده … نتشرفو استاد
زيكو : سلم عليه … سلام وطلع

نور : كانت واقفة في الباب وتكلم في خوها عمر
نور : حبيبي انت سلام توا
عمر : ديري بالك من روحك كويس
نور : تمام ولا يهمك سلام وسكرت
زيكو : غنزلها وطلع
نور : ننننننن 🥴 وخشت

🔥🔥ســــجــــو مــــحــــمــــد🔥🔥
🔥🔥ســــجــــو مــــحــــمــــد🔥🔥

لجين : خشت ع المدير وسلمت عليه وقعمزت
المدير : كيف فيني نخدمك مدام
لجين : اءاا اني كيف جاية ع البلد ووندور في ششغل يعني لو تبو موضفة او هكي
المدير : ضحك … لالا ي مدام مش محتاجين في الوقت الحالي عطيني رقمك ولو احتجنا رح نتصلو بيك
لجين : تمام خدت ورقة وقلم وكتبت رقمها … تفضل
المدير : خداه منها
لجين : وقفت … نستاذن توا وطلعت

ملاحظة ☝️( طبعا لجين قارية لغات وتعرف تتكلم زيهم ❤️)

نور : احمد ؟ 🙄
احمد : ينضم في الاكواب …. نعم !
نور : منو هادا الي جيي هني ؟
احمد : ضحك … قصدك متعرفيشي مني يكون !
نور : لا ميهمنيش اصلا بس حبيت نعرفه ؟
احمد : دارلها … هادا ولد عيلة ال… يملك اكبر شركة هني هوا وولد عمه والناس كلهم يحترموهم ويخافو منهم غريب انتي متعرفيشي
نور : تمسح في الارض … لالا اصلا منهتمش للاخبار هادي
احمد : اي نخبرتكش انه يرجع اصلهم لي ليبيا بس ليهم فترة هني
نور : امم كويس تقدر تكمل شغلك …

هارون : يسسوق … زيكوو وين انتت
زيكو : يسووق … استاحشتني 🙃
هارون : اسمعني كويس واحد من الجماعة الي مسكو المخدرات مسكنا واحد منهم
زيكو : كويس بكل ووين انت توا
هارون : الحقني ع …
زيكو : متنساش انه بعد ساعة عندنا اجتماع
هارون : نكملو قبل ساعة غير اسسرع انت
زيكو : تمام وسكر ….

نور : تلبس في شنطتها … سلام توا غدوا نتلاقو
احمد : يضم في الطاولات … باي

لجين : فتحت الباب وخشت للحوش … شلحت سبيدروها وخشت لغرفتها

هارون : وقف سيارته وشاف زيكو يستني فيه ع سيارته 🤦‍♀️

هارون : نزل … وصلت ؟
زيكو : اي وخشيت شفت حتى الولد وربي حكايته تسخخف 😂
هارون : يمشي .. تعالا هي

نور : فتحت باب الحوش …. هاي
لجين : تتفرج ع التلفزيون … اهلين جيتي
نور : لالا قاعدة في المحل وهادا تسجيل صوتي
لجين : 😂 خشي احكيلي ع يومك
نور : قعمزت جنب لجين واتذكرت زيكو …. يومي اليوم نحسس
لجين : شن صاير ؟
نور : اول يوم يمر عليا هكي وجهك نحسس عليا 😒
لجين : 🤦‍♀️ باهي احكيلي خليني نفهم شنو صار
نور : تعباانة هلباا اني بعدين نحكيلك … احكيلي انتي شنو درتي في غيابي
لجين : تنهدت بحزن …. طلعت ندور في شغل محصلتش
نور : تبي تشتغلي ؟
لجين : ايي اكيد لامتي بنقعد بلا شغل
نور : مسكت يدها … لوجي اني راتبي كويس وايي شي تبيه اني مصمدة فلوس نعيهملك كلهم اني مش محتاجتلهم
لجين : 💔 العمر طويل ولامتى بنعتمد عليك انتي سيوره يجيك نصيب وتتجوزي
نور : ع راحتك حبيبتي مش رح نغصبك ع شي
لجين : لو تعرفي مكان يبو بنت تشتغل او شي
نور : اممم لحظة شوية وناضت
لجين : ع وين
نور : خدت تلفونها … لحظة

🔥🔥ســــجــــو مــــحــــمــــد🔥🔥
🔥🔥ســــجــــو مــــحــــمــــد🔥🔥

هارون : يتكلم بهدوء… وين حطيتوهم
الولد : دم معا بعضه .. منعرفشش
هارون : فقد اعصابه وبدي يضرب فيه وين ميجي
زيكو : يشد فيه .. تي خلاص يراجل فوت امه سيوره يعترف
هارون : داهش … دير شغلك
الحارس : تم
هارون : هيا زيكو اطلع للشركةة
زيكو : يتلمس في شعره … وراك

نور : تمام سلام وخشت لي لجين
لجين : تاكل في شيبس … مني كلمتي ؟
نور : خدت طرف الشيبس الي في ايد لجين … حصلتلك شغل
لجين : نقزت فوق الكنبة … ججديات 😍
نور : وقفت معاها … وربي ❤️
لجين : حضنت نور وبدت ادور هيا وياها ع الكنبة ….. محلاااك ربي يخليك لياا 🥺😍
نور : وقفت داهشة … قولي وين ؟
لجين : اكيد معاك !
نور : نزلت داهشة … ايي محتاجين عامل معانا
لجين : نزلت وتجبد في نفسها بقووة …. امتى مقلتيش من قبل
نور : في اجتماع بيديروه في المطعم واحني 2 بس نخدمو منكفوش المدير قال لو في شخصص تعرفوه نقدر نوضفه
لجين : تبتسم … تمام من غضوا بنمشي معاك ❤️
نور : تمام جهزي روحك غضوا9تكوني جاهزة
لجين : حاضر واخيرا توضفت كانت نستنى في اليوم الي بنشتغل فيه وبنعتمد فيه ع نفسي ومنخليش حد يصرف عليا ويعطف عليا ❤️
نور : حطت ايدها ع كتف لجين … يهون كله يعمري .. ااءا بنسالك ؟
لجين : تفضلي اسالي اييي شي !
نور : ااء اسفة ع السوال بس … شن صار احكيلي ع عبير ؟
لجين : اختفت ابتسامتها … نور معنديش خلوق نتكلم توا نحكيلك وقت نرتاح
نور : براحتك حبيبتي امتى متبي تقدري تفضفضيلي ❤️
لجين : عمري انتي ❤️

____________

هارون : صكر الاوراق …. المشروع هادا تسكر ! ✋
الشريك (سامر ) : يتكلم بهدوء … هارون اصبر نتفاهمو !
هارون : وقف … تقدرو تطلعو المشروع مصارش منه
زيكو : ااء تفضلو قدامي 😁 وطلع هوا والعملاء
سامر : بصوت عالي … كيف انت تلغي المشروع هكي من راسك
هارون : قعمز بهدوء … اني الي نقرر
سامر : بسس المشروع هادا كان رح يوصلنا فووق
هارون : احنى فوق من قبل !
سامر : متنساش اني شريك معاك
هارون : وقف وخبط يده ع الطاولة … صوووتك معاش يعلى علياا وتانيا انت شريك معاي بتلاتة اسهم يعني بسسهولة نشريهم ونطرضق مفهووم
سامر : شبحله شبحة اخييرة وطلع

___________

لجين : الو عمي كيف الحال
حاتم : قعمز ع الكنبة وحط الجريدة الي في ايده…. اهلين بنتي كيف حالك انتي وشندايرة
لجين : الحمد لله بخير امكسدة في الحوش وخلاص
حاتم : باهي المهم بخير
لجين : ايي الحمد لله منطولش عليك عمي قلت نطمن عليك ☺️
حاتم : سلمها … ديري بالك من روحك ولو تبي ايي شي اني موجود
لجين : ربي يخليك يارب … باي
حاتم : سلام …. وتسكر الخط
نور : تدير في زمالطو … قصدي هوا شاباني علاش تكلمي فيه
لجين : كان كلمته معناته نبيه 🙄؟
نور : اووف عبيطة الزح 😤وناضت
لجين : خيرها يالطف

🙄
زيكو : خش … شن صاير هارون علاش رفضت المشروع ؟
هارون : ولا شي مرتحتش للاشخاص رفضت
زيكو : جبد الكرسي وقعمز عليه بلمقلوب … اكيد في شي احكيلي نسمع فيك !
هارون : حدف طرف الدخان من الشباك …. هما بيدفعو ربع من فلوس المشروع بس
زيكو : ايي بس بعدين احني بنولو فووق
هارون : في شي في القصة مش مفهوم !؟
زيكو : براحتك نعرفك مديرش شي الا ما فيه فايدة لينا وللشركة
ترن ترن ترن
هارون : الو … تي امتى صار ؟ 😡 … كيف مشفتوشي … اخلقوه نبيه قبل لا نوصل … تسكر الخط
زيكو : شن صاير؟
هارون : ال#$% انطلق منهم
زيكو : كيف هكي ؟
هارون : مش عارف شنو الي قاعد يصير … الحقني
زيكو : وراك … وطلعو الاتنين وراء بعض

تسريع الاحدات ❤️
سجوو محمد : نحكيلكم ع الي صار
فات اليوم عادي جدا ع لجين و نور مقعمزت يهدرزو ويقرمو في اعباد الله 😂
لجين : كل لحظة تدكر في الي صار معاها قبل فتررة تسرح شوية وتذكر امها وبوها كيف كانو مدللينها كيف متبي وبعد توفو كيف صار معاها ولت حياتها كلها خووف من بعد وفاتهم 💔

نور : كانت في البداية مش متعودة ع الوضع في تركيا تخاف ترقد الليل تقعد واعية للصبح مرر وقت ع حالتها هادي بس بعد فترة تعودت ع الوضع ودارت معارف واصحاب في تركيا وبدت شغلها …. نسست كل شي صار معاها وبدت ع تواصل هيا وخوها عمر ❤️

هارون : متعود ع تركيا من لما صغير عايش فيها وبدي شغل في الشركة من لما عمره 18 سنة بوه حاط عليه كل شغلل ومعاش عنده وقت يرجع حتى ليبيا
بدي عدواني مع الناس من لما توفت امه 💔
مافيش حد من اقاربه يتواصل معاه غير ولد عمه زكريا ❤️ وقف معاه وقت كان محتاجه كان هوا و زيكو خطوة بخطوة حتي وقت بوه سفره لتركيا زيكو حجز ولحقه ومن وقتها معاش سيبو بعض وبدي كل شغلهم معا بعضض ❤️

فات اليوم من دون ايي حدت
هارون : مشي للحارس وبدو يدورو في الشاب الي كان عندهم بسس ماليشي ايي اتر كانه في حد مساعده ومطلعه بسس هارون وجهه هلبا حراسات وبدو يدورو فيه 🔥
روح هارون للحوش ومشي فيها نوما
اما زيكو طللع يصهر مع اصحابه

لجين ناضت من الساعة 7 تجهز في روحها وخايفة تتاخر
اما نور الساعة 8:30 ناضت لو مش من لجين تنوض فيها لاكانت ناضت الساعة 9 😂

نور : عين مفتوحة وعين مصكرة … يريتني مشغلتك معاي
لجين : 😂 نوضي وربي نسيبك ونطلع
نور : طاحت من ع السرير وطلعت للحمام

لجين : قعمزت ع الكرسي وسكرت عيونها وبدت تذكر في نفس الليلة 💔

رياض كان يخنق فيها بكل قوته وعبير عيونها بيطلعو وتشوف لي لجين وتبيها تطلع ….

يتبع : …….

🔥 ســــجــــو مــــحــــمــــد 🔥🔥

اترك رد

زر الذهاب إلى الأعلى