رواية خيانه الحلقة الثانية .. روايات اروى الطاهر المسلاتي | القلم الناجح
روايات ليبيه كاملة

رواية خيانه الحلقة الثانية .. روايات اروى الطاهر المسلاتي

رواية خيانه الحلقة الثانية ..

#خيانه الحلقه 2

ابتهال:قعدت مقعمزه ع السرير وفرحانه مش مصدقه روحي بس نفس الوقت خايفه عادي يعني اي وحده مكاني رح نكون متوتره بعد شوي سمعت صوت عصام خش ❤️

عصام:خش لي الدار وهوا قارن حواجبه حط تالفونه ومفتاح السياره ع الزيانه وقعد ينحي في الجاكيت

ابتهال:طبعا انا ولا كلمه نستنا فيه يقول اي شي بس كأنه ميشوفش فيا

عصام:وهوا ينحي في سوريته….نوضي امسحي يلي في وجهك وغيري حوايجك خلينا نصلو

ابتهال:ان شاء الله …يعني هكي يصير في الدخول؟؟حسب يلي نسمع فيه من البنات انه يهدرز معاي يبتسملي ينحيلي الڤيلو مش هكي 💔يا الله عادي ..طلع عاصم من الدار وقعدت انا انحي بشوي بشوي

ملاك:لبست وشاحي وطلعت وانا خايفه خايفه حد يشوفني وخايفه في لحضه نضعف قدامه نمشي وقلبي حاساته بيطيح لين وصلت ورا الحوش 💔وجت عيني في عينه 💔💔
مهند:بصوت متقطع …اهلين ملاك
ملاك:لا اهلين ولا شي وبدون مقدمات بالله عليك شنو تبي بسرعه
مهند:لهدرجه كارها تشوفيني،؟
ملاك:لو مكنتش ولد عمي راهو مسحت فيك الارض ولا عاد حتا نسلم عليك بس الله غالب نحترم قرابتنا يلي انت معبرتهاش وكسرتني رغم كان مفروض تحميني لاني من لحمك ودمك
مهند:ملاك اسمعيني ….انا نعترف اني غلطت تمام مشيت وراء الشكل والجسم بس لما طولت علاقتي معاها اكتشفت ان دماغها زباله ومستحيل نلقا بنت زي تفكيرك 💔..مسك يدها …ملاك عطيني فرصه
ملاك:خانتها عيونها وطاحت دمعه من عينه ….بعد يدك ومتحاولش تقرب مني انا مخطوبه توا وم……
مهند:حط يده ع فمها وقرب منها هلبااااا وكانت عيونه حمراء وبيبكي….اششششش معش نبيك تعاوديها الكلمه هادي
ملاك:في لحضه نسيت كل شي وقعدت نشوف لي عيونه وخلاص نهرت بي البكي وقعدت نبكي بلعبره
مهند:حضنها بي قوه ويمسح علي شعرها
ملاك:بكيت هلبا في حضنه وشميت ريحته يلي استاحشتها 💔بعدين فقت ع روحي بعدت عليه ولبست وشاحي يلي طاح مني وجيت بنمشي شدني من يدي💔
مهند:جبدها ليه …ملاك افسخي
ملاك:نفضت يدها بقوه وخشت للحوش
مهند:تنهد يوجه ومسح عيونه ورجع لي خيمة الرجاله

روايات بنووتة الشيخ(اروى)

ابتهال:كملنا الصلي وقعدت مقعمزه في مكاني نستنا فيه يدير اي شي 🤷‍♀️
عصام:كانت ملامح وجها متبشرش بخير كأنه مضايق ومتكنطي او مفهمتش
ابتهال:نضت من مكاني نحيت بدلت الصلاة وكنت لابسه روب الدخول ابيض طويل دانتيل حلو وناعم وفتحت التسريحه مع مكياج خفيف قعمزت ع السرير نستنا فيه
عصام:شاف تالفونه ورجع سكره …تبي اليوم ولا غضوا 😒🤨
ابتهال:نعم؟😳
عصام:كلامي واضح تبي تتهني اليوم ولا يوم تاني
ابتهال:نصددددددمت 😳😳😳شديت حيلي وتكلمت….عادي ع راحتك
عصام:تنهد بتعب سكر الباب وبدون لا ضحكه ولا ابتسامه ولا اي شششششي قرب من ابتهال

الساعه 3في الليل في الخيمه عند البنات :-

ساجده:اقسم بالله يابنات
هبه:كيف يعني هكره؟
نورس:ترا احكي
ساجده:كل القصه ان في وحده ضايقتني ع الفيس هلباااا المهم في واحد نعرفه اسمه محمد كلمته عطيته ايميل البنت هكره
هديل:يعني صكره؟
ساجده:تي لالا تهكير يعني خذاه هوا نقدر نخش ع دردشه وكل شي يبدا زي ايميلي
اميره:وكيف يدير فيها؟
ساجده:وين نعلم بيه لما نبي نهكر ايميل نعطيهوله بس
اميره:به هيا كولو بنقيم السفره
نورس:وين فرخه ملاك؟
هديل:ارتبكت….ملاك في ال تكلم في خطيبها😨
هبه:شافت لي هديل بمعنى عارفه وين مشت

ملاحضه ((البنات يلي فوق كلهم صغار عم بنسبه لي نورس وساره خوات وهديل وهبه خوات مهند يكون خوهم يعني خو هديل وهبه يلي خان ملاك بنت عمهم ))دخت حتا انا 😂

كملو البنات الماكله وقامو السفر وفرشو في الخيمه وجت معاهم ملاك بعد مابكت لين عيين في الحمام وغسلت وجها 💔كيف بيرقدو ع اساس وصلهم مسج من ابتهال وكاتبه تهنيت دارو البنات شوط دربوكه ورقدو مع الفجر

ابتهال:خشيت دوشت وطلعت لبست روب تاني وخش دوش حتا هوا انا قعدت نرتب في الطاوله لان صحابه جايبين عشي فاتت الليل كلها بيني وبينه بدون اي مشاعر منعرفش كيف بنوصف يعني كأنه يدير في شي مجبور عليه رغم اني كنت لاصقه فيه وقريبين لبعض هلبا بس مش حاسه بشي 💔المهم طلع بدون ميحكي شي تعشا وغسل فمه ورقد مبدون ميقولي شي انا نشبح وبس 🙄قمت السفره ورقدت حتا انا

ثاني يوم :-
البنات يحسو ويضمو في حوش العرس ومعاهم باقي العيله والمنضومه مفتوح والحو حلووو بكل طبعا اليون المحضر ويوتو في روحهم

نورس:ساجده ترا شوي نبيك
ساجده:ها حبي شنو؟
نورس:في موضوع بس بيني وبينك
ساجده:شن فيه😨
نورس:امس حكيتي ان في شخص يهكر في الايميلات ونقدر نخش ع يلي نبيه
ساجده:به؟
نورس:نبيه يهكر ايميل خطيبي شاكه في حاجه انا
ساجده:اي عادي تو نكلمه بعدين وعطيني الاسم
نورس:تمام صحيتي
ساجده:سمعتي بي اميره حقا
نورس:خيرها؟
ساجده؛بيخطبها نزار يلي كنتي تكلمي فيه
نورس:طز فيهم الزوز 😒

ابتهال:نضت من النوم لقيت عصام راااقد غسلت وجهي وصليت ولبست توته خفيفه قعدت نوتي في الفطور ونوضت عصام مباش حتا يقولي صباح الخير طول ناض للحمام المهم قعدت مقعمزه ع الطاوله نستنا فيه لين جي

عصام:صبي قهوه
ابتهال:ابتسمت ….حاضر ☺️
عصام:ع شنو تضحكي ؟
ابتهال:لا مش نضحك بس ….
عصام:معش تقعدي تافها وتضحكي بسبب وبدون سبب منحبش البنت الخفيفه انا
ابتهال:😳اه ان شاء الله تفضل القهوا
عصام:ناض من ع الكرسي….طيرتي منها النيه ع الصبح
ابتهال:قعدت فاتحه فمي خيره هاذا 😨😨😨😨
بعد شويه الباب يطق نضت فتحت

ربيعه(ام عصام):روروروي مبروك مبروك …وتبوس في ابتهال
ابتهال:الله يبارك فيك ☺️
ربيعه:وين عصام ؟
ابتهال:عصام ف….
عصام:طالع من دار النوم ويلبس في ساعته ….صباح الخير امي
ربيعه:صباح النور ياغالي مبروك
عصام:يبارك فيك …وين شهد (بنته)
ربيعه:😳😳مرتك عروسه قاعده وبتجيب بنتك ع الاقل سكر اسبوع
عصام:البنت بنتي ونبيها عروس ولا مش عروسه مدخليش انا بنتي نبيها ياسر بعيده علي امها 😠
ابتهال:ادخلت بينهم وانا في غصه بي قلبي….عادي ياعمتي بلعكس جيبيها اليوم نتعرف عليها
عصام:وهوا متكنطي …انا طالع
ربيعه:ربي معاك
عصام:طلع وسكر الباب
ربيعه:معليشي بنيتي تحمليه
ابتهال:عادي بلعكس 🤗

اميره:هيا سرعي روحك انتي وياها
هبه:به شويه بس
ملاك:بديرو الباكوات يا اميره؟
اميره:اي بعدين هي تو نجيكم
خديجه(ام نورس):هديل وراس بنيت سلفي تعالي استشوريلي شعري
هديل:تمام جايه

هبه؛ملاك
ملاك:نعم؟
هبه:امس طلعتي لي مهند خوي صح؟
ملاك؛اي
هبه:عرفتها هديل الكلبه من لما ناداتك
ملاك:لاهيا في الحوايج …يالله عادي
هبه:متعدليش عليه خوي ونعرفه بيقعد وراك وراك الهي في خطيبك وفوتيه
ملاك:ان شاء الله …..وانا في خاطري نقول اي خطيب بالله عليك يلي مش مدورني ولا معبرني ويقعد حتا بي شهرين ميسألش عليااا

روايات بنووتة الشيخ(اروى)

حميده:سريوه
ساره:نعم مرت خالي
حميده:وراسك ياغاليه تعالي ديريلي شعري
ساره:من عيوني لحضات بس عندي مكالمه
حميده:به نستنا فيك

مؤيد:الوو
ساره:هلا وينك اليوم
مؤيد:حاصل مع نزار سمعتي؟
ساره:بي شنو؟!
مؤيد:نزار خوي بيخطب اميره بنت خالك ولا عمك
ساره:نصدمت 😳لو نورس تعرف شنو ادير؟!
مؤيد:الووو
ساره:اها معاك
مؤيد:يلي واخذ عقلك يتهنى
ساره:هههه خزي معفن والله تاعبه من العرس بس ….وفي خاطري نقول والله مفي غيرك واخذ عقلي لو تعرف بس اني نموت فيك 💔
مؤيد:هي تمام يا مشفشفه نضمي امورك ودوريني
ساره:تمام

كملو حوسة الحوش وكل وحده مشت للمزين وبدو يلي في الحوش يوتو في روحهم لين جي الليل ومشو لي ابتهال

ابتهال:طبعا انا جتني المزينه وجت ماما وعمتي ام ملاك يلبسو فيا في العربي وعصام معادش ريته

وصلو بنات العيله وعماتهم والدنيا كلها لي حوش ابتهال لقو مشاء الله طاولات وكراسي ومنضومه وجو حلو بكل ❤️تم المحضر ع خير وطلعت ابتهال محلاها وصورت كم لقطه وروحو

البنات كلهم ركبو مع مهند خو هديل وهبه وهياااجه في السياره اغاني صوتهم عالي وكلاكس ويصفقو و يزغرتو قريب يهبلو إلا ملاك طول الطريق مهند يشوفلها في المرايه وهوا يتوجع 💔لين وصلو

خديجه(ام نورس):الله يبارك ع ابتهال بنيتك ان شاء الله تتهنى
حميده:ان شاء الله يارررب العقبه لي نورس وساره
خديجه:ان شاء الله ❤️
حليمه(ام ساجده):ابتهال احلا وحده في سلفاته مشاء الله
اسماء(ام اميره):اي لانها صغيره سلفاتها كبار ره
خديجه:ان شاء الله غير تتهنى بس
حميده:يااارب

طق طق طق طق
نورس:منو؟
ملاك:انا
نورس:نبدل اقلبي وجهك
ملاك:بسرعه ياخرا
نورس:به تمام…شن صار
ساجده:تم كله تمام هاك خوذي هاذا الرقم الجديد يلي داره الولد وكلمة السر يعني توا تقدري تشوفي شن في ايميل خطيبك بتفصيل
نورس:تي وحق ربي منوره بكل
ساجده:ولوو🤗

بدلو البنات وكل وحده قعدت ادير في حاجه
جت نورس فتحت ايميل خطيبها ونصدمت 💔لقاته يكلم في اكتر من وحده وع اساس ان خاطب وحده بسيف وميبيهاش وكاذب علي بنات تانيات انه مش خاطب وصور وحجات عاااار ….يتبع

لمشاهدة جميع اعمال الكاتبة : روايات اروى الطاهر المسلاتي

لمتابعه اهم الاخبار: القلم نيوز

اترك رد

زر الذهاب إلى الأعلى