روايات ليبيه كاملة

رواية خيانه الحلقة الرابعة .. روايات اروى الطاهر المسلاتي

رواية خيانه الحلقة الرابعة ..

#خيانه الحلقه 4

نورس:خذت رقم مؤيد من اختها ساره بدون متحس عليها وتصلت بيه

ترن ترن ترن 
نورس:الو مؤيد
مؤيد:ايواا منو؟
نورس:كيف الحال
مؤيد:تمام بخير بس منو معاي
نورس:انا نورس اخت ساره
مؤيد:اها اهلين كيف الحال
نورس:بخير تمام شن اخبارك انت
مؤيد:الحمد الله شنو امتا العرس باش تعزمينا
نورس:لا والله فسخت الايام يلي فاتو
مؤيد:اسف مكنتش نعلم الحق😨مقتليش ساره
نورس:لا عادي فتكيت الحمد الله ….وقعدت تجبد في الدوا منه وتهدرز عليه ومؤيد كان مستغرب من اتصالها بس تحشم يسألها

ابتهال:مشيت يومي كله بكي وخلاص من الضلم يلي شفته من عصام بكيت هلبا وكنت مش طايقه حتا نشوف وجها نضت غسلت وجهي وخذيت حبة بنادول وشربت ميه ورجعت لي داري

عصام:كنت متحشم من روحي مديت عليها يدي بظلم بس مش عارف كيف صار هكي عارف اني غلطت بس مستحيل نوضحلها لو مش عاجبها الوضع ترجع حوش بوها

خش عصام للحوش حط مفاتيحه ع المدخل وخش لي دار النوم فتح الضي غطت ابتهال عيونها بسرعه

عصام:في عشي؟😒
ابتهال:مناقص غير نديرلك عشي بعد يلي درته فيا اطلع خليني في حالي
عصام:لاني كيف عاجنك طريحه مش رح نحتسبك ع طول لسانك بس مره تانيه ديري بالك سامعه😒

روايات بنووتة الشيخ(اروى)

سالمه:كلمي خطيبك شوفيهم امتا يبو يحددو العرس تلحلحي
ملاك:غير يعبرني هوا باش نسأله
سالمه:بلا حركات ينات زايده واتصلي بيه خليه يستعجل
ملاك:انا مش مستعجله يما
سالمه:عرس اميره بنت عمك قريب وانتي لا امتا قاعده ان شاء الله 😒
ملاك:لين ربي يفرجها وبالك حتا نفسخ زي نورس بنت عمي
سالمه:لوحي من فمك الدوا هااااادي ومعش تعاوديها سامعه😡😡😡
ملاك:ناضت من جنبها وهيا مععصبه

مروه:شكلها مش مستريحه مع خطيبها يا ماما
سالمه:تستريح ولا ترقد الراحه والحب تو يجو مع الوقت وبعد الزواج
مروه:ان شاء الله
سالمه:امتا بيجيك راجلك انتي
مروه:قالي في الطريقه …هيا ماما حزومي تعاله
حازم:به

خديجه:مشاء الله الحق فرخه اميره تحري ولا تدري توتي للبيان
نورس:امتا بيانها
خديجه:الخميس ان شاء الله
ساره:ربي يوفقها
خديجه:يا بنتي مش كان قعدتي مع خطيبك خيرلك من هاذا كله
نورس:سكري عليا الموضوع ترا
خديجه:المهم اميره عازمه العيله كلها كان بتمشو
نورس:اي ونمشو ليش لا
ساره:شبح لي نورس بمعنى شنو ناويه؟!
نورس:قلبت عيونها

حنان:هديل هبه هددددديل
هبه:ها ياماما هديل ادوش
حنان:وين خوكم؟
هبه:منعرفش مبكري نسمع في ولد ينادي مهند مهند نفخلي راسي
مهند:السلام عليكم
هبه:اهو اذكر الحقير يجيك يطير
مهند:سكري فمك معنديش خلوق ليك ره
هديل:طالعه ولافه الفوطه ع راسها ….نوضي هيه عليك العشي راك تنسي
هبه:به😒
حنان:وين كنت ياولد
مهند:برا مع الشباب هديل الحقيني داري نبيك
هديل:جايه هي

مهند:خش لي داره وقعمز ع السرير ويديه مشبكات في بعض
هديل:خشت وسكرت الباب…خيرك وخي شن فيه
مهند:اسمعيني دبري بي اي طريقه ملاك تفسخ
هديل:مهند هبلت انت 😨😨😨
مهند:اي هبلت بري حاولي بي اي طريقه اقنعيها تسيب خطيبها
هديل:وقفت ومعصبه….زي ما انت خوي ملاك بنت عمي يامهند كان تبيها من الاول مفروض حافضت عليها مش خنتها مع وحده مزيته
مهند:يعني متبيش تقنعيها
هديل:لا والف لا
مهند:بصوت عااالي ….تي امالا ورررررربي ماصاير من دين امه عرسها به وتوتشوفو …وضرب المزهريه بي يده تكسرت وطلع متكنطي

حنان:جت تجري…خيرك وليدي
مهند:طلع ومردش عليها
حنان:مهنننند مهننند
هديل:طلعت من دار مهند والصدمه والخوف علي وجها زعما مهند شنو بيدير ؟
حنان:خايفه ترعش….خيره خوووك
هديل:امي فكيني ترا…وطلعت
حنان:ياربي سترك بس الحقي اختك شوفي الموضوع
هبه:به …..ومشت

روايات بنووتة الشيخ (اروى)

خديجه:الله يبارك ع وليدي امتا نزوجك بس😍
نورس:بالله منضره متع زواج وهوا خليته تقول كربون بخور
محمد:لوح عليها الشبشب
نورس:ااااه ياخرا
ساره:من بعيد …..نووووورس نوووورس
خديجه:نوضي لي اختك
نورس:ناضت وهيا تلم في شعرها

نورس:خيرك
ساره:ليش اتصلتي بي مؤيد؟
نورس:قالك الحلو طول متحملش
ساره:نورس لو ناويه اديري شي لي نزار فوتي الموضوع حرام عليك
نورس:منو نزار هادا ترا اطلعي من راسي انتي وياه بعدين انا مش عيله نعرف شنو ندير
ساره:شبحتلها بنضرة مش مصدقاتك

ابتهال:نزل عصام يتعشى مع امه وانا قعدت مقعمزه في الصالون لين طق الباب ولما فتحت تفاجأت بي شهد بنووتة عصام جايبتلي عشي
شهد:قتلك نينه هاذا عشي
ابتهال:ابتسمت …ياقلبي انتي خشي
شهد:خشت مع ابتهال وتعشو مع بعض

ابتهال:حتا بعض الضرب يلي كليته من بوها مفكرتش نكرها البنيه حرام صغيرونه مذنبها شي كملنا عشي وقعدت شهد في خضني وانا فاتحه نت نهدرز ع البنات وكلهم يسألو فيا يسحابوني عايشه احلا لحضات عمري يسحابو اي وحده تزوجت يعني متهنيه اااااه ياقلبي وخلا حسيت روحي نعست خذيت شهد يلي كانت راقده حتا هيا رقدتها ع السرير ورقدت جنبها

وجدي(صاحب مهند):ماهو حتا انت مش طبيعي يا راص ره من الاخير نعطيهالك
مهند:شنو يعني
وجدي:يعني البنت لما كانت ميته فيك شفت لي غيرها ولما تسهلت ع حالها خلاص بتموت بلاها الزح قعدت قريب6شهور مفكرتش حتا تسأل عليها
مهند:تي الزززززفت توا انت جاي معاي ولا ضدي
مهند:لا معاك ولا ضدك لاكن هاذا كلام الحد
مهند:به نورني بسكوتك خير منقلب عليك الدنيا حتا انت
وجدي؛😒😒

عصام:راكب في الدروج ناداته امه ….ها يما
ربيعه:برضاي عليك سلم ولدي حرام مرتك قاعده عريسه تعامل فيها هكي والله كان وحده تانيه خفيفة عقل راهو كلمة اماليها وفضحت بيك سايرها
عصام:بي ثقه….خلي تكلم شنو بنموت من غيرها ولا بنترجاها يعني بنسقدها مع اماليها
ربيعه:تسحابه ساهله عروسه مسكرتش يومين تنضرب طريحه
عصام:اني راسي يوجع فيا من الخدمه شن تبي توا
ربيعه:دير بالك عليها وسايرها بس
عصام:ان شاء الله هي تصبحي ع خير
ربيعه:وانت بخير ربي يهديك ان شاء الله

اول مخش عصام الشقه لقاها مضلمه
عصام:مضلمه زي حياتي طايح فيها نكديه ودراه كبد الله لاتربح خواتي لي جابوها وخلاص …خش لي دار النوم وشاف شهد راقده في حضن ابتهال

عصام:😨😨قعد قريب ساعه يشوف في المنضر من ناحيه عجبه ❤️ومن ناحيه ثانيه تمناها لو مكانتش ابتهال تمناها تكون طلقيته يلي قاعد قلبه معاها غير حوايجه بدون ميفتح الضي مباش ينوضهم وطلع وقد ع الصالون

ثاني يوم (الخميس ):

اميره:كانت اسعد انسانه في الدنيا اليوم بيانها من حبيب قلبها وفي نفس الوقت كانت خااايفه نورس ادير حاجه لي نزار وتخرب فرحتها

جو خوات انيره المتزوجات يوتو في اجراء البيان والدنيا زححححمه بكل

ع سفرة الفطور:-
ابتهال:بدون متشوفله ….اليوم عندي بيان بنت عمي نبيك ترفعني
عصام:يشرب في القهوا ويلعب في بنته
ابتهال:شافتله …سمعتني شن قتلك ؟؟
عصام:وتي روحك المغرب تكوني واتيه
ابتهال:تمام

نورس:اليوم جزء كبيببير من الخطه يلي حطيتها لازم نطلع حلوه هوا انا من ربي احلا من اميره لا بالك وانا مكيجه ولابسه …قعدت تفتش في الدولاب ع قفطان تلبسه

ساره:مؤيد اليوم مكلمنيش زعما لاهي مع خوه ع خاطر بيانه ؟ولا يحاول يتباعد ااااه يارررب متعلقش قلبي بي حاجه مش ليا بس

هبه:تستشور في شعرها…زعما تجي ملاك اليوم
هديل:اكيد وليش متجيش
هبه:لو تلاقيت معاها رح نكلمها
هديل:ألعي في روحك مدخلك في حد خوك غالط من الاول
هبه:مهما كان عادي غلط ويبي يصلح غلطه
هديل:يبي يصلح بعد ما خلاص فات الوقت ؟؟موضوع فاشل يبهدل في البنت وخلاص

روايات بنووتة الشيخ(اروى)

ابتهال:اتصلت بي مزينه وقعدت مسكينه ساعه تخفيلها في اثار الضرب من ع وجها بس في النهايه طلعت محلاها وبجد طالعه عليها حلوه العرسه لبسة قفطان طويل ابيض مع تسريحة فلو ومكياج ع الذهبي كانت تجنن

بدت الزحمه في حوش اميره واميره روحت في المزين وقاعده في دارها متووووتره وخايفه بس طالعه حلوه ❤️❤️

خشو نورس وساره وامهم
ساره:لابسه قفطان احمر طويل ماشي ع الجسم وشعرها مفتوح ومكياج بسيط بكل
نورس:لابسه قفطان ضييق وماشي ع الجسم وقصير هلبا لونه اسود ومدايره شعرها فير ومكياج قوي شويه …صح لبستها صايعه واوفر بس طرف

هديل وهبه لحقو حتا هما لابسين بدلة قونه وبلوزه قريبات من بعض وشعرهم فوق

ابتهال:لبست عبايتي قبل مطلع من الحمام عصام ووشاحي وحطيت الخمار بس منزلتاش
عصام:طلع من الحمام وجاته شهد تجري
شهد:بااابا
عصام:حضنها وقامها….ياروحه انتي
شهد:عروسه محلاااها ثوفها
عصام:يشوف لي بنته …اي اي
شهد:ثوووفها بابا ثووووف 😭
عصام:شاف لي ابتهال
ابتهال:نزلت خمارها ….انا واتيه
شهد:حلوا ولا
عصام:اي حبيبتي هي ننزلو لي عميمه
شهد:به

في البيان :-
ع طاولة بنات العيله
نورس:وين فرخه ملاك
هديل:بالك متبيش تجي
نورس:وعلاش يعني شنو بيان مهند هوا باش متجيش😂😂😂
ساره:نخصت نورس وفنصت فيها
نورس:مقلت شي غلط عادي كلنا نعرفو انها تحبه وادير في الجو
هبه:كل واحد حر في حياته
نورس:اي والله …وقلبت وجها

خشت ملاك لابسه قفطان عنابي قصير وشعرها ذيل حصان مع شوية مكياج يخفي ارهاق عيونها بس طالعه كيوت ❤️…سلمت عليهم وقعمزت جنبهم

ابتهال :قعدنا ساكتين طووول الطريق لين وصلنا
عصام:امتا بتروحو
ابتهال:مع الساعه10تعالا
عصام:سواق بوك انا 😒
ابتهال:سألتني وجاوبتك خلاص امتا ماتبي تعالا ….وسكرت الباب
عصام:دور بي السياره وطلع

ابتهال:خشيت والعيون كلها عليا ع اساس عروسه والجو هاذا ودرجوني ميعلموش بسعدي الطايح 💔

خديجه:شنو ياحميده بتعشي حتا الرجاله؟
حميده:اي ان شاء الله خلو يجي متاعين العريس قبل
اسماء:جو امتاعين العريس ياهوووو جو راهم

اميره:لما سمعت الكلاكس برا قريب متت من الخوووف وقلبي قعدت يدق بقوووه بكل

خشو عيلة نزار بي المنضومه ودخلو السوابيت ودارو شوط دربوكه وهاذا كله نورس تشوفلهم بحقد
بعد شوط الدربوكه كل حد خذي مكانه وبدو يفرقو في الحجات ويصورو في السوابيت

نورس:سمعت من البنت يلي مقعمزه وراها ان العريس نزار يصور مع اميره في المربوعه ❤️

ناضت بسرعه
ساره:وين؟
نورس:نساوي مكياجي ونجيكم
ساره:به
ملاك:جايا معاك
نورس:في داخلها …اافففف هاذي شن جيبها خشت نورس وملاك داخل

نورس:اسبقيني خلي نبدل الكندره انا جبت وحده تانيه معاي
ملاك:تمام …ومشت

المصوره:ايواااا بزبط اميره خلي يدك اليمين علي نزار
اميره:تمام ☺️
نورس….يتبع

لمشاهدة جميع اعمال الكاتبة : روايات اروى الطاهر المسلاتي

لمتابعه اهم الاخبار: القلم نيوز

اترك رد

زر الذهاب إلى الأعلى