رواية خيانه الحلقة السادسة .. روايات اروى الطاهر المسلاتي | القلم الناجح
روايات ليبيه كاملة

رواية خيانه الحلقة السادسة .. روايات اروى الطاهر المسلاتي

رواية خيانه الحلقة السادسة ..

#خيانه الحلقه6

ابتهال:بدلت حوايجي لبست توته بيج ناعمه وغسلت وجهي وصليت ورقدت ع السرير لان حاسه راسي بينفجر بعد شوي حسيت بي عصام راقد جنبي وحد يده عليا😳 انا سخنت مع بعضي
عصام:همس في وذنها…متعارضيش خليني ناخذ حقي الشرعي بدون عناد منك
ابتهال:حسيت روحي رخصيه💔مجرد حاجه يبي يستفيد منها وخلاص وجعتني روحي بشششكل يا بنات اخخخي الموقف معش عرفت روحي ميف ندير؟
عصام:حط يده تحت راس ابتهال ولفها ابتهال لي جيهته ولت وجها في وجه عصام

ابتهال:بصوت خايف ويرعش…نبي نعرف بس ليش ادير فيا هكي فهمني شن درتلك انا
عصام:وقت جت عينه في عين ابتهال حس قداش هيا خايفه ومكسوره …انتي مدرتي شي انا يلي درت
ابتهال:لو كنت تحبها لدرجه هاذي ليش طلقتها
عصام:ملامح وجها تغيرت وعقد حواجبه ….مدخلكش فيه الموضوع هاذا انتي
ابتهال:بس حرام ضلمتني معاك💔منستاهلش انا ….طاحت من عينها دمعه ….ليش يصير فيا همي وربي عمري متمنيت شر لي بني ادم ديمه نتمنى في الخير للكل ومحسدت حد علاش يصير معاي هكي فهمني؟
عصام:من صدمته في ابتهال معرفش شن يحكي ناض طلع من الدار كأنه يهرب من الواقع يلي تحكي فيه ابتهال او يهرب من ضميره يلي رجع يخدم💔
ابتهال:تغطيت وقعدت نبكي بس رقدت مرتاحه نعرفش ليش؟

ثاني يوم:-
ساره:ناضت من النوم وكانت حالة وجها متبشرش بي خير مسكينه تاااعبه بكل عيونها من البكي صلت وطلعت لي الصاله لقتهم مقعمزي يفطرو ….صباح الخير
خديجه:صباح النور خيرك هادي النو…..خيرك يابنت عيونك منفوخات😨😨😨
ساره:شي من كثر النوم
السايح:تعالي يابنت كولي هاذا كلله من الصهور ديمه نتكلم لاكن مفي حد يسمع في الكلام
نورس:طالعه من المطبخ وتاكل ….خيرك ساره
ساره:بدون نيه…شي
نورس:ان شاء الله تبري
خديجه:هي سلم بناتي افطرو وبرو حوش عمكم ناصر عاونو اميره في الحوسه
ساره:مش قادره نوقف انا نحس في روحي مريضه
نورس:تو نمشي انا
ساره:شبحتلها بنضرة استحقار

روايات بنووتة الشيخ اروى الطاهر المسلاتي

ملاك:تلبس في كندرتها….ماما طلعت انا
سالمه:قوليلهم امي شوي وتجي
ملاك:به تمام ….طلعت اميره لي حوش عمها
ملاحضه((زي محكيت في اول الروايه كانو صغار العم كلللهم عايشين جنب بعض يعني قطعت ارض والحوش في الحوش ))
ملاك:تمشي وعيونها في تالفونها
مهند:صباح الخير
ملاك:بدون متشوفله …صباح النور
مهند:في شي طاح منك
ملاك:شبحت تحتها شافت حديده قامتها ونصدمت😳
مهند:اذكرتيها 💔؟عطيتيهولي قبل سنتين اول مره نسمع منك كلمة نحبك ياملاك؟اذكرتي
ملاك:حبست دموعها….تشوف فيا ماشيه في حالي ليش هادا كله مهند؟لو كنت تحبني توا خليني في حالي حرام عليك يلي ادير فيه فيا وعطاته الحديده وخشت حوش اميره
مهند:ركب سيارته وطلع

ابتهال:ناضت فطرت ولبست خوايجها ونزلت لوطه من غير متشوف عصام ولا تنوضه نهائي
ربيعه:صباح الوردات ع الكناين الحلوات
ابتهال:صباح العسل ☺️وين حماتي امالا
ربيعه:طلعت والله مشت لي عمتها
ابتهال:وشهوده ؟
ربيعه:راقده هي تعالي نشربو قهوا سايريني حتا عمك الحاج طلع من الصبح قعدت بروحي
ابتهال:جاياتك هي

وصلو البنات كلهم لي حوش اميره يعاونو فيها شوي وخشت نورس
هبه:مشاء الله من وين جاتك النشاطه نورس اليوم جايه تعاوني
اميره:مبتش تتكلم وع اساس لاهيا
نورس:طبعا نعاون سلفتي كيف نخليها بروحها
ملاك:تبصري😳
اميره:كككككيف؟؟؟😨😨😨
نورس:اي والله شكلي بننخطب من جديد يابنات امس خطبتني ام نزار لي خوه

قعدو كلهم يشبحو لبعض ومصدومين
اميره:كانت شاده في يدها مكنسه لوحتها ع طووول يدها وطلعت
نورس:خيرها هادي ربي يشفيها حسد ياكبدي
هديل:قصدي مش معقوله توافقي يانورس كنتي تكلمي في خوه
نورس:اهو اميره وافقت ع نزار وكان يكلم في بنت خالتها يلي هيا انا عادي يعني
ملاك:انا نايضه نشوف اميره
نورس:بري زمزكيلها 😒
ملاك:ربي يهديك ….وطلعت

ابتهال :شربت القهوا انا وعزوزتي يلي هيا ام عصام وقعمزنا نهدرزو خشت علينا عمت عصام نضت للمطبخ نديرلهم في شاهي

عصام:خش للمطبخ…خيرك منوضتينيش
ابتهال:بدون متشبحله …نوضتك امس وكشخت عليا علاش بنوضك مش مستاحشه هزايب انا
عصام:وين فطوري
ابتهال:حطت الشاهي في السفره …دير بروحك مش فاضيه انا …وجت بتطلع بي السفره شدها عصام من يدها وهوا معععععصب
عصام:الاسلووووب هاذا متستعمليشي معاي سامعتيني والله انسيك في اسمك
ابتهال:ااه يدي بعد من عليا واسكت يسمعوك برا
عصام:تو نوريك عليه الجو هوا وحدف يدها بقووه لين تبزع عليها الشاهي سخون
ابتهال:ااااااااااااااه 🔥🔥😭ااااااااااي يدي
عصام:طلع وسيبها يسحابها تكذب
ابتهال؛ااااااااااه …بدت تفرفش معش عرفت شنو ادير وكانت خلاص قريب تهبل من الالم لين جتها ربيعه ام عصام تجررري
ربيعه:خيرك يابنتي شن فيه😳😳
ابتهال:تبزع عليا الشاهي 😭
ربيعه:شافت يدها ونصدمة لانها كانت محرووقه واضح عليها طلعت تجرررري ….عصاااام عصاااام
عصام:وهوا في الدروج…ها😒
ربيعه:الله يربحك ارفع مرتك بسررعه يدها محروقه
عصام:ميصيرلها شي متخافيش
ربيعه:تي يدها البنت وااااضح عليها برا البس ورفعها بسرعه
عصام:به به….وركب

حسناء(عمت عصام):سلامتك سلامتك بنتي
غير اهدي
ابتهال:مكانش وجع الحرق يلي في يدي هوا يلي يوجع بس بجد كان قلبي محروق كل بنت تتمنى تعيش ايامها الاولى احلا ايام وتنصددددم لما تشوف الواقع هكي💔

لبس عصام ورفعها بس ربيعه قعدت في الحوش ع خاطر شهد

ملاك:هدي روحك اموره
اميره:😭مش قادره ياملاك والله منقدر عارفتها رح تخربلي حياتي صدقيني
ملاك:من قال رح تخرب حياتك بس كلنا عارفين ان نزار يحبك والدليل كيف معدلش عليها في البيان ووقف معاك
اميره:اقتنعت شوي بي كلام ملاك ومسحت دموعها
ملاك:حطت يدها ع كتف اميره وبتسمت….خلاص عاد خليك واثقه فيه بلا جو
اميره:ان شاء الله ربي يباعدها عليا

روايات بنووتة الشيخ اروى الطاهر المسلاتي

ابتهال:طول الطريق وانا حاطه يدي قدامي ونبكي وبس وعصام ساكت ولا حتى شافلي
لين وصلنا

عصام:انزلي هيا
ابتهال:قعدت تمسح في دموعها
عصام:بصوت عاااالي ماهو انتي هاذا فاش فالحه نكد نكد نكد من يومك في حد يبكي ع خاطر حرقه تافها زي هادي تي انزلي هير منغير رائي ونروح
ابتهال:مزدتش معاه ولا كلمه ونزلت للمستشفى وانا خلااااص يعلم ربي بي حالي

ترن ترن ترن
ساره:شافت لي تالفونها وقلبها زاد توجع ع قبل💔تنهدت هلبا وردت ….الو
مؤيد:تي وينك امس
ساره:خش عليا خوي وسكرت
مؤيد:اهاا به تو لما نولي نسيبكم عادي 😂بعدين
ساره:حطت يدها ع قلبها وسكرت عيونها💔
مؤيد:والله يا مشفشفه مش قادر نرقد من امس
ساره:فتحت عيونها وتنهدت….ليش ان شاء الله خير مؤيد:متوتر بكللل خايف من ردت فعل اختك يعني لو متوافقش
ساره:اها مش عارف💔
مؤيد:تي شنو مش عارف عاد همتك معاي حتا انتي قنعيها هدرزي معاها وكلميني قوليلي شن رايها
ساره:يصير خير
مؤيد:خيرك انتي صايره معاك حاجه
ساره:لا بس حاسه روحي تاعبه شوي
مؤيد:بعيد السو ع الغزاله كلمي بوك يعاينك
ساره:لالا عادي تو نرقد وتمشي الامور
مؤيد:هي توا خشولي زباين تو نهدرزو
ساره:تمام

ابتهال:كملت من المستشفى داولها الحرقه وركبت السياره وعيونها منفوخات من كثر مبكت
عصام:عرف ان الحرقه جت قويه مكانش متوقع هكي نصدم لما كلمه الدكتور طول الطريق يخاول يفتح معاها موضوع بس ابتهال كانت تاعبه لدرجة مش قادره تتكلم وقف ع مطعم خذي عشاء وروحو

نورس:روحت الحوش وعرفت ان ثاني يوم جايه ام نزار ومؤيد عشان يشوفوها ويتفاهمو ع كل شي

اميره:بس كيف هكي نزار مفروض تقول لي خوك ان نورس كانت تكلم فيك
نزار:اي نقوله ونطلع انا واخذ بنت خالتها وتبدا اني تفتح هذيك المحاضره تحسابوه لعب صغار وبلا بلا بلا معش نخلصو
اميره:سكتت وهيا مضايقه هلبااا
نزار:طلعيها من حياتك يا اميره خلاص مدخليش فيها هيا وخوي يتفاهمو بعدين
اميره:ربي يخليك ليا😔
نزار:ولا يحرمني منك ياعموي انتي

ابتهال:اول موصلنا ركبت الحوش طول ولحقتني ام عصام واخته وشهد تحمدولي ع السلامه ودارو قهوا ونزلو الحق كانو كويسين معاي هلبا ❤️

شهد:تحضن في ابتهال ….عروسه نبيك قيميني فوق
ابتهال:تعالي حبيبتي
عصام:شهوده تعالي بابا خلي العروسه ترتاح يدها فيها ددي
شهد:من دارلك ددي بابا؟
ابتهال:نصدمت 😨
عصام:😳
ابتهال:لالا حبيبتي النار دارتلي ددي هاذا باش منبيكش تمسي النار
شهد:لالا بابا شفته هذاك اليوم ضربك وانتي تعيطي بابا يحبكش
ابتهال:💔💔
عصام:شهد😡بري ارقدي في دارلك تحركي
شهد:انا نحبك ….شافت لي بوها…انت نبي نني مع عروسه
عصام:تحررررركي قتلك😡😡😡😡😡
شهد:خافت وجت ورا ابتهال
ابتهال:معليشي خليها
عصام:ناض متكنطي وقربع السفره يلي قدامه
ابتهال:تنهدت 😔

ترن ترت ترن
ابتهال:ايوا💔
حواء:اهلين بنيتي
ابتهال:اهلين امي كيف الحال
حواء:الحمد الله بخير قوليلي خيرها يديك يابنتي العفو
ابتهال:بسيطه والله شاهي تبزع عليا
حواء:لا حول ولا قوه إلا بالله ..يابنتي قعده عريسه مسكرتيش اسبوع شن تبي في التطيب
ابتهال:في خاطرها….لو تعرفي بس💔…..الله غالب
حواء:تو بكرا نخطم عليك انا وبوك
ابتهال:ع سلامتك يا امي
حواء:سلمي علي عصام
ابتهال:ان شاء الله …وسكرت …شافت لي شهد لقتها راقده حطتها في دارها وخشت دار النوم خذت حوايجها وكان عصام راقد ع السرير ويقرا في كتاب

ابتهال:جت بتطلع ناداها عصام
عصام:ابتهال
ابتهال:وقفت وبدون متشبحله…نعم
عصام:تعالي ارقدي ع السرير ارتاحي مترقديش برا
ابتهال:نرتاح برا مش ع السرير …وطلعت
عصام:فتح ع صورة طليقته وقعد يهدرز مع روحه يتحسر ويلوم في روحه ألف مره ع كل شي قاعد يصير

✨روايات بنووتة الشيخ اروى الطاهر المسلاتي✨

ثاني يوم:-
ساره:صح يلي نحبه جاي بيخطب اختي بس مش معنى هاذا انكد عليهم وندير الهم ورررربي الوجع يلي نحس بيه اكبر من كل شي بس نضت بكري مع نورس وامي من الصبح نضفت الحوش معاهم ووتيت الضيافه وانا نتحسر علي عمري

عصام:صباح الخير
ابتهال:توكل في شهد ….صباح النور
عصام:وتي شهد بنرفعها لي امها اليوم
ابتهال:تمام 💔
شهد:نرفعو معانا عروسه
عصام:لا
شهد:انت تحب ماما تحبش عروسه؟علاش
عصام:شهد سكررررررري فمك😡😡😡
شهد:قعدت تبكي وابتهال تسكت فيها

ام نزار:الله يبارك بناتك الزوز يهبلو يا خديجه
خديجه:عيونك الحلوات والله☺️
اخت نزار فاديه؛نورس يالله مؤيد يستنى فيك
نورس:خطت وشاح ع راسها وخشت للمربوعه وساره لحقتها بي القهوه….يتبع

لمشاهدة جميع اعمال الكاتبة : روايات اروى الطاهر المسلاتي

لمتابعه اهم الاخبار: القلم نيوز

اترك رد

زر الذهاب إلى الأعلى