رواية دنيا الجحيم الحلقة الثالثة .. روايات الكاتبه “اموله A A “ | القلم الناجح
روايات ليبيه كاملة

رواية دنيا الجحيم الحلقة الثالثة .. روايات الكاتبه “اموله A A “

رواية دنيا الجحيم الحلقة الثالثة .. روايات الكاتبه “اموله A A “
دنيا الجحيم 3
للكاتبه {اموله A A }
حنين: اء ء وداخت
اميره: زمطت ريقها بخوف ومشت تجري اتجاه حنين
بعد ربع ساعه
حنين: تفتح في عيونها ببطء وحاسه الدنيا ادور بيها لحظات وبدات الرؤيه واضحه عندها كانت في مكان شبيه بلمخزن كان كله غبره وضلام لحظات وتشوف في شخص جاي اتجاها
اميره: نضت يا بنت خالتي
حنين: مش قادره تستوعب شي بس لما ادكرت شن رات في الدار بدات تبكي بهستريه
اميره: مش وقت بكي
حنين: مسحت دموعها وقعدت تشوف لي اميره باستغراب
اميره: هزت راسها وتنهدت بخبت انتي شفتي شي مش مفروض تشوفيه
حنين: قعدت تشوف وهي مش فاهمه شي
اميره: شدت حنين مع فمها وبتسمت ابتسامه خفيفه
،،،،،الساعه 12في الظهر ،،،،،،،
🔥 أّمَوِلَهِ A A 🔥
🔥 روآيآت آمـل علي 🔥

يعقوب :واقف علي المرايه ويمشط في شعره
ايات: وقفت خلف يعقوب احم يعقوب ممكن
يعقوب: قاطع ايات اني مسمحتلكش تحكي وشبح ع الجنب وطلع
اياات: اااف وحدف الهاتف ع السرير وطلعت
نسيم: مقعمزه في الجنان هي وامها يهدرزو
سلمي: تمام العشيه نمشو بيت عمك
نسيم: ياريت واللهي مليت من البيت
سلمي: انشالله خلي نكلم ايات باش تمشي معانا
نسيم: باهي ووقف بتخش وشبحت اياات ايوته شجو
سلمي: كيف بنتصل بيك
اياات: انشالله خير
سلمي: كل خير بنقولك بنمشو في العشيه بيت هلك تمشي معانا
ايات: اي وبنرقد عندهم مضايقه
سلمي: شبحت لي ايات مضايقه من يعقوب صح
ايات: نزلت راسها
سلمي: انتي كيف بنتي واني عارفه شن مضايقك
ايات: ابتسمت ابتسامه خفيفه
🔥 أّمَوِلَهِ A A 🔥

🔥 روآيآت آمـل علي 🔥

هديل: طالعه من المطبخ وتغني وترقص بصوت عالي تعال اشبعك حب اشبعك دلال تعال يابن الحلال تعال 😂
عيسى: كان يسمع في هديل صار اشبعك حب
هديل: بسم الله امتا جيت
عيسى: مش مهم امتا جيت توا المهم تعالي اشبعك طريحه
هديل: انبح ومشت تجري في الممر وانضربت في امها
مني: بعصبيه هديللللل اركحي خيرلك يا بنت ال
هديل: قاطعت امها وبد اتلعلع اء قصدك انا بنت الكلاب واك عليااا باتي يا باتي راهي قالت عليك كلب مراتك
مني: اركحي يا بنت يلااا احسن
هديل :شبحت في امها انلا مش راكحه ومشت تجري
مني: شيطانت رجيم
هديل: من بعيد وبصوت عالي سمعتتتتك راه
مني: طرش انشالله
هديللل: اجمعيننن يارب
مني: قطعه في هاليسان هدا
🔥 أّمَوِلَهِ A A 🔥

🔥 روآيآت آمـل علي 🔥

حنين: نضت ع اصوات عاليا كنت مربطه مش قادره ندير شي كان منضر مرعب بنسبه لياا بس لحظت ان مش في نفس المكان يلي كنت فيها لحظات وخش شخص
سالم: يشبح لي حنين بنظرات تخوف
حنين: قعده مش مستوعبه شي
سالم: قعد يفك في حنين
حنين: مش فاهمه شي تشوف وخلاص
سالم: اوقفي بسرعه قبل ليشوفنا حد
حنين: وقفت وعلامات الاستغراب واضحه علي وجها
سالم: مسك حنين مع يدها ونقز هو وياها مع الروشن وقعدو يجرو مشوار لحد مابعدو واجد عن لمكان يلي كانو فيه
حنين: وقفت انت وين رافعني وشن هادا يلي قاعد يصير
سالم: اهربي قبل ليقتلوك هدا مش وقت الكلام
حنين: بصدمه كيف مفهمتش فهمني
سالم: انتي شفتي شي محد يعرفه واي حد يعرفه يقتلوه لو تبي تعيشي اهربي من هنا ومشي يجري وترك حنين
حنين: كانت مشوشه مش قادره تفهم شي كانو دموعها زي المطر لحظات وبدت تجري وتجري في طريق مجهوله كانت مش لابسه شي في رجلها كان منظرها مفزع رجليها دم ملابسه امسخات كانت خاشه في دوامه وفجئاه وقفت قدامها سياره كانت الصوره بدت تتلاشه ليها شوي شوي وهب داخت💔
🔥 أّمَوِلَهِ A A 🔥

🔥 روآيآت آمـل علي 🔥

راضيه: تجري دورت عليها في كل مكان مهناكش
بسمه: زيدي دوري توا تلقيها
راضيه :من الصبح اندور مهناش
ماجده: بصوت عالي خالتيييي اجري
راضيه :مشت تجري ووراها بسمه
راضيه: خيييرك ش شن فيه
ماجده: شوفي شن لقيت ومدت ورقه لي راضيه
راضيه: فتحت الورقه وكانت تقرا ومصدومه
بسمه: شن فيه خيرك
راضيه: مشت تجري لي علي وحدفت الورقاء لي بسمه
الساعه 10في الليل
كانت العيله كلها متجمعين وواضح عليهم علامات الحزن الا تلاته بسس
راضيه: اني من البدايه عارفتها بنت مش كويسه
علي: عيونها لوطه وبدون ولا كلمه
احمد: قتلك من البدايه شدي عليها ماسمعيش في كلامي كدا واحد يجيني ويشكي منها واني ساكت
راضيه: ااخخ بس ياخسارت تربايتي فيها وخشت لدار ولحقها علي
اميره: كانت تضحك من تحت ومستمتعه
ماجده: اشرت لي اميره ومشت
🔥 أّمَوِلَهِ A A 🔥
🔥 روآيآت آمـل علي 🔥

حنين :ناضت لقيت روحي في بيت فخمم كنت راقده ع سرير كبير لحظات وجت وحده باين انها صغيره في السن
اماسي : بي ابتسامهةشن حالك توا
حنين: حمدلله بس كي ي
اماسي : قاطعت حنين توا نقولك خوي لقاك طايحه ع الطريق شوي جابك
حنين: شكرا ليكم
اماسي : ولو هادا واجبنا تبي شي
حنين: سلامتك بس
اماسي :تمام نخليك ترتحي وغدوه نحكو وطلعت
حنين: مشوشه حاسه روحه في عالم تاني مش قادره تفهم شي ونهارت بي البكي الليل كله وهي في عالم تاني 💔🔥
تاني يوم الصبح
طق طق طق
حنين: ادخل
اماسي: صباح الخير
حنين :صباح النوور
اماسي: العيله تبي تتعرف عليك تعالي وفي نفس الوقت افطري الفطور جاهز
حنين: باهي بسس اء
اماسي: حطيتلك كم لبسه ع الطوله البسي وتعالي
حنين: تمام
اماسي: ابتسمت وطلعت
حنين: خشت دوشت ولبست ومشطت شعرها ونزلت كانت كل خطوه تخطيها كانت ترحب بيها لي حياتها الجديده
حنين: السلام عليكم
الكل: وعليكم السلام
اماسي: خلي نعرفك عليهم هادي ماما اسمها خديجه وهادي اختي امال وهادا خوي يلي ساعدك سليمان وهدا بابا احمد
حنين: ابتسمت اتشرفت بمعرفتكم
اماسي: معرفتينا عليك
حنين: اني اسمي حنين
اماسي :عاشت الاسامي
حنين: تسلمي
اماسي: قعمزي افطري
حنين: معنديش نيه بنرجع لدار
اماسي: تمام واني توا نبعتلك لفطور
حنين: تمام خشت لدار قعمزة ع السرير الف فكره في راسها عليش مسئلوني شن صار معاي عليش ساعدوني معقول هم من جمعتهم لا لا مش معقوله ومية فكره
طق طق طق
حنين: مرتبكه اء ادخل
سليمان: خش وصكر الباب
حنين :وقفت
سليمان: اكيد توا تسالي عليش ساعدتك
حنين: هزت راسها بمعنه اي
سليمان: قرب منها توا نقولك يا حلوها
حنين: دفت سليمان بقوه ابعدد عني وعيونها مدمعات
سليمان: مسك حنين مع فمها وبنظره تخوف انتي توا دخلتي لجحيممم ودفها طاحت ع الارض وطلع وصكر الباب بي المفتاح
حنين: مش مستوعبه حاجه كانت متلخطبه لدرجه اغمه عليها
الساعه 3في الليل
حنين: ناضت وحاسه راسها بيتكسر كانت تسمع اصوات دوشه قويه وكلام مش مفهوم جت عينها ع الباب شافت ان حد يحول يفتح الباب مشت تجري خطت روحها بي البطنيه
سليمان :خش وكان عارف انها نايضه
حنين: كانت تحت البطنيه ميته من الخووف
سليمان: …….
يتبع ……..

شاهدوا ايضا: باقي اعمال الكاتبة: من هنا

اترك رد

زر الذهاب إلى الأعلى