رواية دنيا الجحيم الحلقة الثانية .. روايات الكاتبه "اموله A A " | القلم الناجح
روايات ليبيه كاملة

رواية دنيا الجحيم الحلقة الثانية .. روايات الكاتبه “اموله A A “

رواية دنيا الجحيم الحلقة الثانية .. روايات الكاتبه “اموله A A ”

دنيا الجحيم 2
للكاتبه {اموله A A }
حنين: راقده بس حست بي حركه مش طبيعيه حست نفس اليد يلي تحسستها المره يلي فاتت زمطة ريقها ونحت الغطاء ونصدمت اء ء ان
اميره: اي اني خيرك مخلوعه
حنين: بي توتر اء ء خيرك انتي معاي
اميره: شي غير نكساد معاك فيه مانع
حنين: ناضت من علي السرير وبصوت عالي انتي شن تبي مني معاش اتجي بيتنا فاهمه
اميره: شافت راضيه جايه من ناحيت الدار حرام عليك اني مدايراتك كيف وخيتي اديري فيا هكي وع اساس تبكي
حنين: عيونها توسعو من الصدمه كيف هكي فجاه تغيرت اميره 😨😨
راضيه: سمعت كلام اميره بي عصبيه حنييين
حنين: اءءن نع نعم
راضيه: شدتها من شعرها هدا شن يلي سمعته
حنين: خانقتها العبره ش شن
راضيه: ضربتها كف ودايره روحك مش عارفه
حنين: انهارت بي البكاء 😭😭
اميره: بلكدب ليش يا خالتي ضربتيها مهما صار حنين كيف وخيتي
راضيه: مسكت حنين من مرفقها وتتكلم بصوت عالي شفتيها كيف بعد يلي درتيهولها
حنين: تبكي من غير ولا كلمه 😭💔
راضيه :تشوف لي حنين بحقد لحضات وطلعت من الدار
اميره: تضحك هادي البديه قعده مشفتي شي 🔥🔥
حنين: منهار بي البكاء والف حاجه في راسها
🔥 أّمَوِلَهِ A A 🔥
🔥 روآيآت آمـل علي 🔥

ايات: بصوت عالي خلاص يا يعقوب مش قادره نتحمل اكتر 😔
يعقوب: شدها من فمها انا قداش مره قتلك صوتك هدا ميرتفعش عليا
ايات : تبكي بعد عني بعد اني شن ذنبي
يعقوب: بهزوه تسالي شن ذنبك حتي اني ش وقاطعه صوت الباب يطق بي قووه مشي يجري بيفتح
ايات: مخلوعه شن صاير 😳
يعقوب: فتح الباب
الشرطي: هدا بيت السيد يعقوب ال*******
يعقوب :اي تفضل شن فيه
الشرطي: لزم تمشي معانا المركز بنحققو معاك في قضيه
يعقوب: مش ماشي قبل لنعرف قضيت شنو
الشرطي: غادي تعرف كل شي
يعقوب: تمام وطلع هو و الشرطه
ايات: نزلت تجري لحوش اهل يعقوب لحضات ووصلت
نسيم: مقعمزه في الصاله هي وامها وتهدرز
ايات: تتنفس بقوه و وو وي وين عمي
سلمي: خيرك شن فيه شن صاير
ايات :عم عم م عمي وين
سلمي: في الدار قولي شن صاير وقفتي قلبي
ايات: يعق يعقوب يا عمتي
سلمي: بخوف خيره شن فيه قولي
ايات: مسكاته الشرطه
سلمي: اء 😨 وداخت
نسيم: بصوت عالي ماما وجت تجري لي امها
عمر: يسمع في الدوشه نزل مفجوع خيركم شن فيه وشاف لي سلمي كيف دايخه انصدم
نسيم: يعقوب مسكاته الشرطه
عمر: طلع يجري
🔥 أّمَوِلَهِ A A 🔥
🔥 روآيآت آمـل علي 🔥

في مركز الشرطه

الشرطي: يعني نفهم منك انك انت مليكش علاقه بي البيعه
يعقوب: ببرود كلامي واضح
الشرطي: امممم وشن قصة السلاح يلي وصلكم من بريطانيا اول امس
يعقوب :انتا سالتني وجاوبتك وبلاش تخش في مواضيع تانيه
الشرطي: تعرف لو عندي عليك دليل واحد تنحكم اعدام
يعقوب: بيبرود شبح في الشرطي وطلع 😏
الشرطي: ضرب الطوله بيده
يعقوب: وهو طالع شاف باتها في المركز
عمر: جي يجري خير شن صار معاك
يعقوب: مش وقتها الدوه هادي توا نحكو في البيت وركبو في السياره
🔥 أّمَوِلَهِ A A 🔥
🔥 روآيآت آمـل علي 🔥

هديل: اففف تي انتا متفهمش
مروان: يضحك فهمنا يا عسل 😂
هديل: ربي يجيبك يا طولت البال اخطني خيرلك
مروان: واللهي ماني فايتك وشد يدها
هديل: عصبت وضربت مروان كف 😡
مروان: انصدم من حركة هديل
هديل: رفعت اصبعها اني حدرتك اخر مره اتجي في طريقي مره تانيه تشوف شي ميعجبك ومشت
مروان: ضرب السياره برجله كنت معاك كويس بس انتي جبرتيني نغير معاملتي وراح تشوفي شي ميعجبك وركب في سيارته وقعد يسوق بسرعه
هديل: روحت للبيت طول خشت تلوحت في الدار والف فكره في راسها
🔥 أّمَوِلَهِ A A 🔥
🔥 روآيآت آمـل علي 🔥

،،،،،،،،،،،،،،،،،،،،،،،،،تاني يوم في الليل ،،،،،،،،،،،،،،،،،،،،،

حنين :في السياره ماشيه هي وامها بيت خوالها كانت سرحانه افكاره مشتته كانه في موضوع شاغل بالها بعد لحضات من التفكير
راضيه :هيا انزلي وصلنا
حنين: سرحانه ومش مركزه بكل
راضيه: ضربت حنين مع كتفها
حنين: امممم ها وصلنا
راضيه: صح النوم من بكري تمنزلي هيا
حنين: نزلت بي كميت خوف كبيره وخشت
بسمه: واقفه قدام الباب تستنا فيهم
🔥 أّمَوِلَهِ A A 🔥
🔥 روآيآت آمـل علي 🔥

يعقوب: يدخن في الجنان
ايات: جت خلف يعقوب احمم
يعقوب: بدون اهتمام نعم
ايات: الصرحه يا يعقوب بنقولك ع موضوع
يعقوب: شبح لي ايات ونفخ في وجها شن فيه
ايات: اني نبي ان وقاطعها صوت تلفون يعقوب
يعقوب: وقف ورد الووو وقعد يحكي
ايات: اففف ومشت لدار
🔥 أّمَوِلَهِ A A 🔥
🔥 روآيآت آمـل علي 🔥

حنين: مقعمزه في الصاله بس حست حركه مش طبيعيه ماجده تمشي وتجي ومتوتره بكل
اميره: جت وراء حنين وخلعت حنين
حنين: متوتره بس الله خيرك
اميره: شي كسودي الجو صح
حنين: ناضت مشت رقدت
،،،،،،،،،،،،،،،،،،،،مع الساعه2 تقريبا ،،،،،،،،،،،،،،،،
حنين: ناضت بتشرب اميه خشت المطبخ شربت وجت بتطلع بس سمعت اصوات غريبه قعدت تمشي باتجاه الاصوات لحد موصلت لي دار فتحتها وهنا كانت الصدمه
حنين: اء ء وداخت
يتبع ………….

رواية دنيا الجحيم الحلقة الثانية .. روايات الكاتبه “اموله A A “
شاهدوا ايضا: باقي اعمال الكاتبة: من هنا

اترك رد

زر الذهاب إلى الأعلى