روايات ليبيه كاملة

رواية زواج اتهامي الحلقه الاثني عشر .. الكاتبه:ملاك العبيدي

جميع حقوق الطبع والنشر محفوظه

رواية زواج اتهامي الحلقه الاثني عشر .. الكاتبه:ملاك العبيدي

عند وليـد ..

رحاب ركبت الدروح بشوي لعند خشت الجناح..

سلحت الكعب متاعها بتعب صبت قدام
المرايه وبتسلح اكسسواراتها..

حست بالباب انفتح وخش وليد..

رحاب بحتت فيه وهو قرب منها…
وليد مسك يدها ويحكي بهدؤء:رحاب شن درتي فيا؟.

رحاب تبحت ف يده اللي ماسكه يدها وتبحت فيه باستغراب !

وليد: شن درتي فيااا معش قدرت نطلعك من راسي !. قعد تفكيري كله فيك معش عرفت نركز ف شي غير فيكك !. كل ما نبحت ف عيونك كل ما نشوفكك كل ما تقعدي قريبه جنبي…
مسك يدها وحطها ع قلبه.. هذا يدق نفس تواا يدقق بسرعه شن يسمى هذا !. رحاب انا نحساب روحي نسيتكك بس طلع حبك اللي كنت داسه قبل سنين طلعع..

بحت ف رحاب لقاها مصدومه وتبكي مسك وجها بحنيهه

وليد :اهاا رحاب انا نحبكك حبيتكك تتقدري تقولي حب من الطفوله!. وقعد حبكك يكبر كلما كبرتي…. كنت نشوفكك كيف كبرتي… لعند ف يوم قالو انك انتي انخطبتي..وقتها مصدقتش ومتعرفيش شن صار فياا بس برغم هذا كله حاولت ندفن حبكك ونسيتك او قولي حاولت ننساكي قعدت لاهي بالتمارين وبالشغل !..

رحاب دموعها ينزلو وبلا ردةةة فعل..
وليد مد يده ومسحلها ادموعها

وكمل:لعند ف يوم الفاتحه كنت نحاول نخلي روحي قوي وقلبي كاين يشتعلل وناار مش مصدق انك حتكوني لـ غيري.!
بس لما قالو ان الفاتحه التغت وقالو سببها كرهتـك كل حبكك اللي كان ف داخلي تحول لـ كره معش قعدت قدرت نتقبلكك جنبي كل مانذكر اللي صار وكيف صورك كانن نزيد نكرهكك ونحقد عليكي.!.

بحت فيها ورد يحكي: بس اكتشفت ان ماكنش كره.. كان مجرد ردةة فعل للي صار بس! قدرتي تعيشي الحب اللي كان معمي بالكره اللي جوا بتصرفاتك حبيتكك بـ عفويتكك وطفوليتكك وبرائتكك وعيونك كل تفصيل فيكي حبيته!.

خذا نفس وكمل:رحاب خليكيي جنبي حنحااول ننسى اللي صار ف يومم الفاتحهه بس خليكي جنبي ونسيني .!

رحاب هزت راسها بـ لا وهيا تبكي ..!
رحاب دموعها ينزلو :منقدرش منقدرشش نعطيك جواب ع اللي حكيته توا !.

وسحبت يدها بهدوء وبعدت من عليه..
وليد مصدوم بحت فيها وطلع..

امـا رحاب تنهدت مسحت دموعها ومشت ع المرايه تسلح ف اكسسواراتها وتفكك ف التسريحهه..

ـــــــــــــــــــــــــــــــــــــــــــــــــــــــــــــــ

عند تهاني..
كانت راقده وحاضنه التيشرت متاع وليد وتشم فيه

تهاني ابتسمت: وحتقعد ليا ي وليد😁..

ورقدت وهيا حاضنه التيشرت متاعه..

ـــــــــــــــــــــــــــــــــــــــــــــــــــــــــــــــ

عند وليد..

كان مقمعز وحاط يديه ع وجه ويفكر بس هو يحب رحاب ومش حيستسلم!!..

سند راسه ع كنبه وبدون مايحس رقد..

ـــــــــــــــــــــــــــــــــــــــــــــــــــــــــــــــ
عند رحاب

طلعت من الحمام وتمددت ع سرير ومازال كلام وليد يدور ف عقلها..

غمضت عيونها ورقدت وهيا تفكر..

ـــــــــــــــــــــــــــــــــــــــــــــــــــــــــــــــ

عند سجى..

كانت قاعده ف غرفتها وتفكر واكيد عرفتو فـ من

سجى تذكر ف كل المواقف اللي صارن معاها مع سراج..

ضحكت بخفه وهيا تذكر ف اخر موقف
صار بيناتهم وكيف كانت قريبه
منه..ورقدت وهيا مبتسمه..

ـــــــــــــــــــــــــــــــــــــــــــــــــــــــــــــــــ
عند صقر..
كان قاعد ف غرفته ويفكر ف رحاب..
لـو هييا وافقت عليه من البدايه ماكنش صار اليي صارلها توا🤷🏻‍♂️

ورقد وهـو يفككر ف خطه متاعه..

ـــــــــــــــــــــــــــــــــــــــــــــــــــــــــــــــ
عند رؤوف..

كان قاعدد يفكر ف مرضه بكـر االتحاليل متاعاته وحيشوفو اذا مشى العلاج متاعه ولا!.

غمض عيونه ورقد من التفكير..

وبهــكي تكـون الليله مرت بـ سلاام ع ابطالنا🍃
ـــــــــــــــــــــــــــــــــــــــــــــــــــــــــــــــ
فـي صـبـاح يـوم جـديـد 🌤..
عند تهاني..
ناضت الصبح بدري..

ادوشت ولبست طلعت واستغربتت ان باتها جاا

باتها:وين طالعه🤨

تهاني بحتت فيه وف امها ومردتش.. طلعت من الحوش ركبت سيارتها وتنهدت.؟!

ولعت السياره ومشت متوجهه للمكـان
وصلت للمكان ونزلت…

خشت وقعدت تستنى..لعند جا دورها وخشت…

🔥روايـــــــــــات مــــــــلاک العــــبــيـــــدي 🔥

قمعزت قدام فاتن وطلعتلها تيشرت وليد…

فاتن ابتسمت وخذاته منها وبدت…

ـــــــــــــــــــــــــــــــــــــــــــــــــــــــــــــــ
عند رحـاب..

فتحت عيونها واذكرت اللي صاار امس تنهدت وصبت خذت دبشها من الدولاب
وخشت الحمام”اكرم القارئ”

ادوشت طلعت… قمعزت ع كرسي قدام التسريحه وقعدت تجفف ف شعرها..
خذت مرطب شفايف وحطت منه ولمت شعرها وخلت خصلات طايحه بفوضويه وطلعت…

لقت وليد راقد ف صاله بدبش امس..
رحاب قمعزت جنبه وقعدت تبحت فيه حطت يدها عليه وبعدين بعدتها بتردد..
جمعت قوتها وحطت يدها عليه وهزاته بشوي…

وليد فتح عيونه بشوي لقاه جنبه رحاب..

عدل تقمعيزته وحط يده ع رقبته بألم..
وليد بحت ف رحاب وابتسم:تعرفي ان احسن صبح واحسن يوم اليوم تعرفي ليش!.

رحاب :😕

وليد:اول مره نفتح عيوني ع وجهك

رحاب شافتله ونزلت عيونها وناضت بتوتر..

ـــــــــــــــــــــــــــــــــــــــــــــــــــــــــــــــ
عند رؤوف…

كان قاعد ف طريقهه للمستشفى..

وصل ونزل…

خش المستشفى وقعد يمشي لعند وصل غرفةة الدكتور دق الباب وخـش…

الدكتور شافه ابتسم:تفضل ..

رؤوف قمعز:امم شن صار ف تحاليل..

الدكتور :توا تجيبهن الممرضه… وخذا تليفون متاع المكتب ورن ع ممرضه..
بعد خمس دقايق خشت الممرضه

رؤوف شافها ابتسم بدون مايحس..

الدكتور خذا منها التحاليل:منى اسمعي في حاله توا جت ف غرفه 6 نادي الدكتور محمد ال.., يشوفها انا مطول شوي..

منى:تمامم دكتور.. وطلعت..

الدكتور فتح التحاليل وقعد يقرا فيهن!..
وملامحح وجهه تغيرن..

ـــــــــــــــــــــــــــــــــــــــــــــــــــــــــــــــ
عند سجى…

كانت قاعده ف مطبخ وتساعد ف امها…
رن تليفونها برقم غريب

امها: من!.

سجى رفعت كتوفها باستغراب وردت

سجى:من!

…………:الناس يسلمو😐

سجى باستغراب حست الصوت مر عليها:من انت🤨

……….:قصدك معرفتيش

سجى:بتقول ولا نصكر

سراج:بنت العم اعصابكك😂

سجى قلبهاا دق بسرعه:ا اهلين سراج

سراج:اهللاا

سجى:ااء في شي عليش ران قصدي في حاجه صايره

سراج:لا شي قلت نسأل اممم شن اخباار عمتي ناقصتكم حاجه

سجى:ماما الحمدالله وتسللم مش ناقصنا شي..

سراج:تـمام مع سلامه

سجى:باي.وصكر..

امها:من هذا

سجى مش منتبهه وتبحت ف فراغ…

امها ضربتها ع راسها:سجى🤨

سجى انتبهت وحطت يدها ت راسها بألم:اااه كنكك ي ماما 🌚

امها:من

سجى ردت تكمل شغلها:سراج يسأل علينا..

ـــــــــــــــــــــــــــــــــــــــــــــــــــــــــــــــ
عند رؤوف..

الدكتور فتح التحاليل وقعد يقرا فيهن!..
وملامحح وجهه تغيرن للفرحه…

الدكتور:نقدروو نقولو مبروكك قدرت اتغلب ع مرض..

رؤوف ابتتسم بفرحهه

الدكتور:بس

رؤوف:بس شن!.

الدكتور:بس ممكن المرض متاعكك يرد اخرا بعد سنتين او اكثر!.

رؤوف بهدوؤء:اها..وصبا:تمامم شكراا دكتور…

الدكتور:ممكن تجي بعد اسبوع في اجراءت بنديروهنن

رؤوف هز راسه وطلع

ـــــــــــــــــــــــــــــــــــــــــــــــــــــــــــــــ
عند تهاني…

كانت ف طريق لـحوش وليدد..

تهاني طلعت تليفونها ورنت ع شهد..

تهاني:قلتلكك ارجيني قدام باب الفيلاا

شهد:بااهي ههيا نرجى فيكك..

كملت طريقها وبعد نص ساعه وصلت..
نزلت من السياره بسرعه وههيا ماسكهه حاجه ف يدها…

خلوها الحرس تخش خشت ولقت شهد ترجى فيها..

شهد شافتها جت عندها:شنن فيه..

تهاني راقبيلي لوو جاا بندير حاجهه ونجي..

شهد:شن بديري.!

تهاني فتحت يدها وطلعتلها حجاب اسود صغير

شهد باستغراب:شن ههذا

تهاني:هذا اللي حيخلي وليد ليا!

شهد بصدمه: س سححر

تهاني:اها

شهد انصدمت:ككيف توااا وليد يتأذى هبلهه انتي

تهاني:مش حيصيرلهه شي بس حيكره رحاب وحيطلقها وحيجيني نااا يجري😗

شهد رفعةة صبعها ع وجه تهاني وبتهديد:لوو صار شي لـخويا حنقوللهم ان انتي السبب ونعترفلهم بكل حاجه درتيها من قصةة الصور متاعتت رحاب لعند السحر😒

تهاني تأففت بملل:مش حيصير شي انتي بس راقبي…

ومشت وراه الجنان حفرت حفره صغير ودفنت فيها الحجااب…وشهد ترااقب ..
تهاني كملت وجت عندها

تهاني بابتسامه:خلاص نا توا بنروح نرقد شوي ونرن عليك

شهد:به باي🙂

تهاني طلعت وركبت سيارتها وهياا مبتسمه خذت فونها ورنت ع صقر..

تهاني:تمت الخطه😁

صقر ضحك:وبدت اللعبه من توا…

ـــــــــــــــــــــــــــــــــــــــــــــــــــــــــــــــ
عند رحاب ف الجناح..

ماكنش قاعد وليدد.. رحاب كانت مقمعزه وتفكر ف كلام وليد…

رحاب:لازم نعترفله حتى نا لازم تنتهي لعبةة صقر وتهاني لازم يعرفف الحقيقه..

خذت تليفونها ورنت ع شذى..

رحاب:شذو تقدري تجي نبيكك ضروري

شذى:اككيد تماامم ننص ساعه ونجيكك.. وصكرت..

قعدت تستنى لعند رنت عليها شذى..

نزلت لوطه لقت بات وليد وامها بالصاله غمضت اعيونها وتجنبتهن فتحت لباب لـ شذى وخشت شذى سلمت عليهمم وطلعو الجناح..

شذى:شن فيه شغلتيني

رحاب بخجل:امم مافيه شي بس بندير عشا. ااء

شذى ابتسمت ابتسامه عريضه: عشل رومانسي لوليد😍😂

رحاب: ايواه😂

شذى:خلاص خليه عليها نبدو اول حاجه بـ الحاجهه اللي بتلبسيها وبعدين ب شعركك وبعدها مكياجك وبعدين الاكل 😌

رحاب:به🤭

شذى خشت غرفةة رحاب ورحاب لحقتها

فتحت الدولاب وطلعت قفطان بحتت فيها وهزت راسها ب لا ورماته😂

رحاب خذاته من ع الارض:ع فكره تقدري تخليه ف دولاب مفيش داعي ترمي الدبش🙂

شذى رفعت حاجبها ووسعت:تعالي انتي اختاري😒

رحاب ضحكت:لا خلاص براحتك

شذى ردت خذت فستان ماعجبهش بحتت ف فستان طلعاته وقعدت تبحت فيه وابتسمت

خذت من رحاب الفساتين اللي كانن طايحت ع الارض حطتهم ع سرير وحطت الفستان عليها:ههذا حلو🤤

رحاب انصدمت:ههذا عاري

شذى:ياربييي 🤦🏻‍♀️ تبي ككف صح مالا شن بتلبسيي محرمةة صلاه!؟

رحاب:فيه استر منه

شذى:هذا حلو.. وتوا اخترنا الفستان… اممم بما اني فانوشيستا ولا فاشونيستا 😂 ولا مندري عليه شن يقولو فيها انا اللي حنمكيجكك😶بس مش توا عشان مايسيحش توا خلينا نديرو تجهيزات العشا الرومانسي🤭

رحاب:نطلبو جاهز مش حنلحقو نطبخو

شذى:لا نلحقو بلا تنبله عليش التبذير😒..

رحاب:هههه بهه هيا

شذى ورحاب طلعو وخشو المطبخ..

ـــــــــــــــــــــــــــــــــــــــــــــــــــــــــــــــ
عند وليد..

كان قاعد ف الشركه متاعهه ويحكي مع موظف..

فجاءء حس بالدنياا تبرممم وصداع ف راسه يده ع راسه وغمض عيونه ..

الموظف مسكه :استاذ وليد كنك !!

وليد جمع توازنه: ااء نا كويس امشي جيبلي الملفات اللي قلتلكك عليهمم
الموظف مشى.. ووليد مشى للمكتب متاعهه وقمعز..

دق الباب وكان الموظف جايب الملفات حطهن عنده وطلع..

وليد خذا ملف وحاول يركزز..

ـــــــــــــــــــــــــــــــــــــــــــــــــــــــــــــــ
ع ساعه 6م..

رحاب كانت مصبيه قدام المرايه وتبحت ف روحـهها…

كانت لابسه فستان احمر قصير فوق الركبه.. ومن عند الصدر عاري ومن قدام مشبكك ومن الضهر فيه فتحهه 🤦🏻‍♀️

ودايره مكياج هادي زايدها حلاوه وطالقه شعرها ومستشورتهـ💗

رحاب بحتت ف شذى وحضنتها:شكرااا شذى لولالـك مقدرتش نلحق ع اي شي

شذى:غبيه مففيش شكر بيناتنا💗 حبيببت قلبي ربي يهنيكك وقوليليي بكرا شن حيصير 🤤😂

رحاب ضربتها ع كتفها وبعدت:تافهه😂

شذى ضحكت وخذت شنطتها ولبست وشاحها:بااي حيااتتي طالعهه سراج برا وبنتكي ع سجى حسني رايفتلهاا

رحاب:تمامم بااي حبي..

شذى طلعت ورحاب مشت طلعت من الدولاب اوراق مشت الصاله شافتت العشاء كاان ع طاولةة..

حست باالباب انفتح طفت الضي وقعد ضي الشموع وهاددي..

خش وليد ورحاب تقدمت منه وحضناته❤

🔥روايـــــــــــات مــــــــلاک العــــبــيـــــدي 🔥

رحاب بهمس: وليد انحـبك

بس بسرعه وليد دفها وبعد من عليها

رحاب طاحت ع الارض بحتت ف وليد بصدمه : وليدد كنكك

وليد حط يده ع رااسه: ببعددددي نككرههكك..

رحاب دموعهااا ينزلو:كنكك شن صااار ففيكك وين كلامكك امس ووين

وليد بحت فيها عيونه حمر:كلهه كذب نكرهـك عارفهه شن معنى نكرهكك معناهاا مش قادر نتقبلكك قدامي وولع الضي ومشى عند العشا طيح العشا كله

ورحاب قاعده ف تركينه وحاطه يدها ع وجهها صكرت وذنها من صوت

وليد:نرووح مانلقش ووجكك ههذا ف الجنااحح فااهمهه

رحاب صبت ودموعها ع خدها خذت الاوراق وخشت الغرفه وهيا تبككي رنت ع شذى..

شذى فتحت الخط وضحكت:ها شن صار

رحاب تبككي:شذى وصلتي عند سجى ولا

شذى نصدمت من صوتها:لا خلاص قريب نووصل كنه صوتك..

رحاب ببكا:تعاالي رددي خوذينني بسرعهه

شذى بخوف:ب بباههي اهددي شوي ونجيي..

صكرت شذى وبحتت ف سراج:سرااج بسرعه رد للفيلاا

سراج:ليش🙄

شذى:رد مشعاارفهه..

سراج غير الطريق ورد للفيلاا وبعد وقتت وصلوو..

شذى نزلت وخشت الفيلاا

وتجريي ..تحت استغراب هل وليد ..
شذى وصلت الجناح وفتحت الباب انصدمتتت من منظظر القزاز اللي متكسر..

مشت وخشت الغرفه لقت رحاب مقمعزه ع سرير وتبككي..

شذى قمعزت جنبهاا:كنكك شن صاار فهميني

رحاب حضنتها وهياا تبككي…

شذى حضنتها وهيا مش فاهمه شي..!

رحاب بعدت ودموعها ينزلو:مش عاارفه شن صارله مكنش طبيعيي 😭

شذى تهدي فيهاا:خلاص تعالي انتي
البسي عباايتكك وتعالي معايا

شذى مشت جابت عبايةة رحاب وعطتها لها لبستها بمساعده منها ولبست وشاحها وطلعتت نزلو وركبوو السيارهه..

سراج ولع السياره وهو مش فاهم شي🤷🏻‍♂️…

ـــــــــــــــــــــــــــــــــــــــــــــــــــــــــــــــ
عند شهدد..

كانت قاعده ف الصاله وشافتت رحاب نزلت ومعاها شذى وكان باين عليها تبككي..

ضحكت وصبت من جنب امها وباتها وخشت غرفتها رنت ع تهاني..

شهد:فااتك شكلهمم تعاركوو اصلا توا هيا طلعت وهيا تبكي وقبل اشوي وليد نزل وباين عليه متعصبب😂

تهاني ابتسمتت:ححلو بكل😉… توا انتي صككري نرن عليه..

شهد:ع من

تهاني ضحكت:ع وليد..وصكرت..

ـــــــــــــــــــــــــــــــــــــــــــــــــــــــــــــــ
عند وليد..

طلع وهو متعصب ولع السياره وطلع..
قعد يبرم ف شوارع..

سمع صوت تليفونه رفعه لقاها تهاني رد بسرعهه..

تهاني بصوت نعومي:اهلين وليد…

وليد: اهلا تهاني

تهاني: شنجووك وجو رحاب

وليد درس سيارته وتعصب: معش تجيبي اسمها

تهاني: ليش🤷🏻‍♀️

وليد:نكرهها😠

تهاني:به ااسفه خلاص

وليد:معش اتأسفي😕

تهاني:تمام منعطلكش تصبح ع خير😊

وليد ابتسم:وانتي من اهلل الخير..

تهاني صكرت وههيا تضحكك

تهاني:هه واخيراا 😁

ـــــــــــــــــــــــــــــــــــــــــــــــــــــــــــــــ
عند رحاب..

وصلت الحوش هلهاا…

رحاب غمضت اعيونها وخذت نفس ومسحت دموعهاا..

شذى لـ سراج:انت امشي انا قاعدههه غادي..

سراج هز رااسه ورحاب وشذى نزلو..

شذى سانده رحاب ورحاب اتحاول تخلي ف روحها قويه بس مقدرتش دموعها ينزلو..

دقت الباب وفتحت سجى

سجى انصدمت:كنكك

رحاب حضنت سجى وقعدت تبككي..

شذى صكرت الباب وخشت…

سجى: شن فيه ككنك تبكي..!🥺

رحاب بعدت من عليها وخشت الصالهه
سجى بحتت ف شذى:كنها

شذى:مشعارفه والله🥺

وخشن مع بعضهن..

رحاب فتحت باب غرفتها وصكرت ع روحها..

امها مصدومهه صبت ودقت الباب:رحاب حبيبتي كنك

بس رحاب ماردتش..

شذى:سيبوهاا بروحها تتبي وقت بروحها توا هيا

سجى:عارفه انتي صح ومتبيش تقولي

امها:لو عارفه قوليلي كنهاا بنتي

شذى تنهدت:والله مانعرف جيت لقيت نص مواعين مكسرات وخشيت عليها الغرفه لقيتها تبكي ومعرفتش كنها

🔥روايـــــــــــات مــــــــلاک العــــبــيـــــدي 🔥

ام رحاب انصدمت: راه يكون ضربها😨
شذى:لالا اكيده
ام رحاب ردت مكانها وهيا مشغوله ع بنتها..
سجى حضنت شذى وتنهدتت وهيا زعلانه ع حال اختهاا

ـــــــــــــــــــــــــــــــــــــــــــــــــــــــــــــــ
عند رؤوف..
كان قاعد ف غرفته ويتفرج ع تلفزيون..

بس فجااء خطرت عليه الممرضه اللي شافها!.

رؤوف هز راسه وهو يبعد افكاارهه

ـــــــــــــــــــــــــــــــــــــــــــــــــــــــــــــــ
عند وليد وصل الفيلا..

فتح الجناح شاف الاكل طايح ع الارض والقزاز اذكر اللي صار تعصب خش خذا دبش ونزل لـ غرفته القديمه..

ــــــــــــــــــــــــــــــــــــــــــــــــــــــــــــــــ
عند رحاب…
كانت مغمضه عيونها وراقده ع سرير ودموعها ينزلو وتبكي..!

سجى ادق ف الباب بسرعه:رحاااب افتحي ماما اغمي عليهاا

رحاب انصدمت وصبت بسرعه فتحت الباب..

سجى وشذى خشو وصكرو الباب

سجى:كذب ماما رقدت بس عشان تفتحي الباب كذبت☹️🌚

رحاب تنهدت ومش رقدت ع سرير :اطلعن بنقعد وحدي

شذى جت وتمددت جنبها وسجى دارت كيفها قعدت رحاب ف نص🌚

رحاب:اطلعن☹️

شذى:لا

سجى:مش طالعات احكي شن فيه

رحاب دمعت اعيونها:مفيه شي🥺💔

شذى:ععينكك كنكك وليد ممكن تفهميني كنه شن صار بعد نا مشيت

رحاب تبكي وبدت تحكيلهنن

سجى حضنتها:خلاص متزعليش🥺

شذى حضنتهن حتى نا 🥺

ـــــــــــــــــــــــــــــــــــــــــــــــــــــــــــــــ
فـي صباح يوم جديد 🌤..

عند تهاني…
ناضت وهيااا مبتسمه وحااسه بنشااط غريب..

غيرت دبشها وقمعزت ع سرير خذت تليفونها ورنت ع وليد…

وليد كان راقد ناض ع صوت تليفونه رفعه شافه تهاني رد..

تهاني:صباح الخير ❤

وليد اثاووب وقمعز:صباح النور 😍

تهاني:شخبـاركك نشالله منكونش نوضتـك من النوم..

وليد:تمام الحمدلله لا اصلا مكالمتكك جت ف وقتهاا

تهاني ضحكت:امم وليد

وليد:اعيونه..

تهاني:ليش رحاب خشت بيناتنا مش كنا حناخذو بعضنا وننخطبو🥺

وليد كشخ:كنت مجبور ناخذها بس خلاص انا حنطلقها..

تهاني:ومن بتاخد🥺

وليد ابتسم:انتيي

ـــــــــــــــــــــــــــــــــــــــــــــــــــــــــــــــ
عند رحاب..
ناضت وحاوولت تخلي روحها قوويه 🔥

مشت غرفةة سجى لقتها رااقده هيا وشذى مشت بهدوء وبخطوات بطيئه فتحت الدولاب خذت دبش من سجى وطلعت بحكم ان ماجبتش دبش كله ف غرفتها..

خشت الحمام ادوشت وطلعت جففت شعرها وداراته ذيل حصان..

وطلعت لقتهم كلهم ف صاله..

رحاب جت قمعزت جنبهم وبابتسامه:صباح الخير

البنات بحتن فيها وبابتسامه:صباح النور

ـــــــــــــــــــــــــــــــــــــــــــــــــــــــــــــــ
عند وليد..

كان قاعد ف حوش الجد..

وليد:كيف ماقلتلك معش نبيها

الجد:مش تواا ي وليد قلتلك خلي تمر 8 شهور اصبر 4 شهور اخرى

وليد:مععش نبيهاا كرهتهااا معش قادر نقعد معاها ف مكان واحد

الجد تنهد:باهي بس مش الايامم هذي خليها هيا عند حوش امها وبعدين يصير خير

وليد: باهي بنقولكك حاجه اخرى!

الجد: خير🤨

وليد: نبي تهاني

الجد نصدم: تهاني تهاني!!!.

وليد: اها ليش مش حتى انت كنت تبيها ليا ومن انا صغير

الجد: ا اهاا خلاص اليوم نحكي مع باتك وباتها ونقرو فاتحهه بعد اسبوع

وليد باس فوق راسه: ربي مايحرمنا منك❤

الجد ابتسم ووليد طلع …

ـــــــــــــــــــــــــــــــــــــــــــــــــــــــــــــــ
ع ساعه 7 م…
روحت شذى طبعا🤷🏻‍♀️..

رحاب تهدرز مع امها ومخليه نفسها طبيعيه..

🔥روايـــــــــــات مــــــــلاک العــــبــيـــــدي 🔥

سجى رنت تليفونها لقاته سراج.. شافت امها ورحاب كانن يحكن مع بعضهن نسحبت بهدوء وردت..

سراج:اهلين سجى.!

سجى:اهلا

سراج بدون تفكير: سجى بنقولك

سجى:نعم

سراج:نحبك❤

سجى انصدمت بحتت ف تليفون بصدمه وصكرت
ردت مكانها والصدمه مازالت ع وجهها!.

ـــــــــــــــــــــــــــــــــــــــــــــــــــــــــــــــ
عند سراج..
انتبهه لـ روحهه ونصدمم حتى هوو

سراج بصدمه:شن درت انا !..

ـــــــــــــــــــــــــــــــــــــــــــــــــــــــــــ

✨تـــــســـــريـــــــع للأحـــــــداث✨

بعد مروور اسبوع..

رحاب كانت تحاول تخلي ف روحها قويه بس هيا كانتت تعبانه من داخلهاا وتحااول تنسى وليد..

وليد كانن يحكي مع تهاني كل يووم واتفقو ع فاتحهه بعد اسبوعين..

سراج من بعد اليوم اللي اعترف فيه السجى كل ما يرن عليها ماتردش..

سجى كانتت مازال تحت تأثير الصدمه ومش مصدقه..

رؤوف الممرضه اللي شافها ف المستشفى مععش فاارقتت خياله ولا تفكيرهه..

ـــــــــــــــــــــــــــــــــــــــــــــــــــــــــــــــ
رحااب كانت راقده سمعت صوت ابكى طالع من الصاله..

ناضت وطلعت..

لقت سجى تبكي وامهاا..

رحاب بخوف وصدمه:ش شنن صاار

سجى:جدي توفى💔😭

رحاب بصدمه:ككيييييف شن تقولي انتي.. قمعزت وحطت يدها ع راسها وهيااا مش مصدقهه ككيف مات بدون مايعرف الحقيقه ويعرففف انها مضلومه ككيف مات وهو مش راضي عليها كيف..!

سجى:امشي البسي عباايتك حاي سرااج ياخذنا 💔😭

رحاب ناضت بخطوات مهزوزه ودموعها ع خدها…

مشت ولبست عبايتها وبعد نص ساعه جا سراج وطلعت سجى وامها ورحاب متوجهين للفيلا..

بعد وقت ف طريق وصلو…

رحاب وسجى نزلن من السياره وخشو الفيلا لقوها فيها ععرم صبايياا

شذى شافتهن جت حضنتهن الاثنين وقعدو يبكو..

ـــــــــــــــــــــــــــــــــــــــــــــــــــــــــــــــ
عند وليد…

ماكنش مصددق مووت جده ابداا !.

كان قاعد مصبي هو والشباب ويعزو فيه الناس وهو مش مصدق..

احمد لـ سراج:قوللهم يولعو قرأن..

وليد سمع كلمةة قرأن يدده قعدت ترعش واضايقق..

سراج مشى وولع القرأن

ووليد حاول يسيطر ع روحهه بس مقدرش عيط بصوت عالي وحط يده ع وذنه:طـفوووه طفوو

الناس تبحت فيه باستغراب وصدمه..
محمود قرب منه هو والشباب:وليد كنك!!

وليد :طفـــــوه

احمد:شن نطفووو وليد شن صارلكك..

صقر شااف وليد انسحب بهدوء وقعد يرن ع تهانني

وليد طول اغمى عليه من طوله 😨

#يتبع

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

 

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock