رواية زواج اتهامي الحلقه التاسعه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه التاسعه .. الكاتبه:ملاك العبيدي

جميع حقوق الطبع والنشر محفوظه

رواية زواج اتهامي الحلقه التاسعه .. الكاتبه:ملاك العبيدي

صقر بسرعهه نغزها بالموس ع جنبها وهيا طاحتت من طولها🔥..صقر بعد من عليها ونط من سور الفيلا..

وليد كان قاعد ويقرا ف الكتاب سمع صوت رحاب

وليد صبا:كـأن صوت رحاب بس من وين جااي..؟

قعد يمشي بأتجاهه الصوت وصل وانصدمم بالمنظر اللي شافهه😨

وليد:ر رححاب..مشى عندها وحط راسها ف حضنه:رحـاب ردي..مسكها ويبي يشيلهاا يده تعبت كلها دم..

طلع تليفونه وهو ماسكك رحاب رن ع شهد

وليد:شهد بسرعه جيبيلي عبااية رحاب ووشاح نا قاعد ف الجنان الخلفيي

شهد:ب بهه تماام..

وليد يبحت فيها وخايف عليهااا اشوي جت شهد وجايبه العبايه:ححي خيرها😳

وليد يلبس فيها العبايه:خخشي جوا ومتقوليش لحد شي..

شالها وقعد يمشي بيها لعند وصل مكان السيارات حطها من لاوره وركب وهو يسوق بسرعهه جنونيه وخايف عليها…

وصل المستشفى نزل من السياره فتح الباب شالها وخش بيها المستشفى….

جت الممرضه وجايبه البريله حطهوها عليها وخشو بيها غرفةة العمليات وليد قعد برا ودبشه ويده دم

رواية زواج اتهامي الحلقه التاسعه .. الكاتبه:ملاك العبيدي
عند سجى..

ناضت ومشت الباب تفتحه..فتحتت البابب ونصدمتت😨

سجى بعدت من ع الباب ماكانتش لابسه وشاح:ا اهلين سراج

سراج:اهلين سجى كلميلي شذى..

سجى:به تمامم..ردت الباب اشوي وخشت..

سجى:ووه عليا سراج🥺 قالكك هيا

شذى ناضت تلبس ف وشاحهها:ههي… لبست وشاحها وحضنت سجى قبل ماتطلع..وطلعت

سجى ردت مكانها ومشت اضم ف الحوسه…

ـــــــــــــــــــــــــــــــــــــــــــــــــــــــــــــــ
عند صقـر …
بعد طلع من الفيلا رن ع تهاني وهيا بسرعه ردت

تهاني:انت شن درت مش هكي اتفاقنا !!.

صقر مسح وجهه:مشعارف كيف نغزتها بالموس..

تهاني:تواا ااكيد حتقولل لـ وليد ونريحو فيها

صقر:لا بس قوليلي تعرفيش اي مستشفى مشوه..

تهاني:لا

صقر:باهي خلاص صكري توا نصرف..

صقر صكر من ع تهاني ورن ع وليد..
بعد مكالمتين رد

صقر: اهلا وليد

وليد باين من صوته ان مضايق:اهلا صقر

صقر:وينك انت نرن عليكك ماتردش

وليد:شي مغير صار موضوع

صقر:كنك احكي..!

🔥روايـــــــــــات مــــــــلاک العــــبــيـــــدي 🔥

وليد:انا قاعد ف المستشفى توا بعد نطلع نحكيلكك

صقر بسرعه:كيف اي مستشفى كنكك قولي نجيك

وليد:ف مستشفى ال…

صقر صكر ابتسم وركب سيارته ومشى شور المستشفى…

رواية زواج اتهامي الحلقه التاسعه .. الكاتبه:ملاك العبيدي

عند ولــيد…

كان قاعد يستنى ف دكتور يطلع ويطمنه ع رحاب بس ماحد طلع عند توا !..

قمعز ع كرسي وبحت ف ساعته توا لهن اكثر من نص ساعهه ومحد طلع..!

قعد اشوي ولمح صقر جاي من بعيد..

صقر وصل عنده وسلم عليه:كنك من عندكك هنا!.

وليد :رحـاب.. كنت فالجنان سمعت صوتها وهيا تعيط مشيت شور الصوت لقيتها طايحه و وشكله حد طاعنها بالموس ع جنبها

صقر بصدمه:من دار هكي

وليد حط يده ع وجهه ويمسح فيه:منعرففش توا لما تنوض نفـ.. وقبل مايكمل كلامه رن تليفونه بحت فيه:اشوي ونجي.. ومشى يكلم..

صقر قعد يفكر..شاف الدكنور طلع من الغرفه جاه

صقر:شن صار ف المريضه اللي جتكم توا ي دكتور😕🙂

الدكتور:من حضرتك

صقر:قريبها؟

الدكتور:هيا توا ناضت عقمنالها الجرح وخيطناه له الحمدالله ان الجرح كان صغير .. وحطينالها تغديه.. تقدرو تاخذوها وتشوفوها.. ومشى.

صقر بحت ف وليد لقاه مازال يكلم خذاها فرصه وخش الغرفه اللي فيها رحاب

رواية زواج اتهامي الحلقه التاسعه .. الكاتبه:ملاك العبيدي

عند وليد…

رد ع تليفون..:خـير

بات وليد:وينك انت مفهمتش شي من اختك كنها المصيبه شن داارت اخرى من عار!!.

وليد بنفااذ صبر:قاعدين ف المستشفى

بات وليد:بـه بعد تروح توا نفهم..

وليد صكر من عليه وقعد سرحان ويفككر ف رحاب ومن دار فيها هكي…

حط الفون ف جيبه ومشى شاف صقر مقمعز وماسك فونه..

صقر شافه صبا:الدكتور طلع راه قال ان تحسنت وتقدر تطلع🤷🏻‍♂️

وليد خش الغرفه تقدم منها لقاها تبكي والتغذيه ف يدها

رحـاب شافاته حاولت تهدى بس معرفتش

وليد قرب منها:رحاب اهدي وفهميني
رحاب زادت ف بكاها

وليد قرب منها وقمعز جنبها مسحلها ادموعها وبحنيه:معش تبكي وقوليلي كنكك من دار فيك هك!

رحاب قربت وحضناته ووليد انصدم من حركتها بس ماقدر يدير غير ان يبادلها الحضن..حضنها وشعور حلو متملكه تمنى متبعدش عليه تمنى ان يوقف الوقت ع اللحظه ههذي!..

بعدت رحاب من عليه وهيا ترجف
وايد:وتوا احكي من!

رحاب :مشعارفهه من مشفتاش عشان كان ضلام

وليد:به وانتي ليس طلعتي مش قلتلك اقعدي ف الجناح متطلعيش!..

رحاب:كنت عطشانه و ومفيش اميه عندنا ف المطبخ نزلت لوطه للمطبخ ناخذ وسمعت صوت ف الجنان الخلفي فتحت الباب لقيت حد شدني ومغطي فمي ولما حول يده ناديت عليك نغزني بالموس وبعدها معش حسيت بشي🥺

وليد ناض:باهي تقدري تمشي ولا نشيلك؟!

رحاب بأحراج وتوتر:اءء لا نقدر.. صبت وهيا تمايل ف مشيتها..كانت اشوي وحطيح جا وليد مسكها..سندها وقعدت تمشي معاه..

ـــــــــــــــــــــــــــــــــــــــــــــــــــــــــــــــ
اما صقر بعد ما خش وليد لـ رحاب طلع من المستشفى ورن ع تهاني…

تهاني ردت:ها شن صاار معاك؟.

صقر:انحل الموضوع😌

تهاني تنهدت بأرتياح: كيف حليته
صقر بدا يحكيلها…

👇🏻👇🏻

صقر بحت ف وليد لقاه مازال يكلم خذاها فرصه وخش الغرفه اللي فيها رحاب

لقاها مغمضه عيونها قرب منها لعند وصل عندها قرب من وجهها وونفخ فيه بهدوء

رحاب فتح اعيونها ونصدمت قمعزت بعد ماكانت راقده..

رحاب حطت مكانها ع جرح بألمم وتبحت ف صقر ودموعها ينزلو ع خذها…

صقر :تؤتؤ كنك تبكي مازال ماصار شي عشان تبكي عليه وفري دموعك لبعدين 😉

وقربب منها مسكها من يدها:تعرفي ي رحااب تفتحي فمكك بحاجه او تقولي ان انا اللي درت فيك هك او تجذبي سيرةة تهاني ف الموضوع حتترحميي ع وليد فاهمههه 🔥

رحاب تبكي وبألم:اها فاهمه سييبنيي
صقر بحت فيها وطلع من الغرفه وسيبها تبكي…

لقاه وليد مازال يكلم … طلع فونه وقعد يدز ف رسائل ل تهاني

رواية زواج اتهامي الحلقه التاسعه .. الكاتبه:ملاك العبيدي

عند رؤوف..

كان قاعد ف غرفته ويذكر ف ذكرياته مع رحاب مهما يكاببر بس مش قادر ينساها 🔥💔

فتح تليفونها وفتح الاستوديو كانت في صورو لـ رحاب ف اول ايام الخطوبه مصورها لها وهيا تضحكك

🔥روايـــــــــــات مــــــــلاک العــــبــيـــــدي 🔥

رؤوف تنهد ومسح الصوره 💔💔 شن لها لزمهه الصوره مادام قعدت لغيري وطلعت بنت مش كـويـ… اوفف🔥💔

ـــــــــــــــــــــــــــــــــــــــــــــــــــــــــــــــ
عند وليد ورحاب ..

وصلو الفيلاا وليد نزل وفتح لباب لرحاب وسندها عند وصلو للباب..

طلع مفاتيحه وفتح الباب ملقش حد ف صاله مشى وهو ساند رحاب

وصلو لجناحهم..رحاب خشت دارها وهيا تمشي بشويه خذت دبش بدلت بصعوبه ورقدت

ـــــــــــــــــــــــــــــــــــــــــــــــــــــــــــــــ

فـي صباح يوم جديد 🌤

رحاب تحكي مع امها ع تليفون..

امها:بااهي انتي كوويسه تواا لليش ماقلتيليي امس

رحاب تهدي ف امها:انا كويسه امس ماقدرتش روحت من المستشفى تاعبه ورقدت

امها:باهي خليكي ماتحركيش واجد واشربي اميه واجد جسمكك يحتاج اميه توا…انا توا نججيك بعدين انا واختك نطمن عليك..

رحاب:تمام🥺

امها:ديري بالكك ع روحكك …وصكرتت.

رحاب تنهدت صكرت من امها وحطت راسها ع مخده وغمضت اعيونهـا بتعب
.. لمست العقد اللي ف رقبتها كان هديه لها من باتها تذكر عطاها لها لما كان عمرها5 سنين مع ان ماعشتش معاه الا سنين معدوده💔 ومتذكرش الا ذكريات صغيره تمر عليها… كانت كل ماتحس بالضعف تمسكها وتحكي كأنهاا حد يسمع فيها..شن كان حيصير لو مامتش باتها شن كان حيصير لو كان عنها خو يقعد سندها 💔

هيا لو عندها خو يقوللها امسحي دموعكك ومعش تبكي ونا نضرب اللي زعلكك لو كان عندها اب يحضنها ويمسحلها دموعها ويقوللها حنجيبلكك حقك من كل حد زعلك لو بس💔😞

ـــــــــــــــــــــــــــــــــــــــــــــــــــــــــــــــ
عند وليد..

ناض الصبح ادوش ولبس ونزل ف جنان..

طلع للمكان اللي لقاه رحاب في طايحه وحاول يلقى اي اثر للي دار هكي بس مافـي شي🤷🏻‍♀️

مشى سأل الحراس اذا في حد خش قالو ان ماشافو حدد

طلع من الجنان وخش الفيلا لقاه باته جا عنده وقمعز

باته بحت في:امس رقدت وماقدرتش نحكي معاك قولي كنها المصيبه 😒

وليد خذا فنجان القهوه: امس،،،،،،،
“وبدا يحكيله”

بات وليد رفع حاجبه:من هذاا انا متأكد ان محد يقدر يخش الفيلا غير اللي نعرفوه واصلا وفي حراس برا ! 🤨

وليد:سألت الحراس قالو ماشافو حد خش ولا طلع🤦🏻‍♂️

وحط فنجان القهوه وصبا طلع للجناح ..

شاف باب غرفةة رحاب لقاها مصكره غير طريقه وخش غرفته..

رمى التليفون ع سرير وسلح الماليه متاعهه.. وخش غرفة الرياضه متاعه كان المنفس الوحيد له..”وليد كانت عنده باب ف غرفه متاعه يفتح ع غرفه ثانيه فيها معداته الرياضيه كلهن🤷🏻‍♀️“”

خش الغرفه وخذا كيس الملاكمه ويضربب بقووه وعروقه بارزات ووجهه قعد حمر
كلما يتمرن تمر عليه صورةة رحااب وقعد يضرب فكيس الملاكمه مرهه واثنين وكل مره تمر عليه صورةة رحاب يضرب بأقوى وقف وحط يده ع راسه بعصبيهه وبصوت عالي:خلااصص اطلعي من رااسي 😡 بعد يده من ع راسه وبحت ف كيس الملاكمه وبقوه ضربه وطلع وهوا حاس ان مش قادر يشفي غليله..

طلع من الغرفه وخش الحمام ادوش بميه مصقعه لعلى وعسى تطفيي النار اللي قاعده ف قلبه

ـــــــــــــــــــــــــــــــــــــــــــــــــــــــــــــــ

عند رؤوف…

ناض صبح بدل دبشه وطلع من غرفته..
لقاه امه وخواته ع طاولةة الفطور…

رؤوف جا باس راس امه وقمعز

رؤوف:وين باتي.؟

امل “اخته”: ف عمل

رؤوف هز راسه وكمل اكلـهه

امه:وين طالع من الصبح ي ولدي

رؤوف اذكر المستشفى واصلا هو ماقلش الأمهه عن موضوع مرضه:عند صاحبي

امل :مش جاي يعني انت ع غدا🤷🏻‍♀️

رؤوف صـبا :لالا مطول مرات نروح ف عشيه..

امه:قمعز كمل فطورك لاحق عليه صاحبك

رؤوف:لا الحمدلله سفره دايمه..وطلع ركب سيارته ومشى متوجهه للمستشفى..
وصل المستشفى واستغرب ان تهاني مش قاعدهه …
خـش غرفـة الدكتور وبداله ف العلاج

ـــــــــــــــــــــــــــــــــــــــــــــــــــــــــــــــ

ف العشيه..

جنن ام رحاب وسجى خشو الجناح فتح وليد وسلم عليهم وطلع..

خشو غرفةة رحاب لقوها متسطحه
>>لالا دائريه🌚 نبسر 🥺😂🙊

جت امها حضنتها ورحاب ححست لنها محتاجه الحضن ههذا

سجى مصبيه: باهي وانا🥺

رحاب فتحت يدها وسجى حضنتها وتضحك

امها بعدتها:اختك مريضه بعدي😒

سجى:ووه علليا مراايفتلكك😙

رحاب:حتى نا مرايفتلكم وحقربي❤

امها ابتسمت خذت الحفاظةة متاعت الاكل خشت الكوجينه حطتلها شربةة خضرة وطلعت…

رحاب شافت امها جايه وجايبه الاكل ابتسمت:عليش تعبتي روحك يما🥺

امها: مفيش تعب هذا اكل صحي يحتاجهه جسمكك توا..

رحاب شافت الشربه ابتسمت واذكرت لما وليد دارها لها ضحكت بخفه وقعدت تاكل..

سجى مقمعزه ع كرسي قدام الزيانه تفتش ف مكياج رحاب وادير طلعت روج عجبه لونه😂: رحاب بناخذه🙂

رحاب: خوذي راحتك بس مش واجد😂

سجى خذاته وصبت:خزي🙂

امها:بدال ما انتي قاعده ماده وجك هكي صبي ابرمي ع حوش واغسلي دبش اختك

سجى:يي جيت هنا بنفتك من الحوش وضمه نجي هنا ونضم لا واجد🥺💔

رحاب ضحكت:خليها ياماما براحتها

سجى شمرت كمومها:نبصر راه يا هبله 😒.. صبت وقعدت تلم ف الغرفه..

امها :قوليلي خواته وامه يضايقو فيك؟
رحاب اذكرت موقف امس وهزت راسها بـ لا

امها:ووليد؟؟

رحاب:لا والله كويس معايا

امها:باهي الحمدلله طمنتيني💗

رحاب حطت السفره جنبها ع دولاب الصغير تمددت ورقدت ع كتر امها خذت يد امها وحطتها ف شعرها وغمضت عيونها امها ابتسمت وقعدت تلعب ف شعرها…

سجى كانت قاعده تغسل ف دبش حطاته ف الغساله وولعت عليها وطلعت..

خشت الغرفه لقت رحاب متمدده ع ضهرها ومغمضه اعيونها وامها تلعب بي شعرها…

سجى قمعزت:ماما🌝

امها سرحانه:نعم

سجى تلعب بشعرها:بنقص شعري😙

امها انتبهتلها وبرفعة حاجب:تقصيه عند راجلك😒

🔥روايـــــــــــات مــــــــلاک العــــبــيـــــدي 🔥

سجى:هالرااجل اللي معش جا معطلني ع حاجات واجد😒 وبعدين شعري يطيح درهلي كبدي😩😂

امها: تحشمي يابنت وحتى لو تقعدي صلعه مش حتقصي شعرك🙄

سجى بتفكير:ما لو قعدت صلعه معش يقعد عندي شعر كيف بنقصه💆🏻‍♀️

امها:سجى🙄

سجى ضحكت:خلاص نبصر🙂

رحاب مغمضه اعيونها وتضحك بخفهه

وقعدو يهدرزو عند جت الساعه 9 م وروحو…

ـــــــــــــــــــــــــــــــــــــــــــــــــــــــــــــــ

عند تهاني…

كانت قاعده وتفكر ف وليد ابتسمتت بخبث ورنت ع صاحبتها..

تهاني:الو رغد شنجوكك

رغد:تمام وانتي

تهاني:تمام.. بنقولكك

رغد:نعم🙄

تهاني:نبي رقم اللي درتي عندها

رغد ضحكت:لـمن

تهاني:من غيره🙄

رغد:اوك توا نعطيكك رقمها مغربيهه راه وتاخذ ف فلوس واجد لو تبي نعطيكك وحده ثانيه رخيصه💆🏻‍♀️

تهاني:عادي يقولو الغالي سعره فيه😂عطيني الرقم..

رغد:تمام توا ندزه لكي ف مسج..

تهاني:تمام..وصكرت وقعدت تضحكك بخبث..سمعت صوت مسج جاها لقته رغد خذت الرقم وحفضاته عندها ترن عليه صبح..

ـــــــــــــــــــــــــــــــــــــــــــــــــــــــــــــــ

رحاب بعد طلعو هلها قعدت مقمعزه ع سرير وتألم من جنبــــها وتبكي بهدوء…
كانت كل الوقت ساكته بس بش متخوفش امها..

حست بالباب انفتح بس كارفهتش راسها وشافت من…

وليد قرب منها:رحاب؟

رحاب رفعت راسها ومسحت دموعها بسرعه:ن نعم

وليد شاف لدموعها اللي تحاول تخفيهم وضعف:كنك؟.

رحاب: شي بس الـم خفيف.

وليد قمعز جنبها:كيف.. باهي البسي عبايتك نشيلك المستشفى..

رحاب وهيا مطبسه راسها:لا ميحتاجش مستشفى توا ناخذ مسكنات بس..

وليد صبـا غمض عيونه يحاول يتحكم بمشاعره :بـاهي خلاص براحتك..وطلع…

رحاب حطت راسها ع مخده ومن كثر الوجع رقدت

اما وليد خش غرفته ومقدرش يرقد وهو يفكر فيها

ــــــــــــــــــــــــــــــــــــــــــــــــــــــــــــــــ
ف صبح..🌤
تهاني ناضت ادوشت ولبست جينز وبادي

قمعزت ف صاله وجنبها امها واختها…

امها:كيف عندكش عمل اليوم؟

تهاني:عندي بس عنديش نيه نمشي😕

اختها:شن المعنى هيا خليتوها تشتغل ونا لا وليش هيا عندها سياره ونا لا😒

امها:انتي طايشه

اختها:اننن🌝

تهاني اذكرت رقم المغربيهه

ناضت من جنبهم بسرعه وخشت غرفتها وخذت فونها وقعدت ترن ع رقم

تهاني:الـو

ـــــــــــــــــــــــــــــــــــــــــــــــــــــــــــــــ
عند رحاب…
ناضت غسلت وبدلت طلعت وهيا تحس ف روحها خير من امس..

خشت المطبخ وسمعت وليد يحكي بـ تليفونه طلعت وكرست ورا الباب وتسمع

#يتبع…

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

 

اترك رد

زر الذهاب إلى الأعلى