رواية زواج اتهامي الحلقه الثالثه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه الثالثه .. الكاتبه:ملاك العبيدي

جميع حقوق النشر والطبع محفوظه

رواية زواج اتهامي الحلقه الثالثه .. الكاتبه:ملاك العبيدي

في صباح يوم جديد…
ف حوش العيله…
طلع جدهم وعم رحاب وطلعت معاهم تهاني متوجهين للمستشفى

ف السياره…
عم رحاب يحكي وبعصبيه: والله لو طلعن التحاليل انها مش بنت حنقتلها وحنمسح عارها بيدي😡

ـــــــــــــــــــــــــــــــــــــــــــــــــــــــــــــــ
ف مزرعه
وليد ناض الساعه 9 ادوش ولبس خش المطبخ دار قهوه وشربها…

وقف قدام باب دار رحاب حط يده ع الباب وبيدق تردد…

غمض عيونه وعد من واحد للخمسه ودق الباب بس ماكانش فيه رد..

فتح الباب لقاها راقده..قرب منها وهزها بشويه عند ناضت…

وليد بعد شافها ناضت برم وجه وطلع:وتي روحك نص ساعه وجدي يبينا ف مستشفى

رحاب بصوت ناعس: عليش

وليد وقف وحط يده ع الباب ورفع حاجبه وباستهزاء:بيعرفو انك مازلتي بنت ولا 🤨

رحاب انصدمت والدموع تجمعن ف عيونها

وليد بعد شافها هكي طلع وصكر الباب
رحاب تبكي وقفت وخذت نفس :للدرجه هذي… بيديولي تحاليل…عادي يديرو انا متاكده من روحي.. مسحت دموعها وخشت الحمام وخذت دبشها وتلبس

ـــــــــــــــــــــــــــــــــــــــــــــــــــــــــــــــ
عند وليد…
بعد طلع من عند رحاب وجعاته باين من وجها البرائهه وان مستحيل ادير شي زي هذا بس كيف!!.

قعد يستنى فيها ف صاله عند طلعت وليد بحت فيها من فوق لـ تحت وطلع وهيا لحقاتهه

ـــــــــــــــــــــــــــــــــــــــــــــــــــــــــــــــــــ

ف مكان ثاني …
عند رؤوف..
تعالو نردو يوم الفاتحة…

رؤووف كان فرحان واخيرا حياخذ البنت اللي يحبها..

بعد صكر من رحاب مشى يجهز ف روحه ويشوف ف الحاجات اللي ناقصات عند امه عشان العرببب

ع الساعه 5 كانو رؤوف وعمامهم قاعدين ف شارع ويركبو ف سيارتهم..
وصل لـ رؤوف مسج ع شفره..
كان فيه..

” فاعل خير….
خوي حبيت انبهك انت اليوم فاتحتك وسمعت عن البنت اللي بتاخذها فوتها راه متاعتت شباب وتطلع مع شباب ودز ف صوره وهيا.. $🔞.. ولو مش متاكد افتح الفيس امتاعك وشوف الصور والفيديو اللي وصلوك…”

رؤوف نصدمم ومصدقش او بالاصح مستوعبش…!!!!

بسرعه خش ع الفيس وشاف الطلبات المراسله كلهن صور رحاب 🔞..

فتح الفيد مقدرش يكمله وتليفون طاح منه من الصدمه😳!!

قعد فتره يبحت ف الارض وهو يحاول يستوعب اللي شافه…

جا عنده باته..

باته:رؤوف هيا تاخرنا ع الناس

رؤووف:..!ويبحت ف تليفون

باته بحت لوطه لقاه فونه طايح طبس ع تليفون وخذاه وكان مفتوح ع فيد
باته بصدمه:شن هذا😳😡

..!طلع من الفيديو لقاه الصور.. حس انها وجها شايفه من قبل!!. بعد ما اذكر نصدم انها البنت اللي بياخذها لولده

🔥روايـــــــــــات مــــــــلاک العــــبــيـــــدي 🔥

باته بحت فيه وبعصبيه:قولي هذي خطيبتك صح😡

رؤوف استوعب وطبس راسه

باته بعد تاكد خش سيارته وخذا معاه التليفون ومشالهم والباقي عارفينه…

اما رؤوف خذا سيارته ومشى ع البحر قمعز ع شط ونزلت منهه دمعهه حااره💔

اذكر كل ذكرياته مع رحاب ومش مستوعب ان البنت اللي يحبها ادير هكي!!…

رواية زواج اتهامي الحلقه الثالثه

ف المستشفى….
وصلو رحاب ووليد..

رحاب اول ماخشت لقت عمها خافت منها وطبست راسه وعمها يبحت فيها بعصبية

جت تهاني من وراهم وهيا لابسه لبس الممرضات..

تهاني: هيا تعالي ي رحاب…

رحاب مشتلها بخطوات مهزوزه وخشت الغرفه…

ف الغرفه…

تهاني قمعزت رحاب ع السرير وقالتلها: اشوي تجي الدكتوره وتجي تكشف عليك.. ع خشت الدكتوره

تهاني:اهي جت.. ومشت للدكتوره وهمستلها والدكتوره هزت راسها ومشت لـ رحاب

تهاني طلعت من الغرفه ومشتلهم..

جدها استغرب: كنك طلعتي من عندها درتو التحاليل؟ 🤨

تهاني: لا تحاليل مرات يلخبطو وخصوصا الفتره هذي النتائج يطلعو سلبيه ومش صح..كلمتلها دكتوره نعرفها امتاعت نساء وهيا توا تكشف عليها وبالمره نتاكدو صح!.

جدها سكت ومشى قمعز ع كرسي..

بعد نص ساعه…

طلعت الدكتوره وتوجهت عندهم…

جدها وعمها صبو:ها ي دكتوره شن صار عندك!

الدكتوره باحراج :والله نا كشفت عليها وطلعت مدام!.

جدها:انتي متاكده

الدكتوره:اها والله ولو مش متاكدين تقدرو تكشفو عند دكتوره ثانيه

جدها:تمام بس ياريت اللي صار ماينحكش..

الدكتوره:اكيد نا هذي وضيفتي.. ومشت

عمها بعصبيه خش ع رحاب الغرفه ولحقه وليد

لقو رحاب تبكي عمها جا عندها وقعد يضرب فيها جا وليد وحز بيناتهم بعد باته وقعدت وليد وراه وماسكه ف ضهره بخوف وبكا

عمها بعصبيه:بعععد ي ولييد خليني نقتلها ونمسح عار اللي داراته😡

وليد:مش مبعد يا باتي استهدى بالله خلاص

عمها:دااارتلنا العاااار خلااااص😡بعد خليني نقتلها

وليد:البنت قعدت مراتي ومنقدرش نخلي حد يمسها ولا يقربها خلاص احسابها معايا نا مش انتم!

عمها وباته:تم وطلت من الغرفه ومن المستشفى كلها!…

🔥روايـــــــــــات مــــــــلاک العــــبــيـــــدي 🔥

اما وليد بعد منها ورمالها بنظرةة استحقار وطلع…

رحاب لبست عبايتها وطلعت وهيا تبكي روايات ملاك العبيدي… لقت وليد مصبي واول ماشافها طلعت طلع وهيا لحقاته…
مشو شور المزرعه وبعد حوالي ساعه وصلو..

وليد نزل ونزلته وراه رحاب.. خشو الحوش ووليد قمعز ع الصالون وهو حاط يديه ع راسه ويفكر

رحاب بتوتر: و.. وليد

وليد صبا وحطها ع ساس مسك وجها وبعصبيه: تحسابيني عشان دافعت عليك عند باتي انحبك او زعلان عليكي..لالا انا نبي نعاقبك ع طريقتي.. وتوا خشي غرفتك ومتطلعيش منها الا لما اناديكي فاهمه😡

رحاب ودموع فعيونها:ف فاهمهه.. وليد طلقها وهيا خست دارها وصكرت ع روحها…

رواية زواج اتهامي الحلقه الثالثه
ف حوش العيله…
خش عمها وهو معصب اما جدهم كان ف صيدليه يجيب ف باقي ادويته

ام رحاب جت عندهم وهيا خايفه:ها شن قالولكم

عمها بعصبيه:طلعت مش بنت الفاجره 😡

ام رحاب بدت الدنيا تبرم فيها وهوووبب طاحتت

سجى شافتها جرت عندها وهيا تبكي
شذى مشت تجيب ف ميه بش تنوضها بس مانضتش

عمها مشى وطلع متوجهه لفيلته ولا كأن شاف حاجه

بدت سجى تعيط بصوت عالي وخايفه ع امها…

برا كان قاعد سراج سمع صوت العياط خش ونصدم بعد لقاه منظرهم هكي

سراج قرب: كنها عمتي

سجى تبكي:ماما شيلوها المستشفى معنديش غيرها ماما حتموت😭💔

سراج:تمام لبسوها عبايتها ولعند مانقرب السياره

شذى تبكي ومشت وجابت عباية سجى وعمتها

لبيت سجى عبايتها ولبست امها ونوضتها هيا وشذى عشان كانت خفيفه وصلوها وحطوها ف سياره..

خشت سجى السياره وحطت راس امها ع كتفها وتبكي

سراج كان يبحت فيهم من المرايه ومتوتر وخايف عليها

سراج:خلاص معش تبكي اهو قريب نوصلو المستشفى

سجى سكتت وهيا تحاول تكتم شهقاتها
بعد نص ساعه وصلو المستشفى حطوها ع بريله وخشو فيها الغرفه..

سجى قعدت برا وخايفه وتبكي ع امها خايفهه تخسرها وهيا معندهاش حد غيرها معندهاش سند غير امها💔😭

سراج قرب من سجى وهو يحاول يهديها بس مابتش تسكت…

سراج: سجى خلاص صدقيني امك مافيها شي

سجى تبكي: لاالا طاحت علينا هيا💔😭 منبيش نخسرها😭وقعدت تخترف ف دوه من كثر ما هيا خايفه

سراج كان قلبه مقطع عليها بس معرفش كيف يسكتها

طلع الدكتور من الغرفه جت سجى تجري هيا وسراج

سراج: ها طمنا ي دكتور

الدكتور: لا متخافوش مفيهاش شي بس الظغط والسكر كان راقي عليها وشكلها مش وكله شي لها فتره بس حاولو تخلوها تنتظم ع ادويتها ومحتاجه تغديه اكويسهه

سجى: الحمدلله باهي نقدر نخش عليها

الدكتور: اها تقدرو..ومشى

سجى خشت هيا وسراج لقت امها نايضه وحاطيلها تغديه

سجى خذت كرسي وقمعزت جنب امها مسكت يدها وباستها:الحمد الله انك نضتي كنت خايفه عليكي😭

امها ابتسمت بخفيف: من جابني

سراج: انا هنا😂

امها ابتسمتله: تعال

سراج: الحمدلله ع سلامتك ماتشوفي شر

امها: تسلم

سراج بحت ف سجى: خلاص توا ي بكايه😂تعرفي ي عمتي البيبي الصغير مايديرش الخبر اللي داراته😂

سجى كانت منحرجه منه

امها ضحكت:سلم بنتي ي ربي💋

سجى ابتسمت وصبت: هيا ماما تصبي

امها تحركت وبمساعده من سراج وسجى صبت وسجى قعدت ساندتها عند وصلو السياره

سجى:سراج معلش تعبناك بس وصلنا حوشنا مش حوش العيله

🔥روايـــــــــــات مــــــــلاک العــــبــيـــــدي 🔥

سراج:تي عيب ي بنت العم مفيش تعب
وبعد نص ساعه ف طريق وصلو الحوش ونزلتها سجى وخشو مع بعضهم..

امها هنا اذكرت كل شي وكيف ان بنتها طلعت مش بنت؟ 💔💔

قمعزت ع صالون وتبكي وبقهره: اااه انا شن درت فيها بش تجازيني هكي وتنزل راسي بين الناس وتخلي الكل يشمت فيا😭

سجى تبكي:بس ي ماما معش تبكي مش كويسه لصحتك الدكتور قال

امها تبكي ومش مستوعبه اللي دارته بنتها!!!

ـــــــــــــــــــــــــــــــــــــــــــــــــــــــــــــــ

ف مكان ثاني عند تهاني…

بعد روحو هلها من المستشفي هيا قعدت بحكم ان عندها دوام

خشت ع مكتب الدكتوره اللي كشفت ع رحاب وهيا تضحك

قمعزت ع كرسي متاع المكتب: واخيرا تي والله ندمها الرخيصه هذي😂 انا تاخذ مني وليد

الدكتوره: بعد هذا كله حسيت بالذنب كيف قلت ان هيا مش بنت وهيا بنت☹️

تهاني: يااي بتتقمسي دور الطييه ميمشيش معاكي ع اساس مش مدايره اشر من هذي تي كنتي تقتلي ف حالات يجوكي 😂وضحكو مع بعضهم

تهاني صبت: من اليوم بدت لعبتي😉

طلعت من المكتب وبدون ماتحس خبطت بحد..!
تهاني:….😨؟؟؟.
ـــــــــــــــــــــــــــــــــــــــــــــــــــــــــــــــ
عند رحاب ووليد…

رحاب من اول ماخشت الدار وهيا مصكره ع روحها وتبكي كيف وهيا متاكده انها بنت وهيا متاكده ان مفيش حد لمسها😭💔 مفيش حد مصدقها..

سمعت صوت وليد وهو ينادي عليها..
رحاب طلعت ومطبسه راسها

وليد: من اليوم عقابك حيكون………..قاطعه رن فونه بحت فيه باستغراب ورد

#يتبع…

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى