رواية زواج اتهامي الحلقه الثانيه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه الثانيه .. الكاتبه:ملاك العبيدي

جميع حقوق النشر والطبع محفوظه

رواية زواج اتهامي الحلقه الثانيه .. الكاتبه:ملاك العبيدي

خشت عليهم امها وتبكي: توا بتنقرى فاتحتك ي رحاب ع وليد

رحاب بعدت ع اختها وبصدمه: ك كيفف و رؤوف… رؤوف مستحيل يسيبني

امها بحتت فيها بنظرت اسى: جهزي دبشك تنقرى فاتحتك وبياخذك…وطلعت

رحاب بمجرد ماطلعت امها قعدت تبكي وصوتها قعد يعلى
اختها كانت زعلانه عليها ومقدرتش ادير شي غير ان تشاركها الدموع

🔥روايـــــــــــات مــــــــلاک العــــبــيـــــدي 🔥

ـــــــــــــــــــــــــــــــــــــــــــــــــــــ

طلعو الرجاله م الحوش وعمهم كان معارض زواج ولده ع رحاب ودار مشكله بس ف نهاية كلمة الجد هيا اللي تنسمع
مشو الجامع وقرو الفاتحه وقعدت رحاب مرات وليد

وصلو الحوش كلهم ووليد قعد برا ف سياره يستنى…

حط راسه ع دومان وهو يفكر ومقهور من جوا بنت عمه تنزل راسهم ف الارض بس ماقدرش يدير شي غير ان يوافق…

سمع تخبيط القزاز متاع السياره ويدق بقوه تلفتت لقاه صقر فتحله الباب وخش

صقر بسرعه:صاح اللي سمعته انك خذيت بنت عمك

وليد رفع راسه وبرفعة حاجب:صاح🙄

صقر يحاول ميبينش القهر اللي ف داخله:كيف بتاخدها ولقيتو صورها مع واحد

وليد بعصبيه:صقر احترم نفسك مهما كانت معزتك عندي متحكيش ع بنت عمي هكي ومتنساش انها قعدت مراتي

صقر طلع م السياره وبصوت عالي:تم م اليوم لا انت لا صاحبي لا نعرفك😡..ومشى

وليد رد للسياره وهو معصب ومستغرب تصرفاته قطع تفكيره صوت تليفونه وهو يرن رفعه لقاه جده

جده:اسمع نا حكيت مع باتك تعصب وانت عارف بصعوبه وافق ع زواجكم حلف ان رحاب ماتخشش حوشه..
وتيتلكم المزرعه توا انت تجي عند مكتبي تاخذ مفتاح المزرعه تمام خلوكم فيها يوم ثلاته عند لما نقنع باتك

وليد تنهد:تمام..صكر من ع جده ونزل من السياره متوجهه للفيله

ـــــــــــــــــــــــــــــــــــــــــــــــــــــــــــــ

عند رحاب…

بصعوبه قدرت تلم دبشها بمساعده من اختها

كملت تجهيز دبشها وطلعت من الدار لابسه عبايه ووشاح ووجها شاحب من البكا

رحاب بدموع:باهي وين ماما نسلم عليها قبل مانطلع 🥺

سجى بتوتر:م ماما ف دار اكيده راقده

رحاب طبست راسها وكأنها عرفت مشت وهيا تجر ف شنطة دبشها وراها ومطبسه راسها ودموعها ع خدها 💔🔥

رفعت راسها لقت وليد يحكي مع جدها طبست راسها وتحس انها مش قادره تحط عينها ف عين جدها…

طلع وليد وطلعت وراه فتحت باب السياره اللي لاوره وركبت فيه حرك السياره وبدون ولا صوت

ـــــــــــــــــــــــــــــــــــــــــــــــــــــــــــ
ف الفيلا وتحديدا عند تهاني

خشت غرفتها وتكسر ف عطورها وحاجاتها وهيا متعصبه…

شهد بنت عمها تحاول تهديها:خلاص ي تهاني

تهاني وقفت وبعصبيه:شن الفرق بيني وبينها بيش ياخذها هيا ويعرف اني نحبه وحتى جدي مسميني له ومن انا صغيره😡

شهد: مفيش فرق بعدين هيا وحده $&..واكيد جدي اصر ع وليد انها ياخذها عشان يستر عليها قدام الناس بس

تهاني قمعزت :والله ماحنخليها اتهنى فيه وكان مافرقتهم مايقعد اسمي تهاني

ف اللحظه هذي دق باب الغرفه وخشت اختها شهد..

شذى انصدمت بعد شافت غرفتها هكي😳

تهاني صبت:ها شن تبي

شذى انتبهت:جدي يبيكي😐

تهاني باستغراب:شن يبي فيا

شذى هزت كتفها:منندريش قالي امشي ناديلي تهاني…

تهاني:به نغسل وجي ونجيه😒

شذى خزت راسها وطلعت

تهاني:شن يبي فيا المخرف هذا😒

شهد:امشي شوفيه وتعالي

تهاني صبت:ايوه.وطلعت

ــــــــــــــــــــــــــــــــــــــــــــــــــــــــــــ
عند شذى وسجى…

شذى بعد طلعت من عند اختها مشت عند سجى ف الصاله

شذى قمعزت وقعدت ساكته

سجى سرحانه والحزن واضح عليها

😓سجى:انا متأكده ان في ان ف الموضوع متأكده رحاب مستحيل ادير هكي

شذى بحزن:صح كلامك حتى نا قلت مستحيل ادير هكي بس بابا وعمي قالو ان شافو صور وفيديو يعني وجه رحاب

سجى:نحنا توا تطورنا وفيه فوتوشوب يعني يقدرو ياخذو صورة رحاب ويركبوها ع صورة ثانيه💔 انتي ماشفتيش ماما ماما مقدرتش حتى تودعها ومصكره ع روحها من الصبح..مقدرتش تكمل وبكت😓

شذى صبت وقمعزت جنبها وحضنتها وهيا تهدي فيها

شذى اخت سراج وتهاني:صاحبة سجى من الطفوله سمره وعيونها لونهم قهوي ارقيقه وشعرها طويل واسود م 2001

🔥روايـــــــــــات مــــــــلاک العــــبــيـــــدي 🔥

بعد هدت شذى عطتها اميه وحاولت تحكي معاها وتغير جوها

شذى:نبي نغير دبشي والمشكله مش جايبه معايا شي🤦🏻‍♀️

سجى:حتى نا جدي قال محدش يطلع من الحوش عند بكرا بس عادي نستحملو عند الصبح🤦🏻‍♀️

شذى صبت ومسكت يد سجى وصبته:هيا نطلعو للجنان اشوي ونردو🙂
سجى:به هي حتى نا مضايقه…وطلعن

ــــــــــــــــــــــــــــــــــــــــــــــــــــــــــــ
عند الجد وتهاني…

تهاني دقت باب مكتب جدها وخشت
جدها:تعالي ي تهاني قمعزي

تهاني قمعزت ع كرسي اللي قدامه
جدها:طبعا اكيده عارفه الموضوع وعارفه كل شي صح

تهاني هزت راسها

جدها:منبيش الموضوع ينفضح اكثر نا بندير تحاليل ل بنت عمك بنعرفها بنت ولا……
ومدام انتي ممرضه بكرا حتمشي معانا بش ديريلها التحاليل ونقعد ضامن ان الموضوع مش حينفضح اكثر

تهاني:تمام جدي

جدها:تمام توا امشي ارتاحي ربي يرضى عليك

تهاني طلعت وهيا مبتسمه وتفكر🔥

ــــــــــــــــــــــــــــــــــــــــــــــــــــــــــــ
عند سجى وشذى ف الجنان…

شذى:تذكري زمان لما كنا صغار درنا سباق جري نا وانتي ونا طحت وتكسرت 😭😂

سجى ضحكت:وجا جدي يحسابني نا طيحتك😂

شذى: ذكريات😂

سجى ابتسمت وبحتت ف سما

شذى لمحت سراج جاي شورهم

سجى انتبهتله حطت الوشاح ع راسها وخصلاتها متنثرات ع وجها وضي القمر عاكس عليها

سراج:اووووي بنت العم🌚

سجى:اهلين

سراج:شنجوك شن دايره

سجى:الحمدلله

سراج ابتسملها وبحت ف شذى:صبي ديريلنا قهوه🌚

سجى:من يبيها

سراج:الشباب هيا صبي

شذى صبت ومعاها سجى ومشو شور المطبخ

سراج قعد ف الجنان وقمعز يستنى فيهم..

سراج:رايحه كبيره وطرف الفرخه🌚😂

قعد يستنى فيهم عند طلعت شذى وعطاته القهوه

ــــــــــــــــــــــــــــــــــــــــــــــــــــــــــــ

عند رحاب ووليد مازالو ف طريق بحكم ان المزرعه بعيد هلبا عليهم💁🏻‍♀️

رحاب حطت راسها ع قزاز السياره وهيا تشوف ف السما ونجومهاو بدون ماتحس رقدت بعد كان يومها كله متعب

وليد بحت فيها من المرايه وبعدين رد نضره للطريق كان وجها وهيا راقده كله برائه بس بسرعه بعد تفكيره بعد عرف الحقيقيه

وليد ضحك ضحكه جانبيه وف باله: البنات كلهم رخاص وكيف بعضهم😏>>>>>ونا نقول الوليد صوابع يدك مش نفس بعضهم💁🏻‍♀️🌚

بعد نص ساعه ف طريق وصلو..

وليد نزل م السياره وكان يفكر كيف يوعيها وهيا راقده فتح الباب بشويه وحط يده وهزها بشوي

رحاب فتحت اعيونها وبحتت ف وليد بعدها بحتت ف سياره واذكرت كل اللي صار

وليد:هيا وصلنا..

نزلت من السياره وخذت شنطتها ومشت ورا وليد خشو المزرعه ووليد فتح باب الحوش اللي جوا وخش وخشت وراه رحاب…

طبعا هذي مش اول مره يخشولها كانو كل تجمعات العيله ف مزرعه هذي..

رحاب خشت غرفتها اللي كانت كل ماتجي المزرعه هذي تقعد فيها خذت دبشها من الشنطه وخشت الحمام تدوش صبت تحت الميه ودموعها تخلطن مع قطرات الميه اللي ينزلو ع وجها💔🥺

قعدت تبكي وصوت بكاها علا حطت يدها ع فمها وهيا تمنع صوتها يعلى اكتر💔قعدت تبكي تحت الميه عند هدت
لبست دبشها وطلعت

كانت لابسه توته ورديه مشت ع المرايه جففت شعرها ومشت حطت راسها ع سرير ورقدت

ــــــــــــــــــــــــــــــــــــــــــــــــــــــــــــ

اما وليد اذكر كلام جده امبدري

بعد نزل وليد من السياره خذا من جده المفتاح وقبل ما يمشي
جده: بكرا تنساش موعدنا ف المستشفى الساعه10
وليد رفع حاجبه: عليش🤔
جده: بنتاكدو ان البنت مازالت بنت ولا
وليد طبس راسه وطلع….

………
تنهد ومشى خش داره ورقد…..

ــــــــــــــــــــــــــــــــــــــــــــــــــــــــــــ

#يتبع…

توقعاتكن شن حيصير من احداث

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى