رواية زواج اتهامي الحلقه الحادية عشر .. الكاتبه: ملاك العبيدي | القلم الناجح
روايات ليبيه كاملة

رواية زواج اتهامي الحلقه الحادية عشر .. الكاتبه: ملاك العبيدي

جميع حقوق الطبع والنشر محفوظه

رواية زواج اتهامي الحلقه الحادية عشر .. الكاتبه: ملاك العبيدي

وليد كان بيحكي قاطعه رن التليفون..
رفعه ورد بسرعه..

وليد:الو
:…..……………

وليد بصدمه:كيف!!.باهي اهدي توا نجي ..

خش غرفته وخذا مفاتيحه وطلع..
وسيب رحاب واقفه ف مكانه ومحتارهه وف نفس الوقت مصدومه!.
رحاب قمعزت وحطت يديها ع وجها: م منن هذي

ـــــــــــــــــــــــــــــــــــــــــــــــــــــــــــــــ

عند وليد…
طلع من الفيلا وركب سيارته ولعها وقعد يمشي بسرعهه جنونيه..

وصـل لـ منطقه بسيطه وشوارعها ضيقه..
درس السياره بعيد اشوي مقدرش يقربها لان الشوارع ضيقه وسيارته كبيره…

قعد يجري لعند وصل لـ حوش صغير..
دق الباب وفتحتله مرا متحجبه والدموع ينزلو من عيونها

وليد خش الغرفه لقاه طفل صغير عمره حوالي “5 سنينن” راقد ع سرير ومغمض عيونه..

شاله بخفه وطلع لقاه ” اروى ” قدامه..

اروى تبكي:نبي نمشي نبي نطمن ع ولدي😭

وليد:متخافيش مش حيصير شي انتي اقعدي هنا وبعد نوصل توا نطمنكك عليه..وطلع..

قعد يمشي ويسرع بخطواته لعند وصل السياره حطه لاوره وصكر الباب وركب السياره وقعد يمشي بسرعهه ..

وصل المستشفى نزل من السياره فتح الباب وخذاه خش المستشفى وقعد يجري بالطفل..

جو الممرضات وخذوه منه وخشوه الغرفه…

وليد تنهد وقمعز ع كرسي وقعد يستنى..

ـــــــــــــــــــــــــــــــــــــــــــــــــــــــــــــــ

عند سجى وشذى…

شذى جابها سراج وقعد برا بالسياره
خشت شذى وسلمت ع سجى وخشن يهدرزن…

سجى:تعالي نديرو حاجه ساخنه نشربوها ونديرو بيتزا 😂🥺

شذى صبت:هيا😂🤤

سجى صبت هيا وشذى وخشن المطبخ…

سجى ادور ف الدقيق وتحكي مع شذى:امم شن جو سراج

شذى سخنت الميه:قاعد برا

سجى وقفت وبرمت عليها وبصدمه:كيف برا قصدك برا ولا برا برا

شذى تضحك:برا برا قدام الباب

سجى جت عندها:ليش قصدي ليش مادخلتيه المربوعه.. 😳

شذى:قال ان انتم بنات بروحكن وهكي ف قال يقعد برا يطمن علينا ويقعد ف سياره

سجى بسرعه طلعت وشذى لحقتها:هياا بسرعه رني عليه قوليله يخش المربوعه..

شذى:ليش🌝

سجى: خليه يخش شن حراام بيقعد برا 🌚
شذى خذت فونها وضغطت ع رقم سراج ورد..

شذى:حـياتي🥺

سراج ضحك:نعم

شذى:تعال ف مربوعه🌝

سراج فتح السياره ونزل:ليش شن فيه..

شذى:شي تعال ف مربوعه بس🤦🏻‍♀️

سراج صكر ودق الباب..

شذى فتحتله وخششاته المربوعه وسجى تبحت فيه من بعيد..

سراج:ياساتر كنك😂

شذى حطت يدها ع جنبها: اقعد هنا😒

سراج:عليش😐

🔥روايـــــــــــات مــــــــلاک العــــبــيـــــدي 🔥

شذى:حطت يديها ع بعضهن وكتفتهن وتبحت فيهن:هذي ي حن مش ي حنه ي حن سجى سألـت عليك وقلتلها بـرا قالتلي دخـلـ…

سجى بصوت عالي:شــــــــــذى

شذى ضحكت:عموما اقعد هنا اي حاجه تبيها ضبح عليه ولا رن..

وطلعت لقت سجى قدامها وتبحتلها بـ نظرةة شر

شذى هزت راسها بـ لا وقعدت تجري وسجى وراها

سجى:ي كلبهه قلتلك ماتقوليلاش😭

شذى تجري وتضحك:الله غالب صدري ضيق 🌚😂😂

سجى وقفت وخذت نفس:حقيرهه.. وخشت المطبخ..

شذى ضحكت بصوت عالي وخشت معاها المطبخ…

دارن شاهي وبيتزا وحطن السراج عطلهوله وطلعت وهنا يحكن ويهدرز قعدن ف الصاله…

ـــــــــــــــــــــــــــــــــــــــــــــــــــــــــــــــ
عند صقر…

كام قاعد ف فيلا متاعه ويفكر ف ميةة فكرهه

صقر خطرت ف باله فكره ابتسمم:لازم انفذها بأسرعع وقت

خذا تليفونه ورن ع تهاني…

صقر:اهــلا

تهاني بملل:اهلين

صفر:خطرتلي خطه انتي تخلي وليد يقعد معاكي ويحبك ونا نخلي رحاب ليا

تهاني قمعزت وبحماس:شن هيا..

صقر: “……..………………………….”

تهاني بصدمه:كيف😳قصدي كيف تبينا نديرو حاجه كيف هكي..شوف صقر انا صح ساعدتك وعطيتك صور رحاب وساعدتكك تزوور الصور وساعدتكك بعرم حاجات بس حاجه كيف هذي مستحيله😳

صقر:قصدي صح الخطه فيها مخاطره شوي بس صدقينني حتجيب نتيجه..اسمعي انتي فكري وقوليلي نستنى فيكك

تهاني صكرتت وتفكر.. هيا صح نفس ماقال صقر ان الخطه فيها مخاطره ومرات ننكشف بس مرات تجيب نتيجه!..

ـــــــــــــــــــــــــــــــــــــــــــــــــــــــــــــــ

عند وليد..

طلع الدكتور من الغرفه جا وليد يجري:ها شن صار ي دكتور

الدكتور:شن يقربلكك.؟

وليد بسرعه: ولد صاحبي..

الدكتور:هوا توا كويس كان فاقد النفس انت كيف ماعارف عندهه القلب وشكله كان يجري او هكي وقفله قلبه.. بس قدرنا نلحقو عليه.. حنخلوه تحت الملاحظه اليوم نطمنو عليه وبكـرا تجي تاخذه

وليد:تمام شكرا دكتور…

الدكتور مشى ووليد طلع من المستشفى وهو يذكر ف الي صار قبل سنتين

وليد كان طالع هو و”محمد” صاحبه للاستراحه .. كانو الشباب يرجو فيهم غادي..

وليد:اسرع شوي 😐

محمد ضحك وبحت فيه: تبينا نديرو حادث مازال عندي ولد نبي نـربـ…

وبسرعه جت سياره من الجنب وخبطت محمد…

قدرو يسعفو وليد ومحمد..

وصلو المستشفى وحطوهن الاتنين ع بريلهه وليد كاين نايض وفيه جروح خفيفهه وكسور بس… اما محمد كااين منتتههي

الدكتور يعالج ف وليد ووليد يبعد في:انااا كويس امشو شوفو محمد

الدكتور:خليني نجبرلك يدك ي استاذ وليد محمد قاعدين يعالجو فيه..

وليد حطله يده وهو ناادمم ويفكر ف صاحبه…

الممرضه دقت الباب:المريض برا يبي وليد..

وليد بسرعه طلع وهو يعرج ع كراعه لعند وصل عنده..

محمد بعد متاعت التنفس ويحكي بمتقاطع:اححوح ولي د وو ولدي ومراتي امانه عندك…

وفجاءء داار جهاز القلب صوت عالي واصكرت عيونه..
…..………
وليد ناص من سرحانه تنهد بحزن وحرك سيارتهه

رنت عليه اروى طمنها وصكر…

وصل الفيلا درس سيارته ووصل الفيلا ركب فوق…

فتح الجناح متاعه لقاه رحاب تستنى فيه…

وليد مقدرش يحكي شي بحت فيها وخش غرفته

رحاب تنهدت وخشت الغرفه متاعتها…

ـــــــــــــــــــــــــــــــــــــــــــــــــــــــــــــــ
عند تهاني…

رنت ع صقر وبسرعه رد..

تهاني:اوكك موافقه ع كلامك بس قبل خليني نفذ خطتي كان ماجبتش نتيجه نجربو خطتك🤷🏻‍♀️

صقر:شن هيا

تهاني:السحر 😉

صقر:به امتى بتنفذيها..

تهاني:بعد شهر..

صقر بسرعه:واجد بعد شهر😳

تهاني:هذا اللي عندي🤷🏻‍♀️

صفر:بااهيي تممامم..

ــــــــــــــــــــــــــــــــــــــــــــــــــــــــــــــــ
عند سجى..

خشت الغرفه حطت الفرشات ع الارض وتمددت هيا وشذى وقعدو يهدرزو..

شذى اثاوبت: نا نعست🥱

سجى:تصبحي ع خير احلام بقره سعيده😁

شذى: وانتي من اهل الخير😂

سجى غمضت عيونها وصورت سرااج قاعدهه ف بالها…
ـــــــــــــــــــــــــــــــــــــــــــــــــــــــــــــــ
في صباح يوم جديد 🌤..

عند رحاب…

ناضت ادوشت وبدلت دبشها وطلعت تبرم ع حوش…

لـمتت الحوش وخشت المطبخ دارت قهوه وطلعت…

لقت وليد طالع من غرفته ومقمعز ع صالون…

قمعزت ومحكتش معاه ولا كلمهـ

🔥روايـــــــــــات مــــــــلاک العــــبــيـــــدي 🔥

وليد بحت فيها وتنهد رحاب خذت تليفونها وحولت تشغل نفسها بيه بس كان التليفون يطفى ويولع بروحه🤦🏻‍♀️..

رحاب اذكرت اخر مره وليد عزقه ع ساس لما سمعها تكلم ف رؤوف..
تأففت وعزقاته قدامها…

وليد شافلها:كنه😕

رحاب:خاربب

وليد هز راسه وقعد سرحان…

ــــــــــــــــــــــــــــــــــــــــــــــــــــــــــــــــ
عند رؤوف…

كان عنده موعد اليوم المستشفى…
ناض بدل دبشه وطلع فطر مع هله ومشى للمستشفى..

وصل لقاه تهاني تحكي مع الممرضه بعد شافاته نسحبت منه وجت عنده

تهاني:صبحنور

رؤوف:صباح الخير…

تهاني: هيا نخشو نبدو ف العلاج🤷🏻‍♀️

رؤزف:تمام…

وخشو غرفة الدكتور…

ـــــــــــــــــــــــــــــــــــــــــــــــــــــــــــــــ
عند سجى…

ناضت بحتت جنبها لقت شذى مازال راقده…

ضحكت ع منظرها كيف راقده😂

وصبت خذت دبش من الدولاب وخشت الحمام ادوشت وطلعت

خلت شعرها مطلوق يجف وطلعت…
صبت كباية اميه ومشت لـلغرفه اللي فيها شذى

سجى تهز فيها:شذى نوضي🌚

شــــذى طيح سعدكك نوضي..

شذى:😴

سجى ضحكت وخذت كبايةة الميه وكبت منها عليها…

شذى ناضت وهيا تشهق بحتت ف سجى وعيونها حمر سجى كشت طلعت من الدار وصكرت الباب وراها…

شذى ناضت وتجري وراه سجى:ي كلبههه والله اتشوفي..

سجى تجري:رديتها لكي😂😌

شذى:ســجـى ومشت بتمسكها سجى خشت المربوعه..

وبدون ماتعرف طاحت قدام سراج😂..

شذى مسحت وجها من الميه وقعدت تبحت فيها بشماته..😈

سراج كان مصدوم ومش فاهم شي

سجى بعدت من عليه بسرعه وطلعت وشذى ميته ضحكك😂😂

سجى قمعزت ع كنبه ف صاله وحطت يدها ع وجها: وووه ووووه علياااا😭😳

شذى:مممتتت😂😂

سجى:انشالله تجيك الكورونا ي شذى😭

شذى قمعزت:حركات هنود متاع اطيحي ع شخص ويقعد يبحت ف عيونك ساعه😂ممتتت

سجى:حسبي الله😭

ـــــــــــــــــــــــــــــــــــــــــــــــــــــــــــــــ
عند سراج…

كان مازال قاعد مصدوم من اللي صار..
اذكر وجهها وهيا قريبه منه ابتسم بخفهه❤

وخذا مفتاح سيارتهه وطلع

ـــــــــــــــــــــــــــــــــــــــــــــــــــــــــــــــ
ع ساعه 6 م…

رحاب كانت قاعده وجنبها وليد..

رحاب:وليد نبي المستشفى..

وليد كان ع تليفونه بعده بسرعه:ليش كنكك!.

رحاب:مافيه شي بس نبيها ضروري توا..

وليد:توا !.

رحاب بحتت ف عيونه:تـوا.!

وليد:به عدي البسي عبايتكك ونستنى فيكك قاعدد..

رحاب مشت غرفتها لبست عبايـتـها وحجابها وطـلعت..

وليد شافلها ونزلو مع بعضهم…

شهد كانت قاعده ف الصاله شافتلهم بحقد وطلعو…

رحـاب فتحت الباب اللي قدام بتوتر وركبتت…

وليد ركب سيارته وولعها ومشى…

وصلو المستشفى وخشو…

رحاب لـ وليد..:انت استنى هنا خمس دقايق ونطلع…

وليد:به تمام🤷🏻‍♂️

رحاب خذت نفس وخشت غـرفةة الدكتوره.

وليد قعد برا ومستغرب مش فاهم شي..
قعد يستنى لعند طلعت رحاب…
وليد شافلها:قوليلي كنك!.
رحاب ابتسمتت:توا تعرف ف وقتها…
وليد مشى ورحاب جنبه وباينن عليها الفرح
ركبو السياره ومشو شور الفيلا

وعدا اليوم بسلام بدون احداث تـذكر🤷🏻‍♀️…

ـــــــــــــــــــــــــــــــــــــــــــــــــــــــــــــــ

🔥تـــــســـريــع للأحـــــــــداث🔥

بعد مروور شهر …
وتحديدآ ف يـوم عـرس احـمد🌚🖤
كان الكل خاش ف بعضه وحايس 😂

عند الشباب…

سراج:فكـر عندكك فرصه اهرب

احمد رفع حاجبه:ليش انا غاصبيني هلي نتزوج مثلا😂🌚

سراج حط يده ع شعرهه بغباء

وليد:😂😂

سراج:انا بنخش معاك

محمود:لا انا

وليد:انا ولد عمه

سراج:ونا خوه

احمد:شن رايكم تخشو انتو بدالي🙄

سراج:فكره سمحه🥺

احمد خبط سراج ع راسه..

وليد:انا نمشي نشوف البنات كملو ولا…

سراج:مش طالعين نرجوك بنطلعو كلنا مره وحده

وليد:تممام..

ومشى للفيلا..

ـــــــــــــــــــــــــــــــــــــــــــــــــــــــــــــــ

عند شذى وسجى ورحاب

كانن قاعدات ف الغرفه وجايبات كوافيرات..

شذى لـ رحاب:اي واحد بتلبسي..

رحاب :الاحمر بالاسود..

شذى:حلو الاحمر ع لون شعركك😭

رحاب ابتسمت بخفه وقعدت تبحت ف شكلهاا..

سجى بحتت للساعه:وقت ساعه 4

رحاب ناضت:نا ماشيه نلبس🙂

خذت الفستان وخشت الغرفه متاعت وليد عشان مش قاعد فيهاا ولأن غرفتها كانن فيها البنات …

رحاب لبست الفستان وصبت حاولت تصكره معرفتش حاولت معاه بس برضوو معرفتش …

حست بيد تنمد ع ضهرها وصكراته لها..

رحاب انصدمت والتفتت لقاته وليد.!

ولـيد بحـت ف شكلها وفستانها ومكيجها وتسريحةة شعرهاا كانتت طالععهه خـــيـال✨

رحاب ارتبكت ومشت طلعت من الغرفهه…

خشت الغرفه اللي فيها البنات لقتهنن مكملات مكياجهن…

🔥روايـــــــــــات مــــــــلاک العــــبــيـــــدي 🔥

شذى شافت رحاب:تهبلي🌝

رحاب:انتي اللي تهبلي😂❤

شذى صبت ع المرايه وبغرور:عارفه..

رحاب: مجامله راه :✓

سجى خذت فستانها ومشت الحمام تلبس…

شذى:هيا اطلعن بنلبس

رحاب ضحكت وطلعت..

قعدت تستنى فيهن لعند طلعن كلهن..
لبسن عبايتهم والخمار ونزلن وجت معاهن شهد😏…

رحاب فتحت الباب اللي قدام وركبت وسجى وشذى وشهد لاورهه..

وليد ركب سيارته وباقي الشباب ركيو سيارتهم وطلعو مع بعضهمم مره وحدهه ويبيبوو😂😌👏🏻

ف سيارةة وليد كانن البنات مولاعات الاغاني ع الاخر ودايراات جو😂

>>تمثـلنـا 😂🤫

وصلو القاعه..والبنات نزلو…

ع ساعه 5 بدو الضيوف كلهم يجو..
شذى ورحاب سجى كانن قاعدات مصبياات ويسلمن ع الضيوف…

شذى شافت تهاني وشهد يرقصن ع مسرح مسكت يد رحاب وسجى ومشت..

رحاب: شن فيه.. 😂

شذى وصت المسرح:ارقصن🙂

شذى ورحاب وسجى قعدن يرقصو لعند طلعو شهد وتهاني من المسرح…

سجى وقفت وميتهه ضحك.. نزلت من المسرح ونسحبن البناتت..

سجى: شذى فطنتي لـ حركاتكك😂

شذى بلا مباله:اها اصلا نعرفش نرقص بس احسن مهم طلعتهن من المسرح..خطرها حتى انتي تعرفيش رحاب اللي متمكنه💃🏻😂

رحاب حركت شعرها بغرور: بنمشي نقمعز حسني تعبت😌

رحاب قمعزت وجن البنات قمعزن جنبها ويهدرزو…

اشوي حسو بـ مراه كبيره صبت جنبهن
المراه لـ رحاب:معلش ي بنتي ممكن دقيقتين

رحاب صبت:اكيد احكي..

المراه:انتي مخطوبه ولا؟ اصلا ندور لـ ولدي عروس وشفتك ع مسرح وعجبتيني

رحاب انصدمت:لا م متزوجه انا..

المراه انحرجت:ا اها تمامم ربي يسعدكك ويهنيكك مش باين عليك.. ومشت..

شذى: ووه علليااا المتزوجه نخطبت ونا لاا😂

رحاب قمعزت وصدمه ع وجه وبعدها ضحكتت😂..

جت مرات محمود وسلمت عليهن وقمعزتت وف يدها بنتها الصغيرهه..
رحاب خذت بنتها وقعدت تبوس تلعب فيها

اسمهان:طالعات سمحات ي بنات🥺

سجى بابتسامه:حتى انتي تقول ممش ام🥺😂

اسمهان:نجكك ليا

ـــــــــــــــــــــــــــــــــــــــــــــــــــــــــــــــ
عند تهاني وشهد…

تهاني خشت الحمام ومعاها شهد..

تهاني:جبتي اللي قلتلكك عليه!

شهد طلعت من شنطتها كت متاعع وليد وعطتها لها..

شهد:شن بديري بيه😕

تهاني خذاته ودساته ف شنطتها: توا تعرففي..

وطلعن…

ـــــــــــــــــــــــــــــــــــــــــــــــــــــــــــــــ
مرت نص ساعه وخشت العروسه…

مشن البنات سلمن عليها ومن جو الرقيصص وجو ههذا تاع الاعراس الليبيه💃🏻👏🏻

المنشطه:العريس بيخش المتحجبه اتحجب..

بعد خمس دقايق..

خش احمد ومعاه سراج وباقي شباب العيله كلهم وفرحانين ب الكلام اللي يسمعو فيه من البنات😂🤤..

كانو طالععين مع بعضهم خيال..

قعدو شوي صورو كم لقطه وطلعو قبل مايطلع وليد اشر لـ رحاب تلحقه..

رحـاب جاتـه مسك ف يدها وطلعو مع بعضهم ورحاب مصدومه..

طلعو ورحاب بأستغراب لـ وليد:نعم😕

وليد:نبي نحكي معاكـي بكلامم مهم بعدين..!

رحاب خذت نفس وغمضت عيونها:حتى نا !.

وليد:تمامم ساعه ونستنى فيكك نروحوو..

رحاب هزت راسها وخشت القاعه…

بعد اشوي جابو العشا وتعشو وبعد نص ساعه اخرا طلعو العرسان..

وبدو الضيوف ينسحبو بشوي لعند ماقعد في حد الا العيله..

رحاب:هيا بنات ..!

سجى:هيا..

خذن عباياتهن وخشن الحمام يلبسن ويعدلو ف روحهم…

طلعو السياره لقوه وليد يستنى فيهم…

ركبو البنات السياره وطلعو…

والبنات يهدرزو..

شذى لـ وليد:حي فاتك ي ولد عمي😂
رحاب انخطبت..

وليد انصدم ورحاب قعدت تكح😂

وليد بصدمه:مفهمتش.!

شذى:كيف ما انت شايف رحاب طالعه سمحه اليوم مهم كانت فوق المسرح

وبعدها نزلت جتها مراه كبيره قالتلها انتي مخطوبه ولا كانت ادور لـ ولدها عريس وعجبتها رحاب..

وليد سكت وعروق يده برزن وواضح عليهه العصبيه!.. او ممكن نقـولو “الـغيره”

وصل شذى وسجى لـ حوشهم ومشو شور الفيلا متاعتهم…

وصلو شهد نزلت بسرعه وخشت غرفته…

رحاب ركبت الدروح بشوي لعند خشت الجناح..

سلحت الكعب متاعها بتعب صبت قدام
المرايه وبتسلحو اكسسواراتها..

حست بالباب انفتح وخش وليد..

#يـتبع…

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

 

 

اترك رد

زر الذهاب إلى الأعلى