رواية زواج اتهامي الحلقه الخامسه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه الخامسه .. الكاتبه:ملاك العبيدي

جميع حقوق النشر والطبع محفوظه

رواية زواج اتهامي الحلقه الخامسه .. الكاتبه:ملاك العبيدي
رحاب كانت قاعده تفرج عند سمعت دق الباب

رحاب: اكيده جا عشان ياخذ التليفون..
مشت خشت الغرفه وجابت التليفون مشت وفتحت الباب ونصدمتتتت!!! 😨

جت طول بتصكر الباب صقر مسكه وخش وصكر الباب وراه..

رحاب قعدت توخر وجرت بتخش الدار مسكها صقر

صقر وهو مكتفها:تحسابي روحك بتهربي مني

رحاب ادف فيه:بععددد شن تبي مني

صقر حطها ع ساس وقعد يبحت ف عيونها:نبيك انتي💋ليش تعذبي فيا

رحاب بتقزز من نضراته:صقر بععد وربي غر يجي وليد

صقر بعصبيه:ممعشش تقولي اسمه الف،،،،،🤬 هذاا هو خذاك مني انتي مفروض تكوني ليا نا درت المستحيل عشانك متفهميش انتيي

وبهدوء وهو يبحت ف شفايفها وقرب منهن وبهمس 💋: مش كان وافقتي ع خطبتي قبل سنتين ماكنش صار هذا كله ولا اشوهت سمعت ولا خذاكي مني وليد

رحاب غمضت عيونها وهيا خايفه وطول ضرباته برجلها ع مكان الحساس

صقر طاح تحت يتألم ورحاب هربت منه وخشت غرفة وليد وصكرت الباب ع روحها…

صقر صبى وهو يتألم دق الباب بقوه وبعصبيهه: ررحححاااب افتتتحيي

رحاب مصبيه ع الباب وتبكي خايفه😢
صقر: لو مفتحتيش حنكسر الباب نبهتتتككك

رحاب ترعش مقدرتش تررد…

صقر: حنعد من 1لل 3
وببطئ1

رحاب خافت وترددت تفتح الباب ولا
2
حطت يدها ع مقبض الباب ويدها ترجف
3

فتحت الباب وغمضت عيونها

صقر مسكها من شعرها: انا اديري فيا الحركه هذي 😡

وبعصبيه: اسمعي وجلالةة الله لو نعلم ان وليد علم اني جيت عندك او حتى حس بالموضوع او حكيتي الكلام اللي قلته لكي وربي ماحتشوفي خير ي رحاب وبصوت عالي فهمتي..

رحاب بتألم ودموع: ااه فهمت فهمت

صقر سيبها ووصبى وطاحت منه الساعه متاعه ومفطنلهاش فتح الباب وطلع

رحاب حطت يدها ع فمها وتبكي كأنها فهمت الموضوع صقر ورا كل شي بسس ككيف!!..

رواية زواج اتهامي الحلقه الخامسه
عند تهاني…

رؤوف:تهاني قوليلي كنها رحاب جت المستشفى

تهاني:اها صح جت المستشفى جابوها جدي وعمي عشان بيعرفو اذا هيا بنت ولا؟!

رؤوف بصدمهه:ككيففف باهي ششن صاار طلعت مضلومه صح ي يعنيي بنتت

تهاني تمثل الحزن:تؤتؤ..🤷🏻‍♀️ للأسف طلعت مدام🙂

رؤوف حط يده ع وجه ويمسح فيه وبأمل :انتي متأكده قصدي التحاليل بلكي غالطين فيهم

🔥روايـــــــــــات مــــــــلاک العــــبــيـــــدي 🔥

تهاني:متأكده اصلا مدرناش تحاليل قلت مرات يطلعو مش صح ف جبنا دكتورة نساء تكشف عليها🤷🏻‍♀️

رؤوف صكر من تهاني وحط ايديه الاثنين ع وجه وهو مش مصدق😓

ـــــــــــــــــــــــــــــــــــــــــــــــــــــــــــــــ
عند رحاب

صبت من مكانها وما نتبهتش للساعه اللي طايحه خشت غرفتها وطول خشت ع سريرها وبدون ما تحس لقت روحها راقده بعد ماكان اليوم متعب عليها

رواية زواج اتهامي الحلقه الخامسه

ع ساعه 9 الليل

عند وليد
كان يلعب مع الشباب ف كارطه وعقله ف صقر ليش ماجاش

وليد صبى:شباب كنه صقر ماجاش خايف تكون صارتله حاجه وهو جاي ف طريق

محمود:لالا ماتخفش قمعز وكمل السهره معانا

وليد وهو طالع:لا اصلا ف الحالتين تأخرت يادوب من هنا نمشي نشوف صقر قاعد ف الفيلا ولا ونمشي المزرعه بعيده ع هنا يعني نبي ساعتين بش نوصل..

محمود:تمام توكل ربي معاك

وليد طلع شور سيارته ولعها ومشى متوجهه شور حوش صقر

قعد اكثر م نص ساعه ف طريق ووصـل فيلة صقر…!

نزل من السياره وتوجهه شور فيلة صقر،، لقاه الحارس سلم عليه وخلاه يخش طبعا كان عارف وليد صاحب صقر وعادي يخش..

دق الباب فتحت اخته الصغيره

وليد ابتسملها:شن اخبارك ي حلوه

اخت صقر”رزان”:تمام وانت عمو وليد

وليد ضحك ع كلمة عمو ونزل لمستواها باسها ع خدها

ولي:امشي كلميلي صقر

رزان:صقر ماجاش بكل الحوش اليوم 🤷🏻‍♀️

وليد بأستغراب صبا:اممم لما يجي قوليله يسال عليك وليد

رزان:حاضر

وليد ابتسملها وطلع من الفيلا وركب سيارته متوجهه للمزرعه..

رواية زواج اتهامي الحلقه الخامسه

بعد طلع وليد من الفيله.. رزان صكرت الباب ومشت لـ صقر..

صقر كان قدام الباب وسمع كلام وليد…

رزان مدت يدها لـ صقر:هيا درت اللي قلتلي عليه😒عطيني الشوكلاته🥺

صقر طلع من جيبه شكولاتين وعطاهن لها ونزل لمستواها:شاطره حبيبتي امشي كوليهن

رزان مشت فرحانه بالشكولاطات وخشت غرفته..

اما صقر ابتسم بخبث وخش غرفته…

ـــــــــــــــــــــــــــــــــــــــــــــــــــــــــــــــ

قعد ساعه ف طريق عند وصل… درس سيارته ونزل منها خش المزرعه وحط سده فجيبه وطلع المفتاح…

فتح الباب وخش.. استغرب لما مالقش رحاب مش قاعده فتح غرفتها خش لقاها راقده مالقاش بطانيه عليها تردد يغطيها ولا بس ف نهاية طلع وسيبها🚶‍♀️

فتح باب غرفته استغرب لما لقاها منظمه تنهد وجا بيخش غرفته حس بحاجه تحت رجله..

نزل وجابها واستغرب وانصدم!!..ساعة من هذي كأن شايفها من قبل!..

وليد يفكر:نفس ساعةة صقر انا كنت معطيها له هديه يوم عيد ميلاده!!

بعدها ضحك:شن بيجيب ساعة صقر ف المزرعه لا وف غرفتي اخرا🤷‍♂️

حط الساعه ف دولاب متاعه وخذا دبش خش ادوش وطلع..!

حط راسه ع مخده وبيرقد سمع صوت الميه تنزل ع روشن عرف ان المطر تمطر شد ع بطانيه متاعه ورقد..

🔥روايـــــــــــات مــــــــلاک العــــبــيـــــدي 🔥

بس بسرعه ناض وهو يتأفف😤

صبى من ع سريره وفتح الباب وتوجهه لغرفة رحاب لقاها ترجف من الصقع حط عليها البطانيه وغطاها اكويس وطلع
خش غرفته وطول رقد….

ـــــــــــــــــــــــــــــــــــــــــــــــــــــــــــــــ
عند شذى…

كان مش جايها نوم خذت بطانيتها وقمعزت ع الكنبه طفت الضي وولعت التلفزيون وقعدت تفرج ع فيلم رعب👻

شذى بحماس للفيلم:غبيي بحتتت وراااكك حيقتلك😤

حست بالباب ينفتح بش مادورنش لأن حماسها للفيلم كان اكبر من ان تلتتفت وتشوف من فتحه😂

شذى بحمااس:غغبيي قلتلك بحت وراك🤨

حست بحد لمس كتفها وبسرعه دفها طاحت ع وجها ووقعدت تعيط

شذى بعياط وبصوت عالي:شببحح عفرريتههه غوولههه😭

سراج ولع الضي وهو يضحك بقوه
سراج بضحك: شبح عفريته غوله وووووههه😂😂

شذى صبت وتمسح ف دموعها:حححيوانن اصلا ماخفتش كنت عارفه ان انت😒

سراج كتف يديه:اها عندي العلم..

شذى ردت مكانها وولعت التلفزيون وتجاهلت سراج

سراج:شذى اختي العزيزه صبي ديريلي قهوه🤤

شذى:عينك😒بعدين القهوه مش كويسه ف الليل😒

سراج:متخافيش عليا امشي ديريلي🙂

شذى:عين.. وبعدها اذكرت صبت:حاضر من عيوني تبي معاها كيكه🥺

سراج ضحك:لالا قهوه بس

شذى:حاضر خويا الغالي بس بنطلب منك طلب🤷🏻‍♀️

سراج قمعز ع كنبه وغير من ع قناه:كنت عارف انك مصلحجيه وتبي تطلبي🙂اصلا انتي عمرك درتي حاجه لوجه الله اطلبي اطلبي

شذى:اممم بكرا نبيك تشيلني لـ سجى مرايفتلها وبنطمن ع عميمه بالمره🥺

سراج:يصير خير عند بكرا امشي ديريلي قهوه راسي بتنفجر🤦🏻‍♂️..

شذى مشت ودارتله وعطاته له وخشت غرفتها ترقد….

ـــــــــــــــــــــــــــــــــــــــــــــــــــــــــــــــ

فـي صبـاح يـوم جـديد 🌤

عند رحاب…

ناضت واذكرت اللي صار امس وخافت بزيادهه.. وحطت يدها ع راسها صداااع رهيبب 😣

غسلت وجها وطلعت بدلت دبشها وصلت…

طلعت من غرفتها..وخشت المطبخ دارت ل روحها قهوه وخذتها قمعزت ف الصاله ع كنبه…

حطت القهوه ع الطاوله اللي جنبها وحطت يدها الاثنين ع راسها

صبت وخشت دارها وحاولت ادور ع بنادول ف شنطنها مالقتش..

ردت طلعت ف الصاله لقت وليد مقمعز ويلعب ف تليفونه

وليد بحت فيها وهو يشوف ف وجهها كيف ذابل واصفر

وليد باستغراب: كنك😐🤨

رحاب بتوتر: كني😣

وليد: منندريش صح من قالك تخشي غرفتي وتنضفيها انا شن قلت عليها!!!..

رحاب خافت ومردتش

وليد: وقسما بالله يارحاب نلقاكي خاشه غرفتي مره ثانيه ماتلومي الا روحك فاهمه🔥

رحاب هزت راسها..

وليد: امشي توا سيقي الجنان🙄

رحاب مشت وجت بتطلع من باب الحوش طول طاحت من طولها..

🔥روايـــــــــــات مــــــــلاک العــــبــيـــــدي 🔥

وليد بسرعه مشالها حط راسها ف حضنه وحاول ينوضها معرفش…

شالها وحطها ف غرفته..حط يده ع جبينها وهو يقيس ف درجة حرارتها

وليد بخوف: ساخنه.. مشى بسرعه جاب بطانيه وغطاها…

معرفش شن يدير…اذكر امه لما كانت تمرض وحده من خواته شن كانت ادير..

وليد:صح كمادات اذكر كيف يندارن خش المطبخ وخذا صونيه حط ثلج في ميه ومنديل

قمعز جنبها وقعد يديرلها ف كمادات💗🥺

خليني نقوللكم رحاب من المشاكل اللي صارلها والضغط اللي ف حياتها……
واصلا كان عندها حساسيه من الغبار 🥺 مرضت ومناعتها مش قويه🔥🥺

ـــــــــــــــــــــــــــــــــــــــــــــــــــــــــــــــ
عند رؤوف بصعوبه قدر يمشي المستشفى تكى ع مختبر متاع التحاليل وخذاهن توجه بيهن المستشفى…

وصل المستشفى وخش غرفة الدكتور..
وقمعز

الدكتور:جبت التحاليل.؟..

رؤوف مدهن له:اها

الدكتور خذا منه التحاليل وقعد يشوف فيهن

الدكتور ملامح وجه تغيرن:……

رواية زواج اتهامي الحلقه الخامسه
عند شذى…
ناضت ومشت غرفة سراج..

شذى ادق عليه:سراااج

سراج:😴

شذى فتحت الباب عليه ولقاته راقد..مشت كرت منه الورغان اللي متغطي بيه وفتحت الستاير

سراج يثاوب وبنعس:شذى اطلعي برا😴

شذى جت جنبه وتهز فيه:لالا هيا نوضني شيلني لـ سجى🥺

سراج بحت فيها:ليش الساعه كم توا

شذى ببرائه:الساعه 9:35 د

سراج حضن المخده متاعه:شذى عارفه كان ماطلعتي من الغرفه وتفكيني من تفاهتك هذي حنصبي نضربك توا في حد يمشي لـ ناس الساعه 9 ف الصبح😒

شذى حولت منه المخده:هيااا عاد هما مش ناس غريبه عيت عمي وبعدين تنساش كنت نمشي عندهم ونبات واكيده نايضين توا نا عارفه سجى تنوض بدري🥺

سراج تنهد:به امشي جهزي روحك

شذى رفعت حاجبها:تحساب حراكاتك يمشن عليا ع اساس نبيش نطلع من هنا ترد ترقد🤨

سراج قمعز:هااا شفتيني ها نضت 😡 الواحد لما يقعد عنده خوات كيفك يعرفش يرتاح😒

شذى باساته ع خده:ي خيتي سلم خويا😂وطلعت تجهز ف روحها…

سراج صبا وخذا دبشه ومنشف وخش يدوش…

ـــــــــــــــــــــــــــــــــــــــــــــــــــــــــــــــ
عند وليد…

بعد مادارلها الكمادات نزلت حرارتها اشوي..
صبا من عندها ومشى لبس وطلع من المزرعه وكانت في صيدليه اقريبه من المزرعه قاله ع حالة رحاب وعطاه اشوي ادويه وروح للمزرعه

وليد خذا دوا الحراره وبرفعة حاجب: نعرف ان دواه هذا يعطوه للصغار 😒

خذا الداه وخضه قمعز وراه رحاب ورفع راسها قعد كأنه حاضنها🔥 وليد يمنع ف شعور اللي جاه زمط ريقه.. وفتح فمها وحطلها الدواه بعد من عليها وسقم مخدتها وطلع من الغرفه …

ـــــــــــــــــــــــــــــــــــــــــــــــــــــــــــــــ

عند سجى..
ناضت الساعه 8 ص
برمت ع الحوش ونضفاته ودارت فطور هيا وامها وفطرو وقعدو يهدرزو اشويه

امها:نبي نطمن ع رحاب قلبي محروق عليها🔥😢

سجى بحزن:حتى تليفونها مخذتاش معاها

امها:اليوم توا نتصل بوليد..

سجى هزت راسها وهيا تفكر ف اختها…
سمعت صوت الجرس يرن

امها:صبي الله يرضى عليكي شوفيمن يدق الباب

سجى حطت الخصلات اللي طايحه ع وجها وناضت طلعت من دار امها وفتحت الباب…

شذى نطت ع سجى وحضنتها:رايفتلك

سجى بفرح:حتى ناا والله

شذى بعدت عليها:شن رايك ف المفاجأه🌚🔥

سجى:محلاها من مفاجأه كيف من جابك🥺💗

شذى:سراج وصلني ومشى يكمل نومه مسكين نوضته من النوم😂

سجى ضحكت وخشت هيا وشذى جوا وخشت شذى سلمت ع مرات عمها وحمدت ع سلامتها وقعدت تهدرز معاها شوي بعدها طلعت تهدرز هيا وسجى برا

🔥روايـــــــــــات مــــــــلاک العــــبــيـــــدي

ـــــــــــــــــــــــــــــــــــــــــــــــــــــــــــــ

عند رؤوف ودكتور..

الدكتور بحت ف التحاليل وتغير وجهه

رؤوف بحت ف دكتور:ها شن ي دكتور؟!..

الدكتور:سرطان ف المعده

رؤوف بصدمه:كيف

الدكتور:بس مازال ف بدايته متخفش باهي انك جيت بدري قبل ماينتشر المرض..

رؤوف طبس راسه وهو يستوعب

الدكتور:حتجي من بكرا وحنبدو ف العلاج..

رؤوف صبا:ت تمام..

طلع من المستشفى ومشى بسيارته شور البحر،،،،المكان الوحيد اللي يقدر يطلع فيه كل همومه💔🔥

وصل البحر وقمعز ع شاطئ..

وليد دموعه نزلو: ي ربي اكيد نا داير غلط فحياتي عشان قاعد تجازي فيا هكي،،ف بدايه البنت الوحيده اللي حبيتها طلعت مش كويسه 💔💔!!. وتوا موضوع المرض..انا عارف ان هذا كله اختبار من عندك 💔…

حس ان خاطره يحكي مع حد وبدون مايحس لقاه روحه ران ع تهاني😒

ـــــــــــــــــــــــــــــــــــــــــــــــــــــــــــــــ

عند وليد..

صبى وخش ع غرفته… قاس حرارة رحاب لقاها منخفضه.. قمعز جنبها وقعد يشوف ف ملامح رحاب رفع يده وبعد خصلات كانن ع وجها🔥…

وليد تنهد ويحكي مع روحه:شن صارلك ي وليد معقوله بتفكر بوحده كيفها..!بس ليش ساعدتها…!اكيد عشان مهما كانت متنساش انها بنت عمك وواجب عليك دير هكي…ناض من مكانه وطلع من الغرفه وخش المطبخ

اما رحاب فتحت اعيونها بشويش وتحاول تذكر اللي صار… رمشت بعيونها كم مره..!!

رحاب بحتت ف الغرفه:ش شن جابني هنا..ااه راسي😓..مش هذي غرفة وليد..؟

………..

وليد خش المطبخ وحاول يدير اي حاجه صحيه تاكلها رحاب…

وليد صبى ف المطبخ ويبحت فيه: ع اساس نعرف ندير شي انا🤨

وبعدين ليش بنديرلها تمشي سمسمام… استغفر الله شن قاعد تحكي ي وليد!!.🤦🏻‍♂️

سمع صوت تليفونه يرن طلع من المطبخ وخذا تليفونه..بحت ف الرقم كان رقم غريب..!

وليد رد:الو

ام رحاب:اهلين وليد..

وليد وكأنه سامع الصوت من قبل:من!

ام راحاب:وليد انا مرات عمك ام رحاب تربح ي وليدي طمني ع بنتي بنحكي معاها😢

وليد توتر:اهلين عمتي ر رحاب راقده

ام رحاب بأستغراب:غريبه مش من عوايدها ترقد لعند الساعه 12 بس تربح بعد ماتنوض عطيني انكلمها

وليد:تمام مع السلامه..!

ام رحاب صكرت وليد تنفس بأرتياح!!..

بحت ف تليفونه وخش ع google خذا طريقة عمل شربةة الخضره بالدجاج🔥😂…

خش المطبخ وقعد يطبق ف الطريقه…

ـــــــــــــــــــــــــــــــــــــــــــــــــــــــــــــــ
عند شذى وسجى..

سجى: هيا خشي معايا المطبخ نديرو الغدا👽🔥

شذى بكسل: جايتكم ضيفه مفروض تصبينيش😒

سجى رفعت حاجبها: ضيفه قالت تي نحنا قريب نسجلوكي ف كتيب العيله😂

شذى: حقاره😒هي صبي😂

صبن مع بعضهن وخشن يديرو الغداء..

سجى: باهي قوليلي شن جو سراج😊

شذى بخبث: ليش تسألـي عليه😈

سجى: ع ساس مش ولد عمي 😒

شذى ضحكت: كويس ي حنه حي امس مقلتلكش شن دارلي

سجى ضحكت: شن دار

شذى بدت تحكيلها ف اللي صار امس وسجى تضحك

ـــــــــــــــــــــــــــــــــــــــــــــــــــــــــــــــ
ع ساعه 3 م
عند وليد ورحاب…

وليد ف المطبخ كمل تحضير الشربه وحطها ف صفره وخذا كاشيك ومشى بيها للغرفه..!

لقاه رحاب مازال راقده؟!

وليد حط يده ع جبينها مالقاش عندها حراره…؛!

حك يدها عليها وهزها بشويه..
رحاب فنحت عيونها بشويش لقت وليد ف وجها..

وليد :رحاب😒

رحاب ناضت وانصدمت بعد لقاته قدامها!!.عدلت نومها وقمعزت..

وليد حط السفره ع عليها:اسمسمي😒

رحاب بتوتر خذت الكاشيك بيد ترجف وذاقت من الشربهه… ملامح وجها تغيرن

وليد رفع حاجبه: كأنها ماعجباتكش🤨🙄

رحاب هزت راسها يمين ويسار: لالا كويسه.. خذت الكاشيك وبدت تاكل وملامح وجها يدلن ع القرف..

وليد خذا منها الكاشيك وذاق منها بقرف: شن هذا حشا النعمه🤢

رحاب ضحكت وبألم: ااخخ بطنيي 😂

وليد يبحت ف الشربه بقرف وضحك: عندك حق متاكليهاش😂

رحاب قعدت تضحك ووليد بحت ف وجها وسرح ف ضحكتها ..

رحاب انتبهتله ونزلت راسها..

وليد انتبه وصبى :كان حسيتي روحك تحسنتي ياريت تصبي اتلمي الحوش😒وبعدين ماتحسبيش اللي ندير فيه هذا حبا لكي لا مجرد شفقه بس وانك قاعده ف امانتي😒🔥

رحاب :تمام😣
……….
طلع وخذا تليفونها رن ع صقر بعد مكالمتين رد..

وليد:اهلا صقر

صقر:اهلين وليد

وليد:وينك انت امس نرجو فيك ماجيتش..!

صقر توتر:اءء لا بس ونا جاي عندكم سيارتي عطلت درستها ف مكانها وروحت بسياره خاصه مقدرتش نجي

وليد:به تمام وينك انت

صقر:ف الفيلا ماعندي وين نمشي وسيارتي عاطله..!

وليد:يه تمام جايك نا توا

صقر:تمام نرجى فيك..

وليد صكر من صقر وجا بيخش غرفته لقاه رحاب طلعت..

بحت فيها من فوق للوطه: جهزي روحك..

رحاب: وين

وليد: بنوصلك عند امك اليوم رنت عليا ومشغوله عليكي😒وخش غرفته وصكر عليه..

اما رحاب فرحت واخيرا بتشوف امها واختها…خشت غرفتها وتجهز ف روحها

وليد فتح دولابه خذا دبش طاحت منه الساعه..

وليد بحت فيها وحطها ع سرير وخش الحمام يدوش..

طلع لبس السوريه متاعه وبخ عطره ودار شعره مشى للسرير خذا الساعه وحطها ف جيبه..

طلع لقاه رحاب تستنى فيه وكانت لابسه عبايه ..

🔥روايـــــــــــات مــــــــلاک العــــبــيـــــدي 🔥

طلعو مع بعضهم رحاب فتحت الباب اللي لاوره وركبت ووليد ركب مكانه وحرك السياره..

ـــــــــــــــــــــــــــــــــــــــــــــــــــــــــــــــ

قعدو ساعه ف طريق ووليد وصل رحاب ومشى شور فيلةة صقر..

رحاب وصلت عند الباب ودقت فتحتلها سجى..

سجى بصدمه وفرحهه:ررحااااب

رحاب حضنتها وخشت لقت شذى سلمت عليها وحضنتها..

سجى تبكي:رايفتلك🥺

رحاب:ياعمري حتى نا والله🥺 وين ماما
سجى:ف الدار متاعها..

رحاب مشت ووصلت للدار حطت يدها ع الباب وهيا تحاول تصيطر ع دموعها
فتحت الباب لقت امها تصلي..

امها سلمت من الصلاه ورفعت راسها لقت رحاب..

رحاب جرت وقمعزت لوطه وحضنت امها..

امها تبكي:اااه قلبي كاين محروق عليكي😭

رحاب تحضن ف امها وتبكي من كل شي صارلها

رحاب تبكي وحاضنه امها: والله ياماما والله يكذبو والله نا مازلت بنت وقصة الصور مش عارفه من اللي دار هكي وقصة الدكتوره كذابه وربي😭وقعدت تبكي..

امها اطبطب عليها:بس ياماما مصدقتك والله مصدقتك انتي تربايتي ومستحيل يطلع منك حاجه كيف هكي

رحاب بعدت ع امها ومسحتلها ادموعها:خلاص معش تبكي وباست يدها..

امها ناضت وناضت معاها رحاب وطلعو مع بعضهم للصاله..

قمعزو وسجى بعد شافت امها تحكي مع رحاب والفرحه ف اعيونها
رواية زواج اتهامي الحلقه الخامسه

وليد وصل عند صقر واستغرب السياره متاع صقر مدرسها الدكتور لفيلا ودق الباب فتحله صقر..
خششه المربوعه وقمعزو قعدو يهدرزو

وليد انتبه للساعه اللي عطاها لـ صقر مش قاعده ف يده

وليد يبحت ف يد صقر:وين الساعه واللي هديتها لك ف يوم عيد ميلادك🤨

صقر توتر وهو يذكر:ااء لا قاعده ف داري

وليد:اممن بس ليش قلتلي سيارتك عاطله وهيا قاعده برا

صقر نساه السياره بكل والتوتر واضح ع وجه:لا اصلا اليوم ف صبح مشيت جبتها🤦🏻‍♂️

وليد قعد يربط ف الاحداث و….

#يتبع

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى