رواية زواج اتهامي الحلقه الرابعه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه الرابعه .. الكاتبه:ملاك العبيدي

جميع حقوق النشر والطبع محفوظه

رواية زواج اتهامي الحلقه الرابعه .. الكاتبه:ملاك العبيدي

ـــــــــــــــــــــــــــــــــــــــــــــــــــــــــــــــ

تهاني صبت: من اليوم بدت لعبتي😉

طلعت من المكتب وبدون ماتحس خبطت بحد..!

تهاني رفعت راسها: متشوفش ان. ـت انصدمت بعد عرفاته

رؤوف ماعرفهاش: معلش اختي اسف

تهاني: ر رؤوف صح

رؤوف استغرب: اها كيف عرفتي!.. انا نعرفك؟

تهاني كتفت يديها: لا انت متعرفنيش بس نا نعرفك…
وبضحك: انت كنت خطيب بنت عمي🤨😂

رؤوف انصدم وبحزن: رحاب!

تهاني ضحكت:فاتك اليوم شن صار رحاب جت المستشفى و..

رؤوف بسرعه:شن قصدك رحاب شن فيها كنها جت المستشفى

تهاني تأففت: تعرف عنديش وقت نحكي🤷🏻‍♀️ بس لو حاب تعرف..”طلعتله الرقم متاعها”.. رن عليه بعدين نحكيلك كل شي بتفصيل 🙂

رؤوف خذا الرقم ومشى ….

خش ع غرفة الدكتور..

الدكتور:تفضل..

رؤوف قمعز:طبعا نا جيتك قبل المره هذي كانت قبل اسبوعين..

الدكتور:اها عرفتكك…انت اللي قلت راسك وصداع وتحس ف معدتك صح

رؤوف:ايواه بس الصداع هذا حول فتره ورد له يومين وامس حسيت روحي بستفرغ استفرغت دم!

الدكتور:معناها تمام امشي توا نكتبلك ورقة تحاليل اديرهن وتعاود عليه بكرا…

🔥روايـــــــــــات مــــــــلاک العــــبــيـــــدي 🔥

ـــــــــــــــــــــــــــــــــــــــــــــــــــــــــــــــ

عند رحاب ووليد…

رحاب من اول ماخشت الدار وهيا مصكره ع روحها وتبكي كيف وهيا متاكده انها بنت وهيا متاكده ان مفيش حد لمسها😭💔 مفيش حد مصدقها..

سمعت صوت وليد وهو ينادي عليها..
رحاب طلعت ومطبسه راسها

وليد: من اليوم عقابك حيكون…قاطعه رن تليفونه..

وليد بحت ف التليفون باستغراب ورد

وليد:الـو🤨

صقر:اهلا

وليد:اهلين!…

صقر:وليد سامحني ع اللي حكيته لك هذك اليوم 😔

وليد:لا معقوله ي رفقه🙂خلاص اصلا نسيت اللي صار

صقر:تمام بس لو بنتاكد انك سامحتني بنطلعو طلعه مع بعضنا نحنا وشباب

وليد:خلاص تم نظم امورك وقولي

صقر:تم سلام…

وليد صكر من صقر والتفتت لـ رحاب وبحت ف جسمها من فوق وتحت ورفع حاجبه🤨

رحاب توترت من نظراته :ن نعم

وليد بأستفزاز ورفعة حاجب: عقابك حيكون.. حتقعدي كيف الخدامه عندي اكلي ودبشي وكله نلقاه واتي 🤷🏻‍♂️ الحوش ابرمي عليه كله وشوفي الدور اللي فوق ضميه وبعد تكملي اطلعي سيقي المزرعه برا واسقي الورود ومنبيش نسمع كلمة وين ماشي ووين جاي غرفتي متخشيهاش متقربيهاش!.
يعني لو متبيش تنفضحي حتقعدي عندي كيف الخدامه🙂🍃!!

رحاب كانت منصدمه من الكلام اللي تسمع فيه😨

وليد’سمعتي🤨

رحاب هزت راسها بشويش وهيا مش مستوعبهه😨

وليد:هي امشي ابدي من توا ولما اناديكي اتجيني🤷🏻‍♂️

رحاب طبست راسها وخشت المطبخ لقت معدات التنظيف كلهن خذتهن وركبت فيهن فوق

وليد بعد طلعت تنهد وخش غرفته يتريح…

ـــــــــــــــــــــــــــــــــــــــــــــــــــــــــــــــ
عند سجى وامها…

سجى كانت تقرا بعدها حست بملل خشت ع غرفةة امها لقتها تكح
مشت تجري خذت الميه صبتها لها وشربتها

سجى:كنك ماما تحسي ف شي اكويسه انتي…

امها: اكويسه نا متخافيش امشي كملي اقرايتك..

سجى:لا خلاص توا نجيب اكتاباتي ونقرا قدامك 🥺.. مشت خشت غرفتها وخذت كراساتها وادواتها واكتاباتها وخشت غرفة امها..
قمعزت جنب السرير ع الارض وحطت كتاباتها وبدت تقرا

ـــــــــــــــــــــــــــــــــــــــــــــــــــــــــــــــ

ع ساعه 5 م

عند شباب العيله….
كلهم قاعدين عند احمد ف الفيلا !!

احمد:شباب تعالو هنا متحوسوش الدنيا🌚

سراج راقد ع سرير وحاط راسه برا السرير يعني راقد بالمقلوب😂
>>>>نحبها الحركه هذي ديما ندير فيها😂

سراج:احمد بلا دوتك الزايده 🌚🙂وتعال قمعز

احمد: الله يرحم ايام وليد مكنتوش تقدرو اديرو شي لما كان يقعد معاكم🤦🏻‍♂️

محمود من المطبخ وياكل :اسكت انا حرجان من مراتي🙋🏻‍♂️

سراج:حرجان 😂😂 قوويه

احمد:😂😂

صقر مقمعز ع كنبه ويفكر بعدها ابتسم بخبث:شباب كأنه لمتنا ناقصه وليد☹️

سراج عدل تفمعيزته:اها والله مع ان نكدي وف سنه يضحك مره بس فيه جو🙂

صقر: خلاص شن رايكم نكلمو وليد و نطلعو نكسدو ف استراحه اليوم

احمد:اوكي تمام كلمهه انت..

صقر صبه وطلع تليفونه:هي توا نكلمه…
طلع برا واتصل ع وليد…

ـــــــــــــــــــــــــــــــــــــــــــــــــــــــــــــــ
عند رحاب…

طبعا كان الدور الاول شبه ماحد كان يخشله فلذالك كان معبي غُـبار اول ماخشت قعدت تكح لأن كان عندها حساسيه من الغبار والتراب …

صكرت فمها بيدها..

وخذت المكنسه الصغير”نسيت اسمها مشوها🙂😂🍃” وبدت تنظف بيها الغبار…

حركت المكتبه اشوي وبتكنس من وراها سمعت صوت خربشه..

فجاءء شافت فيران😳😂

طاحت منها المكنسه وقعدت تعيط ونزلت لوطه من الخوف وتعيط بصوت عالي 😂

وليد كان راقد ناض مفجوع من صوت العياط

وليد بفجعهه:كنك تعيطي

رحاب بخوف:ف فاار فوق

وليد رفع حاجبه ورقى الدور اللي فوق ومعاه رحاب …

رحاب قاعده ورا ضهره ومن الخوف ماسكهه ف دبشه من لاوره

وليد:وين!!.

رحاب: و ورااه المكتبه

🔥روايـــــــــــات مــــــــلاک العــــبــيـــــدي 🔥

وليد مشى ورا المكتبه محقش شي..
وليد: خلاص سيبيه هذا عند بكرا وانزلي ضمي اللي تحت

رحاب هزت راسه ونزلت قبله

وليد نزل وخش غرفته خذا تليفونه لقاه 4 مكالمات من صقر

وليد رن عليه وقمعز ع سرير

صقر: الو وينك نرن عليك متردش

وليد: لا غير كنت راقد بس ومنتبهتش للتليفون وهو يرن

صقر: اها باهي اسمع نا والشباب ماشيين للاستراحه ونستنو فيك غادي

وليد: اممم به تمام

صبر: هيا نراجو فيك

وليد صكر من عليه وعزق الفون ع سرير وخذا دبشه من الشنطه وخش الحمام يدوش ويلبس ويطلع!….

بعد نص ساعه طلع من الحمام ولبس ساعته وبخ عطره وسرح شعره وطلع من غرفته.. شاف رحاب قاعده تكنس ف صاله

رحاب بعد شافاته: وين ماشي☹️

وليد برفعة حاجب: شن قلت نا مبدري نطلع وين مانطلع مادخلكش بيا🤨

رحاب:ق قصدي نبيش نقعد بروحي

وليد بعدم اهتمام فتح الباب وقبل مايطلع:متفتحيش لحد الباب مهما دق ومش مطول نا..

رحاب هزت راسها وهيا خايفه..

كملت الصاله وضم دارها شافت دار وليد مفتوحه ومش مرتبه

رحاب تحكي مع روحها: زعمك نخش نضمها…؟ بس هو قال متخشيش داري.. ييي رحاب مافيها شي خشي ضميها..

خشت الغرفه لقت الدبش طايح والسرير مش مرتب.. وشنطة ملابسه مفتوحه..
تنهدت وخذت الشنطه وبدت تسدف ف دبشه ف دولاب كملت الدولاب ومشت للسرير..!شافت تليفون وليد

رحاب:حي نساه تليفونه🤦🏻‍♀️ اكيده توا يرد ياخذه.. حطاته ع الطاوله اللي جنب السرير وسقمت السرير وكنست الدار وبخرتها…!

كملت وقعدت اتأمل ف دار وبفخر: يصير منك ي رحاب🤭

طلعت من الدار وصكرتها وقمعزت ف الصاله وولعت التلفزيون وهيا تحس بملل😐

ـــــــــــــــــــــــــــــــــــــــــــــــــــــــــــــــ
اما وليد وصل للفيلا وشاف الشباب بسيارتهم ويرجو فيه

سراج جا حضنه:قداش ماريفت عليك🌚

وليد ضحك: حتى نا بس مسرع 😂

سراج:ايواه اضحك وانت ماتبين ف سنونك الا من مناسبه ل مناسبه😐

وليد فاته ومشى يسلم ع باقي الشباب

صقر:شكلي نسيت تليفوتي ف الحوش انتم الحقوني ونا نجيبه ونجي مش مطول

وليد:عليش نطلعو اهو الحوش خطوتين..

صقر:لا منعطلكمش

وليد:تمام..وركبو الشباب سياراتهم وطلعو

اما صقر بعد شافهم مشو ركب سيارته وتوجهه شور المزرعه اللي فيها رحاب😈…

ـــــــــــــــــــــــــــــــــــــــــــــــــــــــــــــــ
عند تهاني…

قاعده ف غرفتها وتبحت ف سقف وف بالها مليون خطه وخطه شافت تليفونها لقاته يرن برقم غريب تأفتت وردت

رؤوف:الو

تهاتي:نعم🤨

رؤوف:تهاني انا رؤوف

تهاني:اممم اها رؤوف شنجوك😂🙂

رؤوف:تهاني قوليلي كنها رحاب جت المستشفى

تهاني:اها صح جت المستشفى جابوها جدي وعمي عشان بيعرفو اذا هيا بنت ولا؟!

رؤوف:……؟؟؟

رواية زواج اتهامي الحلقه الرابعه .. الكاتبه:ملاك العبيدي
ف الاستراحه بعد اقل من نص ساعه وصلو الشباب..

وليد:غرييه كنه صقر ملحقناش

احمد:رن عليه شوفه..

وليد حط يده ف جيوبه ملقاش تليفونه
وليد:يي شكلي نسيته ف الحوش رن عليه انت ي احمد

احمد خذا تليفونه ورن ع صقر بس مقفل

محمود:خلاص ي شباب توا يجي خلونا نخشو..

وليد والشباب خشو الاستراحه….

ـــــــــــــــــــــــــــــــــــــــــــــــــــــــــــــــ

اما عند صقر كان مازال قاعد ف طريق لان المزرعه بعيده واجد ع فيلا

قعد ربع ساعه ف طريق لعند وصل درس سيارته وخش المزرعه وصل الباب ودقه

ـــــــــــــــــــــــــــــــــــــــــــــــــــــــــــــــ

رحاب كانت قاعده تفرج عند سمعت دق الباب

رحاب: اكيده جا عشان ياخذ التليفون..
مشت خشت الغرفه وجابت التليفون وفتحت الباب ونصدمتتتت!!! 😨

🔥روايـــــــــــات مــــــــلاک العــــبــيـــــدي 🔥

ـــــــــــــــــــــــــــــــــــــــــــــــــــــــــــــــ
#يتبع🤭…
رواية زواج اتهامي الحلقه الرابعه .. الكاتبه:ملاك العبيدي

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى