رواية زواج اتهامي الحلقه السادسه .. الكاتبه:ملاك العبيدي | القلم الناجح
روايات ليبيه كاملة

رواية زواج اتهامي الحلقه السادسه .. الكاتبه:ملاك العبيدي

جميع حقوق النشر والطبع محفوظه

رواية زواج اتهامي الحلقه السادسه .. الكاتبه:ملاك العبيدي
عند تهاني..

كانت تحكي مع بنت عمها شهد خش عليها رؤوف ف الانتظار

تهاني بحتت ف التليفون: شهد اشوي بس نشوف هذا شن يبي ونرد عليك😒

شهد باستغراب: من هذا🤨

تهاتي: رؤوف ووه قصه طويله توا نحكيها لكي بعد نصكر من عنده

شهد:به باي

تهاني صكرت وردت ع رؤوف

تهاني:الو

رؤوف:،،،،،،ساكت

تهاني:مادام تبيش تحكي ليش ران عليه😒

رؤوف:ليش الحياه هكي

تهاني باستغراب:كيف🤨

رؤوف:ليش اللي نحبوه ونعطوه قلبنا يحط قلبنا ف الارض ويعفس عليه💔🔥

تهاني سكتت وقعدت تسمع فيه🙄

رؤوف صكر من عليها ونزلت من دمعه حااره🔥

تهاني قعدت ساكته بعدها رنت ع شهد وقعدت تحكيلها

رواية زواج اتهامي الحلقه السادسه

وليد:امم بس ليش قلتلي سيارتك عاطله وهيا قاعده برا

صقر نساه السياره بكل والتوتر واضح ع وجه:لا اصلا اليوم ف صبح مشيت جبتها🤦🏻‍♂️

وليد قعد يربط ف الاحداث عند راسهه صدعت ويدعي ان اللي ف تفكيره مايطلعش صح🔥

🔥روايـــــــــــات مــــــــلاک العــــبــيـــــدي 🔥

وليد صبا خذا مفاتيحه وطلع..

صقر لحقه:وليد

وليد فتح الباب وطلع وطاحت منه الساعه..

صقر خذا الساعه اللي طاحت منه وعرف روحهه انكشف….

رواية زواج اتهامي الحلقه السادسه

وليد ركب سيارته وتوجه الحوش رحاب ويفكر ومعصب قعد يخبط ف الدومان متاع والسياره ومعصب…

وصل حوش رحاب ودق الباب…

ف حوش رحاب…

كانت رحاب تهدرز مع امها واختها وفرحانه…

سمعت صوت الباب يدق ومشت تفتح سجى

سجى جت:رحـاب وليـد برا يرجى فيك

امها:كنك ليش مادخلتيه المربوعه

سجى:قلتله خش بس قالي مستعجل وبيروح🤷🏻‍♀️

رحاب خذت عبايتها ولبستها سلمت ع امها واختها وبنت عمها وطلعت..

لقت وليد يستنى فيها وليد بمجرد ماشافها قرب ومسكها من يدها بعصبيه وفتح الباب اللي قدام وركبها…

رحاب نصدمت وليد ركب مكانه وحرك السياره

رحاب بخوف وصدمه:ك كنك

وليد بعصبيه:ولا حرف لعند نوصلو الحوش واحسابك معايا😡

رحاب سكتت وخايفه!!..

رواية زواج اتهامي الحلقه السادسه
عند سجى…

شذى كانت تهدرز مع سجى رن تليفونها!!

شذى بحتت ف فونها

شذى:سراج يرن شكله بيجي بياخذني

سجى:خليكي باتي🥺

شذى:مش حيخلني بااارد😂

سجى:لا كان ماقتنعش عطيني نحكي معاه

شذى:به

وردت عليه…

شذى: الو

سراج:وتي روحك نا قاعد ف طريق 😒

شذى:لا خليني بنبات🤷🏻‍♀️

سراج:طح سعدك شن بتباتي خلي الناس ف حالهم😒

شذى:باهي وراس خيي المره هذي بس🥺

سراج:لالا😒

شذى:به امسك احكي مع سجى..

سجى خذت منها التليفون..:الو سراج🥺

سراج:اهلين سجى شخبارك

سجى:تمام الحمدلله سراج بالله اول مره نطلب منك طلب خلي شذى اتبات🥺

سراج:ااممم المره هذي عشان خاطرك بس …

سجى بحماس:نجك لياا..بعدها فطنت الروحها..

سراج ضحك:وليا😂

سجى بصدمه صكرت ف وجه😳😂

شذى:ينعلي نجك ليا صار😂

رواية زواج اتهامي الحلقه السادسه

عند وليد وصل المزرعه نزل وفتح باب رحاب مسكها من يدها وقعد يجر فيها للحوش..

وصل ورماها ع الارض..

رحاب قعدت تألم ودموعها ينزلو حطت يدها ع كتفها وهيا تألم

وليد نزل لمستواها ومسك دبشها من فوق وقربها ليه وبعصبيه وصوت واطي:بنسألك ي رحاب وقسما بالله لو كذبتي عليا نقتلك ومحد حيعلم بحاجه🤬

رحاب تبكي وتألم

وليد بعصبيه:شن بينك وبين صقر

رحاب نصدمت وتوتر بان ع وجها: ك كييف

وليد:نسأل فيك نا شن بينك وبين صقر لدرجة مدخلتيه البيت 😡

رحاب تبكي وترجف:و والله مابيني وبينه حاجه ولا كلمته اصلا من بعد ماجاه تقدم ورفضت معش شفته ولا سمعت عليه حاجه😭

وليد بصوت عالي وعصبيه:متاكده😡

رحاب بدموع: ا اها🥺

وليد بعد من عليها وخش غرفته

🔥روايـــــــــــات مــــــــلاک العــــبــيـــــدي 🔥

رحاب صبت من مكانها وهيا تألم وتبكي خشت غرفتها وقعدت ع سريرها

رحاب:اااه😭نا شن درت ف حياتي 😭💔ليش ربي يعذب فياا💔🔥😭

رواية زواج اتهامي الحلقه السادسه

عند وليد…
خش الغرفه وحط يده ف شعره
وليد:معقوله تهورت ونكون ضلمتها؟!.😕 ..!!.. اوووف راسي بيطربقق 🔥

ـــــــــــــــــــــــــــــــــــــــــــــــــــــــــــــــ

عند سجى وشذى…

سجى راقده ع الارض وراقده جنبها شذى ويهدرزو..!!

سجى:عارفه خايفه ع ماما الايام هذي مش كويسه وصداع عندها واجد والله نشوف فيها ف الليل ماترقدش منه🥺

شذى تهدي فيها: ماتخافيش انشالله ربي يشفيها 💗🥺

سجى ابتسمت وماحبتش تنكد عليها: باهي مفيش جديد عندك

شذى: شي مازلت كيف نا عع حطت يدك😂🤷🏻‍♀️

قعدو يهدرزو مع بعضهم عند جت الساعه 3 الفجر ورقدو

رواية زواج اتهامي الحلقه السادسه

في صباح يوم جديد 🌤

عند رحاب…

ناضت لقت روحها مازالت بالعبايه متاع امس سلحتها وخذت دبش من دولابها وخشت تدوش…

طلعت وكالعاده صبت المرايه وقعدت تجفف ف شعرها وتفكر وليد كيف عرف!!معقول صقر قاله!!لالا كيف بيقوله وبيفضح روحه😕…

طلعت من غرفتها ودارت قهوتها شربتها دارت فطور وليد وجهزته له ع طاوله وطلعت للجنان قعدت تسيق فيه خشت الحوش وخذت اميه وطلعت وقعدت تسقي ف ورد🙂🔥

……..

وليـد كان كيف طالع من الدوش و يلبس ف سوريته جا قدام الروشن بحت ف رحاب وطلع من الغرفه خش المطبخ لقاه الفطور ع الطاوله قمعز يفطر…

ـــــــــــــــــــــــــــــــــــــــــــــــــــــــــــــــ

عند سجى….
ناضت هيا وشذى فطرو مع بعضهم وشذى جاها خوها احمد وروحت..

سجى خشت ع امها الغرفه ولقتها راقده استغربت انها راقده عند توا… كان باين عليها مريضه..
سجى: مريضه اكيد راقده من التعب🤦🏻‍♀️
طلعت من غرفتها وجابت اكتاباتها وكراستها ف صاله وقعدت تقرا وتفكر ف امها..

ـــــــــــــــــــــــــــــــــــــــــــــــــــــــــــــــ

عند رؤوف كان قاعد ف طرعند رؤوف كان قاعد ف طريقهه للمستشفى…
وصل المستشفى وخش تلاقى بتهاني ف ممرات..

تهاني:ياهلا والله قعدنا نشوفو فيك واجد ف مستشفى🤔شن عندك😂

رؤوف بحت فيها من فوق لوطه وخش غرفة الدكتور…

تهاني برفعة حاجب وتفكير:كنه هذا🙄…مشت لحقاته وصبت عند باب الدكتور وتسمع…

ـــــــــــــــــــــــــــــــــــــــــــــــــــــــــــــــ
عند رحاب ووليـد

رحاب كملت المزرعه وخشت الحوش واحتارت شن ادير غدا
رحاب تحكي مع نفسها: حسني منى معتوق ونا مال راسي هالمكرونه بالصلصه😒
طلعت الخضرا وبدت تطبخ..

…..

وليد كان ف الصاله وماسك فونه يلعب بيه🤦🏻‍♀️

رحاب بعد نص ساعه كملت طبخ المكرونه حطت الوليد وعطته له ف الصاله وخشت تاكل ف المطبخ

ـــــــــــــــــــــــــــــــــــــــــــــــــــــــــــــــ

عند سجى…

كملت اقرايه وخشت المطبخ دارت مكرونه بعد كملت جهزت السفره ودقت دار امها ماردتش فتحتها وخشت حطت السفره ع طاوله ومشت تنوض امها..
حركتها بخفيف وناضت…

سجى حطت السفره قدامها:هي نتغدو مع بعضنا❤

امها ابتسمتلها: به.. وقعدو يتغدو مع بعضهم❤

ـــــــــــــــــــــــــــــــــــــــــــــــــــــــــــــــ

عند رحـاب…
قاعده ف الصاله ومطلعه فونها وتلعب بيه …

……..

وليد كان قاعد ف غرفته رن تليفونه رفعه لقاه صقر…
وليد:الو
صقر:سلام كنكك امس طلعت بسرعه
طلع من غرفته وهو يكلم وقمعز ف الصاله..

رحاب توترت هذا كان اول موقف يقعدو فيه مع بعضهم ……

وليد يحكي بالفون:لالا بس اذكرت حاجه ومشت نديرها😅

صقر:تمام انا ماشي للنادي بتجي غادي..

وليد:امم خلاص الحقني ونا توا نجي

صقر:تمام

وليد صكر وبحت ف رحاب بنظرات مشي مفهمومه!!

رحاب صبت وبتمشي دارها وليد وقفها

وليد: وين ماشيه😏

رحاب:غرفتي🤷🏻‍♀️

وليد:قبل ماتمشي ديريلي قهوه..

رحاب:تمام..خشت المطبخ وحطت القهوه ع نار 🔥

ـــــــــــــــــــــــــــــــــــــــــــــــــــــــــــــــ

عند الشباب..
كانو كلهم متلمين عند فيلا عند سراج..!!

محمود متكي:باهي قلتلنا تعالو وهدرزو ع الاقل قدم قهوه ولا شاهي😒

سراج صبا:ضروري🙂😂

محمود بهزوه:والله عراحتك😒

سراج قمعز ع كنبه:خلاص معناها مفيش داعي🤷🏻‍♂️

محمود:ططيححح سسعدككك😳🙄

احمد ضحك:خلاص توا نمشي نجيبلكم نا.. 😂وطلع

خش المطبخ لقاه شذى تاكل

احمد:ديريلنا قهوه وانتي ديما تاكلي🤨

شذى فمها معبي وتحكي: #ناكلونمنرزقبوكناا

احمد بقرف: كولي وبعدين احكي

شذى زمطت: ناكل من رزق بوك ناا🤨

احمد: حي علم الذكاء ع اساس باتي مش هو باتك😒

شذى: اممم اقنعتني 🙃

احمد بصوت عالي: هياا سقديني بالقهوه

شذى سيبت الاكل وغسلت يدها:ايواه عيط اصلا نا خدامتكم البنقلاديشيه 😒

احمد طلع وفاتها وقبل مايطلع:بعد تكملي نادي ع سراج ياخذها🌚

شذى:امبه😒

🔥روايـــــــــــات مــــــــلاک العــــبــيـــــدي 🔥

كملت تحظير القهوه وهيا تهزب ف احمد وسراج وعطاته لهم وكملت اكلها😂

رواية زواج اتهامي الحلقه السادسه

عند رحـاب…

كانت قاعده ف دارها..وتفكر ف رؤوف💔🔥
رحاب :مرايفتلهه خاطري نسمع صوته🥺 زعما نرن عليه يي رحاب كنك انتي🤦‍♀️

سمعت صوت دق الباب مشت وفتحاته

وليد:اسمعي نا طالع واحتمال نروح متأخر عطيني تليفونك دقيقه🙄

رحاب: ليش😐

وليد فنص فيها ورحاب خافت مشت عند السرير جابت تليفونها ومداته له…

وليد خذا اشوي وعطاه لها…

وليد:هذا رقمي للضروره نا توا طالع رديي بالك تفتحي الباب الحد🙄..

رحاب هزت راسها…

وليد طلع من الحوش وصكر الباب وراه…

رحاب طلعت من الغرفه وقعدت ف الصاله وتأففت: من الغرفه للصاله للمطبخ للحمام”اكرم القارئ” للجنان وتررن وتمضي الحياه🙄🤦‍♀️

رحاب تفكر:اممم زعمك ندير كيكه نكسد عليها🤭

رحاب صبت:هي والله نمشي نديرها.. 🌚 وخشت المطبخ طلعت مكونات الكيكه وقعدت ادير فيها🙃

رواية زواج اتهامي الحلقه السادسه

عند رؤوف…

الدكتور:ليش متبيش اتعالج مازال المرض تعالج توا خير مابعدين ينتشر المرض ف جسمك كله ومش حينفع العلاج معاه…

رؤوف صبا:لا بنعيش اليومين مرتاح وبين هلي لعند ربي ياخذ امانته..وطلع…

تهاني بعد شافاته صبا مشت بسرعه وقعدت ورا الباب…

تهاني:مرض شن هذا اللي يبيش ايتعالج منه🤨

بعد شافاته طلع دقت الباب وخشت…

الدكتور شافها ابتسم:اهلين تهاني

اهاني قمعزت:اهلين دكتور..نا توا شفت رؤوف طلع من غرفتك..!! كنه هو فيه حاجه..

الدكتور :اها انتي تعرفيه..!

تهاني بكذب:اها ولد خالي

الدكتور ملامح الحزن باانن عليه..:اي هو مريض جاني قبل كم يوم يشكي من صداع وكم مره استفرغ دم درناله تحاليل طلع عنده سرطان ف معده!! بس توا جاني وقالي منبيش نتعالج!! بلكي انتي تقنعيه ويتعالج قبل ينتشر المرض ف باقي جسمه وبعدين ماينفعش معاه علاج…

تهاني صبت:اممم توا نحاول نقنعه…

الدكتور:سلام..

تهاني طلعت وهيا تفكر وخطرت ف بالها فكره وابتسمتت

رواية زواج اتهامي الحلقه السادسه

عند سجى خشت غرفة امها وانصدمتت لقتها طايحه ع سجاده
سجى نصدمت وقربت منها
سجى بلعت ريقها وبخوف قعدت تنوض فيها:ماماا🥺

#يتبعع
توقعاتكم ورايكن..

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى