روايات ليبيه كاملة

رواية زواج اتهامي الحلقه العاشره .. الكاتبه:ملاك العبيدي

جميع حقوق الطبع والنشر محفوظه

رواية زواج اتهامي الحلقه العاشره .. الكاتبه:ملاك العبيدي
عند تهاني..

ناضت من جنبهم بسرعه وخشت غرفتها وخذت فونها وقعدت ترن ع رقم

تهاني:الــو… بس بسرعه الخط فصل..

رنت عليها اخرى ماردتش

تهاني رمت التليفون ع سرير بعصبيه:اووف 😒

خذت التليفون وضغطت ع رقم رغد وردت

رغد:همم شن صار معاكي

تهاني:مبتش ترد تفصل😒.. قلتلك عطيني مكانها بنمشيلها

رغد:جديات بتمشيليها؟؟ قصدي مكان ههذا خطير افرضي شافوكي خوتك؟

تهاني نفخخت: انا اللي بيشوفوني خوتي مش انتي هيا دزيلي وين مكانها ف رساله.. 🙂

رغد بدون اهتمام:امبه بـراحتک🤷🏻‍♀..

تهاني صكرت وقعدت ترجى ف رساله.. سمعت صوت الرساله طول خشت عليها قرت العنوان وابتسمت بـ خبث..

ناضت من سريرها طلعت دبش الطلعه من دولابها لبست وكملت خذت شنطتها فتحتها مالقتش عندها غير 50 واكيده مش حترضى تاخذ 50 بس..طلعت من غرفتها

امها شافتها:وين.؟

تهاني وهيا تلبس ف سبيدرو متاعها:طالعه للـمستشفى.. قلتلكك نبي فلوس 300 بس

امها:عليش😐

تهاني:امس مشيت السوق عجبني قفطان محصلتش حقه مكنش عندي غير50 عطيني بنشريه 🙂

امها:امشي خوذي من شنطتي

تهاني صبت ومشت غرفةة امها خذت الفلوس وطلعت ركبت سيارتها ومشت متوجهه للـمكان..

ـــــــــــــــــــــــــــــــــــــــــــــــــــــــــــــــ

عند رحاب…
ناضت غسلت وبدلت طلعت وهيا تحس ف روحها خير من امس..

خشت المطبخ وسمعت وليد يحكي بـ تليفونه طلعت وكرست ورا الباب وتسمع

وليد:باهي كان منزلتش حرارتها اتصلي عليا نجي نشليها مستشفى

: ………

وليد:متنسيش ان قاعده امانه ف رقبتكك!.

:………

وليد:سلام بعدين نجي نطمن عليها..وصكر..

رحاب قعدت مصبيه ع باب وتفكر من هذي ؟.

غمضت اعيونها وخذت نفس وخشت المطبخ…

وليد شووجها وبحت ف فونه:كيفك توا؟

رحاب وهيا تحط ف قهوه ع نار:تمام خير من امس

وليد وهو منتبه لـ فونه:باهي

رحاب وقفت وبحتت فيه: فطرت؟

وليد: الحمدالله

رحاب: باهي بنقولك فاضي انت العشيه؟

وليد انتبهلها بحت فيها وسكت بعدها:لا عندي مشوار عليش؟

رحاب:شي بس مليت من الحوش 😅

وليد بأنتباه:بس مازال مريضه انتي مازال جرحكك ما شفـش

رحاب:لا كويسه نا توا وحتى كان عادي منبيش نطلع من السياره بس بندهور🥺

وليد:باهي نكمل مشواري ونطلعكك

رحاب:لا نبي قبل مشوارك😒

وليد بحت فيها بـرفعةة حاجب

رحاب انتبهت طبست راسها وطفت ع قهوه

وليد وهو يبحت ف فون:باهي جهزي روحكك بعدين..

رحاب بفرحهه:شكراا 🥺..بحتت ف شكله وبلحيته كل شي قعدت سرحانه وتبحت فيه…. ردت للقهوه وقلبهه يدق بسرعه وبدون ماتنتبه شدت القهوه وهيا ساخنه

🔥روايـــــــــــات مــــــــلاک العــــبــيـــــدي 🔥

رحاب بعدت يدها وتألم:ااهه

وليد انتبهلها ناض جا عندها ومسك يدها: مرعوشه كنكك ما تنتبهي🙄

رحاب: كله منك☹️

وليد بحت فيها:عفوا🤨 !.

رحاب بسرعه: ش شي..

وليد بحت ف اصابع يدها كانن حمر:باهي ارجي نجيبلكك مرهم ونجي قمعزي هنا !.

رحاب قمعزت ع كرسي ووليد طلع…

رحاب:شن صاارلكك ي رحااب اافف🥺..

وليد جا قرب الكرسي وقمعز جنبها خذا يدها وبدا يحطلها ف المرهم..

رحاب كانت منتبهه لـ وجه وحركاتهه وتفاصيل وجه ..

وليد كمل وبحت فيها ف اللحظه هذي تلاقت اعيونهم ببعضهم..

وليد شاف لـ عيونها اللي يلمعوه
حط يدها ع وجهها ورحاب غمضت عيونها… رفع يده ع شعرهاا اللي كانت لافتهه..

حول منه المساكه وخلاه يطيح ع ووجها…

حط يده ع وجهه وبعدلها الشعر اللي كاين ع وجها قرب من منها ودفن وجه ف رقبتها … بس بسرعه رحاب انتبهت للي صاير صبت وبعدت من عليه وطلعت…

وليد انتبه لـ روحه بعصبيه كسر الكبايه اللي جنبه وطلع من المطبخ ومن الجناح كله..

رحاب خشت غرفتها وقمعزت ع سرير ومصدومه من كل شي صار قبل شوي حطت يدها ع شعرها وقلبهااا يدق بسرعه

ـــــــــــــــــــــــــــــــــــــــــــــــــــــــــــــــ
عند وليد..
ركب سيارته بعصبيه وهوا يفكر كيف ضعف قدامها كيف مقدرش يسيطر ع مشاعره..

خبط الدومان بيده بعصبيه وحرك السياره ومشى بيها…

ـــــــــــــــــــــــــــــــــــــــــــــــــــــــــــــــ
عند سجى…

كانت قاعده ف الصاله وتفرج ع تلفزيون..

طلعت امها من المطبخ وجت جنبها:حتجي معايا صح.؟

سجى باستغراب بحتت فيها:وين!.

امها:المرج عند خالتك اليوم خالك جاي ياخذنا بنتها دايره عمليه ولا مقلتكش عليه

سجى:لا مقلتيليش !.. بس منبيش نمشي نا☹️

امها:وين بتقعدي معقوله بتقعدي وحدك ف الحوش

سجى:عادي مش طفله انا😕!.. وبعدين حتى مدرسه عطله معش عندي !..

امها:لالا مش حنقدر نمشي ونسيبك وحدك ف الحوش..

سجى حطت يدها ع كتف امها:امشي ماتخافيش وعشان تطمني حنكلم شذى تقعد معايا

امها ابتسمتلها بحنيه:خلاص ونا مش مطوله يوم يومين ونجي

ـــــــــــــــــــــــــــــــــــــــــــــــــــــــــــــــ
عند تهاني…
وصلـت للمـكان درست سيارتها ونزلت…
خشت المكان وقعدت تبحت فيه باستغراب كان فيه عرم ناس

مشت عند بنت ف مكتب استعلام🌚

تهاني: ممكن نشوف “فاتن”

البنت: حجزتي من قبل؟

تهاني: لا اول مره نجيه مكان هذا🤷🏻‍♀️

البنت: خلاص ارجي شهرين اخـرى الشهر هذا كله محجوز

تهاني بصدمه: شهرين!

البنت بدون اهتمام: اها

تهاني بحتت فيها وبعدين بحتت ف شنطتها فتحتها وطلعت منها فلوس: هذيما لك خليني نخش وبعد نجي اخرا نعطيك اضعافهم

البنت بحتت يمين ويسار وبعدين خذت الفلوس: تمام لما تطلع المرا اللي جوا خشي😶

تهاني ابتسمت وردت مكانها قعدت تستنى لعند طلعت مرا وبنت ثانيه.. صبت وخشت..

تهاني خشت الغرفه وخافت من منظر المكان..

قمعزت جنبها..

تهاني تحكي بخوف:اء..

فاتن بحتت ف وجها:قريبك وبديريله سحر تخليه يكره مراته ويحبك؟!

تهاني بخوف وصدمه: ا اها

فاتن: باهي جايبه حاجه من اغراضه؟

تهاني: لا كيف شن مثلا

فاتن: ماليه ساعه اي شي هو يلبس فيه.!
تهاني:لا مش جايبه خلاص كان هكي نجيكي بكرا ونجيب حاجه من دبشه.

فاتن:لا الايام هذي كلها مش حنقدر ندير شي الطلبات عليا واجد تعالي بعد شهرين

تهان:ككيف شهرين واجد

فاتن: 🤷🏻‍♀️

تهاني:باهي نعطيكك اضعاف المبلغ بس حاوللي تقدمي الموعد

فاتن بتفكير:بعد شهر!.

تهاني وواضح ع وجها الانزعاج: به تمام..

صبت وخذت شنطتها وطلعت وههيا مضايقهه

ـــــــــــــــــــــــــــــــــــــــــــــــــــــــــــــــ
عند سراج…

كان قاعد ف غرفته مقمعز ع سرير ويلعب بي فونه..

انفتح الباب خشت عليه شذى وقمعزت جنبه:شن ادير

سراج:نقلي ف دحي🐸شن تشوفي فيا اندير🙂

شذى:رايح الايام هذي نفسيه راك😒

سراج:به

شذى:موعد عرس احمد تحدد بعد شهر💃🏻

سراج:مبروك

شذى:عقبالك😈

سراج بحت فيها وخطرت ف باله سجى وابتسم

شذى:اووو ابتسامات وحركات 😂

سراج ضحك وكمل لعب بفونه

شذى:من قولي

سراج برفعةة حاجب:وليش بنقولك🤨

شذى:امبه ماتقولش توا نعرفها بروحي🤷🏻‍♀️

ف اللحظه هذي رن تليفون شذى..
رفعاته لقاته سجى..

سراج رفع حاجبه وبحت ف تليفون شذى:سـجى وحقربي🌝

شذى: حبي

سجى:قلبي شنجو

شذى بعدت سراج اللي كان يحاول يسمع:تمام وانتي

سجى:الحمدلله.. قلتتلكك ماما توا بتمشي المرج..

شذى بسرعه:ماتقوليشش بتمشي معاها😭

سجى:لالا منبيش نمشي 🤦🏻‍♀️ بصعوبهه قدرت نقنعها تخليني ف حوش

شذى شهقت :بتقعدي وحدك😳

سجى:ييي تي غير اسمعي🤦🏻‍♀️😂

شذى:احم احكي..

سجى:قلتلها انك حتجي تقعدي معايا تعالي🥺

شذى: اصلا كنت بنقولها لكي تمامم اشوي ونجيكي 🌚

سجى ضحكت:هيا نستنى فيككك…وصكرتت..

شذى بحتت فيه:خويا اللي نحبه🥺

سراج:همم اكيد مصلحه

شذى:اعميمه ماشيه المرج وسجى قاعده ف الحوش بروحها نبي نمشيلها نقعد معاها😁

سراج رفع حاجبه:بروحكم🙄

شذى:ف شن قاعد نخرط نا اكيد ماقلتلك اعميمه ماشيه🤷🏻‍♀️

سراج:لا رني عليها قوليلها هيا تجي هنا وين بتقعدو بروحكن ف الحوش بلا حد كبير معاكن🙄

شذى:ع اساس نحنا صغار ههيااا سراااج وراااسكك وبعدين ع اساس امك حتخليها تقعد معانا😒

سراج تنهد:به امشي

شذى:خيتسلمك🥺..وطلعت وقبل ماتطلع طلعت راسها من الباب:ع فكره منسيتش موضوع حبيبتك حنعرفها🌚
سراج:به

رواية زواج اتهامي الحلقه العاشره

عند رؤوف
كان قاعد ف سياره متاعه …

طلع فونه ورن ع تهاني …

تهاني كانت تسوق ف سياره رن فونها رفعاته لقاته رؤوف.. درست السياره ع جنب وردت

رؤوف:خـيرر

تهاني:خيراات

رؤوف:شنجو

تهاني:الحمدالله بخير 💙🌚 ووينكك انت .!

رؤوف:قاعد نبرم ب السياره..

تهاني:مامشيتش المستشفى؟

رؤوف:لا ماعنديش اليوم علاج🤦🏻‍♂️

تهاني:اووبس نسيت.. به وين بالظبط؟

رؤوف:قدام مول الـ..

تهاني بحتت جنبها وولعت السياره:وين انت حتى نا قريبه منها

رؤوف نزل من السياره:قدامه بالضبط مدرس سياره..

تهاني برمت بالسياره وخشت بيها المول.. نزلت شافاته وشيرتله بيدها:اوكك شفتك.!

مشت عنده ومدت يدها:هاااي

رؤزف بحت ف يدها ومد يده:اهلا😕

تهاني مشت وهو جنبها:نخشو نشربو شي ونطلعو ومنها نهدرزو🌚

رؤوف:تـمام.

خشو المول وقمعزو ع طاولات…

تهاني:قهوه ساده ولا حـلوه

رؤوف:ساده

تهاني للناذل اللي جنبها:قـهوه ساادهه وعصير..

الناذل هز راسه ومشى..

تهاني شبكت يديها ببعضها وحطتهن تحت وجها:احكي😕

رؤوف انتبهلها:لـ،يش مش متحجبه قصدي مره شفتكك لابسه الوشاح وتوا ليش مش لابستيه ع فكرهه منظرك احلى بالوشاح وبعد هذا كله الوشاح فرض ع مراه المسلمه

تهاني:تعرف اول مره حد ينصحني عليه!

رؤوف باستغراب:كيف..

ف اللحظه هذي جا الناذل وجايب طلاباتهم..

تهاني عدلت يدها ونزلت راسها تحرك ف العصير بهدوء:اخ صايع له 7 سنين قـاعد بـرا ف تركيا !. اب كـل همه الفلوس ويطلع برا ويسافر ومنشوفوش الا مره ف السنه !. ام عادي عندها نتحجب او لا بس كل همها الطلعات والعزومات عند هذي وهذي

وغير هذا انا اكبر وحده ف خواتي ملقيتش حد ينصحني ويعلمني الصح من الغلط !.

رفعت راسها ومسحت دمعه نزلت منها بحتت ف رؤوف لقاته كيف متأثر وضحكت:هههه قصدكك تأثرت!. افف عموما فوتكك مني انت احكيلي عن حياتك!؟

رؤوف يشوف فيها كيف خفت حزنها وتضاهر انها قويه:امم شن بتعرفي

تهاني:اي شي

رؤوف:امم انا رؤوفف عندي 3 خوات واخ واحد خواتي كلهن صغار اكبر وحده فيهن ف 2 ثانوي..!

خويا اصغر مني بسنتين

طبعي انا عصبي نغار ع حاجتي والاشخاص اللي نحبهم..وبس

تهاني ابتسمت:حلوو
رواية زواج اتهامي الحلقه العاشره
ف العشيه…

ع ساعه 4:30..

عند رحـاب..

كانت قاعده ف الصاله وتفرج ع تلفزيون..!

سمعت صوت عرفت ان وليد جا..

حاولت تنسى اللي صار قبل اشوي وتحاول تخلي نفسها طبيعيه..

وليد بحتلها وخش المطبخ.. فتح الثلاجه خـذا اميه وصكرها..

طلع ف الصاله وهوا ف يده الميه..

وليد:هيا🤦🏻‍♂️

رحاب باستغراب بحتت فيه:وين😕

وليد رفع حاجبه:مش بتطلعي

رحاب نطت بفرحهه:جديات تحكي🥺

وليد:اها🙂

رحاب:ههي اشوي نبدل دبشي ونجي..

ومشت تجري لغرفتها

وليد ضحك ع حركاتها…

خش غرفته ادوش ولبس..سقم شعره ولبس ساعته وطلع ف الصاله يرجى ف رحاب..

وليد بصوت عالي:رحااب هيا🤨
رحاب طلعت:ههياا

وليد بحت فيها

كانت لابسه قونه ليكرا لونها احمر..
وبادي ابيض عليه رسمات وحروف انجليزيه🌚وعليها جاكه سـوده قصيره
ومش ايره ف وجهاا غير ماسكرا وروج
..وطالعه ححلوهه🥺❤❤

وليد بحت فيها وهو قارض حواجبه:بتطلعي هكي🤨

رحاب بحتت ف لبسها:كنه شين🥺

وليد قمعز وحط يده ع وجه بعصبيه:رحاب امشي غيري وامسحي الهايك اللي حاطتيه ع وجك

رحاب:ليش لو مشيت حنقعد ساعهه اخراا ونا نبدل وبعدين عادي انا مش طالعه من السياره🥺

وليد بعصبيه:رحـــاب

رحاب خشت وهيا زعلانه طبقت الباب وقبل ماتسكره:خلاص معش بنمشي

وليد تنهد ومشى دق باب الغرفه

رحاب تبدل ف دبشها:مش فاتحه😒

وليد:رحاب افتحي🤨

رحاب لبست الماليه متاعتها ومشت تفتح الباب وبصوت واطي:انننن

وليد:البسي عبايتك وهيا🤦🏻‍♂️

رحاب:خلاص معش بنمشي كشخت عليه😒

وليد ضحك ع طفولتها:اوك براحتك

رحاب:بعد هكي بنطلع😒

وليد قرب منها:ليش

رحاب: بنمشي نحضر المسلسل 😒

وليد قرب اكثر:اممم شن اسمه

رحاب توترت:ااء الطبيب.. اووف بعد.. ودفاته وطلعت وهيا متوتره…

وليد ضحك وطلع ف الصاله قمعز..

رحاب خشت المطبخ دارت فوشار وطلعت الصاله طفت الضي وخلت ضي التلفزيون بس وجت بتقمعز عكنبه لقت وليد مقمعز مكانها

رحاب:مكاني🤨

وليد: منشوفش فيه مكتوب عليه اسمك!.

رحاب تنهدت:به حول المسلسل بيبدا

وليد بعدلها:قمعزي المكان واسع🙂

رحاب:اننن.. حطت الفوشار بيناتهم وقمعزت اتفرج

وليد يضايق فيها خذا الفوشار وحطه جنبه

رحاب مدت يدها مالقتش بحتت ف وليد:ولــــــيد😠

وليد:😂خوذيه..وحطه بيناتهمم..

رحاب خذت وردت نظرها للتلفزيون..

🔥روايـــــــــــات مــــــــلاک العــــبــيـــــدي 🔥

وليد يبحت فيها وكيف متأثره مع المسلسل ويضحك… عند كمل المسلسل

رحاب اعيونها دمعت: يـا نازلي ي كلبه هككي ديري ف علي قالك نحبك مارديتيش😭

وليد ناض وولع الضي:قصدك انتي كل يوم هكي🤦🏻‍♂️

رحاب مسحت دموعها:اها 24 ساعه قاعده ف الحوش شن تبيني ندير😒

وليد كان بيحكي قاطعه رن التليفون..
رفعه ورد بسرعه..

وليد:الو
:…..……………

وليد بصدمه:كيف!!.باهيي اهدي توا نجي ..

ـــــــــــــــــــــــــــــــــــــــــــــــــــــــــــــــ
عند صقر…
كان قاعد ف فيلا متاعه ويفكر ف ميةة فكرهه

صقر خطرت ف باله فكره ابتسمم:لازم انفذها بأسرعع وقت

خذا تليفونه ورن ع تهاني..

#يتبع…

رواية زواج اتهامي الحلقه العاشره

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

 

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock