رواية زواج اتهامي .. الكاتبة ملاك العبيدي كاملة | القلم الناجح
روايات كاملة

رواية زواج اتهامي .. الكاتبة ملاك العبيدي كاملة

جميع حقوق الطبع و النشر محفوظه

رواية زواج اتهامي .. الكاتبة ملاك العبيدي كاملة
الحلقه 1 والمقدمه

ـــــــــــــــــــــــــــــــــــــــــــــــــــــــــــــــ
ف صبح ناضت ع صوت صوت امها وهيا توعي فيها

امها: نوضي طيح والله سعدك اليوم الفاتحه متاعك وانتي مازلتي راقده

رحاب ناضت بعد سمعت امها حست بنشاط غريب بمجرد ما سمعت كلامها

امها طلعت وسيبتها بعد شافتها ناضت

ف اللحظه هذي خشت عليها اختها
وهيا مبتسمه….

سجى: :هياا بش نلحقو نضموو الحوش وتلبسي

رحاب اثاوبت:هي اشوي نغسل وجي ونطلع…

سجى ابتسمتلها ومشت تساعد امها بتحضير الحاجات

سمعت صوت فونها يرن خذاته لقاته رؤوف ابتسمت للفون بحب وهيا تبحت ف صورته اللي ع جهاز تحمحمت وردت

رحاب بصوت نعومي:الو😊

رؤوف:واحلا الو واخيرا مش مصدق انك بتكوني مراتي🤤

رحاب ضحكت بدلع:حبيبي نا تأخرت بنمشي نجهز روحي

رؤوف:تمام حبيبي ردبالك ع روحك

رحاب:مع السلامه… وصكرت

مشت الحمام وخشت تلبس وتجهز ف روحها

ـــــــــــــــــــــــــــــــــــــــــــــــــــــــــ

ننتقلو ف مكان ثاني مش بعيد ع فيلا
ف فيلة عمهم تحديدا عند شباب العيله

الشباب يدقو عليه:افتحح ي وليد🙄

وليد وهو راقد وحاط مخده ع راسه:بعدين😴

سراج قرب م الباب وقعد يدربك عليه: وليييد

وليد ناض وهو يثاوب وفتح الباب بعين مغمضه وعين مفتوحه:هاا

احمد دفه ومشى رقد ع سرير:محلاه النوم

سراج جا جنبه:وخر غادي اشوي خليني نرقد🌚

وليد فتح عيونه:يعني انتم منوضيني من النوم ومسيبين فيلتكم بش ترقدو عندي

🔥روايـــــــــــات مــــــــلاک العــــبــيـــــدي 🔥

سراج وهو راقد: مشعارف الصراحه ليش جينا اها صح جدي قال امشو نوضو خميرة النوم اللي فوق ما اليوم فاتحة بنت عمك كان ناسي🌚

صقر”صاحب وليد وولد جيرانهم” فتح الباب وبصوت عالي:هاااااااي بيبي🐸

سراج بحت فيه:معش تقول بيبي مش لنا الكلمه هذي

صقر:اي كلمه قصدك “شد عليها” بيبيييي
سراج:بطل حركات المتلسونين🌚

صقر فاته ومشى ل وليد حضنه من لاوره:صباح الخير حبيبي😘

وليد بعد من عليه:امتى بتعقل بس😂🤦🏻‍♂️

صقر ضحك ومشى يشوف عضلاته ع المرايه ويقهر فيهم بـ سراج وسراج معطيه طاف🌚

لحظه نعرفكم بالشخصيات

وليد:عصبي وغيور لابعد الحدود ونادر ما يضحك ديما قارض حواجبه وف نفس الوقت حنون اكبر شباب العيله م 91 مواصفاته ابيض مع لحيه سوده عيونه سود وفيهم لمعه غريبه جسمه رياضي وملاكم 🔥

صقر:ولد جيرانهم وصاحب وليد من الطفوله م 91 ابيض ولحيته خفيفه عيونه لونهم قهوي داكن وملاكم طبعا مع وليد

احمد ولد عم وليد: م 95 عنده لحيه بشرته حنطيه عيونه لونهم عسلي وطويل وخاطب عن علاقة حب

سراج خو احمد:تافهه لأبعد الحدود وواخذ الحياه بضحك ولعب بس لما يصير موقف او شي تلقوه هو اول واحد مصبي راجل ويعتمد عليه م 98 مواصفاته بشرته حنطيه وطويل عنده لحيه خفيفه شويه مداير سكسوكه😂 وارقيق.

رحاب:م 96 بنت حساسه وطيبه باتها متوفي من هيا صغيره مواصفاتها:شعرها حمر ناري وطويل وبيضه وعيونها لونهم عسليي دااكن جسمها متوسط وحلوه ونص بنات عيلتها حاسدينها ع جمالها ومقهورين منها عندها اخت وحده ومعندهاش خوت وكانت ديما اتحسس من النقطه هذي اتحس ان

سجى م 2000 طفوليه وبريئه 🥺 شعرها طويل ولونه اسود وعيونها اكبار ولونهم اسود وعندها غمازات وارقيقه
ــــــــــــــــــــــــــــــــــــــــــــــــــــــــــــــــ

ع ساعه5 م ف جامع

طبعا مكلمين القريبين والجيران كلهم

الجد لـ ولده بهمس:رن ع ناس كنها تأخرت

فزاع ولده طلع تليفونه وجا بيرن سمع صوت هرجه واعياط جاي شورهم

بات رؤوف قدم:قبل ماتفكرو تعطو بنتكم وتزوجوها ربوها قبل

عمام رحاب قربو وبعصبيه: شن تقول انت

🔥روايـــــــــــات مــــــــلاک العــــبــيـــــدي 🔥

بات رؤوف عزق التليفون عليهم:شوفو الفيديو

عم رؤوف خذا التليفون ونصدم باللي يشوف فيه بنت خوه بالمنظر هذا🔞😨

جده قرب من عليه وخذا التليفون ونصدم باللي يشوف فيه كانن صور رحاب ومقطع مع واحد🔞 كلهم بأوضاع مخله

بات رؤوف: ربي يحبنا ان مخذيناش وحده كيف بنتكم ومشى هو والرجاله

جده نزل راسه وهو يشوف ف الجيران يمشو💔

الشباب كانو مصبيين ومنصدمين….

عم رحاب بعصبيه:انا توا نوريها الفاجره نزلت روسنا قدام الناس

ركب سيارته وطلع متوجهه للحوش

ــــــــــــــــــــــــــــــــــــــــــــــــــ
ف الحوش

طبعا اغاني ودنيا شايله ورقيص كأنه عرس

سجى:غريبه طولو🤔

رحاب كانت مقمعزه وقلبها مقبوض ترن ع رؤوف مايردش..

البنات سمعو صوت عمهم وهو يعيط جا عندهم وخذا رحاب وقعد يضرب فيها البنات يحزن عليها ومش فاهمات شي😨

عمها وهو يضرب فيها:يافاجره ي&.$# نزلتي روسنا بين الناس وقعد يضرب فيها امها جت وتبكي ع بنتها وتحاول تفكها منه بس معرفتش عند اغمى عليها وقعدت كلها دم عمها بعد من عليها وطلع وهو معصب

امها تبكي وحاطه بنتها ف حضنها: حي علياا بنتي بتموت😭

البنات مشن يجيبن ف ميه ومعقمات ويحاولن ينوضنها عند ناضت بحتت جنبها لقت امها حضنتها وتبكي وهيا مش فاهمه شي

ف اللحظه هذي خش جدهم…

بحت فيهم وبعصبيه : خلي الشباب كلهم يلحقوني ف المكتب

الجد خش المكتب وقمعز ع كرسي ومصدوم اخر وحده توقعها ادير الشي هذا وتنزل راسه هيا حفيدته رحاب كيف وهو اللي مربيها وكان ديما متعود يقوللها بنتي كانت مختلفه عن حفيداته الاخرات
رفع راسه بعد ما انتبه للشباب خشو

الجد: انتم عارفين اللي داراته بنت عمكم صح؟

الشباب طبسو راسهم: صح

الجد:وشفتو شن صار قدام الجيران انا معش قدرت نرفع راسي بيناتهم 💔

وليد جا باس راسه:لا حشاك ي جدي ماعاش من ينزل راسك

جده:انا بنخش ف الموضوع نبي واحد منكم ياخذ البنت ويتزوجها ويستر عليها

الشباب نصدمو 😳

محمود “حفيده وخو وليد : بس انا متزوج ي جدي ونحب مراتي

جده: عادي الشرع حلل اربعه وكان ع مراتك انا نحكي معاها

محمود: لا جدي مستحيل

جده: وانت ي احمد

احمد: انا خاطب ي جدي ولا نسيت

جده: عادي افسخ الخطبه مازلتو ف البدايه وخوذ بنت عمك واستر عليها

احمد: جديات ي جدي انا ولا مره قلتلك لا بس المره هذي لا منقدرش

جده تنهد: وانت ي سراج

سراج فنص: جدي انا اصغر منها وبعدين انت عارفني مش متاع زواج والحركات هذوم

جده: عادي الرسول “صلى الله عليه وسلم” كانت السيده خديجه اكبر منه وبعدين مفيش فرق كلها سنتين ثلاته انت اصغر منها وانت راجل عارفك ويعتمد عليك

وليد كان مصبي وشاد ع اعصابه قاعد يعرض ف بنت عمه كأنه بضاعه…. وبدون مايحس ع روحه
وليد: انا ناخذها ي جدي

جده: الله يرضى عليك ويسترك كيف ما بتستر بنت عمك قدام الناس خلاص توا نطلعو ع جامع ونقرو الفاتحه

وليد طبس راسها وطلع ومش مستوعب اللي صاير

ــــــــــــــــــــــــــــــــــــــــــــــــ
عند البنات

سجى حاضنه اختها وتهدي فيها وهيا مش فاهمه اصلا اللي صاير

🔥روايـــــــــــات مــــــــلاک العــــبــيـــــدي 🔥

تهاني بنت عمتها:تبكي بعد دارت الكارثه ونزلت روسنا قدام الناس😏

شهد”اخت تهاني”:تهاني اطلعي بره مش ناقصتك القصه هيا

تهاني صبت:ماشيه اصلا شن بيقعدني مع وحده رخيصه كيفها😒..وطلعت

رحاب زادت بالبكا بعد سمعتها

خشت عليهم امها وتبكي: توا بتنقرى فاتحتك ي رحاب ع وليد

رحاب بعدت ع اختها وبصدمه: ك كيفف و رؤوف… رؤوف مستحيل يسيبني

#يتبععع….

جميع الحلقات:

  1. رواية زواج اتهامي الحلقة الاولى
  2. رواية زواج اتهامي الحلقة الثانية
  3. رواية زواج اتهامي الحلقة الثالثة
  4. رواية زواج اتهامي الحلقة الرابعه
  5. رواية زواج اتهامي الحلقة الخامسه
  6. رواية زواج اتهامي الحلقة السادسة
  7. رواية زواج اتهامي الحلقة السابعه
  8. رواية زواج اتهامي الحلقة الثامنه
  9. رواية زواج اتهامي الحلقة التاسعه
  10. رواية زواج اتهامي الحلقة العاشرة
  11. رواية زواج اتهامي الحلقة الحادية عشر
  12. رواية زواج اتهامي الحلقة التانية عشر
  13. رواية زواج اتهامي الحلقة الثالثة عشر والاخيرة

لمشاهدة جميع اعمال الكاتبة : روايات ملاك العبيدي

لمتابعه اخر الاخبار: القلم نيوز

اترك رد

زر الذهاب إلى الأعلى