رواية شغف الحلقة التاسعة | القلم الناجح
روايات ليبيه كاملة

رواية شغف الحلقة التاسعة

رواية شغف الحلقة التاسعة

#شغف 9(حقيقه ممزوجه بخيال)

طاحت عينه ع تلفون اميره قاعد في صالون…ناض ومشاله وفتحه وماكنش فيه رمز سري🤦🏻‍♂️فتح الرساله امير ولقها من وهبي ومكتوب في رساله(انشالله طلع راجل معك امس وتهنيتي ياعروسه😏)
اميره:طلعت من الحمام
امير:عزق تلفون اميره ع الارض لين تكسر كله
اميره:😳امير كنك عليش هكي
امير:اسسس مانبيش نسمع صوتك..اطلعي قدامي وحسابك في الحوش😤
اميره:بصدمه وخوف…حساب شنو..عليش هذا كله…بعدين عليش كسرت تلفوني
امير:زعلانه صح زعلانه ع تلفونك يلي تكسر…لكن وربي معد تحلمي بيه التلفون…امشي اطلعي قدامي
اميره:شافتله وهي خايفه منه خذت شناطته وطلعت وطلع وراها امير وصكر الباب..
طول الطريق وامير ساكت ويخبط ع الدومان…واميره خايفه منه لان شكله يخوف ويجري بسرعه خياليه🤦🏻‍♂️
__________________________
سعاد:اهم شي ربي يسعدهم
اسراء:ولله ياعميمه البنات توه كلهن جلطات وقليلات ادب الا من رحم ربي طبعا😏
سعاد:ولله قلة الادب ماتخذيها الا من ناس الحقوديه ويلي تحب تخرب بين اثنين🔥
جنات:صح لسانك ماما فعلا هكي صح تكون قليلة ادب وقليلة اصل اخر😏
اسراء:😒😒
شيماء:بفرح…جنات عميمه تعالن بسرعه امير جا
سعاد:هي جنات اطلعي عشان تستقبلي مرات خوك❤️
جنات:هي باه بعدك متشوقه نشوفها
سعاد:اطلعي قدامي يلا
شيماء:لولولولولي👏🏻
جنات:مرات خوي الجديده😭
شيماء:😂🤦🏻‍♀️
جنات:الف مبروك وصباحيه مباركه وعقبال مانفرحو بصغركم❤️
سعاد:بتفنيص…تحشمي يابت
اميره:عادي يا عميمه خليها☺️
جنات:احممم..الف مبروك امير
امير:يحاول يكون طبيعي…الله يبارك فيك
شيماء:خشو خشو ليش واقفين
اسراء:اهلين اميره…الف مبروك
اميره:الله يبارك فيك اسريوه
جنات:خشي اميره
اميره:خشت قعدت معهم في صاله مع شيماء وجنات وسعاد اما اسراء قعدت شوي وخشت دارها كالعاده🤦🏻‍♀️
سعاد:هي بنات بسرعه عدو حطو الغدا
شيماء:حاضر..هي جنات معي
جنات:هي
سعاد:منوره اميره
اميره:بنورك عميمه❤️
_________________________
امير:قاعد في المربوعه بروحه ويفكر في يلي شافه في تلفون اميره…الدمه يغلى في عروقه وخاطره يمسك وهبي ويقتله ع يلي قاله الاميره في رساله…مهم كان هذي مراته ومافيش راجل يتقبل اي حد يقول لمراته هكي🔥
طلال:خش عليه…اووو العريس عندنا اليوم
امير:صبا وسلم عليه…شخبارك
طلال:تمام…صباحيه مباركه ياعريس😉
امير:الله يبارك فيك🤦🏻‍♂️
طلال:شنو العروسه جو
امير:اها مع امي والبنات
طلال:شنجوك معاها انشالله بس امورك كويسه معاها وماقلتلهش كلمه هكي ولا هك
امير:شافله…تشوف في عيل صغير انا مثلاً ولا شنو
طلال:لا حشاك…بس انا عرفك وعارف تصروفاتك
امير:لا اطمنى اموري تمام معاها
طلال:انشالله ع طول
جنات:خشت ومعاها سفرة الغدا…سمعت صوتك يا طلال فدرات حسابك مع امير
طلال:منوره ولله
جنات:بيك…وطلعت
امير:وانت عدا ايش وضعك مع الاثنين يلي عندك انشالله مغير كويس معهن
طلال:بالله عليك اسكت وخليني ناكل
امير:كول كول اصلا انا عارف الجواب
طلال:كويس
________________________
سعاد:زايدي كولي
اميره:لا ولله كليت الحمدلله سلم ايديكن❤️
شيماء:صحه
جنات:اميره اسمعي من توه ماتحشميش مننا
اميره:لا ولله حسابتكن كيف ايناس اختي
سعاد:ربي يحفظها
اميره:سلمك❤️
امير:من صاله…اميره يا اميره
سعاد:اميره اطلعي يبيك امير
اميره:هي حاضر…وطلعت
امير:امسكي امك ع تلفون
اميره:عطيني بسرعه…وخذات منه التلفون…الو ماما
عليا:اهلين اميره شخبارك انشالله كويسه بنتي❤️
اميره:العبره ماسكتها…تمام الحمدلله انتو شخباركم وشخبار ايناس رايفت عليها
عليا:كويسه…انشالله امورك تمام امس
اميره:فهمت…اها يا ماما الحمدلله الوضع تمام
عليا:الف الف مبروك❤️عقبال مانفرحو بصغاركم
اميره:شافت الامير يلي كان مصبي ع الساس ومربع ايديه ويشوفلها….انشالله
عليا:نران عليك تلفونك مقفل هي يلي بعدها رانيت ع امير…ولله انشغلت عليك لما مارديتيش علي
اميره:بتوتر…اها تلفوني امس طاح مني تكسر
عليا:فدك حبيبتي اكيد امير توه يجيبلك واحد احسن منه❤️
اميره:شافت الامير….اها انشالله
عليا:هي توه خليني نسيبك اكيد قاعد عند عيت عمك
اميره:اها طلعنا اليوم الصباح من الفندق
عليا:باهي تمام سلام توه وسلميلي عليهم كلهم
اميره: يوصل ماما مع سلامه❤️….وصكرت ومدت التلفون الامير
امير:ولله طلعتي شاطره في الكذب
اميره:غصبن عني…بعدين ماتنسش اني كذبت بسببك
امير:ولله🤨
اميره:اها لو انت ماكسرتش تلفوني ره توه ماكذبتش
امير:خشي جو توه بعدين نحكو
اميره:مشت من دون ماترد عليه
امير:شكلي حنتعاب معك اصلا انا حس روحي تعبت من اول يوم يبالا الايام الجايه ايش حيصير🔥
_________________________
في لليل ساعه 10

جنات:احسن حاجه امي تراقد بدري بيش ناخذو راحتنا والحربايه اسراء جو في دارها
اميره:ضحكت…خطيره هذي حربايه عليش هكي بس😂
جنات:لانها حربايه وكل مره بالون شكل…انا عن نفسي مانحبهش
شيماء:بنبرة صوت حاده…جنات
جنات:ها يا همي كنك هذا الحق
اميره:انتي ليش ماتحبيهش
جنات:عشان مش كويسه وماتحبش حد الا نفسها
اميره:غريبه حسيتها كويسه انا
جنات:لا كويسه لاسو
اميره:توه انتي وشيماء بنات عم صح
شيماء:اها
اميره:حلوه انك تاخذي ولدعمك ع الاقل تعرفيه ويعرفك من قبل❤️
شيماء:وانتي اميره ايش وضعك مع امير
اميره:الحمدلله قعدين نتعرفو ع بعضنا شوي بشوي
جنات:امير خوي كويس ره وطيب وكل حاجه وكريم اخر بس ايش عصبي بكل
اميره:تنهدت…اها
جنات:شكلك شفتي من عصبيته هذي شوي صح
اميره:مابتش تحكي..لا ولله مش هكي بس حتى انا عصبيه
شيماء:اممم مشكله الحق
جنات:الأسف🙄
اميره:تضحك…انشالله نتأقلمو مع بعضنا
شيماء،جنات…انشالله❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

طلال:عارفه راسي توجع في بكل
اسراء:سلمتك حبيبي
طلال:طفي طفي الضي خليني نراقد
اسراء:قبل مانطفي الضي نبي نقولك حاجه
طلال:شنو😒
اسراء:نبي 300 جنيه
طلال:شنو وعليش تبيهن
اسراء:نبيهن لي حبيبي
طلال:ايش تبي تجيبي بيهن باهي
اسراء:شافت فستان ع النت ونبيه
طلال:حاضر بكرا نعطيهن لك
اسراء:نجكلي..وباسته ع فمه💋
طلال:خلاص ارقدي يلا
اسراء:حاضر…وناضت طفت الضي…وراقدت وهي فرحانه انها قدرت تاخذ يلي تبيها من طلال🤦🏻‍♀️🔥
________________
جنات:امير شكله جا
اميره:هو هكي ديما يتاخر في صيدليه
شيماء:اها لان حرام مرات في حد يبي دواء ضروري او اي شي عشان هكي يقعد لعند وقت متاخر
اميره:ربي يعونه❤️هي خليني نطلع معناها
جنات:تمام حبيبتي…تصبحي ع خير
اميره:وانتي من اهل الخير
شيماء:راك تنسي خوذي معك العشا
اميره:تمام…سلام توه
شيماء،جنات:سلام

امير:مصبي عند الدروج وماسك تلفونه ويشوفله
اميره:اهلين
امير:هلا…هي اطلعي
اميره:طلعت و وراها امير…وصلو لباب الشقه وامير يفتح في باب الشقه ويشوف الاميره
اميره:اول ما امير فتح باب الشقه خشت ع طول لانها توترت من نظرات امير ليها😖
اميره:خشت خذات دوش ساخن وطلعت لبست بيجامه بيضه…امير نحطلك عشا ولا ماتبيش
امير:لا مانبيش وتعالي هنا نبيك
اميره:قعدت جانبه…نعم
امير:
__________________
شيماء:تحسي جوها حلو صح
جنات:اها واكيد مع الايام حتزيد تخش فينا
شيماء:شخصيتها حلوه واحسن حاجه فيها انها ماتصنعش
جنات:اها شخصيتها حلوه مش كيف الحربايه يلي عندنا🔥
شيماء:لا اله الا الله…انتي يابنتي ماتبطليش وانتي تجيبي في سيرتها
جنات:لا لاني بصراحه انا مانقبلهش ونبي طلال يطلاقها اليوم قبل بكرا
شيماء:طلال مستحيل يطلاقها لان يحبها💔
جنات:انتي هبله،؟هل انتي هبله؟قوليلي…يابنتي هو لا يحبها ولاشي..انا متاكده ان اسراء دايرتله سحر
شيماء:ان بعض الظن اثم…صح هي مش كويسه وحربايه ع قولتك لكن مش لدرجة سحر
جنات:لا وحياتك اكيد دايرتله سحر ماتقعديش هبله شيماء بالله عليك
شيماء:يستر الله…هي ارقدي بكرا ورانا شغل
جنات:تصبحي ع خير
شيماء:وانتي بخير❤️
_____________________
امير:عارفه ليش كسرت تلفونك
اميره:لالا😒
امير:عشان لقيت رساله من حبيب القلب
اميره:😳حبيب القلب
امير:اها حبيب القلب…ولا وكتبلك انشالله طلع معك راجل وتهنيتي يا عروسه😡🔥
اميره:نزالت راسها
امير:مادريش روحك متحشمه اميره
اميره:حنحاول نحكي معك بهدوء لان انا عصبيه ومانبيش اي مشكله تصير بينا من اول يوم
امير:لا شاطره الحق👏🏻
اميره:اولاً من لما انت تقدمتلي وهلي وافقو وانا وافقت الانسان هذا قطعت علاقتي بيه…ودرتله حظر..والرقم يلي جات منه الرساله اكيد مش رقمه ولا هو رقم حد ثاني مش عارفه
امير:والمفروض نصدق انا صح
اميره:اكيد لام انا مانعرفش نكذب
امير:ضحك بهزوه…تبي تقنعيني انك مش ع علاقه بيه توه ولا حتى تكلمي فيه😏
اميره:ايش قصدك…انت قصدك اني مرات نكون نخون فيك معه صح
امير:بضبط
اميره:صبات…مش بنت حرام انا عشان ندير هكي …ولو انت شك في من توه نقولك طلاقني
امير:بعصبيه…وللهِ وايش معنى الرساله يلي جاتك غير ان انتو ع علاقه مع بعضكم
اميره:بعياط…لا مافيش بينا شي والانسان هذا علاقتي انتيهت معه من زمان💔
امير:انا مش حنحكي معك…انا نعرف كيف نوصله ونربيه…وسيبها وطلع للمربوعه وصكر الباب بقوه
اميره:قعدت بحيل مهدود…ياربي لا وانا بنت متريحه ولا حتى لما اجوزت متريحه😭

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

ثاني يوم الصباح🌤🌤🌤
سعاد:امم عليك رايحه تجنن
شيماء:شافتلها…صباح الخير
سعاد:صباح النور…ايش الرايحه يلي تسهف هذي😋
شيماء:خاطري في دحي فقالت نديره فطور
سعاد:قعدت…اههه ذكرتيني زمان كانت نواعى صباح بدري زي توه هك وندير لعمك الله يرحمه دحي مقلي بزبده…كان ديما يقولي مافيش حد نفسه في الوكال سمح زيك❤️عليك ايام…الله يرحمه
شيماء:الله يرحمه
سعاد:بس شكله هكي في واحده تبي تاخذ مكاني
جنات: خشت عليه…اكيد انا طبعا
سعاد:قولي صباح الخير قبل
جنات:صباح النور
سعاد،شيماء:صباح الخير
حنات:ها ياما من عدا يلي تبي تاخذ مكانك انا صح
سعاد:لا مش انتي
جنات:شنو مش انا من باهي😭
سعاد:شيماء❤️
جنات:وانا يا ماما
شيماء:تضحك ع تصروفات جنات🤦🏻‍♀️😂
سعاد:تطلعي كيفي لكن مش كيف شيماء…طلعتلي وطالعه الامها الله يرحمها 100/100❤️
جنات:الله يرحمها…يلا مش مهم اهم شي نطلعلك حتى ولو 1/100
شيماء:حطت الدحي ع طاوله…يلا عدا افطرو وعطوني رايكن
جنات:بدات تاكل…بصراحه انتي فعلا طالعه الماما في كل حاجه❤️
سعاد:سلم ايديك فعلا حاجه صح
شيماء:صحه❤️
______________________
اميره:ناضت الصباح خشت الحمام وطلعت دارت نسكافي…شوي اذكرت ان امير راقد في المربوعه…طلعت لصاله بشوي عشان تشوف الباب مصكر ولا مفتوح بتع المربوعه..شافته لقته مفتوح عرفت ان امير طلع…خشت للمربوعه وضامتها شوي وتسمع صوت حد في حمام المربوعه🔥
امير:طلع من الحمام…كنك مصبي هنا🤨
اميره:كانت في المربوعه ناخذ في الفراش😒
امير:ديريلي نسكافي خليني نمشي لصيدليه تاخرت
اميره:باه😒خشت للكوجينه دارتلها نسكافي وردات عطته له
امير:انزلي اقعدي مع امي والبنات لوط ماتقعديش هنا بروحك
اميره:عارفه جنات قالتلي امس
امير:كويس…وطلع من الشقه من دون ولا حرف
اميره:عديم الذوق خزي عليه🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

اسامه:عيني من فراق غاليها لا تراقده لا نوم يجيها👏🏻😂
امير:بالله عليك اسكت كذا
اسامه:هي بس يا راجل صبي كشك معي شوي
امير:ياراجل بلا حركات فروخ واقعد ماسدكش يلي دارته في الفرح من راقص 🤦🏻‍♂️
اسامه:تبي الحق انقني مزالت ما مسحت خاطري
امير:بعد يلي دارته😳
اسامه:حسستني داير صاروخ..انا راقصت وغنيت بس
امير:خلاص توه اطلع لشارع وقول اي حد عنده فرح ياخذني معه نبي نمسح خاطري
اسامه:وللهِ صدقت..بس توه سيبك شخبارك معاها
امير:بخير…بس نبيك في موضوع توه
اسامه:يستر الله من مواضعيك انت..تكلم
امير:وهبي
اسامه:كنه
امير:نبيه يكون قدمي خلال24ساعه
اسامه:عليش 😳
امير:بعدين توه تفهم…انت توه بس داير يلي قتلك عليه
اسامه:تمام مع اني مش راضي لكن زي ماتبي
امير:منور ياطيري❤️
___________________________
اسراء:نحبك وانت تسمع في كلامي…وخذات منه الفلوس
طلال:بس هذي اخر مره تاخذي حاجه من النت
اسراء:عليش
طلال:ايش عرفني انا مرات يلي يكون ماسك الصفحه شاب مش بنت
اسراء:تغار علي…بعدين يا حبيبي انا اي صفحه فيه الادمن بتعه بنت مش شاب انا متاكده
طلال:المهم هذي اخر مره وخلاص
اسراء:حاضر
طق طق طق
اسراء:فتحت…
جنات:تعالو للغدا
طلال:هي باه
جنات:شافت الاسراء بكره وعدت😒🔥
اسراء:حبيبي
طلال:ها
اسراء:انت ماتفكرش انك اطلاق شيماء
طلال:شنو وعليش نطلاقها
اسراء:عشان انت تحبني انا وبس وانت اصلاً اجوزتها غصبن عنك
طلال:باهي وبعد مانطلاقها وين تمشي
اسراء:تمشي الخوالها
طلال:اولا شيماء ماعندهش خوال عندها خاله واحده ومش عايشه هنا…ثانياً متجوزها غصبن عني او حتى برضي انتي مالكش دعوه…ومعش تفتحي معي الموضوع هذا…فاهمه😤
اسراء:باه😒
طلال:هي اطلعي قدامي خليني نمشي ناكل وراي شغل…وطلع
اسراء:لا هذا بدا يرد العقله من جديد…انا لازام بكرا الجرعه تكون عندي🔥
_____________________

بينما الكلهم قاعدين ع الغدا ويضحكو وجوهم سمح وشيماء تحكي مع اميره وجنات تعطي في تفنيصات الاسراء وسعاد ماتبيش اميره تلاحظ لانها مزالت جديده🤦🏻‍♀️وطلال تغدا وطلع لشغله…خش امير وايده كلها دم
جنات:وبذات المراه يلي لبس اسود تراقص بكل ثقه😂
شيماء:انتي غلا عليك النميمه بطريقه تخوف🤦🏻‍♀️
اميره:ع هكي لازام كلنا نخافو منك
جنات:طبعا😌
سعاد:حطت الكشيك…صحه
شيماء:كنك ياعميمه حسيتك مش ع بعضك
سعاد:ولله حاسه حاجه غامه علي💔
شيماء:بسم الله..هكي اشربي ميه
سعاد:خذات تشرب في ميه وبينما وهي تشرب خش امير
جنات:حي علي كنه يدك
شيماء:😳لازام مستشفى ع سريع
اميره:تشوف الامير بصدمه وخلاص
امير:دبشه كله دم من كتافه وفيه في وجه كم جرح من ع جانب…يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

تعليق واحد

اترك رد

زر الذهاب إلى الأعلى