رواية شغف الحلقة الثامنة | القلم الناجح
روايات ليبيه كاملة

رواية شغف الحلقة الثامنة

رواية شغف الحلقة الثامنة

#شغف 8

اسراء:ياريت يا شيماء تبدي من توه تلمي دبشك
شيماء:وعليش انشالله دبشي قاعد عندك في دولابك😒
اسراء:ضحكت…لا يالهبله ماهو طلال قرار يطلاقك
جنات،شيماء:😳شنو
اسراء:زي ماسمعتن…وسيبتهن وطلعت
جنات:المتخلفه هذي في ايش تقول..تحسب روحها طلال يبي يسمع كلامها ولاشنو.
شيماء:ولا صوت
جنات:هييي شيماء الو نحكي معك انا…ماتحطيش كلامها في راسك تكذب ره طلال مستحيل يديرها
شيماء:🤭🤭
جنات:هييي علينا يابت رهي تكذب تسمعي في🤦🏻‍♀️
شيماء:تحكي بصوت واطي ومخنوق…وانتي ايش عرفك انها تكذب..هي مش حتقول هكي الا وطلال قاللها هكي اصلا💔
جنات:وربي لا حيطلاقك ولا شي..هي بس تحرق في دمك وتشوفي
شيماء:جنات نبي نقعد بروحي شوي
جنات:لالا مش حنخليك تقعدي بروحك وانتي في الحاله هذي
شيماء:بالله عليك نبي نقعد بروحي اطلعي لو سمحتي
جنات:تنهدت…حاضر مع ان مش راضيه لكن باه…وطلعت
شيماء:من صدمه قعدت في زوايه وظما راجليها لحضنها ومانزلتش منها ولا دمعه وكل يلي في عقلها انها اتخيل في طلال وهو يطلاق فيها💔💔💔💔
_________________________
امير:لا ياراجل معش نقدر نجي عندك
اسامه:نبي نفهم ليش
امير:ماتنسش ان هل اميره انتو تكونو جيرانهم وانا لو جيت اكيد خوتها توه يقولو جاي عشانها مش عشانك
اسامه:عليك قصه هي ايش داخلني بيكم انا بس
امير:يضحك…انك انت تكون صحبي وجراهم في نفس الوقت
اسامه:بخت😒
امير:تعال انا في صيدليه توه نشربو قهوه
اسامه:نجي لكن بشرط
امير:الصبر يارب🤦🏻‍♂️قول
اسامه:نبي عصير فرواله وكريب بالمكسرات والموز من المحل يلي جانبك🤤
امير:كنك تحكي كيف المراه يلي حامل جديد وتوحم😂
اسامه:مش حنرد عليك عشان حقي مايضعيش وتجيبلي يلي قتلك عليه😒
امير:ولله وطلعت ذكي…باه ياسيدي تعال وتوه تلقى العصير والكريب قدمك
اسامه:5دقايق ونكون عندك…وصكر
امير:متخلف🤦🏻‍♂️😂
____________________________
ايناس:يلا ياعروسه شدي الهمه فرحك معش مزال عليه
اميره:انشالله💔
ايناس:خذت نفس…شوفي اميره كلنا عرفين عليش انتي تعبتي وصار فيكي هكي…بس نبي نقولك حاولي معش تفكري فيه لان وربي يلي يبيعك ويتخلى عنك بي مجرد ماجا حد وخطبك وهو ماحولش يدافع عليك ولا حتى يدافع ع حبه لكي معناها هذا ماكنش يحبك من الاول
اميره:7سنين مش شوي…كيف هانت عليه العشره وحبي له💔
ايناس:عشان هو عيل مش راجل لو كان يحبك ولو شي كان دار المستحيل عشانك…بعدين صدقيني انا متاكده ان طول فترة ال7سنين وهو داير علاقات مع بنات غيرك
اميره:بصوت مخنوق…خلاص معش نبي نسمع سيرته😭
ايناس:ايوه هذي اختي القويه يلي نعرفها…لا تفكري فيه لاشي صح في البدايه حيكون الامر صعب لكن حتعودي وانشالله امير حيحبك وحيخاليك تحبيه❤️
اميره:بهزوه..الرجال كلهم زي بعض عندي خلاص كلهم خاينين
ايناس:ماتقوليش هكي وانا متاكده ان امير حيعوضك عن وهبي بي مية مره
اميره:انشالله💔

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

طلال:خش للحوش…سلام عليكم
سعاد:بغضب…ايش الكلام يلي سمعته هذا😤
طلال:بسم الله ياما كلام شنو يلي سمعتيه
سعاد:انك انت قررت اطلاق شيماء
طلال:اوووو بسرعه ماانتشر الخبر
سعاد:انا نبي نعرف صح الكلام هذا ولا لا
طلال:لا مُش صح من قالك هكي
سعاد:الحربايه مرتك الثانيه هي يلي قالت هكي
طلال:ممكن تبصر معكم…لكن الكلام هذا مافيش منه
سعاد:تنادي…شيماء يا اسراء جنات تعالو
جنات:نعم ماما كنك
سعاد:وين مرات خوك الثانيه
جنات:دارها تقريباً
سعاد:امشي كلميها وكلمي معك شيماء
شيماء:طلعت من دار و وجهه كان اصفر..نعم عميمه
سعاد:تعالي شيماء…وانتي امشي ديري ع يلي قتلك عليها
جنات:حاضر…وعدت تكلم اسراء…وفعلاً كلمتها واجتمعو كلهم في صاله
سعاد:ايش الكلام يلي انتي قايلته الشيماء وجنات هذا
اسراء:انا قصدك😒
سعاد:اها انتي هو في غيرك
شيماء:خلاص ياعميمه انا ماعنديش مانع في الموضوع…واصلا من قبل انا كم مره طلبت من طلال الطلاق بس هو كان يرافض وشكله توه وافق..وشافتله بكسرة خاطر💔
سعاد:اششش انتي ايش الكلام هذا معش نبي نسمعه…وانتي ياست اسراء ياريت نسمعو صوتك
اسراء:دموع تماسيح…وربي انا قالت هكي ببصاره يعني مش قصدي بيها حاجه😭
سعاد:هذي كلمه كبيره مش سهله ياهانم تبصري بيها ع راحتك😡
اسراء:مش قصدي
سعاد:قصدك ولامش قصدك انا الكلام هذا مانبيش نسمعه طول ما انا حيه..فهمتو
طلال:ياما كنك بشوي عليها هي مش قصدها
سعاد:شافتله…ولله تحكي جد انت…عندك عادي الموضوع يعني
طلال:مش هكي بس
سعاد:✋🏻خلاص معش نبي نسمع شي عن الموضوع هذا…شيماء تعالي الحقيني…وخشت لدار
شيماء:شافت ليد طلال وهو ماسك يد اسراء وعدت ورا سعاد💔
جنات:سيبتهم وخشت ورا شيماء
طلال:معلش حبيبي تعالي معي💋
______________________
سعاد:بس يابنتي الكلام هذا عيب
شيماء:بالعكس مش عيب يلي نطلب فيه انت شرع ربي…بس يلي يداير فيه ولدك هو يلي عيب
سعاد:عارفه وفاهمه وعارفه انك تحملتي واجد وصبرتي عليه وتحملتي انك تجي عليك واحده ثانيه غيرك💔
شيماء:وربي كله يهون عندي لو كان هو يعامل في كويس ومتقابلني زي ما ماتقبلها…لكن شي طلال من اول ماجاب اسراء وهو معها ومعمرش فكره في انا ولا عمره فكر ان عند مراه ثانيه في حياته
سعاد:تنهدت…عارفه ومعك حق…وعارفه انك يمكن تكوني حاقده علي لان انا يلي اختارت اسراء الطلال
شيماء:ماسكت يدها…لا ياعميمه ماتقوليش هكي بالعكس انتي دراتي هكي عشان شافتي طلال مش مترياح معي ومعك حق….اي ام في مكانك كانت حداير هكي
سعاد:سمحيني يابنتي….انا سبب كل دمعه وكل حاجه وجعتك من طلال انا السبب…بس صدقيني انا ندمانه توه…وانتمنى طلال يصلح غالطه💔
شيماء:حظنتها…معش نبي نسمع منك الكلام هذا انتي كيف امي يلي ربتني وعلمتني كل شي…مانبيش نسمع منك الكلام هذا
سعاد:ربي يرضى عنك ويحقق كل يلي في بالك❤️
جنات:خشت ومعها عصير…ييييي علينا خلاص عدا فكونا من الدارما الزايده…وامسكو توه اشربو العصير هذا وعطوني رايكم
شيماء:خذات كبايه ومدت لسعاد….انا عن نفسي حنعطيك راي من قبل مانشرب
جنات:باصرار…لاء اشربي قبل وبعدها عطيني رايك
شيماء:باه😂
سعاد:الحمدلله
جنات:ايش رايك ماما
سعاد:سمح سلم ايديك
جنات:صحه…وانتي
شيماء:👌🏻بيرفكت
جنات:احكي عربي😒
شيماء:تضحك…سمح سمح سلم ايديك😂❤️
جنات:صحتين❤️
_________________
#تسريع_في_الاحداث

بدا فرح امير واميره والأجواء كانت حلوه في الحوشين

في حوش اميره كلهم كانو فرحانين لان هي اخر العنقود ع قولتهم🤭ايناس اختها الكبيره وهي اكبر منها بي سنتين بس
بنات خالاتها يغلفنا في الحاجه والاغاني صوتها واصل لاخر الشارع واميره قاعده لبسه البودري وفي يدها الحنه ومزال يومين بس ع الفرح
الأجواء كانت كيف اي عرس ليبيه تقليدي❤️
ايناس ماسكه الحوش من غسيل وتنظيف في لليل وعليا مع صبايا الكبار مغير ياكلنا ويصفقنا الي واحده تراقص😂🤦🏻‍♀️واميره قاعده تراقب هذا كله من بعيد وماتبيش اتبين انها تضحك🤭

اما في حوش امير الامر كان يختلف شوي اسراء طول الوقت تضايق في شيماء بكلامها وحركتها بس هي مش معدله عليها نهائيا❤️اما جنات طول الفرح وهي تراقص وكان دارت حاجه اديرها بسرعه وترد تراقص من جديد😂❤️(تمسح في كبدها صدقت😂🤭)وسعاد كيف عليا بضبط قاعده مع الصبايا الكبار
اما طلال مايجيش للحوش الا لما يجيب في طلبات وفي لليل ساعة النوم

امير طول ايام الفرح وهو عند صحبه هو واسامه ودايرين جو مع بعضهم وكل يوم في مكان مره في البحر ومره في زارده وكل مره في مكان شكل واسامه مسح خاطره اكثر من امير نفسه🤦🏻‍♂️اما امير كان يبي كل شي يكمل بسرعه لان ببسطه مايحبش يراقد برا الحوش
____________________
يوم الفرح 💃🏻❤️

الفرح عدا كيف اي فرح ليبي
اميره لبسه فيلو ابيض ساد يلمع مع باقة ورد حمر وشعرها مفتوح وتاج بسيط❤️

جنات كانت لبسه سروال قصير يعني زي الشرت وبلوزه وشعرها كيرلي❤️

شيماء كالعاده كانت تبي تطلع بسيطه🤦🏻‍♀️لكن جنات خلتها تثقل المكياج وتلبس لبسه فخامه❤️طلعت تجنن

اسراء لبست فستان ودارت مكياج وحاجتها كلها كانت اوفر ومبالغ فيه🤦🏻‍♀️

اميره:بين ماهي كانت مشغوله في انها تسلم ع هذي وع هذي وتضحك مع جنات شوي وتصبي تراقص شوي معها وشيماء كل شوي تسويلها في طرحه❤️فجأ وبدون سابق انذار الاضاء طفت البنات نزالن من ع المسرح جنات ماسك كاميرا ومصبي قدام الباب تراجى فيه يخش بيش تصوره❤️شيماء مصبي جانب اميره وماسكه يدها وايناس مصبي من جانب لاخر❤️سعاد واسراء وعليا مصبين عند الباب قبل جنات بشوي
شوي شوي الباب بدا ينفتح و والعو الاغاني مع خشت اميره يلي كان لبس بدله زرق تجنن ومحلق شعره خفيف🤭خش امير مع عياط البنات ع شخصيتها وشكل يلي يجنن🤤سلم ع امه وبعدين ع عليا وخش لصاله وجنات وراه تصور فيه
وصل للمسرح وسلم ع شيماء وايناس ونزالو وقاعد جانب اميره بعد ماسلم عليها وباركلها❤️

بدا جو والكل تمه يطلع للمسرح عشان يسلم ع اميره وامير مع بعضهم❤️وطبعا عشان امير مايحبش جو التصوير كلم شيماء وقاللها نبي نطلع مابش يكلام جنات عشان عارفها مش حتعدل عليه😂🤦🏻‍♂️كلمت شيماء سعاد وعليا وقالته لهم
امير معش عنده صبر ويبي يروح لان حس روحه مخنوق طلعت شيماء وساوت لاميره امورها ولبستها الكاب هي و ايناس ونزالت من ع المسرح مع امير❤️كلهم ماشيين وراهم وعليا جات تبي تسلم ع اميره
امير:لالا ماحدش يسلم عليه
عليا:تبي تبكي…ياوليدي خليني نسلم عليها رهي كبيدتي
امير:مش عشان حاجه لكن مانبيش دموع وهكي ولا هكي توه تكلميها بكرا
سعاد:تفنص…ياوليدي عيب عليك الخبر هذا خالي عمتك تسلم ع بنتها
عليا:لا خلاص يا سعاد..امير معه حق انا حنبكي واميره حتبكي مانبيش نكد عليهم😭انشالله بهناك يابنتي
اميره:معطي بضهرها لامها لان امير منعها تشوفلهم…بعد ماسمعت كلام امها تمت تبكي💔
امير:سمعها….اهي تمت تبكي…خلينا نمشو
سعاد:مربوحه
امير:ماسك يد اميره وطلعو مع بعضهم للفندق❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

جنات:تضحك…زعم امير واميره ايش يديرو توه🤭😂
شيماء:خزي عليك قلة ادب تحشمي😒
جنات:لا حياء في دين😂ماعندي عليش نتحشم
شيماء:انا الغلطانه يلي قاعده معك خليني نمشي ندوش ونغير دبشي
جنات:عدي عدي ياحنه😒😂
شيماء:سخني العشاء عقاب ماخذيت دوش ساخن
جنات:باه
شيماء:طلعت لدارها وهي طالعه تلاقت مع طلال
طلال:يشوفلها باعجاب🤤
شيماء:بتوتر…اء م ممكن الطريق شوي
طلال:عطها الطريق
شيماء:طلعت من جانب طلال بس واقفها كلمة طلال ليها
طلال:شيماء
شيماء:التفتت بخوف…نعم
طلال:ربي يحفظك لي❤️
شيماء:😳
طلال:طلع وخلها في صدمه
شيماء:جد هذا طلال ولا انا نحلم…لالا شكله طلال بجد…حي قالي ربي يحفظك لي😭
______________________

اول حاجه دارتها اميره اول ماخشت لجناح في الفندق حاولت الفيلو بصعوبه🤦🏻‍♀️خشت الحمام وغسلت جسمها بالوشن جسم برايحته الورد🤤وطلعت لبست روب احمر بسيط لنص راجليها وقعدت في دار تستنى في امير

امير قاعد في صاله طلع عصير من ثلاجه وشربه وحاول الجاكه وقاعد يتفرج شوي ع التلفزيون…بعد شوية وقت حس روحه جعيان ناض طلع مكسرات وطلب عشا وخش طق ع اميره
طق طق طق
اميره:بتوتر…اا خش😖
امير:فتح الباب…تعالي تعشي
اميره:حاضر…وناضت طلعت معها
امير:ماتحشميش مدي يدك الوكال مافيش حشم
اميره:مسكت الكشيك وتاكل ومره مره تسرق نظره الامير يلي كان ياكل ولا ع باله🤦🏻‍♂️
اميره:الحمدلله
امير:صحه
اميره:سلمك
امير:خشي جو توه نجيك
اميره:حاضر…وخشت
امير:كلم القرسون يجي ياخذ العشاء…وخش هو يدوش طلع لبس بيجامته وخش ع اميره لقها مزالت واعيه
امير:مزالتي واعيه
اميره:كانت نستنى فيك
امير:كويس…شوفي يابنت ناس انا عارف انك اجوزتيني غصبن عنك وعارف انك كانتي تبي واحد اسمه وهبي وجا وطلبك وهلك رافضهُ كم مره
اميره:😳😳
امير:ماتنصدميش ان انا عرفت عنك كل حاجه في وقت قصير…المهم يلي نبي نقوله لك ان انا زيك اجوزتك غصب عني…حتقوليلي انت راجل ومافيش حد يقدر يغصبك عن حاجه..حنقولك لما يقعد بوي ماتوفي وامي هي يلي ربتني وعلمتني ولما تجي وتقولي اجوز بنت عيت فلان مش حنرفضلها طلب❤️وتوه لا حنجي شورك لاشي لين ناخذو ع بعضنا
اميره:مصدومه…براحتك ومعك حق في كل كلمه قالتها
امير:تمام هكي متافقين نحن…تصبحي ع خير
اميره:وانت من اهل الخير❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

في لليل ساعه 2

جنات:تضحك😂…..ولا امي وهي تفنص في امير وهو مش معدل عليها عليك منظر منظرهم🤣
شيماء:مش معها بكل وتفكر في كلمة طلال ليها وبس❤️❤️
جنات:وكله كوم و واسراء كوم بروحها لما طاحت قداك باب الكوجينه والساويه تضحك عليها😂😂وحقربي ياشيمو ربي انتقاملك فيها اليوم😂شيمو شيمو شيماء
شيماء:انخلعت…هاا كنك
جنات:نعن يومك من بدري وانا نحكي معك وانتي مش معي قصدك😳
شيماء:اوووف جنات نبي نراقد مش وقتك
جنات:توه توه نبي نعرف كنك وفي ايش كانتي تفكري
شيماء:ورب
جنات:ماتحلفيش احكي خيرلك
شيماء:اووف..وقعدت…طلال
جنات:كنه قولي بسرعه…يبي يطلق اسراء صح
شيماء:خيالك واسعدالحق
جنات:ها باهي احكي
شيماء:تحكي بسرعه…طلال قالي ربي يحفظك لي😖❤️
جنات:بصوت عالي…الله😭
شيماء:وربي شعور يجنن
جنات:طلال طيب بس لولا اسراء اللفعه هذي😒
شيماء:يلا اهم شي يكون بخير
جنات:تبي تراقدي
شيماء:اها نعسانه وتعبانه
جنات:تمام تصبحي ع خير
شيماء:وانتي من اهل الخير❤️
_________________________
تران تران تران
امير:وهو راقد…هممممم
اسامه:بصوت عالي…صباحيه مباركه يا عريس
امير:تؤتؤتؤ ايش الازعاج هذا ع صباح
اسامه:طبعا امس لليله ليلتك ومافيش حد قدك😉😂
امير:صكر صكر خلاص معش نبي نراقد
اسامه:سلام حبي…وصكر
اميره:متخلف🤦🏻‍♂️…شاف المكان اميره لقها مش قاعده…ناض طلع من دار شافها وهي طالعه من الحمام(حشاكن)
اميره:شافتله باحراج…صباح الخير
امير:صباح النور…امتى ناضتي
اميره:ماليش كم دقيقه
امير:اها…خلينا نخش الحمام ونطلع نطلب الفطور
اميره:تمام❤️خشت اميره لدار وفتحت شنطاتها وطلعت فستان لونه بنفسجي ولمت شعرها ودارت شوية مكياج خفيف
امير:طلع من الحمام وطلب الفطور …اميره تعالي افطري
اميره:هي جيت
امير:شافلها بصدمه من كثر الجمال يلي فيها🤤
اميره:تفطر ومش منتبها الامير لان امس في العشاء ماكلتش كويس
امير:يفطر وعيونه ع امير وبذات عيونها لانهن فيهن لمعه غريبه❤️
____________________
اسراء:نبي جرعه اخر غير يلي قبلها
المراه:بس المبلغ حيكون كبير
اسراء:بعصبيه…كم يعني
المراه:ممكن 300جنبه
اسراء:شنو…ليش 300جنيه حرام
المراه:وللهِ ويلي اديري فيه انتي مش حرام 😏
اسراء:قصدي ع السعر انا
المراه:شوفي انتي تدافعي ندزلك الجرعه
اسراء:تمام تمام نبيها اليوم بس
المراه:لا اليوم مايصير شي بعد بكرا تكون عندك
اسراء:بعصبيه…تمام اوكي…وصكرت في وجهها…امس مارقدش معي ومن كم يوم يعامل في بجفاف…وامس سمعته يقول الشيماء ربي يحفظك لي…لازام ندير حاجه اقوى من هكي…بس هكي…تؤ اوف خلينا توه نفكر كيف ناخذ ال300جنيه من طلال وكيف نبي نفتحه في الموضوع🤦🏻‍♀️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

جنات:قتلك
شيماء:نعم
جنات:بصوت واطي…عارفه ليش طلال امس قالك هكي
شيماء:ليش
جنات:عشان طول ايام الفرح وانا نشرب فيه في ميه رواقيه
شيماء:اه صح نسيت ان صحبتك تجيبلك في مية رواقيه
جنات:هي صح مية الروقيه ماتفكش بس اهو حاجه تفيد بالغرض
شيماء:ولله وانك شاطره انا نسيت الموضوع اصلا تصدقي
جنات:لانك هبله😒🤦🏻‍♀️
شيماء:بفرحه…الحمدلله معناها هكي في امل
جنات:في امل…بس لازام نمشو لشيخ ونخلوه يقرا عليه
شيماء:مستحيل طلال يوافقو يمشي الشيخ
جنات:مش حيمشي هو حنمشي انا وصحبتي وناخذ معي صورة طلال وتقرا عليها
شيماء:ولله فكره…ومن توه انا مانبيش نمشي معك
جنات:حتى انا مانبيش ناخذك معي ياخوافه😂
شيماء:شكرا😂
________________________
امير:اصحي تكوني نسيتي حاجه
اميره:لالا كله خذيته
امير:تمام
اميره:عطيني شوي باهي نخش الحمام بس
امير:تمام خوذي راحتك…انا حنكلم الراجل يجي ياخذ الشناطي الكبار
اميره:تمام…وخشت الحمام
امير:كلم الراجل يجي ياخذ الشناطي وفعلا جا وخذاهن…وامير قاعد ع الصالون يراجى في اميره تطلع
تلفون اميره…تران تران..تم ارسال رساله اليك
امير:تلفون من هذا…شاف التلفونه لقى مافيش اشعار ولا رساله..طاحت عينه ع تلفون اميره قاعد في صالون…ناص ومشاله وفتحه وماكنش فيه رمز سري🤦🏻‍♂️فتح الرساله امير ولقها من وهبي ومكتوب في رساله(انشالله طلع راجل معك امس وتهنيتي ياعروسه😏)
اميره:طلعت من الحمام
امير:عزق تلفون اميره ع الارض لين تكسر كله
اميره:😳….يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى