رواية شغف الحلقة الثانية .. الكاتبة أسماء أشرف محمد | القلم الناجح
روايات ليبيه كاملة

رواية شغف الحلقة الثانية .. الكاتبة أسماء أشرف محمد

رواية شغف الحلقة الثانية

#شغف 2(حقيقه ممزوجه بخيال)

🌤🌤🌤

امير:صباح نور
جنات،شيماء:صباح الخير
امير:شير الجنات…هي بسرعه فطور
جنات:صبات…هي باه
امير:قاعد مع شيماء ع طاوله…شخبارك اليوم
شيماء:تمام☺️انت ايش اخبار الجامعه السنه اخر سنه صح
امير:طلع دخان ويبي يدخان…اها اخر سنه
شيماء:خذت الدخان من فمه…غلط الدخان ع الريق
امير:شافلها برفعة حاجبه🤨
شيماء:افطور بعدين دخان
امير:هزا راسها بي معنى باهي
جنات:امير فطورك واتي وحطيته لك في دارك😒
امير:صبا…تمام
جنات:بارد امتى يجوز بس😩
شيماء:حي عليك لو يسمعك😂
جنات:بعدك يده ثقيله
شيماء:اه شافتي…يلا اشربي الشاي بتعك
__________________
طلال:يمشط في شعره شاف الاسراء وهي ع السرير كيف اتكسل في النوم
اسراء:قعدت ع السرير وبكسل…صباح النور😪
طلال:صباح الخير…كنك ماوعيتيش بدري و وعيتيني
اسراء:بكسل اكثر…هو في احلى من النوم
طلال:شافلها…اسمعي انا راجل عندي شغل بدري ونحب نواعى بدري نلقه لبسي و وفطوري وكل جاهز عندي
اسراء:صباات وقربت منه بكل…ريلاكس حبي اهدا بشوي علي راه مزلت جديده ومش عارفه نظمك
طلال:بعدها…واهو توه عرفتي…وطلع
اسراء:اووووف شكلي نبي نتعب معه بس مش مشكله نتحملو شوي
————————
سعاد:لا اله الا الله…كنهم طولو هكي ساعه1توه معقول مزالو راقدين
جنات:توه نمشي نطق عليهم
طلال:صباح الخير
جنات:جيت كانت نبي نجيك نوعيك
سعاد:انو صباح هض ساعه1توه😏
طلال:يشوف الشيماء يلي معطيته بضهرها….راحت علي نوم…اسفه ياما..وباس راسها
سعاد:حصل خير وين مراتك خليه تجي تغدا
طلال:اء تو
اسراء:صباح الخير😁
سعاد:بصوت واطي…صباح الخير اخر شنو هذي متعرفش الساعه كم
جنات:اهلين😑
اسراء:نسعادكم في حاجه
سعاد:لا سلمك اهي شيماء قاعده هي وجنات
اسراء:امممم😒
جنات:ماما الغدا واتي
سعاد:هي توه انا نجي انحط الكسكسي وانتي وشيماء نظمو السفره
جنات:تمام…وخشت هي وامها للكوجينه يوتو الغدا
شيماء:انا حطيت السلاطه
سعاد:سلمك بنتي
شيماء:ولو عميمه☺️
جنات:خذات سفره وحطتها في نص الصاله…هي اسراء تفضلي😒
شيماء،سعاد:طلعن من الكوجينه ومعهن الخبازه وقعدنا يتغدن
كلهم اجتمعو ع سفره وحده شيماء طلال اسراء وجنات وسعاد
طلال:وين امير
جنات:متغدي عند صاحبه
طلال:هزا راسه…شيماء بعد الغدا نبيك
شيماء:شافتله بصدمه…انا
طلال:اها انتي🤦🏻‍♂️
شيماء:تمام

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

شيماء:تفضل نسمع فيك
طلال:شوفي شيماء مش معناها ان انا اجوزت مره ثانيه تحطي في عقلك ان انتي مش ملزومه بي لا انتي مراتي وبنت عمي وانا نحترمك ونقدرك
شيماء:فاهمه وعارفه وانشالله يصير بينا الا كل خير
طلال:تمام هكي بالنسبه للايام انا قرارت ان
شيماء:مايهمك شي من الموضوع هذا انت عريس خليك الفتره هذي مع عروستك
طلال:لا حتى ولو انا عريس يومين عندك ويومين عندها
شيماء:بتوتر…امم هي يعني اسراء اكيد حتزعل انك مش حتقعد معها الفتره هذي
طلال:ماتحطيش في عقلك الموضوع هذا…وخلي في بالك اليوم جاي راقد عندك عشان بكرا عندي موعد مع مدير شركه
شيماء:تمام باه
طلال:كويس..خلاص خشي انا ماشي
شيماء:مع السلامه
طلال:طلع
________________
اسراء:عميمه انا في داري تبي شي
سعاد:وايش تبي اديري في دارك بروحك
اسراء:اخخ نبي انظمها من دوشة امس😉
سعاد:بعصبيه…خلاص امشي يلا
اسراء:ضحكت بدلع…باي عميمتي
سعاد:خزي عليك قلة ادب ماتحشم
جنات:اخخ ماما بصراحه انتي السبب
سعاد:انا😳
جنات:اها ماما يعني لو ماخطبتيهش الطلال راه توه متريحين البنت بين عليها مش تمام من تصروفاتها
سعاد:ولله يابنتي هي تهبل ومشالله عليها ماكنتش هكي ايام الخطوبه
جنات:ياماما انتي تحسبي روحك بي هكي اتكفري عن ذنبك لما طلال اجوز شيماء غصب عنه لا بالعكس انتي هكي اجبرتيه يجوز مره ثانيه وغصبن عنه🔥
سعاد:يارب بس يقدر يعدل بينهم
جنات:انشالله💔
_________________
امير:نزل من سيارته وهو يكلم في وداد…خلاص حبيبي اهدي طالما انتي قريتي كويس توه تحلي
وداد:خايفه حبيبي….الدكتور قال الامتحان صعب😖
امير:اتكه ع السياره…طول ماانتي حط في عقلك ان الامتحان واعر مش حتقدري اتحليه
وداد:والحل
امير:الحل انك توه تمشي تصلي وتقري قران وتراقدي
وداد:نجكلي حاضر❤️
امير:يلا سلام
وداد:باي…وصكرت
امير:تنهد من صقع لان الجو مصقع بكل في شهر 2

اسراء:هههه حبيبي خلاص عيب اكيد جانبك رجال…ههه اكيد عندي اليوم…خلاص عيب قتلك تؤ طلال خلاص عد…ههه يلا باي…اكيد بتكون لليله حلوه زي امس😉…باي
شيماء:كانت في دارها ساعه11 في لليل وتسمع في اسراء تقول هكي💔🔥مادرتش اي ردة فعل غير ان تبكي زي ماكانت متعوده لما حد يزعلها
اسراء:استغلت عدم وجود طلال وحبت انها تسمع شيماء كلام كيف السم قبل ماتراقد🤦🏻‍♂️
___________________

امير:قاعد في الكوجينه وياكل
طلال:خش عليه…تاكل
امير:هلا بالعريس
طلال:بالله عليك سمعنا كذا
امير:شافله…ليش كنك
طلال:مانك عارف…امي مجوزتني غصبن عني
امير:شوف امي لما لقتك لك شهرين مجوز انت وشيماء ومافيش حمل ولا شي قرارت اتجوزك وهي من حقها تشوف حفيده
طلال:بس كانت ع الاقل كانت خلتني نختر انا بروحي مش هي تخترلي مش سد اني مجوز شيماء غصبن عني🔥
امير:شيماء
طلال:اها في غيرها
امير:شيماء كانت هنا تسمع فيك
طلال:بصدمه…شنو😳
امير:ولله توه شفتها كانت واقفه بعد ماسمعت الكلام يلي قالته عدت
طلال:خبط الطاوله….ياعليك مشكله
امير:صبي الحقها حرام حاول ترضيها ماتنسش انها بنت عمك
طلال:بنت عمي بنت عمي خلاص عرفنا…وصبا وهو متعصب
امير:يستر الله
__________________
اسراء:كانت في الحمام وطلعت تبي تخش لدار فتح باب الجناح طلال
طلال:شافلها وشاف الجسمها لانها كانت لبسه روب احمر ستان قصير وفيه فاتحه من الجانب وشعرها مفتوح
طلال:في ايش اديري
اسراء:حبيبي جيت….كانت في الحمام
طلال:يحاول مايشوفلهش…خشي لدار توه
اسراء:بدلع…انلاء خش معي
طلال:كلمه هي خش
اسراء:خذات منه بوسه خفيفه وسريعه….تحكي بشوي….مش حنخشى لدار الا وانت معي….وشافتله ومسكت يده وخشو لدار🤦🏻‍♂️
طلال:كيف اي راجل مجرد ما اسراء باستها نسى حتى ان شيماء زعلانه منه ولازام يمشي يراضيها بس هو ضعف قدم اسراء وبكل سهوله🔥
_______________
لليل كله عدا ع شيماء وهي تبكي وحالتها حاله خصوصا حتى بعد ماسمعت الكلام يلي صار بين اسراء وطلال لانهم كانو واقفين قدام باب داره شيماء💔😭

اما طلال و اسراء كانو هايمين في العسل لصباح وطلال نسى حتى موعده مع مدير شركه وراحت عليه نومه🤦🏻‍♂️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

امير:قاعد في كافي مع صحابه يحكو ع الامتحانات شوي وتلفونه ران شافله لقها سوسن اخت وداد
امير:تبعد عن صحابه…الو
سوسن:تبكي….وداد يا امير وداد
امير:انخلع…كنها وداد يا سوسن تكلمي
سوسن:وداد ماتت
امير: بصدمه…كيف كيف
سوسن:كانت في السوق مع ماما شوي وجات خبطتها سياره وهي بسرعه ما ماتت حتى قبل ماتواصل للمستشفى💔
امير:انتو في انو مستشفى
سوسن:في مستشفى(….)😭
امير:صكر وطلع بسرعه وخله صحابه مصدومين من حركته لدرجة قالو ان اكيد امه صارتلها حاجه(يحكو ع سعاد😁)
____________________
جنات:شيماء كنه وجك اصفر وعيونك منفوخات
شيماء:تشرب في ميه…لا مافي شي يمكن من الدوره بس
جنات:شيماء بلا كذب موعدك مزال انا عارفه قولي كنك😤
شيماء:حطت كوب الميه بهدوء وشافتلها…ايش تبيني نقول مثلا ها ايش نقول
جنات:احكي شيماء فضفضي صرخي ابكي متقعديش ساكته هذا راجلك زي ماهو راجلها لازام ادفعي عليه
شيماء:ضحكت بهزوه…بالله عليك اسكتي..انو راجل يلي تحكي عليه..اذا كان نحن لنا شهرين مجوزين وماقربش مني حتى بالكذب
جنات:بصدمه…في ايش تقولي انتي شيماء
شيماء:تسخن في خبزه…زي ماسمعتي
جنات:طلال خوي وانا نعرفه كويس ونعرف ان عادل ومستحيل يفراق بينكم واكيد حيجي يوم ويحبك❤️
شيماء:بهزوه… لا الحق هو عادل😏
جنات:شيماء صارت حاجه امس زعلتك!
شيماء:دموعها نزالو…وبدات تحكيلها ايش سمعت من طلال لما كان في الكوجينه…ولما كان هو واسراء قدام باب دارها💔
___________________
امير:وصل للمستشفى وخش وهو مخلوع ومش عارف ايش يدير ومتوتر 💔
وفي سال ممرضه عن القسم يلي قاعده فيها وداد واول ماخش شاف سوسن تبكي وامها قاعده ع الارض وحالتها حاله ومعهم خوهم الصغير عُمر
(طبعا وداد بوها متوفي من سنتين وعيشه هي وامها واختها وخوها في حوشهم ومعندهمش اقرب ف عشان هكي امير متوكل بيهم وبكل شي يخصهم وطبعا هذا كله بعلم ام وداد)
امير:داهش…وينها
سوسن:ماتت ماتتت خلاص عدت
امير:لالا ماتقوليش هكي توه تعيش توه لما تعرفني جيت توه تنوض💔
دكتور:انتو اقرب المرحومه
امير:شافله…وقرب منه بسرعه….دكتور هي كويسه صح..شوف انا مستعد نطلعها برا والي مكان مغير بس تكون كويسه
دكتور:مع الاسف فقدنا المريضه
امير:مسكه من دبشه…كيف مع الاسف ها كيف…توه توه تمشي تخليها تنوض توه…ولا نقولك توه نخشلها انا…وسيب الدكتور وخش بسرعه لغرفه يلي فيها وداد
دكتور:يا استاذ تعال هنا ممنوع تخش…وخش وراه
امير:اول ماخش لقها راقده ع السرير ومغطيين وجها…قرب منها بشوي ورافع الغطا…وداد انا جيت هي حبيبي نوضي هي💔
دكتور:حرام يلي ادير فيه…هي ماتت بسبب نزيف في المخ…ادعيلها🔥
امير:عيونه دمعو بس مسك روحه قدام الدكتور…نزل باسها ع جبهتها بحنيه❤️وغطها…كل المصاريف شوري
دكتور:تمام
امير:طلع وخذ معه هل وداد وطول الطريق وهم يتبكو بس ام وداد كانت متمسكه لانها حاجه بيت الله الحرام❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

اسراء:خشت خذت دوش وطلعت وهي لبسه ديشمبر وشعرها مفتوح…قعدت جانب طلال ع سرير ونزلت شعرها المبلول ع وجه وتواعى فيه… حبيبي هي نوض
طلال:ناض مخلوع من شعرها يلي كان ع وجه…شنو منين جات الميه هذي
اسراء:من شعري
طلال:انتي كنك في ايش تحسي
اسراء:شنو ماعجبتكش حركتي
طلال:صبا…لا وبعدي من وجي…وطلع خش للحمام
اسراء:اوووف عنيد ومايرضش بسرعه لكن وربي نوريك🔥
___________________
سعاد:خوك عمره ماتاخر في نومه بي طريقه هذي
شيماء:بصوت واطي وحزين…امس دخوله كيف مايتاخرش في نومه😭💔
جنات:ايش قالتي🤨
شيماء:سلمتك☺️
طلال:خير
كلهم:اهلين
سعاد:ساعه3 توه وين النوم هذا كله
طلال:يحك في شعره…راحت علي نوم ياما
سعاد:امممم

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

#مشاهد_من_الحلقات_الجايه

امير:نبي نعرف انتي درتي هكي فعلا
اميره:تبكي بحرقه…ولله ولله مادرت حاجه تغضب ربي ولله يكذب عليك ولله💔🔥
امير:مسك اعصابه…مش حنصدقك الا بطريقه وحده
اميره:ردت بسرعه…يلي تبيها انديرها اهم حاجه تصدقني
امير:
اميره:😨

شيماء:دم كان في كل مكان ع وجي ودبشي كانت متوقعه منها كل حاجه الا الحاجه هذي الا انها تقتل روحها قدامي🔥
طلال:كان قاعد ع الارض ويشوف الكل شي بصدمه وبس….يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى