رواية شغف الحلقة السابعة | القلم الناجح
روايات ليبيه كاملة

رواية شغف الحلقة السابعة

رواية شغف الحلقة السابعة

#شغف 7 (حقيقه ممزوجه بي خيال)

اسراء:اهلين بيك…عرفتيني
المراه:هو في حد ينسى صوتك…ها ايش واضع الجرعه المره ثقلتها لك زي ماتبي
اسراء:منوره…الشغل ماشي زي مانبي واحسن😈
المراه:تمام التمام بكرا ندزلك نفس الشاب عشان تعطيه باقي الفلوس زي مااتفقنا
اسراء:تمام

طلال:كانتي قعدتي في المحل ليش جيتي
شيماء:انفجرت فيه…انت كنك تحكي معي هكي ها…ايش درتلك انا
طلال:ضوبها كف قوي💔…لا مادرتي شي بس عاليتي صوتك علي..وانا مانحبش حد يعالي صوته علي فاهمه😡
شيماء:تبكي وتشوفله…طلال حرام عليك ليش هكي بس😭😭
طلال:يحكي بغل…صكري فمك لين مانوصلو للحوش حيكون حسابك عسير
شيماء:😭💔تبكي ومش فاهمه طلال كنه ولا ليش تغير فجأ هكي…كل يلي كانت تفكر فيه انها احتمال تموت بين ايدينا طلال في الحوش وبس💔🔥
_______________________
جنات:يا ماما مانقبلهش بارده هك ومافهش جو وبعدين ماتحبش شيماء وتكرهلها الخير😒
سعاد:مرت خوك وماعندك وين ماشيه منها…حاولي ايام الفرح اتعمليها كويس قدام الناس
جنات:مانقدرش يا ماما انا هنا وقدامنكم ونحكي معاها بالغصب يابلا قدام الناس..هكي واجد ره
سعاد:يابنتي الله يربحك فكيني من المشاكل…ع الاقل ايام الفرح بس
جنات:حاضر ماما حنحاول…لكن بعد هكي ماتطلبيش مني اني نحكي معاها كويس او نعاملها كويس
سعاد:ايوه الله يربحك ايام الفرح بس وبعدين يلي تبي اديري ديريه
جنات:حاضر عشان خاطرك حنسمع كلامك❤️
سعاد:كان طلال وشيماء تاخرو
جنات:بلكي برومو شوي هك مع بعضهم
سعاد:ربي يهنيهم❤️❤️
________________________
شيماء:السياره واقفة كأن النبض في قلبي واقف💔…نزالت بسرعه والشكاير في يدي وخليته في سياره…ومن حسن حظي باب الشارع كان نصه مفتوح…خشيت وانا دموعي ع خدي واول مره نخاف منه بالطريقه هذي

جنات:يا فرخه انتي كنك تبكي
شيماء:تبكي…الله يربحك خوذي شكاير وخليني نخش داري ونصكر ع روحي😭
جنات:خذات منها الشكاير وعزقتهن ع الارض…ماوقت شكاير بكل توه…انتي كنك تبكي…وليش خايفه هكي
شيماء:تحكي بسرعه…مش وقته توه مش وقته…خليني نخش وبكرا تعرفي…وسيبتها وخشت لدارها وصكرت ع روحها بالمفتاح مرتين💔
طلال:خش…وين شيماء
جنات:بعد شافت طلال متعصبه قالت هذا لو عرف مكان شيماء وين حيقتلها لان طلال وامير في الضرب ماعندهمش ياما ارحميني🤦🏻‍♀️💔
طلال:بصوت حاد…سالتك ردي…هي في دارها صح…وسيبها وجا يبي يخش لدار شيماء
جنات:لا مش في دارها
طلال:ها وين باعي😤
جنات:خافت…عند ماما قالتلها تعالي ارقدي معي اليوم..زي ماتعرف ماما مرات تواعى تشرق في الليل ولا حاجه وتبي حد جانبها فنادت شيماء😅
طلال:خليني نخش عليها نبيها في كلمتين
جنات:بصوت عالي…لا
طلال:شنو
جنات:قصدي ماما توه راقده وشيماء كذلك…انتي لو تبيها كلمها بكرا ليش تخش ع ماما في عقاب الليل وتخوفها😒
طلال:تمام باه عشان امي بس….وعدا خش لدار اسراء
جنات:تندب وتحكي بصوت واطي….حي عليكي ياشيماء ايش داير من عمله تخلي طلال متعصبه لدرجه هذي ولا يمشي يراقد مع الفرخه اسراء🤦🏻‍♀️🔥

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

(احتمال نفتح لايف بعد الحلقه)

اسراء:تشوف الطلال راقد جانبها…وتفكر…انت هكي ع طول اتلف اتلف اتلف وفي الاخير تجي الحضني انت الحضن اسراء مرتك الوحيده وحبيبتك وكل حياتك🔥اما الفرخه شيماء الاسبوع يلي راقدت فيه في حضنك انا حنوريلها نجوم الليل في عز الضهر🔥وتوه تشوفي…حنخليكي تكرهي حياتك وتمنى الموت مش الطلاق من طلال لا الموووووووت🔥
اسراء كان كل همها انها ادمر شيماء او حتى تقتلها…لانهم كلهم يحبو شيماء ومايتحملو فيها شي الكره والحقد عمى عيونها🔥💔ماتحسبش ان في رب وفي يوم الحساب وان ربي حيردلها هذا كله اضعاف الاضعاف🔥اما طلال يناري عليه هو كان كويس مع شيماء خلال السبوع يلي فات بس السحر وعاميله قدرين انهم يخلو الانسان يقتل مش بس يكره ويحقد🔥
__________________________________
#ثاني_يوم_الصباح🌤🌤🌤

جنات:طق طق طق…وتحكي بصوت واطي…شيماء افتحي انا جنات…طق طق…يابت افتحي انا جنات🤦🏻‍♀️
شيماء:فتحت الباب
جنات:واخيراً…وخشت
شيماء:صكرت الباب وقعدت ع الكرسي وتمسح في دموعها
جنات:امس طلال كان شكله متعصب بكل انتي ايش ديرتله
شيماء:من جدك انتي…معقوله انا نبي نغلط في طلال ولا نقوله كلمه مش تمام😭
جنات:كان متعصبه منك بطريقه تخوف قالت اكيد انتي ديرتله حركه مش تمام او كلمه مش تمام
شيماء:تبكي…انا نحبه ونموت فيه مستحيل ناذيه😭
جنات:مدتلها ميه…هكي اشربي واحكيلي ايش صار بضبط…وع فكره امس قبل يبي يجيك في الدار بس انا قاتله انك راقده مع ماما
شيماء:سمعتكم امس تحكو وانا في دار
جنات:هي احكي
شيماء:اول ماطلعنا من هنا كان كويس بس بعدين……وكملت كلامها لجنات
جنات:منصدمه…بس الله الرحمن الوحيم… كيف يعني تغير بروحه ومن غير سبب😳
شيماء:مش عارفه ايش صارله هك بروحه…تمه يحكي معي بطريقه مش تمام ويعالي في صوته وفي الاخير ضربني💔والتفتت و وراتها خدها
جنات:هييييي😨…شنو هذا الكف معلم
شيماء:انا تعبت منه بجد تعبت😭
جنات:حضنتها وهي مذهوله من التغير المفاجأ يلي صار الخوه🔥
__________________________
اسراء:تلبس في طلال الجاكه
طلال:نعلي انا من المهتمه بي❤️
اسراء:حبيبي قتلك
طلال:التفتلها…نعم يا روح حبيبك
اسراء:امس ايش دارت مع شيماء في سياره
طلال:اخخخخ عطيتها كف مسحلي خاطري من جو
اسراء:ضحكت بخبث….وشافتله…حرام🥺
طلال:حبيبتي الحنونه الطيبه..هذي حلال فيها القتال مش الضرب بس🔥
اسراء:تحبها
طلال:من هي شيماء
اسراء:هزات راسها بي معنى اها
طلال:في حد يكون الجمال هذا كله بين ايديها ويشوف الواحده زي شيماء😒
اسراء:باسته ع فمه…نحبك ونحب كلامك لي
طلال:وانا حنحبك اكثر لو خليتيني نمشي لشركه لاني تاخرت
اسراء:😂باهي هي امشي
طلال:باسها💋….باي حبيبي…وطلع من دار
اسراء:هكي تاكدت ان فعلا السحر اشتغل😈

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

امير:انا نبيها زرق انا العريس مش انت😒
اسامه:عارف كان ماتسكت ايش ندير فيك
امير:ايش تبي ادير يعني🤨
اسامه:يوم فرحك تخش لصاله وانت معبى دحي ورمال وطم طم😁
امير:ناقص غير الخبازه مع الدحي والطم طم 😒😂
اسامه:لا ماعليك نعرف واحد يبيع في خبازه ساخنه تهبل😂🌚
امير:ضحك…وربي انت متخلف
اسامه:بس ديما نغيرلك في جوك
امير:شافله وهو يختار في بدلتها…للأسف
اسامه:بس حتاخذ البدله سوده
امير:الزرق
اسامه:انا قالت السوده معناها السوده
امير:توه نشوفو…وبعد ناقش طويل عريض بين امير واسامه لدرجة حتى ان صوتهم تمه عالي في المحل ويلي ماشي ويلي جاي يشوفلهم ويضحك عليهم😂🤦🏻‍♀️الا ان امير هو يلي فاز وخذا البدله الزرق
اسامه:ركب السياره وهو قالب وجه
امير:بدا يسوق ومره مره يشوف الاسامه ويضحك بصوت واطي🤭
اسامه:عرفك قاعد تضحك
امير:وربي منضرك كيف المراه الحرجانه يلي ماشيه لهلها وراجلها ضاربها لين خلاص😂
اسامه:ضحك…ولله ويصير منك وطلعت تعرف اتضحك اهو…عقبال ماتضحك المدام😉
امير:بصوت حاد…اسامه
اسامه:نجيلي يلي غار😁
امير:متخلف وحنقعد طول عمري نقول عليك متخلف
اسامه:ولا يهمك خوذ راحتك
امير:🤦🏻‍♂️🤦🏻‍♂️

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

شيماء:وربي طاحت يا عميمه
سعاد:شيماء ماتحلفيش كذب انا متاكده هذي ضاربه مش طايحه🔥
شيماء:ياعميمه ليش ماتبيش تصدقيني وتصدقي ان هذي طايحه
سعاد:بغضب…لان انا مش صغيره ولا حد يقدر يضحك علي بسهول
شيماء:نزالت راسها…حشاك ياعميمه💔
سعاد:حطت يدها ع كتافها..قوليلي طلال ضربك صح
شيماء:شافتله وهي مش عارفه ايش تقول
سعاد:احكي طلال صح…انا متاكده ان طلال
طلال:نعم ياما
سعاد:ولد حلال…تعال نبيك
طلال:خش وهو يشوف الشيماء…نعم في حاجه
سعاد:شوف خد شيماء
طلال:شاف لخد شيماء…تؤتؤتؤ…عليك طايحه وخذاتها يا شيماء😏
شيماء:اه شفتي حتى طلال قال انها طايحه مش ضاربه
سعاد:استسلمت…ديري بالك مره اخر الاسبوع الجاي عندنا فرح
شيماء:حاضر…وناضت…خليني نمشي نشوف جنات…وطلعت
سعاد:البنت هذي ديما صعبانه علي كل مره صاير فيها حاجه ربي يسترها معاها❤️
طلال:انشالله😏
__________________________
اميره:وربي مانبيه مانحبش هلي هم يلي وافقو مش انا💔
وهبي:خلاص اميره انسيني وطلعيني من راسك
اميره:كيف ننساك ها كيف…قصدك حتى انت تقدر تنسني بعد حب 7 سنين ها😳😨
وهبي:اها نقدر ننساك ونجوز غيرك اخر
اميره:لا انت تبصر صح انت تحبني انا وحتقعد طول عمرك تحبني😭
وهبي:مايشرفنيش نحب واحده زيك
اميره:ايش قصدك يعني😳😭
وهبي:ادزيلي في صورك كانتي وتلاقي معي…يلي ادير هكي ايام العلاقه تقدر ادير هكي بعد ماتجوز ومع اي حد
اميره:مصدومه…مش انت يلي كانت تقولي دزي مش انت يلي كانت تقولي هي نتلاقو…بعدين صوري يلي عندك كلهن بالحجاب وانا مستوره فيهن🔥
وهبي:مستوره مش مستوره اسمك دزيتي…وانا معش نبي نعرفك
اميره:ماكنتش نتوقع منك هكي
وهبي:لاتوقعي…وهي سلام…اه وقبل ماننسا صورك انحذفن من عندي واصلا الاب توب خرب…يعني مش حنمشي ونقول لخطيبك اطمنى
اميره:تولع انت وخطيبي في ساعه واحد…وصكرت في وجهه
اميره:😭انا مش مصدقه وهبي يدير في هكي…لالالا هذا مش وهبي ان…وقبل ماتكمل كلامها طاحت مغمى عليها من صدمه🔥
______________________
شيماء:خلاص معش مزال ع الفرح الا اسبوعين
جنات:امي اهم حاجه عندها الصبايا الكبار
شيماء:ابتسمت…صدقت
جنات:يلا هم كم يوم الواحد يتعب فيهم وبعدين يترياح
شيماء:تنهدت…وفي يلي يقعد تعبان طول عمره😞
جنات:معلش شيماء تحملي عشان حبك ليه
شيماء:شافتلها بكسرة خاطر…وربي خايفه معش نقدر نحبه زي قبل💔
جنات:شيماء خليك قويه…ع العموم انا شاك في حاجه وقريب حنتاكد منها
شيماء:ايش هي…قصدك حاجه بخصوص طلال
جنات:اها…بس لو طلعت صح وربي نقلب دنيا فوق راسها لان مافيش الا هي
شيماء:من هي
جنات:ينعلي انا منك بعدين تعرفي🤦🏻‍♀️

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

طلال:شيماء تعالي
شيماء:رعشت مع بعضها…لالا مانبيش نمشي
جنات:عدي ماتخفيش وانا حنكون هنا يعني لو دار اي حاجه حيلقني في وجه
شيماء:حاسه ماشيه للموت براجلي
جنات:استهدي بالله بس وعدي
شيماء:باه😭…وطلعت…نعم طلال
طلال:تعالي صبي قدامي
شيماء:صبات قدامه وبخوف…نعم😖
طلال:ماسكها من شعرها ويحكي بغل…وربي نعرف بس حد عارف ان انا يلي ضربتك اعرفي انك حفرتي قبرك بيدك🔥
شيماء:تبكي😭
طلال:هزاها…سمعتي
شيماء:هزات راسها
طلال:سيبها…امشي من قدام وجي بي منظرك يلي يخلي الواحد يرجع🤢(حشاكن)
شيماء:💔😭
طلال:سيبها وخش لأسراء
_______________________
سعاد:ووك علي البنت راحت فيها
جنات:من ماما
سعاد:اميره
امير:كان يبي يخش داره سمع اسم اميره خش ع امه…كنها اميره ياما
سعاد:توه كلمتني امها وقالتلي طاحت عليهم وشالوها للمستشفى وركبت تغذيه
امير:باهي هي توه كويسه انتي ليش تلبسي
سعاد:من جدك انت..امها ماكلمتني الا وتبينا نمشو نشوفو بنتها…هي امشي ساخن السياره😒
امير:ياما خليها بكرا صباح
سعاد:لا نمشو توه ونجو ع سريع
امير:تنهد…باه انا طالع نساخن سياره ماطوليش..وطلع
سعاد:جنات صكري الباب ورانا وعينك من الحوش❤️
جنات:حاضر وكلميني طمنيني ع اميره بعد توصلي
سعاد:مغير نطمنى عليها انا قبل…هي مع سلامه
جنات:باي
_____________________
شيماء:طق طق طق
جنات:ابتسمت كانها عارفه من ع الباب…خشي شيمو❤️
شيماء:خشت وصكرت الباب…عرفتيني
جنات:وهو في حد في الحوش اصلا يطق علي قبل مايخش الا انتي😂❤️
شيماء:قعدت جانبها ومسكت يدها…وربي انتي الوحيده يلي مصبرتني ع كل يلي انا فيه
جنات:يالهبله ماتقوليش هكي…انتي اختي مش بنت عمي❤️
شيماء:تنهدت بحزن…بعد خوي علي انتي عوضتيني بحنان الام والاب والاخت والاخ والعيله
جنات:ربي يرحمهم..بس انتي شكلك جايه وتبي تراقد عندي اليوم
شيماء:اها نبي نراقد عندك…مانبيش نقعد في مكان في طلال واسراء ونسمع صوتهم في لليل وهم يضحكو مع بعضهم وهو يسمعها كلام حلو وانا نقعد نبكي لعند ماندوخ🔥💔
جنات:ربي ياخذ حقك ماتخفيش…وع فكره انا قالت الصحبتي تجيبلي مية روقيه الطلال
شيماء:عليش
جنات:عشان يا الهبله راجلك ماديورله سحر لان بعد الكلمه يلي قاله لك امبدري لما كلمك وانتي معي خلتني نتاكد
شيماء:بس كيف وسحر من من وعليش
جنات:اكيد من اسراء
شيماء:لما اذكرت معاملة طلال ليها والاسراء تاكدت
جنات:المهم هي حتجي ايام الفرح وحتحيب معها الميه وانشالله الامور حتكون تمام…بس لازام السحر ينفك لو هو ماديورله في حجاب ولو هي تعطي فيه له في الوكال او في الشراب
شيماء:تبكي…ليش هكي بس وربي بدال مانكون انا يلي في حضن توه قاعده هي😭
جنات:وحياتك كان ماخليتها تطلع برا حياتنا بحق توه تشوفي
شيماء:انشالله😞🔥
جنات:خاطرها راه اميره اغمى عليها وامي ماشتلها هي وامير توه
شيماء:صح
جنات:اها مدرعنى عليش اغمى عليها غريبه صح
شيماء:لا عادي اكيد متوتره بس من العرس
جنات:العقبالي😌🤭
شيماء:انشالله❤️❤️
______________________
سعاد:انشالله هذا حد السو..وانتي يابنتي عينك من روحك فرحك مزال عليه اسبوعين بس
اميره:بصوت واطي…انشالله عميمه
عليا…وللهِ ماكان في داعي اتجو في هالليل
سعاد:لا عدا كيف اميره بنتي توه مش مرت ولدي❤️
عليا:سلمك
سعاد:قربت من عليا…امير يبي يخش يشوف اميره يطمنى عليها يعني لو مافيش مانع
عليا:لا بالعكس عادي
سعاد:خلاص تمام حنطلع نكلمه…وطلعت
عليا:اميره خطيبك يبي يخش يشوفك

امير:مانبيش ياما نشوفها ليش هكي بس

عليا:تحشمي ع وجك الراجل جاي لعند هنا وتقولي هك

امير:مانبيش نشوفها
اميره:مانبيش نشوفه

سعاد:عارف لو ماخشيتش ايش حندير فيك
عليا:تعرفي لو رافضتي تشوفيه ايش حيصير فيك

امير:ايش
اميره:شنو

عليا:حنقول الباتك ان انتي اغمى عليك بسبب مكالمتك من وهبي مش بسبب قلة الوكال
سعاد:مش حنحضر فرحك وانسى ان عندك ام

امير:لدرجه ياما
سعاد:اها
امير:تنهد…حاضر ياما عشانك كل شي يهون❤️
سعاد:سلملي ولدي…وخشو مع بعضهم

اميره:خلاص خليه يخش
عليا:ايوه هكي انتي بنتي صح❤️

سعاد:خش يا اميره مافيش خد براني ام خطيبتك وخطيبتك
عليا:خش يا امير
امير:خش وهو مضايق من تصرفتهم…سلام عليكم
عليا:عليكم سلام..شخبارك يا امير
امير:الحمدلله شخبارك انتي يا عمتي..لاباس ع اميره
عليا:ماتراعي باس
اميره:ماتراعي باس
عليا:هي امير خلينا نمشو
عليا:طريق السلامه يارب
سعاد:سلمك❤️مع سلامه
عليا:مع سلامه

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

#ثاني_يوم_الصباح

جنات:يعني هي كويسه توه
سعاد:اها امورها كويسه هي ممكن اغمى عليها من توتر
شيماء:حتى انا قالت الجنات هكي
اسراء:صباح الخير
سعاد،جنات:من فوق النفس..صباح الخير
شيماء:تقرض في البطاط وهي ساكته
اسراء:شافتلها…كنك ماتردي الصباح
شيماء:شافتلها من دون ماترد عليها
طلال:صباح الخير
سعاد:صباح النور ع ولدي..تعال افطر
طلال:لا نبي بس كباية نسكافي
اسراء:من عيوني
شيماء:💔💔طلعت من كوجينه
اسراء:اهو النسكافي
طلال:حناخذه معي في سياره…سلام
سعاد:طريق السلامه❤️
____________________
اسراء:شيماء
جنات:ايش تبي منها
اسراء:انتي ايش دخلك😏
جنات:ياصبر ايوب😤
اسراء:ياريت يا شيماء تبدي من توه تلمي دبشك
شيماء:وعليش انشالله دبشي قاعد عندك في دولابك😒
اسراء:ضحكت…لا يالهبله ماهو طلال قرار يطلاقك
جنات،شيماء:😳شنو
اسراء:زي ماسمعتن…وسيبتهن وطلعت….يتبع

رواية شغف الحلقة السابعة

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى