رواية شغف الحلقة السادسة | القلم الناجح
روايات ليبيه كاملة

رواية شغف الحلقة السادسة

رواية شغف الحلقة السادسة

#شغف 6

شيماء:فتحت الباب وهي فاتح شعرها ولبس روب يجنن❤️🤤…حبيبي مع من تحكي…وشافت الاسراء بصدمه
اسراء:هاي شيماء😏
شيماء:تشوف الطلال وتفكر في عقلها ان هو يلي مشى وجابها
طلال:قرب من اسراء ويحكي بعصبيه…مع من جيتي😤
اسراء:حبيبي بشوي علي كنك
طلال:سالتك وجوابي😤
اسراء:جيت مع خوي😒
طلال:خشي لدار توه نجيك
اسراء:لا مش توه نجيك خش معي توه
طلال:كلمه هي
اسراء:خشت وصكرت الباب في وجه
طلال:التفت ع شيماء لقها مش مصبي ع الباب عرفها خشت جو لدار
طق طق طق
شيماء:خش طلال
طلال:خش…يشوفلها باعجاب
شيماء:واقفت ع دولاب اطلع في بيجامه
طلال:ماسك يدها…خليك🔥
شيماء:عيونها في الارض…بالله عليك خليني طلال
طلال:شوفيلي شيماء
شيماء:مانبيش…وجات تبي تمشي رد طلال ماسكها من جديد
طلال:كلمه هي قتلك شوفيلي
شيماء:شافتله وعيونها دموع
طلال:ماسك وجها بي ايديه الاثنين…عليك الدموع هذين
شيماء:ولله تحكي جد انت
طلال:فهم…هي يلي جات بروحها انا ماجتهش وخذايتها
شيماء:خلاص مش مشكله…واصلا امس رقدت عندي…اليوم دورها
طلال:باهي تعالي…وخذاها في حضنه ويمسح ع شعرها…قعدو طول الليل مع بعضهم وشيماء راقده في حضن طلال ومشت لليلتهم كلها هدوء و رومانسيه بينهم❤️❤️
___________________________
اسراء:قعدت في دار تبرم وتراجى في طلال يجيها🔥قعدت قريب ساعه وهي تراجى وفي الاخير عرفت ان طلال راقد عند شيماء…طول لليله اسراء تفكر في شيماء وكيف تخليها تتطلاق من طلال بس شي كل حاجه دارتها ومافيش فايده..

#ثاني_اليوم_الصباح🌤🌤

اسراء:مش عارفه كيف صار دبريلي نبي جرعه جديده
المراه:تمام تمام…بس السعر حيكون غالي
اسراء:مش مهم السعر…المهم عندي طلال يكرها ويرد يحبني🔥
المراه:تمام…تبي خدمة توصيل زي المره يلي فاتت
اسراء:اها وخليه يصبي في نفس المكان
المراه:تمام…وصكرت
اسراء:خلينا نشوفو من يضحك في النهايه ياشيماء😏

شيماء:صباح الخير
طلال:صباح النور…اطلعي ديريلي فطور خليني نمشي لشركه
شيماء:حاضر…وطلعت
جنات:تغني😂🤦🏻‍♀️
شيماء:يافايق يا رايق(بالمصري😂)
جنات:ومنكم نستقيد
شيماء:غريب اليوم واعيه بدري
جنات:اهو قالنا خلينا نواعو بدري مره في العمر
شيماء:كويس
جنات:امس كان صوتك انتي وطلال عالي
شيماء:تنهدت…لا مش صوتي هذا صوت اسراء
جنات:كانت تاكل في بشكوط لما سمعت الخبر شرقت…
شيماء:بسم الله بسم الله هكي ميه اشربي..وشربتها ميه
جنات:من جدك انتي تحكي
شيماء:ولله جات امس مع خوها في لليل
جنات:هذي كنها…حي عليها من طلال
شيماء:اهو عدا هي تخاف من حد اصلا
جنات:انشالله مغير طلال يهزبها
شيماء:حطت الفطور في السفره…انا اهم حاجه عندي تبعد عني هي وشرها…يلا خليني ناخذ الفطور الطلال
جنات:تمام

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

امير:ها وينك ازح
اسامه:اهو في طريق
امير:هي يرا لي ساعه نراجى فيك
اسامه:باهي صكر
امير:زعم كبد ع صباح
اسامه:واقف سيارتها ونزال..صباح الخير
امير:صباح القايله
اسامه:ييييي علينا خلاص عدا اهو جيت ها ايش تبي
امير:هي خلينا نخشو…خشو امير و اسامه للكافي
اسامه:ها احكي
امير:شاب يلي تحب اميره
اسامه:كنه ايش تبي فيه
امير:امس كلمت جماعه عليه
اسامه:باهي انت ايش تبي في
امير:ماعندي مانبي فيه..لكن نبي نشوف من يلي فضلته علي
اسامه:يا امير هي ماتعرفكش بيش تفضله عليك بس هي كانت تحب
امير:ومزالت تحبه
اسامه:لا اله الا الله…توه انت ايش صار معك امها ردات عليكم ولا لا
امير:كلمت امي اليوم صباح و وافقو وقالتلها خالي الرجال يجو يطلبوا رسمي
اسامه:تمام كويس.
امير:شافله…ولله ماكويس
اسامه:كنك يا راجل
امير:ماكنيش
اسامه:باهي ايش عرفت عليه الشاب
امير:اشر من يبي انت تعرفه
اسامه:كيف
امير:…
____________________
اسراء:تكلم بتلفون…ها وينه
المراه:توه كلمني وقالي واقفت قدم المحل
اسراء:تمام…وصكرت…طلعت اسراء للمحل يلي جانبهم لقت شاب قاعد في سياره قربت منه عطت الفلوس وخذات منه الجرعه الجديده…وخشت لشارع تجري خايفه من حد يشوفها…وماخفتش من ربي يلي يشوف ويسمع فيها وعارف هي في ايش تفكر🔥💔

سعاد:اسراء اسراء
اسراء:داهشه…نعم يا عميمه😒
سعاد:كنك داهشه🤨
اسراء:ها لا بس ك
سعاد:خلاص خلاص بلا كلام فاضي…عدي للكوجينه ساعدي شيماء وجنات في الغدا
اسراء:باه😤…وعدت
سعاد:كان يوم اسود يوم ماشفتك
اسراء:خشت للكوجينه تخبط ومتنرفزه
جنات:شافتلها عرفتها متنرفزه…عارفه يا شيمو طلال امس قالي نفكر نطلعو زرده مع بعضنا
شيماء:جد
جنات:اها جد…وقالي اهم شي تكون معنا شيماء❤️
شيماء:حست جنات فيها حاجه مش تمام لان اول مره تحكي معها وهي متكبره وشايفه روحها…حبيبتي جنات فيكي حاجه انتي
جنات:تفنص بعيونها…لا تمام مافي شي انا كويسه
شيماء:معش فهمت حاجه برمت وجهها تقلب في طنجره وخلاص😂🤦🏻‍♀️
جنات:🤦🏻‍♀️🤦🏻‍♀️
اسراء:ماكنتش معهم…كانت تفكر امتى ترد تعطي طلال من جرعه هذي بيش يرد معها زي قبل واحسن ويطلاق شيماء💔
(ياويلهم من ربي الاشكال هذي🔥🔥)
______________________________
سعاد:بكرا انت وطلال وخالك تمشو لهل البنت سمعتو
طلال:تمام ياما
امير:ساكت
سعاد:امير كنك ساكت
امير:لا شي ياما…ربي يقدم يلي فيه الخير
سعاد:قلبها ترياح…انشالله❤️
سعاد:وانت يا طلال عليش خذايت اسراء الهلها
طلال:مافي شي ياما كنك واحده وتبي تمشي لهلها عليش نمنعها
سعاد:كان الموضوع هكي باهي…ربي يهدي سرك
طلال:انشالله

وفعلا ثاني عدو طلال وامير وخالهم لهل اميره واتفقو ع كل شي وان العرس حيصير بعد شهر

اب اميره(يوسف):هي خشي الراجل يراجى فيك جو
اميره:صابت بالغصب
امير:كانو قعدين معه طلال وخاله بس بعد عرفو اميره تبي تخش طلعو وتمه قاعد امير بروحه بس
اميره:طق طق طق
امير:خشي
اميره:والعبره خانقتها…سلام عليكم
اميره:عليكم سلام…ومد يده عشان يسلام عليها
اميره:مدت يدها وهي ترعش
امير:اقعدي
اميره:قعدت
امير:ايش طلباتك
اميره:شافتله…اهم شي لاتضربني ولا تهني
امير:هو انا عصبي لكن اكيد مش حنضربك ولا نهينك…بعدين انا عندي اخت وانتي اكيد فاهمه علي انا ايش قصدك
اميره:اها فهمت تمام
امير:هذين بس طلباتك
اميره:اها وانت
امير:انك تصونيني وتصوني حوشك واهم حاجه من هذا كله كان انتي عندك ماضي انسيه🔥
اميره:انخلعت من كلمته الاخيره
امير:تمام
اميره:ت تم تمام😖
امير:خلاص تمام تقدري اتفضلي توه
اميره:مع سلامه
امير:تنهد…مع سلامه

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

طلال:خلاص اتفقنا ع كل شي والفرح بعد شهر
سعاد:ع خيرة الله
امير:بكرا افتتح الصيدليه
سعاد:الف مبروك هذا وجه اميره عليك❤️
امير:😒
اسراء:اهم شي تكون حلوه
جنات:هي وشيماء التوب😏👏🏻
اسراء:قلبت وجهها
طلال:المهم ياما توه انتو ايش تبو اديرو
سعاد:بعد اسبوع حنمشو نخطبو رسمي ونقرو فاتحه❤️وعقد حيكون قبل الفرح بي 4 ايام
طلال:تمام…وانت ايش رايك امير
امير:ناض..يلي تبوه ديروه..انا ماشي ندوش ونراقد…وطلع
سعاد:حال خوك مش عجبني
طلال:خليه ياما براحتي
سعاد:اخخخخ ربي يهدي
_______________________
طلال:خش للحمام ادوش وطلع لقه قدامه اسراء…كنك واقفه هنا
اسراء:كانت لبسه توتة شرت ورافعها شعرها فوق…شي كانت نراجى فيك
طلال:خشي جو ارقدي
اسراء:شنو
طلال:زي ماسمعتي
اسراء:لا يابابا انت لك يومين عندها اليومين الجايات عندي انا🔥
طلال:صكري فمك وخشي جو انا يلي نقرار عند من نراقد وعند من لا
اسراء:مصيرك ردلي انا…وصكرت في وجه الباب
طلال:خش لدار شيماء
شيماء:حتراقد عندي هنا اليوم🙄
طلال:اها كنك🤨
شيماء:لا بس انت لك يومين هنا مش مفروض اليوم وبكرا عند اسراء
طلال:مش المفروض تكوني فرحانه انتي
شيماء:بالعكس انا فرحانه…بس نبيك تعدل بينا…يومين عندي ويومين عندها
طلال:مسح ع وجهها…معك حق…وقرب من وذنها…بس انا اليوم نبي نراقد معك🔥❤️
شيماء:شافلته وهي متحشمه☺️
طلال:بدا يبوس فيها واخر شي راقد فوقها🔥وعشو احلى لليله من ليلي عمرهم🔥
طلال:راقد ع سرير ويدخان…وشيماء راقده ع صدره
طلال:عارفه
شيماء:شنو
طلال:وربي احلى لليله من ليلي عمري❤️
شيماء:حتى انا🔥
طلال:نحبك❤️❤️
شيماء:نموت فيك

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

#بعد_مرور_اسبوع

عدو هل امير لهل اميره ودارو خطوبه وقروا الفاتحه وجو كان كيف جو اي خطوبه لليبيه❤️اميره لبسه فستان بسيط وحلو وشيماء لبسها لبسه بسيطه وجنات لبسها كاجول❤️

اسراء مضايقه من طلال لان معش جا وراقد معها وطول الاسبوع وهو مع شيماء وماحضرتش الخطوبه❤️

امير مضايق من يلي يدير فيه ويحاول يركز في شغله يلي هو الصيدليه…بس هو حاسس ان جوزه من اميره مش حيستمر ممكن لان مجوزها غصبن عنه🤷🏻‍♂️

اميره صح تضحك وتلعب وجوها سمح لكن اول مالليل يجي تقلبها بكا والدمعه ماتنشفش من عيونها🔥💔واحيانا تران ع وهبي لكن شي مايردش واخر شي عطاها مقفل🔥

شيماء فرحانه بهتمم طلال ليها وحبه المفاجأ كانت مش متوقعه يصير منها ومن طلال وعلاقتهم تستمر بس يلي صار العكس❤️

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

اسامه:وربي توه تشوف وتقول اسامه قالها
امير:توه نشوفو باه
اسامه:انت صدقني بس..اي بنت تحب يلي يهتم بيها ويسمعها كلام حلو
امير:ولله وانا فاضي للكلام هذا
اسامه:لازام منه الكلام هذا في بدايت الجواز ع الاقل😒
امير:لكن
طلال:معه حق اسامه
اسامه:اهلين طلال…تعال شوف خوك في ايش يقول
طلال:سلم عليه…اهلين بيك…سمعته
اسامه:ايش رايك في كلامي
طلال:كلام اسامه صح ميه بالميه
امير:🤨
طلال:اها صح ماتشوفليش هكي
اسامه:لازام تحسسها بحبك ليها
امير:مانحبهش مانحبهش…ع اساس انت مش عارف
اسامه:عارف بس اكيد حتحبها يعني
طلال:من راي انا خوذ بكلام اسامه…لان صح..يعني اكيد انت مش من اول يوم حتحبها بس بعدين بعد كم شهر من جوازكم اكيد حتحس بيها وتحبها❤️
امير:انا ماعنديش امل في العلاقه هذي
اسامه:المفروض تداعي ربي يسيرلك امرك مش تقول هكي
طلال:طبطب ع كتاف امير…ربي يوفقك يا خوي
امير:انشالله❤️
__________________
اميره:تبكي…رايفتله😭
ايناس:يا اميره راه حرام عليك انتي توه مخطوبه وفرحكرخلاص معش مزال عليه
اميره:مش بيدي نحبه نحبه🔥😭
ايناس:حظنتها…هذا نصيبك ولازام ترضي بيه…وبعدين ولله امير كويس سمعته عليه
اميره:حتى ولو انا مانحبش..وبعدين مدرعنى يعملني كويس او لا
ايناس:ربي يهديك…عليش وهبي مايردش عليك
اميره:زادت بكت…اكيد عشان سمع بخطوبتي💔
ايناس:احسن مادار بلكي تقدري تنسيه
اميره:طول لليل تبكي في حضن اختها وتحاول تراقد لكن كل ماتصكر عيونها تشوف وهبي🔥
________________________
عليا:يعني انت متاكد ان كويس ياحاج
يوسف:الشاب مشالله عليه ويشتغل واموره تمام التمام مش زي يلي اسمه وهبي
عليا:اهم شي يرياح بنتي
يوسف:لا اطمني من الناحيه هذي❤️
عليا:حتى امه مشالله عليها…بس انا خايفه من حاجه واحده
يوسف:ايش
عليا:خوه مجوزه ع بنت عمه…خايفه بعد فتره من جوازهم امير يجوز ع بنتي ويقهرها وهي مزالت صغيره
يوسف:فكيني من الكلام المش تمام عقاب لليل..وبعدين لو اجوز هذا شرع ربي…وتوه طفي الضي عشان نبي نراقد
عليا:اخخخ الواحد مايقدرش ياخذ ويعطي معكم…وناضت طافت الضي وراقدت وهي خايفه يصير مع اميره نفس ماصار مع شيماء🤦🏻‍♀️(بصراحه معها حق)
__________________________
#ثاني_يوم 🌤🌤

شيماء:ها ايش ناقص اخر
جنات:اممم اها…المنديل والقصابات
شيماء:في حاجه اخر
جنات:لالا تمام هكي كملنا
شيماء:داست الورقه في جيبها…تمام مجرد مايجي طلال توه نطلع انا وياها ونجيبو الحاجه الناقصه
جنات:باهي تمام…بس اهم شي ماتخليش البارده اسراء تمشي معكم
شيماء:وللهِ انشالله…بس لو هي طلبت وطلال وافق انا ماعندي مانقول
جنات:عارفه انتي ايش اديري عشان ماتمشوش معها
شيماء:ايش قولي
جنات:مجرد مايجي طلال خليه يدوش واطلعي انتي وياه طول…وانا توه ناخذ اسراء للمخزن يلي فوق نخليها تنظفه معي عقاب ما انتو طلعتو
شيماء:ولله فكره سمحه…يخربجلك يا ام الافكار السمحه زيك😂❤️
جنات:احم احم سلمني😌
شيماء:😂

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

سعاد:السيق حيكون يوم الاربعاء والفرح حيكون يوم الخميس من الاسبوع الجاي
طلال:تمام هكي خير
سعاد:جبتو الخضر والفواكه والحاجه هذي كلها
طلال:اها مشيت انا وخالي وامير واسامه وشرينا كل حاجه وزي ماتبي اخر❤️
سعاد:ربي يرضى عليكم
طلال:انشالله
شيماء:جيت☺️
طلال:اها…هي خليني نمشي ندوش
شيماء:تمام خش ادوش عشان نبو نمشو مع بعضنا نجيبو الحاجات الناقصات
طلال:مع اني تعبان…لكن باهي
شيماء:تمام
__________________
طلال:هي ياشيماء خلينا نمشو ونجو بسرعه
شيماء:هي هي اهو طلعت
طلال:خليني نمشي نجيب حاجه نشربه قبل
اسراء:بخبث…اهو حبيبي عصير عنب عرفتك تحبه..امسك اشرب
طلال:كيف سمعتيني…كانتي تصنتي علينا ولا كيف🤨
اسراء:لا العفو…كانت نازل من الدروج وشايله حاجات من المخزن سمعتك بالصدفه مشيت خذيت عصير وعطيتك هكي بس صار🥺
طلال:شرب العصير وعط لها…هي شيماء وقت
شيماء:هي…وطلعو
اسراء:اوووف واخيراً قدرت نعطيه الجرعه لي كم اسبوع وانا نراجى🔥وتوه خلينا نشوفو ايش يبي يصير ههههه…تابعو بصمت🤫
________________________
ايناس:لعند امتى وانتي حابسه روحك هنا في دار
اميره:شافتلها…لعند مانموت
ايناس:بعيد الشر عن قلبك في عروسه تقول هكي ع روحها💔💔
اميره:انا نقول هكي لاني مش متريحه لجوازه هذي
ايناس:وكالي ربك بس واستهدي بالله
اميره:لو يعرف بس قديش نحبه ينصدم من كمية حبي له😭
ايناس:ارحمي روحك وارحمينا معك…امي لعند امبدري تسال في عليك وهي البين مشغوله عليك بكل🔥
اميره:يا ايناس لا نحبه سنه ولا اثنين…سبعه سنين وانا نحبه ونراجى في اليوم يلي نكون فيه مراته…وتوه بعد كم يوم نكون عند حد غيره…واعره راه واعره🔥😭
ايناس:ابكي ابكي عشان اتريحي
اميره:ماصدقت حد قاللها ابكي…وفعلا قعدت فوق من ساعه وهي تبكي وايناس تحاول تهدي…لعند حاست روحها داخت شوي شوي بدات تراقد لين راقدت كانها لها سنه مش راقده من البكا🔥💔
___________________
شيماء:مخلوعه…طلال كنك😨
طلال:ماكنيش عليش تقولي هكي😡
شيماء:برمت وجهها شور الروشن وتبكي بصوت واطي…وتفكر وتقول في عقلها اكيد من ضغط الشغال والتعاب اكيد طلال مش حيتغير علي كيف من قبل😭
طلال:واقف السياره وبعصبيه…هي انزلي خوذي الحاجه يلي تبيها وتعالي بسرعه😒
شيماء:تبيني ننزال بروحي😳
طلال:انزلي بروحك ايش يبي يصير فيك يعني…ومدا يده وفتحلها الباب يلي من شورها…هي انزلي
شيماء:نزالت وهي تحاول ماتبكيش😭🔥
_____________________
طلال:ايوه سريوه حبيبتي رايفتلك❤️
اسراء:بفرحه….وانا اكثر حبيبي امتى تروح
طلال:لين تطلع الفرخه شيماء من محل
اسراء:بدلع…ماطولش علي حبيبي باهي🥺
طلال:نعلي من صوت السمح…حاضر مش حنطول
اسراء:نحبك❤️
طلال:حتى انا…يلا يلا باي الفرخه جات خليني نهزبها ونجيك يا عسل
اسراء:تمام باي…وصكرت…ورانت ع المراه يلي واخذه منها السحر
المراه:الو
اسراء:اهلين بيك…عرفتيني
المراه:هو في حد ينسى صوتك…ها ايش واضع الجرعه المره ثقلتها لك زي ماتبي
اسراء:منوره…الشغل ماشي زي مانبي واحسن😈…..يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى