رواية شغف الحلقة العاشرة للكاتبة أسماء أشرف | القلم الناجح
روايات ليبيه كاملة

رواية شغف الحلقة العاشرة للكاتبة أسماء أشرف

رواية شغف الحلقة العاشرة للكاتبة أسماء أشرف

#شغف 10

جنات:حي علي كنه يدك

شيماء:😳لازام مستشفى ع سريع
اميره:تشوف الامير بصدمه وخلاص
امير:دبشه كله دم من عند كتافه وفيه في وجه كم جرح من ع جانب
سعاد:حي علي ولدي راح فيه
امير:قاعد ع صالون بتعب…مافي شي بسيطه
شيماء:لازام مستشفى امير ماتقولش بسيطه
جنات:اصبر توه نمشي نكلم طلال يجي ياخذك…وعدت
سعاد:قاعده جانب امير وتبكي….من دار فيك هكي بس قولي😭
امير:وللهِ مافي حاجه ماتكبروش الموضوع
اميره:بصدمه….امير كنك من دار فيك هكي
امير:شافلها بنظره حاده…ولد حرام🔥
سعاد:الله لا يربحه يلي دار فيك هكي😭
جنات:كلمت طلال في طريق قاعد
سعاد:وحده فيكم تجيبله ميه ومنديل وتمسحله الدم يلي ع وجه💔
اميره:انا توه نمشي نجيب…وعدت
اسراء:شنو الدوشه هذي..هييي امير كنك
جنات:عركه بسيطه😒
اميره:جات ومعها كباية اميه ومنديل فيه شوية ميه عشان تمسحله الدم….امسك اشرب
امير:خذا منه الميه وهو يشوفلها باستفزاز
اميره:قعدت جانبه وقربت من وجهه وتمسحله❤️
طلال:خش…لالا معقوله هكي يصير فيك ياراجل
امير:لا اله الا الله…كنكم مكبرين الموضوع وللهِ بسيطه
سعاد:انا ماشيه نلبس…خوذه يا طلال لسياره
طلال:هي صبي معي
امير:حسيتوني مشلول وانت تقولي هي صبي معي…اهو صبيت…وناض
طلال:هي وبعدين نفهم منك كل حاجه…وطلعو
سعاد:انا ماشيه معهم مستحيل نسيبهم
شيماء:عدي يا عميمه ماتشيليش هم
سعاد:يلا مع سلامه…وطلعت
_____________________________
دكتور:جرحك سطحي الحمدلله…بس لازام تقدم بلاغ
طلال،سعاد:الحمدلله
امير:لا يا دكتور…لا بلاغ لا شي عركه ومشت في حالها
طلال:انت بس كان تحكي وتقولي من دار فيك هكي🔥
دكتور:ع راحتك انا قالت نقولك عشان يلي اعتداء عليك مايكررش الغلط معك
امير:شكرا تعبنك معنا
دكتور:هذا واجبي…توه حتجي الممرضه تعقملك الجروح يلب في وجك
سعاد:تمام
دكتور:انشالله حاد السو…وطلع
طلال:قرب من امير…اسامه كان معك صح
امير:ابتسم…اكيد❤️
طلال:اخخخ منكم انتو الاثنين كل واحد اشر من الثاني🤦🏻‍♂️
سعاد:ياوليدي ريحني وقولي من دار فيك هكي
امير:ياما وللهِ عركه ومشت في حالها…خلاص صكرو عن سيره
طلال:خلاص ياامي خليه براحته
سعاد:واحد وضاربك بموس في كتافك…ومرات يكون كان يبي يضربك في قلبك لكن ربي سترها معك…وتقولي صكرو عن الموضوع😤
امير:يضحك بشوي…ياما خليك واسع…مافيش حاجه من هذا كله صارت🤦🏻‍♂️
سعاد:خلاص خلاص اسكت المهم انك كويس❤️
ممرضه:سلام عليكم…وقربت من امير تعقمله في جروح
سعاد،طلال:عليكم سلام….قعدو في مستشفى قريب ساعه ونص وطلعو شور الصيدليه خذو دواء ورابطت ايد الامير عشان يده تقعد مرفوعه فوق(اكيد فهمتو)و روحو ساعه6 المغرب
_________________________________
جنات:طولو صح…انا مشغوله عليهم
شيماء:المشكله عميمه مسيب التلفون هنا…وطلال مايردش
اميره:انا كلمت امير تلفونه مقفل
اسراء:بصراحه جراحه كان عميق ونزف دم واجد
جنات:خليك في حالك انتي…بعدين مش ديما قاعده في دارك خلاص عدي خشيلها ليش قاعده معنا😤
اسراء:بهزوه….الحق علي انا يلي قاعده معكم ونوسي فيكم😏
جنات:مانبوش حد يقعد معنا نحن عدي يلا
اسراء:شافتلهم كلهم بحقد..ومشت لدارها
جنات:هالبارده هذا زعمت كبدي
شيماء:ماكنتيش تعركتي معها مش وقتها توه بكل
جنات:نرفزتني بكلامها😤
اميره:انا عندي اعصاب معده معش نقدر نتحمل نبي نعرف ايش صار معهم💔
جنات:توه نران ع طلال ممكن يرد…ورانت ع طلال لكن مايردش🤦🏻‍♀️
طلال:من صاله…عليك سكنان يا جنات
جنات:جو…وطلعت لصاله ولحقتها اميره وشيماء
شيماء:حمدلله ع سلامه امير
امير:الله يسلمك
جنات:ايش صار معكم انشالله كويس توه
سعاد:لا تمام خيطوله الجرح…والحمدلله طلع سطحي
كلهم:الحمدلله❤️
اميره:قربت منه…حمدلله ع سلامه❤️
امير:الله يسلمك😒
جنات:نحطلكم حاجه تاكلوها
سعاد:اها بنتي عدي ساخني العشا وخلي امير ياكل عقاب ما انا درات العشا
امير:لالا مانبيش ناكل نبي نغير دبشي ونراقد شوي وناكل معكم
سعاد:ع راحتك…هي اميره عدي معه عشان تساعديه
اميره:تمام
امير:صبا وطلع فوق لشقه ولحقته اميره❤️
_____________________________
امير:قاعد في صاله فوق ويحاول يحول الجاكه مش قادر من يده
اميره:طلعت من دار…خليني نساعدك
امير:مش عاجز انا بيش تساعديني
اميره:حطول وانت تحول في دبشك وهكي حتاخذ بارد
امير:ع اساس خايفه علي😏
اميره:تنهدت ومشت صبات قدامه…نبي نفهم انت ليش تعمل في هكي حسستني اني انا يلي ضربتك
امير:قرب منها…هو من ناحية ان انتي السبب فعلاً انتي السبب
اميره:كيف😳
امير:مافيش داعي تعرفي شي
اميره:وللهِ بعد ماقتلي انتي السبب ماتبنيش نعرف😡
امير:كلمه هي…وتوه خليني نحول دبشي ونخش ندوش ونراقد شوي
اميره:هذا كان عرفت تحول دبشك😏
امير:تعالي حوليلي الكنتيرا
اميره:ماكان من الاول…وقربت منه حولتله الكنتيرا وهي تشوف لجسمها بصدمه😳
امير:كنك😏
اميره:تشوف لجسمه..ها لا شي…وخش لدار
امير:😏😏
اميره:تحاول تاخذ نفس من يلي شافته…جسمه كله عضلات وربي خافت منه😖
امير:خش دوش ع السريع وطلع لبس كنتيرا وشرت لعند الراكبه وخش راقد ع السرير
اميره:بعد ماشفته راقد ع طول عرفت انه تعبان بس كان يكابر…قعدت فتره تشوفله وتفكر….عليش هو قالي انتي سبب ايش قصده…ومن ضربه الضربه هذي وهو عليش مابش يقول اسمه…تفكيري مشوش حاسه روحي تعبت من كثر تفكير…ناضت من جانبه وفتحت باب الشقه بهدوء ونزالت❤️
_____________________________
#تسريع_في_الاحداث

امير حالته تمت كويسه وفك الرابطه بتعت يده و واضعه احسن من قبل❤️بس معاملته الاميره كلها استفزاز…وقدام هله يعامل فيها بطريقه كويسه بس مجرد مايكونو بروحهم المعامله تنقلب🤦🏻‍♂️وغير هكي زاد حاقد عليها بسبب الشي يلي قال له وهبي يوم العركه….اهه نسيت نقوللكم ان الضربه يلي حصلها امير هي من وهبي…بس امير و اسامه عطوه طريحه سمحه..بس وهبي يبي ياخذ حقه ومش نواي ع خير🔥

طبعا هل اميره علمو بقصة امير وجو ودارو الواجب وزايد❤️

اميره حالتها حاله كل مره بشكل مع امير مع هاديه معه ومره عصبيه وكل يوم لازام ماتصير بينهم مشكله حتى ولو ع حاجه تافها🤦🏻‍♀️اميره عندها اعصاب معده يعني مجرد ماتزعل ولا تعصاب تخش الحمام🤢🤮(حشاكن)الفتره هذي تحاول اتفد امير يعني ماتشوفش في الا في صباح وع الغدا لوط وكذلك ع العشاء…وامير عشان يروح متاخر من الصيدليه مايلحقش يتعرك معها🤦🏻‍♀️😂

اسراء خذات جرعه زايده من المراه والمره هذي اقوى وكبيره ومفوعلها اسرع ويدوم لوقت طويل🔥…طبعا كذبت ع طلال وقالتلت الفستان ماعجبنيش وشريت بالفلوس كم حاجه لاختي وهو طبعا صدق🤦🏻‍♂️ومزالت كيف ماهي مستفزاز وكلامها زي السم ومعاملتها الشيماء اشر من قبل

طلال خذا الجرعه من هنا وزاد تغير ع شيماء اشر من قبل💔اهم حاجه عنده اسراء وشيماء متحملها عشان خاطر امه بس🔥كان كل مايشوف شيماء يحس اتجاها بكره بس مجرد ماتمشي من قدامه خلاص معش يحس بشي لا بحب ولا حتى بكره وهذا هو السحر ان لما يشوفها يحس روحها مرات كان يبي يقتلها💔💔💔

يناري ع شيماء يلي ساكته وصابره وامالها في صحبت جنات وفي جنات❤️كانت كل لليله تصلي قيام الليل والفجر وتداعي ان طلال يكون كويس معاها لان بس هي تحبه ولو اطلاقت منه ماعندها وين تمشي💔💔لا ام لا اب لا اخت لا اخ ولا اي حد من اقرب امها🔥ويلي كانت مصبرتها هي جنات وحتى اميره و سعاد❤️❤️

____________________________
اسامه:يده راكبلها ابلاتين وراسه رابطوه له
امير:يستاهل اكثر من هك..انت ماسمعتش ايش تمه يقول🔥
اسامه:امير خليك واقعي شوي..مافيش بنت مادرتش علاقه مع اي شاب…وبعدين اميره الحمدلله دارت معه علاقه شريفه يعني لا كلمته فيديو ولا مشت معه لشقه…بعدين اميره كانت تحبه بس هو يلي طلع معها ولدحرام يا صحبي🔥
امير:والصور يلي دزتهن له ها ايش رايك هكي
اسامه:صور انا شافتهن وكلهن كويسات ومافيهنش حاجه مش تمام
امير:انا هذا كله مايعنيليش حاجه
اسامه:ها باهي ايش يلي يهمك في الموضوع
امير:يلي يهمني ان هي وين كان عقلها وهي ادزله في صور…وين كان عقلها من هذا كله معقوله مافكرتش ولو شوي ان ممكن يطلع ولد حرام🔥
اسامه:كانت واثقه فيه وهو خان ثقتها…يا امير ره اميره بنت كويسه وهاديه بس عصبيه حاول تفتح معها صفحه جديده لانها تستحق انك تعطيها فرصه
امير:يصير خير❤️
____________________________
شيماء:خلاص انا مليت منه وربي يعامل في كاني كافره
اميره:شيماء نقولك حاجه…انا متاكده انه مسحور
جنات:انا شاكه من بدايت الامر والفتره جايه نبي نطلع انا وصحبتي للمراه عشان تقرا ع طلال
اميره:اها لازام تشوفو حد يقرا عليه لان انا بروحي حسيته مش متقبلك بكل💔
شيماء:انا عرفته مايبنيش ومش متمسك بيه…بس كله من عميمه هي يلي منعته يطلاقني
جنات:باهي انتي تبي تتطلاقي تمشي وين عدا
شيماء:نمشي الاي مكان اهم حاجه مانقعدش في مكان انا مش مرغوبه فيه
جنات:فاهمه قصدك بس بدال ماتخليها هي يلي تطلع تطلعي انتي🤦🏻‍♀️
اميره:كلام جنات كله صح..يعني بدال ماتغلبيها وتاخذي طلال في صفك وتكسبيه من جديد تخليلها الملعب فاضي وتمشي…لازام تقومي للنهايه عشان حبك لو انتي فعلا تحبي طلال❤️كنكم تشوفولي هكي
جنات:كملي كملي الدارس خلينا نستفيدو
شيماء:ولله وطلع عقلك كبير
اميره:تنهدت…مافيش كلام زي هذا يطلع من العقل
جنات:اوووو وطلعتي شاعره اخر مشالله😂
شيماء:اول مره تقولي حاجه صح😂
جنات:انا كلامي كله صح ديما مغير انتو يلي مش معدلين علي😒
اميره:المهم ديري يلي قتلك عليه…وانشالله ربي معك❤️

روايـــات أسـمـاء أشــــرف❤️🔥
– [x] أســــــمــــاء أشــــــــــرف❤️🔥

اسراء:زي الخاتم في يدي😌
هديل(اختها):مقواك كلا انتي انا مستحيل نفكر ندير هكي
اسراء:هبله اصلاً المفروض انتي اديري هكي واشر…ع الاقل دايري بيش راجلك يكره مراتها الثاني🔥
هديل:بالعكس ضرتي تساعد في انا وبعدين نقول حرام يتيمه عليش ندير فيها هكي..وعشان بعدين الزمان يدور وربي يردها في بنتي🔥
اسراء:انتي بس لو توافقيني الراي نديرلك شغل كويس بكل
هديل:اصلاً انا مش موافقه ع يلي اديري فيه…ماما لو كانت عايشه ماكنش حيعجبها يلي اديري فيه
اسراء:بالعكس ماما معلمتنا لو في حسيتو حاجه بتعتكم وقاعده اتضيع منكم حربو عشانها
هديل:ماما قالت حربو مش اسحرو🔥
اسراء:بالله عليك كذا صكري وانتي عكرتيلي مزاجي😒
هديل:ربي يهديك…سلام
اسراء:صكرت الخط…هبله مش عارفه مصلحة روحها وعويلها🤦🏻‍♀️🔥

روايـــات أسـمـاء أشــــرف❤️🔥
– [x] أســــــمــــاء أشــــــــــرف❤️🔥

#ثاني_يوم🌤🌤🌤
ساعه 2 في العشيه

عند اميره وامير

اميره:نبي نفهم انت كنك معي ليش المعامله هذي بس🔥
امير:لان اي وحده زيك ماتستحقش معامله كويسه
اميره:ياسلام حسستني انك جيبني من دار الايتام
امير:وربي يلي عايشين في دار الايتام اشرف منك🔥
اميره:ايش قصدك ها تكلم امير💔😳
امير:ماسكها من كتوفها…لانك فوق ماكانتي داير علاقه…كانتي ادزي في صورك لها
اميره:😳وانت كيف عرفت
امير:منه هو…وهبي هو يلي قالي كل حاجه بينكم
اميره:قلبها يدق…وانت وين شافته وهبي
امير:هو يلي ضربني بالسكين…اذكرتي
اميره:قصدك انت لما قالتي انتي السبب كان معناها انت تعركت مع وهبي عشاني
امير:عزقها بقوه…ومن انتي عشان نتعرك عليك…انتي مجرد جاريه هنا وخلاص مالكش اي دور ثاني🔥
أميره:بصوت عالي…انا مش جاريه جايه لك
امير:ضربها كف…لما تحكي معي احكي بصوت واطي فاهمه ولا
اميره:تبكي وتضرب فيه ع صدره…لا مش فاهمه وطلقني خلاص معش نبيك مانحبكش انا اصلا
امير:تبي تتطلاقي صح
اميره:بعصبيه…اها💔😭
امير: ام
طق طق طق
امير:بصوت عالي…من
جنات:تبكي…امير افتح بالله عليك😭
امير:فتح الباب بقوه…كنك تبكي ايش في
جنات:شيماء😭
امير:كنها
جنات:….

تعالو نشوفو ليش جنات تبكي
👇🏻👇🏻
__________________________
شيماء:اهم حاجه توصلني اليوم
شاب:خلاص تمام ساعه 2العشيه تكون عندك الهديه
شيماء:نحن ديرنها له مفاجأه وراجلي يطلع من الحوش ساعه 2 فالو تجي بعد ساعه2 يكون افضل
شاب:تمام…يعني بعد نص ساعه توه نجيبولك الهديه
شيماء:خلاص تمام اهو راجلي يبي يطلع توه بيش اتجي
شاب:تمام اختي…سلام
شيماء:سلام..وصكرت..ومشت للكوجينه تساعدهم
اسراء:تضحك بهزوه…لو استغليت الفرصه هذي اكيد شيماء مش حيكون لها وجود في حياتي…خليني نمشي نقوله الطلال😏
اسراء:حبيبي حبيبي
طلال:واقف قدم المرايا يلبس…ها
اسراء:واقفه جانب الدولاب…عارف سمعت شيماء توه تحكي مع وحد وتقوله اهو راجلي يبي يطلع توه بيش اتجي
طلال:بصدمه…شنو…وطلع وسيبها
اسراء:هذي البدايه بس🔥
طلال:بصوت عالي…شيماء يا شيماء
سعاد:شيماء اطلعي الطلال شوفيه شنو يبي
جنات:يستر الله صوته عالي
شيماء:شافتلهم وطلعت..نعم
طلال:اول ماشافها هجم عليه وتمه يضرب فيه ويقول في كلام مش مفهوم وهذا كله اسراء واقفه اتفرج عليه كيف يضرب فيها وعجبها الواضع
سعاد وجنات طلعن من الكوجينه من صوت شيماء
طلال:يضرب فيها…انا يا حقيره انا يافاشله تخونيني انا بعد ماسترتك يا واطيه
شيماء:تبكي وحط ايديها ع وجها ومش فاهمه شي🔥
سعاد:بعد من عليها بعد
طلال:ولا كان يسمع لين فجأ شاف شيماء مصكره عيونها
جنات:حي علي البنت ماتت😭
طلال:واقف وحط يده ع راسه ويشوفلها ويشوف لدم كيف ينزل من خشمها وفمها💔
سعاد:امشي بسرعه كلمي امير خليه يجي ياخذها للمستشفى😭
جنات:ترعش….باه…وطلعت لشقة امير فوق

روايـــات أسـمـاء أشــــرف❤️🔥
– [x] أســــــمــــاء أشــــــــــرف❤️🔥

امير:هذا كله داره طلال
جنات:اها بالله عليك تعال معي😭
امير:خش لشقه وخذا مفتاح سيارته وهو طالع طاحت عينها ع اميره تلبس في وشاح وتبي تنزل…عرفها سمعت كلام جنات
جنات:انزالت هي وامير لوط…لقو طلال مش قاعد وشيماء:راقده في حظن سعاد وهي تبكي😭
امير:نزال خذا شيماء وجنات خشت جابت العبايه وسعاد راكبت سياره بلبس الحوش وجنات لحقتهم وهي لبس عبايتها وماسكه عباية شيماء عشان تلبسها لها في سياره…وفي الحظه الاخيره مشت معهم اميره❤️
___________________________
في خلاص 20 دقيقه كانو في المستشفى كلهم وشيماء قاعده جو ومعها الدكتوره والممرضه

سعاد:ينعليا انا عليها البنت لو صارتلها حاجه انا مش حنتحمل😭
جنات:قاعده جانب امها وتبي تهدي بس مش عارفه لان هي بروحها تبي من يهديها💔
اميره:تبكي…وكلي ربك يا عميمه توه تكون كويسه
جنات:ولله يا اميره طلال ضربها ضارب شين😭🔥
اميره:انا لما نزالت مالقيتش طلال
جنات:مش عارفه وين عدا انا لما طلعتلكم فوق كان قاعد
سعاد:لما حس انه غلطان طلع برا الحوش…وربي لما نشوفه الا ماندير فيه خبر اسود💔
امير:قرب منهم وخذا اميره ع جانب…كنك جيتي معنا
اميره:انت شايف ان هذا وقته
امير:جوابي ع سوالي😤
اميره:تبيني نشوف هلك في موقف مش كويس ومانصبيش معهم🔥
امير:لا بنت اصوله
اميره:بعصبيه…وغصبن عنك اخر….بعدين خلاص انا حياتي معك انتيهت خليني ندير خير مع هلك بيش يذكروني بيه…ومشت وسيبته🔥
امير:رد قاعد مكانه يراجى في دكتوره او اي حد يطلع يطمنهم ع شيماء
سعاد:ليش جيتي بس يابنتي كانتي خليكي في الحوش مع اسراء
جنات:ليش تبيها تقعد مع اسراء بيش تقتلها هي ثانيه😏🔥
سعاد:ايش قصدك
جنات:انتي يا ماما ماشفتيهش وهي مصبي اتفرج ع طلال وهو يضرب في شيماء
سعاد:لازام ينحطلها حاده هي وخوك بس مش توه خلوني نطمن ع البنت قبل❤️…عدت كم دقيقه وبعدين طلعت الدكتوره…وكلهم هجوم عليها

دكتوره:اطمنو هي توه واضعها احسن…بس حتقعد في المستشفى كم يوم عشان نطمنو عليها
سعاد:الحمدلله يارب الحمدلله😭
جنات:نقدر توه يادكتوره نخش نشوفها
دكتوره:هي توه راقده خليها بعدين احسن
امير:تمام دكتوره بارك الله فيك
دكتوره:بس قبل ماننساه لازام تبلغو الشرطه عن يلي ضاربها
امير:انشالله دكتوره بس مش توه بعد ماتطلع من المستشفى
دكتوره:تمام ياريت اتبلغو انتو احسن مانبلغو نحن..وانشالله حاد السو…وعدت
سعاد:الحمدلله انها بخير
امير:شوفو من تقعد فيكم هنا مع شيماء والباقي تمشي معي للحوش وانت نطلع ندور ع طلال نفهم منه
جنات:انا حنقعد مع شيماء
امير:خلاص معناها الباقي يلا معي
سعاد:باهي هي…طلعو كلهم مع بعضهم وجنات خشت ع شيماء عشان تقعد معها❤️
__________________________
اميره:نزالت هي وسعاد وخشو جو…وامير طلع يدور ع طلال

اميره:ارتاحي يا عميمه توه وهي اكيد حتكون كويسه
سعاد:قلبي وجعني عليها💔
اميره:ولله كلنا وجعتنا وانشالله حتكون كويسه..انتي توه بس ريحيلي روحك❤️
اسراء:خشت عليهم…شنو ماتت ولا مزال😏
اميره:شافتلها…بعيد شر انشالله في يلي يكرهوها🔥
سعاد:حسبي الله ونعم الوكيل في يلي كان السبب
اسراء:عرفتو ليش طلال ضربها😏
اميره:ماعرفنش ومانبوش نعرفو😤
اسراء:عشان هي خاينه🔥وخانت طلال مع غيره
سعاد:قلبه يدق…في ايش تقولي انتي…شيماء بنتي وانا عرفتها مستحيل ادير هكي
اسراء:ولله مافيش انسان معصوم من الغلط..وشيماء غلطت
اميره:خلاص يا اسراء عميمه تعبانه توه سيبيها خليها ترتاح
اسراء:سلامتك عميمه…وطلعت
سعاد:ندمانه اني جوزتها الطلال ياريتني ماتت قبل ماندير هكي💔😭
اميره:بعيد الشر ع قلبك…خلاص توه تريحي وانشالله الاموره حتكون تمام❤️

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

امير:بعصبيه…كنك مغير تران مش فاضي ره
اسامه:وكل ربك ره انا عرفك ع من ادور
امير:عندك
اسامه:مش عارف كنه لقيته قاعد في البحر نسال فيه كنه مابش يرد علي
امير:اهو جاي…بحر شنو يلي قاعدين فيه
اسامه:بحر(….)
امير:تمام اهو في طريق🔥
_________________________
شيماء:اححح اححو
جنات:بسم الله بسم الله…وخذات ميه وشربتها…صحه
شيماء:هزات راسها💔
جنات:انتي كويسه توه
شيماء: بصوت واطي…راسي توجع في بكل
جنات:خليك توه نكلم الدكتوره ونجيك…طلعت كلمت دكتوره وجات
دكتوره:حمدلله ع سلامه…انشالله تحسي في روحك كويسه توه
شيماء:راسي يا دكتوره💔
دكتوره:هذا شي طبيعي من اثر الضاربه ماتخفيش
جنات:بصوت واطي…دكتوره لو في اي حاجه قوليلي
دكتوره:لالا الحمدلله مافيش حاجه تخوف امورها تمام
جنات:الحمدلله❤️

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

امير:قاعد جانب طلال في البحر وطلع دخانه ويدخان…ايش الي دارته انت هذا
طلال:شافله ورد شاف للبحر
امير:جواب تكلم طلال…شيماء بين الحياة والموت كانت بسببك🔥
طلال:خانتني
امير:من شيماء مستحيل اديرها بلاش كلام هبل طلال
طلال:شيماء خشت علي اليوم صباح وقالتلي…وقاعد يحكيله لعند ماطلع من الحوش
امير:يعني قالت ع شيماء انها خاينه عشان بس اسراء قالتلك تكلم في وحد صح
طلال:هزا راسه
امير:باهي افرض اسراء تكذب عليك…ها ايش حيكون موقفك توه قدام شيماء🔥
طلال:مش عارفه المهم اني ضربتها وخذايت حقي منها ومزال ناخذ حقي منه
امير:غلط تفكيرك كله غلط وتوه تشوف وتعرف اني كلامي صح وان انت طلمت شيماء ومشيت ورا كلام اسراء🔥
طلال:ماردش عليه
امير:انا ماشي عينك من روحك…وعدا

اسامه:ها كنه..شكلها في مشكله عندكم في الحوش
امير:اها بس مش وقته توه…انا نبي نمشي خليك هنا معه ماتسيبش بروحه❤️
اسامه:كون هاني
امير:سلام
اسامه:مع سلامه
___________________________
سعاد:تبكي…اهم حاجه تكوني كويسه توه…وحقك وربي الا لما نرده لك ❤️
شيماء:انشالله خير
جنات:خذات منهاالتلفون…اهو يا ماما اطمنتي عليها توه ممكن عدا معش تبكي
اميره:ها يا همي انا اميره امك خشت الحمام🤦🏻‍♀️
جنات:شخباركم انتو توه…وشخبار الحربايه يلي عندكم
اميره:اخخخ انقنها طلعت فعلاً حربايه
جنات:كنها ايش قالت
اميره:لما تجي خير توه نقولك
جنات:بعدت من شيماء…مافيش اخبار ع طلال
اميره:لالا وانتو
جنات:انا نران ع امير مايردش…المهم لما تسمعو عليه اي خبر كلميني
اميره:تمام..هي سلام
جنات:باي❤️
________________________
بعد مرور يومين

شيماء طلعت وحالتها كويسه الحمدلله بس لعند توه ماشفتش طلال وماتبيش تشوفه وقاعده مع جنات في دارها❤️

طلال ماجش للحوش بكل كان حس روحه تسرع وكان المفروض ان يسمع من شيماء قبل💔بس هو سمع كلام اسراء وكذبها وطاح في شيماء ضارب واعر وشين🔥

اميره تبي تتطلاق بس مش توه نين ما الامور تهدا في الحوش❤️لان ماتبيش تزايد عليهم وتشيلهم هم فوق همهم❤️

امير عجبه موقف اميره لما صبات مع هله وحس ان لازام يعطيها فرصه وبذات ان اسامه قاعد فوق راسه ويقوله عطيها فرصه لين فعلا قرار ان يعطيها فرصه عشان مايبيش يظلمها كيف مادار طلال لشيماء💔

___________________________
شيماء:وللهِ خلاص معش نقدر..كليت واجد
سعاد:يابنتي كولي عشان الدم يلي نزال منك تعوضيه
اميره:حي ع الدلع هذي فرصتك ياشيمو خليها توكلك مدعنى امتى تحصلي دلع زي هذا
جنات😂فعلا ياريتني مكانك يا شيماء
سعاد:بعيد سو عليكن انتن الاثنين
شيماء:تراقص في حواجبها…حسد حسد😂
سعاد:صبات…خليني نمشي نصلي العصر قبل ماياذن المغرب….وطلعت
جنات:ران تلفونها….الو…هي باه…عطيني 5 دقايق بس…وصبات…انا ماشيه مع صحبتي لسوق…وكلهم عرفين ره حتى امير عارف
اميره:تمام
جنات:مشت لبست عبايتها وطلعت ركبت مع صحبتها
اميره:حتى الحربايه الثانيه طلعت مش عارفه وين عدت
شيماء:ونبي معش تجيبيلي سيرتها💔
اميره:حاضر المهم توه راحتك❤️

روايـــات أسـمـاء أشــــرف❤️🔥
أســـــمــــاء أشــــــــــرف❤️🔥

ايه(صحبتها):هي ننزالو
جنات:مش عارفه ليش خايفه
ايه:يابنتي المراه هذي معروفه وكويسه بكل انا متاكده انها حتفك السحر يلي مديور لطلاب
جنات:انشالله لان انتي عارفه بقصة شيماء وعارفه انها كيف تعبت معه💔
ايه:عارفه…عشان هكي قتلك ع المراه هذي..هي ننزالو
جنات:انشالله خير❤️ونزالت…خشت جنات وايه مع بعضهن قعدو برا شوي في سور مع البنات لاخرات يلي يراجن في دورهن…بعدين خشن
جنات،ايه:سلام عليكم
المراه:عليكم سلام
جنات:شافت واحده تعرفها قاعده عند المراه…لين قربت منها تاكدت انها هي…انتي في ايش اديري هنا😳😳….يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى