رواية شغف للكاتبة أسماء أشرف محمد ..جميع الحلقات | القلم الناجح
روايات كاملة

رواية شغف للكاتبة أسماء أشرف محمد ..جميع الحلقات

جميع حقوق الطبع والنشر محفوظة

رواية شغف للكاتبة أسماء أشرف محمد

#شغف 1 او المقدمه(حقيقه ممزوجه بخيال)

شيماء:اسمي شيماء عمري 20سنه موصفاتي طويله ورقيقه عيوني عسليات بيضه وملامحي هاديات كيف شخصيتي هاديه وماتسمعوليش صوت ويمكن الشي هض مش كويس بعدين حتعرفو ايش قصدي💔مجوزه من راجلي وحبيبي طلال بس هو اجوزني غصب عنه💔مش عارفه ليش مع ان الكل يقولولي انتي جميله وتنحبي مش عارفه ليش هو مايحبنيش 💔ماعندنش عويل اصلا هو ماقربليش عيشه معه لمدة شهرين وانا مزلت بنت💔واليوم هو يبي يجوز اليوم عرسه على البنت يلي يحبها مش عارفه كيف وافقت اتجي علي ضاره بس يمكن عشان نحبه رضيت❤️
_________________
طلال:حرام عليكي ياامي هذي ثاني مره تجوزوني غصبن عني شنو انا مش راجل وماعنديش كلمه😠
سعاد:غير اقعد ياوليدي الله يربحك…اليوم عرسك والبنت كويسه ومشالله عليها
طلال:ياامي كويسه مش كويسه لها مش لي انا مانبيش نجوز
سعاد:ياحشمتي قدم الناس شنو تقول انت
طلال:افهمي بالله عليك ياامي مانبيش نظلمها زي مادرات مع شيماء بدال مايقعد ذنب واحد يقعد ذنبين ذنب شيماء واسراء وكله منكم
سعاد:انت عارف عليش جوزنك شيماء
طلال:عارف
سعاد:نحن جوزنك شيماء عشان ماعندهش حد بعد ماولد عمك مات السنه يلي فاتت في حادث ومرات عمك وعمك متوفيين من زمان …يعني انت جوزتها عشان تستر عليها وانا قتلك حتحبها لان البنت تنحب وصغيره وهاديه ومشالله عليها …….وانا بعد فتره حسيت انك مغصوب عليها فقالت نخطبلك مره ثانيه لا انت اول واحد ولا اخر واحد تجوز ع مراتها…اما بالنسبه الاسراء ماتخفش اكيد حتعجبك😉
طلال:اخخخ ياامي منكم اخخخ ذنب البنتين في رقبتي شيماء لا قدرت نحبها ولا نقرب منها واسراء انا متاكد حيصير معها نفس الشي💔
سعاد:ياريتك ياوليدي قالتلي الكلام هذا قبل ماتقرا فتحتك ع اسراء
طلال:ياما بنات الناس مش لعبه تمشي انتي وتطلبي وتمي في الامر وانا نمشي قبل الفاتحه ونفركس الحكايه ماتجيش بكل
سعاد:المهم انت حاول تعدل بينهم❤️
طلال:صبا…انشالله💔…وطلع من غير ولا حرف
سعاد:اخخخ ربي يكون معك وتقدر تعدل بينهم
______________
شيماء:كانت لبسه ومتانقه وجوها تمام ولا كان راجلها يلي يبي يجوز كانت كيف الطير المجروح وينزف بس مش لقى من يدوي جرحه كانت تضحك مع البنات وتسير فيهم وترحب بي ناس والكل كان يشوفلها بصدمه كيف هي قادره تضحك وجوها عادي ماحدش كان عارف شنو تحس شيماء في قلبها💔اضواء صالة العرس بدات تطفى من اول باب الصاله لعند المسرح البنات كل واحده فيهن غطت ع راسها جنات اخت طلال طلبت من صاحبة الديجي تولع اغنيه رومانسيه الجو في لحظات كان هدوء والكل يستعد ان ينفتح باب يلي يفصل بين القاعه جو وبين الممر❤️نين فعلا انفتح الباب بعد دقايق معدوده وخشت اسراء بي فيلوها الابيض القصير البسيط مع باقة ورد طبيعي لونه ابيض وطرحه كانت طويله بيضه عليها فرشات صغار ومكياج هادي مع كويشه لونه ابيض وفيه شوية الوان ع جانب واحد❤️هذا كله كانت اسراء واقفه قدم المصوره وتصور شوي وحست بحد مسك يدها شافتله لقت طلال ابتسمت وخشت هي وياه للقاعه والانظار كلها عليهم

شيماء كانت واقفه بعيد عليهم وبعيد حتى عن الناس كانت مربعه ايديها وتشوفلهم وهم خشين مع بعضهم وناس طلعت فوق المسرح تباركلهم💔مقدرتش اتحمل المنظر اكثر من هكي خشت للحمام وصكرت ع روحها ونهرت بكا😭

سعاد:تشوف بي عيونها وداور ع شيماء بس مهنش🤷🏻‍♀️شيرت بيدها لبنتها جنات انها تنزل من المسرح وفعلا نزلت وجاتها جنات
سعاد:توشوش…شوفي مرات خوك شيماء وين مش بين لها فتره
جنات:تمام…ومشت ادور عليها جو في غرف الانتظار
_______________
جنات:شيماء واخيرا لقيتك كانت ندور عليك
شيماء:كانت تاخذ في دواء لوجع الراس لان من كثار ما بكت نين راسها وجعتها💔
شيماء:ابتسمت بتعاب…كانت ناخذ في بنادول
جنات:قربت منها…سلمتك حبيبتي كنك
شيماء:لا بس راسي وجعتني من صوت الاغنيه
جنات:مع ان عارفه من شنو راسك وجعتك لكن حنسيبك براحتك بس نبيك تعرفي ان انتي بنت عمي ولك معزه خاصه في قلبي❤️
شيماء:مسكت يدها…ولله حتى انتو…عمري ماننسا يلي دراتوه معي بعد وفاة خوي علي وكيف واقفتو معي💔
جنات:ماتقوليش هكي شيماء شنو انتي ناسيه ان علي يكون ولد عمي ولاشنو…بعدين يلا خلاص اطلعي مانبيش حد يقول عليك شي لازام تكوني قويه
شيماء:خذت نفس…تمام هي…وطلعو مع بعضهم

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥

طلال:كان قاعد ع الكرسي ومنزل راسه لوط ويتمنى امتى يطلع من الدوشه هذي كلها نين فجأ قاطع تفكيره صوت
شيماء:مدت يدها…الف مبروك☺️
طلال:رافع راسه بصدمه هو صح عارف ان شيماء في العرس بس ماتوقعش ان تجي لعنده وتباركله💔
طلال:مزل مصدوم…يبارك فيك
شيماء:بي ابتسمه…مبروك يا عروسه
اسراء:يبارك فيك😒
______________
طبعا العرس كان زي اي عرس ليبي اغاني وراقص وهذي تقهر في هذي وهذي تفشك ع بنات العيله بي لبسه يلي جابه لها خطيبها عشان تحضر العرس والصبايا الكبار يسهرو مع الضيوف وصبايا العيله مهتمين بي الاكل والتقديم ومالذي منهُ

انتهى العرس ع خير وناس طلعت من الصاله وهم يحكو ع شيماء وكيف هي طلعت وسلمت وباركت ولا تقول راجلها و ولد عمه يلي اجوز💔

راكبت شيماء مع جنات وسعاد مع امير اخ طلال
اما طلال واسراء فاطلعو قبلهم للحوش

شيماء قاعده مع هل دارها في دار وكذلك توه اسراء وطلال عنده حوش ويبني فيه بس بعد وفاة علي ولد عمه واقف كل شي لان العزا كان شورهم وهو بذات لان الكبير
_______________
طلال:انا في صاله نظمي امورك
اسراء:تسهوك…لا عادي حبي خليك راجي انت توه
طلال:انصدم من كلامها ماكنش متوقعها تقول هكي بكل وخصوصا اول يوم بينهم
اسراء:هي حبيبي تعال افتحلي السوسته…وصبات وعطته بي ظهرها
طلال:قرب منها وفتحلها السوسته
اسراء:حبيبي خيرك مستعجله بشوي افتحها
طلال:فتحها مره وحده بقوه وطلع من الدار
اسراء:😏نعرف كيف نجيبك لي

طلال:قاعد يبرم في الممر وحالته حاله
(نسيت انقوللكم دار اسراء جانب منها في حمام وممر صغير وباب يفصل بين الصاله الرئيسه ودار والحمام وطبعا دار شيماء جانب دار اسراء💔 يعني يعتبر جناح صغير)

طلال:ايش درات في عمري انا بس حرام نظلمهن هن الاثنين..اخخخ ياما كله منك مغير بس كان خليتيني ع راحتي مش خير مانظلمهن💔وفجأ سمع باب الجناح انفتح وكانت شيماء

روايـــات أسـمـاء أشــــرف❤️🔥
أســــــمــــاء أشــــــــــرف❤️🔥
امير:يلا حبيبتي هانت كلها كم شهر وتكوني عندي
وداد:ياريت يا حبيبي😞
امير:ماتخفيش انا معك ومستحيل انسيبك
وداد:ربي يخليك لي☺️
امير:ولي…وكملو كلامهم لعند الفجر

امير شاب عنده 23 سنه في اخر سنه من جامعه يقرا صيدله موصفاته ع الاسود شعره وعيونه سود طويل جسمه حلو وابيض شخصيته عصبي ولو تعرك معك احتمال تاخذي طريحه سمحه منه بس هو حنون بكل يبي بس حد يسيسه يحب بنت معه فالجامعه وداد بنت ع قد حالها وكويسه وطيبه وتحب امير عشان هكي متحملته

طلال كيفه كيف خوه الصغير عصبي بكل وبرغم عصبيته ماقدرش مايسمعش كلام امه ع شيماء لان صح غلط تكون عيشه معهم في نفس الحوش والحوش كله شباب ف امه قرارت ان تجوزهم البعضهم عشان كلام الناس طبعا اب طلال متوفي من وهو صغير وامه رافضت انها تجوز بعده عشان هكي سمع كلامها لكن امه لما حست ان هي اجبرته ع شيماء قرارت تخطبلها اسراء ممكن تعجبه بس شكله حيصير العكس🤦🏻‍♂️المهم حنعرفو في الحلقات الجايه
____________
شيماء:بصوت مغصوص…في ايش داير هنا طلال
طلال:شافلها…نراجى فيها تكمل…رواحتو مع امير
شيماء:هزات راسها بي معنى اها
اسراء:من جو الدار…هي حبيبي تعال كملت
شيماء:شافت للباب وردات شافت الطلال يلي كان مصدوم خذات روحها وخشت جو دار بكسرة خاطر💔
طلال:تنهدوخش لدار معصب…ومسك اسراء من يدها…عارفه نسمعك تحكي هكي مره اخر ياويلك
اسراء:بدلع…اه حبيبي يدي كنك🥺
طلال:سيبها…ومش لدولب خذ بيجامه وخش للحمام ورد لدار
اسراء:قاعده ع السرير وبدلع🤦🏻‍♂️…حبيبي زعلان
طلال:شافلها
اسراء:قربت منه…خلاص حبي اسفه
طلال:عشان مايبيش مشاكل من اول يوم قرار يمشيها لها…صار خير خلاص ارقدي
اسراء:باسته ع فمه..نجكلي…ورقدت في حظنه
طلال:تعصب من حركتها بس ماحبش يحرجها…قتلك ارقدي ليش جيتي هنا
اسراء:انلاء نبي نراقد في حظنك
طلال:تنهد…وحط راسه ع المخده وراقد
_________________
شيماء:يارب صبرني ولله نحبه ليش هكي بس ليش😭
طق طق طق
شيماء:مسحت دموعها…من
جنات:انا
شيماء:تعالي جنات
جنات:خشت…واعيه
شيماء:اها تعالي☺️
جنات:تعالي ارقدي معي في داري
شيماء:لا خليني هنا خير
جنات:شيماء بصراحه مانبيكش تكوني قريبه منهم من اول يوم
شيماء:عاذي جنات مش حاجه كبيره
جنات:لا حاجه كبيره ويلا سلم بنتي صبي معي عشان نراقدو في داري
شيماء:سكنان وربي…هي خليني ناخذ البيجامه بس
جنات:هي توه بسرعه
شيماء:🤦🏻‍♀️
__________________
#مشهد_من_الحلقات_الجايه

أميره:بصوت عالي…انا مش جاريه جايه لك
امير:ضربها كف…لما تحكي معي احكي بصوت واطي فاهمه ولا
اميره:تبكي وتضرب فيه ع صدره…لا مش فاهمه وطلقني خلاص معش نبيك مانحبكش انا اصلا
امير:تبي تتطلاقي صح
اميره:بعصبيه…اها💔😭
امير:…

اسراء:حبيبي حبيبي
طلال:واقف قدم المرايا يلبس…ها
اسراء:واقفه جانب الدولب…عارف سمعت شيماء توه تحكي مع وحد وتقوله اهو راجلي يبي يطلع توه بيش اتجي
طلال:بصدمه…شنو…وطلع وسيبها
اسراء:هذي البدايه بس🔥
طلال:بصوت عالي…شيماء يا شيماء
سعاد:شيماء اطلعي الطلال شوفيه شنو يبي
جنات:يستر الله صوته عالي
شيماء:شافتلهم وطلعت..نعم
طلال:اول ماشافها هجم عليه وتمه يضرب فيه ويقول في كلام مش مفهوم وهذا كله اسراء واقفه اتفرج عليه كيف يضرب فيها وعجبها الواضع
سعاد وجنات طلعن من الكوجينه من صوت شيماء
طلال:يضرب فيها…انا يا حقيره انا يافاشله تخونيني انا بعد ماسترتك يا واطيه
شيماء:تبكي وحط ايديها ع وجها ومش فاهمه شي🔥
سعاد:بعد من عليها بعد
طلال:ولا كان يسمع لين فجأ شاف شيماء مصكره عيونها
جنات:حي علي البنت ماتت😭
طلال:واقف وحط يده ع راسه ويشوفلها ويشوف لدم كيف ينزل من خشمها وفمها💔….يتبع

جميع الحلقات :

  1. رواية شغف الحلقة الاولى
  2. رواية شغف الحلقة الثانية
  3. رواية شغف الحلقة الثالثة
  4. رواية شغف الحلقة الرابعه
  5. رواية شغف الحلقة الخامسه
  6. رواية شغف الحلقة السادسه
  7. رواية شغف الحلقة السابعه
  8. رواية شغف الحلقة الثامنه
  9. رواية شغف الحلقة التاسعه
  10. رواية شغف الحلقة العاشرة
  11. رواية شغف الحلقة الحادى عشر 11
  12. رواية شغف الحلقة الثانية عشر 12
  13. رواية شغف الحلقة الثالثة عشر 13
  14. رواية شغف الحلقة الرابعة عشر 14 والاخيرة

 

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى