رواية ضحايا حلال الحلقة الثالثة .. الكاتب ibrahim qurji | القلم الناجح
روايات ليبيه كاملة

رواية ضحايا حلال الحلقة الثالثة .. الكاتب ibrahim qurji

رواية ضحايا حلال الحلقة الثالثة .. الكاتب ibrahim qurji

#ضحايا_حلال 3 (حقيقية)

ريان:طق طق طق … هيا يا مسرة وقت الساعة قريب 12
مسرة:اطلعي ووقفي الفرح يا ريان
ريان:الصدمة ع وجهها … اءءء عارفة شن تقولي يا مسرة و لا
مسرة:اي … معادش نبي الزواج هذا يتم و ناوية نطلق
سلوى(امها):شن اللي نسمع فيه هذا
كلهم:😨😨😨
سلوى:نكلم فيكم اني صح اللي سمعته … و لا نتخايل
مسرة:اي يا ماما صح اللي سمعتيه
جهاد:تعالي يا عمتيافهمي من بنتك شن تقول … ره دماغي استك و معادش عارف شن ندير
سلوى:خيرك يا مسرة … شن صارلك و شن هالقرار اللي طلعتي بيه توا فاهمة شن طلبتي و لا
مسرة:خيركم ما فيش حد ناوي يوافقني في قراري
سلوى:لان قرارك غلط … و بعدين شن حيصير فينا اني و بووك و خوووتك كان علموا بقرارك التافه هذا وين بنهربوا من كلام الناس
مسرة:ببساطة 🙄🙄 … مش حيصير شي خليهم يدوا يدوا لين يملوا … و بعدين مش اول عروس تطلق يوم فرحها
سلوى:لا حيصير و انتي الغالطة … ره يضحكوا علينا و بوك معادش يقدر يشبح في وجهه الناس … و لا خوتك احتمال يقتلوك مش ناقصني بنت اخرى تموت … انتي عارفة بووك صاحب الضغط و احتمال يصير فيه شي … بس نبي نفهم علاش اخترتي الوقت هذا باش توقفي الفرح علاش مش من البداية مش انتي وافقتي من الاول ع جهاد و لا … و شبحت في جهاد … خيرك يا جهاد شن درت للبنت باش قررت انك اطلقها قبل حتى ما تلمسها
جهاد:و الله ما نعرف يا عمتي وصلت قلتلها هيا بنطلعوا … قالتلي معادش نبي الزواج يكمل و نبي الطلاق
سلوى:به معليشي يا جهاد اطلع شوي خليني نتفاهم معاها
جهاد:تنهد بحزن و طلع 💔💔 … و خلا الباب مفتوح يسمع فيهم شن تقوول
___________

زهرة:فتحت عيوني و شفت للساعة و كانت قريب 12 شفت يميني لقيت مجدي مش في مكانه نضت بتكسل و بديت ندور فيه في الغرفة و طلعت البلكونة نشوف في بنت و راجل … استغربت هذا مجدي و لا … و بعد تفكير عميق قررت ننزل و نشوف شن صاير و من هاذم اللي يتكلموا لانه كان ظلام هلبا … لكن يا ريتني ما نزلت و شفت الشوفه 💔💔
منى:حبيبي شن صار
مجدي:مش قتلك ديري اللي قتلك عليه لكن ما تقربيش زهرة
منى:به حبيبي ما تزعلش روحك
ملاك:ما كفاكش معتز راجلي و تو لفيتي ع خووي و بتأخديه من مرته
مجدي:شن اديري هناي يا ملاك مش ع اساس روحتي
ملاك:اسكت انت و الله ما توقعتك تكون وسخ زيها … شن ناقصك انت ترا باش تكلم وحدة وسخة زيها
مجدي:بعصبية … خلاص يا ملاك احترمي نفسك
منى:خلاص سكري فمك … اصلا مجدي بيطلق زهرة و بيأخذني اني
مجدي:شبح لمنى بعصبية بمعنى اسكتي
ملاك:ع جثتي … مش حيأخذك و اني راكبة بنقول كل شي لزهرة و اهلي كلهم … و ركبت ع الدروج … و في هذا الوقت كانت زهرة نازلة من الدروج الاول للدروج الثاني و شافت مجدي يتكلم مع ملاك
مجدي:استني يا ملاك … بالله عليك ما تخبريش زهرة … منى تكذب و ما فيش منها الدوة كلها
منى:لا حبيبتي … رسمي يحبني و قالي حنطلق زهرة و نأخذك
زهرة:كانت كلمات منى كالسيف … زعما اللي سمعته رسمي و لا يتهيألي 💔💔 … لازم ننزل نشوف شن في
ملاك:برا انت برر لمرتك شن اللي حيصير … و كملت ركوب الدرووج
مجدي:مسكها من ايدها بالقوة و دفها لعند ما جت ع حاشية الدروج و طاحت تكركبت لنهاية الدروج لانه كان عالي … و غرقت في دمها

____________ 🔥 رواياتي 🔥 ___________
_________🔥ibrahim qurji🔥___________

وفاء:كنت راقدة بطريقة و كأني ميته لا ماكلة و لا شراب من غير الدمعة اللي في عيني اللي ما بطلتش وقوف … نفكر في الظلم الواعر اللي مريت بيه و طريقة المعاملة البشعة و كأني عدوتهم مش كنتهم … و هما كانو مستمتعين يأكلوا و يشربوا بالتخلص مني … قاطع تفكيري طق طق طق
امها:ها شن هديتي تو
وفاء:الحمد لله احسن من قبل ماما
امها:ها شن بتحكيلي شن صايرلك و لا
وفاء:تنهدت بحزن … و بديت نحكي في القصة لامي و هيا كانتتسمع فيا و كل كلمة نقولها دمعتي و دمعتها تنزل 😢😢
امها:شن بديري تو
وفاء:طلقوني منه … معادش نبي واحد يمشي بكلام اهله و خواته
امها:استهدي بالله يا بنتي … و بعدين ما تنسيش انك حامل في الثامن و ع وجهه ولادة و بعدين شن بيقولوا عليك الناس
وفاء:ما يهمنيش كلام الناس … و بعدين من اول ما عرفوا اني حامل ببنت و هما كل يوم بكلمة و نسمع في كلام يغطي منه الشيطان وجهه … هذي مش عائلة طبيعية … هذي عائلة من جهنم … لان اللي يديروا فيه مش طبيعي
امها:به علاش ما قلتليش من الاول و ع معاملتهم معاك
وفاء:قلت فترة و تمشي … لكن ما فيش فايدة منهم يبوا واحد زيهم 😔😔
امها:امالا اسمعيني شن بنقولك طلاق ما فيش حترجعي و انتي رافعة رأسك و مش حيقدروا يديروا شي
وفاء:كيف 😞😞
امها:تنهدت … هاك تو كولي باش تشدي روحك و الصباح رباح
وفاء:حضنت امها بكل حب … شكرا ماما 
__________

مريم:كنت واقفة في البلكونة و نشوف في صغار سلفتي كيف يلعبوا مع اهلهم مع انه الوقت كان متأخر … قاطع تفكيري صوت اصيل
اصيل:حبيبتي قاعد زعلانة 
مريم:ما رداش عليه و طنشت 🙄🙄
اصيل:مسكها من ايدها و لفها جنبه … نكلم فيك حبيبتي مريومة
مريم:نسمع فيك 🙄🙄
اصيل:معناه قاعدة زعلانة رسمي
مريم:هزت براسها … اي … ها شوف كيف صغار خووك يلعبوا مع بوهم و امهم
اصيل:لكن في وحدة تقدر تتنازل ع حبيبها عشان اخرى
مريم:اني ما تنازلتش عليك … لكن من حقك انك تفرح بصغارك و تشوفهم يكبروا قدامك … فكر في الموضوع حبيبي و مش حتندم انشاء الله
اصيل:تنهد … به موافق لكن طلاق مش حنطلق
مريم:لكن ….
اصيل:سكتها … هذا شرطي اني وافقتي عليه باه كان هذا لا
مريم:حضنت اصيل … عارفة اني ضغطت عليك حبيبي لكن هذا لمصلحتك
اصيل:بادلها الحضن … ها شن ناوية بترقدي و لا شن
مريم:هزت برأسها … اي هيا نعست
اصيل:رفعها في غمره … و حطها ع السرير ورقدوا بكل حب 
____________ 🔥 رواياتي 🔥 ___________
_________🔥ibrahim qurji🔥___________

سلوى:هي احكيلي نسمع فيك
مسرة:ما في شي ماما لكن اني البني ادم هذا معادش نبيه
سلوى:به علاش … مش ع اساس تحبيه و درتي عليه الويل انتي و بوك و خوتك … علاش وافقتي عليه من الاول
مسرة:اي كنت نحبه لكن تو لا
سلوى:بع علاش شن اللي تغير
مسرة:من الاخير ماما اني نحب واحد اخر و حامل منه و ما نبيش جهاد يعلم
سلوى:شهقت … و ضربت مسرة كف لعند ما طاحت تحت رجليها … اءء شن درتي انتي شن حي غبارة مغبرة شن بتقول لبوك و خوتك لما يعرفوا 💔💔
مسرة:تبكي 😭😭 اسفة يا ماما عارفة روحي غلطت لكن بالله عليك ما تخبريش بابا و خوتي
جهاد:خش يصفق 👏👏 … صار هذا باش معادش تبي تتزوجيني و نهيتي الفرح … لكن انتي طالق طالق طالق … و ما تخافيش مش رح نخبر حد باللي سمعته لكن مش رح نسامحك ع اللي درتيه فيا يا مسرة … و طلع
مسرة:الدمعة في عينها و قلبها مكسور كيف قدرت ادير هكي في حب حياتها عشان ما تنفضحش 💔💔
___________

منى:شهقت … شن درت يا مجدي
مجدي:ملاك ملاك فيقي حبيبتي اوخيتي ما تخوفينيش عليك
منى:خلاص هذي شكلها ماتت
مجدي:سكري فمك ماماتتش … رفعها في غمره و طلع بيها … اسمعي منى ما تقوليش لحد شن صار و بري امسحي الدم هذا
منى:هزت برأسها … تمام .. هذي وحدة تخلصت منها مزال الاخرى 😈😈
زهرة:كانت كمية الدم هلبا لدرجة اني قرفت روحي كيف ما وقفتش اللي صار … مشيت خطوات بسيطة و في لحظة معادش نندري ع شي بكل … و هوووب اغمى عليها
_________

ثاني يووم ⛅⛅

وفاء:صباح الخير
كلهم:صباح النوور
امها:كيف حالك اليووم
وفاء:احسن الحمد لله
امها:قمعزي كان بتفطري
وفاء:لا صحتين عندي مراجعة اليوم … وين عبدو
امها:عبدو طلع من بكري شوفي عمر بلك يرفعك
وفاء:حطيت يدي ع بطني … اه يا بنتي شوفي شن صار فينا اهلك معادش يبوك و بووك من يوم ما حطني ما رفعش عليا تلفون … لكن عادي عارفته مش منه … و في اللحظة هذي كان ابوبكر يسمع في كلام امه و تعبي في رأسه ع وفاء
ابوبكر:كيف حالكم
سالمة:الحمد لله قغمز افطر
ابوبكر:صحتين … بنطلع
سالمة:ها فكرت في اللي قتلك عليه
ابوبكر:مش وقتها السيرة هذي يما
سالمة:لا وقتها … و هذيك طالما طلعت ما عندهاش رجعة هنا مرة ثانية
مسعودة:اي يا وخي كلام امي مزبووط … و بعدين شن بنديروا بوحدة تعلي في صوتها ع امك و خواتك
ابوبكر:تنهد بعصبية … اني طالع و سكروا ع الموضووع و طلاق مش رح نطلق … و طلع
مسعودة:شوفتي يا امي و لا … نقص ايدي من هنا كان ما طلعتش هذيك ساحرته هيا و امها
سالمة:خليه تو ع راحته اني نعرف شن نديرله

____________ 🔥 رواياتي 🔥 ___________
_________🔥ibrahim qurji🔥___________

اصيل:يا صباح الخيرات
مريم:واقفة قدام المراية … صباح الورد
اصيل:حضنها … اخ من ريحتك الحلوة 😍😍 … تو حتى بالعقل في مرأة تتنازل ع زوجها و حبيبها لوحدة اخرى
مريم:تنهدت …لكن هذا لمصلحتك حبيبي … ونبيك تشوف صغارك و تفرح بيهم
اصيل:عارف انك ادير في كل هذا لمصلحتي لكن كوني متأكدة اني مش رح نخليك ابدا
كريم:واثقة فيك حبيبي
اصيل:خليني نخش نأخد دووش و بعديننطلعوا نفطروا البرا
مريم:تمام نستنى فيك ☺☺
___________

فاتت ليلة صعبة ع مسرة والمشكلة اللي حطت روحها فيها و تفكر شن بتقوول لبوها و خوتها و خاصة ان الفرح تفركس بحجة انها مرضت و ما قدرتش تكمل
سالم:وين مشت الفرخة و شن صار باش قررت انها تلغي الفرح
سلوى:ما نعرفش يا حاج كل اللي تقول فيه انها معادش تبيه و خلاص
سالم:بري نادي عليها
منتصر:خش بعصبية … قربع الباب وينها الحيوانة هذي حطت رأسي في الوطا قدام الناس كلهم
ماهر:اي وينها اكيد مدايرة عار هذا باش جهاد طلقها قبل ما يتم الفرح
منصر:و الله يطلع اللي في بالي مزبوط و الله الا ما نقتلها و نشرب من دمها 😡😡
سالم:طالما اني حي و قاعد نتنفس البنت شعره منها ما تنمسش و ما فيش حد يتكلم
سلوى:نوضي يا بنت بووك يكلم فيك
مسرة:حست انها نهايتها قربت … اكيد جهاد خبر خوتي ع كل شي و بيقتلوني … لكن هو وعدني
_______

عند زهرة

وصل خبر ان ملاك طاحت من فوق الدروج و رفعها مجدي للمستشفى و بدي الكل يحط في كلام طاع نازل
زهرة:فقت و كان رأسي ثقيل و نستوعب شن اللي صار امبارح … كان كل اللي متذكراته من لما طاحت ملاك من ع الدروج و خلاص … اووف يا ربي شن بنقول تو نخبر ع اللي شوفته و لا نخبي لانه ززجي هو اللي قلت اخته و معاه الحيوانه منى … معناه كلام ملاك صح … فلهذا لازم نفكر كيف ننتقم من مجدي و منى ع اللي داروه في ملاك و الخيانة اللي دارها فيا … و بديت نفكر لعند ما خطرت لفي بالي فكرة و كنت متأكدة انها حتنجح … لاكن ما نقدرش نديرها بروحي لازم ما شخص يساعدني فما لقيتش غير معتز راجل ملاك هو اللي يساعدني كيف ننتقم من كل شخص اذاني 😡😡 #يتبع

شن حيصير في مسرة و هل رح تعرف من الشخص اللي يبتز فيها بالصور … و هل حتنجح خطة زهرة او لا

لمشاهدة جميع اعمال الكاتب : روايات ibrahim qurji

 

 

اترك رد

زر الذهاب إلى الأعلى