رواية ضحايا حلال الحلقة الثانية الكاتب ibrahim qurji ..روايات ibrahim qurji | القلم الناجح
روايات ليبيه كاملة

رواية ضحايا حلال الحلقة الثانية الكاتب ibrahim qurji ..روايات ibrahim qurji

رواية ضحايا حلال الحلقة الثانية الكاتب ibrahim qurji ..روايات ibrahim qurji

اسف و الله الضي كيف جي

#ضحايا_حلال 2 (حقيقية)

للكاتب ibrahim qurji

مسرة:كانت مش مستوعبة الصدمة اللي شافتها … شن هذا يا حيوان من وين ليك الصور
مجهول:مش تعرفي بس اني مش اي واحد يلعب معاي … تو القرار في يدك يا اديري اللي قتلك عليه يا اما الصور يوصلوا لعيلتك كلها مش خطيبك بس و انتي قرري 😏😏
مسرة:بصوت واطي … حيوان شن المطلوووب
مجهول:تو اسمهيني شن اديري …..
__________

زهرة:شوي يا الاء نشوف شن في تحت شكله الموضووع كبير … سكرت و نزلت نشوف في مشكله … خيركم شن في 😱
ملاك(حماتها):الموضووع ما يخصكش يا زهرة
زهرة:غير شن في بس
ملاك:هالحقيرة هذي لقيتها تكلم في معتز راجلي
منى:و الله ما في منه الكلام هذا و اني كلمته في موضووع يخص الشغل بس و بعدين هو اللي كلمني
ملاك:ع من تكذبي انتي … و الرسائل و الصور و المكالمات اللي بينك و بينه
منى:حرام عليك يا ملاك اني بنت عمك تشكي فيا هكي
ملاك:اي اصلا انتي من اوسخ عباد الله و مستعدة اديري اي شي يا حقيرة
زخرة:استهدي بالله يا ملاك … الموضووع ما ينحلش هكي لازم تهدي و نحكوا بالشوي
مجدي:بصوت يخوف … خيركم شن في صووتكم طالع البرا و الناس سمعت الدوة كلها خيركم
ملاك:موضووع يا خووي صاير
مجدي:موضووع شن
زهرة:منى واخدة شاربة من ملاك و راح منها … و ملاك دارت عليه مشكلة
مجدي:اووف منكم … و شاف لملاك بغضب 😡 خلاص بري انتي وياها لدارها … و انتي شن جيبك وين راجلك
ملاك:حطني و مشي للشغل
مجدي:به معادش نبي نسمع اصواتكم

____________ 🔥 رواياتي 🔥 ___________
_________🔥ibrahim qurji🔥___________

وفاء:هي اني واتية
ابوبكر:هي انزلي
وفاء:نزلت و الدمعة في عيني كيف الظلم واعر … و الطريقة اللي صدق بيها راجلي اهله و ما خلانيش ندافع ع رووحي … و حنا حطيت حد للمعاناة
مسعودة:اهي هم و انزاح ما علينا يا امي 😏😏
سالمة:اي … صحيتي يا بنتي … بري كلمي هيفاء و خليها تجي و نديروا عشاء بعد ما تخلصنا من الدراه هذيك
مسعودة:حاضر يا امي … يا ابوبكر ما تنساش تجيب معاك مشروب و فواكه لان اليوم مدايرين عشاء … و بدت تشبحلي بحقد … شن مزال تشبحي بري اقلبي وجهك خير ما انحيلك عيونك
وفاء:حسبي الله و نعم الوكيل فيكم كلكم … و طلعت مشيت و ما عبرتش حد رغم اني ع وجه ولادة لكن العيشة هذي كرهتها خلاص … وصلت قدام حووش اهلي و نزلت و ما عبرتاش حتى بكلمة
__________

اصيل:وينه الحلو اليوم شارد
مريم:لا شي كنت نفكر شوي
اصيل:في شن تفكري خليني نفكر معاك🙄🙄
مريم:لا موضووع شاغل بالي بس
اصيل:قعمز جنبها ع الكنبة و مسك ايدها … خيرك مريومة في حاجة امي مزعلاتك في شي
مريم:لا الله تسامحها كان غلطت فيا … لكن حبيبي ممكن نسألك سؤال 😓😓
اصيل:تنهد … انشاء الله خير … في شي 😒😒
مريم:قعمزت جنبه و ربعت رجليها اسمعني … كان طلبت منك طلب تنفذه
اصيل:طلب شن 😕😕
مريم:كان طلبت منك الطلاق
اصيل:قاطعها … شن تقولي انتي اي طلاق تحكي عليه
مريم:غير اسمعني بس … كان طلبت منك الطلاق لكن بشرط اني نزوجك المرأة اللي تستاهلك توافق او لا
اصيل:شن تخرفي انتي … خيرك شفتي مني شي باش تطلبي الطلاق … و لا ع موضووع الحمل … اني قتلك عادي نستنى حتى مية سنه لكن زواج لا
مريم:غير اسمعني بس
اصيل:سكري ع الموضووع يا مريم و نوضي كان بترقدي
ميرم:تنهدت … و خدت بطانية خفيفة و طلعت البلكوني و غرقت في التفكير و كيف بتقنع اصيل في موضووع الطلاق رغم انها تحبه مووت لكن انجبرت انها تتنازل عليه

____________ 🔥 رواياتي 🔥 ___________
_________🔥ibrahim qurji🔥___________

مسرة:كانت اصعب ربع ساعة في حياتي نفكر شن بنقول لاهلي و كيف بنخرب حياتي كلها عشان موضووع صعب ممكن انه يدمرلي حياتي و حياة اهلي لكن خلاص لهني وقفت و قررت نأخد اهم قرار في حياتي ممكن انه يدمرني … لكن كنت مجبورة
جهاد:ها بالعروس الحلوة … مشاء الله عليك و ربي يحفظك و يخليك ليا … هيا وقت
مسرة:لكن نبيك في موضووع
جهاد:مسك ايدها بكل حب … الموضووع يتأجل لبعد الفرح … هيا جاهزة
مسرة:نحت ايدها بسرعة … لكن الموضووع ما يتأجلش يا جهاد … و اني مش حنطلع الا و اني حكيف في الموضووع
جهاد:تنهد … انشاء الله خير بس
مسرة:استجمعت قوتي … اسمعني معادش نبي الزواج هذا يتم و نبيك اطلقني
جهاد:كانت كلمة مسرة كأنها سيف في قلبه و كيف من كب عليه امية مصقعة و لسانه ارتبط من قرار مسرة المفاجأ 🤷‍♀️
____________

مجهولة:اسمعني يا مجدي لازم نتخلصوا منها في اقرب وقت باش ما تخربش علينا اللي درناه
مجدي:انتي عارفة شن تقولي و لا … ما نقدرش لان زهرة تحبني و اني نحبها
مجهولة:لكن زهرة مش حتعرف شي و حيتم كل شي كيف ما نبوو
مجدي:تنهد بخوف … اسمعنيني ما تغلطيش غلطة و تندمي عليها و طلعي زهرة من الموضوووع لاني مستحيل نخسرها
مجهولة:اسمعني … يا تنفذ اللي قتلك عليه يا اما نخبر زهرة بعلاقتنا و هيا ادمرك تدمير
مجدي:بعصبية … خلاص ديري اللي يريحك لكن ما تقربيش من زهرة و الا اقسم بالله نعدمك … و طلع من جنبها و يفكر في الكلام 🤷‍♀️🤷‍♀️
مجهولة:طالما انت هكي يا مجدي تو نعرف كيف نلعب لعبتي 😈😈
____________ رواياتي ___________
_________ibrahim qurji___________

وفاء:وصلت لعند باب الحووش اللي طلعت منه … طقيت الحووش و خشيت لقيت اهلي مقمعزين ع العشب و صفرة الشاهي قدامهم ….
امها:وفاء … خيرك يا بنتي شن في صايرلك شي
وفاء:ما قدرتش نتمالك اعصابي و انهرت بالبكي … جوني كلهم يسألوا فيا شن صايرلي لكن ما قدرتش نقوول شي
امها:خيرك يا وفاء ما تخوفينيش عليك وين ابوبكر
وفاء:كنت نبكي و خلاص
صفاء(اختها):تعالي وخيتي خشي تريحي و بعدين ساهل
وفاء:هزت رأسها بحزن … تمام
_________

جهاد:خيرك يا مسرة انت عارفة شن طلبتي و لا
مسرة:اي … نعرف شن طلبت و معادش نبي نكمل حياتي معاك 💔💔
جهاد:بعصبية … شن التخريف اللي تقولي فيه شن بنقول للناس اللي برا و شن بنقول لاهلي و اهلك بعد ما يعرفوا شن طلبت بنتهم مني قبل العرس … و علاش اخترتي توا باش تطلبي الطلب هذا
مسرة:اني عارفة شن طلبت … و ياريتك توافق ع قراري
جهاد:تمام … قولي الكلام هذا قدام بووك هي
مسرة:بووي نعرف شن نقوله …..
ريان:طق طق طق … هيا يا مسرة وقت الساعة قريب 12
مسرة:اطلعي ووقفي الفرح يا ريان
ريان:الصدمة ع وجهها … اءءء عارفة شن تقولي يا مسرة و لا
مسرة:اي … معادش نبي الزواج هذا يتم و ناوية نطلق
سلوى(امها):شن اللي نسمع فيه هذا
كلهم:😨😨😨 #يتبع

شن حيصير في مسرة و هل حتقدر توقف الفرح
من اللي تهدد في مجدي و شن ناوية ادير في زهرة
كيف حدير وفاء و خصوصا في الشهور الاخيرة للحمل هل حتتطلق او لا
و هل حتقدر مريم تقنع اصيل بموضووع الطلاق او لا

كله في الحلقات الجاية

رأيكم في الحلقة يا حلوين

لمشاهدة جميع اعمال الكاتب : روايات ibrahim qurji

اترك رد

زر الذهاب إلى الأعلى