رواية ضحايا حلال الحلقة الرابعة .. الكاتب ibrahim qurji | القلم الناجح
روايات ليبيه كاملة

رواية ضحايا حلال الحلقة الرابعة .. الكاتب ibrahim qurji

رواية ضحايا حلال الحلقة الرابعة .. الكاتب ibrahim qurji

#ضحايا_حلال 4 (حقيقية)

زهرة:فقت و كان رأسي ثقيل و نستوعب شن اللي صار امبارح … كان كل اللي متذكراته من لما طاحت ملاك من ع الدروج و خلاص … اووف يا ربي شن بنقول تو نخبر ع اللي شوفته و لا نخبي لانه ززجي هو اللي قلت اخته و معاه الحيوانه منى … معناه كلام ملاك صح … فلهذا لازم نفكر كيف ننتقم من مجدي و منى ع اللي داروه في ملاك و الخيانة اللي دارها فيا … و بديت نفكر لعند ما خطرت لفي بالي فكرة و كنت متأكدة انها حتنجح … لاكن ما نقدرش نديرها بروحي لازم ما شخص يساعدني فما لقيتش غير معتز راجل ملاك هو اللي يساعدني كيف ننتقم من كل شخص اذاني 😡😡 … و بعد تفكير عميق خديت تلفوني و بدون اي تفكير اتصلت بمعتز
معتز:الوووو … من معاي 🙄🙄
زهرة:اسفة لاني اتصلت في الوقت هذا لكن نبي نقولك ان ملاك امبارح وقعت مع ع الدروج و رفعها مجدي للمستشفى
معتز:بعصبية … من انتي … و كيف طاحت
زهرة:اني فاعلة خير … و ملاك ره ما طاحتش بروحها ره جريمة قتل … و سكرت
معتز:الوووووو من انتي … اووف و بدي يفكر وين يمشي و طلع من الشركة لحووش اهل ملاك
اما زهرة:و هذي البداية يا مجدي … كنت مش عارفة شن ندير لكن الخيانة واعرة و مجدي لازم يتعاقب ع اللي داره فيا هو و منى 😈😈
___________

في العيادة

وفاء:السلام عليكم
الاستعلامات:و عليكم السلام تفضلي يا اختي
وفاء:اءء … عندي مراجعة اليوم مع الدكتورة فاطمة 
الاستعلامات:اها تفضلي قعمزي اهي عندها حالة تكملها و تنادي عليك
وفاء:تمام  … و بديت نفكر شن حيصير فيا هل حنطلق و ندمر حياتي و حياة بنتي اللي مزال ما شافت الدنيا و لا نرجع للظلم و الكره … قاطع تفكيري صووت …
هيفاء(سلفتها):وفاء اهلين كيف حالك
وفاء:اهلين هيفاء … الحمد لله كويسة و انتي 
هيفاء:الحمد لله … و الله سمعت باللي صارلك و ربي يكون في عونك
وفاء:انشاء الله 
هيفاء:لاباس … و اشرت ع بطن وفاء
وفاء:اءء لا شي عندي مراجعة بس
هيفاء:اها مع اي دكتورة
وفاء:الدكتورة فاطمة
هيفاء:اها نفس الدكتورة
وفاء:شبحتلها … في شي جديد شكله
هيفاء:اي 😊😊
وفاء:مبارك عليك حبيبتي و تقومي بالسلامة انشاء الله
هيفاء:انشاء الله و حتى انتي
وفاء:كيف حال هذوكم شن قاعدة تمشيلهم
هيفاء:اي لعند امبارح كنت عندهم
وفاء:كيف حالهم
هيفاء:من جدك انتي قاعدة تسألي عليهم … صدق اللي سماك وفاء … حالهم به يأكلوا و يشربوا
وفاء:كيف حال ابوبكر
هيفاء:شن ناقصه … سمعت انه يدوروله في وحدة و بيزوجووه
وفاء:و هو شن ردة فعله
هيفاء:انتي عارفتيه ما عنداش كلمه مع سالمة و مسعودة
وفاء:قصدك بيتزوج
هيفاء:اي … و اني اسفة لاني قتلك
وفاء:يسطفلوا منهم ليهم … اصلا اني بنطلق
هيفاء:شهقت 😱😱 … و علاش تخربي في حياتك ع شأن وحدين ما يستاهلوش … ديري زيي اني خوديه و اطلعي منه حووش النحس هذاك … اهو الحمد لله اني متريحه نمشي في الاسبوع مرة بس … حتى اني ديري هكي ما تخليهمش يفرحوا
وفاء:تنهدت … هي نتلاقوا ع الخير انشاء الله و تقومي بالسلامة
هيفاء:بضحكة مصطنعة … انشاء الله حبيبتي و حتى انتي … و ناضت اتمتم … وحدة غبية تبي تطلق و ادمر حياتها ع شأن مسعودة و سالمة … بهزوة و الله مريضة

____________ 🔥 رواياتي 🔥 ___________
_________🔥ibrahim qurji🔥___________

في المطعم

اصيل:افطري حبيبتي ما كليتي شي
مريم:اهو نفطر حبيبي 
اصيل:ما تبيش تقولي ع المرأة اللي ناوية بتخطبيها لراجلك … اكيد عندك وحدة في بالك
مريم:تنهدت … لكن ما تعصبش يا اصيل
اصيل:نعرفها اني 🤔🤔
مريم:اءء … منار 😨😨
اصيل:منار منار 😒😒
مريم:اي منار
اصيل:منار متاع الثانوية و لا
مريم:اي اصيل
اصيل:الارملة و لا
مريم:اي يا اصيل
اصيل:بعصبية … ما لقيتيش غير منار يا مريم … انتي عارفتيها شن مدايرة و لا و سيرتها ع كل لسان
مريم:اي حبيبي … و مسكت ايده … هيا عرفت غلطتها و ندمت … و بعدين عارفها ترملت و اهلها رفضوا انهم يرجعوها
اصيل:و قلتي ندبسها في اصيل خليه يستر عليها و لا
مريم:مش هكي يا اصيل
اصيل:بعصبية … و خبط ايده ع الطاولة بقوة خلا الكل يشبح فيه … امالا شن
مريم:اسفة ما نقدرش نحكي معاك و انت معصب هكي … نوض بنروح
اصيل:حتى اني كان قعدت دقيقة وحدة حنكسر المطعم … نوضي هي 😠😠
___________

مسرة:صباح الخير بابا
سالم:بدون ما يشبحلها … قمعزي
منتصر:اي صباح هذا بعد ما وطيتي رأسي في الوطا يا حيوانة با حقيرة و جي تهجم عليها
ماهر:وقف يا منتصر خلينا نفهموا منها شن القصة
سالم:منتصر اهدأ و خليني نتفاهم معاها
منتصر:لكن يا بووي
سالم:قاطعه … قتلك اسكت اني … و هي انتي احكيلي شن السبب اللي خلاك توقفي الفرح
مسرة:خدت نفس عميق … بابا اني عارفتك حتوافق ع قراري هذا … اكتشفت ان جهاد مش الشخص اللي ناوية نكمل معاه حياتي
سالم:لكن انتي اللي اخترتيه و قررتي انك تتزوجيه
مسرة:كانت غلطة يا بابا
منتصر:كيف غلطة … اقيم بالله يطلع اللي في بالي صح و الله الا ما نعدمك و ربي عالم و شاهد فاهمة و لا
مسرة:اني شريفة يا بابا و نا فيش منه الكلام اللي يدور في بالكم
سالم:امالا شن اللي صار يا مسرة
مسرة:قتلك يا بابا … جهاد مش نفس الشخص اللي ناوية نكمل معاه حياتي
منتصر:به شن بنقول للناس بعد يعلموا ان عندي اخت اطلقت يووم فرحها
سالم:تنهد … تو ندير حل انتم صكروا ع الموضووع
منتصر:وقف … تو نشوفوا شن ادير يا بووي بعد تبدأ سيرتنا ع كل لساان … و طلع متعصب و لحقه ماهر
سالم:و انتي نوضي من قدامي
مسرة:شن بدير بابا
سالم:ما عندكش دخل
مسرة:طلعت و الدمعة في عينها
سلوى:شن يدور في رأسك يا حاج
سالم:لازم نزوجوهم قبل ما تكبر المشكلة
سلوى:حطت يدها ع فمها … حتى ريان
سالم:اي الاثنين
سلوى:تنهدت و طلعت

____________ 🔥 رواياتي 🔥 ___________
_________🔥ibrahim qurji🔥___________

عند زهرة

وصلهم خبر ان ملاك ماتت لان الضربة جتها قوية ع الرأس و نصبوا خيمه العزاء
زهرة:مصدومة و مش قادرة نتكلم كيف مجدي قدر يقتل اخته لانها كشفت وساخته هوا و منى و هنا بديت نخطط في الفكرة الثانية … و بديت نبكي و نعيط بالصووت العالي جو كلهم لداري😭😭
سناء(حماتها):خيرك يا زهرة شن في
زهرة:اءء … من انتي ما نشبحش فيك
سناء:شهقت … اني سناء يا زهرة معادش تعرفيني و لا شن
زهرة:ما نشبحش في شي يا سناء شن صارلي 😭😭
سناء:اءء استني شووي بس خليني نكلم مجدي
منى:خيرها زهرة يا سناء
سناء:ما نعرفش … تبكي و تقول ما نشبح في شي
منى:اها … خلاص يا زهرة نهايتك و مجدي بدي ليا
سناء:نزلت تجري بسرعة … مجدي مجدي
مجدي:نعم
سناء:برا شووف زهرة خيرها تبكي و تقول معادش نشبح في شي
مجدي:يا ربي لا يا ربي لا و ركب يجري
زهرة:حاطه ايديها ع عيونها و تبكي اسفه يا ملاك لاني ما وقفتش اللي شوفته لكن حننتقملك
مجدي:زهرة زهرة خيرك حبيبتي
زهرة:اءء … م م م مجدي معادش نشبح في شي شن صارلي
مجدي:اهدي يا زهرة تقدري توقفي
زهرة:اءء هوووب يغمى عليها
مجدي:قامها و طلع بيها
_________

الدكتورة:كيف حالك يا وفاء
وفاء:الحمد لله
الدكتورة:كيف حال ابوبكر وينه اليوم ما جاش معاك
وفاء:تمام الحمد لله … حال الخدمة و الله
الدكتورة:اهي حتى البنوته مضايقة اكيد في شي صايرلك
وفاء:كيف 😨😨
الدكتورة:انتي تو في الشهر الثامن و ما نبيش نخوفك لكن احتمال انها تصيرلك ولادة مبكرة
وفاء:به و الحل يا دكتورة
الدكتورة:الحل انك تتباعدي ع العصبية و تخلي رووحك طبيعية
وفاء:تنهدت … انشاء الله خير يا دكتورة ما في شي اخر
الدكتورة:لا هكي تمام … و هاذم شوي ادوية تأخديهم و تحافظي ع صحتك
وفاء:مشكورة يا دكتورة ❤❤
الدكتورة:انتبهي ع رووحك يا وفاء
وفاء:😊😊
____________ 🔥 رواياتي 🔥 ___________
_________🔥ibrahim qurji🔥___________

مريم:طووول الطريق لا حس و لا مس و كان قلبي ناغزني ان اصيل حيديرلي مشكلة عشان الطلب اللي طلبته منه وصلنا للحوش و ركبنا للشقة
اصيل:حط مفاتيحه ع المدخل … اه هي نسمع فيك
مريم:اءء .. ما عنديش شن نقول
اصيل:كيف ما عندكش شن تقولي
مريم:الكلام اللي كلته هو الصح يا اصيل
اصيل:و اني موافق ع كل شي لكن منار ما نبيهاش
مريم:به علاش انت عطيها فرصة و كان لقيتها كيف قبل طلقها و اني نرجعلك
اصيل:قصدك تو تهديد هو
مريم:لا مش تهديد يا اصيل لكن هيا بريئة و الكلام اللي طلع عليها كله كذب
اصيل:و كيف تعرفي كل هذا و لا كنتي ع تواصل معاها
مريم:هيا كانت صديقتنا من ايام الثانوي يا اصيل و قالتلي عرفت غلطي و تأسفت مني علاش مش مصدقني
اصيل:تنهد … اني بننزل نفتح الموضووع مع العيلة و كان هما وافقوا اني حنوافق و كان هذا لا
___________

في العشية مقعمزين في الجنان

منتصر:يا بوووي اليوم جهاد اتصل بيا
مسرة:شرقت بالمية … احو احو
سالم:خيره شن يبي 😒😒
منتصر:كلمني ع ريان و هو ناويها بالحلال
مسرة:طاحت طاسة المية من ايدها … اءء اسفة
سالم:و انت شن رديت عليه
منتصر:قتله نشوف البنت و نرد عليك .. و لا حتى انتي بديري كيف اختك بتوافقي و بعدين توقفي الفرح
ريان:اءء مش عارفه
منتصر:فكري كان هذا بنرد ع الولد بكرا
ريان:تشبح لمسرة بكرة خاطر … 😔😔
سالم:اهي بنت و كملنا فيها و مسرة خليها عليا تو نشوفلها واحد يأخدها
سلوى:😔😔
____________ 🔥 رواياتي 🔥 ___________
_________🔥ibrahim qurji🔥___________

الدكتور:المدام جتها صدمة قوية و سببتلها عمى مؤقت
مجدي:صدمة شن
الدكتور:ما نعرفش لكن انت لازم تكون جنبها في الوقت هذا
مجدي:تنهد … و بدي يفكر زعما شافت شي هذيك الليلة هذا باش جتها الصدمة و لا شن سبب الصدمة زعما … قاطعه صووت زهرة
زهرة:مجدي مجدي وينك شن صارلي و شن قالك الدكتور
مجدي:اءء لا شي فترة و تمر حبيبتي
زهرة:انهارت بالبكي يعني اني بديت عمياء
مجدي:ما تقووليش هكي حبيبتي حتنحل المشكلة انشاء الله
زهرة:😭😭😭
___________

وفاء:السلام عليكم
كلهم:و عليكم السلام
امها:ها كيف حالك تو و شن صار فيك
وفاء:تنهدت … تمام الحمد لله
امها:به كيف حال الجنين
وفاء:الحمد لله كويس
امها:خيره وجهك اصفر هكي الجنين فيه شي
وفاء:لا ما فيه شي … لكن احتمال تصيرلي ولادة مبكرة
امها:به علاش ولادة مبكرة
وفاء:الدكتورة قالتلي انها من العصبية صارتلي تقلصات
امها:ربي يكون في عونك بنتي و خلاص … المهم ديري بالك ع رووحك بس
وفاء:اليوم تلاقيت اني و هيفاء
امها:به شن تحكي
وفاء:قالتلي ان سالمة ادور في مرأة لولدها
امها:امالا اسمعيني شن اديري باش ما ادمريش حياتك و حياة بنتك
وفاء:نسمع فيك
امها:……….
__________

اصيل:وهذا اللي صار يا يما
حنان:به علاش انت رافض الفكرة بلك البنت فيها خيره
اصيل:اني ما قلتش شي يما … لكن البنت هذيك ما نبيهاش
حنان:لكن هذا من حقك يا ولدي و طالما هي قالتلك نخطبهالك معناه البنت كويسة
اصيل:انتي تعرفيها البنت و لا
حنان:من هي ترا
اصيل:منار
حنان:اءء منار 😨😨 #يتبع

#في_الحلقة_القادمة

ريان:اني موافقة بابا
مجهول:نعرفك انك مش عمياء و درتي الخطة هذي عشان تنتقمي من اللي داره مجدي فيك و اني معاك
زهرة:😨😨
وفاء:تعال اليوم روح بيا
اصيل:اني موافق عليها يا مريم لكن بشرط انتي اللي اديري العرس كامل و تجيبيها لعندي 😏😏

اليوم طولتها ع شأنكم كنت بنزل حلقتين زي ما وعدكم لكن الضي اللي طيرها … و من بكرا الحلقات حتنزل يوميا

و توا نبي رأيك في الحلقة يا حلوين ❤❤

لمشاهدة جميع اعمال الكاتب : روايات ibrahim qurji

اترك رد

زر الذهاب إلى الأعلى