رواية ضحايا حلال الكاتب ibrahim qurji ..روايات ibrahim qurji | القلم الناجح
روايات كاملة

رواية ضحايا حلال الكاتب ibrahim qurji ..روايات ibrahim qurji

رواية ضحايا حلال الكاتب ibrahim qurji ..روايات ibrahim qurji

#ضحايا_حلال 1 (المقدمة)

للكاتب ibrahim qurji

عارفة شعور انك تتزوجي اللي تحبيه و اللي عشتي معاه قصة حب قوية و في لحظة يدمر كل اللي بنيتيه بالابتزاز بصورك … هذي قصتي اني مسرة البنت اللي قدروا يخلوها ضحية من الضحايا الحلال 💔💔
_______________

لما تكوني شاهدة ع جريمة قتل و تحاولي بشتى الطرق انك تكذبي اللي شوفتيه فتحاولي تلعبي لعبة انك عمياء باش تتستري ع القاتل … هذي قصتي اني زهرة البنت اللي دارت روحها عمياء باش تحمي اقرب شخص ليها اني البنت اللي قدروا يخلوها ضحية من الضحايا الحلال 💔💔
______________

عارفة شعور انك تكوني الزوجة و الكنة المثالية و اللي يحلم بيها اي شخص بطيبتك و حنيتك و لكن في لحظة تنقلب حياتك لجحيم و تتكافئ بزوجة ثانية و من دوون ما تدري … و ياريت وقفت ع هكي و بس لدرجة زرع الحقد و الكره و تشويه سمعتك بين عيلة زوجك … هذي قصتي اني وفاء البنت اللي قدروا يخلوها ضحية من الضحايا الحلال 💔💔
______________

لما تكوني مجبورة انك تتنازلي ع حبيبك و شريك حياتك للبنت اللي ماسكة عليك دليل يمكن انه يدمرلك حياتك في لحظة … هذي اني مريم البنت اللي قدروا يخلوها ضحية من الضحايا الحلال 💔💔

____________ رواياتي ___________
_________ibrahim qurji___________

مسرة:متوترة يا ريونة هلبا 😰😰
ريان:و شن موترك يا حظي اللي كيفك المفروض يكون بيطير من الفرحة
مسرة:مش عارفة لكن حسه قلبي ناغزني و ان في شي حيصير
ريان:تفائلي بالخير سوسو و انشاء الله ما يصير غير الخير … شن هي بتطلعي و لا بتستني جهاد يجيك
مسرة:اي بنستناه
ريان: تمام امالا … اني طالعة
مسرة:كنت نشووف في نفسي عروس حلوة و كأني ملاك لان اليوم احلى يووم فيحياتي لان يوم فرحي ع حبيبي اللي ضحيت ع شأنه و عاندت الدنيا اني وياه … اي نسيت نعرفكم عليا … اني مسرة بنت عادية من مواليد 90 مواصفاتي بيضة و متوسطة الطول و الحجم و عيوني كبار و فمي الكرزي و انفي الواقف و شعري طويل لاخر ظهري عايشة مع اهلي المتكونة من 6 افراد بوي و امي و اختي ريونة و عندي خوتي منتصر و ماهر و هما اوعر من شافت عيني و مخطوبة لجهاد كان يقرا معاي في الكلية و نحبه هلبا و يحبني و ضحيت ع شأنه هلبا باش نوصل فيه … فما كنتش متوقعه شن مجهزلي القدر 💔💔
مسرة:وصلها مشج فتحاته
مجهول:اليوم اديري اللي قتلك عليه
مسرة:لكن ما نقدرش لان اليوم فرحي
مجهول:اي نعرف … لكن كل شي و حقه و كان ما درتيش اللي قتلك عليه بيصير شي مش متوقعتيه
مسرة:اعلى ما في خيلك اركبه … و مش رح ندير شي من اللي قتلي عليه
مجهول:تمام امالا … ما تلومينيش من اللي حيصير لما خطيبك يوصلوه الصور
مسرة:اي صور تحكي عليهم
مجهول:دقيقة بس …..
مسرة:فتحت الصور و كانت صدمتها 😱😱 ……..
_____________

زهرة:كانت كمية الدم هلبا لدرجة اني قرفت روحي كيف درت شي كيف هذا و تسترت ع اللي شوفته لكن هذا كله درته ع شأن ما نقدرش نفرط و نخسر شخص عزيز عليا ف مكانش قدامي غير اني ندير روحي عمياء 👇👇

الاء:صباح الخير زهرة
زهرة:صباح النور كيف حالك اليوم
الاء:بخير و الله … وينك شن مدايرة
زهرة:الحمد لله بخير اهو حال الزواج و العيلة
الاء:كيف حال مجدي
زهرة:بخير الحمد لله حال الخدمة … شوي يا الاء نشوف شن صار شكله في مشكلة صايرة التحت
الاء:تمام خودي راحتك حبيبتي
زهرة:نشوف شن صاير و نكلمك … سكرت و نزلت نشوف شن صاير لان الدوشة كبرت و شفت ……

اني زهرة بنت يتيمة الاهل اهلي توفوا في حادث سير من لما كان عمري 15 عام ف خذاني عمي و رباني لان كانت السبلة ان ورثي ما يضيعش لان وقتها بووي كان عنده املاك هلبا فبعد ما سكرت 20 سنه زوجني لولد صاحب بابا اسمه مجدي لان وقتها كان يحبني هلبا و طلب ايدي من عمي فأستغل الفرصة انه يزوجني فتزوجت من مجدي … مواصفاتي بيضة و طويلة و نقشي ع العسلي عيوني كبار و ملونات و فمي الكرزي و انفي الواقف و شعري طويل لاخر ظهري و جسمي المتناسق فهذا السبب تزوجني مجدي … و الحمد لله عايشة معاه احلى الايام … رغم اني ليا عشرة ايام متزوجة بس

____________ رواياتي ___________
_________ibrahim qurji___________

وفاء:ما كنتش نتوقع ان العيلة اللي عشت معاها تطلع بكل هالحقد و الخيانة لدرجة وصلت بيهم يشوهوا صورتيقدام الناس كلهم و يطعنوا في شرفي قدام العيلة كلهم ….
وفاء: السلام عليكم
سالمة:قلبت وجهها للجهة الثانية … اوف اي سلام هذا
وفاء:كيف حالك عمتي اليوم
سالمة:من ربي بخير … لكن من العبد لا
وفاء: خيرك عمتي في حاجة زعلتك في حاجة
سالمة:لا ما في شي غير مش طايقة حد اليوم
وفاء:شن حابة تتغدي اليوم
سالمة:لا ما اتعبيش روحك تو مسعودة اطيب
وفاء:تمام ع راحتك عمتي
مسعودة:نزلتي يا كلبة يا حرايمية يا سحارة شن تبي نازلة
وفاء:خيرك مسعودة اللطف شن صارلك
مسعودة:ما فيا شي غير من اليوم معادش نبي نشووفك بري اقلبي وجهك
ابوبكر:خيركم شن في صوتكم طالع لبرا
مسعودة:الحقيرة هذي تعلي في صوتها عليا و ع امي
ابوبكر:رسمي يا وفاء
وفاء:و الله ما صار يا ابوبكر
مسعودة:بخبث 😈😈 و حقد … و تكذبي معاها يا حقيرة
وفاء:انتي الكذابة يا مسخة يا حقيرة اصلا الحق مش فيكم … فيا اني اللي كنت محترمتكم كل هالوقت لكن حسبي الله و نعم الوكيل فيكم ( بجد الكلمة كانت من وسط قلبي لان معادش تحملت الظلم ) اني معادش قاعدة ولا دقيقة هنايا تو ترفعني لحووش اهلي …
ابوبكر:لاااا
وفاء:تو قتلك اني و الا اقسم بالله نكلم عبدو خووي يجي يهد عليكم الحوش فوق روسكم ….. و ركبت نجهز في حوايجي وقتها كنت حامل بطفلي الاول …. كنت اول مرة نفرض شخصيتي هكي …. فما كنتش نعرف ان البشر كما تدين تدان

اني وفاء بنت عادية و اسم ع مسمى وفية و طيبة و حنينة هلبا متزوجة و عندي ثلاث بنات(ابرار و انوار و اسوار) لكن مع كل ولادة ديما مشاكل بيني و بين اهل زوجي اللي يكرهوني مع اني كويسة معاهم … مش عارفة علاش يكرهوني و اللي واجعني ان زوجي مصدق اهله و كل كلمة يقولوا فيها عليا ….. مواصفاتي بيضة و قصيرة و متوسطة الحجم عيوني كبار و فمي الكرزي و انفي الواقف و شعري الطويل لونه كستنائي و نقشي ع الاكحل … طبعا متزوجة زواج تقليدي تعارف ع طريق الرجال و ما عشتش قصة الحب اللي عاشتها كل بنت … لكن خلاص معادش ينفع ندمي تو الزواج قسمة و نصيب 😔😔
_____________

مريم:لكن اللي طلبتيه مستحيل نديره و نخسر عيلتي
مجهولة:لكن انتي السبب في كل اللي صارلي و بديت في العدة … لكن عندك من هنا لعند ما نكمل العدة تطلقي من اصيل و نتزوجه
مريم:ااءء … لكن كيف نخلي اصيل يطلقني و يتزوجك 😨
مجهولة:هذا اللي عندي … و الا اقسم بالله نقوله من السبب اللي خلاني ارملة و خلاني في الحالة هذي
مريم:لكن انتي عارفة ان اني درت هكي عشان زووجك حاول يتحرش بيا
مجهولة:لكن كان بإمكانك انك تحبسيه مش تقتليه … اني اللي عليا قلته و انتي ديري المناسب خير ما تخسري عيلتك بكل
مريم:تنهدت بحزن 😔😔 … تو نفكر
مجهولة:مش تفكري بنتفذي … هي سلام اطلعي و خودي معاك الباب 😏😏

اني مريم بنت عادية و من عيلة معروفة متزوجة اصيل عن حب و عشت معاه قصة حب قوية و عانيت هلبا باش نوصل فيه و قدرت نحصل عليه بعد معاناة و تو اكثر شي نحبه في الدنيا #يتبع

جميع الحلقات:

  1. رواية ضحايا حلال الحلقة 1
  2. رواية ضحايا حلال الحلقة 2
  3. رواية ضحايا حلال الحلقة 3
  4. رواية ضحايا حلال الحلقة 4
  5. رواية ضحايا حلال الحلقة 5
  6. رواية ضحايا حلال الحلقة 6 والاخيرة

لمشاهدة جميع اعمال الكاتب : روايات ibrahim qurji

اترك رد

زر الذهاب إلى الأعلى