رواية طبيبتي الصغيره الحلقه الثالثه 3 .. للكاتبة أسماء أشرف | القلم الناجح
روايات ليبيه كاملة

رواية طبيبتي الصغيره الحلقه الثالثه 3 .. للكاتبة أسماء أشرف

رواية طبيبتي الصغيره الحلقه الثالثه 3 .. للكاتبة أسماء أشرف

#طبيبتي الصغيره 3

سليمان:شنو كملت التغذيه ولا مزال
نهى:لا خلاص شوي بس…بوي كنه سالم انشالله مافيش حاجه خطير
سليمان:تنهد…احتمال معش يقدر يمشي💔
نهى:بصدمه…كيف معش يقدر يمشي
سليمان:بحزن…الدكتور قال مزالن مش متاكدين من شي لازام ينوضى سالم ونتاكدو
نهى:حطت راسها بين ايديها وتبكي وتدعي ان خوها يكون كويس😭
اما سليمان ناضى من جانب بنتها وماشى شور غرفة سالم وقاعد يشوفله بحسره من القزاز

أسمــــاء أشـــــــرف🔥❤️
روايـــات أســـــــــــماء أشـــــــــــرف
___________________
اما علاء بعد ماواصل بشرى ماشى الحوشهم طوول خاشى ومالقش امها تصلي في الفجر كالعاده استغرب عدا الدراها طق مرتين على الباب ماحدش فتح
بعدين اذكر ان وهو يحط السياره في الجنان برا ماشفش سياره بوها هنا زاد توتر واتصل بي سليمان

علاء:فاتح تلفون لقه مكالمات من بوها تعقدت وران عليه
علاء:ايوه بوي لقيت منك مكالمات ك
سليمان:قاطعه…سايب يلي في يدك وتعالي نحن في المستشفى خوك دار حادث وامك تاخذه في تغذيه وانت سهران مع الشله بتعتك😡
علاء:بصدمه نين عيونه توسعو…جاي جاي مسافة الطريق بس وصكر على بوه من دون مايسمع حتى رده

واصل علاء للمستشفى وماشى شور سليمان شافه وحوال ان يفهم منه كيف صار الحادث
اما نهى وحميده قاعدين جو قسم النساء لان سليمان قاللهم ماتجيش تقعدو قاعدين في الممر ويلي ماشي ويلي جاي يشفولكم

أسمــــاء أشـــــــرف🔥❤️
روايـــات أســـــــــــماء أشـــــــــــرف
_________________________
خاشت بشرى الحوش وهي خايفه واول ماخاشت شافت وعد وساره قاعدين في الصاله يراجو فيها
ساره:اول ماشفتها ماشت تجري شورها…وين كانتي مش قتلك ماتطلعيش عارفه الساعه كم توه الفجر اذان وامك قريب وتنوضى
بشرى:نهرت من البكا قدام اختها وحضنتها
وعد:خذت بشرى جو خايفه امها تسمع صوت بكاها وساره لحقتهم
ساره:بخوف…بشرى شوفيلي كنك تبكي في حد دار فيكي حاجه
بشرى:هزت راسها بمعنى لا لا
وعد:بشرى اهدي واحكيلنا بشوي خيرك تبكي
بشرى:مسحت ادموعها وتمت تحكي الخواتها
ساره و وعد منصدمين فيها كيف كذابت عليهم وطلعت من وراهم
طبعا ساره اضايقت من بشرى وهزبتها وبشرى تحول اترضيها و وعد تهدي في ساره
خاشت كل وحده فيهم سريرها بس كل وحده عقلها مش معها

كانت لليله صعبه على ابطالنا ومافيش حد فيهم متريح وكل وحد يفكر في مشكلته💔

أسمــــاء أشـــــــرف🔥❤️
روايـــات أســـــــــــماء أشـــــــــــرف
________________________
#تسريع_في_الاحداث

بعد مرور اسبوع سالم ناضى وكان شبه ان مش مذكر الحادث وسليمان كل يوم يحوال يصغط عليه هل شاف يلي خبطه بالسياره ولا لا وكانت اجابه سالم مش مذكر…اما عن حالته الصحيه فهو فعلا معش يقدر يمشي الا بالعلاج الفزيائي

بشرى كل يوم تحول اترضي ساره بس ساره مصكره راسها وتقوللها احمدي ربك ان ماصارتش فيكي حاجه وان يلي هاربك كان ولد حلال ماضحكش عليكي…اما ساره كانت ادور على خدمه وشايله هم دواء امها وكيف تبي اتجيبه (ساره مقدرتش اتكمل قرايتها بسبب ظروف العائليه وقتها فاخاشت دورة تدريب علاج فزيائي وفعلا خذات شهاده معتمده من الدوره بحيث لما تطلع وتبي تشتغل تقدر حتى لو ماكنش معها شهاده جماعيه)

علاء كل يوم يخطم على حوش بشرى ويقعد في السياره ويشوف للباب على امل تطلع بشرى ويشوفها ماكنش يعرف ان ساره منعت بشرى من الطلوع🤦🏻‍♂️

جا يوم يلي يطلع فيه سالم من المستشفى وطبعا سليمان مداير عشاء كبير على خاطر ولده والعيله كلها متلمه في الحوش ودايرن جو سمح

خاش سالم للحوش وهو قاعد على الكرسي المتحرك ويمشي فيه خوه علاء سلم على اعمامه وخواله
وبعدين خاشى عشان يشوف امه
حميده:اول ماشافت ولده ماشتله تجري وتبكي
اما سالم يحوال يهديها
حميده:عطيهم كاسره انشالله يموت يلي دار فيك هكي ياما
سالم:يحوال يطمنها…بسيطه ياما كله باعلاج الفزيائي يمشي الواضع الموضوع يبي شوية وقت بس
حميده:اي انشالله ولدي حتكون احسن من قبل بأذان الله
وكمل سالم تسليم على خالتها وعماتها وسطه دموعهن لان سالم صح جدي بس يحبهم واي حد يبي منه حاجه يديره له

رواية طبيبتي الصغيره الحلقه الثالثه 3 .. للكاتبة أسماء أشرف
علاء طالع من زحمه العزومه وراكب في سيارته لحقه جلال وراكب معه
جلال:عجبتني وقت خذيت البنت وردايتها الحوشها
علاء:نحن صح متعودين نراقدو مع خامرات بس بأردتهن وهن يلي يبن احيانا مش نحن يمشي الكلب محمد يجيبلي وحده طاهره وشريفه
جلال:اهد يابرو
علاء:سهل سهل مغير يتم العزومه ويفضى الجو لهم حساب معي
جلال:ضربه على كتفه…وهو هكي يبي يصير
علاء:شنو مانلقوش معك طرف حشيش😂
جلال:بجدي…لا ياراجل تبي بوك يقتلك انت تبي تخش عليه مسطول قدام الخلق كيف اخرى مره
علاء:وووك ماذكرنيش يومها خاشيت عليه في المربوعه وكان عنده اجتماع مع تجار قالتلهم بدال ماتجرو في الحديد تجرو في الحشيش لان توه الحشيش غالي ونا ماعنديش حقه
جلال:😂😂
علاء:بس عارف ولد اتجار يلي كان معه شكله حجبتها الفكره اول ما قالت تجرو في الحشيش ضحكلي نين قريب انشرط فمه😂😂
جلال:جاتني نيه فيه حنمشي نجيبه من السياره متعتي ونجيك
علاء:ايوه هكي بحبحنا😂😉
نزال جلال من سياره وماشى شور سيارته وجاب الحشيش🤦🏻‍♂️وراد السياره علاء وتمو يحششو وسليمان قاعد بين الناس دمه يغلي من علاء عشان هو المفروض يكون واقف جانبه في وقت زي هض

كملت العزومه على خير والناس رواحت وماقعدتش غير اخت حميده(هنيه)هي وبناتها ابرار وغفران
البنات في الدار نهى وابرار وغفران وهنيه وحميده في الصاله وسالم خاشى الداره عشان يرتاح

سالم:ليش مش قادر نذكر منو ضربني الحاجه الوحيده المذكرها هي ان ضربني وعد يحري بالسياره
سليمان:خاشى على سالم…شنو راقد
سالم:لا مزالت
سليمان:خذا كرسي وخله مقابل سالم ويحكي…سالم قولي مزالت مش مذكر شكل يلي ضربك
سالم:لا مش مذكر
سليمان:تنهد…تمام اكيد مع الوقت حتذكر
سالم:انشالله
خذا سليمان بعضه وطالع ودار اتصالته يبي يتاكد هل الناس يلي في عقله هم السبب في حادث سالم ولا لا

اما سالم غارق في هموم ومش عارف هل يقدر يمشي ولا لا
بس السوال هنا هل فعلا سالم مش مذكر ؟باهي هل فعلا معش يقدر يمشي ولا قاعد يمثل على هله والناس!

رواية طبيبتي الصغيره الحلقه الثالثه 3 .. للكاتبة أسماء أشرف
روايـــات أســـــــــــماء أشـــــــــــرف
_________________________
ثاني يوم🌤

بشرى تجهزه في روحها لان تبي تمشي المحل مواد غذائيه وبشرى مصبي فوق راسها تبي تمشي معها
بشرى:هي ساره لي زمان ماطلعت من الحوش تميت محبوسه كيف المراه الارمله لا تطلع لا تسلم لا شي😂
ساره:هض عقاب لك تستاهليها عشان بعد المره تسمعي الكلام
وعد:ساره خوذيها معك فكيني من زانها😒
بشرى:اي ساره فكيها من زاني خوذيني معك😩
ساره:امري لله بري بسرعه البسي
بشرى:باست اختها وماشت تجري تلبس اما ساره ماشت الامها وقالتلها ماشيه نجيب نواقص للحوش واحتمل اطول شوي

طلعو ساره وبشرى وراكبو تاكسي واتجهو للمحل

أسمــــاء أشـــــــرف🔥❤️
روايـــات أســـــــــــماء أشـــــــــــرف
______________________
علاء:ياما خلاص حفظت شنو تبي ليش اتعودي فيهن لي
حميده:ضربته على كتفه…اسكت نعود فيهن لك عشان ماتنسش كالعاده…ولا انقولك اصبري توه غفران بنت خالتك تكتبهن لك في ورقه
علاء:انخلع…لالا شنو ورقه وقلم في متحان نحن خلاص ياما مش حننساه وحنجيبلك يلي تبيها خليني نمشي
حميده:بشك…اممم باه خلاص بري
علاء خذا بعضه وطلع شور المحل

رواية طبيبتي الصغيره الحلقه الثالثه 3 .. للكاتبة أسماء أشرف
بشرى:ماسكه الورقه وتقرا الساره في نواقص وساره تاخذ وتحط في السله
بشرى اول ماقامت راسها شافت علاء توترت ونزالت عيونها

علاء اول ماخش المحل شافها بس مابش يخليها اتشوفها عشان ماتنحرجش منه بس ماقدرش يقيم عيونه من عليها ويلحق فيها بس بدون ماتنتبها

ساره:بشرى خلاص في حاجه اخرى ولا كملنا
بشرى:في عالم ثاني وتشوف العلاء والعضلاته والوجه وملامحه الجديه
ساره:بشرى نحكي معك تسمعي في
بشرى:بأرتبك…ها اا معك كنك
ساره:كملنا ولا في حاجه ناقصه
بشرى:شافت للقائمه…لالا خلاص كملنا نجيبو بس (قطن نساء)
ساره:توه نمشي نجيبه نا خليك مكانك
بشرى:تمام
عدت ساره وبشرى تحوال ماتشوفش العلاء
اما علاء اول ماساره عدت اتجه شور بشرى
علاء:هلا
بشرى:منزال راسها…هلا بيك
علاء:انشالله توه كويس
بشرى:اي الحمدلله بخير
وعام الهدوء على جايت ساره
ساره:بأستغراب…منو حاضرتك
علاء:ارتبك…انا علاء صديق بشرى
بشرى:بصدمه في خاطرها…من امتى هض صديقي
علاء:ماتبو شي بشرى اي حاجه محتاجتها كلميني
بشرى:رافعت حاجبها
علاء:اي صح صح نسيت هكي رقمي قالتلي ان انحذف من عندي صح وغمزلها😉وماشى
اما ساره وبشرى مصدومات ومش فهمت شي
ساره:منو هض
بشرى: هض علاء يلي حكيتلك عليه
ساره:هيييي انشالله هض علاء يحشمتك انشالله بعد يلي دار معك وانقذك مزالتي تحكي معها المفروض تكوني متحشمه منه
بشرى:لالا ولله مانحكي معه هو شافني واقفه هنا بروحي جا وسلم
ساره:متاكده يا بشرى مانبيش حد يحكي علينا ويقول عشان ماعندهنش راجل يدورن على حال شعرهن
بشرى:متاكده مستحيل ندير حاجه تحشمكم
ساره:انشالله خير
وماشو دفعو حق البضاعه يلي خذوها وروح وطول الطريق بشرى تفكر في كلام علاء وليش قال ان هو صديقها وعطها رقمه

اما علاء من لما طالع وهو يضحك زي السكران😂🤦🏻‍♂️

روايات أسماء أشرف

فات يوم يومين اسبوع وسليمان لعند توه يدور في معالج فزيائي كويس و واصى على كم وحد من برا بس الموضوع حياخذ وقت طويل

اما بشرى تفكر هل تكلم علاء ولا لا وفي نفس الوقت خايفه من ساره لو تعلم ان كلمته لان ساره قالتلها ماتكلميش بس وعد قاعده فوق راس بشرى وتبيها اتران بيش اتقول العلاء يدرلهم على خدمه البشرى
وعد:تي راني كنك خايفه هكي انتي مش حتقوليله تعال اجوزني انتي حتطلبي منه خدمه
بشرى:خايفه من ساره تهزب قالتلي ماتكلميش
وعد:تي انتي مغير كلميه وساره ماعليك فيها
بشرى:هكي رايك
وعد:نا رايك هكي من زمان ولو علاء عطني الرقم نا راني كلمته من يومه
بشرى:امري لله توه نران وانتي راقبي ساره
وعد:تمام هي كلميه
بشرى:حطت على رقم علاء وضارب الخط وفاتح عليه علاء…الو معي علاء
البنت:
بشرى:😨
يتبع

لمشاهدة جميع اعمال الكاتبة : روايات أسماء أشرف

اترك رد

زر الذهاب إلى الأعلى