رواية طبيبتي الصغيره الحلقه الثانيه عشر 12 .. للكاتبة أسماء أشرف | القلم الناجح
روايات ليبيه كاملة

رواية طبيبتي الصغيره الحلقه الثانيه عشر 12 .. للكاتبة أسماء أشرف

رواية طبيبتي الصغيره الحلقه الثانيه عشر 12 .. للكاتبة أسماء أشرف

 

طبيبتي_صغيره 12وماقبل الاخيره

لايك وتعليق بنات🔥

ومر الوقت وراحت ساره للحوش
ساره:ها ياما احكيلي من يلي جاي
مبروكه:بفرحه…عرب جايين يخطبوك
ساره:بصدمه…شنو عرب جايين يخطبوني
مبروكه:حظنت ساره…فرحانه صح حتى نا فرحانه واخيرا بنتريح عليك
ساره:لما شافت امها فرحانه هكي ماحبتش تنكد عليها لكن كانت مصره ان مستحيل تجوز توه
مبروكه:يلا البسي و واتي روحك نا و وعد طلعن في صباح وجبنه كل حاجه
ساره:هزات راسها بمعنى تمام
طلعت مبروكه وساره خاشت خذات دوش ساخن طلعت ولبست قونه لونها وردي هادي وبلوزه بيضه فيها ورد وردي ورفعت شعرها فوق ونزلت شوية خصلات من شعرها ودرات مكياج خفيف كانت طالعه حلوه بكل معنى الكلمه❤️🔥
مر الوقت واذن العصر وطق الباب
وعد:توه نفتح نا وناضت فتحت الباب وسلمت عليهم
وخششتهم جو قبلتهم مبروكه سلمت عليهم وخشو قعدو في دار المعيشه خاشت وعد على ساره
وعد:هي ساره تعالي سلمي عمتك المستقبليه تسال عليك😂
ساره:تنهدت…فكيني من كلام هض وعد
وعد:ههه نجيلي المتحشمه…يعوينك تبي تجوزي وتهيمي في العسل🤤
ساره:بعصبي…وعد
وعد:باهي باه خلاص سكتت هي صبي
ساره:صبات…وين بشرى
وعد:وين يعني حباسه روحها في دار تبيش تطلع
ساره:هزات راسها وطلعت سلمت عليهم وهنا كانت صدمتها
فايزه:تبارك الله على وجهه سمح يلي يبي يصبح بيه ولدي…شنو ساره عرفتيني نا حضرت فاتحة نهى وشافتك غادي وعجبتيني وحتى ولدي شافك وانتي عجبتيها
ساره:اها عمتي عرفتك
فايزه:نا يا مبروكه ولدي يخدم وعنده سيارة وبشقته و واضع تمام تمام ناقصه غير بنت الحلال يلي تصونه وتملا عليه حياته
مبروكه:ونحن مانلقوش احسن منكم
فايزه:وطبعا هو يبي يشوفه لما يبي يجي ياخذني بعدين
مبروكه:مرحبتين بيه
فايزه:سلمك…وكملو هدرزه
طبعا ساره ماكنتش تعرف ان يلي جاي يخطب فيها هو هو صاحب سالم يلي شافته يوم فاتحة نهى وحكت معه🤦🏻‍♂️

أسمــــاء أشـــــــرف🔥❤️
روايـــات أســـــــــــماء أشـــــــــــرف
علاء:شنو قالتي يلي قتلك عليه
نهى:اها تمام بكرى انشالله اتجي
علاء:تمام وجاه يبي يطلع كلمته نهى
نهى:علاء
علاء:التفتله…ها يا همي
نهى:قربت منه…متاكد من يلي داير فيه
علاء:ابتسم…هذي اول مره في حياتي نكون متاكد كيف توه
نهى:انشالله تصونها البنت كويسه يا علاء
علاء:طبطب على خدها وابتسم وطلع
نهى:تنهدت…ربي يهديك يا علاء ولله وجات يلي تعقلك

أسمــــاء أشـــــــرف🔥❤️
روايـــات أســـــــــــماء أشـــــــــــرف

فايزه:يلا مع سلام توه
مبروكه:خليك فايزه مزال بدري
فايزه:مره اخرى انشالله
وران وليد عليها
فايزه:ها برا
وليد:اها شنو نخش نشوفها
فايزه:اها خاشى تراجى فيك
وليد:تم
نزال وليد وطق على باب وفتحتله وعد
وعد:تفضل وليد
وليد:خاشى للمربوعه ويراجى في ساره
مبروكه:هي خاشى ساره
فايزه:خاشي ساره متاخفيش
صبات ساره وحطت وشاح على راسها وخاشت
ساره:طقت على باب بشويش
ساره:منزاله راسها…سلام عليكم
وليد:وعليكم سلام ومدله يده
ساره:مدت يدها وهي ترجف و وليد يضحك عليها وهي خايفه خاشت ساره وقعمزت بعيد عنه
وليد:شنجو ساره
ساره:بتوتر…اء تمام
وقعدو ساكتين فتره
وليد:ساره انتي موافقه علي
ساره:نصدمت من سواله…ومعرفتش ايش تقول
وليد:ردي ساره نبي نسمعها منك
ساره:اء
مبروكه:سلام عليكم
وليد:عليكم سلام كيف حالك عمتي
مبروكه:الحمدلله بخير ولدي كيف حالك انت
وليد:لما شافتك توه نا بخير
مبروكه:تسلم
وخاشت فايزه
فايزه:شنو ساره عجبك وليد
ساره:انحرجت على الاخير وستأذنت منهم وطلعت
فايزه:ههه انحرجت شنو نمشو وليد
وليد:هي ياما تاخرنا
مبروكه:انستو وشرفتو
فايزه:بيك وانشالله مره جايه نتلاقو في فاتحه
مبروكه:ههه انشالله وانتي طيبه

أسمــــاء أشـــــــرف🔥❤️
روايـــات أســـــــــــماء أشـــــــــــرف

بشرى:قاعده على سرير وعيونها متورمات من البكا
بشرى:شنو وافقتي ساره
ساره:تمسح في مكياج…مزال
بشرى:عجبك
ساره:بشرى نبيش نحكي…خاطرها راه نهى تبيك قالتلي خلي بشرى تجي معك بكرى
بشرى:لالا ماعنديش نيه
ساره:التفتتلها…وعليش بشرى حرام البنت دز عليك تبيك
بشرى:يصير خير من هنا البكرى

أسمــــاء أشـــــــرف🔥❤️
روايـــات أســـــــــــماء أشـــــــــــرف

جلال:شكلك مكبد رسمي انت
علاء:وربي ماعمر وحده درات في هكي
جلال:وجاه اليوم يلي طحت فيه
علاء:ههه فرحان طبعا انت
جلال:قريب نصبي نراقص من الفرحه
علاء:هههه ماتفرحش في واجد انت بروحك حيجيك يوم وطايح اشر من طيحتي
جلال:وينها بنت امها يلي داير هكي بس😂
علاء: ههه قريب قريب وانت مستعجل
جلال:مليت ياراجل ونا من وحده الوحده نبي نرسى على بر
علاء:😂 ربي يهديك
جلال:لالا ربي هديني ادعي ربي يجوزني توه
علاء:رافع يديه لسماء…يارب جوز جلال وريحني منه
جلال:هههه مقبوله منك يا عسل
علاء:لا فتحيه😂
جلال:انت عقلك طار برسمي
علاء:منها هي طيرته لي
جلال:العقبالي
علاء:طبطب على كتافه وابتسم

أسمــــاء أشـــــــرف🔥❤️
روايـــات أســـــــــــماء أشـــــــــــرف

#ثاني_يوم🌝

ناضت ساره بدري وفطرت ولبست و واعت بشرى عشان تمشي معها وطبعا بشرى بالغصب صبات ودوشت ولبست وطلعنا هنا الاثنين

سالم:صار العمليه اليوم في لليل
وليد:تقدر تقول على ساعه8 اخر كان هم تاخرو وماوصلو للمكان محدد
سالم:تمام نحن قبل ساعه8 نكون غادي
وليد:تمام …تذكر البنت يلي حكيتلك عليها
سالم:رافع حاحبه
وليد:قصدي دكتوره يلي تعالج فيك
سالم:بنتبه…كنها
وليد:بأبتسامه…امس خطبتها
سالم:نزالت عليها الكلمه زي البرقه
وليد:تعرف يا راجل فيها جمال يخليك غصب عنك تشوفلها ملامحها يقتلنا قتل🤤
سالم:يسمعهله ويفنص فيه
وليد:خبطه على كتافه:شنو مافيش مبروك
سالم:من دون مايشوفله…مبروك
وليد:كنك تقول فيها وانت قالب وجهك ولا خايف تلهى عنك ومعش تعرف تعالجك بسببي😉….هههه متاخفش مش حنخليها تسيب شغل الا لما تكون كويس
سالم:هزا راسه ويدخان بقوه من العصبيه

أسمــــاء أشـــــــرف🔥❤️
روايـــات أســـــــــــماء أشـــــــــــرف

نهى:باهي عدا يا حنه كنك قالبه وجك
بشرى:ابتسمت بالغصب
نهى:شنو تبيش تحكي
بشرى:ولله مزالت تعبانه
نهى:انتي يلي متعابه روحك بروحك مافيش حاجه تستحق انك تزعلي عشانها
بشرى:تنهدت وقعدات ساكته اما نهى تمت تناصح فيها وبشرى تسمعلها

رواية طبيبتي الصغيره الحلقه الثانيه عشر 12 .. للكاتبة أسماء أشرف

وليد:صبا…ماتبي شي
سالم:سلمك
وليد:سلام
طلع وليد ولقى ساره قدمه تجبد في تغطيه عشان تكلم وعد
وليد:اووو حظي سمح اليوم عشان شافتك
ساره:التفتت…وليد
وليد:اها وليد شنجو ساره
ساره:منزاله راسها…تمام وانت
وليد:بخير لما شافتك
ساره:هزات راسها
وليد:شنو مطوله اليوم هنا
ساره:مش عارفه
وليد:اها
وران تلفون ساره وتلقها وعد ردات عليها
و وليد مركز فيها وهي تحكي نين ساره ارتكبت
ساره:تمام وراك تنسي موعد دواء ماما
وعد:لا تمام سلام توه
ساره:سلام
وليد:شنو معناها مطوله اليوم
ساره:مرات يمكن
وليد:جا يبي يحكي ران تلفونه
وليد:اوو مش وقته بكل …تبي شي ساره
ساره:سلمتك
وطبعا سالم واقف ورا الباب ويسمع فيهم
طلع وليد وساره جات تبي تخش ماسكها سالم وطلع بيها يحري ورا الجنان وخشو البدروم

أسمــــاء أشـــــــرف🔥❤️
روايـــات أســـــــــــماء أشـــــــــــرف

نهى:هههه اسفه نفختلك راسك اليوم😂
بشرى:بالعكس رايحتيني وخليتني نعرف ان مافيش حاجه تستاهل نزعل عشانها
نهى:هو ده على قولت علاء
بشرى:تألمت لما سمعت اسمه
بشرى:صبات…نبي نخش الحمام
نهى:تمام عدي نراجى فيك
طلعت بشرى من دار وهي خاشه للحمام يمسكها علاء ويخششها داره
علاء:حط يده على فم بشرى….اششششش

رواية طبيبتي الصغيره الحلقه الثانيه عشر 12 .. للكاتبة أسماء أشرف

عزيز:اسمعي راه خلاص نا معش نقدر نتحمل بعد شهر حنطلع الفرح
نهى:ههه عزيز كنك دنيا مش طايره
عزيز:لا عندي نا طايره خلاص عدا زي ماقتلك بعد شهر الفرح سو تبي ولا ماتبيش
نهى:ههه امر الله
عزيز:نجيلي ضحكه…وكملو هدرزه

أسمــــاء أشـــــــرف🔥❤️
روايـــات أســـــــــــماء أشـــــــــــرف

مبروكه:شنو وعد ساره ماحكتش معك على وليد
وعد:تلعب بتلفون…لا يا ماما محكتش معي
مبروكه:باهي مالمحتلكش انها موافقه عليها
وعد:نيفر
مبروكه:احكي كويس يا بت
وعد:تؤ اوووق خسرت…لا يا ماما ماحكتش عليه وشكلها ماتبيش
مبروكه:هيييي كيف ماتبيش وين تلقه كيفه
وعد:في سووق جمعه😂
مبروكه:وعد
وعد:باهي باه خلاص…بس يا ماما لو هي رافضته ماتزريش عليها
مبروكه:يا حشمتي قدام العرب
وعد:كملت لعبه ولما تفوز تعيط وتفجع في امها😂🤦🏻‍♂️

رواية طبيبتي الصغيره الحلقه الثانيه عشر 12 .. للكاتبة أسماء أشرف

ساره:فكت يدها من يد سالم وتحكي بعصبي…كنك انت كل مره ديرلي موقف مش تمام وبعدين كيف مصبي هكي مش خايف من حد يجي ويشوفك ويكشف سرك

سالم:بعيط…اسكتي ساره اسكتي مانبيش نسمع صوتك
ساره من خوفها غمضت عيونها بسرعه
سالم:قرب منها بسرعه ويحكي بغل…كيف اديري هكي ساره دمرتيني وربي
ساره:ايش درات فهمني
سالم:ضحك على جانب…يعني مش عارفه
ساره:بأنفعل…لا مش عارفه
وليد:وافقتي عليه ولا مزال
ساره:منو هو
سالم:من يعني كيف في حد غيره نحكي على وليد ساره
ساره:وانت ايش عرفك
وليد:كيف ماتبنيش نعرف
ساره:لا مش هكي بس مانبيش نقولها لحد الا لما ناخذ قراري
سالم:قرارك
ساره:ساكته ومش عارفه سالم في ايش يفكر
سالم:يقرب من ساره ويشوف العيونها…يعني موافقه
ساره:تحول تبين انها عادي وتوخر…وعليش مانوفقش…وتحول ماتشوفش العيونه
سالم:محصرها بيديه الاثنين ويقرب منها بشوي…وهكي مزالتي موافقه
ساره:ارتكبت وساكته
سالم:قرب اكثر…باهي وهكي
ساره:بخوف وتوتر…سالم باعد
سالم:لصق فيها ويحكي بصوت واطي…وهكي
ساره:ترعشه ودف فيه بشوي بس هو طبعا اقوى منها🤷🏻‍♂️
سالم:نازال على فمها وقرب…وهكي
ساره:حاست ان خلاص يبي يصير بينهم شي غمضت عيونها
سالم:ابتسم لماشافها غمضت عيونها قرب منها ويحكي بصوت هادي
سالم:عندي ان ندفنك ونحطك تحت تراب ولا تكوني الغيري
ساره:رافعت عيونها وتلاقو عيونها مع عيون سالم
سايبها سالم وجاه يبي يطلع وبحركه سريعه يبرم شورها ويقرب منها
سالم:نحبك ساره نزال على فمها وباسها بوسه حلوه وعميقه🔥❤️
حس سالم بدموع ساره لان كان مقرب منها واجد وبدا يبعد عنها بشوي
سالم:انتي لي توه خلاص انتي عليك ختامي توه مافيش حد يقدر ياخذك مني وطلع وسايبها
اما ساره تبكي من غير صوت ومش عارفه هل تفرح ولا لا🤷🏻‍♂️

أسمــــاء أشـــــــرف🔥❤️
روايـــات أســـــــــــماء أشـــــــــــرف

بشرى:حولت يد علاء من فمها…كنك انت
علاء:اششش بشرى ماتحكيش عارف ايش تبي تقولي وايش عندك
بشرى:رافعت حاجبها
علاء:اها بشرى عارف بس انتي مش عارف الحقيقه وظلمتني
بشرى:لا مش ظلمتك علاء
علاء:حط صوابعه على فم بشرى…خلاص قتلك نا نبي نحكي وانتي اسمعيني وبس
علاء:تنهد…طبعا نا وانتي عرفينا ان يلي دزتلك التسجيل ابرار بنت خالتي
بشرى:اها وانت
علاء:يحكي بهدوء…خلاص بشرى انتي فاهمه غالط خليني نفهمك صح
بشرى سكتت وتراجى فيه يكمل
علاء:وطبعا انتي سمعتي اني نا نقوللها نحبك ومن الكلام هض صح بس كله غالط بشرى وفتح تلفونه وحط على تسجيل بينه وبين ابرار
وبشرى تسمع وتسجيل كان فيه
ابرار:ههه اها نا يلي خشيت عليك وانت راقد وطيحتك في كلام
علاء:ههه درتي هض كله عشاني
ابرار:اها حبيبي
علاء:باهي احكيلي كيف طيحتيني
ابرار:نا سالتك قتلك انت تحبني قتلي لا قتلك انت تحب بشرى قتلي اها نا نحب بشرى بعدين نا سالتك قتلك انت تحبني نا ابرار قتلي لا نا نحبك كيف اختي ونا في لحظه هذي سجلتك وانت تقول فيها
علاء:تقدري كلا انتي
وكمل التسجيل
علاء:ها صدقتي توه
بشرى:حط يدها على فمها وتحول تستوعب الكلام
علاء:مافيش حد يقدر يفرقنا
بشرى:تبكي…اسفه ان ماجيتش سالتك وظلمتك
علاء:حظنها…اششش خلاص حبيبي
بشرى:نا قالت هي اكيد درات هكي عشان تحبك وتبي تحفظ عليك مني
علاء:هههه انو حب بشرى يلي تحكي عليه
بشرى:اسفه اسفه
علاء:قرب من وجهه…خلاص حبيبي مانبيش نشوف دموعك…نحبك
بشرى:ونا نحبك
علاء:واخيرا قلتيها
بشرى:هههه
علاء:اسمعي حبيبي يوم الخميس وتو اروحكم جايينكم ضيوف
بشرى:رافعت حاجبها…ضيوف انو ضيوف
علاء:ناس جايين يخطبو فيك وغمزلها😉
بشرى:ههه توه غير فهمتك
علاء:هبله…خاطرها هكي تلفونك
بشرى:هيييي كيف جا عندك
علاء:وعد عطت لي لان قالتلي بشرى قبل مايغمى عليها كانت تحكي بتلفون فانا قلتلها جايبي لي لاني عرفت انك سمعه حاجه مش تمام
بشرى:عارف نا نسيته بكل مسالتش عليه بكل
علاء:هههه هبله اصلا
بشرى: حظنته و ابتسمت براحه❤️

أسمــــاء أشـــــــرف🔥❤️
روايـــات أســـــــــــماء أشـــــــــــرف

مر الوقت وروحن ساره وبشرى
وبشرى كانت فرحانه وطايره من الفرح اما ساره غارقه في همومها ومش عارفه ايش دايره🤷🏻‍♂️

اما علاء حكا مع حميده على بشرى وقاللها ان يبي يخطبها وهي فرحت وقالتلها يوم الخميس نمشي نخطبها لك

رواية طبيبتي الصغيره الحلقه الثانيه عشر 12 .. للكاتبة أسماء أشرف
جا صباح و واعت ساره فطرت ودوشت و وصلت حوش سليمان وخاشت ولقت حميده ونهى يتبكن

ساره:ايش في نهى كنك تبكي
نهى:تبكي…سالم سالم يا ساره
ساره:انخلعت…كنه سالم
نهى:مش قاعد والغريب ان الكراسي متعه قاعد جو
ساره:كيف
نهى:تبكي وتهدي في امها
اما ساره قعمزت ودموعها ينزالن وتذكر في كل لحظه بينها وبين سالم

سليمان وعلاء يدورو على سالم بس مافيش فايده
والاقراب لما علمو كلهم جو حتى مبروكه و وعد وبشرى جو عشان يصبرو حميده وشباب العايله يدورو في مستشفيات واقسام الشرطه حتى على الحدود حطو اسمه بس مافيش اي خباره على سالم

ساعه 1 في لليل ساره تودع في امعا و وعد وبشرى في
وعد:خليك انتي مع نهى البنت متعلق بيه
ساره:بصوت مخنوق…تمام
مبروكه:اي بنتي خليك معها ونا في صباح توه نجيه بدري
ساره:تمام
بشرى:خلي عينك من روحك ساره
ساره:هزات راسها
وطلعت بشرى و وعد ومبروكه وراكبن مع ولد عمت سالم

_________________
عدن 4 ايام والعايله حالتها نفسيه مدمره وكلهم يدورو على سالم بس بدون فايده
وفي يوم
ساره:شنو راقدات
نهى:تنهدت….اها بالغصب راقدت
ساره:عدي حتى انتي ارتحي شوي
نهى:لالا بس نبي نخش ندوش
ساره:تمام
خاشت نهى للحمام(حشاكن)
وساره خاشت ادير في قهوه وحاست ان في حركه في الحوش بس معدلتش وقالت يمكن اتوهم لان لها كم يوم مش راقده كويس
ساره:تشرب في ميه وفجأ تجي يد على كتافها
ساره:طيحت الكبايه من الفجعه ورافعت راسها ونصدمت كان سالم واقف وراها وبين ان مش راقد وعيونه بين فيهم اتعب ودبشه مبهدل
ساره:بصدمه…سالم

رواية طبيبتي الصغيره الحلقه الثانيه عشر 12 .. للكاتبة أسماء أشرف

لمشاهدة جميع اعمال الكاتبة : روايات أسماء أشرف

اترك رد

زر الذهاب إلى الأعلى