رواية طبيبتي الصغيره .. للكاتبة أسماء أشرف | القلم الناجح
روايات كاملة

رواية طبيبتي الصغيره .. للكاتبة أسماء أشرف

جميع حقوق الطبع والنشر محفوظة

رواية طبيبتي الصغيره للكاتبة أسماء أشرف

#طبيبتي_الصغيره 1

سالم:نسمع في صوت هرجه وناس تقول لا اله الا لله وناس تقول حاولو اطلعوه بسرعه ونا مش حاسس بشي وشوي شوي الصوت بدا يختفى نين معش نعلم بشى💔

أسمــــاء أشـــــــرف🔥❤️
روايـــات أســـــــــــماء أشـــــــــــرف
________________________
حميده:خشت على علاء توعي فيه وكالعاده كانت الساعه متاخره🤦🏻‍♂️
حميده:قعمزت على طرف السرير وتهز في علاء…نوض علاء مش سدك نووم نوض
علاء:راقد ولا يجيب عليها علم😴
حميده:صابت فتحت الروش بيش تخش الشمس
علاء:اضايق من ضي الشمس…تؤتؤتؤ ويحكي وهو مغمض عيونه…ياما كنك من على بكرة الصباح
حميده:لاماكنيش ساعه 2وانت مزالت راقد
علاء:ماهو اليوم جمعه وانتي عرفتني نحب نطول فالنوم خصوصا يوم الجمعه😁
حميده:ضحكت بهزوه…يوم جمعه بس انت الايام كلهم تخمخم لعند ساعه2 و 3
علا:حتى على هذي حسديني🥺
حميده:كلنا نراقدو زيك عليش نبو نحسدوك😂…يالله سلم وليدي نوضى تغدا وصلي
علاء:صبى من السرير وباس يد امه…حاضر يا غاليه
ومشى خاش الحمام ادوش ولبس وتعطر وتغدا وطلع كالعاده ومش معروف امتى يروح🤷🏻‍♂️

علاء:شاب صايع وبتع بنات وكل مره من بنت البنت وبتع مشاكل يحب يضرب ومايفكرش في شي غير ان يسافر ويهيج مع صحابه …بس ديما يحب يطلع روحه قدام امه ان برئى 🙂موصفاته اسمر وشعر ناعم ولحيته خفيف وملامحه جديه ومش ماشي مع تفاهته بالمره🤦🏻‍♂️

أسمــــاء أشـــــــرف🔥❤️
روايـــات أســـــــــــماء أشـــــــــــرف
________________________

ساره:صكرت شيشه الدواء…بالشفاء انشالله
مبروكه:كانت تشوف البنتها بعيون مدمعات…انشالله 💔
ساره:كنك ياما حسيتك مش تمام فيك شي
مبروكه:طول عمري ونا مشغوله عليك انتي وخواتك خاطري نتريح عليكن
ساره:باست يد امها…متنشغليش علينا ياما انا وخواتي قد اروحنا وبعدين هن خلاص كبرن ومش صغار
مبروكه:مهم كبرتن حنقعد نخاف عليكن…المهم معندكش خدمه اليوم
ساره:لا اليوم جمعه معنديش
مبروكه:باه احسن بيش اتريحي شوي
ساره:ابتسمت الامها وسيبتها تقرا في قران وطلعت من الدار وهي خايفه من يلي جاي💔

ساره:بنت طيوبه ومعندهش على الخبث يلي يشوفها يعطيها اصغر من عمرها لان موصفتها سمر شوي وعيونه عسليات وشعرها عسلي ناعم لنص ظهرها وملامحها طفوليه🤤عايشه مع امها مبروكه وخواتها وعد وبشرى تشتغل دكتوره فزيائيه ومع باقي الحلقات حتفهمو يعني ايش دكتوره فزيائيه

أسمــــاء أشـــــــرف🔥❤️
روايـــات أســـــــــــماء أشـــــــــــرف
_____________________________

علاء:يلف في طرف حشيش🤦🏻‍♂️…كذا كلمنا وحده من الخامرات ندير عليهن دوره قبل نروح
يوسف(صاحبه):مافيش داعي نكلمهن لان اليوم في سهره عند جلال في المزرعه وجيبي كم طرف مغربي😉
علاء:ضربه على كتفه…اهو ده الكلام يلي عاوز اسمعو
يوسف:نعجبك
علاء:قعد يدخن ويدخن ويشرب نين تمه سكران رسمي
يوسف:يتفرج عليه وساكت كأن عجبه واضع صاحبه مثلا🤷🏻‍♂️
يوسف:ها جلال …اهو معي…خلاص مسافه الطريق ونكونو عندك
علاء:وهو سكران…شنو نمشو
يوسف:التفتله:اها هي …وخذا جلال علاء ومسكه كويس عشان مايطحش وركبو سياره وطوول للمزرعه
وماحدش كان عارف شنو ممكن يصير معهم غادي🤷🏻‍♂️

أسمــــاء أشـــــــرف🔥❤️
روايـــات أســـــــــــماء أشـــــــــــرف
___________________________

بشرى:ونبي ساره خمسه دقايق ونكون فالحوش ونبي😫
ساره:لا يعني لا توه مغرب كيف تبي تطلعي انتي لا وماتبيش ماما تعرف
بشرى:ماما مش حتعرف طول ما انتي ساكته
ساره:مستحيل نخليك تطلعي في الوقت هض
بشرى:اووف…وناضت من حذا اختها تكلم في حبيب القلب عشان تقول مش حتقدر اتشوفه
محمد:بعيط…كيف يعني مايصارشي كيف
بشرى:محمد وطي صوتك قتلك ساره كذبت عليها وقالتلها ماشي الايمان نقرا ومابتش ايش ندير نا
محمد:دبري راسك…بشرى اطلعي من ورا ساره مافيش داعي تشوفك
بشرى:مانقدرش توه تفقدني
محمد:خلاص امالا معش تشوفي وجي
بشرى:لالا خلاص توه نطلع امري لله
محمدتمام نراجى فيك …سلام
بشرى:صكرت من محمد وهي خايفه تنهدت وحولت اتلهي ساره بكم حاجه في الحوش وطلعت من باب الكوجينه

بشرى:ملامحها يهبلن فما وردي وصغير وشعرها ناعم بس قصير لونه على بني عيونها سود كبار طويله وجسمه خيال تقرا ثالثه ثانوي

طلعت ساره وماكنتش عارفه حجم الكارثه يلي حتصير معها🔥

أسمــــاء أشـــــــرف🔥❤️
روايـــات أســـــــــــماء أشـــــــــــرف
________________________
نهى (اخت علاء):حطت الشاي قدم بوها وامها
سليمان(اب علاء):سلمها بنيتي الناشطه
مبروكه:اي ولله سلمها
نهى:ابتسمتلهم وخشت الدرها تحكي مع خطيبها
سليمان:مش كأن سالم طول اليوم في الخدمه
مبروكه:اي ولله ياحاج قلبي قابضني عليه طول اليوم ماكلمنيش
سليمان:احسن خليه يكون روحه بروحه مش كيف خوه كل مره محشم بي قدم الخلق
مبروكه:ربي يهديه وخلاص…وكان عقله مشغول على سالم وحاسه ان صارت معه حاجه قلب الام مافيش زيه❤️

سالم:ولدهم الكبير متخرج من كليه هندسه وحاليا يشتغل على مشروعه موصفته ابيض شعره غزير لونه اسود ولحيته تجنن وجسمه رياضي🤤جديه عكس خوه علاء تماما فعلا البطن تجيب الزين والعطيب

أسمــــاء أشـــــــرف🔥❤️
روايـــات أســـــــــــماء أشـــــــــــرف
____________________________
ركبت بشرى في سياره محمد
بشرى:اهو جايتك كنك ايش تبي
محمد:كنك حبيبتي ارخي روحك نبي نشوفك مرايفلك
بشرى:محمد بسرع احكي ساره اكيد فقدتني
محمد:حط يده على خصله من شعر بشرى طالعه من الوشاح
بشرى:تعصبت ونحت ايد محمد من عليها…محمد نبي نمشي خلاص مش شافتني …وجات تبي تنزل محمد مسكها من يديها
محمد… على وين يا حلوه ماصدقت جا اليوم هض😈
بشرى:بخوف…اا
محمد…قبل ماتكمل كلامها حط على خشمها قماشه وفيها مخدر
بشرى:خلاص شبه ان اغمى عليها ومعش تعلم بشي
محمد:طالع بيها وهو في قلبه فرحه كبيره

أسمــــاء أشـــــــرف🔥❤️
روايـــات أســـــــــــماء أشـــــــــــرف
______________________________

علاء وجلال وصلو للمزرعه اول ماخشو خذوها على طوول هيج مع البنات ودخان واغاني ويراقصو وماحدش واعي على روحه في ايش يدير

شوي وخش وحد وكلهم شفوله ومنصدمين …علاء وقته كان طايح على الصالون وراقد وميعلمش ايش يبو يديرو فيه صحابه🤷🏻‍♂️
ت
أسمــــاء أشـــــــرف🔥❤️
روايـــات أســـــــــــماء أشـــــــــــرف
____________________________
سليمان:ناضى من نومه على صوت تلفونه يران…الو …اي انا سليمان موسى…ايش…نص ساعه ونكون عندك…وناضى مخلوع يغير في دبشه
مبروكه:ناضت من ضي الدار…العفو خيرك تلبس وين ماشي
سليمان:ماردش عليها ويحول يتصل بعلاء لكن علاء تلفونه صامته
مبروكه:سليمان نحكي معك نا وين ماشي فالوقت هض
سليمان:كلمني وحد وقالي ان سالم دار حادث
مبروكه:😨يتبع
بنات هذي اول روايه لي قيمو القدر❤️🔥

جميع حلقات الرواية :

  1. رواية طبيبتي الصغيره الحلقه 1

  2. رواية طبيبتي الصغيره الحلقه 2

  3. رواية طبيبتي الصغيره الحلقه 3
  4. رواية طبيبتي الصغيره الحلقه 4
  5. رواية طبيبتي الصغيره الحلقه 5
  6. رواية طبيبتي الصغيره الحلقه 6
  7. رواية طبيبتي الصغيره الحلقه 7
  8. رواية طبيبتي الصغيره الحلقه 8
  9. رواية طبيبتي الصغيره الحلقه 9
  10. رواية طبيبتي الصغيره الحلقه 10
  11. رواية طبيبتي الصغيره الحلقه 11
  12. رواية طبيبتي الصغيره الحلقه 12
  13. رواية طبيبتي الصغيره الحلقه 13 والاخيره

 

لمشاهدة جميع اعمال الكاتبة : روايات أسماء أشرف

اترك رد

زر الذهاب إلى الأعلى