رواية قضية شرف الحلقة الخامسه 5 للكاتبة زهور جمال الدين كاملة | القلم الناجح
روايات ليبيه كاملة

رواية قضية شرف الحلقة الخامسه 5 للكاتبة زهور جمال الدين كاملة

رواية قضية شرف الحلقة الخامسه 5 للكاتبة زهور جمال الدين كاملة

#قضية_شرف

🌹🌷بقلم زهور جمال الدين 🌷🌹
🍁الحلقه الخامسه🍁

-كمال / انا فى الصالة الحقينى

-امينه بسعاده / باهى شوى ونلحقك

طلع للصاله …

قعمز عالصالون ……

وايخمم…لاعارف يفرح لا عارف يحزن … بعد ما اتفق مع عمه صعب ايوخر ..

عمه رضخ لتهديدده …والخطه اللى دارها نجحت ..صعب يتراجع … وصعب يطلق امينه

التخمام وجعله راسه …

جت امينه تمشى بحشمه …

لابسه قفطان بسيط ابيض فى الموف ..وفاتحه شعرها

كمال يشبحلها وساكت

-حطت قصتها ورا ودنها وواطت راسها / خيرك تشبحلى
-كمال باعجاب / عندك علم انى كل يوم نشبح فيك احلى ماللى قبله

-امينه بابتسامه فرح / بالحق
-كمال حط يده على خدها / الحق انك عجبتينى يابنت الناس

امينه واطت راسها متحشمه

حط يده على راسها وضمها لصدره / تعالى
قربت منه امينه وغمرها بايديه الزوز

كمال دارت بيه الدنيا ..كان متوقع ان يومين والموضوع ينتهى ..ماتوقعش البنت تعجبه

عقله فى موضوع طلب حق بوه من عمه

-كمال/ طلب الحقوق فيها عيب…يعنى لو انا طلبت حقى فيها زعل
-امينه مبتسمه /طبعا مافيهاش زعل

هوا يتكلم على حقوقه فى ورثه جدهم وهيا تحسابه يحكى على حقوقه فى النوم معاها

ولفى بينا يا دنيا

سمعو صوت حركه فى الحوش

-امينه / شكلها عمتى سالمه تعول بروحها …خلى نمشى نعاونها ونحط الغدى

-كمال مسك ايديها / بتسامحينى
-امينه حايرة / على شنو

-كمال بحزن / بري عاونى امى توة وبعتالى ساهل

وطلعت من شقتها.. خشت لشقه حوش عمها

___________________________________

فى حوش مختار

مربوعه حوش مختار تملى وتفرغ بالاقارب والمعارف والجيران
الكل جاى ايحمد بالسلامه …

حاطتلهم نوريه ترمس شاهى وطواسى ومترد فيه كعك

ومختار ايخمم …ولا كأنه قاعد مع الناس

راقد على ضهره …وحط يده على جبهته …

ويخمم/ سريفه ناتنه ..طالع لبوه بيطراديه

وتلفت للحيط / لكن حتى انت غالط يا مختار..تعطى بنتك

لكمال مكرة فى مصطفى اهم طلعو عصابه ومتفاهمين مع بعضهم

ودمعو عيونه / انا ماواجعنى غير امينه بنتى … والله

ماتستاهلش .. عركه بين الخوت ومشت هيا فى الرجلين

-عبدالرحيم / بوى دواك توة

-مختار / هات

_______________________________

امينه فى المطبخ اضم فى اماعين عقاب الليل متع اكرم

تسمع فى ايمن اينادى / يااام وين الفطور

-سالمه / هيا اوليدى انكمل اللى فى يدى ونديرلك

جى للمطبخ يحساب امه فيه

تفاجأ بى امينه واقفه

-ايمن / صباح الخير

-امينه بحياء/ صباح النور خوى ايمن ..كيف حالك

تفاجأ ايمن بكلمه خوى / الحمدلله كيف حالك انتى

-امينه / نديرلك فطور

-ايمن تحشم / علاش نتعبو فيك ..اهو تو تجى امى اديرلى

-امينه / لااا مفيش تعب ..تعبك راحة

مشى ايمن للصاله..ودارتله امينه امينه سندوتش بالدحى
ومعاه عصير وحطت الشاهى عالنار

رفعتهوله حطاته عالطاولة

-اايمن / شكرا

-امينه / العفو

جى كمال / صباح الخير

-ايمن / اهلين كمال صباح النور

تلفت لامينه / كملتى عوالة

-امينه مبتسمه / لا مزال شوى

ايمن لاحظ الابتسامه والانسجام …ومزال فى خاطره مش راضى عليها تمام التمام

خشت للمطبخ ..

ومشى وراها كمال / اديرلنا شاهى

-امينه / اهو عالنار

-كمال / باهى اهو فى الصاله انا مع ايمن

-امينه /باهى

مشى للصاله وهوا ساكت ..حس انه يبي يطول معاها الدوة وخلاص

 

فى المدرسه

عبدالرحيم طلع البنات المتأخرات على طابور الصباح بيش الجنود ايدنبوهم

وندى طبعا تمشى تأخيى بيش اديرها سبله وتمشى لمكتب عبدالرحيم

-عبدالرحيم / ستاحشتك حبيبتى

-ندى / وانا اكثر

مسك ايديها / قدام الصاله قريب خطفتك من خوك
-ندى تضحك / ياريتك درتها

-عبدالرحيم / اسمعى غير اينوض بوى بالسلامه وبنبعته يخطبك

-ندى تضحك / بالك حتى هوا يرفض ايجى يخطبنى زى مادار بوى
-عبدالرحيم / يرفض يقبل مش مهم…المهم ان المشكلة انحلت وبديت نقدر نخطبك فى اى وقت

-ندى / ياحليلى مش مصدقه انى بنكون مرتك بالسهولة هادى
-عبدالرحيم / لا صدقى ..اعطينى عشرة ايام بس ..وتلقيى روحك ابديتى خطيبه عبدالرحيم

______________________________

.
.
جابت امينه الشاهى

-كمال / قعمزى خيرك

-امينه متحشمه / لا لا خودو راحتكم

-ايمن تحشم عرف الدوة عليه / لا لا قعمزى مفيش ازعاج

وقعمزت معاهم ….وقعدو ايهدرزو

سالت ايمن على شغله وعلى قرايته زمان

وحسها ايمن طيوبة …. ومتواضعه

وكمال حس ان ايمن انسجم معاها

طلع مصطفى / صباح الخير

-كلهم / صباح النور

-مصطفى / سالمه …وينك

-سالمه اضم فى دار ندى / انا هنايا …

-مصطفى / تى خيرك ماغسلتيش طاقيتى …مش قلتلك اليوم عندنا ختمه فى الجامع

-طلعت سالمه / قلت لندى تغسلها …شورها نست ..

-مصطفى / توة انا قلتلك انتى تغسليها قاعدة عابيتلى على ندى

-امينه / هاتها عمى تو نغسلها

-سالمه / لا عادى اهو قريب نكمل تو نغسلها

-وقفت امينه بثقه / لا عادى اهو نغسلها انا ..حتى انا بنته

كمال وايمن قعدو يشبحو لبعضهم

ومصطفى انصدم من الكلمه / باهى هاك اغسليها

امينه كانت ناوية تخش فى العيلة …ناوية تعاون كمال لانه قاللها نبى نجمع بين العيلتين

رواية قضية شرف الحلقة الخامسه
.

وفاتو ايامات …

مختار حالته بدت تتحسن …ومزال حاط حوشه فى الدلاله
وداس على ولاده ومرته

اما كمال وامينه اخر انسجام……

تم العدر عندها …..

تقريبا كان يوم ثلاثاء ….

كمال طالع مع جماعته ….وروح …

الطريق كلها ايخمم …انا منبيش نلمسها …نبى نردهالهم كيف ماجبتها منهم ….

ويخمم / بالرغم البنت عجبتنى …وانسجمت معاها …

يشبح لنفسه فى المرايا / محلاها .. ومحلى اسلوبها وحركاته

وهيا مشاعرها تحركت معاه ..زايدة فى الدلال والحركات الحلوة

وزايدة فى الاناقه

ولكنه قرر ان كل واحد فيهم يقعد فى حاله مفيش داعى للتواصل بينهم ..لانه منغير فايدة عشان بيتفارقو

وصل للحوش الساعه عشرة

خش لحوشه لقاه فاضى

فتح الباب الفاصل بين حوشه وحوش امه وخش

يسمع فى ايمن يهدرز هوا وامينه وندى

-ايمن / والله العصيدة اللى دارتها اول امس امينه احلى من العصيدة اللى درتيها توة

-ندى تضحك / توة طلعت امينه تعرف ادير العصيدة وانا لا

-سالمه / وعصيدتى انا شنو

-ايمن / انتى يااام طيابك خط احمر ..لا توصله امينه ولا توصله ندى

-امينه تضحك / صار حتى انا طلعت فالصو 😁😁

-ايمن يضحك / لاااا امى مايجى معاها حد

-كمال / السلام عليكم

ويشبح لامينه بحب وهيا تشبحله ….والكل لاحظو

-كلهم / وعليكم السلام

-سالمه / انحطولك عشاك

-كمال / لا لا صحيتى يااام تعشيت مع صحابى فى القهوة

-سالمة / باهى صحتين ..

-كمال / تصبحو على خير

-ندى / خيرك مستعجل

-كمال / والله تعبان …سامحونى

-امينه / تصبحو على خير

كلهم / تلاقو الخير

مشى كمال للباب الفاصل ..وامينه وراه ..وفى قلبه راضى كل الرضى ان ايمن انسجم مع امينه وبدى مابيناتهم استلطاف

خشو للحوش …

كمال / انا تعبان ونبى نرقد …ترا جيبيلى توته وغطاء

امينه 😔/ باهى

وخشت للدار جابتله توته …وغطاء …

مدتهمله / انااااا … قصدى …

-كمال / خيرك ….

-قعمزت عالطاوله قابلت كمال مواطيه راسها تشبح لايديها / قصدى اناااااا

قاملها راسها بايده / خيرك تكلمى ..حد ضايقك

-مواطيه راسهة / قصدى انا توة معش عندى عدر..ووو…

كمال تلخبط وبدى قلبه ايدق …ماصارش ماللى خممه بكرى كله ان كل حد يقعد فى حاله 😁😁😁

-كمال / انا توة تعبان اووو

-امينه 😔/ على راحتك

وناضت مشت جهه دارها …طفت ضى الصاله وخشت لدارها وخلت ضيها والع اطبق فى الحوايج ..

وقف غير حوايجه …لبس سروال توته وتيشرت..واتكى عالصالون

وهوا متكى عالمخدة وحاط يده على راسه …صراع فى داخله …ورغبه مقدرش ايقاومها …

منغير مايحس بنفسه …وقف ….مشى خطوات …وقف فى نص الطريق …

فى نفسه شى ايقوله ارجع لمكانه …وشى ثانى ايقوله هادى مرتك حلالك …

ماقدرش ايقاوم …خش للدار لقاها مقعمزة عالسرير والحوايج قدامها

-كمال / رقدتى

-امينه / انطبق فى الحوايج ومنرقد

خش قعمز فى جنبها / زعلتى منى

-واطت راسها / وليش منزعل…عادى …

حط يده على شعرها / محلاك

حست برهبه وبدى جسمها يرعش …

-كمال / خيرك

-امينه / لا عادى مافى شى …

وقف من جنبها … وطلع من الغرفه ..ولع ضى الحمام بيش ايضوى …

وخش لدار النوم خدى الحوايج وحطهم على كرسى الزيانه

….ومشى طفى الضى …

وقف قدامها ومد يده/ تعالى

حطت يدها فى يدها ووقف …

حضنها / محلاااك ومحلى ريحتك

هيا فى حضنه ..مبتسمه …وراضيه …وموافقه على كل شى حيصير بيناتهم …

خداها من يدها وقعمزها عالسرير وبدى يبوس فيها …

هيا على رعيش على خوف على فرح على متعه …

وبدت تنسجم معاه وتبادل فيه فى المشاعر ….

وقف حول تيشيرته ونزل عليها ثانى ….

-كمال / نحبك

-امينه / ااه

-كمال حاط يده على شعرها / حبيتك من اول يوم شفتك فيه

-امينه / اناااا

-كمال / انتى ملكى انا وبس …

ويبوس فيها …وهيا سعيدة …

وعاش معاها ليله حلوة….وتهنت العروس …..

____________________________________

.
.
ثانى يوم الصبح …

امينه راقدة فى حضن كمال

فتح عيونه لقاها راقدة زى الملاك …

حط ايده على وجهه ويلمس فيه

فاقت امينه …

وبابتسامه / صباح الخير

-كمال/ صباح الورد يا احلى عروس

امينه حشت راسها فى صدره

-كمال / لما قلتلك نحبك امبارح ماتحسابيهاش انسجام ..ولا مشاعر زايدة …

قاملها راسها وشبحلها / اقسم بالله نحبك

-امينه حشت راسها فى صدره ثانى / انا منقدرش نقول زيك

نتحشم ..لكن والله حتى انا مرتاحة معاك اخر ارتياح ..و..

-كمال / وشنو …قولى

قرب منها باسها على شفايفها / تحبينى

-امينه / ايه ….

كمال / وانا نحبك ونموووت فيك ومتمسك بيك ..

امينه / وانا ليك انت بس …

وهما الاثنين فى الفترة القصيرة هادى حسو ببعض

-كمال / شعور اول مرة نحسه
-امينه / وانا نفس الشى

-كمال / حاس بلهفه عليك كان لاقى ندسك فى جيبي ..كان لاقى ناخد ونهرب بيك

-امينه تضحك / غير ليش هدا كله بس ..انا معاك ومرتك وشوفنى هاا فى حضنك
-كمال / انتى فى حضنى وقلبي وعيونى

قعدو اسبوع كامل بنفس الطريقه حب وغرام وانسجام

_______________________________

بعد الاسبوع ….

مشت السكرة وجت الفكرة

كمال عالصبح جاه اتصال من عمه قاله تعالة نبيك …

-كمال / نجيك للحوش

-مختار / لا تعالة للجامع بعد ادن الضهر

-كمال مشغول وخايف / حاضر ح نصلى الضهر فى الجامع

رواية قضية شرف الحلقة الخامسه

تمت …….ويتبع

نحبكم

.
.
.

وااااك قداش تنقرزو …..باهى انكملكم

-امينه / صباح الخير حبيبي
-كمال / صباح الورد يا عمرى

-امينه / شنو عندك موعد
-كمال / ايه عندى موعد مع واحد بعتالى

-امينه فى حضنه / نحساب اليوم سبت وبتقعد فى الحوش
-كمال / ساعه زمان ..وراس حبيبي مانعطل عليك

-امينه / شنو بتفطر معاى ولا مزال ماتقدرش
-كمال / حبيبتى مانقدر تعرفينى مانقدرش نفطر

وناص دوش وغير حوايجه ..وقعد معاه قيس الساعه وطلع

مشى للجامع لقى عمه واصل قبله

جماعه الجامع وجيرانه ايسلمو عليه ويهنو فيه بالسلامه
لانه اول يوم يمشى للجامع بعد مامرض

خش كمال وسلم عليهم وقعمز بحداهم

قامت الصلاة وناضو صلو….

وبعد كملو قعمز مختار وكمال على تركينه

-مختار بحزم / الحوش بعته ..تعالة خود نص حقه
-كمال فرح / انجيك العشيه

-مختار/ لاااا عشيه شنو …. بالك ماتقدرش اتلحق
-كمال / بنلحق على شنو

-مختار / تجيبلى ورقة بنتى
-كمال / ياعمى مختار صلى عالنبى …ورقه شنو

وقف مختار/ ورقه طلاق بنتى

-كمال وقف / انا مرتى مش مطلقها ومش مسلم فيها
-مختار/ اسمع انا هالموضوع ماحكيته لحد …ومش حنحكيه لان لو يسمعه عبدالرحيم ولدى والله الدم يوصل للركاب

-كمال / انا وعبدالرحيم

-مختار/ خلينى نكمل ماتقاطعنيش …بنتى بنردها بنردها منغير ماتخمم …انا مستحيل انخليها لعصابه زيكم بعد اللى قلتهولى

-كمال تعصب / حق الحوش بناخده ..و مرتى مانيش مطلقها
-مختار / نعطى بنتى وانزيد عصيدة …اسمع هما كلمتين …عندك ثلاثه ايام اطلقها واتجينى تاخد فلوسك …يا اما تو نعرف كيف نخبر بنتى بالفخ اللى نصبتوهولها وتروحلى ….وفالحالتين حطلقها …سواء خديت الفلوس والا ماخديتهمش

روح كمال وهوا فى دوامه …….
كيف ايدير …البنت حبها ومعش حيقدر ايفارقها ….
وحقهم اللى ليهم سنين يجرو عليه ..حصله هوا بطريقه دكيه
كيف ايدير …شن ايقرر
وامينه حتسمع بالموضوع سواء منه او من بوها … .
سواء خدى الفلوس او ماخداهمش حتزعل وحتاخد موقف من تصرفه

كيف ايدير بس

ثانى ليله فى الليل كمال متكى فى الصاله

جاته امينه لابسه روب احمر مكشوف هلبا

-امينه / حبيبى خيرك متكى هنايا …تعالة استريح لداخل
-كمال صوته مخنوق / خشى انتى استريحى ..خلينى هنايا …مش قادر انخش للدار

نزلت امينه على ركابها وحضناته/ الدار منغيرك ماليهاش طعم

حضنها كمال بقوة وقعد يبكى يبكى ويقوللها / بتسامحينى
…قوليلى من توة بتسامحينى ولا لا

-امينه مستغربه/ خيرك اللطف يا كمال بنسامحك على شنو

-يمسح فى دموعه / فى حاجات اكبر مننا …ومانقدروش نتخطوها ..وانا اقسم بااللى خلق الكون انى حبيتك … لكن ياريت الزمان غير الزمان

-امينه مستغربه فكلامه وحاضناته ومن كثر الحب اللى تشوف فيه فعيونه مش عاطيه خوانه / حبيبي خيرك تتكلم بالالغاز قولى طول شن فى …كأنك تكلم فى وحدة غيري ومش عارف كيف توصلى المعلومه

-كمال ضحك باستهزاء والم / وحدة غيرك!! ماتحطى شى فى بالك …خشى ارقدى توة

وقفت ومسكت يده / باهى نوض خش معاى دارنا ..منقدرش نرقد فى السرير منغيرك

شبحلها وعجباته وخش معاها للدار…عاش معاها احلى ليله نسى بيها كل احزانه … وحتى الدوش خشوله مع بعض .. وصلو الفجر حاضر جماعه مع بعض

وثانى يوم الصبح …فاق كمال من النوم لقى عمه متصل بيه .. رد عليه …ولبس حوايجه وطلع ماباش اينوضها من النوم

مشى للمحكمه تلاقو هوا وعمه ……………………..وطلقها

_____________________________________

قيس الساعه 1 ….باب امينه البرانى ايطقطق

وهيا فى دار نومها اضم

جت من ورا الباب / شكون

-هيثم / انا هيثم

-فتحت الباب فرحانه / اهلين هيثومه خش تفضل

-هيثم حزين / يبيك بوى فى الحوش

-امينه انخلعت / خيركم فى شى ..امى فيها حاجه

-هيثم / لا اقسم بالله كلنا كويسين …غير بوى قالى نبى امينه فى موضوع برة جيبها

-امينه / باهى شويا هى …

وخشت لدارها تلبس واتصلت بكمال ….

-رد عليها / الو

-امينه / خوى هيثم فم الباب قالى يبينى بوى ..نمشى معاه ولا شنو

-كمال صوته متغير / امشى

-امينه / باهى منعطلش ..نشوف بوى شن يبي ونقول لهيثم ايردنى

سكر كمال الخط ..وامينه تحسابه انقطع

فتحت الباب الفاصل وخشت لعمتها سالمه / عمتى اهو بنمشى لحوش بوى جانى خوى هيثم

-سالمه / خيرهم انشالله …لا سو

-امينه / مش عارفه .. بوى يبينى شوى

-سالمه تضحك / شوره استاحشك

-امينه / حال المرض يا عمتى كان يلقانا كلنا جنبه

-سالمه / طريق السلامه يابنيتى …وسلمينا عليهم

وطلعت امينه مشت مع خوها

رواية قضية شرف الحلقة الخامسه

فى حوش مختار ….

امينه وجهها مقلوب مايتفسرش ومش مستوعبه الكلام / كيف يابوى مافهمتكش

-مختار / اللى سمعتيه توة …كمال طلقك

قعمزت عالكرسى مصدومه …تبى تقوللها امباح راقد معاى .. وتحشمت

-نوريه / ياحليلى يا غبارتى وهوا امتى خداها بيش ايطلقها

-امينه فمها مسبت وبهدوء / وشنو السبب يابوى …مفهمتش
…انتو تبصرو ولا تحكو بالحقه

نوريه تبكى / غير اساله يا راجل خيره شن شاف بيش يديرلنا هالغبارة
-قص عليها مختار/ صكرى فمك انتى وماليكش علاقه بى هالموضوع بكل

انفتح باب الحوش خش عبدالرحيم / حق يابوى الكلام اللى سمعته ….حاق كمال طلق امينه

-مختار/ اسمعو انتو الزو …عبدالرحيم وهيثم .. اقسم بالله اللى نسمع بيه داير لولد عمه حاجه لا انا بوه ولا هوا ولدى
…وحارم عليه ايتبع جنازتى ولا ياخد عزاى

-عبدالرحيم / تى كيف يا بوى تبينى نسكتله

-مختار خايف ايصير بينهم دم / والله ثم والله ان جنازتى حارمه عليه اللى نسمع بيه خش فى الموضوع هدا
بنتى مشت على شرف الله اكبر …وروحت على شرف الله اكبر….لادارا عيب ولا دارت عار

عبدالرحيم / انا مفهمتش … هوا طلقها ولا جابها وقاللكم يبي يطلقها
-مختار/ طلقها … واهى ورقة الطلاق فى جيبي

وتجى امينه طايحه من طولها

-نوريه / حيه عليا بنتى

قاموها خوتها وطارو بيها للعيادة

ولحقوههم بوها وامها …

طلع الدكتور ….

العيلة كلها مشتله تجرى / خيرها امينه يادكتور

-الدكتور / مانكدبش عليكم ..الحالة عندها انهيار عصبي حاد

رواية قضية شرف الحلقة الخامسه

تمت ….ويتبع

لمشاهدة جميع اعمال الكاتبة : روايات زهور جمال الدين

اترك رد

زر الذهاب إلى الأعلى