رواية كيد النساء الحلقة الثانية | القلم الناجح
روايات ليبيه كاملة

رواية كيد النساء الحلقة الثانية

جميع حقوق الطبع والنشر محفوظة

#كيد_النساء 2 (حقيقيه)

كيناز:حطت يدها ع فمها بصدمه….كيف يرضو هما بدون مايسألوني حتا
ساجده:دموع بدت تبين في عيونها ….بوك مش راضي ولا خوتك راضين لكن مافيش حل غير هكي
كيناز:ع اساس يعني الناس صدقت الكدبه الي نقالت سيوره ينكشف كل شي
ساجده:واطي صوتك متخليش حد يحس وربي بوك ماناقصه ولا امك
كيناز:وحق اختي وين انتي من كل عقلك تبيني نصدق حد زي هدا وانه اختي مش بنت مستحيل
ساجده:لو موافقتيش انتي انا حانوافق نتزوج لأنه مستحيل نتحمل نشوف بوك مكسور💔
كيناز:بصوت مغصوص….يعني مافيش حل الا اني نوافق ونتزوج
ساجده:كيناز وافقي وتزوجي ونستري وخلي اختك في قبرها ترتاح
كيناز:حطت يدها ع قلبها هوا ربي دار هكي ونا حانرضا بس حق اختي حاناخده ومش راح ننسا الي صار💔
ساجده:شنو قصدك كيناز انه ممكن يكون حسام متبلي ع حياه
كيناز:اي ممكن واكيد قصة وراها سر لانه نا متأكده من حياه متسلمش نفسها لحد مهما كان
ساجده:يااااارب لو حسام عنده يد خود حقي اختي في اقرب وقت يااارب 💔
كيناز:توا خلينا نشوفو بوك وخوتك شن بيديرو لما يعلمو انه نا مش حانوافق
ساجده:كيناز انتي عارفه بوك مش راح يرضا بي شي والي في راسه حايصير
كيناز:انتي متحسسيش حد انه احنا عندنا علم لن هما يفتحو الموضوع
ساجده:تمام💔

🧡مـــيُـــلــو حــــسسـٰـــن🧡
🧡مـــــيُــــلــــووو حــــسـٰــن🧡

بعد مرور 3ايام :-

تم لعزاء الي كان عباره ع رعب اغلب الناس مجتش للوفاء برغم انهم محكوش الحقيقه بس في ناس شاكه انه في شي مش طبيعي قعد يصير حتى الناس الي تسكن جنبهم ويعتبرو جيران من اول يوم الوفاة معاش رجعو وتم الوفاء في اسرع وقت 💔

اما الناس فسرو القصه لسلبيات مافيش حد فهم وقدر حد منهم والناس تحب تقرم وتفتفت غير بالشر يعني بنت ماتت في ليلة دخولها فجاءه وله اهلها الي تسترو وسكتو خوفهم من العار وصدقو حسام وكأنهم تخلصو من هم 💔

فضت زحمة الميت الي متعتبرش زحمه واخر يوم روحو خوالهم وعمامهم الي عندهم علم بالقصه وكل حد منهم رجع لحوشه ولحياته الطبيعيه 💔

ميلو حسن:-قصتنا المره هادي تحكي او تميل أكثر للنساء سميتها كيد النساء لأنها تحكي ع قووة الأنثى او حواء …الي هيا عباره ع بنت ماتت مضلومه وطبيعي المجرم مش راح يخلي وراء دليل والأهم انه المجرم ماتجرأش وقتل الا لو عنده غرض يبي يوصله …شن الغرض ومن الي مشارك في الجريمه ؟ وطبيعي الجريمه حايتابعوها اشخاص ومننسوش اسم روايتنا الي حانفسروه في الروايه 🤷‍♀️…وتوا خلونا نتعرفو ع باقي العيله والأشخاص الي بتطلع في اول الروايه وشنو المصير الي حاتتسلل منه قصة روايتي هادي 🤷‍♀️

_________________

حنان:تحاول تقعمز….شن تقولي ي بنتي غبر فيهم كانا حتى انتي يسلموك ليه ويقتلك
ساجده:خيرك ماما حتى انتي شاكه في حسام
كيناز:انتي لو بطلعي حسام بريئ يعني اختك زانيه مع حد ثاني فهمتي ونا واثقه من حياه مستحيل تلوث روحها
حنان:أنهو السيرره هادي شن قعدين تخرفو انتم حسبي الله ونعما وكيل في الي كان السبب
كيناز:انا راسي دخن من التفكير شن الي قعد يصير ؟
ساجده:مشكله خوتك فرحانين انه حياه ماتت تي حتا الطبيب الشرعي بعد ماطلع التقرير مهتموش بيه مشا الكلب حسام وع اساس اكدلهم
كيناز:انا مش مطمنتله المجرم كيف يبوني نتزوجه ونخليه يقرب مني كيييف؟
ساجده:مافيش حل غير انك ترضي اصلا حايقتلوك لو رفضتي؟
كيناز:المووت اهوون من انه نتزوج الي قتل اختي 💔
ساجده:معندهمش حق يغصبوووك💔

___________

صالح:اختك انا نتفاهم معاها انتا اركب لي مرتك وانتا للمربوعه ومافيش حد منكم يدخل في الموضوع
حاتم:كيناز اختي نعرفها راسها مسكره ومش راح توافق
صالح:اني نقدر نقنعها حتى لو تعصبت وضربتها حاتفكر في طريقه ثانيه وتوقع انها تهرب
حاتم:دير رايك لكن المهم تخليها توافق اقل شي نرتاحو منها والفرخه ساجده حتى هيا توا نشوفلها حد يتزوجها مش مستعد نسمع مصيبه تانيه
صالح:متنساش انهم خواتك والي صار معانا مش ساهل وضروري نتفاهمو معاهم بي هدوء
حاتم:انا راكب فوق والصبح ضروري ارد ع حسام
صالح:نووض يا رياض نادي ع اختك وخليني نتفكا من هالقصه
رياض:تمااام ….وناض!

____________

نادره:قعمز همام جداك مش ناقصها
حنان:خليه الولد يلعب انتي عارفه حاتم شويه وبيركبه
نادره:شوفيه كيف قالب الدنيا والله مانبي ننزل بيه غير ع خاطرك
ساجده:خشت قعمزت جنب نادره….بويا مع خوتي كان حاتم راجلك ركب فوق وجوه مش حلو وشكله رياض قعد يتفاهم مع بويا
نادره:انا نبي نفهم حتى لما نجبد في الموضوع لي حاتم يتكنطا ويتعصب عليا سليت روحي
حنان:شن بديري الله غالب هما عندهم هكي صح لكن المشكله في كيناز مسكره راسها متبيش تتزوج
ساجده:اي متبيش شن بنديرلها كنت معاها وحكيت وفهمتها قتلي حاولت نقنع نفسي مقدرتش!
حنان:الله غالب شن بدير بوك مش راح يرد حسام لانه خايفين يشهدر بيهم ويفضحهم
نادره:باهي قصة حياة لتوا مش مفهومه ونا حياة تحكيلي ملاحضتش علاها شي غريب
ساجده:متنسيش انها باتت عند جمانه 3ايام
حنان:تنهدت….كيف مش اول مره تبات عندهم كيف تشكي في اختك
نادره:انا جمانة من زمان مش عاجبتني وديما انبه في اختك منها
حنان:انا مش ناقصني هم والله من الصبح ونا مش قادره نوقف ع رجليا بنتي ماتت بدم بارد شاده روحي منبيش نخوفكم عليا ياااارب ارحمني وخودني عندك ولحقني بي بنتي😭💔
ساجده:بعيون يدمعو…ي ماما خلاص ارتاحي توا
نادره:حسبي الله ونعما وكيل 💔….شوويه وسمعو صوت كيناز تعيط …طلعو كلهم لي صاله!

كيناز:مقعمز بحيل مهدود وتبكي وتريش في شعرها منبيش نتزوج مجرم منبيش 😭
رياض:بتتزوجيه غصبا عنك مافيش حل غير انك تتزوجيه تبي تخلينا في العار طول العمر وتقعدي انتي واختك بلا زواج
ساجده:ع اما عار تحكي بالله اختي حياة شريفه وهوا الي يتبلا علاها
رياض:انتي سكري فمك مصيرك زيها ايام وتتزوجي
صالح:خلاااااص الي صار صار اختك ماتت بسبب العار ريحيني ي بنتي وتزوجي
رياض:لعلمك لو حسام فضحنا حايلزونا من المنطقه هادي يعني بنخسرو كل شي مش راح تلقي حتى كيف تاكلي
كيناز:نقتل روحي أشرف من اني نتزوجه مش راح نسامحكم لو غصبتوني عليه
ساجده:😭….امكم مش ناقصه خلاص سااااااد برو وقفوه عند حده الحقير قولوله متبيش كيناز مش بالغصب
صالح:لا حول الله لا حول الله
رياض:ي بويا متفكرش اعطاها مصيرها الزواج
كيناز:وقفت ومشت لبوها تجري..ي بويا متزوجنيش للوحش بالله عليك انا بنتك
صالح:حضنها وهوا يبكي شن بندير ي بنتي يديا تربطو مرات يطلع باهي وتعيشي معاه
كيناز:بصوت خانقاته العبره…لا هوا الي قتل اختي نا متأكده اختي نضيفه بالله عليك ي بوي😭💔
صالح:توا نفهم القصه بإذن الله مش راح نضلمك
كيناز:ي بوي تأكد منه قبل وبعدين نتزوج اي شخص تبيه انتي
نادره:تهدي في حنان.هدا امتحان ي عمتي متوتريش روحك صدقيني الحق حايبان
حنان:دموع في عيونها ووجها احمر…يااااارب معنديش غيرك💔

_________

ساجده:تمسح في دموعها…..خدت كيناز ودخلت لدارهم!
صالح:حاط يديه ع راسه …يارب كانه امتحان متعطلش بيه ياااارب
رياض:مدورهاش راهو حسام يستنا في الرد الاخير
صالح:مليكش علاقه انتي بناويتي نتصرف معاهم وتوقع نطلع من المنطقه حتا لو كلفني الامر سمعتي ….وخدا بعضه ودخل لداره!
رياض:طلع وهوا متنفرز سكر باب الحوش بقووه!

🧡مـــيُـــلــو حــــسسـٰـــن🧡
🧡مـــــيُــــلــــووو حــــسـٰــن🧡

يوم جديد :-

ساعه 5 العصر:-

ساجده:بابا يستنا في اتصال حسام باش يقوله انه مش موافقه
نادره:هوا قرار صح بس حاتخرب الدنيا وسمعتنا حاتتلطخ
ساجده:اخر كلام بابا الي سمعته وحكا مع ماما الصبح انه حايرفض وبنطلعو من المنطقه وفخار يكسر بعضه
نادره:لكن حاتم مش راضي ولتوا مقتلاش ع قرار بوك
ساجده:الله غالب انا الحيوان حسام مش مطمنتله خايفه يكون مصير كيناز زي حياه
نادره:اي احسن قرار خداه عمي انه نطلعو ونسيبو المنطقه
كيناز:مقعمزه جنبهم مغطية نص جسمها بالورغان ووجها احمر وعيونها منفخات وعمر وواضح علاها انها مش راقده …وماسكه تلفونها وكأنه تستنا في اتصال او رساله💔

صار نقاش بين صالح وولاده طويل عريض🤷‍♀️
رياض:تعرف بقرارك هدا حاتوقف قدامنا كل شي فهمت شرفنا حايكون في الارض حايذكرونا بالمثل الخايب
حاتم:ماشي جااي ….مستحيل قرارك يصير منه انا حانطلعها من شعرها ونخلاها تتزوج غصبا عنها
صالح:مدام انا حي مافيش بنت تطلع مني الا وهيا موافقه
رياض:والعااار اطول من العمر وانتا عارف انه حسام واصل مش راح يرحمنا
صالح:انا القرار خديته اتصلو بيه قولوله وخلونا نطلع الليله
رياض:يمسح ع شعره…وين بنمشو خدمتنا ورزقنا كله هني
صالح:ميهمنيش هدا الاهم انه بنتي منعطيهاش لن نوصل للحقيقه كلها!
رياض:انا بنطلع من توا وانتم دبرو حل
حنان:وين ماشي مافيش حد يطلع من الحوش!
رياض:بنمشي لحوش خوالي اقل شي نقلل مصروف عليكم ومنضايقكمش في الشقه
صالح:خليه يمشي مش راح يصيرله شي
رياض:دخل لداره باش ياخد اغراضه ويطلع!
حاتم:لو اتصل حسام حانقوله البنت تفكر توا ارد عليكم
صالح:قوله كيف ماتبي نا معاش هامني!

___________

في ليل ساعه 9 :-

نادره:ماسكة سفرة القهوه….وخشت لغرفة لبنات درت قهوه تشربو؟
ساجده:هاتي انا راسي حسه بيتفجر
نادره:ونا زيك والله …وهيا تصب في القهوه….الليله بنطلعو من هني
ساجده:اي هدا اخر قرار اصلا وحتى خوتي رضو لانه مستحيل يكسرو كلمة بابا
نادره:اي الحمدالله …بنطلعو لي (؟؟؟؟)قال حاتم عندنا شقة كبيره وتسدنا نعيشو فها فتره لن يفرج ربي!
ساجده:ايي اصلا اصلنا ومنطقتنا هني لا حايلزونا هما هكي متحملينا بي سيف عليهم
نادره:كنوزه خلاص انسي تعالي اشربي قهوه كله يتعوض
ساجده:لكن موتت حياة مش قادره مطلعتها من راسي نبي نفهم قصتها الي لتوا قعدا غامضه!
نادره:امس قعدت نفكر قلت جمانه معاش جت زي زمان
ساجده:طبيعي خوتها مش حايخلوها وهيا اصلا كرهت حوشنا من لما ماتت حياه معاش تبي تشوفه!
كيناز:ضحكت بهززوه ع جنب!
نادره:لكن جمانه عندها السر كله وعندي احساس كبير انه جمانه عندها علم بكل شي!
ساجده:زعما نتصل بها نسألها بلكي توصلنا لنقطه
نادره:رشفت رشفه من القهوه….اي عادي اتصلي بها واسألها
ساجده:تمام وخدت تلفونها …انتضار توا شويه ونعاود نتصل بها!

_________

حنان:ساجده ساااجده!
ساجده:ها ي ماما
حنان:تعالي قيمي السفره من قدام بوك وولعي السخانه بوك بيدوش
ساجده:حااضر ..
نادره:بري ولعي ع سخانه توا انا نقيم السفره!
ساجده:تمام هي!
رياض:طلع من داره وهوا ماسك شنطة ….هيا بسلامه لما تستقرو في مكان توا نجيكم
حاتم:مقعمز وقارن حواجبه وبيتفجر من الاعصاب!
صالح:زينه
حنان:رد بالك ع روحك واتصل بيا متخليش بالي مشغول عليك!
رياض:حاضر يما انشاءالله!
صالح:حاتم اتصل بي حسام وقوله شن قعد تستنا؟

__________

كيناز:متكيه في سريرها….تقرا بعيون مليانات حقد وحزن ودموع وانتقام…في باقي الرساله الي وصلتها وكان اخر السطور ….ردي بالك كيناز تحكي لحد وانتي عارفه مصيري شنو سلام!…..يتببع!! 💔

 

اترك رد

زر الذهاب إلى الأعلى