رواية كيد النساء للكاتبة ميلو حسن | القلم الناجح
روايات ليبيه كاملة

رواية كيد النساء للكاتبة ميلو حسن

جميع حقوق البطع والنشر محفوظة

رواية كيد النساء للكاتبة ميلو حسن روايه ليبيه كامله

#كيد_النساء 1 أو المقدمه {حقيقيه}

كنت واقفه في وسط زحمة حوشنا بين الأصوات الي تحكي علينا بين صوت امي الي تبكي مقهوره بين صوت تنهيدات الصدمه وتنهيدات المتشتمين نشوف للكل بحرقة قلب ومش لاقيه اجابات لي كل الأسئله الي في راسي ؟؟ 💔

علاش صار فينا هكي ؟ كل شي كان ماشي حلو رغم الهدوء الي كان محتل حوشنا ؟ من ألي وراء هدا كله ؟ انا كنت حاسه وراء الكواليس في اشياء مش تمام بس مكنتش متوقعه انها حاتوصلنا لهني ؟ 💔

_______________

قبل الحادثة:-

حياة:كانت مقعمزه ع الكوشه فرحها وجسمها يرعش كانت متوتره ومضايقه وعلامات الحزن ع وجها كأنه مش قادره تسيطر ع البركان الي داخلها شعور أنك عروسه وكلهم ملتمين عشانكم كانت نضرات الكل ليا عروسه حلوه وتزوجت انسان معروف بي فلوسه وبس ملاحضوش الكلمات الي تطلع مني ع هيئات اوجاع وعرق ملاحضوش الابتسامه المخفيه وقالو انها زي اي عروسه تزعل يوم عرسها وله نا الي كنت نمثل ع الكل انه نسيت حبيبي الأول واقتنعت بي نصيب خوفا من الموت والعار فاتو ساعات وانا أراجع في حقوقي لكن مش قادره ناخد حقي ؟ وصل العريس ألي اليوم جاي بيفرحني وهوا اصلا نفس الشخص الي دمرني 💔…كانت نضرات القرف مني اتجاها واضحه بس محدش لاحضها ولا ركز زفني زي اي عروسه بس نا كنت مجبوره ودعت اهلي كلهم ونا حابسه الدموع في عيوني …ركبني السياره ونا ساكته بدون مااننطق حرف نشوف في كمية السيارات الي ورانا وفرحانين حتى من خواتي وخوتي ورانا وواضح الفرحه ع وجوهم هاانت عليا شوية وقعدت نقنع في روحي نقول عادي حياة هدا نصيبك اقتنعي بيه اهم شي اهلي مش حاسين بي شي ومايصير عليهم شي 💔

لحضات ووصلنا قدام حوشنا نزلت ومعايه خواتي الاتنين ساعدوني لن دخلت داخل وطلعو قعمزت ع سرير نستنا في حسام يدخل حسيته عطل شويه بديت نفك في شعري بروحي ودموعي موقفوش نتفكر في حبيبي الي كان يقولي اول يوم مش راح نفارقك اللي نجبر يبعد عليا بسببي شن قعد يدير توا شن بيصبره ونا في وسط تفكيري حسيت بي حسام واقف جنبي مسحت دموعي وقمت عيووني فيه
حسام:كان ماسك سلاح وموجها ع راسي…انتها كل شي !
حياة:بصوت يرعش…ككيف؟
حسام:انتي حاتموتي توا
حياة:اءءء اهلي مش راح يرحموك
حسام:متنسيش انك مش بنت وهدا اكبر دليل في صفي!
حياة:بلعت ريقها بخوف….نا منبيش نموت
حسام:ضغط ع زناد وطلق الرصاصه في وسط راسها بدون رحمه ولا شفقه 🔥

في الوقت الي كانت حياة طايحه ع ارض والدم مغطي جسمها 💔…حسام خدا سلاحه مسحه وحطه في الدولاب …وقعمز ع سرير وهوا يشوف لي حياة بحقد..رفع سماعة تلفون ويرن ع بوه حياة!

ترن ترن ترن :-
حسام:الو
صالح:ايوا
حسام:تعالا ي عمي خود جثة بنتك
صالح:شش شن تقوول خيرها؟
حسام:بنتك الله يرحمها زانية مع غيري وانا خلصتك من العار وقتلتها
صالح:تي شن تقول بنتي انا متربيه كويس مستحيل تغلط
حسام:ي عمي تقدر تجي وترفعها لي طبيب الشرعي يكشف علاها وانا مش راح نفضح بيكم وحانستر ع بناتك
صالح:بصوت متأثر…شن المطلوب توا؟
حسام:توا مش وقت كلام تعالا ارفع بنتك وبعد الدفن نتفقو!
صالح:وشن بنقول للناس توا بنتي حياة وينها
حسام:حالفقوها بطريقتي انا انتا دير الي قتلك عليه بس
صالح:لوح التلفون وبدا يعيط بقووة …بنتك من ضاحك علاها ي حنان؟

كيناز:طلعت ونا نسمع في صوت عياط بابا…ونتفرج من بعيد
حاتم(خو حياة):طايح ع الأرض ويندب ويخبش في وجه….عااااار لو نعرف من الي دار فها هكي بس
صالح:كانت حالته متتفسرش مقعمز ويعيط وحاط اللوم ع امي💔
كنت واقفه ونا مش فاهمه شي بس افكاري تقولي انه حياة مش بنت ؟ او هربت ؟
حنان(ام كيناز):مقعمزه من الصدمه وتبكي بنتي ماتت في يوم عرسها كيف يدير فها هكي مش من حقه
رياض:تي اصلا لو مقتلهاش هوا كنت انا حانقتلها وليله
حاتم:حتى عزاء مش راح نديرولها هادي وحده مسخه وجابتنا العار
صالح:برو لي راجل اختكم وساعدوه وارفعاها للمصحه باش يكشفو علاها!
كيناز:طحت من الصدمه ونا قعدا مش مستوعبه الي يقولو فيه!
ساجده:حيااااااة مسستحيل تموووت مستحيل تغلط شن تقولو انتم؟😭
كيناز:ياويلكم من ربي هادي اختكم كيف تصدقوه وتطعنو في شرفها كيف تخلوه يقتلاها فهموني 😭

بس مكانش حد مدور كلامنا كانو مصدقينه هوا طلعو وهما خايفين من العار ومش خايفين من ربي !💔

مـــيُـــلــو حــــسسـٰـــن
مـــــيُــــلــــووو حــــسـٰــن

_________

كيناز:انا عمري في وسط العشرينات مكمله قرايتي مواصفاتي بيضاء ملامحي حااده عيوني لونهم عسلي مايل للأخضر خدودي بارزات وفمي منفوخ لونه كرزي شعري لونه اسود وكثيف لحد ضهري جسمي منحوت عندي خصر بس مليانه من تحت مش طويله ومش قصيره …طبيعتي منبينش وغامضه مقدرتش نغيره طبعي هدا اغلب الناس تقول عليا سوسه وخبيثه بس مافيش حد مسك عليا شي مش حلو هكي طبعي نحب نجازف ونخاطر ونعاود الغلط الي يعجبني منقتنعش بسرعه بي اي شي المهم….انا وعيلتي عايشين في منطقة كل شي عندهم الا العار وخاصة خوتي يقتلو بدم بارد سمعنا نا واخواتي قصص هلبا ع شرف لبنات وهكي بس ولا مره تخيلت انه حايصير معانا هكي وتتشرد عيلتنا …
اختي ساجده

ساجده: كانت اقرب ليا من حياة تقرا جامعه مواصفتها سمراء وملامحها مطفيه لون شعرها قهوي ولون عيونها بنيات جوها حلو وخطيره ونسمو فها صاحبت القصص المهم عندها قصة حتا هيا نتعرفو علاها في الحلقات الجايه…

وقصة اختي حياة كانت ع علاقة مع شخص وعلاقتهم هاديه وحلوه في يوم جي ولد لحرام الي اسمه حسام وطلب اختي حياة بس رفضاته وبما انه حسام ولد عيلة معروفه وهكي مقدرش يتحمل انه بنت زي حياة ترفضه وبعد مرور شهر منعرفش شن صار ؟ وكيف ؟ الي نعرفه انه رجع خطبها تاني ووافقت وقدرت تقنعنا انه نصيب ومافيش سبب 🤷‍♀️
بس أكيد حانعرفو السبب مع بعض …المهم الباين انه حسام منساش الاهانه وعرف يخدمها صح ؟ وأنتقم منها بطريقته 💔

مـــيُـــلــو حــــسسـٰـــن
مـــــيُــــلــــووو حــــسـٰــن

_____________

ثاني يوم بعد الحادثه:-

في وسط لعزاء ونا مقعمزه وقلبي محروق ع اختي اللي نحرمنا من شوفتها والسبب انها نجسة ووسخه وحايدفنوها واليوم بس وحاننسوها وحتى لعزاء مش راح يندارلها 💔

ناس معروفه وقريبه مننا بس جت تعزي فينا والكدبه الي كانت ع لسان الكل انه اختي ماتت بي سكتة قلبيه وألي زاد ثبت لناس راجلها حسام ع اساس وقف معانا وميبيش يفضحنا لكن اكيد وراء الشي هدا سر 🤷‍♀️

كنت واقفه في وسك زحمة حوشنا بين الاصوات الي تحكي علينا وبين صوت امي الي تبكي مقهورة بين صوت تنهيدات الصدمه وتنهيدات المتشتمين نشوف للكل بحرقة قلب ومش لاقيه اجابات لي كل الاسئله الي في راسي؟؟💔

علاش صار فينا هكي؟ كل شي كان ماشي حلو رغم الهدوء الي كان محتل حوشنا؟ ومن الي وراء هدا كله ؟ انا كنت حاسه وراء الكواليس في اشياء مش تمام بس مكنتش متوقعه انها حاتوصلنا لهني؟💔

كيناز:امتا بينتهي النفاق والكدب كيف اختي تموت بي طريقة البشعه هادي معقوله خوفهم من الناس يقسي قلوبهم؟
ساجده:خاشه تجري وجايه اتجاهي!
كيناز:كنت خايفه من الي في راسي يصير…شن في خيرك داخله تجري؟
ساجده:بانفاس متقاطعه…كنت برا نسمع في بوك وخوتك وحسام يتفقو
كيناز:اءءء…خيرهم شن قالو احكي؟
ساجده:حسام الحقير يبي يتزوجك باش يسكت وميفضحناش بين الناس…يتبع!!

 

اترك رد

زر الذهاب إلى الأعلى