رواية مجبوره الحلقة الثانية 2 .. للكاتبة أروى الطاهر المسلاتي | القلم الناجح
روايات ليبيه كاملة

رواية مجبوره الحلقة الثانية 2 .. للكاتبة أروى الطاهر المسلاتي

رواية مجبوره الحلقة الثانية .. للكاتبة أروى الطاهر المسلاتي

مجبوره الحلقه2

نبيل:ركب داره وهوا مضايق لاكن لما يفكر ان الحكايه فيها فلوس ينسا كل شي

طق طق طق
نبيل:ادخل
فهيمه:ها وليدي شنو صار معاك
نبيل:في شنو
فهيمه:وافقت؟؟
نبيل:اي ?
فهيمه:عندي ليك خبر بس منبيش بوك يعرف اني قتلك
نبيل:شنو
فهيمه:بما ان خوتك الاثنين برا ومنشغلين في صغارهم قالي بوك لو شفت نبيل اموره تمام بعد زواجه انت رح تكون في منصبه بعده
نبيل:???ييعني بعدين انا رح نكون وزير الداخليه
فهيمه:اي حبيبي?
نبيل:ابتسم بي خبث وقال في سره….والله البنت هيا رح تفتح عليا هلباا حجات مليحه
فهيمه:وفكرت في حاجه تانيه
نبيل:احكي ياقلبي
فهيمه:انا عارفه ياروح مامتك ان جبرك عليها وعارفه شكلها استغفر الله من لما كانت صغير فلهاذا اتزوجها وبعدين دور بنت تناسبك ونخطبهالك
نبيل:امممم???
فهيمه:واكيد الف بنت تتمنى تكون زوجه تانيه لي وزير الداخليه
نبيل:تمام ??
فهيمه:يلا حبيبي تصبح ع خير
نبيل:وانتي من اهل الخير ….ورقد نبيل ع السرير وهوا يفكر ويخطط لي حياته الجديده يلي كلها فلوس ومناصب

ثاني يوم:-
سمر:ركبت الطياره انا وسهى وكان قلبي قابضني يمكن ع خاطر تعب السفر او هكي وطارت الطياره???

سامح:وهوا يلبس ويتأنق….شنو نوضتي ولدك
فهيمه:لالا خليه راقد تاعب مسكين
سامح:تاعب من السهر مع البنات ولا من الشرب
فهيمه:خيرك ع الولد انت خليه يعيش حياته
سامح:تمام خليه ها اليومين بس لما يتزوج رح ينسا كل هادا
فهيمه:??
سامح:رح تكون الصحافه كلها عادي
فهيمه:وين
سامح:بنمشي نستقبل سمر ورح تكون العين عليا وصحافه كلهم
فهيمه:وليش مش امها تستقبلها
سامح:طول عمرك غبيه رح تزل غضوا في الجرايد والمجلات سامح فتحي وزير الداخليه يقوم بي اصطحاب ابنة اخته للبقاء معه في منزله والتكفل بيها ..يعني رح يعتبروه عمل انساني
فهيمه:امم اوكي اوكي
سامح:يلا خلي ولدك ينوض يجهز روحه عشان اول منرجع يستقبلها
فهيمه:انشاء الله

سمر:وصلنا للمطار ونزلت انا وسهى خلصنا معاملات الجوازات وخشينا لي صالة الاستقبال لقيت خالي مع هلباااا حراس

سامح:بي ابتسامه بنوتة اختي الحلوه وحضنها
سمر:بي ابتسامه صفراء اهلين اهلين خالو
سامح:اهلين
سهى:هلا فيك
سامح:هيا يا حلوه امك ومرت عمك يستنو فيك ع نار
سمر:طلعنا من المطار وهجوووووووووم الصحافه علينا انا كنت مصدووومه الحراس يباعدو فيهم علينا لين ركبنا سياره كانت فخمه
معجبنيش الجو نهاااااائي منحبهاش الحجات هيا كان خاطري يجي حد من عمامي يروح بيا

سامح:والله وكبرتي وحلوتي يا سموره
سمر:تسلم خالي
سامح:في سره الحمد الله تغيرت راحت خلووه هادا شي رح يساعد نبيل
سمر:طول الطريق وانا مضايقه لان سهى ركبت في سياره تانيه وراحت للفندق قعدت نفكر كيف رح نقابلهم ليا سنين مشفتهمش وخليفتهم ميتأقلموش معاي لاني مرات نحكي لبناني مخلط بي الليبي طول الطريق حاطه يدي ع قلبي وبس

نبيل:واقف ع المرايه ..منو ها العسل هادا اففف محلاي النم مفروض نكون عارض ازياء ولا ممثل مش وزير داخليه …لاكن يالله عادي مهم فلوس

وطلع من داره كان لابس سروال اسود وبدي رقبه اسود وجاكيت جلد فيه خطين بي الاحمر وسبيدرو احمر ومسرح شعره

فهيمه:رررررنده
رنده:نعم
فهيمه:الغداء واتي
رنده:اي واتي وكل شي جاهز
رنده:تمام

سامح:وصلنا ياحلوه يلا انزلي
سمر:نزلت وشفت قدامي حوش كبييييير خيااالي ومعبي حراس انا لما كنت في لبنان كنت عايشه في حوش بسييييط بس كنت فرحااانه مع بابا وسهى كنت عايشه احلا عيشه رغم مستوى عيشتنا اقل من عادي حسيت ان في القصر هادا كله مش رح نكون مرتاحه نهائي
سامح:سمرر سمر وين سارحه
سمر:ها لا ولاشي
سامح:هي نخشو
سمر:تمام

روايات بنووتة الشيخ

رنده:الحمد الله علي السلامه تفضلي
سمر:شكرا …وخشينا غرفة الضيوف وانا سارحه في الحوش وبس???

ريم:بنتي حبيبيتي وحضنتها
سمر:مكانتش تحس بي اي مشاعر اتجاه امها بس حضنتها
ريم:تبوس في سمر….تغيرتي هلباااااا
سامح:اي حتا انا نصدمت فيها الحق مشاء الله
ريم:كيف حالك وشن مدايره
سمر:الحمد الله
فهيمه:اهلين??….اااء امم ال الحمد الله ع السلامه
سمر:الله يسلمك
فهيمه:سمر ولا؟
ريم:ههههه اي سمر بنتي محلاها كبرت
فهيمه:في سرها هادي الفانص كيف تغيرت هكي
سامح:وين نبيل
نبيل:جيت …الحمد الله ع السلامه
سمر:الله يسلمك
نبيل:كنت مصدووم فيها لدرجة اني معرفتهاش تي تغيرت للمليون جسم وشعر وشكل ودنيا بس موضحتش خليت روحي عادي جدا

سمر:اذكرت لي نبيل قبل لما كان صغير منضره زي السروله اليابسه??لاكن توا نعلياااا وخلاص

قعمز نبيل قدام سمر وبدو يهدرزو
سمر:اضايقت الجو اخي الهدرزه كلها ع الفلوس والخرا نبيل شايف روحه وكان يشبحلي من فوق لا لوطه ونضراته تخوف وامي معرفتهاش تنافق ولا جديات تحبني رغم انها ولا مره سألت عليا لما كنت مع بابا ومرت خالي فهيمه يلي كانت رح تاكلني بعيونها وشر باين عليها

سمر:خالي انا نستأذنك تعبانه ونبي نرتاح
سامح:اي اكيد اكيد يااارنده
رنده؛نعم
سامح:حضرتو غرفة الانسه
رنده:جاهزه زي مطلبت
سامح:تمام وريها غرفتها
رنده:حاضر تفضلي
سمر:طول مكان خالي يتكلم مع الخدامه نبيل كان يشوفلي ويلعب بلحيته نضراته مريحتنيش بككككل وفرحت اخيرا رح نمشي داري

رنده:تفضلي هادي غرفتك زي مطلب استاذ سامح
سمر:ليش خالي شنو طلب؟
رنده:انها تكون مجهزه بي كل شي ومقابل غرفة السيد نبيل وانها تكون الا…..
سمر:مقابل غرفة منو
رنده:السيد نبيل
سمر:ليش؟؟
رنده:منعرفش نفذت وخلاص
سمر:اوكي تقدري تمشي
رنده:تمام

سمر:استغربت من الطلب هل انا مركزه زياده عن اللزوم ولا يخططو لي شي لان انا من العاده نفهم في كل شي يصير جنبي وميفوت عليا شي ….تعودت من الشطان ودوشت ورقدت

روايات بنووتة الشيخ

نبيل:ماشيه حالها
علي:تي كيف ماشيا حالها
نبيل:مليحه يعني مش شينه
باسم:تي به مليح ع الاقل منضرها مقبول
نبيل:في سره تي صارووخ مش مقبول
علي:طاحت فيك ولا مزال
نبيل:مهدرزتش معاها كيف مروحه من السفر مفضيتش تي خلاص توا فوتني من سيرتها شنو منو بديت نوتي للحفله
باسم:اي حفله
نبيل:تفو يا كلب نسيت عيد ميلادي
علي:الززح مش ع اساس بنحتفلو في الليل تي نضمت حتا الجو في ديسكو بركه
نبيل:بندير حفله في الحوش نفخ امي تبي تعزم وهكي وفي الليل نطلع معاكم
باسم:حتا هادا راي تم

سمر:نضت ع صوت التالفون
ترن ترن ترن
سمر:ايوا
سهى:هلا حبيبتي كيفك شوعامله
سمر:الحمد الله بخير نحاول نتأقلم
سهى:اوكي حبيبتي ديري بالك من كل شي
سمر:امتا بدي شوفك
سهى:رح شوفك بكرا أبل ماروح الشغل
سمر:اوكي
سهى:ديري بالك ع حالك منيح مابدي وصيك
سمر:ولا يهمك حتا انتي ديري بالك

طق طق طق
سمر:ادخل
رنده:العشاء جاهز
سمر:اوووه الساعه كم توا ?
رنده:9
سمر:ااااخ راحت عليا نومه يلا جايه ….نضت قمت شعري وكنت لابسه توته سروال اسود وبدي فوشي

سامح:هلا بنتي انشاء الله رتحتي في النومه
سمر:اي الحمد الله
نبيل:يشوفلها من بعيد
فهيمه:قعمزي تعشي
سمر:قعمزت قدام نبيل وانا خلااااص ارتبكت
وقعد الجو هدوووووء ومفيش حد يتكلم

سمر:ااء خ خالي
سامح:اها سموره
سمر:نبي نطلب منك غضوا نمشي مع سهى عشان نسجل في الجامعه
سامح:اي بس علاش سهى تمشي
سمر:بس انا متعوده من انا وصغيره كل شي نعملو مع بعض مابعرف اتصرف من دونه
نبيل:بلا تصنع وادوي ليبي
سمر:نعم؟؟؟
سامح:نبيييل?
نبيل:سكت
سامح:خلاص بكرا انشاء الله يمشي معاك نبيل وسهى سجلي
نبيل&سمر:???
نبيل:لاكن انا مش فاضي غضوا عندي مشوار
سمر:اريح?
سامح:بنت خالك اهم
نبيل:وكان تحشمني شوف لبسها تبان من الطبقه الاقل من العاديه ولا تحكي سوري
سمر:لبناني …وانا هكي مدخلكش فيا ??
فهيمه:هي هي خلاص نبيل اسمع كلام بوك ومتعاندش
نبيل:??
سمر:نضت من ع السفره
سامح:كملي اكل خيرك
سمر:لا الحمد الله صحتين وركبت لي داري

طق طق طق
سمر:ادخل
نبيل:خش وصكر الباب
سمر:هي انت وين خاش
نبيل:شد يد سمر بقوووه …..تعرفي لو مزال تكلميني بطريقه هادي انتي مش متخيله شنو ندير فيك
سمر:باعدت يده …انت توا لو مطلعتش من هنايا رح نعيط ونلم الحوش كللله عليك
نبيل:جريئه ووقحه مشاء الله شنو نستنا من تربية وحده لبنانيه خامره
سمر:ع اساس امك الليبيه مربياتك كويس
نبيل:????كففف
سمر:اططططلع ياحقير ياتافه وررربي نعلم عليك الدنيا
نبيل:رح يجي الوقت يلي تبدي فيه زي اللعبه بين يدي ورح تندمي
سمر:اططططلع
نبيل:طلع وقربع الباب
سمر:منبيش نبكي ولا نزل ولا دمعه لان الحوش يلي فيه وحتا الضرف يلي فيه لازم نكوون قويه بس قعدت نفكر في كلامه شن يقصد بيه ….يتبع

لمشاهدة جميع اعمال الكاتبة : روايات اروى الطاهر المسلاتي

اترك رد

زر الذهاب إلى الأعلى