رواية ولدك يا بلادي الحلقة الاولى .. روايات صفاء | القلم الناجح
روايات ليبيه كاملة

رواية ولدك يا بلادي الحلقة الاولى .. روايات صفاء

رواية ولدك يا بلادي الحلقة الاولى .. روايات صفاء

#ولدك_يابلادي

الحلقــــــــــ(1)ـــــــة

أفنان … والله الا تعب عالفاضي صديق ح يقول حرام التمر
دانية … معادش عرفنا كلام من نسمعوا امك دايره نهار من بكري كيف وفاء مافيهاش حليب وتمر
اعتدال … نبي نفهم توا بس عمك لما مات صح صديق وحور ما يورتوش
صابرين … ايه معروفه هذه الصغار يلي بالتبني ما يورثوش
دانية … وعمي مش من خمسة سنين وهو يقول بنكتبلهم ؟
أفنان … وماكتبش هذا يلي صار توا بعدين عيب عمكم وجدكم ميتين مالهمش اسبوع وانتم في شن تهدرزو
اعتدال … بكينا لين عيونا تنفخوا ياسر عاد 🌚 الحي يبى والميت يبى
أفنان … هههه استغفر الله
دانية … هونا ناضت الشيخة
صابرين … حق توا تجي حور تسمعنا بوها عيب
دانية … من وين لوين بوها
اعتدال … لالا هذه ماحبيتهاش منك طول عمرها تعامل فيه خير من مانعاملوا حنى في ابهاتنا
افنان … فكونا من القرمة
دانية … خلونا نهدرزو فكينا من جو التوبة يلي دايرتيه
اعتدال … لا صح افنان عندها حق بطلي قرمة
دانية … واك وانتِ كل شوية مع واحد هههه
اعتدال … انى من اسمى اعرفي بابا سماني باش نقعد في الوسط شوية نقرم وشوية نقول غلط هههه
افنان … هههههه هذا نفاق مش اعتدال
حور … كنت نسمع فيهم عالباب لما سكتوا فتحت الباب وخشيت ، يابنات فتوه التمر صديق قال لا
افنان … حطيت من يدي ووقفت هه قلتلكم تعب عالفاضي

#شخصيات_القصة_الاساسية

أفنان … انى افنان عمري 25 سنة مش ح نحكي على شكلي لانه فيه صوره 👆🏻 مقريتش بعد الثانوية 🤷🏻‍♀️ مستواي مش كويس اصلا وانى منحبش الاماكن المختلطة قريت في الجامع حفظ جزء كبير من القرآن والحمدلله حاليا نقري في الجامع في البنات الصغيرات حنى عيلة مترابطة ساكنين جنب بعض مش عيلة كبير جدي يلي توفه توا عنده 3 اولاد بس ، بوي امحمد هو الصغير ، عنده محل مواد غذائية ، امي اسمها جميلة عندي اخت وحده يلي هي دانية عمرها 23 سنة

اعتدال … انى اعتدال عمري 26 سنة نشتغل في مدرسة معلمة احياء بوى هو الوسطي في عيلتنا اسمه فرج معلم متقاعد ، امي اسمها نعيمة ، عندي اخت وحده يلي هي صابرين عمرها 28 متزوجة وعندها 3 صغار ، عيلتنا عندها موضوع قلة الصغار وراثه في عيلتنا يلي يجيب 2/3 وخلاص 🤷🏻‍♀️ عملة نادره هههههههه

حور … انى حور عمري 22 سنة جابوني اقارب امي لدار الايتام وانى عمري 3 سنوات بعد مااهلي ماتوا وهم حاولو يربوني عندهم سنه ووين ملوا حطوني في دار الأيتام لما وصلت لعمر 5 سنوات جت العيلة هذه تبنوني طبعا ماحدش غير اسمي او حاول يكذب عليا او عالناس الكل يعرف انى بنتهم بالتبني وكانوا متبنين ولد قبل بعدة سنوات وهو صديق اكبر منى ب 8 سنوات كان عمره 13 سنه لما جيتهم ومن هضاكه اليوم كانو هم عيلتي❤️ اب وام واخ وحتى بنات عم لحد مامرضت ماما وتوفت من سنتين
وتوا من أسبوع توفه بابا وجدي 💔 مع بعض في حادث
بابا اسمه جمال اكبر واحد في عيلته كان عايش في السويد سنين دار فلوس وحالته المادية احسن من خوته هلبا تزوج غادي جاب ولد واحد اسمه إياد بعذ فتره صارت مشاكل بينه وبين مرته وقرار يروح لانه حياته غادي قعدت واقفة ، مقدرش ياخد ولده خلاه مع امه وروح تزوج من هنى بس بعد سنتين ماما ( زوجته ) طلعت ماتجيبش وهو بروحه صارت عنده مشاكل في الموضوع هذا قرر يتبنى تبنى صديق وبعدها ب 5 سنوات تبنوني انى
اياد عمري ما شفته الا في الصور عمره 28 سنه يعنى اصغر من صديق بشويه قدا ماحاول معاه بابا انه يروح حتى زيارات كان يرفض

⭐️روايــــــــــــات صفــــــــــــــــــاء⭐️

امحمد … كيف توا ياصديق قصدك كل الرزق بيمشي لولده يلي مامنه فايدة ؟؟
صديق … هذا شرع ربي ياعمي
فرج … باهي وحنى شاهدين انه المرحوم كان يبى يكتبلكم
صديق … ربي يرحمة ويغفرله هو ماقصرش معانه
امحمد … يصير خير وخلاص
صديق … ان شاء الله مايصير الا الخير انى بلغته من يوم الوفاء بعتله ايميل انه بوي توفه وهو قال عندي شغل مانقدرش نروح توا امته مايجي رزقه موجود
فرج … الله يبارك فيك ياولدي ، وشاف نظره لخوه بمعنى تعاله وطلع
امحمد … هيا تصبح على خير ولحق خوه

~~~~~~~~~~~~~~~~~~~~~~~~

#ثاني_يوم

اعتدال … قصدك بتمشي اليوم
افنان … ايه ياسر ليا 10 ايام قاعده بنمشي حتى الناس معادش تجي هلبا ماما قالت لحور امشي حتى انتِ اقري قرايتك
حور … حتى صديق قالي امشي
اعتدال … امته بتزوجينى لخوك هذا
افنان … هههههههههه
حور … ههههه وين بنلقوا خير منك هو ينوى بس وانى طول نقوله عليك
اعتدال … 💔 خاطري بنهدرز عليه زي الناس خاطري بنشد يده
دانية … باش يعطيك كف يرقدك في العناية اسبوع هههههه يابنتى هذا ملتزم في الشك يسلم على اخته
حور … ههههههه درتيه بكل عاد ، ‏صح صلاته كلها في الجامعة وحفظ القرآن من صغره ومايسلمش لكن عادي يهدرز معاكم من بعيد لبعيد
اعتدال … انى نبي من قريب ، 🥺 وشفت لافنان افتيلنا ياشيخة
افنان … هههههههه وضعك خطير هيا حور انى بنلبس عبايتي ونجي
حور … تمام حتى انى ناخد عبايتي ونطلع ( طبعا انى مش زي افنان هي تقري في الصغار الصغيرين وانى نقرا. عند الشيخة يلي معها ) لبسنا عبايتنا وطلعنا

نعيمة … كان مشيتي معاهم حفظتي ايتين ينفعوك لاخرتك
اعتدال … 🌚 ماما حتى يلي في عمرك يحفظوا راهو كان بتمشي
جميلة … وحتى انتِ يادانية قعدتوا لاكم من الدنيا ولا كم من الاخرة لا تزوجتوا ولا حفظتوا كلمتين
اعتدال … شكرا 💔 وخشيت
دانية … ههههههههه اعتدال انى بنتكلم غطي عليا
اعتدال … ياقعادي نغطي عالمفرخ
دانية … تبي تهدرزي نعطيك رقم وحق ربي يهبل عليه لسان واسلوب وبدخ مانحكيلك رصيد هداية شن ماتبي
اعتدال … ليكم الف سنه مافهمتوش انى نحب صديق 💔 كان بنكلم وخلاص والا حتى نتزوج مش صاعبه لكن انى مانبيش غير صديق 😍
دانية …😒 راجي املاه وخشيت وخليتها

~~~~~~~~~~~~~~~~~~~~~~~~~

أيوب … كان عندي موعد مع واحد في المنطقة هذه بعد العصر وصلت بكري شوية شفت جامع قلت ننزل نصلي وبعدها نكلمه نزلت وسألت يلي واقفين على دورات المياه وين قالولي خلف الجامع كان لاف عليه سور كبير الجامع في وجهة الطريق ووراه فيه دورات المياة وديار كبار بابين مصكرات وقدامهم احدية 🤔
أفنان … طلعت بنت صغيره قالت نبي الحمام 🤦🏻‍♀️ وجيت طالع وقفني صوت ❤️
ايوب … لو سمحتي
افنان … تلفتت 😳 نعم شن ادير هنى
ايوب … جمال براءة 😍 شكلها يهبل لدرجة سرحت ونسيت شن بنقول
افنان … نعم !!!!!
ايوب … ندور في دورات المياه انى اول مره نجي للجامع هذا تلخبطت هذا مصلى النساء والا شن ؟
افنان … شاده بيدي عبايتي نضغط علها من الارتباك لالا هنى فصلين لتعليم القرآن دورات المياه غادي
ايوب … ابتسمت على حركة ايدها واضح انها محترمة ، تمام شكرا ياشيخة ومشيت
افنان … 😍 قعدت واقفه نشوفله وهو ماشي
البنت … هياااااااا خلاص معادش نقدر
افنان … اها ايه هيا فيسع ومشيت بيها ،، رجعت كملت معاهم ورقينا للمصلى فوق صلينا العصر وطلعنا انى وحور بنروحو
ايوب … طول ماني نصلي وهي بين عيوني اتصلت بالولد قلتله بنتأخر شوية وقعمزت في سيارتي 🤷🏻‍♂️ مش عارف شن نستنى باهي هي بنت ؟ متزوجة ؟ مخطوبة ؟ شن وضعها زعما قعدت نشوف لكل وحده طالعه 🤦🏻‍♂️ والحمدلله انه مرش السيارة مش نظيف مش واضح وين نشوف منه بعد ماروحوا اغلب الرجاله وطلعت كم بنت صغيره بعدها طلعت هي ايه والله الا هي 😍 معها بنت ثانيه في نفس العمر تقريبا كويس مدام مافيش واحد جي روح بيها فيه امل ،،🙄 امل لشن ياايوب شد فرين شوية رن تلفوني كلمني الولد ووصفلي المكان يلي بنتلاقوا فيه ولعت ومشيتله

افنان … شن قلتي ؟
حور … شن فيه يابنت من وقت طلعنا مش معاي بكل
افنان …😍 نحكيلك ماتحكي لحد ؟
حور … شن ؟؟
افنان … امبكري اريج كالعادة تبي الحمام طلعتها شفت واحد في ساحة الجامع
حور … باهي !
افنان … تنهدت يهبل ياحور سالني على دورات المياه وين ،، يعنى تبارك الرحمان شن هذا شخصيه جميل مع انى حاولت مانرفعش عيني فيه تحسيه راجل
حور … هههههههه ماشاءالله وكيف حسيتيه راجل من نظره
افنان … هكي شخصيته تحسسك زي خوك صديق
حور … هههههه صديق !!!! شن فيه زايد
افنان … غر انتِ اخته ماتركزيش عليه وماتشوفيلاش بالنظره هذه
حور … هههههه ردي بالك تسمعك اعتدال تحسابك بتنافسها تقتلك
افنان … هههههه ايه والله مامعها لعب
حور … حسيتيه هو اعجب بيك ؟؟
افنان … مش عارفة 💔 بس في كل الاحوال هو قال انه مش من المنطقة 😔
حور … والله كان عجبتيه توا يسأل حد من يلي صلوا ويعرف
افنان … خلاص خلاص فوتي الموضوع

~~~~~~~~~~~~~~~~~~~~~~~~~~~

ايوب … قتلك
عبد المهيمن … شن ماعجبتكش ؟؟
ايوب … لالا عجبتنى خلاص موضوع السيارة اعتبره تم بنسألك على حاجه
عبد المهيمن … على مانعلم !
ايوب … وقفت صليت في جامعكم المهم تلقيت انى وبنية تقري فيه تعرفها ؟؟؟
عبد المهيمن … 😒 خير ان شاء الله
ايوب … مافيه الا الخير ان شاء الله 🤨
عبد المهيمن … مافيش الا اثنين نعرفهم يقروا فيه مرت الشيخ متع الجامع وبنت الحاج امحمد لكن الحق مانعرفهمش بالشكل يعنى حتى لو توصفلي مش ح نزبطها
ايوب … اها 💔 صحيت
بنية صغيره لابسه عباية ووشاح عبد المهيمن قالتلك ماما تعاله ارفع الشاهي
عبد المهيمن … باهي هيا
ايوب … ماشاءالله ربي يصون تعالي سلمي اختك هذه ؟
عبد المهيمن.… ايه وناض خش
ايوب … تعالي تعالي ، شن اسمك انتِ
البنية … لجين 😌
ايوب … ههههه اسمك حلو يالجين وطلعت من جيبي 10 دينار هذه ليك خودي بيها حاجه حلوه 😉 وين كنتي لابسه هكي كنتي في الجامع ؟؟
لجين … ايه
ايوب …😍 شن اسمها الشيخة يلي تقري فيك ؟؟
لجين … افنان ❤️
ايوب … هي يلي تقري في الصغار بس والا معها شيخة ثانية ؟؟؟
لجين … لالا الشيخة الثانية مرت الشيخ قرتنا لما عم الشيخة افنان مات 😱 تضرب فينا بالعصا زي راجلها
ايوب … ههههه فرحت معنها هي يلي مش متزوجه ❤️
عبد المهيمن … لجين امشي لامك

~~~~~~~~~~~~~~~~~~~~~~~~~~

#في_الليل

صابرين … ياسر خل نروح حتى جيهتنا كلهم يسألوا عليا بيجوا يعزوني في حوشي
البنات … تمام بالسلامة
صديق … خش بنقولك راجلك قال هيا
صابرين … ايه واتيه غر طلع معاي هالساكو وراس صديق
صديق … استغفر الله قولي بالله عليك
صابرين … ههههههه ننسى هيا مانوصيكش عاد حرك روحك وجيب صحابك للبنات قعدوا في رقبتنا راهو ماعندهم غيرك كلهم هههه
اعتدال … نفنص فيها 🤦🏻‍♀️ بس زي مايقولوا ام البهلول ينقطع شاربها وولدها مايديرش عقل
صديق … افنان اوكي نحصللها لكن اعتدال اعدروني هههههه
اعتدال …😍😍
صديق … قصدي يعنى صحابي تعرفوهم اعتدال هههههه ماتمشيش معاهم وخديت الشنطة وطلعت
صابرين … هيا تصبحوا على خير

اعتدال … شفتوه شن قال 😍
حور … من صديق ؟؟؟
اعتدال … ايه واضح انه يحس بحاجه اتجاهي حتى هو ، قال اعتدال لا بعدين تحشم رقعها 😉 وقال لانه ماتمشيش معاهم صحابي
دانية … بلا عبط واضح لانه صحابه محافطين ويبوا بنات نفس افنان وانتِ مش متع لبس عبايات وعقل
اعتدال … 😒 بلا حسد كلامه واضح
حور … فكونا من الدوشة يابنات
دانية … ههههههه علاش تضحكوا علها شن يلي واضح قوليلها ياافنان وياحور انه كلامي صح قال حسد على شن بنحسدك على حبك الافلاطوني من 1000 سنة !!! انى عندي 100 واحد
اعتدال … ايه تحسدي لانه مافيش واحد منهم راجل وقالك نجي لحوشكم كلهم مفرخ يضحكوا عليك ويمشوا في الوقت انى رغم انه يبينى لكن مش راضي عليا حتى يكلمنى لين يجهز روحه ويتزوجنى طول
دانية … هههههههه لالا وضعك بدي خطير شوفي دكتور نفسي ، تقوللكم رغم انه يبينى امته صار هذا حنى وين
افنان … دانية صكري فمك ونوضي بنروحوا
دانية … يعنى كلامها على اختك انها مضحكة عادي وهي مارضتيش فيها
افنان … دانية 😠 تحركي وقفت تصبحوا على خير وطلعنا
دانية … مشيت متعصبة سبقتها
اعتدال …💔 حتى انى بنوض
حور … خليك الليلة خيركم كلكم بتسيبوني في نفس الليلة
اعتدال … لالا نبي سريري ياسر توا نجيك غدوا قبل مانمشي للمدرسة بعدين اهو انى خطوه
حور … تمام تصبحي على خير ،، ونضت ضميت الحوسه وخشيت رقدت
اعتدال … خشيت لداري قعدت نبكي 😢 تخيلي كلام دانية يطلع صح يااعتدال لكن انى نحس نحس انه يحبنى ! باهي بالك هذا مش حب بالك انى يلي نبالغ في تفسير كل موقف ، ونحمل في كلامه في معاني ثانية 💔

⭐️روايــــــــــــات صفــــــــــــــــــاء⭐️

~~~~~~~~~~~~~~~~~~~~~~~

افنان … نفس كل ليلة دانية تصكر من واحد تكلم واحد 🤷🏻‍♀️ ربي يهديها وين نكلمها ادير موضوع تقول مش اختي 💔 بس انى الليلة هذا فيه حاجه متغيره عندي مش قادره نرقد صورة الولد يلي مانعرفش حتى اسمه بين عيوني كل مانغمض عيوني يجي قدامي 🤦🏻‍♀️ توا هذا شن ياربي حب من اول نظره والا جفاف عاطفي 💔 شفت للساعة ياسلام الساعة 3:30 لو رقدت توا مش ح نقدر ننوض للفجر شفتي ياافنان الجو هذا شن يدير ، ربي ماتشغل قلبي الا بذكرك نضت توضيت وصليت ركعتين وقعدت نستغفر لين اذن الفجر صليت ورقدت وانى نحاول نطلعه من رأسي

~~~~~~~~~~~~~~~~~~~~~~~~

#ثاني_يوم

حور … الفطور واتي خل نحدد حوايجك
صديق … حدد بروحي ماادوريش
حور … باهي افطر
صديق … ياريت كملتي نومك راهو درت بروحي توا معادش تقدري ترجعي ترقدي مرات يولي حد يهدرز
حور … كيف بنبعتك بلا فطور
صديق … هي على دحية مقلية ريت هالفطور
حور … ههههههه احمد ربك
صديق … نعمة كريم
حور … صديق 💔 حقا توا اياد بيروح ياخد كل شيء ويطلعنا من الحوش
صديق … شوفي من لقطة انه ماباش يجي لجنازة بوه واضح مش ناوي خير ، لكن هذا حقه جي وقال كلمة خير مكانه على روسنا هذا ولد المرحوم قال اطلعوا هذا حقه وماحد يلومه
حور … 😳 وحنى كيف يصير فيا
صديق … الحمدلله بخدمتي انى خيرك نأجر حوش لينا
حور …💔 كنت تبي تلقط وتبني ورافض حتى بابا يساعدك توا بتأجر وتقعد تدفع في معاشك ايجار عمرك كله
صديق … وكان مش ح نلوح اختي في الشارع اكيد المهم توا انتِ ماتفكري في شيء هذا كله فارغ شدي في قرايتك وتخرجي السنة هذه وفكينا
حور … انى مفروض متخرجه قداش ليا لكن تعرف بابا الله يرحمة كل سنه تصير مشكلة والا ضرب يقول وقفي تصيرلك حاجه
صديق … الله يرحمه هههه حتى انتِ خاطرك هلبا ووقفت هيا السلام عليكم
حور … وعليكم السلام

~~~~~~~~~~~~~~~~~~~~~~~~~

امحمد ::::: افنان تعالي
افنان … نعم !!
فرج … بنسألوك على حاجه لكن ماتهدرزيش لحد من العيلة
افنان … ان شاء الله خير
امحمد … حنى مانورتوش في خونا مدام عنده ولد ذكر صح وله ؟؟؟
افنان … ايه صح
فرج … لكن لو بوي الله يرحمه كان حي يورث ؟؟؟؟
افنان .… ايه طبعا يورث في ولده حتى وكان عنده ولاد
امحمد … حتى لو مات قبله بشوية بس
افنان … حتى لو عمي مات قبل جدي بدقيقة يعبر جدي وريث وانتم في الحالة هذه ثورتو جدي في حصته يلي ورثها هو من عمي ،،، لكن شن فيه مافهمتش
امحمد … شيء شيء بنتي ربي يفتح عليك
افنان …🙁 ان شاء الله ونضت طلعت

⭐️روايــــــــــــات صفــــــــــــــــــاء⭐️

~~~~~~~~~~~~~~~~~~~~~~~~~~~

#بعد_اسبوع

افنان … كنت في الجامع كالعادة دق باب الدار وهو كان مردود بس مشيت جيهة 😍 نفسه ايه والله هو ،، ….. تفضل ؟؟
ايوب … فرحت انى شفتها قدامي طول وماطلعتش ملخبط ،، اااا نبي نسجل ميار عندك
افنان … اختفت الابتسامة من على وجهي ، لو سمحت مايحقش للرجاله يخشوا هنى تكلم الشيخ وتسجلها عنده وهو يجيبها
ايوب … استغربت كيف تغيرت طريقتها فجاء 🙄 شن صار !!!! ،، باهي حاضر توا نسجلها عنده
افنان .… خلاص ، خشي ماما انتِ وانت سجلها عند الشيخ
ايوب … تمام ومشيت 🙁
افنان …🥺 طلع متزوج وعنده حتى بنت 💔 لا وجايبها باش نقريها عندي

~~~~~~~~~~~~~~~~~~~~~~~~~~~~

اعتدال … نقري في مدرسة عشية لبسة سروال اسود كله واسع وبلوزه بيضة طويلة عليه سبيدرو ابيض حطيت وشاحي وجيت طالعة خشيت من باب الجنان الفاصل بينه وبين عيلة عمي جمال بالك نشوف صديق برا 💔 بس مافيه حد مشيت للباب الرئيسي متعهم وفتحت الباب
اياد …✊🏻 رافع يدي بندق طلعت وحده في وجهي
اعتدال … مرض خلعتنى 💦
اياد … خير امك ادفلي علينا
اعتدال … احترم نفسك
اياد … باهي حولي من الباب
اعتدال … وعلاش !!!
اياد … بنخش ؟؟
اعتدال … والله حوش بوك ماهو
اياد … 😌 بالزبط حوش بوي انى اياد جمال ال&&
اعتدال … 😳

#يتبع

طبعا الحلقة الاول مش ح يكون فيها هلبا احداث لانها اغلبها تعريف بالشخصيات وعلاقاتهم ببعض فيه شخصية مهمة في الرواية قاعده ماطلعتش لو نالت الحلقة الاولى اعجابكم تفاعلوا معها ❤️❤️#ولدك_يابلادي

الحلقــــــــــ(1)ـــــــة

أفنان … والله الا تعب عالفاضي صديق ح يقول حرام التمر
دانية … معادش عرفنا كلام من نسمعوا امك دايره نهار من بكري كيف وفاء مافيهاش حليب وتمر
اعتدال … نبي نفهم توا بس عمك لما مات صح صديق وحور ما يورتوش
صابرين … ايه معروفه هذه الصغار يلي بالتبني ما يورثوش
دانية … وعمي مش من خمسة سنين وهو يقول بنكتبلهم ؟
أفنان … وماكتبش هذا يلي صار توا بعدين عيب عمكم وجدكم ميتين مالهمش اسبوع وانتم في شن تهدرزو
اعتدال … بكينا لين عيونا تنفخوا ياسر عاد 🌚 الحي يبى والميت يبى
أفنان … هههه استغفر الله
دانية … هونا ناضت الشيخة
صابرين … حق توا تجي حور تسمعنا بوها عيب
دانية … من وين لوين بوها
اعتدال … لالا هذه ماحبيتهاش منك طول عمرها تعامل فيه خير من مانعاملوا حنى في ابهاتنا
افنان … فكونا من القرمة
دانية … خلونا نهدرزو فكينا من جو التوبة يلي دايرتيه
اعتدال … لا صح افنان عندها حق بطلي قرمة
دانية … واك وانتِ كل شوية مع واحد هههه
اعتدال … انى من اسمى اعرفي بابا سماني باش نقعد في الوسط شوية نقرم وشوية نقول غلط هههه
افنان … هههههه هذا نفاق مش اعتدال
حور … كنت نسمع فيهم عالباب لما سكتوا فتحت الباب وخشيت ، يابنات فتوه التمر صديق قال لا
افنان … حطيت من يدي ووقفت هه قلتلكم تعب عالفاضي

#شخصيات_القصة_الاساسية

أفنان … انى افنان عمري 25 سنة مش ح نحكي على شكلي لانه فيه صوره 👆🏻 مقريتش بعد الثانوية 🤷🏻‍♀️ مستواي مش كويس اصلا وانى منحبش الاماكن المختلطة قريت في الجامع حفظ جزء كبير من القرآن والحمدلله حاليا نقري في الجامع في البنات الصغيرات حنى عيلة مترابطة ساكنين جنب بعض مش عيلة كبير جدي يلي توفه توا عنده 3 اولاد بس ، بوي امحمد هو الصغير ، عنده محل مواد غذائية ، امي اسمها جميلة عندي اخت وحده يلي هي دانية عمرها 23 سنة

اعتدال … انى اعتدال عمري 26 سنة نشتغل في مدرسة معلمة احياء بوى هو الوسطي في عيلتنا اسمه فرج معلم متقاعد ، امي اسمها نعيمة ، عندي اخت وحده يلي هي صابرين عمرها 28 متزوجة وعندها 3 صغار ، عيلتنا عندها موضوع قلة الصغار وراثه في عيلتنا يلي يجيب 2/3 وخلاص 🤷🏻‍♀️ عملة نادره هههههههه

حور … انى حور عمري 22 سنة جابوني اقارب امي لدار الايتام وانى عمري 3 سنوات بعد مااهلي ماتوا وهم حاولو يربوني عندهم سنه ووين ملوا حطوني في دار الأيتام لما وصلت لعمر 5 سنوات جت العيلة هذه تبنوني طبعا ماحدش غير اسمي او حاول يكذب عليا او عالناس الكل يعرف انى بنتهم بالتبني وكانوا متبنين ولد قبل بعدة سنوات وهو صديق اكبر منى ب 8 سنوات كان عمره 13 سنه لما جيتهم ومن هضاكه اليوم كانو هم عيلتي❤️ اب وام واخ وحتى بنات عم لحد مامرضت ماما وتوفت من سنتين
وتوا من أسبوع توفه بابا وجدي 💔 مع بعض في حادث
بابا اسمه جمال اكبر واحد في عيلته كان عايش في السويد سنين دار فلوس وحالته المادية احسن من خوته هلبا تزوج غادي جاب ولد واحد اسمه إياد بعذ فتره صارت مشاكل بينه وبين مرته وقرار يروح لانه حياته غادي قعدت واقفة ، مقدرش ياخد ولده خلاه مع امه وروح تزوج من هنى بس بعد سنتين ماما ( زوجته ) طلعت ماتجيبش وهو بروحه صارت عنده مشاكل في الموضوع هذا قرر يتبنى تبنى صديق وبعدها ب 5 سنوات تبنوني انى
اياد عمري ما شفته الا في الصور عمره 28 سنه يعنى اصغر من صديق بشويه قدا ماحاول معاه بابا انه يروح حتى زيارات كان يرفض

⭐️روايــــــــــــات صفــــــــــــــــــاء⭐️

امحمد … كيف توا ياصديق قصدك كل الرزق بيمشي لولده يلي مامنه فايدة ؟؟
صديق … هذا شرع ربي ياعمي
فرج … باهي وحنى شاهدين انه المرحوم كان يبى يكتبلكم
صديق … ربي يرحمة ويغفرله هو ماقصرش معانه
امحمد … يصير خير وخلاص
صديق … ان شاء الله مايصير الا الخير انى بلغته من يوم الوفاء بعتله ايميل انه بوي توفه وهو قال عندي شغل مانقدرش نروح توا امته مايجي رزقه موجود
فرج … الله يبارك فيك ياولدي ، وشاف نظره لخوه بمعنى تعاله وطلع
امحمد … هيا تصبح على خير ولحق خوه

~~~~~~~~~~~~~~~~~~~~~~~~

#ثاني_يوم

اعتدال … قصدك بتمشي اليوم
افنان … ايه ياسر ليا 10 ايام قاعده بنمشي حتى الناس معادش تجي هلبا ماما قالت لحور امشي حتى انتِ اقري قرايتك
حور … حتى صديق قالي امشي
اعتدال … امته بتزوجينى لخوك هذا
افنان … هههههههههه
حور … ههههه وين بنلقوا خير منك هو ينوى بس وانى طول نقوله عليك
اعتدال … 💔 خاطري بنهدرز عليه زي الناس خاطري بنشد يده
دانية … باش يعطيك كف يرقدك في العناية اسبوع هههههه يابنتى هذا ملتزم في الشك يسلم على اخته
حور … ههههههه درتيه بكل عاد ، ‏صح صلاته كلها في الجامعة وحفظ القرآن من صغره ومايسلمش لكن عادي يهدرز معاكم من بعيد لبعيد
اعتدال … انى نبي من قريب ، 🥺 وشفت لافنان افتيلنا ياشيخة
افنان … هههههههه وضعك خطير هيا حور انى بنلبس عبايتي ونجي
حور … تمام حتى انى ناخد عبايتي ونطلع ( طبعا انى مش زي افنان هي تقري في الصغار الصغيرين وانى نقرا. عند الشيخة يلي معها ) لبسنا عبايتنا وطلعنا

نعيمة … كان مشيتي معاهم حفظتي ايتين ينفعوك لاخرتك
اعتدال … 🌚 ماما حتى يلي في عمرك يحفظوا راهو كان بتمشي
جميلة … وحتى انتِ يادانية قعدتوا لاكم من الدنيا ولا كم من الاخرة لا تزوجتوا ولا حفظتوا كلمتين
اعتدال … شكرا 💔 وخشيت
دانية … ههههههههه اعتدال انى بنتكلم غطي عليا
اعتدال … ياقعادي نغطي عالمفرخ
دانية … تبي تهدرزي نعطيك رقم وحق ربي يهبل عليه لسان واسلوب وبدخ مانحكيلك رصيد هداية شن ماتبي
اعتدال … ليكم الف سنه مافهمتوش انى نحب صديق 💔 كان بنكلم وخلاص والا حتى نتزوج مش صاعبه لكن انى مانبيش غير صديق 😍
دانية …😒 راجي املاه وخشيت وخليتها

~~~~~~~~~~~~~~~~~~~~~~~~~

أيوب … كان عندي موعد مع واحد في المنطقة هذه بعد العصر وصلت بكري شوية شفت جامع قلت ننزل نصلي وبعدها نكلمه نزلت وسألت يلي واقفين على دورات المياه وين قالولي خلف الجامع كان لاف عليه سور كبير الجامع في وجهة الطريق ووراه فيه دورات المياة وديار كبار بابين مصكرات وقدامهم احدية 🤔
أفنان … طلعت بنت صغيره قالت نبي الحمام 🤦🏻‍♀️ وجيت طالع وقفني صوت ❤️
ايوب … لو سمحتي
افنان … تلفتت 😳 نعم شن ادير هنى
ايوب … جمال براءة 😍 شكلها يهبل لدرجة سرحت ونسيت شن بنقول
افنان … نعم !!!!!
ايوب … ندور في دورات المياه انى اول مره نجي للجامع هذا تلخبطت هذا مصلى النساء والا شن ؟
افنان … شاده بيدي عبايتي نضغط علها من الارتباك لالا هنى فصلين لتعليم القرآن دورات المياه غادي
ايوب … ابتسمت على حركة ايدها واضح انها محترمة ، تمام شكرا ياشيخة ومشيت
افنان … 😍 قعدت واقفه نشوفله وهو ماشي
البنت … هياااااااا خلاص معادش نقدر
افنان … اها ايه هيا فيسع ومشيت بيها ،، رجعت كملت معاهم ورقينا للمصلى فوق صلينا العصر وطلعنا انى وحور بنروحو
ايوب … طول ماني نصلي وهي بين عيوني اتصلت بالولد قلتله بنتأخر شوية وقعمزت في سيارتي 🤷🏻‍♂️ مش عارف شن نستنى باهي هي بنت ؟ متزوجة ؟ مخطوبة ؟ شن وضعها زعما قعدت نشوف لكل وحده طالعه 🤦🏻‍♂️ والحمدلله انه مرش السيارة مش نظيف مش واضح وين نشوف منه بعد ماروحوا اغلب الرجاله وطلعت كم بنت صغيره بعدها طلعت هي ايه والله الا هي 😍 معها بنت ثانيه في نفس العمر تقريبا كويس مدام مافيش واحد جي روح بيها فيه امل ،،🙄 امل لشن ياايوب شد فرين شوية رن تلفوني كلمني الولد ووصفلي المكان يلي بنتلاقوا فيه ولعت ومشيتله

افنان … شن قلتي ؟
حور … شن فيه يابنت من وقت طلعنا مش معاي بكل
افنان …😍 نحكيلك ماتحكي لحد ؟
حور … شن ؟؟
افنان … امبكري اريج كالعادة تبي الحمام طلعتها شفت واحد في ساحة الجامع
حور … باهي !
افنان … تنهدت يهبل ياحور سالني على دورات المياه وين ،، يعنى تبارك الرحمان شن هذا شخصيه جميل مع انى حاولت مانرفعش عيني فيه تحسيه راجل
حور … هههههههه ماشاءالله وكيف حسيتيه راجل من نظره
افنان … هكي شخصيته تحسسك زي خوك صديق
حور … هههههه صديق !!!! شن فيه زايد
افنان … غر انتِ اخته ماتركزيش عليه وماتشوفيلاش بالنظره هذه
حور … هههههه ردي بالك تسمعك اعتدال تحسابك بتنافسها تقتلك
افنان … هههههه ايه والله مامعها لعب
حور … حسيتيه هو اعجب بيك ؟؟
افنان … مش عارفة 💔 بس في كل الاحوال هو قال انه مش من المنطقة 😔
حور … والله كان عجبتيه توا يسأل حد من يلي صلوا ويعرف
افنان … خلاص خلاص فوتي الموضوع

~~~~~~~~~~~~~~~~~~~~~~~~~~~

ايوب … قتلك
عبد المهيمن … شن ماعجبتكش ؟؟
ايوب … لالا عجبتنى خلاص موضوع السيارة اعتبره تم بنسألك على حاجه
عبد المهيمن … على مانعلم !
ايوب … وقفت صليت في جامعكم المهم تلقيت انى وبنية تقري فيه تعرفها ؟؟؟
عبد المهيمن … 😒 خير ان شاء الله
ايوب … مافيه الا الخير ان شاء الله 🤨
عبد المهيمن … مافيش الا اثنين نعرفهم يقروا فيه مرت الشيخ متع الجامع وبنت الحاج امحمد لكن الحق مانعرفهمش بالشكل يعنى حتى لو توصفلي مش ح نزبطها
ايوب … اها 💔 صحيت
بنية صغيره لابسه عباية ووشاح عبد المهيمن قالتلك ماما تعاله ارفع الشاهي
عبد المهيمن … باهي هيا
ايوب … ماشاءالله ربي يصون تعالي سلمي اختك هذه ؟
عبد المهيمن.… ايه وناض خش
ايوب … تعالي تعالي ، شن اسمك انتِ
البنية … لجين 😌
ايوب … ههههه اسمك حلو يالجين وطلعت من جيبي 10 دينار هذه ليك خودي بيها حاجه حلوه 😉 وين كنتي لابسه هكي كنتي في الجامع ؟؟
لجين … ايه
ايوب …😍 شن اسمها الشيخة يلي تقري فيك ؟؟
لجين … افنان ❤️
ايوب … هي يلي تقري في الصغار بس والا معها شيخة ثانية ؟؟؟
لجين … لالا الشيخة الثانية مرت الشيخ قرتنا لما عم الشيخة افنان مات 😱 تضرب فينا بالعصا زي راجلها
ايوب … ههههه فرحت معنها هي يلي مش متزوجه ❤️
عبد المهيمن … لجين امشي لامك

~~~~~~~~~~~~~~~~~~~~~~~~~~

#في_الليل

صابرين … ياسر خل نروح حتى جيهتنا كلهم يسألوا عليا بيجوا يعزوني في حوشي
البنات … تمام بالسلامة
صديق … خش بنقولك راجلك قال هيا
صابرين … ايه واتيه غر طلع معاي هالساكو وراس صديق
صديق … استغفر الله قولي بالله عليك
صابرين … ههههههه ننسى هيا مانوصيكش عاد حرك روحك وجيب صحابك للبنات قعدوا في رقبتنا راهو ماعندهم غيرك كلهم هههه
اعتدال … نفنص فيها 🤦🏻‍♀️ بس زي مايقولوا ام البهلول ينقطع شاربها وولدها مايديرش عقل
صديق … افنان اوكي نحصللها لكن اعتدال اعدروني هههههه
اعتدال …😍😍
صديق … قصدي يعنى صحابي تعرفوهم اعتدال هههههه ماتمشيش معاهم وخديت الشنطة وطلعت
صابرين … هيا تصبحوا على خير

اعتدال … شفتوه شن قال 😍
حور … من صديق ؟؟؟
اعتدال … ايه واضح انه يحس بحاجه اتجاهي حتى هو ، قال اعتدال لا بعدين تحشم رقعها 😉 وقال لانه ماتمشيش معاهم صحابي
دانية … بلا عبط واضح لانه صحابه محافطين ويبوا بنات نفس افنان وانتِ مش متع لبس عبايات وعقل
اعتدال … 😒 بلا حسد كلامه واضح
حور … فكونا من الدوشة يابنات
دانية … ههههههه علاش تضحكوا علها شن يلي واضح قوليلها ياافنان وياحور انه كلامي صح قال حسد على شن بنحسدك على حبك الافلاطوني من 1000 سنة !!! انى عندي 100 واحد
اعتدال … ايه تحسدي لانه مافيش واحد منهم راجل وقالك نجي لحوشكم كلهم مفرخ يضحكوا عليك ويمشوا في الوقت انى رغم انه يبينى لكن مش راضي عليا حتى يكلمنى لين يجهز روحه ويتزوجنى طول
دانية … هههههههه لالا وضعك بدي خطير شوفي دكتور نفسي ، تقوللكم رغم انه يبينى امته صار هذا حنى وين
افنان … دانية صكري فمك ونوضي بنروحوا
دانية … يعنى كلامها على اختك انها مضحكة عادي وهي مارضتيش فيها
افنان … دانية 😠 تحركي وقفت تصبحوا على خير وطلعنا
دانية … مشيت متعصبة سبقتها
اعتدال …💔 حتى انى بنوض
حور … خليك الليلة خيركم كلكم بتسيبوني في نفس الليلة
اعتدال … لالا نبي سريري ياسر توا نجيك غدوا قبل مانمشي للمدرسة بعدين اهو انى خطوه
حور … تمام تصبحي على خير ،، ونضت ضميت الحوسه وخشيت رقدت
اعتدال … خشيت لداري قعدت نبكي 😢 تخيلي كلام دانية يطلع صح يااعتدال لكن انى نحس نحس انه يحبنى ! باهي بالك هذا مش حب بالك انى يلي نبالغ في تفسير كل موقف ، ونحمل في كلامه في معاني ثانية 💔

⭐️روايــــــــــــات صفــــــــــــــــــاء⭐️

~~~~~~~~~~~~~~~~~~~~~~~

افنان … نفس كل ليلة دانية تصكر من واحد تكلم واحد 🤷🏻‍♀️ ربي يهديها وين نكلمها ادير موضوع تقول مش اختي 💔 بس انى الليلة هذا فيه حاجه متغيره عندي مش قادره نرقد صورة الولد يلي مانعرفش حتى اسمه بين عيوني كل مانغمض عيوني يجي قدامي 🤦🏻‍♀️ توا هذا شن ياربي حب من اول نظره والا جفاف عاطفي 💔 شفت للساعة ياسلام الساعة 3:30 لو رقدت توا مش ح نقدر ننوض للفجر شفتي ياافنان الجو هذا شن يدير ، ربي ماتشغل قلبي الا بذكرك نضت توضيت وصليت ركعتين وقعدت نستغفر لين اذن الفجر صليت ورقدت وانى نحاول نطلعه من رأسي

~~~~~~~~~~~~~~~~~~~~~~~~

#ثاني_يوم

حور … الفطور واتي خل نحدد حوايجك
صديق … حدد بروحي ماادوريش
حور … باهي افطر
صديق … ياريت كملتي نومك راهو درت بروحي توا معادش تقدري ترجعي ترقدي مرات يولي حد يهدرز
حور … كيف بنبعتك بلا فطور
صديق … هي على دحية مقلية ريت هالفطور
حور … ههههههه احمد ربك
صديق … نعمة كريم
حور … صديق 💔 حقا توا اياد بيروح ياخد كل شيء ويطلعنا من الحوش
صديق … شوفي من لقطة انه ماباش يجي لجنازة بوه واضح مش ناوي خير ، لكن هذا حقه جي وقال كلمة خير مكانه على روسنا هذا ولد المرحوم قال اطلعوا هذا حقه وماحد يلومه
حور … 😳 وحنى كيف يصير فيا
صديق … الحمدلله بخدمتي انى خيرك نأجر حوش لينا
حور …💔 كنت تبي تلقط وتبني ورافض حتى بابا يساعدك توا بتأجر وتقعد تدفع في معاشك ايجار عمرك كله
صديق … وكان مش ح نلوح اختي في الشارع اكيد المهم توا انتِ ماتفكري في شيء هذا كله فارغ شدي في قرايتك وتخرجي السنة هذه وفكينا
حور … انى مفروض متخرجه قداش ليا لكن تعرف بابا الله يرحمة كل سنه تصير مشكلة والا ضرب يقول وقفي تصيرلك حاجه
صديق … الله يرحمه هههه حتى انتِ خاطرك هلبا ووقفت هيا السلام عليكم
حور … وعليكم السلام

~~~~~~~~~~~~~~~~~~~~~~~~~

امحمد ::::: افنان تعالي
افنان … نعم !!
فرج … بنسألوك على حاجه لكن ماتهدرزيش لحد من العيلة
افنان … ان شاء الله خير
امحمد … حنى مانورتوش في خونا مدام عنده ولد ذكر صح وله ؟؟؟
افنان … ايه صح
فرج … لكن لو بوي الله يرحمه كان حي يورث ؟؟؟؟
افنان .… ايه طبعا يورث في ولده حتى وكان عنده ولاد
امحمد … حتى لو مات قبله بشوية بس
افنان … حتى لو عمي مات قبل جدي بدقيقة يعبر جدي وريث وانتم في الحالة هذه ثورتو جدي في حصته يلي ورثها هو من عمي ،،، لكن شن فيه مافهمتش
امحمد … شيء شيء بنتي ربي يفتح عليك
افنان …🙁 ان شاء الله ونضت طلعت

⭐️روايــــــــــــات صفــــــــــــــــــاء⭐️

~~~~~~~~~~~~~~~~~~~~~~~~~~~

#بعد_اسبوع

افنان … كنت في الجامع كالعادة دق باب الدار وهو كان مردود بس مشيت جيهة 😍 نفسه ايه والله هو ،، ….. تفضل ؟؟
ايوب … فرحت انى شفتها قدامي طول وماطلعتش ملخبط ،، اااا نبي نسجل ميار عندك
افنان … اختفت الابتسامة من على وجهي ، لو سمحت مايحقش للرجاله يخشوا هنى تكلم الشيخ وتسجلها عنده وهو يجيبها
ايوب … استغربت كيف تغيرت طريقتها فجاء 🙄 شن صار !!!! ،، باهي حاضر توا نسجلها عنده
افنان .… خلاص ، خشي ماما انتِ وانت سجلها عند الشيخ
ايوب … تمام ومشيت 🙁
افنان …🥺 طلع متزوج وعنده حتى بنت 💔 لا وجايبها باش نقريها عندي

~~~~~~~~~~~~~~~~~~~~~~~~~~~~

اعتدال … نقري في مدرسة عشية لبسة سروال اسود كله واسع وبلوزه بيضة طويلة عليه سبيدرو ابيض حطيت وشاحي وجيت طالعة خشيت من باب الجنان الفاصل بينه وبين عيلة عمي جمال بالك نشوف صديق برا 💔 بس مافيه حد مشيت للباب الرئيسي متعهم وفتحت الباب
اياد …✊🏻 رافع يدي بندق طلعت وحده في وجهي
اعتدال … مرض خلعتنى 💦
اياد … خير امك ادفلي علينا
اعتدال … احترم نفسك
اياد … باهي حولي من الباب
اعتدال … وعلاش !!!
اياد … بنخش ؟؟
اعتدال … والله حوش بوك ماهو
اياد … 😌 بالزبط حوش بوي انى اياد جمال ال&&
اعتدال … 😳

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى