رواية ولدك يا بلادي الحلقة التاسعة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة التاسعة .. روايات صفاء روايات ليبيه

رواية ولدك يا بلادي الحلقة التاسعة .. روايات صفاء روايات ليبيه

#ولدك_يابلادي

الحلقــــــــــ(9)ـــــــة

امحمد ….. عندي ولد خوي هو في حاله والله وماهو متع مشاكل ولد حرام متبلي عليه في موضوع كبير لو تقدر تدخل
حمزة…… ولد حرام 🙄 ، رن تلفوني ثاني ، سامحني لحظه وفتحت الخط ، مش فاضي خمسه ونعاودلك ؟؟
افنان…… نبي نتلاقة معاك في مكان نبي نهدرز معاك في موضوع صديق
حمزة……. 😳 قعدت نشوف لبوها وساكت ، توا شن ندير نرضي بوها باش بعدين يسهل موضوعي والا نكسب شوفتها هي 🤔
افنان ……. معاي !!!!!!!
حمزة…… بعد ساعة كويس ؟
افنان ……😳 اليوم !!!!
حمزة…… املاه امته ؟؟؟
افنان …… تمام باهي ، المكان …
حمزة…… توا لما بنطلع نكلمك وصكرت
افنان …… شفت للتلفون 😑صكر في وجهي استغربت اسلوبه بصراحة اول مره يتكلم معاي هكي

امحمد….. شكلي معطلك
حمزة….. لالا ابدا تعاله معاي وخشيت لمكتب 🤨 شباب اعطونا المكتب
الشرطي …… تفضل ياعميد وطلعوا
امحمد …….🙄 يشوف بأسف من مفروض يحترم الثاني
حمزة …… متاكد انه ولد خوك مادخله في شيء
امحمد …… والله راجل في حاله وماعنده وين بينظم يخدم في خدمته ويصلي في صلاته ومادخله في حد
حمزه….. شوف انى نقدر نطلعه بضمانتي لكن القضية تتصكر بكل مانعرفش الحق
امحمد ….. باهي عالاقل طلعة بكفالة والا حاجه وبعدها نديروا محامي ونجيبوا شهود
حمزة……. خلاص تم
امحمد …… انت واصل للدرجة هذه ؟؟؟؟
حمزة….. كانك شاك في الموضوع علاش كلمتنى
امحمد …… مش هكي بس
حمزة…… شوف انى في حالي والله وحتى موضوع الجامع سوء تفاهم شفتنى كيف عصبت عالشباب يومها يتصرفوا من رؤسهم ربي. يهديهم ( يكذب طبعا ههههه)
امحمد ……. اي عندك الحق جيل توا من يقدره بارك الله فيك
حمزة …… تمام انى خل نشوف الموضوع وطلعت من جنبة اتصلت بأوس
أوس …… عميد شن الاخبار
حمزة …… فضيلي مطعم ال && بعد نص ساعة بنكون غادي
أوس …… 😳 علاش ؟؟
حمزة….. موضوع هكي المهم مش توزع شباب وسلاح وادير العار مش لقاء شغل وانت مش معاي مانبيش نشوف وجهك غادي
أوس …… واضحة اصلا كان خدمة راهو في مكان مكسر مهجور ريحته معفنه 🤦🏻‍♂️ الحاجات الحلوه هده مش لأوس
حمزة…… ههههههه بالزبط ، المهم انى عندي موضوع بنتمه وبنخطم عالحوش نغير ونطلع
أوس ……😏 الشيخة في الموضوع ؟؟؟؟
حمزة…… ههههههه مادخلكش دير يلي قلته بس
أوس …… ههههههه بركاتك ياحمزة كيف صار بس
حمزة ……. صكرت في وجهه وخشيت كلمت الضابط وطلعت عطيت رقمي لبوها وقلتله اليوم تاخده تروح بيه معاك 😎 وهو قعد يشكر فيا هلبا ، طلعت روحت للحوش غيرت وركبت سيارتي واتصلت بيها

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

افنان ……😣 منحبش نكذب على اهلي ، مشيت لدانية ، اسمعي بندير يلي تبوه بس شن بنقول لي ماما وين ماشية ؟؟
دانية ….. الجامع 🤷🏻‍♀️ قوليلها الابلة عندها ظرف ماتقدرش تجي بنمشي مكانها
افنان ….. لالا جامع وكدب ، بعدين نبيك تمشي معاي توقفي بعيد شويه لكن المهم معاي نخاف بروحي
دانية…… بياكلك 😒 مش عارفه شن حب فيك بثقل دمك هذا ، حولي من قدامي
افنان ….. 😒قليلة ادب
دانية…….. ماما انى وافنان بنمشوا للخياطة سهام
جميلة….. علاش
دانية….. ليا فترة نتصل بيها بنقص بلوزتي لكن قلتلها نبها على عيني قالت لما نفضه نكلمك تجي توا اتصلت
جميلة…… وقتها توا وحنى حالتنا حاله
دانية……🙄 شن ماشين ندهوروا هي خياطة مش حفلة ، وحتى افنان بتنقص عباية ، مانعطلوش
جميلة…… باهي تعالوا قبل مايروح بوكم ويقعد يعارك كيف بعتكم بروحكم
دانية….. تمام وخشيت هيا نوضي البسي
افنان ….. مسهل عليك الكذب
دانية ….. بالله عليك تذكري علاش ماشية وفكينا من اللون الاسود
افنان …… طلعت عباية سوده والله مالابسة غيرها
دانية ….. وااااك على نكدك عالاقل البسي الوشاح البيج والشنطة يلي معاه
افنان …..😒
دانية …… بنقولك ديري كحل في عينك ، لكن عارفه مستحيل عمري ماشفتك دايرتيه كان تقوليلي شن عجبهم فيك بس
افنان …… خديت الشنطة ولبست السبيدرو وطلعت ، ديما تقولي فيها دانية فهمنا انك احلا منى خلاص لكن علاش الاحباط هذا 😒 بعدين انى مانبهمش يعجبوا بيا زي المريض هذا ، هالشكالات قلتهم خير
دانية…… تلفونك شدي ومعادش تركبي شفرتك عندي خودي جهاز 😒
افنان …… رديت عليه الو
حمزة…… شن صار فيك
افنان ……😒 كيف طلعت من الحوش
حمزة….. تمام نتلاقوا في مطعم ال &&&
افنان ……😳 لالا شن مطعم نتلاقوا في مكان عام
حمزة….. ضحكت ههه اخر تصنيف للمطاعم نعرفه انها اماكن عامة
افنان ….. لا طبعا معاك انت 😏
حمزة ….. تمام نمشوا لكافي ؟؟
افنان ….. لا
حمزة…… 😑 وين املاه ياافنان ؟؟
افنان ….. في الميدان والا حديقة والا ملاهي المهم مكان فيه هلبا ناس ومفتوح
حمزة….. اوووو ، اووو ، شكلك واخده عليا فكره غلط بكل شن خايفه بنديرلك
افنان …… شن قلت ؟؟
حمزة…… شن بنقول هو فيه احتمال نرفض اصلا 💔 ((وقال العقلُ دعْهُ ولا تزُرْهُ
‏وقالَ القلبُ فلْتذهبْ إليهِ
‏حديثُ العقلِ موضوعٌ ولكن
‏حديثُ القلبِ متفقٌ عليهِ )) والا شن رايك ياشيخة
افنان ….. سكتت ، خلاص لما نوصل نكلمك وصكرت
دانية…… اوووف مثقل دمك ، شبحتي فيه بيحبسنا كلنا بعد اللقاء هذا 🤦🏻‍♀️
افنان ….. دانية 😒 انى متوتره من غير شيء مش ناقصاتك بعدين هو مش غبي لو تعاملت معاه بلطف فجاء ح يفهم

~~~~~~~~~~~~~~~~~~~~~~~~~~~~

حور ….. روحت للحوش بناخد منه حوايج اول ماخشيت نسمع في اياد
اياد …… اجلها القضية توا ،، عندهم مشكلة والحكاية مش ناقصة ، 😡 تي هم فلوسي والا فلوسك ، انت محامي اسمع شن نبي ودير اجلها لين يهدا وضعهم مش ناقصهم توا محكمة وابصر شن وصكرت
حور …..😍 طيب بس ما يحبش يوضح خبطت الباب على اساس كيف وصلت
اياد …..😒 روحتي كيف قلت افتكيت منهم واخيرا قعدت بهدوء
حور ….. ابتسمت بنولي غادي تبي نديرلك حاجه قبل مانمشي
اياد … عايش بروحي ليا 15 سنة فراقك مش ح يقتلني
حور …… تمام وخشيت للدار
اياد …… لحقتها كيف عايشة انتِ وضرتك ماقطعتوش بعض
حور ….. تبي تطمن على اعتدال ؟؟
اياد …….😒 وعلاش بنطمن علها
حور …… شيء قصدي انتم بديتوا اصدقاء وهكي وهي الوحيدة يلي من العيلة تهدرز معها
اياد …… امممم
حور …… مكتئبة وادور في محامي وتبي ادير حملة في الفيس وافكار اعتدال يلي ماتمش
اياد …….💔 ربي يعاونها وطلعت

~~~~~~~~~~~~~~~~~~~~~~~~~~~~~~

اعتدال ….. بنزل صورته عالفيس ونخلي الناس ادير معاي حملة ونخلها قضية رأي عام
فرج ….. شن هو عيل رايح بتنزلي صورته
اعتدال …… توا الناس كلها هكي ادير لما تبي تلفت النظر لقضية
صابرين ….. تفنص فيها باهي خلاص
فرج ….. بلا دواء فارغة وتكبير شوراخ وطلع
اعتدال ……💔🥺 مش انى يلي بنقبل الموضوع هكي ونقول هذا نصيبه لو لزم الامر نفضح يلي دخلوه
صابرين….. من هم
اعتدال……🙄 كلمة وخلاص قلتلها وخشيت

~~~~~~~~~~~~~~~~~~~~~~~~~~~~~~

افنان …… وصلت لحديقة فيها زحما قعمزت على كرسي وبعتله رسالة بالمكان
دانية ….. قعمزة في كرسي ثاني مقابلتها
حمزة……😏 خيرك ياحمزة شن صايرلك ليك سنين ماطلعتش بين الناس هكي 🤦🏻‍♂️ توا على خاطر فرخه تخاطر بكل شيء وطالع تهز في يديك هكي ، لا ومعها جايب معاك زوز قهوة لوين بتوصليني ياافنان 🤷🏻‍♂️ جيت جنبها مرحبا
افنان …… شفتله فوق لابس تشرت اسود نظاره سوده سروال بوت كل شيء اسود 😒 اهلا وبعدت شوية خليت مسافة
حمزة….. قعمزت في الطرف وحطيت القهوة في النص تفضلي مش عارف تحبي القهوة والا لا بس جبتلك بيما انك ماتبيش مكان عام هههههه قصدي مش عام
افنان ….. من جدك متوقع نشرب حاجه انت جايبها
حمزة……🤨 جبتها من محل مش انى دايرها
افنان …..😒 اشبح شن حاطلي فيها منوم والا مخدر
حمزة……😑 بجد تتكلمي ؟ 💔 علاش شن الفكرة يلي واختها عليا ؟؟؟
افنان ….. نتوقع منك كل شيء كنت طول الوقت نشوف قدامي ومابيتش نشوفله بس كنت حاسه انه ماحولش عيونه من عليا 💔 وصراحة هذا كان موترني كنت حاطة يدي على الكرسي ونضغط عليه بقوة
حمزة….. انى كان نبي ندير شيء زي هذا نقدر ناخدك توا من وسط الناس وماحد يتكلم
افنان …… للاسف فعلا البلاد هكي ولت 🤷🏻‍♀️
حمزة…… قلتلها قبل ونقولها توا ونقولها بعد 1000 سنة انى ندير اي شيء صح بس انت مش ح نأديك
افنان ….. لكن انت اديتنى 🥺 لما حبست ولد عمي اديتنى لما خربت شغل زوج بنت عمي اديتنى لما طلبت مني نسيب خ….. سكتت خفت يصكر رأسه 🌚
حمزة …… حولت النظارات ، انى نحبك
افنان ….. اول مره في حياتى نسمعها من حد لايف 😳 قعدت جامدة ومتاكده انه وجهي احمررررر
حمزة….. مش نحبك انى نعشقك نعشقك افنان 🤷🏻‍♂️ مانقدرش نخليك لواحد ثاني
افنان …… بطلع صديق والا لا ؟؟؟
حمزة……. مقابل ؟؟؟؟؟؟؟؟
افنان ….. تلفتت شفت لعيونه 🥺 مقابل انى طلبت منك او حتى ترجيتك ، بالله عليك صديق مش بروحه حياة حور مربوطة بيه كان بيتزوجها ويحميها لو طول في الحبس ح تتبهدل وتسيب الحوش وهي ماعندها حد في الدنيا بنت بروحها تخيل شن ممكن يصير فيها حمزة بالله عليك حكم ضميرك فكر بإنسانية شوية بالله عليك شوفني هه وشوف للبنات واشرت عالساحة الوحده فيهم احلا من الثانية الطويل يلي جسمها تقول عارضة ازياء يلي عيونها ملونات يلي شعرها هكي طولة ، وكلهم عيونهم عليك من لما جيت ليهم ساعة وهم يشفولك ، شن عاجبك فيه انى تلقا الف وحده خير منى لا وهي يلي ميته عليك زيادة
حمزة…… كنت سرحان فيها ، في عيونها ❤️ تعبير وجهها ❤️ صوتها ❤️ حركة يدها وهي تتكلم ❤️
افنان …… الو !!!
حمزة……. وقفت وبالك تحسابي مقلتش الكلام هذا لروحي بدل المره الف ، وخبطة بالنظارة على قلبي لكن شن يقنع هذا
افنان ….. وقفت يعنى توا شن 🥺
حمزة….. لبست النظارة توا تمشي لاختك هذيكة تروحي انتِ ويها للحوش ، وقوليلها الفرخ منير يلي تهدرز معاه تفوته وتلفتت بنمشي
افنان ….. لحقته لحظه لحظه انت تراقب في اختي 😳
حمزة……🤨 علاش بنراقبها لما دورت رقمها باش نكلمك شفته في السجل مسجلها في تلفونه باسم وسخ
افنان ….. بلعت ريقي وتحشمت سكتت
حمزة…… يلا بالسلامة توا ، نتلاقوا ومشيت
افنان …… 😳 شن نتلاقوا وين بنتلاقوا 😡
دانية…… شن صار شن قال ؟؟؟
افنان ….. مافهمتش لا خديت منه حق لاباطل 🙁 قعمز وناض وانى مالحقت نقول شيء
دانية…… ورأس امك جايبينك بتلخبطيه مش هو يلخبطك
افنان …… احترمي نفسك مش قصة لخبطني 😒 بس انى قاعده نتكلم وقف بيمشي وغير الموضوع عليك
دانية….. انى ؟؟؟
افنان …..😒 ايه قال تكلم في واحد اسمه منير مش كويس مسجلك باسم سخيف في تلفونه
دانية……😒 قوليله ماهو انى مسجلاته الداعية منير 😏 ماهو حتى انى مسجلاته باسم مش كويس ومشيت
افنان ….. ربي يهديك ومشيت ورها

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

حمزة….. فتحت باب السيارة لقيت أوس 😳 شن جابك
أوس …… نخليك في مكان زي هذا بروحك وين عقلك فرخة تخليك تخاطر هكي
حمزة….. اركب سوق مدام جيت ولفيت ركبت من الباب الثاني
اوس …… اتصل بالشباب احنى طالعين توا 😉
حمزة…… وجايب الدنيا كلها
اوس …… ولع السيارة تي كيف خليتنى نسوق سيارتك مش فاهم
حمزة…… شفت ليديه كانو عرقانااااااات البنت هذه مش عارف شن ادير فيا لما نشوفها
اوس ….. شن تبي ؟؟
حمزة….. نطلع ولد عمها
اوس ….. قلتلها طلعته ؟؟
حمزة ….. لا
اوس ….. املاه ليش لقيتها
حمزة….. ليش يعنى 🤷🏻‍♂️ جتنى فرصة انه نشوفها ونهدرز معها بنقول لا ، وتكيت الكرسي لين رقدرت وحطيت يديه وراء رأسي تصدق بالله نص الكلام يلي قالاته ماسمعتش
اوس …… هههههه شاف مطب خش فيه بقوة جهده
حمزة….. خير امك 😡
أوس …… هههههه نبيك تفيق من احلامك

~~~~~~~~~~~~~~~~~~~~~~~~~~~~~

امحمد….. خاش ياعيلة وينكم فرج وينك 😍
فرج ….. طلع بسرعة ووراه حور واعتدال وصابرين
امحمد ….. خش خش
اياد ….. كنت نشوف فيهم من بلكونة حوشنا اطل على سورهم 💔
صديق ….. خشيت
حور ….. 😭😭😭
اعتدال ….. حطيت يديه الزوز على فمي ودموعي ينزلوا
حور …… جريت ليه حضنته نسيت قصة الزواج ومايجي منها هذا خوي يلي تربيت معاه خوي يلي ديما واقف جنبي فرحتي بيه بالدنيا كلها ❤️🥺🥺 الحمدلله الحمدلله
صديق ….. بصراحة معادش قادر نشوفلها انها اختي زي قبل كنت متحشم ومش قادر نقيم يديه باش نحضنها
اعتدال ….. حور من يلي بنغار منها 🥺 حور اخته وح تقعد طول عمرها اخته في نظري ونظره ونظر الكل قربت منهم وقفت وراها
حور ….. حولت الحمدلله الحمدلله
صديق ….. شفت لاعتدال 😂 تبكي يامشفشفة والله وطلعت غالي وحطيت يدي على كثفها طبطبت عليه خلاص والله حتى ضرب ماضربوني وقدمت نسلم على عمي فرج
اعتدال ….. قريب متت من الفرحة من حطت يده على كثفي وبنيت علها احلام قريب شريت حتى الفيلو متع عرسنا 😍😂
جميلة…. طلعت تزغرت رررروري كيف صار سلامتك كبيره ياولدي
اياد ….. نشوفلهم وانى منغاض منه علاش الكل يحبه هكي 😡
اعتدال ….. تلفتت فوق شفت اياد
اياد ….. جت عيني في عينها خشيت طول
افنان ….. خشينا نسمعوا في دوشة 😳😳 صديق
دانية…… مش معقولة بالسرعة هذه لقناهم مقعمزين وحاطين شاهي
صديق ….. ههههه مصدومات صديق صديق
دانية…… كان مش نعرفك ماتسلمش راهو اضبطك ههههه الحمدلله على سلامتك
اعتدال ….. ههههه لالا توا بيضبط ويدير حتى احرف باش ينفي التهمة
افنان…… الف الحمدلله على سلامتك
صديق ….. الله يسلمك
حور ….. توا خلاص ؟؟
صديق ….. القضية مفتوحة بس عمي امحمد معرفتش كيف ربي الهمه ولقي الولد متع السلاح يلي خش للجامع ودار دوشة زمان في المركز كلمه وطلب منه يدخل
امحمد ….. الولد واصل الحق ومتعاون طول خش قال كلمتين للضابط وطلع قالي اجرات شوية وتروح بيه انى عندي مشوار نحسابه يجري بيه مافاتش ربع ساعة جابولي صديق وجو
افنان ….. 😳 بلعت ريقي امته طلعت ؟؟
اعتدال…. ليهم نص ساعة واصلين ممكن
افنان ….. في خاطري يعنى ضحك عليا كان مطلعه وين لقاني 😠 خديت تلفون دانية وخشيت انى نغير وتوا نجي
اتصلت بيه وانى معصبة
حمزة ….. الو الو الو 😍 اشتقتي لصوتي وله
افنان ……😠 مبردك تضحك عليا وترفعني لاخر الدنيا وفي الاخير تطلع طلعت صديق من انت باش تلعب بالناس هكي تحبسه اطلعه ادل بابا يجي يطلب منك ادلني انى نجيك شن تحساب روحك ؟؟
حمزة…..😡 اول حاجه انى قايلك من الاول واحمدي ربك انى طلعته ثاني حاجه ماطلبتش منك انك تتلاقي معاي انتِ يلي تسمعي في نصايح اختك على اساس استغلي حبي ليك واقنعيني 🤨 ثالث حاجه والاهم اكيد مش ح نرفض شوفتك في اي وقت تطلبي تشوفيني
افنان ….. يامخلوق انت
حمزة ….. اووووف ياصبر ….. استغفرالله كرهتيني في اسم ايوب 🤦🏻‍♂️ انفصلي عليه ياافنان بلا عناد لانه توا طلعت صديق بس راح نحبس الكل كان استمريتي في تصكير رأسك يلا سلام وصكرت التلفون
افنان …….😒

~~~~~~~~~~~~~~~~~~~~~~~~~~~~~

حور …… خشينا نجهزوا في العشي
اعتدال ….. اياد قاعد بروحه زعما نبعتوله من العشي
حور ….. فكرتيني فيه تعرفي انه اجل القضية لانه مشغولين في حبسة صديق
اعتدال ….. الله ؟؟
حور ….. سمعته بودني ، نحسه فيه طيب بس عنده حقد سنين عالكل وهذا يلي خلاه هكي يدير
اعتدال ….. حتى انى مرات نحسه فيه كويس ومرات خبيت

~~~~~~~~~~~~~~~~~~~~~~~~~~~~

#ثاني_يوم

افنان ….. نضت من الصبح لقيت امي حايسه قالت بابا عازم رجاله على خاطر طلعت صديق بديت نساعد فيها
دانية …… نضت عيوني مغمضات مليت من تلفوناتك افنان علاش ماردتيش شفرتي شدي خطيبك يتصل
افنان ….. خديته وطلعت الو
ايوب ….. حبيبي وينك ؟
افنان ….. لانه التلفون مع دانية طول الوقت ماتقوليش كان حد اتصل
ايوب ….. باهي نحلوا قصة التلفون هذه 🙃 شن رايك
افنان ….. تمام كيف ماتبي 🥰
ايوب …… اتصل بيا بوك قبل شوية عزمني قال امداير عشي الليلة
افنان ….. ايه صح
ايوب ….. نبي نشوفك
افنان ….. حتى انى لكن نعرف مناسباتنا زحما وواحد خاش وواحد طالع ، خلي يومين ثلاثه وتعاله بروحك
ايوب ….. مدوريش انتِ انى نتفاهم مع صديق يدير رأي نشوفك ونعطيك التلفون
افنان …… تمام ❤️

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

صديق ….. كنت بايت في الحوش طلعت لقيت اياد داير فطور
اياد ….. طلعت من الحبس ؟ شن مازال بتطلع من مصايب وراك والمشكلة عامي الكل بحركاتك انى كويس وطيب ووو
صديق …… جبدت كرسي وقعمزت اياد انى وانت مش في منافسة بوك ماتبننيش باش يدير ولد بدالك ، بوك كان يبى حد يهتم بيه ويلقا حد في كبرته ومنها يسعد امي الله يرحمها لكن ولا عمره استغنى عليك ولا بطل يعتبرك ولده الوحيد
اياد ….. مش محتاج شوية هالكلام التافه باش تواسينى بيه ونضت
حور ….. روحت دقيت عالباب وفتحت ، صديق حتى انت هنى
صديق ….. خيرك علاش جاية
حور ….. بناخد حاجات
صديق …… لحقتها حور
حور ….. نعم
صديق ….. نتاكد من انه الموضوع تصكر الليلة من الولد يلي طلعني وبعدها نحدد موعد ثاني نتم فيه موضوعنا عارف قعدتي متبهدلة بين الحياش وقرايتك قريب تبده
حور …… هزيت برأسي بمعنى باهي وطلعت 💔

~~~~~~~~~~~~~~~~~~~~~~~~~~~~~

ايوب ….. كنا مقعمزين تفاهمت مع صديق انى نشوف افنان والعزومة اصلا كانت في مربوعة جمال صح صديق معجباش الموضوع هلبا بس وافق ، شوية وخش علينا اخر شخص كنت متوقع نشوفه 😳
حمزة….. طبعا بوها اتصل بيا وعزمني وانى ماحبيتش انضيع فرصة زي هذه ومشيت اول ماخشيت شفت ايوب 😒
امحمد… وقف سلم على حمزة وعرفه على الموجودين واهتم بيه بزيادة لانه براني ولانه في نظره ليه الفضل في طلعت صديق
ايوب ……😡 نشوف في عمي امحمد كيف يرحب بيه وكيف مهتم بيه في اللحظه هذه صدقت افنان انه هو يلي حبس صديق باش يدير حركه زي هذه ويطلعه
حمزة….. اغلب الموجودين حاضرين مشكلة الجامع ومش طايقينى لكن يلا على قولة اخوتنا المصرين عشان الورد ينسقى العليق تعشينا وماصارش كلام بينا انى وايوب اعتقد لنفس السبب كل واحد فينا يبي يخلي صورته كويسه في عيون الموجودين
ايوب ….. طلعت مع صديق ، لحظه نجيب حاجه من السيارة
صديق ….. تمام
حمزة….. نحسابه طلع روح استدنت وطلعت بندخن وقفت في الجنان
صديق ….. حمزة نبيك شوية في موضوع
حمزة….. تفضل
صديق ….. لحظة بس ناخد طريق لايوب
حمزة ……😳💔 شفت ايوب خاش في يدة بوكس واضح انه هدية 🎁 خش جية الباب الصغير يلي بين حوشهم وحوش عمهم وصديق معاه 😡 كنت بنموت عرفت انه ماشي بيشوفها 💔 بيهدرز معها يقولي الشطان اسحب توا وامشي اقتله كنت بنتفجر واقف بالسيف خبطت رجلي في سطول الغرس يلي قدامي 100 مره 💔

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

ايوب ….. وقفت في فرندات المربوعة متع حوشهم
افنان ….. نداني صديق طلعت لابسة قونة طويلة مع بلوة وردية ووشاح وردي
صديق ….. ماتعطليش 😒
افنان ….. كنت متحشمة منه لين خلاص ، حاضر ومشيت
ايوب …. اول مره نشوفها في لبسة غير العبايات 😍 جسمها كان واضح اكثر تهبل كل يوم نحبها اكثر من اليوم يلي قبله
افنان …. قربت منه مديت يدي كيف حالك
ايوب ….. سلمت علها وقعدت شاد يدها 🤤 تعرفي انه اول مره نمس يدك
افنان ….. سخنت 😳 وسحبت يدي وقعدت نشوف لوطة
ايوب ….. شوفي لعيوني افنان نبي نتأملك زي الخلق
افنان …. شفتله فوق 😍 يهبل ❤️
ايوب ….. هذا ليك
افنان ….. علاش متعب روحك
ايوب ….. ياريت نقدر نجيبلك الدنيا كلها
افنان ….. تسلم
ايوب …… افنان نبي نبعت عمي غدوا يحدد العرس مع بوك
افنان ….. كنت متوتره 😳
ايوب ….. قربت شوية منها افنان نبيك معاي خلاص معادش نبي نستنى
افنان …… خفت من حمزة وشن ممكن يدير بس اكيد فرحت انه ايوب يحبنى ومستعجل نكونوا مع بعض ❤️ تمام
ايوب ….. اي بوك عازم حتى ال
صديق ….. احم ايوب ايوب ومشيت جيهتهم
افنان ….. سلام خديت الصندوق ولفيت من الجيهة الثانية قبل مايوصل
صديق ….. هيا نمشوا للجماعة
ايوب ….. تمام وطلعت سلمت عليه وركبت سيارتي وطلعت

افنان …… فتحت البوكس كان فيه ورد وشكولاته وتلفون ❤️❤️ كملنا وخشينا رقدنا تاني يوم فقت على اتصال اخت ايوب الساعة 8 الصبح 😳 فتحت الو
اخت ايوب عائشة ….. افنان سامحينى في هالصبح لكن بنسألك ايوب ماكلمكش ؟؟
افنان ….. نضت قعمزت كان عندنا البارح شفته بس بعدها مااتصلش
عائشة …… من وقت طلعلكم معادش روح 😭💔
افنان …… كي كيف بالك عند حد من صحابه والا حاجه
عائشة ….. سألنا الولد يلي ديما معاه في الشارع ومن بكري يتصل ومالقاشي عند حد وهو اصلا مش من النوع يلي يبات برا المهم كان عرفت حاجه توا نتصل بيك
افنان …… عائشة خوفتينى
عائشة …… انى بروحي خا… لحظه افنان امي هذه مش سيارته
ام ايوب …..😭😭 لقوها بمفاتيحها في بداية الشارع وهو مش فها
افنان …….😳😳

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى