رواية ولدك يا بلادي الحلقة الثالثة .. روايات صفاء روايات ليبيه | القلم الناجح
روايات ليبيه كاملة

رواية ولدك يا بلادي الحلقة الثالثة .. روايات صفاء روايات ليبيه

رواية ولدك يا بلادي الحلقة الثالثة .. روايات صفاء روايات ليبيه

#ولدك_يابلادي

الحلقــــــــــ(3)ـــــــة

فرج … كيف شن قصدك ؟
صديق … انى يشهد عليا ربي ولا يوم شفتها غير انها اختي ، لكن هذا مايغيرش انى مش محرم علها وحتى اياد🤷🏻‍♂️ لا بينا صلة دم ولا راضعين مع بعض يعنى مش خوت وقاعد حوش بوي فيه مافيه بس توا لما ننتقلوا لشقة بروحنا 💔 حتى الشيخ جابر كلمتنى في الموضوع ومانشوفش انه فيه حل غير هذا
فرج … ياولد والله شن بنقولوا توا انى بروحي ماكنتش راضي لكن لما اصر قلت هو حر والحق لقي فيكم الخير خير من ولده يلي من صلبه لكن بالنسبه ليا الحق مانقدرش وزي مانت مش محرم لها حتى انى زيك
صديق … شفت لامحمد
امحمد… انى عندي زوز بنات وان شاء الله نقدر نقيم بيهم مانقدرش الحق
صديق … 😡 تبوني نلوحها والا شن هي لا عندها عم لا خال نردها لاقارب امها من بعيد ماهم نفس الشيء بالعكس هم مايعرفوهاش بيحطوا عينهم علها 💔 والا نخلها بروحها !!! كيف اندير

~~~~~~~~~~~~~~~~~~~~~~~~~~

جابر … غر نهدرزو بالعقل
حمزه …🤔 عقل عقل فتحت التأمينه متع المسدس في السبته متع السروال ، هذا عقلي انى وضربت رصاصه في الهواء
افنان … عيطت 😱 وحطيت يدي على فمي
حمزه … شفت للروشن
افنان … صكرت طول
حمزة … الرصاصة الجاي في رأسك
افنان … البنات يبكوا ويعيطوا بالصوت صغار مقدرتش نسيطر عليهم 💔 خايفات ويلي تقول بنموتوا ويلي ابصر شن 💔

حمزه … الشباب وين سمعوا الرصاص خشوا وخشوا معاهم شوية من اهلي المنطقة وصارت دوشة لين ضربنا رصاصه في الهواء باش سكتوا وجيت بنمشي للدار ،، قدم واحد منهم بيردني ضربوه في رجله برصاصه وصارت دوشة ثاني والتموا عليه وهو شاد رجله ويعيط امه الباقي جمدوا
افنان …… لميت البنات في زاوية ضميتهم وقعمزوا معاي بنية ممكن 15 السنة تساعد فيه وتهدي فيهم 💔
حمزه … فتحت الباب وخشيت
افنان … بدي صوت الصغار يعلا اكثر نشوفله خاش بالبوت متعا عالبساط 💔 سلاحه في يده لابسه نظراته ، حولت البنية من حضني ومشيتله بسرعه 😡 وقفت قدامه وين خاش احترم نفسك اطفال هضم شن تبي
حمزه … شن تقولي انتِ بس 🤤 عيونهاااااا وماادرك ماعيونها ❤️

(فكاد صوتها أن يغلب قلبي فنظرت إلي عينيها فغلبتُ كلي )

افنان … نكلم فيك !! كان طويل لدرجة انى نشوفله فوق معرفتش هو طويل والا غر انى حفيانه وهو قاعد لابس مطوله عليا🙄 ، بس المهم مصطنعه عدم الخوف منه
حمزه … حولت النظره 🤨 وقدمت خطوه
افنان … شديت رسغ يده وين ماشي ؟؟؟
حمزه … مش عارف شن صايرلي البنت نتفه قدامي بس وقفتها مخليه حاجات تصير فيه مش عارف حتى نعبر علها قعدت نشوف ليدها
افنان … وين ماشي بسلاحك ؟؟؟ شن تبي ؟
حمزه … حطيت المسدس في خصري هه باهي هكي ؟؟؟ 😡 خلينى نبي بنت بنقوللها كلمتين وبنطلع ، وشفت للصغار وهم خايفين وين مارية ال &&&&&&
الصغار … اهيا اهيا اهيا يأشروا علها ،، والبنت مقعمزه مغطيه وجهها وتبكي
افنان … شن تبي فيها
حمزه … 🤨 قلنالك بنقوللها كلمتين
افنان … 😒 توا نجيبها اقعد في. مكانك
حمزه … نفكر توا رجاله برا مقدروش يوقفوك تجي هذه تأمر فيك وانت واقف متنح خيرك ياحمزه !!
افنان … مشيت بندها لقيتها متبوله على روحها من الخوف 🥺💔 وماتبيش توقف قدام الموجودين 😢 خلاص حبيبتى ماتخافيش ومشيتله ماتقدرش تجي قولي وانى نوصللها
حمزه …😡 بلا دلاع عاد
افنان … شديت في دراعه بيديه الزوز وقعدت نشوفله هكي 🥺 بالله عليك والله نوصل كل شيء قولي بس
حمزه …. نفضت يدي بغيض 😤 اسمعي يابنت قولي لبوك يسلم عليك العميد وطلعت
افنان …😡🥺 هالشكلات المريضه هذه يلى مخربه الدنيا

~~~~~~~~~~~~~~~~~~~~~~~~~~~

صديق …. وحنى في عز نقاشنا رن تلفوني ولد جيرانه رديت عليه 😳 شن تقول ، كيف كيف !!!
فرج … شن فيه ؟؟
صديق … مسلحين هاجمين عالجامع وطلعت نجري
امحمد … افنان 😳 طلعوا وراه

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~

ايوب … مقعمز نقلب في الفيس طلع قدامي بوست من دقيقتين هجوم على جامع ال && 😳 فتحت نشوف في التعلقات فيديو واحد رجله مضروبه برصاصه وناس تجري ولعت سيارتي وطلعت واتصلت بيها وانى في الطريق
افنان ….. قعدت لاهيه مع الصغار الناس جت تروح بصغارها والبنت يلي كان يبيها اتصل الشيخ بااقاربها روحوا بيها وبدي يفضى المكان شوية لكن الاء قاعده 😳 اوووف تلفوني وين اكيد ايوب يتصل
حور … ههههه بدينا
افنان … لا والله بس بنت اخته
حور … اهو صديق شكله سمع الو
صديق … انى برا اموركم تمام وله ؟؟ سألت وقالوا ماحد فيه شيء
حور … ايه تمام بس لين يروحوا الصغار ونطلعوا
صديق … تمام نستنى فيكم اهو حتى عمي امحمد يدور في افنان
حور … توا نقوللها
افنان … طلعت تلفوني لقيته يرن اها بابا الحمدلله مافيه شيء فرخ ايه لالا مادار شيء تمام توا نكلمها وصكرت بنتصل بماما رن ايوب ❤️ فتحت عليه الو
ايوب … 😣 تي حرام عليك ياافنان والله حرام عليك 💔 الف فكره جت في رأسي وين ماردتيش
افنان … ابتسمت ، خيرك قصدك سمعت
ايوب … انتِ والاء تمام ؟؟
افنان … ايه الحمدلله كلنا كويسين
ايوب … عقلي مره يقولي هكي صارتلها حاجه مره يقولي صارت لي الاء وماتبيش تقولي والله طلعتيني من عقلي
افنان … والله ماخطر في بالي التلفون الصغار خافوا قعدت لاهيه معاهم
ايوب … انى وصلت ، زحما قدام الجامع
افنان … ايه اكيد
ايوب … باهي نبي نشوفك كيف ؟
افنان ….. علاش ؟ مستحيل توا يخلوك تخش ح يطلعوها برا ليك ، واساسا بابا وعمي وولد عمي هنى 💔 مش حلوه في حقهم
ايوب … مانقدرش نطمن لين نشوفك بعيوني ناخد الاء. وبنستنى برا نشوفك حتى وانتِ طالعه
افنان …..🤤 اول مره نسمع كلام رومانسي في حياتي مانعرفش حتى شن انرد عليه 🤷🏻‍♀️ هذا اذا يعتبر من ضمن الكلام الرومانسي ، قتله ان شاءالله ،، شويه وطلعت انى وحور وبصراحة مابيتش نتلفت وندوره رقم واحد احترام لبابا يلي بنركب معاه واثنين عارفه روحي ست فضيحة وبنخلي الكل يركز عليا

~~~~~~~~~~~~~~~~~~~~~~~~~~~~

حمزه … كنت مقعمز وسرحان حاط. يدي مكان شدت يدها ونشوفلها
أوس … ها ياعميد ؟ شن مشت الامور تقول نوري يسلم روحه بعد التهديد
حمزه … كيف !!!!
أوس … نوري نوري يسلم روحه بعد وصلنا لبنته ؟؟
حمزه … ان شاء الله وكان لا المره الجاية نقوا التهديد
أوس … خيرك انتِ شكلك ابصر كيف ؟؟
حمزه … لالا الامور تمام ، ناخد دوش مصقع ونطلعوا نسهروا
أوس … تمام

~~~~~~~~~~~~~~~~~~~~~~~~~~~~~

افنان … والله مافهمت خش علينا بسلاحه وبكندرته على بساط الجامع 💔 يفنص يخوف
امحمد … لالا ماشاءالله عليك الكل يهدرز بيلي درتيه الصغار قالوا ماخلاتاش يقربنا
افنان … وحق ربي كنت ميته خوف ممكن اكثر منهم لكن في موقف انه انى يلي لازم نتصرف
اياد … كنت مقعمز في نفس الجنان بس بعيد عليهم شوية ،، عليت صوتي وهذه بلاد يقلولك اقعد فيها 🤷🏻‍♂️ يجيك فرخ مش مكمل حتى الاعدادي اجهل من كندرته يضربك برصاصه ولا كانه صارت حاجه
اعتدال …😒 وانت هذا يلي وجعك في الموضوع انه مش مكمل الاعدادي !!! حاضر توا نجيبوا برفسور يقتلك انت
فرج … اعتدال !!!!!
اعتدال …🤷🏻‍♀️ شن قلت ونضت خشيت سمعت امي وخالتي جميلة يحكوا في موضوع حور 😳
خشيت عليهم من جدكم يعنى رفضتوا انها تقعد معانا ؟؟ علاش ماهي طول عمرها متربيه معانه وزيها زينا !!!!! توا غرتوا على شيابينكم منها بجديات من حور ؟؟
نعيمة … تحشمي شن شيابينكم هذه !!
افنان … خشيت 😳 خيركم
اعتدال … تعالي ياافنان تعالي ياشيخة فهمي هضم الزوز
جميلة … هضم الزوز 🤨!!
افنان … خيركم ؟
اعتدال … مايبوش حور تقعد في حوش وحده منه لانها مش محرمه على رجلتهم ؟
افنان … قعمزت وسكتت
اعتدال … تكلمي !!
افنان … تنهدت شن تبي نقول ياافنان ؟؟ انه حلال لا صح محدش منهم محرم علها ولهذا من الاول ربي حرم الشيء هذا
اعتدال … يعنى احتمال بوك والا بوي والا حتى صديق بيشوفوا لحور بطريقة غلط !!
افنان … ماهو ربي مش ح يحط الشرع لكل واحد بروحه هذا يشوف وهذا لا ، بعدين بطبيعة البشر يلي فينا اي منهم ممكن يشوفلها على انها امراة غريبة ليه الحق يعجب بها ويقرب منها عكسنا حنى هذا فطره ربي خلقها فينا
اعتدال … توا طلعوا هم مش كويسين والا حور مش كويسه ؟
افنان … انتِ سألتي في الدين اسالي افنان نقولك انى واثقه في حور اكثر من ما واثقه في روحي لكن مانقدرش نلومهم ولا نقوللهم هذا غلط
اعتدال … كلكم جنيتوا كلكم وطلعت وخليتهم 😡
افنان … 💔 نضت خشيت للدار
دانية … كويس انه حور رعشت وقعدت في حوشهم اليوم كان سمعت الكلام هذا شن صار فيها
افنان … بكل ربي يفرج علها 💔 شفت تلفوني لقيت ايوب متصل درته صامت ورقدت ماعندي نية في شيء

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~~

صديق … خشيت للحوش درت نسكافي وقعمزت في الصالة نفكر 💔
اياد … فتحت الضي 😳 بسم الله شن ادير في الظلام
صديق … شىء
اياد … 😏 مهموم لانى قتلك اطلع من حوشي !
صديق … هزيت رأسي بملل همومي اكبر من شوية فلوس الفلوس هذا همك انت بس ومشيت وخليته

~~~~~~~~~~~~~~~~~~~~~~~~~~~~~~

#بعد_يومين

افنان … مشيت للجامع مع انه الناس قاعده خايفة من يلي صار
والصغار يلي يجوا شوية وانى بروحي قاعد فيه الخوف شوية شفت سيارة مظلمة سوده 🙄 زعما تبعهم امشي بسرعه ياافنان امشي 💔 كلام بابا صح مرات يحطني في رأسه وعلاش بيحطني في رأسه ☹️ هو كان يبى كان يومها ضربني كف وخش دار شن يبى ماعلينا 😍 هضاكه ايوب خيره واصل بكري مشيت للفصل
ايوب … واقف قدام الفصل 🤨 افنان شن صاير
افنان … بالشوية الصغار ، شن صاير ؟؟
ايوب … كلمتينى يومين بعدها حتى نتصل ماترديش والا تردي برسالة
افنان … مش شيء بس زي ماقتلك وضع عائلي ملخبط شوية
ايوب … افنان شوفي انتِ ممكن فكرتي انى بنفوت الوقت وقرارتي تنسحبي 🥺 تبي نجيب اهلي حاضر نجيبهم وقت ماتبي
افنان … والله ماوقتها الدوه هذه ولا مكانها نروح نتصل بيك تمام
ايوب … تمام الاء بنروح بيها لانه امها خايفه من بعد يلي صار بس انى جبتها حجه باش نشوفك

~~~~~~~~~~~~~~~~~~~~~~~~~~~~

صديق … مشيت نشوف في الشقة
عبد المهيمن … امورها تمام زي ماقلتلك ،، لكن نبي نهدرز معاك في حاجه ومتردد💔
صديق … احكي شن !!!
عبد المهيمن … بالنسبه لاختك 💔 قصدي الحق حتى الشيخ تكلم في الموضوع وهكي كيف يتقعدوا بروحكم
صديق … 😠 باهي انت صاحبي وعارف كل شيء نخلها البنت نلوحها شن تبوا ندير
عبد المهيمن … مش زمان خطبه منكم ولد …
صديق … بالله !! قول لوحها وخلاص نعطها للصرصري هذا يوم يخدم و10 لا
عبد المهيمن … معنها اقرا فاتحتها انت والا خوك
صديق … عيوني توسعوا 😳😳 كيف كيف ؟؟؟ شن تقول انت فاتحة من ، 😡كيف تقولي تزوج اختك
عبد المهيمن … مش اختك ياراجل افهم مش اختك 🙄
صديق … كيف حتى تقولها ودفيته بكل قوتي لين طاح
عبدالمهيمن … شد رأسه اهااااا

⭐️روايــــــــــــات صفـــــــــــــــاء⭐️

~~~~~~~~~~~~~~~~~~~~~~~~~~~~

افنان … روحوا اغلب الصغار شفت لقيت مارية قاعده ركبتها معاي للمصلى وبعد الصلاة سألتها ، مارية وين اهلك عطلوا اليوم
مارية …😣 من قبل نروح على رجليا مع الصغار 💔 لكن من بعد هضاكه اليوم معادش يبوني قالولي معادش تروحي معانه 😢 وبروحي خفت
افنان … يعنى اهلك بيجوك والا لا
مارية … لا
افنان … عليك قصة انتم قاعدين عند عيلة الحاج مفتاح وله
مارية … ايه هو خال امي
افنان … في خاطري اشبح من شن هاربين 🤔 ، تمام تعالي نوصلك مش بعيد هلبا عليا
مارية .… تمام
افنان … طلعنا مشينا شوية بصراحة كنت خايفة مع انه فيه ناس في الشارع بس مش هلبا اول مالفيت بنخش شارعهم 😳 سياره سوده كبيره صكرت قدامنه
مارية … اهاااا جونا جونا 😭😭
افنان …😰 لفيت بنرجع بسرعة سيارة كبيره ثانية رصاصية ومرشها مظلم صكرت علينا💔
أوس … اركبي بلا دوشة وصوت
افنان …😨💔

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى